الاولى للتمويل

[بسيط المبسوط]

السلام عليكم

شخباركم


اخواني بغيت اسال انا اشتغل في بنك اسلامي وصار لي تقريبا 10 شهور

وبغيت اخذ سلفه شراء سياره جديده من الاولى للتمويل


هل بيطلبون مني موافقه البنك ولا كفايه الشروط المطلوبه

[وحيد-الشوق]

اخذ من بنكك ليش تروح للاولى للتمويل فايدتهم او نسبة الربح عندهم عالية

[سلطان23]

أنا تعاملت مع الاولى وهذا رأيي فيهم:

- الاولى تحتاج كشف حساب ٣ اشهر من البنك

- الاولى تاخذ نسبة اعلى

ميزة الاولى انهم يصبرون عليك

أنا جلست ٥ اشهر بدون ما ادفع لهم اقساط بينما البنك لا مايصبر

وحياك باي سؤال

*

[مستثمر 999]

الاولى صارت تابعه لبنك بروه والنسبه 5 %


ولا يحتاج تحويل الراتب ولا عوار راس

بس اهم شي لا تنسى ان بحد اقسى 75% من الاساسي والاجتماعيه

[monatee]

يصير وبدون موافقه البنك

الاولى والمجموعة والجزيرة للتمويل ... الخ

مايمشي عليهم القانون اليديد ( 75% من الاساسي والاجتماعيه )

بل القديم اللي هو 50% من اجمالي الراتب

طبعاً بالنسبة للفوايد البنك احسن لك من الاولى لانه فوايدة اقل

بما انك ببنك اسلامي ليش ماتاخذ من الاسلامي .. الاولى قرضهم ربوي

[qatari1]

يصير وبدون موافقه البنك

الاولى والمجموعة والجزيرة للتمويل ... الخ

مايمشي عليهم القانون اليديد ( 75% من الاساسي والاجتماعيه )

بل القديم اللي هو 50% من اجمالي الراتب

طبعاً بالنسبة للفوايد البنك احسن لك من الاولى لانه فوايدة اقل

بما انك ببنك اسلامي ليش ماتاخذ من الاسلامي .. الاولى قرضهم ربوي

نعم يا خويا:omen2:

الأولى؛ ربوية:eek5:

ممكن تقول لي من جبت الفتوى هذي:anger1:

[monatee]

نعم يا خويا:omen2:

الأولى؛ ربوية:eek5:

ممكن تقول لي من جبت الفتوى هذي:anger1:

شهر 7 خذتلي سيارة

وبما ان بنكي الاسلامي مايعطيني قرض لان بيسكر

فكنت ادور احسن مكان ياخذلي السيارة فسألت كذا مكان

منها الاولى والجزيرة للتمويل أثنينهم يبلفيت اسلامي

من كلام موظفينهم ان القرض عليه فايدة :(

وكان عرض الجزيرة للتمويل انسبلي وشرولي السيارة وبفايدة لهم 7.6 اطلعت يعني 80 الف وخرده بالنسبة لقيمة السيارة

والاولى كانت فايدتهم اكثر

بما ان السالفه فيها فايدة عشان جية قلت قرضهم ربوي

الظاهر اسلامي بالاسم بس

[الدوحاتي]

اخوي الاولى للتمويل اسلانميه 100%
وكل شركات التمويل من بدايه شهر 11 تطبق عليهم القانون الجديد للمصرف المركزي يعني 75% من الاساسي والعلاوه الاجتماعيه وباقي الشروط اللي تطبق على البنوك

والله يوفقك

[cavok]

اخوي ابتعد عن الاولى فوائدها عاليه جداً

[بسيط المبسوط]

مشكورين اخواني على الرد ماقصرتوووا يالفزعه



بس انا ماباخذ من البنك اللي انا فيه لان الاجرائات تطول بالنسبه للموظفين لازم مراجعة الاداره وما ادري شنو

فقلت باخذ من الاولى للتمويل


حد عنده فكره اذا اجرائاتهم تطول ولا شلون ؟
ويفتحون يوم السبت؟

[سلطان23]

نعم يفتحون السبت

ويطلبون كشف راتب لمدة ٣ اشهر

بس الفائدة اعلى

تصل ٧٪

[بسيط المبسوط]

اللي سمعته كانهم مسوين عرض الحين

مافي الا اروح بكره ان شاء الله واشوف

مشكورين يالربع