اراضي شرق الخيسه

[انا 84]

عندي استفسار بخصوص منطقه روضه الحمام لمتى بتظل المنطقه برر. الناس قاعده تبني والمنطقه غير صالحه للسكن. حتى شوارع ما في. لو الواحد بنى بيته شكثر بينطر لين ما تعدل المنطقه وملينا من الانتظار وما في حد يبي يبدل شنو الحل ؟؟؟؟

[انا 84]

ما حد عنده حل ؟؟؟؟؟؟؟

[ولد العرب]

هلا اخوي انا ابني بروضة الحمامة وفية شركة اسمها اسوان شغالين من سنة واكثر في البنى التحتية ماشاء الله شغل سريع والصبر زين والمنطقة حلوة فلازم توسع بالك وتبني على الراحة والمور طيبة عسى الله يوفقك

[انا 84]

مشكور يا ولد العرب على ردك. وهذا احنا صابرين . صار لي ٦ سنين من استلمت ملكيه الارض ولا قادر ابني لان للحين المنطقه بر . وانت الحين لو خلص بيتك هل بتسكن ولا بتنتظر لين ما تكتمل المشاريع ؟؟ والله ييسر لك انشاءالله .*

[ولد العرب]

هلا اخوي شف انت متى اخر مرة رحت روضة الحمامة؟
وشف شكثر اللي بنوا عسى الله يبارك فيهم
وانت هالايام حاول انك تجهز الخرايط وتشوف المقاول يبني لك وصدقني بياخذ البنيان والشغل اكثر من سنة وطبعا بأذن الواحد الاحد بيكون الشارع عندك والحكومة عينها على الروضة لانها عبارة عن 4000منزل فلابد انها تهتم فيها
وبالنسبة لسؤالك اني بسكن نعم وحاليا خلصت العظم
واقولك ياجاري العزيز ابداء بالشغل ولا راح تندم

[almaf1a]

سؤال للاخوان الي يبنون في روضة الحمام
هل المدخل للمنطقة راح يكون فقط من جهة الغرب (خط الشمال)
او هناك شارع راح يكون ممتد من دوار محطة وقود الجديدة الى المنطقة؟

[ولد العرب]

سؤال للاخوان الي يبنون في روضة الحمام
هل المدخل للمنطقة راح يكون فقط من جهة الغرب (خط الشمال)
او هناك شارع راح يكون ممتد من دوار محطة وقود الجديدة الى المنطقة؟

انا شفت الخريطة لروضة الحمامة في بلدية الظعاين اذا ماخانتني الذاكرة مدخل من طريق الخور الساحلي ومدخل من الجنوب الخيسة القديمة اما من الغرب مانتبهت له
اخوي الخريطة لروضة الحمام موجودة بالانترنت سو بحث وشفها

[تاجر]

صورة من مخطط روضة الحمام .. اتمنى تكون واضحه

http://store2.up-00.com/Nov11/f0485362.bmp (http://www.up-00.com/)

[فتى الجود]

السلام عليكم

طول بالك والصبر زين وانا اخوك

ولاتنسى ان البنايان فقط افتحو للناس ا في : شهر 4 /2010

حتى لو انك مستلم سند الملكية من 6 سنوات

وبالنسبة لسؤالك عن المدخل بيكون من خط الشمال ( الجهة الغربية )

من عند محطة وقود الجديده بالوسيل ( لازالت قيد الانشاء ) وبتخلص قريب

وبيكون الجسر اللى بعدها هو اللى بيخدم المنطقة

اذا ماخاب ظنى




وبعد اذن أخوى / تــاجــر




http://www12.0zz0.com/2011/11/20/23/346285074.jpg (http://www.0zz0.com)

[Engineer CA]

هل اسوان مسئوله عن تعديل الارض والدفان بس؟

ولا راح يكملون الشوارع ويسونها؟

صراحه مفروض البلديه اضعف الايمان تسوي مدخل قار للمنطقه من صوب الخيسه او طريق الشمال عن جسر ام صلال؟

[almaf1a]

الف شكر للي زودونا بالمعلومات

[احساس شايب]

