قررت أدرس في مصر عشان انجح بفلوسي

[الشفق الهادئ]

:weeping: انا خريجه يديده وجامعة قطر ماقبلتني ف
حابه اكمل دراستي بمصر لاني سمعت انها ماتعطل الطالب وايد
بس كل اللي عليه يدفع وكل الامور سهالات فحابه اسمع ارائكم
وهل مصر فيها امان ولا لا علما بأن انا موب رايحه بروحي

[جرح الزمان]

ممكن توضيح لكلمة يدفع

[ذيب ازغوى]

ههههه يعني بخاشيش


هذي زماااااااااااااااااااااااااااااااااااان اوووووووي

[جرح الزمان]

ههههه يعني بخاشيش


هذي زماااااااااااااااااااااااااااااااااااان اوووووووي

يعني قصدك رشاوي

[الشفق الهادئ]

اي يعني يدفع فلوس

[جرح الزمان]

اي يعني يدفع فلوس

اعرف انه بيدفع فلوس ... بس هل هي رسوم ولا لدروس خاصة ...ولا شنو بالضبط

[الشفق الهادئ]

مادري بس قالوا لي جي لين رحت هناك بعرف السالفه وبقولكم بس المهم فيها امان ولا لأ

[المفترسه]

استغفر الله العظيم
كانج تقولين انجح بالغش والرشاوي عشان اوري الناس اني جبت شهاده
ايش انجح بفلوسي قولي انجح بتعبي ومجهودي وانا سمعت فعلا انه في
ناس تبخشش وتغش وتنجح لكن تحصيلهم العلمي صفر وينفضحون في
الشغل والاهم من ذلك رب العالمين الي مايخفى عليه شي ابعدي عن هالدرب
وان شاءالله ما اكون اسات الظن

[الـقـاسـي]

وهل حلال الراتب اللي بتاخذينه ؟؟
وهل بتتحاسبين يوم القيامة على اللي بتسوينه ؟؟
مافكرتي يجوز ولا مايجوز ولا مب مهم

[الشفق الهادئ]

انزين ماجاوبتوني فيها امان ولا لا

[بوطويشم]

السلام عليكم

قصدج تدفعين رسوم الجامعة ولا ترشين المدرسين ؟؟؟؟

لعن الله الراشي والمرتشي

[OM_OMAR_QATAR]

:weeping: انا خريجه يديده وجامعة قطر ماقبلتني ف
حابه اكمل دراستي بمصر لاني سمعت انها ماتعطل الطالب وايد
بس كل اللي عليه يدفع وكل الامور سهالات فحابه اسمع ارائكم
وهل مصر فيها امان ولا لا علما بأن انا موب رايحه بروحي

اي تتسجلين تدرسين بفلوسج
بس ماتنجحين بفلوسج :nice:

[الشفق الهادئ]

ماراح ارشي حد بنجح بتعبي بس ابي اعرف الوضع يطمن عادي جاوبوني عاد

[vip8]

Mn gallll tnghen bflooos Ana hnak w sa3333b tsoenha golee 7ag alee gallk hall klam yang 7k

[الشفق الهادئ]

انزين انت عايش بأمان مافي شي خطر

[سما الوطن]

معها حق جامعه قطر ان لاتقبلك
لاول مره اجد شي إيجابي بجامعه قطر

المجتمع مبتلى بنوعيتك بصراحه
أنجح بفلوسي ؟؟
وبعد نجاحك ما الخدمه اللي بتقدمينها للمجتمع
دوام على مكتب وانتي ما تفهمين شي بمهام وظيفتك
مثلك مثل الفراش اللي بمكتبك ...على فكره هو افضل منك هو لم يغش المجتمع
تلعوزين خلق الله
هذا غير عن كون مشربك حرام ومأكلك حرام

الحين اللي يغش له كلمتين بالامتحان نقول له شهادتك وراتبك دش فيهم حرام
وانتي تبين شهادتك باكملها بفلوسك
و تقول الامور سهالات

الله يهديكِ بس ويصلح عقيدتك واخلاقك

[(الفيصل)]

عيب والله عيب

[الشفق الهادئ]

وااااااااااااي كلتوني انا اقول ادرس وانجح بفلوسي اقصد بدفع رسوم وبدرس وبجيب

شهاده بدل ما اذل عمري حق جامعة قطر ووووووووووووووووووبسسسسسسسس

ماتعرفون الجواب اذا امان ولا لا خلاص موب لازم تعلقون يه

[سما الوطن]

وااااااااااااي كلتوني انا اقول ادرس وانجح بفلوسي اقصد بدفع رسوم وبدرس وبجيب

شهاده بدل ما اذل عمري حق جامعة قطر ووووووووووووووووووبسسسسسسسس

ماتعرفون الجواب اذا امان ولا لا خلاص موب لازم تعلقون يه

لا طبعا لازم نعلق
موب عاجبك تعليقنا اصلا ما ننتظر رايك ولا يشرفنا
ولا تقولين اقصد وما اقصد
رجعي اقري ردودك بتلاقين انها واضحه

خايفه من امان الدنيا ومن خايفه من امان الاخرة

هاي تزوير للشهاده
ايش تفرقين عن مزور شيكات
كلكم مجرمين

[الشفق الهادئ]

شنو الرد اللي انا قلت فيه برشي وماعرف شو يله حطه اقتباس

[سما الوطن]

شنو الرد اللي انا قلت فيه برشي وماعرف شو يله حطه اقتباس

تضحكين على من؟؟
عموما من تبي تضحك على مجتمع باكمله بشهاده مزوره
ليس بغريب ان تبي تضحك علينا

[الشفق الهادئ]

اذا توظفت مر علي اخلص معاملاتك :tease:

[سما الوطن]

اذا توظفت مر علي اخلص معاملاتك :tease:

ما اظن بتكون عندي معامله بالبلديه قسم المجاري

[الشفق الهادئ]

اي صح لانك موظف هناك بتخلصها بروحك معليش معليش متأسفه قداًاًاًاًاً

[ممنوع اللمس]

انا طالب بمصـر وهالشي مو موجود
وحطي هالشي في بالج ماكان المجلس الاعلى وافق على هالشي
انا هنا بمصر وقسم بالله محد يقدر يمشي بفلوس الناس تقول وتقول وهذا انا بمصر ما شفت شي
ابي اللي قال لج ان الدراسه هنا تمشي بفلوس طرشيلي رقمه عالخاص بعطيه فلوس بشوف شبيسوي؟
كلام بكلام بكلام والامان بمصر موجود كل يوم نطلع حتى الفجر نطلع ولا في حد اعترضنا والحمد لله وكل شي طيب


والله يوفـق الجميـع
واتمنـى من اصحـاب العقـول الكبيـره.. لا يقـولون الدراسـه تمشي بفلـوس ...

