المساعد الشخصي الرقمي

مشاهدة النسخة كاملة : ماهي افضل وجهه للسفر .. وحيداً ؟!!


همر
16-11-2011, 10:27 AM
السلام عليكم

من منكم سافر بروحه سفره بعيده للسياحه؟

جرت العاده الواحد يسافر مع هله او مع ربعه.. اما بروحه.. احسها ملل.. ولكن مجبر اخاك لابطل..

بحثت في النت ولقيت مواضيع تتكلم عن Solo Travelling او السفر الانفرادي ويقولك انك ممكن تستمتع باماكن ونشاطات مختلفه بروحك في بانكوك وسنغافوره ولندن وباريس وامستردام واستراليا وامريكا و و و .. وجهات كثيره..

بس ماسوينا شي.. واذا بغيت تحيّره.. خيّره..

بس انتوا وش اخترتوا ؟!!
زهرةالسوسن
16-11-2011, 10:49 AM
(( الراكب شيطان والراكبان شيطانان والثلاثة ركب)) . [ رواه مالك والترمذي وأبو داود والنسائي

وصححه الألباني]



قال الخطابي (رحمه الله) في معنى الحديث :


(( معناه أن التفرد والذهاب وحده في الأرض من فعل الشيطان ، وهو شيء يحمله عليه الشيطان

ويدعوه إليه ، وكذلك الاثنان ، فإذا صاروا ثلاثة فهو ركب أي جماعة وصحب قال : والمنفرد في السفر إن

مات لم يكن بحضرته من يقوم بغسله ودفنه وتجهيزه ، ولا عنده من يوصي إليه في ماله ويحمل تركته

إلى أهله ويورد خبره إليهم ، ولا معه في سفره من يعينه على الحمولة ، فإذا كانوا ثلاثة تعاونوا وتناوبوا

المهنة والحراسة وصلوا الجماعة وأحرزوا الحظ فيها انتهى .)) [ عون المعبود]
بو الجوري
16-11-2011, 11:14 AM
أنا أحب أسافر بروحي :.. أو أروح مطعـم بروحي :..

لكـن سفرات بعيده ماقد سافرت بروحي :..

مره تميت بروحي 5 أيام لأن الربع رجـعو قبلي :..
بس ماعليك الأمور تمام :)

أما البحرين و السعوديه ياما سافرت بروحي :..

و فالسفـر الجمعـه حلوه ، لكـن لو بروحك أكيد بتتعرف على شباب ولا راح تزهق :..
لا تحاتي :.. :)

Enjoy
Rider
16-11-2011, 12:27 PM
احلى سفره وبروحي حق مكة
طموحة
16-11-2011, 12:31 PM
ماقد سافرت بروحي

خاطري بمكة الله يكتب لنا الروحه قريب
A.L.I
16-11-2011, 12:33 PM
بروحي عسى ماشر
آلنـجــلآ
16-11-2011, 01:23 PM
الولد يقول لكم انه مجبور يسافر بروحه

والله انكم -_-

انزين دامك مجبور خلاص روح بعد شتسوي اذا استانست كان بها اذا ماستانست بتكون تجربه تتعلم منها :/

لان ماراح تفرق نوع البلد ..
وطن
16-11-2011, 01:25 PM
العادة لندن :)

بس جوي ريلاكسيشن مو كله طلعات
تحداني
18-11-2011, 08:16 PM
السفر ابروحك حلو وايد .. بس الواحد يخاف
لا سمح الله صار لك شي ودك ابشي تبي اتسولف .. تبي تضحك
تبي اتصارخ .. كله ابروحك ..


ما عندي تجارب سابقه .. بس خلونا انتابع

جملك الله برضاه
QtriHero
18-11-2011, 10:58 PM
:dance:danceحـزاات الانسـان محتــاج للخلــوه مع ذاتــه..

وعندك الخيارات متنووعه ...

من رحلات السفاري - المغامراات - الاستجمــام

انا لمـا اسافــر بروحي افضل الاستجمــام :cool:

تحياااتي
qatara
18-11-2011, 11:08 PM
العمره
فــهــ قطر ــد
20-11-2011, 10:52 AM
مكة - الإمارات "
شيخ القبيلة
20-11-2011, 01:10 PM
أخوي هذا يعتمد على شخصيتك وانت من خلال كلامك ماتحب الوحدة واذا سافرت بروحك يمكن تتملل لكن في ناس وايد يحبون السفر بروحهم ومتعودين بل بالعكس يتمتعون بالسفر بروحهم حاول تسافر مع واحد من ربعك على الاقل .
Not Me
20-11-2011, 01:20 PM
روح ميامي في ولاية فلوريدا في امريكا وما راح تندم
قطري فلته
20-11-2011, 01:47 PM
همر انا ناوي اروح سان بولو شهر الجاي

