العمرة في محرم

[هيا82]

السلام عليكم

حبيت اعرف اخر يوم للحجاج الاسوين ..
ومتى تكون العمره للخليجين فقط تاريخ كم في شهر محرم ؟


شكراً

[jwar7]

العمره للخليجيين مالها وقت محدد اختي
لانك اي وقت تقدرين تسافرين بدون فيزا

[سلطان23]

افضل وقت للحج شهر فبراير

والي سمعته ان تأشيرات العمرة ماتوقف

تغير النظام

[nor85]

انا رحت شهر واحد وماكان فيه الا الخليجين انسب الاوقات شهر 1_ 2 .

[شيزكيك]

احسن وقت محرم علشان بعض الناس ما يكونون موجودين

[سلامي للكل]

وعليكم الســلام ورحمــة الله وبركاته

نفس ماذكروا الاعضــاء

مافي وقت مخصص للخليجيـيــن لانهم يدخلون السعــودية بدون فيزا فبذلك الوقت مفتوح على مدار السنــة

وافضــل الاوقات الي مافيها زحمة تقريباً بعــد موسم الحج بشهــرين الى 3 شهور

مافي زحمــة والجــو من اروع مايكون

لاتنسونا من دعواتكم

وفاااااالكم التوفيــق

:)

[wadha-qa]

ما في احلى من العمره شهر 1 و 2 ما فيه زحمه كلششش خاصه في الطواف تاخذين راحتج

[bo_besht]

افضل وقت للعمرة بالنسبة للخليجين من ناحية الأخف زحمة محرم وصفر وابتعدي عن يوم الأربعاء والخميس لانه الطواف يكون زحمة بهذا اليومين

[ودي أكون]

ابي اروووح :eek3:

[خالد_قطر]

اختي تنتهي فترة الأجانب تقريبا 10 محرم فأحسن وقت للعمرة وعن تجربة من نصف محرم إلى آخر صفر بسبب عدم وجود غير الخليجين ( اقصد الفيز )وأيضا بسبب عدم وجود الشيعة الايرانيين.

[أبو يووسف]

أحسن وقت مناسب ويكون الحرم فاضي أخر محرم الواحد يقدر يحب الحجر الأسود في كل شوط ومايسمحون لحد بدخول مكة المكرمة إلا الخليجيين لأنه مايفتحون التأشيرات

[هيا82]

جزاكم الله خير وبيض الله وجيهكم

[Bin.Yousef]

افضل وقت في محرم وصفر لان السعوديه مسكره الفيز ومافي اجانب

[بولينجر]

بعد الحج باربعين يوم... هذا افضل وقت.... وتقبل الله منا ومنكم....

[kuwari]

الشيعة يجون شهر 4 لاني شفتهم من كم سنة هناك

[فرحة الكواري]

انا سمعت تاريخ 5 او 15 محرم

مدري .. اكدوا لنا يا اخوان

[غزلان]

احلى وقت رحنا العمره اخر محرم بداية يناير ومافيها الا الخليج