[الشفق الهادئ]

تسلم طال عمرك ماقصرت انا كنت ابي اعرف سالفة الأمان لان انا بدرس بمجهودي وتعبي وبدفع فلوس

حق الجامعه رسوم يعني وبدفع فلوس حق الشقه اللي بنسكن فيها موب ساكنه ابلاش انا وبدفع فلوس حق

اكلي وشربي وبدفع فلوس حق مدرس خصوصي اذا الماده صعبه هاي اللي انا اقصده ياريت الاداره يحذفون

الموضوع لاني عرفت الجواب من اخوي ممنوع اللمس الله يوفقه

[فهد قطر]

انا ادرس في جامعة القاهره ماجستير والحمد الله الديره امان وبعدين سالفه الدراسه اني بنجح بفلوس هذا الكلام مو جود في مصر اللي بيشد حيله بينج وانصحج انج تحطين مدرس متخصص في المواد واذا تبين مدرس موجود

ودمتم بخير

[Fahad Alqahtani]

بالتوفيق ان شالله ... وماشوف انها ذكرت انها بترشي احد هي ذكرت ان الامور تكون سهالات يمكن تقصد من ناحية التسجيل والقبول وليش توقعتوا على طول انها بترشي وتعامل بالبخشيش . احسنوا الظن جزاكم الله خير

[بولينجر]

حابه اكمل دراستي بمصر لاني سمعت انها ماتعطل الطالب وايد هالجملة هي السبب ان معظمنا فهم نية الرشوة.... ونصيحة مني لج مادام انها لم تدخل حيز التنفيذ... استغفري الله وحطي دايما في بالج ان الله بيوفقج مادام ماتسوين الا اللي يرضي الله.... اما اللي يرشي ويغش مرده ما يتوفق في حياته لانه بناها على باطل وحرام..... والله يوفقج....

[مضارب دوسري]

يا اخوان تعوذوا من ابليس
اعتقد قالت فالموضوع ان توها متخرجه
يعني توها صغيره يمكن قالتها ببراءه والبعض فهمها غلط

الله يوفقج

[Best Man]

بس ممكن نعرف كم المبلغ الي ناويه تدفعينه عشان تنجحين ؟؟

عشان نشوف يستاهل هالمبلغ يخليج تنجحين ولا لا :nice:

[marqap75]

صج ماعندج سالفه

[بـــاروود]

ما اظن بتكون عندي معامله بالبلديه قسم المجاري

هههههههههه :ok:

[آلنـجــلآ]

على بال ماتروحين مصر وتتخرجين وترجعين

قد الشركات في قطر بتدقق اكثر من الحين على نوع الشهاده ونوع التخصص وغير بعد شلون تكونين في الانترفيو

حد يدرس في مصر؟ -_- الا جان العساكر اللي مطرشينهم هاي معليه جهة عملهم تبي هالشي

بس انتي خلج طموحه ودرسي فمكان عدل .. ليش ماقبلوج جامعة قطر؟

[R 7 A L]

موضوع فية ضرب من تحت الحزام للاخوة والاخوات خريجين مصر
!!!

[ALHAJAJI]

ما الوم جامعة قطر

[ضوى]

بنتي الشفق الهادئ

اسال الله ان يوفقك لما يحب ويرضى

وان شاء الله الدنيا امان ومصر امان ، بس معاي زميلتي بالمكتب مصرية مب قادرة تنزل مصر تقول صرت اخاف من البلطجية

الله يوفقج

[H.87]

@@

انا الحين ابي افهم من وين جبتو سالفة ان البنت تبي ترشي وتبي تدفع ... الخ

والله قريت الموضوع كم مره ولا شفت شي يعني رشوه وغيره !
ابي افهم انتو شلون تفهمون ؟

البنت يوم قالت تدفع وامورك ماتتعطل تقصد :
ان الواحد يدرس بفلوسه وينقبل على طول بدون ايلس وتوفل وغيره من بلاوي جامعاتنا
يعني بمجرد انك تدفع الرسوم خلاص تعتبر طالب بالجامعه

استغفر الله الله يعين مجتمعنا على هالعقليات

المهم حبيبتي
انا طالبة ادرس بمصر ، بمجرد انج تدفعين الرسوم عن طريق السفاره وتسجلين بس تنتظرين موعد اعلان الاسماء وغاليا راح تكونين مقبوله لان ماعندهم تدقيق وايد بنسبة ولا غيره

وادا تسالين عن الوضع امان انا اقولج شهدت الثورة ورحت عقبها والحمدلله مصر مثل ماهي توكلي على الله
بس الحدر واجب طبعا في مصر ولا غيرها

الله يوفقج حبيبتي ويكتب لج اللي فيه الخير , اي استفسار عن الدراسه لاتترددين انا حاضرة

[الحال مايساعد]

توكلي على الله وروحي الوضع امان

[حراير قطر]

البنت تقصد اتذل فلوسها ولا اتذل نفسها لجامعه قهر :nice:

الله يوفقج ويعطيج على قد نيتج

وبعض الاعضاء مع الخيل يا شقرا ...

[قطر love]

هههههههههههههههههههههههههههههههههههه

الإخوان إلي تهجمو على الأخت المتخرجه حديثا

اعتقد هي قالت وجهه نظر وسؤال ما وضحت الموضوع كله البعض كبر الموضوع ووصلها للدين وللسب في الشخص نفسه اعتقد الأخت قالت كلمه وربما قصدها شيء ثاني إذا بنتكلم من ناحيه الدين إلي قال لعن الله الراشي والمرتشي أنا أقولكم التمسو على أخوكم المسلم 70 عذرا

وإذا بنتكلم عن الواقع فهذا هو الواقع يمكن سمعت طراطيش كلام وحبت تستفسر ماله داعي للتهجم الهمجي إلي صار


وثالث شيء إلي يصير أغلب الشباب إلي يروحون ابتعاث أو عن طريق الحساب الشخصي ينجحون في بعض المواد بمساعده فلوسهم

وأنا سمعت من أكثر من واحد يقولون لي في طلاب والله وبالله انهم ما يداومون يوم واحد وفي الأخير ناجح في الماده يوم يسالونه شلون يقول مجرد ساعه ، فلوس ، عزيمه ، أو درس خصوصي في البيت بمبلغ وقدره !! بعض الدكاتره يقبلون وينجحون الطالب والبعض الآخر يحترم المهنه ويرفض يقول انت وجهدك وحضورك ليش ننكر شيء موجود يمكن البعض سمع والبعض ما سمع وهذا الصج والواقع إلي يصير هناك البعض ما يهمه حلال ولا حرام كل همه الشهاده والهياته في مصر على حساب الدوله يا عيني


الرد ليس دفاعا عن الأخت بس مجرد كلمه حق ولازم أواجه فيها بعض الإخوان المتهجمين والمتسرعين. في الردود الله يسامحهم

نصيحه : تأكد قبل لا تكتب وترقى في كتاباتك


ونصيحه للاخت : المكان أمان والحمدلله بس ابتعدي عن القاهره والأماكن الحساسه والمزدحمه و الله يوفقج ويبعد عنج الحرام والمكروه وترجعين رافعه رأس أهلج بالشهاده بالحلال طبعا وباقي نقول ذبح إسلامي :) كل واحد له رب يحاسبه

وجزاكم الله خير

رد ليس للدفاع إنما للتوضيح :) واعتقد اني بينت انه بعض الطلبه والإقليه منهم لحد يقولي انت جمعت

[بيانو]

الله يهديكى على العنوان

وفى نفس الوقت الله يوفقك فى الدراسه بمجهودك

[بيانو]

انا طالب بمصـر وهالشي مو موجود
وحطي هالشي في بالج ماكان المجلس الاعلى وافق على هالشي
انا هنا بمصر وقسم بالله محد يقدر يمشي بفلوس الناس تقول وتقول وهذا انا بمصر ما شفت شي
ابي اللي قال لج ان الدراسه هنا تمشي بفلوس طرشيلي رقمه عالخاص بعطيه فلوس بشوف شبيسوي؟
كلام بكلام بكلام والامان بمصر موجود كل يوم نطلع حتى الفجر نطلع ولا في حد اعترضنا والحمد لله وكل شي طيب


والله يوفـق الجميـع
واتمنـى من اصحـاب العقـول الكبيـره.. لا يقـولون الدراسـه تمشي بفلـوس ...