اخوي فتى الجود رخصة البناء اسمحوا فيها من 2009 وانا من الناس الي ابتدوا في البنيان اخر 2009 خلصت العظم من زمان وشطبت ووقفت على الفنشنق بسبت المنطقة غير مؤهله للسكن فوقفت ..
سند الملكية موجود من 2006 يعني مخططه وجاهزة بس بقى التنفيذ ..
اما عن الشركة والمقاول فحدث ولا حرج شغل بطىء مواترنا تكسرت والتربغان ذبحنا والتراب فكل مكان على الاقل يسوون شارع مؤقت كثير من البيوت جاهزة وموصلين لها الكهربا ولكن محد سكنها للحين بسبب عدم توفر شارع .
الشركة شدت حيلها بالضبط من شهر ابريل 2010 وقبل كذا نايمة بالعسل ..
اي صبر بعد نصبره مل الصبر منا من 2006 عندي ارض ، ومن 2010 بيتي جاهز وللحين ماسكنت ..
نبي على الاقل شارع مؤقت علشان الواحد يسكن :(

[فتى الجود]

اخوي فتى الجود رخصة البناء اسمحوا فيها من 2009 وانا من الناس الي ابتدوا في البنيان اخر 2009 خلصت العظم من زمان وشطبت ووقفت على الفنشنق بسبت المنطقة غير مؤهله للسكن فوقفت ..
سند الملكية موجود من 2006 يعني مخططه وجاهزة بس بقى التنفيذ ..
اما عن الشركة والمقاول فحدث ولا حرج شغل بطىء مواترنا تكسرت والتربغان ذبحنا والتراب فكل مكان على الاقل يسوون شارع مؤقت كثير من البيوت جاهزة وموصلين لها الكهربا ولكن محد سكنها للحين بسبب عدم توفر شارع .
الشركة شدت حيلها بالضبط من شهر ابريل 2010 وقبل كذا نايمة بالعسل ..
اي صبر بعد نصبره مل الصبر منا من 2006 عندي ارض ، ومن 2010 بيتي جاهز وللحين ماسكنت ..
نبي على الاقل شارع مؤقت علشان الواحد يسكن :(


السلام عليكم - مشاء الله

ومنزلٌ مبارك اخوى

و صحيح لازم على الاقل شارع واحد عدل يوصل للمنطقة

الله يعينك على التأخير

وانا لما قلت ان البنايان افتحوا شهر 4 / 2010

لانى كنت اراجع على رخصة اتمام البناء فشفت الناس تراجع ومادرى انهم كانوا فاتحينه من قبل !!!

الصراحة نقطة سوداء تحتسب على بلدية الظاعين

على هالتأخير

[بوحارب]

واحد من ربعي بنا هناك والحين مخلص وقاعد فالتشطيب الأخير من صبغ وديكور

والصراحة المنطقة للحين مب صالحه للسكن الله يعينكم

بس الخير جايكم صبروا شوي وموفقين جميعا :)

[انا 84]

:nice:: ::nice::nice:
اخوي فتى الجود
رخصة البناء اسمحوا فيها من 2009 وانا من الناس الي ابتدوا في البنيان اخر 2009 خلصت العظم من زمان وشطبت ووقفت على الفنشنق بسبت المنطقة غير مؤهله للسكن فوقفت ..
سند الملكية موجود من 2006 يعني مخططه وجاهزة بس بقى التنفيذ ..
اما عن الشركة والمقاول فحدث ولا حرج شغل بطىء مواترنا تكسرت والتربغان ذبحنا والتراب فكل مكان على الاقل يسوون شارع مؤقت كثير من البيوت جاهزة وموصلين لها الكهربا ولكن محد سكنها للحين بسبب عدم توفر شارع .
الشركة شدت حيلها بالضبط من شهر ابريل 2010 وقبل كذا نايمة بالعسل ..
اي صبر بعد نصبره مل الصبر منا من 2006 عندي ارض ، ومن 2010 بيتي جاهز وللحين ماسكنت ..
نبي على الاقل شارع مؤقت علشان الواحد يسكن :(