اذا حاب تروح وياي حياك

اخوك
قطري فلته
لابس بشت
20-11-2011, 02:06 PM
الجنه بلا ناس ماتنداس على قولتهم

شوف لك خوي وتوكل على الله

الا باسالك شلون رايح سياحه ومجبر فهمني ههههههه
أحمـد
20-11-2011, 02:06 PM
احسن مكان مكة وانت تعتمر
واذا ما تبي تعتمر روح استجمام دلع نفسك
واذا ما تبي استجمام روح رحله سفاري فإستراليا او ماليزيا
وانت وشخصيتك تقدر تقعد بروحك ولا لا

واذا ما تقدر كلمني

وبجي معاك:happy:
همر
21-11-2011, 11:52 AM
(( الراكب شيطان والراكبان شيطانان والثلاثة ركب)) . [ رواه مالك والترمذي وأبو داود والنسائي

وصححه الألباني]



قال الخطابي (رحمه الله) في معنى الحديث :


(( معناه أن التفرد والذهاب وحده في الأرض من فعل الشيطان ، وهو شيء يحمله عليه الشيطان

ويدعوه إليه ، وكذلك الاثنان ، فإذا صاروا ثلاثة فهو ركب أي جماعة وصحب قال : والمنفرد في السفر إن

مات لم يكن بحضرته من يقوم بغسله ودفنه وتجهيزه ، ولا عنده من يوصي إليه في ماله ويحمل تركته

إلى أهله ويورد خبره إليهم ، ولا معه في سفره من يعينه على الحمولة ، فإذا كانوا ثلاثة تعاونوا وتناوبوا

المهنة والحراسة وصلوا الجماعة وأحرزوا الحظ فيها انتهى .)) [ عون المعبود]


الله يجزاك خير..




أنا أحب أسافر بروحي :.. أو أروح مطعـم بروحي :..

لكـن سفرات بعيده ماقد سافرت بروحي :..

مره تميت بروحي 5 أيام لأن الربع رجـعو قبلي :..
بس ماعليك الأمور تمام :)

أما البحرين و السعوديه ياما سافرت بروحي :..

و فالسفـر الجمعـه حلوه ، لكـن لو بروحك أكيد بتتعرف على شباب ولا راح تزهق :..
لا تحاتي :.. :)

Enjoy



السعوديه والبحرين والامارات مقدور عليهم .. ودايما اقبض الخط بروحي.. لاني احب السواقه.. عاد نبي نغير.. قلت اشوف حد جرب يسافر مكان بعيد ومازهق؟




احلى سفره وبروحي حق مكة


الله يكتب لنا زيارتها قريب ان شاء الله...



ماقد سافرت بروحي

خاطري بمكة الله يكتب لنا الروحه قريب

اجمعين..


بروحي عسى ماشر

:secret:


الولد يقول لكم انه مجبور يسافر بروحه

والله انكم -_-

انزين دامك مجبور خلاص روح بعد شتسوي اذا استانست كان بها اذا ماستانست بتكون تجربه تتعلم منها :/

لان ماراح تفرق نوع البلد ..


يعني .. في بلدان فيها نشاطات سياحيه وترفيهيه .. وفي بلدان ملل والناس تسافر طالعني واطالعك !!



العادة لندن :)

بس جوي ريلاكسيشن مو كله طلعات


الله يهداج .. اي ريلاكسيشن في هالبرد !!

ابي مكان جوه جميل :)

باذن الله بسافر شهر 12 .. والدنيا هناك برد .. يعني يامحبوس في الفندق بسبة الثلج يا تلبس برانيص وتطلع تدور كأنك من الاسكيمو..




السفر ابروحك حلو وايد .. بس الواحد يخاف
لا سمح الله صار لك شي ودك ابشي تبي اتسولف .. تبي تضحك
تبي اتصارخ .. كله ابروحك ..


ما عندي تجارب سابقه .. بس خلونا انتابع

جملك الله برضاه


ترى الواحد يسافر بروحه عشان يقعد مع روحه ويسولف معاها ويتعرف عليها اكثر فاكثر ويصارخ وياخذ راحته لان روحه ماراح تغثه ولا راح تهده وتروح مكان ثاني مثلا :eek5:..

جربتها .. مش مجنون .. بس تجربه تركلس..



:dance:danceحـزاات الانسـان محتــاج للخلــوه مع ذاتــه..

وعندك الخيارات متنووعه ...

من رحلات السفاري - المغامراات - الاستجمــام

انا لمـا اسافــر بروحي افضل الاستجمــام :cool:

تحياااتي


استجمام وين ؟!!

هني القمنده .. شهر 12 الدنيا برد..