انا ادرس في جامعة القاهره ماجستير والحمد الله الديره امان وبعدين سالفه الدراسه اني بنجح بفلوس هذا الكلام مو جود في مصر اللي بيشد حيله بينج وانصحج انج تحطين مدرس متخصص في المواد واذا تبين مدرس موجود

ودمتم بخير



الله يوفقكم يارب

ولا تنسون تعزمونا على العشا بعد النجاح ان شاء الله
عاد عشا قطري مكابيس لا تقوللى أبوطارق بتاع الكشرى - لو فرحات يبقى اوكى ههههه

[الـخـالـدي]

مافكرتي بالحلال و الحرام ؟

[آخر حبه]

كليتوها بثيابهاااا

على العموم انا من شهر في مصر وقمة الامن والاماااااااااان

[kazoze]

هههههههههههه

كليتوا البنت مسكينه

البلد امان والدراسة دراسة

والله يوفقنا وياج ان شاءالله

انا رايح تاريخ 24/11 والشباب هناك والامور طيبه والحمدلله

كليه حقوق جامعة القاهرة سنه اولى

[عازف العود]

قبل ماتروحين تدرسين في جامعه في مصر روحي اسئلي المجلس الاعلى عن الجامعه اللي بتدرسين فيها هل معترف فيها في قطر او لا عشان ماتروح عليج في الاخير مثل ماراحت على غيرج

[شبح الصمت]

في اي

في اي

في اي

[تينا85]

فيها امان وسلام والامور حلوة وكل شي اوكي ..... وأهلي هناك من قبل العيد عندهم بيت هناك ويقولون الامور طيبة.......

[الغني بالله]

:weeping: قررت أدرس في مصر عشان انجح بفلوسي
انا خريجه يديده وجامعة قطر ماقبلتني ف
حابه اكمل دراستي بمصر لاني سمعت انها ماتعطل الطالب وايد
بس كل اللي عليه يدفع وكل الامور سهالات فحابه اسمع ارائكم
وهل مصر فيها امان ولا لا علما بأن انا موب رايحه بروحي
:secret::secret::secret:

[فنجان قهوة]

معها حق جامعه قطر ان لاتقبلك
لاول مره اجد شي إيجابي بجامعه قطر

المجتمع مبتلى بنوعيتك بصراحه
أنجح بفلوسي ؟؟
وبعد نجاحك ما الخدمه اللي بتقدمينها للمجتمع
دوام على مكتب وانتي ما تفهمين شي بمهام وظيفتك
مثلك مثل الفراش اللي بمكتبك ...على فكره هو افضل منك هو لم يغش المجتمع
تلعوزين خلق الله
هذا غير عن كون مشربك حرام ومأكلك حرام

الحين اللي يغش له كلمتين بالامتحان نقول له شهادتك وراتبك دش فيهم حرام
وانتي تبين شهادتك باكملها بفلوسك
و تقول الامور سهالات

الله يهديكِ بس ويصلح عقيدتك واخلاقك

________________________________________________

على هونك اخي / الاخت ما قصدت الكلام انما .... تستهزء باالوضع .... الذي يجبر القطريين للدراسة في جامعات بعض الدول العربية التي سمعتها في التعليم غير طيبة

[gamal503]

والله العظيم كذب وافتراء ال يقول انه بينجع بلفوسه في جامعة القاهره او عين شمس او اي جامعه مصريه

كلية التجارة والحقوق في مصر من اقوى الكليات ع مستوى الشرق الاوسط والعالم

وال يقول انه دفع فلوس في مصر ونجح يجبلي حالة واحده ويقول ايش صار معاه

الجامعه ال خرجت احمد زويل ومصطفى مشرفه

والدكتور مصفطى السيد / صاحب نظرية علاج السرطان بجزيئات الذهب واستاذ الكيمياء بجامعه جورجيا الامريكيه

الدكتور مجدي يعقوب اشهر جراحين القلب على مستوى العالم

المهندس كريم رشيد / اشهر مصمم صناعي ع مستوى العالم

المهندس /هاني عزوز مصصم محطة قطارات برلين الاكبر ع مستوى العالم

الدكتور / عصام حجي عضو وكالة ناسه ورئيس الفريق العلمي لدراسة كوكب المريخ
د. محمد صوان الأول على دفعة الهندسة النووية بجامعة الإسكندرية عام ,1967 وهو أحد العلماء القلائل فى مجال طاقة الاندماج النووى ويشغل حاليا منصب رئيس قسم الهندسة النووية بجامعة وسكونسن ماديسون بالولايات المتحدة.

- د. يسرى عزمى رئيس قسم الهندسة النووية بجامعة نورث كارولينا.

- د. عنتر العزب أستاذ الهندسة النووية بجامعة فلوريدا.

- د. هانى عبدالخالق أستاذ الهندسة النووية بجامعة نورث كارولينا.

- د. ليلى الجبالى زوجة د. محمد صوان وتعمل فى جامعة وسكونسن فى نفس المجال.

- د. نصر غنيم جامعة كاليفورنيا وهو أستاذ مثالورجيا المواد النووية.

- د. أحمد حسنين جامعة تورديو.

- د. مجيد الكاظمى الرئيس السابق لقسم الهندسة النووية بجامعة mit.

- د. محمد عبدالعزيز عبده مركز العلوم والتكنولوجيا الاندماجية جامعة كاليفورنيا.

- د. محمود زكى يوسف حصل على درجة سينيور فى الهندسة النووية بجامعة كاليفورنيا.

- د. عبدالحميد مظهر أستاذ الطاقة الذرية جامعة تسكانيكتس - الباما.

- د. محمد يسرى جوهر الأستاذ فى مجال حسابات المفاعلات.

- د. مجدى راغب بجامعة إربانا، بالإضافة إلى بعض العلماء الذين يعملون فى شركات بناء وتصميم المفاعلات أمثال:

- د. محمد شاهين بشركة إنتل لتصميم المفاعلات.

- د. محمد الصاوى فى إحدى المؤسسات الأمريكية للطاقة الذرية.

- د. عمرو سعد جلال الذى يعمل فى معمل أرجون ناشونال بالولايات المتحدة.

- د. يوسف فرويلا صاحب شركة فرويلا بالولايات المتحدة للاستشارات فى مجال المحطات النووية.

- د. عبداللطيف ياقوت مهندس بمعمل أرجون.

- د. مكارم حسين بشركة إنتل.
أما فى كندا فيوجد ما يقرب من 50 عالما مصريا يعملون فى مجالات الطاقة النووية، ومعظمهم يشغل مناصب مهمة سواء على المستوى الحكومى أو التعليمى أو فى الشركات الخاصة التى تعمل فى إنشاء وتصميم المفاعلات الذرية


وتقولون بالفلوس !!!!

