الزيادة والمسؤل

[سبع الظلما]

بالعربي الفصيح الله يطول بعمر ابو مشعل ويا عسى ايامة كلها سعد لانة هو وجهة السعد
ثانياً :-----
بالنسبة للجهات اللي للحين ينطرون الزيادة وهي قلة ليش حارمين القطريين منها ليش التفرقة ليش ما تحسون فيهم بصراحة ملووو كل شي صار نار ونسمع بالزيادة ولا جاتهم الله يبارك لكل من جاتة الزيادة والله محد حاسدهم ، القطري يستاهل بس اللي ما جاتة وهو يعمل بالدولة مثل الجزيرة وسباير والمؤسسات الثمانية اللي مثل دريمة والشفلح وغيرهاااااا
وش ذنبهم ليش تحرمونهم ، والله ما ادري شقول بس الله يهونهاااا عليهم قسماً بالله مساكين ولا بيدهم شي الكل فرح وستانس الا هم وفوق كل هذاااا الدنيااا طارت وكل شي غالي وهم مكانك سر
السؤال هنااااا
وش ذنبهم محرومين من الزيادة ؟
جاوب يا المسؤول ؟

[بوحارب]

المسؤول ما راح يجاوبك لأنه راتبه كبير ومب محتاج حق الزيادة وعنده امتيازات نسته هالزيادة

لكن الموظف العادي هو المسكين اللي ماكلها وعسا الله يكون في عونه

[Amal_QTR]

لا حتى المسؤول يبي الزياده .. لان صار اللي نفس منصبه في شركه ثانيه ياخذ 60% اكثر ..
اي قطري من حقه
تعبنا واحنا ننطر و كل يوم نقول بكره
كان في مقابله مع سعاده الشيخ حمد بن جاسم و قال هالزياده مدروسه وهي توزيع الثروات على كل قطري و قطريه
يعني الكلام واضح و صريح .. بس هالمماطله مالها داعي و طيرت من قلوبنا الفرحه

[سبع الظلما]

اللي ما جاتهم الزيادة ينعدون علي اصابع اليد ليش حارمينهم والله هذا الظلم بعينة

[الدوحاتي]

واذا المسوول كان اجنبي وراتبه عاليه اكيد ماراح يسمع لك
بنك بروه رئيسه التنفيذي واللي تحته كلهم اجانب اكيد مايبون الخير للقطريين

[OM_OMAR_QATAR]

الله يكتبها للجميع ويبارك فيها لنا ان شاء الله ..

[Carbon911]

بالعربي الفصيح الله يطول بعمر ابو مشعل ويا عسى ايامة كلها سعد لانة هو وجهة السعد
ثانياً :-----
بالنسبة للجهات اللي للحين ينطرون الزيادة وهي قلة ليش حارمين القطريين منها ليش التفرقة ليش ما تحسون فيهم بصراحة ملووو كل شي صار نار ونسمع بالزيادة ولا جاتهم الله يبارك لكل من جاتة الزيادة والله محد حاسدهم ، القطري يستاهل بس اللي ما جاتة وهو يعمل بالدولة مثل الجزيرة وسباير والمؤسسات الثمانية اللي مثل دريمة والشفلح وغيرهاااااا
وش ذنبهم ليش تحرمونهم ، والله ما ادري شقول بس الله يهونهاااا عليهم قسماً بالله مساكين ولا بيدهم شي الكل فرح وستانس الا هم وفوق كل هذاااا الدنيااا طارت وكل شي غالي وهم مكانك سر
السؤال هنااااا
وش ذنبهم محرومين من الزيادة ؟
جاوب يا المسؤول ؟

صادق والله صج قهر .. وبخصوص المؤسسات الــ8 الشفلح لذوى الاحتياجات ودريمة والاستشارات العائلية انا سمعت انهم قالوا في زيادة لهم وفجأة الكل سكت عن الموضوع !!!! الله يعين كل شي طار فوق واحنا لين الحين والله يعين موظفين اسباير وقناة الجزيرة وغيرها

[Carbon911]

والمفروض يزيدون الكل وكل قطر وقطرية وقالها وزير الخارجية هذا نوع من توزيع الثروة ؟ لاكن في بعض الاماكن مالك ملبي وهذا يخلي عزوف عن بعض المؤسسات غير الحسد اللي بيصر في بعض الفئات

[الدوحاتي]

اللهم لا سهل الا ماجعلته سهلا ..
سهل امورنا يارب..

[مستجدة]

حتى أهل الشؤون الارامل والعجزه وكبار السن احق ناس واحوج ناس ماجاتهم هالزياده

اذا احق فئات المجتمع الممثله بالموؤسسات الثمان وأهل الشؤون ماجاتهم الزياده عزه الله انه الفرحه ناقصه
وانه هالمسؤولين اخذوا ذنب هالفقارى .

[مساهم2006]

اي والله بالنسبة للمؤسسات الثمان قالوا أنه هالشهر فيه زيادة وان تفاجأ بالموارد البشرية يقولون ما فيه شي رسمي لي متى ؟؟؟؟


نبي نفرح مثل الجميع !!!!


الله المستعان ياااااااارب

[أسياد]

تم أمس اتخاذ القرار بعدم زيادة موظفي الجزيرة القطريين حسبي الله ونعم الوكيل.

[خور العديد1]

حتى احنا موظفين اسباير ناطرين الزياده على احر من الجمر

الحين بنكمل 3 شهور على زيادة الدوله وماجانا شي

[الدوحاتي]

واحنا بعد في بنك بروه ننطر الفرج من الله

اللهم لا سهل الا ماجعلته سهل

يارب تسهل امورنا وامور اخوانا القطريين في باقي القطاعات وتيسر امورنا

اللهم امييين