العمره

امين


مكة - الإمارات "

مكه .. امين .. الامارات.. عندي كورس الشهر الجاي :victory:



أخوي هذا يعتمد على شخصيتك وانت من خلال كلامك ماتحب الوحدة واذا سافرت بروحك يمكن تتملل لكن في ناس وايد يحبون السفر بروحهم ومتعودين بل بالعكس يتمتعون بالسفر بروحهم حاول تسافر مع واحد من ربعك على الاقل .


انا متعود اسافر بروحي .. بس قريب .. يعني بالسياره .. ماحس بالوحده صراحه .. بس اتكلم عن سفرات بالطياره .. بو 7 ساعات .. وبعدين تقعد في ديره ماتعرف فيها احد 10 ايام .. تدور بروحك .. مادري شلون .. احسها فكره عبيطه..

والشباب الله يهداهم يذلونك .. اللي يبي المكان الفلاني .. اللي يبي المكان العلاني .. اللي يقولك سفرني على حسابك .. نادر ماتلاقي واحد يقولك قداااام.. وصامل..



روح ميامي في ولاية فلوريدا في امريكا وما راح تندم


يا سلاااام .. ميامي.. تصدق اني عشت 6 سنين في امريكا ما شفت هالميامي ؟!! :weeping:

انا ماشفت امريكا .. كان ودي اخذ سياره وانطلق .. من نيويورك لي شلالات نياغرا لي ميامي لي مونتانا (اللي مافيها حدود للسرعه :omg:) لي لاس فيجاس لي لوس انجلوس.. بس كروزينج مابي شي.. بس الله يرحم .. ايام الدراسه والفقر .. :weeping:

الحمدلله على كل حال..

لولا العقد في المطارات والفيزا اللي ماتطلع الا بطلوع الروح كان سويتها..



همر انا ناوي اروح سان بولو شهر الجاي

اذا حاب تروح وياي حياك

اخوك
قطري فلته


وين سان باولو؟!! لايكون في البرازيل ؟!! بعيييييييييييد :weeping: ..



الجنه بلا ناس ماتنداس على قولتهم

شوف لك خوي وتوكل على الله

الا باسالك شلون رايح سياحه ومجبر فهمني ههههههه


يعني عندي اجازه وزهقت من الدوحه وكان عندي التزامات وبنيان وخاطري اسافر مثل هالعالم اللي كل سنه يسافرون وانا ادور من مقاول لي مقاول ومن محل لي محل .. ومالقيت حد يسافر معاي.. والاجازه لازم اخذها .. ومافي امل اقعد في الدوحه.. ودول الخليج حفظتها شبر شبر.. بيت بيت .. دار دار.. زنقه زنقه .. :weeping:



احسن مكان مكة وانت تعتمر
واذا ما تبي تعتمر روح استجمام دلع نفسك
واذا ما تبي استجمام روح رحله سفاري فإستراليا او ماليزيا
وانت وشخصيتك تقدر تقعد بروحك ولا لا

واذا ما تقدر كلمني

وبجي معاك:happy:


ماليزيا رحت لها من 6 سنين مع الاهل .. باقو بوكي وجوالاتي ورجعت حافي منتف ماعندي فلوس اشتري وجبه حق ولدي في المطار.. شريت له سندويش وماي.. كسر خاطري.. وكسرت خاطر نفسي.. وكرهت البلاد بكبرها من ذاك اليوم.. :weeping:

استراليا من الوجهات المفضله يقولون .. بس شلون الفيزا؟ مثل امريكا عقد ولا سهالات؟ وكم ساعه بالطياره؟ لايكون مليون؟
غايه الطواش
21-11-2011, 12:45 PM
روح المالديف
استجمام مابعده استجمام والفندق فيه اكتفيتيز حللوه
سكوبا دايفينغ, جست كي , مساج , تور ,صيد سمج,برايفت سومينغ بوول
al-buainain
22-11-2011, 07:46 AM
استراليا
بوالبيض
22-11-2011, 09:21 AM
كل مكان حلو بس افضل احد يروح معاك لان بتحس بملل اكيد شنو طول الفتره قاعد بنفسك
ملل من قلب حتي لو في اماكن ترفيهيه احنا نسافر معي الربع وملل ما بالك بنفسك ..
الله يوفقك
بوسعود911
22-11-2011, 01:41 PM
بروحي قمة في الملل
آلنـجــلآ
23-11-2011, 02:08 PM
ههههههههههههههههههههههههههههههههههههههه والله ضحكتني ردودك يا همر