[شبح الصمت]

انزين اختي انا عندي لج حل !!

عيدي ثالث ثانوي وحسني مستواج ودشي جامعة قطر او الجامعات الاخرى

شدي على نفسج اشوي

اقل شيء بتكونين بين هلج وربعج وفي ديرتج امن وآمان ..

انا اعرف شباب وايد عادو ثالث ثانوي وجابوا درجات اوكي وسو الايلز وكاهم مكلمين دراستهم ...

هذه اقتراح ..

والله يحفظ كل المغتربين ويرجعهم لديرتنا سالمين غانميين

[H.87]

والله العظيم كذب وافتراء ال يقول انه بينجع بلفوسه في جامعة القاهره او عين شمس او اي جامعه مصريه

كلية التجارة والحقوق في مصر من اقوى الكليات ع مستوى الشرق الاوسط والعالم

وال يقول انه دفع فلوس في مصر ونجح يجبلي حالة واحده ويقول ايش صار معاه

ايه والله صادق
انا من رحت مصر وانا ادور هالناس اللي يقولون رشاوي وتنجح بالفلوس
والله الشاهد كل يوم جاينا مفتشين يفتشونا يطلعون السماعات وغير الحشرة وصراخ المراقبين وطردهم للطلاب اللي يغشون .. ؟

وينه هاللي يقول كل شي سهالات وغش وفلوس دلوني عليه

[مخطط قطري]

اختي روحي موقع مجلس الاعلى لتعليم وشوفي الجامعات المعترف فيها في مصر وقدمس قبول هناك ولا تقعدين تسمعين احد في الموقع بقطون عليج كلام انتي في غنى عنه هذا اول حاجه ثانيا انشالله انه في امان بس اهم حاجه شوفي الاماكن لي مافيها ازعاج واجد مثل الاسكندرية الله يوفقك وتجبين الشهادة يارب

[حراير قطر]

ان لله وانا اليه راجعون

البنت ما قصدت تدفع فلوس للرشوة

قصدها بتدفع فلوس للدراسة بالخارج

من جامعه وسكن والى اخره

وهذا القصد من بنجح بفلوسي :) ...

[بوحارب]

انا اتمنى ادرس في مصر بس ياريت لو يصير :(

[أحلى وسيطه]

أختى العزيزة

أسعد الله كل اوقاتج...

أتمنى انج تتجاهلين بعض الهمجية والمستوى المتدني في بعض الردود

أما بالنسبة لجامعات مصر عندج 3 جامعات محد كفو يرشي ولا يغش فيهم (جامعة القاهرة - جامعة الأزهر-عين شمس) غير انهم معتمدين للبكالوريوس من قبل المجلس الأعلى سابقا وحاليا للماجستير والدكتوراة

أنا توني تخرجت من جامعة القاهرة (تجارة -إدارة أعمال) ولي اربع سنين هناك وحتى بالثورة كنت موجودة وبالعكس مصر أمن بكل الأوقات بس الحذر واجب

وفي أحد الأعضاء رد انه ابتعدي عن القاهرة أنا ماشوف انه صح لان وجودج بين العالم وفي وسط الناس اامن لج من المناطق البعيدة

وخلج في المهندسين أفضل علشان ماتحسين بغربة .. وأي استفسار أو مساعدة أنا أعين وأعاون


موفقة عسى ربي يسمح دربج :victory:

[بـن عدوان]

كلتوا البنت هههههه

[تحداني]

omen

:eek3:

[مرحوم قطر]

انا السنه ذي اول سنه لي اذا عندج اي استفسار كلميني على الخاص

[A l i]

مايسوى عليها حطت الموضوع !!!!!!

[شبح الصمت]

مايسوى عليها حطت الموضوع !!!!!!




هههههههههههههههههههههههههههههاي

اسكت البنت شكلها هونت من الدراسة


:nop:

[saad1125]

اعرف واحد خذ امتياز في الماجستير من جامعة القاهرة بجهاز جوال بعد ما اللجنة حطة له مئة ملاحظة لو قعد سنة ما يخلصهم (هذي مصر ).

[The Watcher]

معها حق جامعه قطر ان لاتقبلك
لاول مره اجد شي إيجابي بجامعه قطر

المجتمع مبتلى بنوعيتك بصراحه
أنجح بفلوسي ؟؟
وبعد نجاحك ما الخدمه اللي بتقدمينها للمجتمع
دوام على مكتب وانتي ما تفهمين شي بمهام وظيفتك
مثلك مثل الفراش اللي بمكتبك ...على فكره هو افضل منك هو لم يغش المجتمع
تلعوزين خلق الله
هذا غير عن كون مشربك حرام ومأكلك حرام

الحين اللي يغش له كلمتين بالامتحان نقول له شهادتك وراتبك دش فيهم حرام
وانتي تبين شهادتك باكملها بفلوسك
و تقول الامور سهالات

الله يهديكِ بس ويصلح عقيدتك واخلاقك


:nice::nice::nice::nice::nice:

[خليفـة]

تعجبني صراحتج
بالنسبة للكلام الي ذكرتيه بالفعل .. صحيح
بفلوسج تاخذين الاولى على الدفعه وفي أغلب الجامعات والكليات والمعاهد المصرية

بس فيه مشكلتين صغااااااار :

المشكلة الأولى : شهاداتهم مب معترف فيها في الدوحه
والمشكلة الثانية : ان مثل هالجماعات الي يتخرج فيها الطلبة بفلوس .. يكونون الطلبة بعد التخرج عبارة عن تيوس ما يفهمون شي في تخصصهم .
طبعا لو كانوا الطلبة بنات بيكونون عنزات
:nice:

نصيحتي دوري وين الجامعة المعترف فيها
والي تتخرجين منها انسانه فاهمه
:)
بالتوفيق ان شاء الله

خليفــة

[شبح الصمت]

تعجبني صراحتج
بالنسبة للكلام الي ذكرتيه بالفعل .. صحيح
بفلوسج تاخذين الاولى على الدفعه وفي أغلب الجامعات والكليات والمعاهد المصرية

بس فيه مشكلتين صغااااااار :

المشكلة الأولى : شهاداتهم مب معترف فيها في الدوحه
والمشكلة الثانية : ان مثل هالجماعات الي يتخرج فيها الطلبة بفلوس .. يكونون الطلبة بعد التخرج عبارة عن تيوس ما يفهمون شي في تخصصهم .
طبعا لو كانوا الطلبة بنات بيكونون عنزات
:nice:

نصيحتي دوري وين الجامعة المعترف فيها
والي تتخرجين منها انسانه فاهمه
:)
بالتوفيق ان شاء الله

خليفــة




بودعي

ياخوك ما تبي ترضى علي وتعطيني من الي فالشنطه كم حبه ابي ادرس في بريطانيا

سنـه وانا مدابـج وراك

عذبت عيونا

:cry2:

[الشفق الهادئ]

جامعة قطر شافت الموضوع واتصلوا فيني كسرت خاطرهم بدش بدون توفل :tease:

شكرا للعقول الفاهمه اللي فهمتني وراح اتواصل معاكم خاص ان شاءالله واللي بعد قاموا

يسبون بعد بتواصل معاهم لان شكلهم من اللي جربوا الرشاوي وكانت لهم تجربه سيئه

وما انقبلت شهاداتهم فصادتهم حاله نفسيه من يسمعون طاري مصر بس .

