موضوع اختي وامي اللى مب عارفة وين انط براسنا

[طباخة قطرية]

صباح الخير على الجميع

إخواني

اختي عندها مشكلة في الأسنان مب تسوس لا اختي عندها الفك صغير وفمها بعد صغير والأسنان متزاحمة ورحنا لمستشفى بس مواعيدهم واااااااايد بعيدة واختي متضايقة وامي ما بيدها حيلة
وآخر زيارة كانت من شهر
ياريت احد يفيدنا بعيادة خاصة تكون زينة وشغلهم نظيف

لان أمي وانا واختي تعقدنا من المواعيد البعيدة

ابي نصيحتكم أمي ارتفع ضغطها وايد لما تشوف اختي ولا تعرف وين او اي دكتور خاص توديها
قالو تميم بس تميم غالي وايد وأظن أمي يتخلص علية :tease: أمي إرهابية اعرفها ماتلاعب
تنصحوني اي دكتور خاص ينفع

[basma222]

اعيالي يروحون المجمع الطبي القطري اللبناني للاسنان
دوار المرور القديم مدينه خليفه الجنوبيه

[طباخة قطرية]

اشلون شغلهم اهم شي

[بايع بايع]

مجمع العمادي الدور الثاني فوق وكالة الجمس اللي مجابل مكتبة جرير

في عيادة اسمها البسمه او الابتسامه للاسنان مااذكر بالضبط

اسعارهم معقوله والكل يمدهم للتقويم وغيره

وشغلهم في ذمه وينجر عمله

[R 7 A L]

من خلال هذا الموضوع
نوجه نداء الى وزير الصحة والى مدير مستشفى الرميلة قسم الاسنان
بأن يجدوا حل للمواطنين في طول فترة المواعيد والانتظار بين كل موعد وموعد للاسنان

[الـخـالـدي]

ماتشوفون شر

[basma222]

اشلون شغلهم اهم شي

شغلهم زين

[محمد الجفيري]

صح في نفس العمارة الي فيها مطعم اوتار اسعارهم زينة وهم زينين
اسمهم اعتقد سمايل للاسنان
هي نفس العمارة الي في رمادا جنب ستاربوكس الي عند وكالة المناعي للسيارات

[جفى الجوارح]

ترى هذي اسنان وفك اي خطأ صغير ممكن يسبب مشاكل والآآآآآآآآآآآم للأبد

[monatee]

والله لو تقدرون تسافرون يفضل لكم تروحون تايلند ولا الهند

العلاج بسعر التراب .. اهنيه الاغلبية غاليين

يوم كنا في بانكوك كانت سفرتنا مدتها اسبوعين

ودينا اختي لمستشفى الملكي حق اسنانها

قالنا اعالج المشاكل كلها في يوم واحد

نرقدها ونعطيها بنج كامل ونشتغل عليها مثل العملية

والسعر مايوصل حتى 3000 ريال

لكن اختي خافت وماسوتها

[عين السيح 75]

أنا أودي اعيالي عند دكتوره سلوى درويش في الدحيل يسار دوارالرفيرا وانتي جايه من جسر الشمال دكتوره قمه في الاخلاق والله العظيم تشتغل بذمه وتاخذ راحتها و وقتها في علاج الياهل لان هي اصلا تخصص أطفال وكانت في الرميله قبل . من زمان ماشيه وياها في علاج عيالي وبنتي الصغيره سنتين ونص سوت لها بنج وعمليه كامله لان أسنانها سوست وتاكلت كلها فجاه من الله * ما أقولك أسعارها رخيصه أسعارها مب بسيطه لكن والله شغل عدل وللعلم وقفت عنها فتره لأني حسيت ان أسعارها غاليه شوي واضطريت أودي عيالي المركز وعيادات خاصه حق شي طاري والا بسرعه بسرعه والله ان كم واحد يسألني هاي شغل سلوى درويش صح ؟ ان الكل يعرف شغلها نظيف وبذمه وآسفه طولت عليكم *

[فقيه زمانه]