يا أيها المطرقه
ريتويت
23-11-2011, 02:11 PM
newyork
مخطط قطري
23-11-2011, 09:52 PM
حصلت معاي مرتين وكلها اظطرارية وحده ممتعه ووناسه والثانيه لا والله ملل
الاولى الي كانت وناسه كانت مملكه البحرين وسيارتي عندي واستانست وتمشيت واكتشفت مناطق جديده وتسوقت ومده الرحله 3 ايام فقط وحتى وانا مسافر وراجع على الخط كنت مستانس لانه السياره يديده واجربها على الخط هذي السفره الاولى في حياتي بروحي على كثر سفراتي
الثانيه كانت في اوروبا وبالتحديد جنيف10 ايام مهمه رسمية
بلغت فيها قبل السفره ب4 ليالي وزين انه عندي الشنغن صالحة وهبابني خلصت اموري وشريت الملابس وسافرت وكانت في شهر اكتوبر
مرت على هال 10 ايام كانها 10 شهور مع اني زاير جنيف 3 مرات قبلها بس هالسفره كرهت جنيف
فسبحان الله يعني مب شرط اذا سافرت بروحك بتملل ماتدري حزات تكون سعيد ومحتاج رحله خاصه بروحك
وحزات بتقعد بروحك وتنشد قصيده خالد الفيصل مالي انيس الا النجوم:(
بس انجيت للصج وانا اخوك مافي احلا من السفرات الجماعيه سواء مع ربعك واصدقاءك القريبين منك الي ينشد بهم الظهر ويشدون بك الظهر
ولا مع اهلك وجماعتك توسع خاطرك وتوسع خاطرهم وتغير جو وتمشى وتستكشف المناطق وتسولف وياهم ويسلفون معاك وتشاورهم في الامور الي تعلق بالسفر
وترا الحياه الاجتماعيه حلوه في اغلب الاحيان
تحداني
23-11-2011, 11:15 PM
ترى الواحد يسافر بروحه عشان يقعد مع روحه ويسولف معاها ويتعرف عليها اكثر فاكثر ويصارخ وياخذ راحته لان روحه ماراح تغثه ولا راح تهده وتروح مكان ثاني مثلا ..

جربتها .. مش مجنون .. بس تجربه تركلس..

.................................................. ...................

اسملى عليك من الجنون .. بس انا قلت يمكن تزهق من نفسك
وتوصل لمرحله اتقول لنفسك لاعت جبدي منك .. اما لو انت شايف راح اتكون رحله سعيده
روح اي بلده المهم اتكون فيها ابروحك ما تفرق


جملك الله برضاه
وحيد-الشوق
24-11-2011, 12:06 AM
انا هالسنة في شهر 3 سافرت بروحي المانيا ورحت هولندا وبلجيكا رفيجي كنسل روحته معاي بسبب ظروف وانا قلت بحثلها ههه كانت اول تجربه سفر وحيدا والكل كان مستغرب مني ربعي واخواني وامي وكنت اعرف المنطقه الي بنزل فيها في المانيا عدل وطبعا في شخص ثقه وامين هناك هو كان معاي اغلب الاوقات من استقبال ومغادرة وتوصيل

عندك المالديف مايبيلها شيء بس عن نفسي ما احبها جزيرة وبحر فقط !!

فكره ان الواحد يسافر بروحه حلوة ومب حلوة في نفس الوقت الحياة تجارب بس اني اروح بلاد ما اعرف فيها حد ولاحتى شخص امين يرتب لي بعض الامور صعب جدا اسويها
cavok
24-11-2011, 08:08 AM
انا اقترح مدينة سيبو الفلبينية
همر
24-11-2011, 09:41 AM
روح المالديف
استجمام مابعده استجمام والفندق فيه اكتفيتيز حللوه
سكوبا دايفينغ, جست كي , مساج , تور ,صيد سمج,برايفت سومينغ بوول


المالديف مال معاريس يارجال.. المدام تقولي ذاك اليوم نروح المالديف قلت لها شله؟ معاريس مب شايفين خير بنتم مجابلين بعض 24 ساعه !!



استراليا


يبيلها عزم..



كل مكان حلو بس افضل احد يروح معاك لان بتحس بملل اكيد شنو طول الفتره قاعد بنفسك
ملل من قلب حتي لو في اماكن ترفيهيه احنا نسافر معي الربع وملل ما بالك بنفسك ..
الله يوفقك


يمكن واحد يستن معاي ماتدري..



بروحي قمة في الملل


يعني اذا محد بيسافر وياك تقضي اجازتك في ربوع الدوحه المرحه؟



ههههههههههههههههههههههههههههههههههههههه والله ضحكتني ردودك يا همر

يا أيها المطرقه


همر اصلا مش مطرقه .. المفروض انه اللون red بس نسيت حرف الألف.. :tease:




newyork


ودي .. بس بعيد .. والفيزا عقد .. واخاف يسجنوني صراحه لاني طلعت شرده من امريكا بعد سبتمبر 11..