[شبح الصمت]

جامعة قطر شافت الموضوع واتصلوا فيني كسرت خاطرهم بدش بدون توفل :tease:

شكرا للعقول الفاهمه اللي فهمتني وراح اتواصل معاكم خاص ان شاءالله واللي بعد قاموا

يسبون بعد بتواصل معاهم لان شكلهم من اللي جربوا الرشاوي وكانت لهم تجربه سيئه

وما انقبلت شهاداتهم فصادتهم حاله نفسيه من يسمعون طاري مصر بس .


صج تستاهلين

بدون توفل :eek5:

http://images.panet.co.il/articles/14012007-83327-2.jpg

[شبح الصمت]

نصيحتي

دشي تخصص مدربة لياقة بدنيه

منها تليقين حق نفسج ومنها عندج شهادة جامعية مدربة

[خليفـة]

بودعي

ياخوك ما تبي ترضى علي وتعطيني من الي فالشنطه كم حبه ابي ادرس في بريطانيا

سنـه وانا مدابـج وراك

عذبت عيونا

:cry2:

ههههههههه

عيوني لك افا عليك
ارسل لي رقم حسابك البنكي
وبطرش لك المقسوم بالتومان هههههه
المهم تكون راضي اخوي
:nice:

[khaleeji]

اسمع طال عمرك الدراسة في مصر او اي مكان اخر بيستفيد منها الي يبغي الاستفاده

اما موضوع الفلوس وعزايم للدكاترة وتنجح بالاونطه على قولتهم تصير مب في مصر بس بل في دول كثيرة

ولا تنسى مصر فيها جامعات عريقة وتصنيفها اعلى من جامعة قطر والكثير من الدكاتره والمدرسين عندنا خريجين مصر

وبالنسبة للدراسة طبعا الطلاب لا يحضرون في الجامعه بسبب تعليمات صادره لهم ولكن ممكن تتفق مع دكتور او مدرس يجيك الشقه او نادي الطلاب

وبالتوفيق

[$$$$$$]

وااااااااااااي كلتوني انا اقول ادرس وانجح بفلوسي اقصد بدفع رسوم وبدرس وبجيب

شهاده بدل ما اذل عمري حق جامعة قطر ووووووووووووووووووبسسسسسسسس

ماتعرفون الجواب اذا امان ولا لا خلاص موب لازم تعلقون يه


امان وكل شيء تمام انا بروح يوم 24\ 11 بخلص كم معاملة وارتب الاوضاع وبرجع
و في اخر شهر 12 راح ارجع مره ثانية لين بعد الامتحانات , في اي جامعه مسجل او بتسجل ؟؟

[روح الاطلس]

من قالج ان الجامعات الكبيرة مثل القاهره وعين شمس النجاح برشاوي؟!!! الدكتور يخاف على سمعته ماراح ينجحج بفلوسج

واللي مطلعين سمعة الرشاوي وينهم خل يطلعون واسأليهم ترا مب معناتها مصري وراتبه مايكفيه يعني بايع ذمته !! واذا كان فيه بيكون واحد ولا اثنين وهل انتي بتدرسين مادة ولا اثنين!!!! انتي بيدرسج فوق 40 دكتور طوال الاربع سنوات هل الـ 40 دكتور كلهم مرتشين!!!! حدث العاقل بما يعقل

في اي بلد يوجد فساد ورشاوي لكن مب كل الشعب سيم سيم


انتي مركزة على ناحية الامان باذن الله لو بتاخذين معاج محرم الدنيا امان ومصر مافيها شي يخوف الناس بكل مكان والقدعان بكل مكان

بس لو اخترتي جامعة اسألي المجلس الاعلى هل معترف فيها او لا قبل ماتبدأين الدراسة

[الباحثة]

بالتوفيق والله وايد راحوو وخذووو شهادات واغلبهم يدرسون بجامعه قطر

ويااكثر اللحين الي يااخذون شهادات وهم لادرسوا ولا يعرفون 1+ 1 = كم يساوي

[ريتويت]

الله يهديج بس

[qatara]

الله يصلحج

مافكرتي بشهاده برشوه
وبعدها وضيفه بشهاده حصلت برشاوي
وقد يكون بذمتج موظفين وفوقهم مسئوله ليست بكفو لان شهادتها ببراشيم ورشاوي
ودخل حرام من الشهاده الي اخر يوم تعيشينه

الله يصلحج وتاخذينها بجداره وبحق لانها امانه العلم
ستحسبين عليه وتسئلين عنه وعملج ستحاسبين عنه
ودخلج من وراه ستحسبين عليه
هل فكرتي بحياه كل دخلها وعيشتك من حرام كيف ستكون ؟

والله يوفقج للصلاح ويهدينا وياج

[قلب قطر..!]

صج لي قالوا اهل العقول في راحه

اختي الله يوفقج ياااااارب

وانا بعد ناويه اروح مصر ادرس لكني مب لاقيه حد يروح معاي

لو انا مكانج اروح ومايهمني حد

الله يوفقج وتنجحين بمجهودج وبفلوسج

بلاجامعه قطر بلا هم

[$بنت شيوخ$]

عاد اسم الله عليكم وعلى شهادتكم ابي واحد يقسم بالله انه عمره ماغش في امتحان من اول ابتدائي لين تخرج صج انكم خراطين

[fahad123]

اختي رووحي ولآ يهمج الديره امان وانا اعرف كم واحد فيها

وامورهم تمام التمام


وبالنسبه للرشاوي والغش تصير حتى عندنا ف لندن ياكثرهم الدكاتره والجامعات
اللي نسمع عنها انها تمشي الطلاب بأي كلام بس ورهم خشم الباوند وامورك تساهيل بأذن الله ههههههه


الناس مفكرين كل جامعات الدول العربيه تمشي ب الرشاوي والفلوس وباخذ الشهاده بدون تعب

اللي يبي الجد والتعب ع الدراسه بيحصلها ف كل الجامعات واللي يبي الغش والسوالف ذي بيحصلها حتى في اكس فورد ارقى جامعات بريطانيا



مصر الحين امنه والامور ماشيه عااال العااال ع كلام الربع اللي يدرسون ف مصر
بس خذي وياج محرم وعسى الله يحفظكم ويوفقج ف الدراسه :)

[آخر حبه]

عاد اسم الله عليكم وعلى شهادتكم ابي واحد يقسم بالله انه عمره ماغش في امتحان من اول ابتدائي لين تخرج صج انكم خراطين

:nice::nice::nice:

موضة المثاليه الحين :tease:

[خليفـة]

عاد اسم الله عليكم وعلى شهادتكم ابي واحد يقسم بالله انه عمره ماغش في امتحان من اول ابتدائي لين تخرج صج انكم خراطين

لا لا لا عاد
انا ما اسمح لج بنت شيوخ
انا ما عمري غشيت ايان الدراسة والجامعة
انا بس كنت اتعاون مع ربعي وقت الاختبار
:shy:

خليفــة

[qatara]

عاد اسم الله عليكم وعلى شهادتكم ابي واحد يقسم بالله انه عمره ماغش في امتحان من اول ابتدائي لين تخرج صج انكم خراطين



يعني ان اخطيت مثلا الا اذكر وانصح غيري ب ان لايقع بنفس الخطاء ؟

الا ننصح بعضنا بعض الا نذكر بعضنا بعض

مالعيب في ذالك ؟

[خليفـة]

سوأل اخوي خليفة خارج عن الموضوع . . انت ليش كل ماترد على واحد او ترد على موضوع تكتب اخر شي اسمك ؟؟

ذكرتني بالمصري اللي شغال عند جدي الله يرحمه ابان الحرب العالمية الثالثة كل مايطرش رسالة لأهله في مصر

في اخر شي يكتب بابا خلي بالك من ماما اوعى تزعلها . . ابنك متولي !!