الله يكون في عونج انا تبهدلت مع صحه المدرسيه بين كل موعد و موعد شهر او اكثر لا واذا جيت لموعد الدكتوره ما تحضر رحت حق عيادة لعايله عند الدكتوره عايشه يعقوب دكتوره شاطره وشغل الي يستوي في مستشفيات الصحه المدرسيه في ثلاث جلسات عندها في جلسه عيالي ثلاثه عندها بس لعياده غاليه كل دشه من 1000 الى 2000 ريال شاسوي مثل ما يقولون حط فلوسك في الشمس وقعد فظل ..... تحياتي

[بـــاروود]

الله يكون في عونهاا وماتشوف شر اجر وعافيه انشالله

[الصغيره]

السفر وبرى الواحد يخاف من التلوث

فيه زاير الماني يجي بعيادة محمد السعيد فضيع بل ممتاز يسوي عمليات بالتنسيق معه تلاقين حل

الاسعار والله مب هينه خلع سنين عقل بالجراحه لان ظهورهم غير طبيعي ب 6000 اما مستشفى الرميله ماحد استفاد منه الا المقيمين وبس نفسهم طويل وينتظرون


الله يسعدها وتلقين لها حل

[طالب]

اذا تبين شي راقي بسعر رخيص
>
www.aster.com.qa

شغلهم وايد حلو وأحسن من الدكاترة والعيادات الخاصة الأخرئ

[طباخة قطرية]

يعني بصراحة تعبناه من الانتظار واختي أسنانها يبيلها تقويم مب لان أسنانها بارزة لا ولكن فمها وفكها صغير :weeping:

لكن بنروح عند دكتورة خاصة وانشالله نشوف نتيجة

[المسك1969]

انتي تدورين لها علي جراح عشان يوسع الفك قبل التقويم والا دكتور تقويم والا دكتور حشو مافهمت والله؟؟؟

وعند منو كنتوا في رميله وليش ما واصلتوا وياه؟

وكم عمرها اختج؟؟؟

[الأصيلة]

توسيع الفك تخصص دكتورة سامية النتشة في العيادة المسائية في رميلة
ومواعيدها قريبة وأسعارهم عادية جدا
أنا عيالي عندهم نفس المشكلة ( عالجتهم عندها وتقريبا استغرق العلاج مع التقويم سنة ونص)
حسب الحالة...
ممكن تروحون عند دكتورة /سلوى درويش وهي تحولكم لها ,,,
ولا تجربون أحد غيرها
نصيحة من مجرب...

[بوحارب]

هذي مشكلة مستشفى رميلة المواعيد بعيدة ويجبرون الواحد يلجأ للعيادات الخاصة

ماتشوفون شر

[R 7 A L]

هذي مشكلة مستشفى رميلة المواعيد بعيدة ويجبرون الواحد يلجأ للعيادات الخاصة

ماتشوفون شر

يقول لك من كثر ما المواعيد بعيده جداً في مستشفى الرميله
يبي لك 10 سنوات حتى تنجز عملية التقويم بسلام حتى النهاية :tease:

[مثمن معتمد]

يقول لك من كثر ما المواعيد بعيده جداً في مستشفى الرميله
يبي لك 10 سنوات حتى تنجز عملية التقويم بسلام حتى النهاية :tease:

ولو سن واحد في الخارج بنبني له مستشفى هناك

[طباخة قطرية]

الله المستعان

اختي وسعو الفك لها لان الله عندها صغيرة
وحطو لها حديدة من فوق في الهاة نوسعها بالة كل يوم وتم توسعة اللهاة اللى فوق بس باقي التقويم وينةاطق برأسها أمي

[بوحارب]

يقول لك من كثر ما المواعيد بعيده جداً في مستشفى الرميله
يبي لك 10 سنوات حتى تنجز عملية التقويم بسلام حتى النهاية :tease:

اتوقع هالشي من رميلة الله المستعان :anger2:


الله المستعان

اختي وسعو الفك لها لان الله عندها صغيرة
وحطو لها حديدة من فوق في الهاة نوسعها بالة كل يوم وتم توسعة اللهاة اللى فوق بس باقي التقويم وينةاطق برأسها أمي

الله يشفيها