حصلت معاي مرتين وكلها اظطرارية وحده ممتعه ووناسه والثانيه لا والله ملل
الاولى الي كانت وناسه كانت مملكه البحرين وسيارتي عندي واستانست وتمشيت واكتشفت مناطق جديده وتسوقت ومده الرحله 3 ايام فقط وحتى وانا مسافر وراجع على الخط كنت مستانس لانه السياره يديده واجربها على الخط هذي السفره الاولى في حياتي بروحي على كثر سفراتي
الثانيه كانت في اوروبا وبالتحديد جنيف10 ايام مهمه رسمية
بلغت فيها قبل السفره ب4 ليالي وزين انه عندي الشنغن صالحة وهبابني خلصت اموري وشريت الملابس وسافرت وكانت في شهر اكتوبر
مرت على هال 10 ايام كانها 10 شهور مع اني زاير جنيف 3 مرات قبلها بس هالسفره كرهت جنيف
فسبحان الله يعني مب شرط اذا سافرت بروحك بتملل ماتدري حزات تكون سعيد ومحتاج رحله خاصه بروحك
وحزات بتقعد بروحك وتنشد قصيده خالد الفيصل مالي انيس الا النجوم:(
بس انجيت للصج وانا اخوك مافي احلا من السفرات الجماعيه سواء مع ربعك واصدقاءك القريبين منك الي ينشد بهم الظهر ويشدون بك الظهر
ولا مع اهلك وجماعتك توسع خاطرك وتوسع خاطرهم وتغير جو وتمشى وتستكشف المناطق وتسولف وياهم ويسلفون معاك وتشاورهم في الامور الي تعلق بالسفر
وترا الحياه الاجتماعيه حلوه في اغلب الاحيان


سفرات البر غيييييييييييير .. وناسه مابعدها وناسه .. لدرجة ان خاطري اسافر البحرين والامارات على دراجه :nice: .. بس انسى تقعد فيهم 10 ايام لانه ملل ..

اما جنيف .. ياخي في دول انا ما ابلعها مادري ليش.. مع اني مازرتها.. مكان بارد وناس بارده جو يجيب لي الكآبه .. اذا مع الاهل في الصيف يمكن..






ترى الواحد يسافر بروحه عشان يقعد مع روحه ويسولف معاها ويتعرف عليها اكثر فاكثر ويصارخ وياخذ راحته لان روحه ماراح تغثه ولا راح تهده وتروح مكان ثاني مثلا ..

جربتها .. مش مجنون .. بس تجربه تركلس..

.................................................. ...................

اسملى عليك من الجنون .. بس انا قلت يمكن تزهق من نفسك
وتوصل لمرحله اتقول لنفسك لاعت جبدي منك .. اما لو انت شايف راح اتكون رحله سعيده
روح اي بلده المهم اتكون فيها ابروحك ما تفرق


جملك الله برضاه


تهقى .. يعني اروح القرن الافريقي مثلا .. :weeping:



انا هالسنة في شهر 3 سافرت بروحي المانيا ورحت هولندا وبلجيكا رفيجي كنسل روحته معاي بسبب ظروف وانا قلت بحثلها ههه كانت اول تجربه سفر وحيدا والكل كان مستغرب مني ربعي واخواني وامي وكنت اعرف المنطقه الي بنزل فيها في المانيا عدل وطبعا في شخص ثقه وامين هناك هو كان معاي اغلب الاوقات من استقبال ومغادرة وتوصيل

عندك المالديف مايبيلها شيء بس عن نفسي ما احبها جزيرة وبحر فقط !!

فكره ان الواحد يسافر بروحه حلوة ومب حلوة في نفس الوقت الحياة تجارب بس اني اروح بلاد ما اعرف فيها حد ولاحتى شخص امين يرتب لي بعض الامور صعب جدا اسويها

هذي الخرعه .. مكان ماتعرف فيه احد.. اذا ماكان في حد يقولك من اين تؤكل الكتف في هالبلد.. بتاكل هوا :secret:




انا اقترح مدينة سيبو الفلبينية


شسالفه .. سويت لها جوجل.. ماشوف الا صور ناس يتسلقون عمود !! :eek5:
كازانوفا
24-11-2011, 10:09 AM
حيرتناااا معاك يا همررررررررررر
اقعد واقضي الشتاء بشوارع الدوحه وضواحيهاااا وخذلك اسبوع بفندق من غير ما حد يعرف من اصحابك عاد كيف ؟؟ الله اعلم صرف نفسك
آلنـجــلآ
24-11-2011, 12:25 PM
شرايك تقول لنا ليش شردت وشلون شردت ومن ساعدك في الشرده

<<< مولوده في امريكا واشتغل Secret agent في قطر
همر
24-11-2011, 01:41 PM
حيرتناااا معاك يا همررررررررررر
اقعد واقضي الشتاء بشوارع الدوحه وضواحيهاااا وخذلك اسبوع بفندق من غير ما حد يعرف من اصحابك عاد كيف ؟؟ الله اعلم صرف نفسك



لا خلاص ان شاء الله فرجت .. قاعدين نرتب حق سفره.. بس مب قايل وين لين ارجع :tease: المنتدى لوه وداااااااااااان ...