زين ندري انك متولي يعني الكفيل اللي مطرش الرسالة هههه والله العظيم ياهي حكاية

ههههههه
اول شي رحمة الله على جدك .. وعلى كل المسلمين
ثاني شي الصراحة .. سؤالك اثبت لي انك انسان مب بسيط
واخيرا .. بالنسبة لسؤالك .. انا قدر اجاوبك
بس ابيك تعتبر هذا واجب مني لك .. وتقول لي :
وردة الصباح حق من ؟

حبيبي طارق انت

خليفــة
:nice:

[جفى الجوارح]

مصر فيها امان
بس من الحين اقولج

الي قالج ان مصر اذا دفعتي فيها فلوس تمشين ما قص عليج
الفلوس بتسوي لج كل شيء في مصر إلا الشهاده انسي تنجحين وتاخذين شهاده من جامعه معترف فيها بفلوس
ترى المجلس الاعلى للتعليم مب اغبياء ونص الي شغالين في المجلس خريجين مصر

مصر فيها عشرات الجامعات في منها الحكوميه وفي منها الخاصه والجامعات المضروبه معروفه للكل
يعني حتى لو رحتي وخذتي شهاده من وحده منهم اذا رجعتي ماراح تنفعج في شيء لان المجلس الاعلى للتعليم ماراح يعترفون لج فيها ولا بيصدقونها

[سما الوطن]

عاد اسم الله عليكم وعلى شهادتكم ابي واحد يقسم بالله انه عمره ماغش في امتحان من اول ابتدائي لين تخرج صج انكم خراطين

في الكثيرين اللي لم يغشوا بحياتهم
وشي اخر هل تقارنين من غش مره او مرتين وعلى قولتك حتى بابتدائي بمن يشتري شهادته الجامعيه

سبحان الله اصبح المدافع عن الفضيله خراط
ومن يتفاخر بها ويعلنها يستحق الدافع عنه
اخر زمن
الكلمات اعلاه للبعض الذي دافع عن ما قالت (انجح بفلوسي )
واقول لهم هي ما قلت ادرس بفلوسي او التحق بالجامعه بفلوسي ...فتلك الأشياء هي من تحتاج الفلوس لها ....هي قالت انجح بفلوسي ... ولا يأتي بنجاح إلا بتعب ودراسه واما النجاح بفلوس فيأتي بالرشاوي

[إينشتاين]

فوق العشرة من ربعي يدرسون قانون في جامعة القاهرة وكلهم اجمعوا ان كلام الناس عن رشاوي الدكاترة كلام فاضي وماله اساس ولو هو موجود ماكان عادوا المواد مرتين وثلاث كان البعض مشوا امورهم بالفلوس...

ونصيحة لج ترى فيه نقطة مهمة مركز عليها المجلس الاعلى للتعليم حاليا ًوهي عدد الايام الي يقضيها الطالب في مصر خلال الأربع سنوات ولابد يجيب ورقة من الجوازات تفيد بوجودة في مصر لمدة لا تقل عن (اعتقد) 520 يوم لطلبة البكالوريوس و 180 يوم لطلبة الماجستير. واذا ما استوفى هالشرط مايعادلون له الشهادة.

[كيلو حديد]

الدراسه شيء مهم والي يبي يدرس يجب عليه أن ينتقي مكان دراسته
ويجتهد

أعرف واحد درس بمصر ، صج تلعوز وأخذ الماجستير ب 5 سنوات

بس كان مجتهد صح

الحين مستواه في رأيي أكبر من مستوى دكتور لأنه فاهم صح الصح

لا شيء بالدنيا يعدل العلم ولا أقصد الشهادة ، إنما العلم والمعرفة

[بولينجر]

عاد اسم الله عليكم وعلى شهادتكم ابي واحد يقسم بالله انه عمره ماغش في امتحان من اول ابتدائي لين تخرج صج انكم خراطين
الكلام اللي قلتيه يرجع لج... لكن الشي الاكيد هو ان لا يمكن التعميم على اي شي لانه غير دقيق.... شخصيا ما غشيت ولا مرة طول فترة دراستي.... واعرف وايد مثلي ما غشوا في حياتهم.... الاساس يعود الى تربية الاهل للطالب وتوعيتهم بحرمة الغش...

[Rashid554]

هههههههههههههههههههههههههههههاي

اسكت البنت شكلها هونت من الدراسة


:nop:


توظفت البنيه خلاص :secret:

[$بنت شيوخ$]

لاحظت حاجه هنيه في المنتدى مب بشر هاذولا ملائكه مايعرفون يخطون واذا حد خطا يلجمونه لجم مافي نصيحه اقول الحمد الله انه رحمه ربي مش عندكم

[bo-ibrahem]

يا اعضاء المنتدى الراقيين

من قال منكم قولا .. فليقل خيرا او يصمت


البنت طالبه المشورة لاكمال التعليم .. وانتو ردودكم مامثلت الا شخصيتكم من وراء اسماء مستعاره

الي الله اعطاه المقدره وقدر يدخل جامعة قطر وتخرج شي بديهي ان الشخص يحقد على الجامعات الاخرى




-------------------

نعيب زماننا والعيب فينا .. وما لزماننا عيب سوانا \
ونهجو ذا الزمان بغير ذمب ... فلو نطق الزمان لهجانا

[bo-ibrahem]

في الكثيرين اللي لم يغشوا بحياتهم
وشي اخر هل تقارنين من غش مره او مرتين وعلى قولتك حتى بابتدائي بمن يشتري شهادته الجامعيه

سبحان الله اصبح المدافع عن الفضيله خراط
ومن يتفاخر بها ويعلنها يستحق الدافع عنه
اخر زمن
الكلمات اعلاه للبعض الذي دافع عن ما قالت (انجح بفلوسي )
واقول لهم هي ما قلت ادرس بفلوسي او التحق بالجامعه بفلوسي ...فتلك الأشياء هي من تحتاج الفلوس لها ....هي قالت انجح بفلوسي ... ولا يأتي بنجاح إلا بتعب ودراسه واما النجاح بفلوس فيأتي بالرشاوي




اخوي سما

ربك من يحاسب الشخص بما في نواياه

وما للانسان من حجه يحتج بها الا لما رآه من قلة ذكاءه

نعم من حقك ارشاد النصح ولكن ليس من حقك ان تعيب الشخص

من حقك ان تحاسب من هم اولات امورك .. وليس لك الحق ان تحاسب من هم اولات لغيرك

من حقك ان لاتكتب ردا في هذا الموضوع .. ولكن ليس من حقك ان تسيء لصاحب الموضوع



اتمنى منك قبول النقد ..

واذا كان صاحب الموضوع (( في نظرك )) انه اراد ان يشتري الشهاده بفلوس .. فأتمنى منك ان تثبت قوله بالحرف النصي
واما بتشكيكك فهذا المبدأ اتمنى منك ان تتركه لنفسك



واسمحلي عالاطاله


واما بالنسبة لكلمة (( انج بفلوسي )) فالانسان الطبيعي يحسب لها الف حساب

هناك مدرسين يأخذون 1000 للماده وهم للطلاب الجدد .. واما هناك مدرسين من الجامعه نفسها يأخذون 1500

فمعنى الكلام انها بفلوسها بتنجح للتقدير او تنجح لجلبها المدرس الكفؤ بدفعها اكثر واكثر

[سما الوطن]

يا اعضاء المنتدى الراقيين

من قال منكم قولا .. فليقل خيرا او يصمت

هذا مافعلناه .. من دافع عن شراء الشهاده هو من عليه ان يصمت

البنت طالبه المشورة لاكمال التعليم .. وانتو ردودكم مامثلت الا شخصيتكم من وراء اسماء مستعاره
ولنا الفخر بذلك

الي الله اعطاه المقدره وقدر يدخل جامعة قطر وتخرج شي بديهي ان الشخص يحقد على الجامعات الاخرى

عن اي حقد تتكلم ..نحن نحترم الجامعات المصريه ونحترم كل من تخرج منها بجهده وتعبه ..العتب على صاجبه الموضوع وليس على الجامعات المصريه



-------------------

نعيب زماننا والعيب فينا .. وما لزماننا عيب سوانا \
ونهجو ذا الزمان بغير ذمب ... فلو نطق الزمان لهجانا
كلامك حق اريد به باطل للاسف


تقديري

[سما الوطن]

اخوي سما

ربك من يحاسب الشخص بما في نواياه

والنعم بالله ..انا لم احاسبها ..انا اعترضت على تصرفها المشين
وما للانسان من حجه يحتج بها الا لما رآه من قلة ذكاءه

نعم من حقك ارشاد النصح ولكن ليس من حقك ان تعيب الشخص
بل من حقي هذا ما دامت هي من جاهرت بالعيب والمعصيه

من حقك ان تحاسب من هم اولات امورك .. وليس لك الحق ان تحاسب من هم اولات لغيرك

من حقك ان لاتكتب ردا في هذا الموضوع .. ولكن ليس من حقك ان تسيء لصاحب الموضوع

مره اخرى لم احاسبها ..بل وصفت تصرفها .. ووصفت تلك الاخلاق التي تقبل هذا التصرف ... وانا لم اسي لها هي اسأت لنفسها


اتمنى منك قبول النقد ..
بل اشكرك عليه أيضا

واذا كان صاحب الموضوع (( في نظرك )) انه اراد ان يشتري الشهاده بفلوس .. فأتمنى منك ان تثبت قوله بالحرف النصي
واما بتشكيكك فهذا المبدأ اتمنى منك ان تتركه لنفسك

لم اشكك ولم اخمن
خذ اخي
إليك النص الحرفي
اولا هي قالت : انجح بفلوسي ولم تقل ادرس بفلوسي

ثانيا وسأقتبس لك من ردها
انها ماتعطل الطالب وايد
بس كل اللي عليه يدفع وكل الامور سهالات
تقول كل اللي عليه يدفع .. لا دراسه لا جهد ..فقط عليه يدفع واموره سهالات

ثالثا لما قالوا لها فسري معنى الدفع رشاوي قصدك او رسوم و بخاشيش
لم تنفي التهمه وقالت فهمتوني غلط بل شوف ردها
مادري بس قالوا لي جي لين رحت هناك بعرف السالفه وبقولكم بس المهم فيها امان ولا لأ


رابعا لما قالوا لها راتبك حرام ما فكرتي بالموضوع ..ردها المباشر بعد هذا كان
انزين ماجاوبتوني فيها امان ولا لا


اخي عن مين تدافع .. هل هذا بنظرك الامر بالمعروف والنهي عن المنكر ...تدخل معها بأخذ الأثم ليه ؟؟




تقديري

[عندي أمل]

ياجماعة الخير خلوكم عند حسن الظن ،انا اللي فهمته من كلامها انها تبي تدرس على(حسابها الخاص)وهذا اللي كانت تقصده لما قالت بدرس بفلوسي ومثل ماتعرفون ان الدراسة بالجامعة بالمجان بالنسبة للطلاب القطريين وهذا اللي كانت تقصده في كلامها انها بتدرس بفلوسها في مصر لانها بتدفع رسوم تسجيل ورسوم كتب ومدرس خصوصي ووسكن ومأكل ومشرب ومواصلات وغيرها من المصاريف الضرورية للدراسة..ولما قالت ان الدراسة بمصر ماتعطل الطالب كانت تقصد ان الاجراءات والانظمة عندهم سهلة ومب معقدة مثل جامعة قطر لان الجامعة عندنا تشترط معدل معين وتشترط اجتياز بعض الاختبارات مثل التوفل والآيلز واختبارات في الرياضيات والحاسب الآلي وغيرها من الاختبارات اللي تعتبر من وجهة نظرها تعطل الطالب وتأخره في دراسته الجامعية..وبعدين ترى مافي حد لهالدرجة ساذج ويفضح نفسه ويقول اني بنجح بالغش بفلوسي!!!إشدعوة مب لهذي الدرجة عاد!!!!
هذا اللي أنا فهمته من كلام اختنا العضوة ،وهذا رأيي الخاص في كلامها..
والله يوفقها .

[bo-ibrahem]

اشكرك اخوي سما على ردك الراقي

هي تقول وغيرها يقول .. لكن في مصر وبالاخص الجامعات المعترف بها في قطر

لايمكن .. ولن يسمح لها حتى بادخال اي شيء للغش

وبعدها تعرف ان الله حق وتقع بالامر الواقع

ولم آمرها بالغش ولكني متأكد ان هذا لن يحصل في جامعة القاهرة على سبيل المثال

حاول الا تقف بوجه احد.. فهذا مثال نقتديه من رسولنا الكريم

شجعها بس عطها النصيحه لما هو افضل ..

مثلا : الله يوفقك بس لو تشدين حيلج في جامعة معترف فيها وتاخذينها بالحلال وربك يوفقك للافضل


لم اقصد بردي هذا لأي تفكير يطرأ على بالك ولكن (( وذكر فإن الذكرى تنفع المؤمنين ))


وجزاك الله خير اخوي سما وتقبلك لردي واتمنى لك دوام التوفيق

[أبو يووسف]

عجيب أمر بعض الأخوان يفهمون الموضوع غلط ويظنون ظن السوء ، وخصوصاً بعد ماوضحت الأخت وش قصدها من كلمة أنجح بفلوسي

[جنوب الدوحه]

انا ادرس في مصر وشهدت الثوره وبعد الثوره .. الوضع يكون زين وبعض الاحيان لازم تاخذ الحذر

الشعب المصري شعب يبي يعيش وهذا من اكبر الاسباب ان الوضع يكون في اكثر الاحيان زين ولكن لابد من المضايقات في بعض الاحيان ..