شرايك تقول لنا ليش شردت وشلون شردت ومن ساعدك في الشرده

<<< مولوده في امريكا واشتغل Secret agent في قطر


زين ممكن الله يخليج تشيكين على اسمي في الداتابيس مال السي اي ايه والاف بي اي والاي ار سي ايه وتتأكدين ان اخوج المواطن القطري مش مطلوب لاي دكان ولا سوبرماركت؟ :shy:
بـومحمد
24-11-2011, 06:48 PM
جزر المالديف
لطآم
30-11-2011, 02:42 AM
عن نفسي انا رحت لأمريكا
ولأول مره بحياتي اروح لها وبروحي
وتميت 3 شهور بالضبط 90 يوم
والحمدلله كسبت لغه واستانست
واعتمدت على نفسي بأشياء واجد ماتتخيلها
والحين ناوي بعد بكره اروح لسلفاكيا بروحي بعد
بس هالمره شهر بس والله يسهل ان شاءلله
انصحك بأمريكا شعب طيب ومحترم ومافيهم عنصريه للعرب
مثل لندن وباقي الدول الاوروبيه
كازانوفا
30-11-2011, 08:47 AM
لا خلاص ان شاء الله فرجت .. قاعدين نرتب حق سفره.. بس مب قايل وين لين ارجع :tease: المنتدى لوه وداااااااااااان ...





زين ممكن الله يخليج تشيكين على اسمي في الداتابيس مال السي اي ايه والاف بي اي والاي ار سي ايه وتتأكدين ان اخوج المواطن القطري مش مطلوب لاي دكان ولا سوبرماركت؟ :shy:




اكيد مطلوب لمطعم هندي لان وقت ما صارت الضربه للابراج انت كنت تتغدا بهالمطعم وهربت وما دفعت فاتورتك هههههههههه

تروح وترجع بالسلامه

قال المنتدى له ودان قاااال انت خليت شي عنه ما حكيتووووو:sneaky:
حمد بن خالد
01-12-2011, 09:08 AM
دامك اخترت الوجهة

الله يحفظك وتروح وترد بالسلامة

وبالنسبة لي كنت بختارك لك مكانين

طوكيو أو سيؤل

هالمدينتين يصلحون حق عشر ايام للوحداني ( في نظري الشخصي )

لأن ممكن تكتشف فيها اشيا كثيرة من ثقافات وسياحة وترفيه وتسوق


والله يحفظك وين ماكنت

:)
برقان
05-12-2011, 01:57 AM
الله كريم, والله اني حاسك فيك بالظبط وجني أدري شفيك بالظبط من قلت بتسافر بروحك

صارت فيني من قبل وسافرت والله المستعان ماغير احجز على المطارات يمين ويسار ولا ادري وين اروح من الظيقه والكدر

اخوي اول شي الله يفرج عليك يارب ويفك ظيقتك

وثاني شي اخوي منت خسران شي انشالله تزور بيت الله الحرام للعمره اخذها يوم واحد فقط اعتمر واختلي مع نفسك شوي

وباجي الايام انا واثق انك راح تختار مكان حلو وتستانس فيه انشالله والدول وايد بأستثناء دول العربيه لانها أتييب الهم

انصحك المغرب مع اني مازرتها للحين


تروح وترجع بالسلامه
برقان
05-12-2011, 02:01 AM
عن نفسي انا رحت لأمريكا
ولأول مره بحياتي اروح لها وبروحي
وتميت 3 شهور بالضبط 90 يوم
والحمدلله كسبت لغه واستانست
واعتمدت على نفسي بأشياء واجد ماتتخيلها
والحين ناوي بعد بكره اروح لسلفاكيا بروحي بعد
بس هالمره شهر بس والله يسهل ان شاءلله
انصحك بأمريكا شعب طيب ومحترم ومافيهم عنصريه للعرب
مثل لندن وباقي الدول الاوروبيه




سلام عليكم اخوي

ياليت لو تفتح موضوع منفصل عن سفرتك لأمريكا

وتذكر فيها حياتك اليوميه شلون كانت هناك وجم التكلفه عليك 3 شهور وشنو انطباعك والخ

واي ولايه سكنت مثلا وشلون قدرت تمشي حالك باللغه هناك

اذا كان لك خلق طبعا هههههه
برقان
05-12-2011, 04:00 AM
السلام عليكم

اخوي توني رديت عليك لكن انا اتجول بالموقع حصلت الموضوع هذا

وكلي ثقه انه يصلح لك واتمنى تتصفح فيه وتشوفه واثق انه يعجبك انشالله

http://www.qatarshares.com/vb/showthread.php?t=482248
sepasteyn
05-12-2011, 06:23 AM
مكة - المدينة - القدس ( لاحقا ) .
همر
05-12-2011, 10:49 AM
جزر المالديف