بالنسبه للنجاح بالفلوس .. في جامعه القاهره هذا الشئ مستحيل جدا وهذا ينطبق على كل الجامعات الحكوميه ..

[رمح الشمال]

:weeping: انا خريجه يديده وجامعة قطر ماقبلتني ف
حابه اكمل دراستي بمصر لاني سمعت انها ماتعطل الطالب وايد
بس كل اللي عليه يدفع وكل الامور سهالات فحابه اسمع ارائكم
وهل مصر فيها امان ولا لا علما بأن انا موب رايحه بروحي

يعني دهان سير خخخخخخخخخخ

[ع.م]

لو البنت تقصد الرشاوي ماكان رزت سالفة "أنجح بفلوسي" في العنوان..

الله يعينج على هالناس اللي بارزين حق النقدة..

حتى لو صج.. البنت توها متخرجة من الثانوية وصغيرة ومب هذا أسلوب النصيحة يا المثاليين اللي مافيكم شي غلط كلش.. و حتى لو صج عالأقل البنت صريحة ومالفت ودارت..

الله يوفقج عزيزتي.. دام الله منعم عليج سافري وادرسي بره والله لو يحصل لي أسافر حق جامعة ماتعقد أمور التسجيل والقبول وماتتبع التعجيز في الطلبات كان سافرت..

حتى لما البنت تكلمت وقالت ماأقصد الرشاوي.. بعد مصرين إنها تقصد.. شتسوي يعني .. بس تبون تهاوشون وبس..

[بوالبيض]

ما في امان والبخاشيش في كل مكان
ربعنا يدرسون هناك بس مجازفه
محد يدري شنو يصير بكره ما في
امن يعني البلاد في البايباي الاردن
اهون وجامعتهم زينه تمشي حالك
موفق

[alkatalony]

لقد شاهدت فلم تواي لايت في العطلة الاسبوعية وكان جميلا جدا لقد أحببته وأكلت نفيش بالكراميل
ومصر أمان والامور سهالات وروحي كملي دراستج وأهم شيء يكون معاج محرم وفالج وفالنا وفالهم التوفيق ان شاءالله

[ماسة قطر]

السلام عليكم ورحمة الله وبركاته

أختي الكريمة الله يوفقج دنيا وآخرة

طبعا لو نتكلم عن التعليم والجامعات في جميع الدول سواء عربية ولا أجنبية في منها الجامعات الزينه وفي العكس

فمصر مثلا فيها جامعات عريقة جدا ودراستهم صعبة مش مثل ماتفضلتي أنج تنجحين بفلوس

واتمنى التوفيق لج بأذن الله وأنك تفيدين دولتنا الحبيبة بتعليمج الجامعي وأتساهمين في بناء الوطن

تحياتي

[BosaiF_774]

كليتوٍهآ بقشوٍرٍهـآ , خآنهآ آلتععبيرٍ وتقصد أدرٍس بفلوٍسي < ؟
صرٍآحتن جآمعة قطرٍ حسستني أنههـآ جآمعة تآكسس يبوٍن الـ أيلتس خمسه وٍنص ؟ يستهبلوٍن ؟
وٍججآمعة ديرٍبي ف برٍيطآنيآ يبوٍن آرٍبععه ونص ؟ :s
آلممهم يآ أختتي , جيبي آلـ أيلتس وآلرٍيآضيآت ودخخلي أي تخصص ..
أوو شوٍفي لج سبوٍنسرٍ أكييد بتحصلين وٍدرٍسي مععهم أحسسن !
أنتي لوٍ دخلتي جآمعة قطرٍ أورٍدي بتضيعين سنه أو سنتين فـ التأسيسي عششآن هيك أقوٍلج تجيبين آلـ أيلتزٍ وآلسسآت وتدخخلين , يسمونه قبوٍل أستثنآئي ..
وٍممن نآحية مصر مآعندي خخبرٍ ..
وٍآلله يوٍفقج ..

[كازانوفا]

لا طبعا ما فيها اماااااااااااااااااااااان بالمره

[فيصل 89]

من قالكم رشاوي خاااف بس

مصر المعترف فيها اقوى ثلاث جامعات بمصر

عين شمس

والقاهره

والاسكندريه

وهذولي الثلاثه الدكاتره الي فيها كلهم عيال نعمه ولهم وضعهم بلبلد مايفتكر فيك اصلن

اسئلو مجرب انا قاعد ادرس ماستر والله ماكلين هواء وملخصات وبحوث وخرتها نرسب ونعيد سنه مب كورس

الي قال مصر بهالجامعات الثلاثه في رشاوي اتحداااااااااااااااااااااااااااااااااا

[كــرت احمــر]

اختي فالج التوفيق ان شاء الله وروحي والدعوة آمان وهل قطر والخليج كلهم في الجامعات ، بس أهم شي المحرم يكون وياج مب تودين وحده من رفيقاتج ولا اختج لا لازم يكون رجال وبتوفيق .

[elsahher]

كل اخوانا واخواتنا اللى مشرفينا فى مصر
ان شاء الله مصر امان
وهتفضل امان باولادها وكل الناس اللى بتحبها
والمصريين يشيلو اخواتهم على الراس
واى مشكلة تقابلك ان شاء الله تلقى مليون واحد يقف معاك
واى استفسار ان شاء الله انا حاضر
ربنا يوفقكم جميعا

[الريان]

مايسوى عليها فتحت الموضوع
تبي مساعدة واستلمتوها
اختي انا الحين ادرس في مصر
والوضع عادي وامن
اكيد الحذر لازم يكون موجود
والمشاكل في ميدان التحرير وبس
بس لازم تعرفين وين بتسكين وافضل الفنادق الخمس نجوم
وشوفي لك سايق يوديك الجامعه ويرجع باليوميه
وهذه الطريقه احسن من التاكسي
وبالتوفيق

[ثابت]

:weeping: انا خريجه يديده وجامعة قطر ماقبلتني ف
حابه اكمل دراستي بمصر لاني سمعت انها ماتعطل الطالب وايد
بس كل اللي عليه يدفع وكل الامور سهالات فحابه اسمع ارائكم
وهل مصر فيها امان ولا لا علما بأن انا موب رايحه بروحي

مافي شي اسمة ادفع و امشي مصر مشددين يكون بعلمج لنة كل ربعي هناك يدرسون وكانوا يفكرون نفس تفكيرج بس توهقوا

[ثابت]

على بال ماتروحين مصر وتتخرجين وترجعين

قد الشركات في قطر بتدقق اكثر من الحين على نوع الشهاده ونوع التخصص وغير بعد شلون تكونين في الانترفيو

حد يدرس في مصر؟ -_- الا جان العساكر اللي مطرشينهم هاي معليه جهة عملهم تبي هالشي

بس انتي خلج طموحه ودرسي فمكان عدل .. ليش ماقبلوج جامعة قطر؟

كلامج غير صحيح بالعكس هناك جامعات بمصر قوية وتخصصات اقوى ودكاترة اصحاب عقول جبارة لا تهضمين حق احد