سافرت لها بروحك ؟!! يعني جربتها ؟!! احسها مال معاريس بس يجابلون بعض 24 ساعه :rolleyes2:




عن نفسي انا رحت لأمريكا
ولأول مره بحياتي اروح لها وبروحي
وتميت 3 شهور بالضبط 90 يوم
والحمدلله كسبت لغه واستانست
واعتمدت على نفسي بأشياء واجد ماتتخيلها
والحين ناوي بعد بكره اروح لسلفاكيا بروحي بعد
بس هالمره شهر بس والله يسهل ان شاءلله
انصحك بأمريكا شعب طيب ومحترم ومافيهم عنصريه للعرب
مثل لندن وباقي الدول الاوروبيه


لا تذكرني بشي .. انا قلبي قد نسي .. :weeping:

ياخي انا عشت في امريكا وودي ارجع لها "سائح" مش مغصوب خخخخخخ...

والله يوفقك في سفرة سلوفاكيا .. :victory:




اكيد مطلوب لمطعم هندي لان وقت ما صارت الضربه للابراج انت كنت تتغدا بهالمطعم وهربت وما دفعت فاتورتك هههههههههه

تروح وترجع بالسلامه

قال المنتدى له ودان قاااال انت خليت شي عنه ما حكيتووووو:sneaky:


لا ماحب المطاعم الهنديه .. ودي ارجع امريكا عشان ازور مطاعمي المفضله ..:weeping:..
التشاينييييييييييز .. وبالذات مطاعم الباندا ابو بوفيه مفتوح .. ايوووووووه .. قلبي عليها التاع..

وبعدين انا ما افشي اسراري العسكريه في المنتدى .. في واحد "رزيل" كل ماكتبت شي طرش لي تعليق عالجوال ولا عالبيبي .. يعني شوف انا صايدك.. والمشكله ما اعرف نكه في المنتدى عشان اسوي له دبل كيك :anger1: .. اكووو قاعد يقرا ويبتسم !!!!




دامك اخترت الوجهة

الله يحفظك وتروح وترد بالسلامة

وبالنسبة لي كنت بختارك لك مكانين

طوكيو أو سيؤل

هالمدينتين يصلحون حق عشر ايام للوحداني ( في نظري الشخصي )

لأن ممكن تكتشف فيها اشيا كثيرة من ثقافات وسياحة وترفيه وتسوق


والله يحفظك وين ماكنت

:)


سيؤول يمدحون فيها الاماااااان والصناعات الكوريه طبعا عندهم التوووب.. نسيبي عنده مشروع هناك ويمدحها .. بس غاليه مثل طوكيو.. طوكيو رحت لها كورس 20 يوم صراحه وناسه .. رحنا هيروشيما وناجازاكي وهالسوالف .. خوش كورس كان..




الله كريم, والله اني حاسك فيك بالظبط وجني أدري شفيك بالظبط من قلت بتسافر بروحك

صارت فيني من قبل وسافرت والله المستعان ماغير احجز على المطارات يمين ويسار ولا ادري وين اروح من الظيقه والكدر

اخوي اول شي الله يفرج عليك يارب ويفك ظيقتك

وثاني شي اخوي منت خسران شي انشالله تزور بيت الله الحرام للعمره اخذها يوم واحد فقط اعتمر واختلي مع نفسك شوي

وباجي الايام انا واثق انك راح تختار مكان حلو وتستانس فيه انشالله والدول وايد بأستثناء دول العربيه لانها أتييب الهم

انصحك المغرب مع اني مازرتها للحين


تروح وترجع بالسلامه


الله يسمع منك كل كلمه قلتها في ردك بدون تحفظ من اول مشاركتك الى اخرها :secret:




السلام عليكم

اخوي توني رديت عليك لكن انا اتجول بالموقع حصلت الموضوع هذا

وكلي ثقه انه يصلح لك واتمنى تتصفح فيه وتشوفه واثق انه يعجبك انشالله

http://www.qatarshares.com/vb/showthread.php?t=482248


وانا كنت اتصفح نفس الموضوع قبل ما ادخل وارد ههههههههه ... بس شفت صور قلاصات العصير ؟!! قلنالكم هالاماكن مال بو نفرين :weeping: ماتنفع حق الوحداني ..




مكة - المدينة - القدس ( لاحقا ) .


الله يسمع منك - الله يسمع منك -الله يسمع منك...
تحداني
05-12-2011, 11:31 AM
الحين يا اخوي انت سافرت ابروحك ولا للحين " تبي اتقرر "
من متى قع تسأل .. ولا شفنا شي


جملك الله برضاه
همر
07-12-2011, 09:11 AM
الحين يا اخوي انت سافرت ابروحك ولا للحين " تبي اتقرر "
من متى قع تسأل .. ولا شفنا شي


جملك الله برضاه


:eek5:


ليه كذا ليه وش سويت لك !! يعني اسأل واسافر اليوم الثاني ؟!! مايصيييييير !!

لازم فترة جمع المعلومات تطول شوي .. بس طول بالك ..

ابشرك بفكك مني اخر الشهر ان شاء الله .. وبعد ما ارجع ان شاء الله بكتب لكم التفاصيل..

:victory:
غايه الطواش
08-12-2011, 10:13 AM
اخوي توني راده من المالديف امس
لا بلاد معاريس ولا شي بالعكس فيها نشاطات وايد وايد
وبلادعائليه مادري ليش هالفكره انها بلاد بونفرين
ركبت سكوتر وغاوصت وركبت فلافيش واخذت جوله سن ست ورحت للدلافين روحت للسبا وسباحه فالبحر وفالبرجه وجدفت وغيرها من الانشطه الي ماسويها ...
الزلزال
08-12-2011, 10:25 AM
سفره سياحية ماعمري سافرت بروحي
ولا احب اسافر بروحي
انا طبعي احب الجمعه حتا لو معاي شخص واحد
تحياتي
OM_OMAR_QATAR
08-12-2011, 02:10 PM
كحل اختارلك مكان ، وسافر مع كًروب سياحي
روح اي سفريات ريجنسي والا القطرية او السفير والا غيرها
شوف ايش فيه كًروبات ، منها تطلع من الانفرادية ومنها تحافظ على خصوصيتك


سفر الجماعة موصى به واكيد من تتعرف على ناس وثقافات مغايرة رح تستانس اكثر، ورح تكون تجربة فريدة
ZURICH
09-12-2011, 03:15 PM
اتمنى لك سفرة سعيدة كلها مغامرات :)

ذكرتني بواحد من الشباب من عرفتة واهو يسافر بروحة

يقول مايستانس الا بروحة ومافي مكان في العالم ماسافر له

والا يومنا هذا يسافر بروحة

عن نفسي مستحيل أسافر بروحي الا اذا أجبرتني الظروف

متعة السفر تكون في الناس الي معاك .. خاصة اذا كنت مسافر معاهم قبل وتعرف اطباعهم عدل

في هالحال تضمن سفرة رائعة
مستر قطر
09-12-2011, 09:05 PM
اخوي توني راده من المالديف امس
لا بلاد معاريس ولا شي بالعكس فيها نشاطات وايد وايد
وبلادعائليه مادري ليش هالفكره انها بلاد بونفرين
ركبت سكوتر وغاوصت وركبت فلافيش واخذت جوله سن ست ورحت للدلافين روحت للسبا وسباحه فالبحر وفالبرجه وجدفت وغيرها من الانشطه الي ماسويها ...


ماشاءالله غاوصتي وسبحتي فالبحروركبتي فلافيش وسكوتر

ماشاءالله عليج
تحداني
09-12-2011, 10:39 PM
:eek5:


ليه كذا ليه وش سويت لك !! يعني اسأل واسافر اليوم الثاني ؟!! مايصيييييير !!

لازم فترة جمع المعلومات تطول شوي .. بس طول بالك ..

ابشرك بفكك مني اخر الشهر ان شاء الله .. وبعد ما ارجع ان شاء الله بكتب لكم التفاصيل..

:victory:





ما سويت لي شي .. بس قع انحاتيك .. ونبي نطمن على قراراتك .. الله يسامحك
وين تسأل اليوم واتسافر باجر .. صار لك من متى اتقول ابي اسافر وين اسافر .. اروح اسافر .. ما اروح اسافر .. وما شفنا شي


ضروري تحدد البلد من الحين .. عشان نعطيك اقتراحات وين اتروح
وشتسوي .. ووين تاكل ... وشنو ما تاكل .. لا تنسى انت راح ابروحك
يعني لو صار فيك شي لا سمح الله محد داري عنك


عموما ننتظر نهايه الشهر وانشوف البلده السعيده الحظ


جملك الله برضاه
abu ali1
09-12-2011, 11:24 PM
عليك بدول الخليج ....
الله يكون في عونك ....
بوعلي-Qtr
10-12-2011, 04:43 PM
جرب نيوزلندا
السهم الملتهب
10-12-2011, 11:09 PM
هل القطري يحتاج لفيزا الى نيوزيلندا
برنس قطر
16-12-2011, 11:51 AM
في مثل قدييييم
"" جنة بدون ناس مااتنداس""