مساااااعدة ضرورية للمختصين بـــأبــــل ستـــور او من مر بن:(

[Dana’1]

السلام عليكم ورحمة الله وبركاتة

لو سمحتو اذا في احد يقدر يساعدني..انا سويت من شوي اكاونت جديد في الاستور الأمريكي
عن طريق كرت أي تونز ب 15$
وكل شي حلو وتم بس المشكلة غلطت بإدخال الإيميل:( ايش اسوي الحين
اتمنى القى الرد اليووووم
وجزاكم الله خير

[Dana’1]

Up>>Up

[بو حموود]

بالتوفيق ان شاء الله

[Dana’1]

وياك يارب جزاك الله خير

[محمد الجفيري]

بالتوفيق

[مسمار]

كيف غلطت بإدخال الايميل.. وضح اكثر

للعلم الحساب مايتفعل لين ماتدخل من الايميل

[Dana’1]

^^^
أنا وقت التسجيل دخلت الأيميل ناقص لان نسيت اضافة الرقم بالاي ميل
وبالصدفة طلع هال إيميل موجود بالأساس لشخص ثاني فعشان كذا تم بنجاح
لكن ينتظر التفعيل يوم جيت لهذي المرحلة ما قدرت لان الايميل خطا وراح لراعي الايميل الي دخلتة
فكيف ارد رصيدي؟ وهل اذا ما تفعل الحساب يردون الفلوس كيف سياستهم وشلون ارد الفلوس اذا في مجال أتمني من الاخوان الشرح واذا لا الله يعوض ان شاءلله بشتري كرت ثاني واسوي اكاونت من جديد
اساسا الأكاونت بسوية لأبوي وهلي من الي عندهم اي فون
والا أنا عندي اكاونت وماشي تمام الحمد لله
وجزاك الله خير
وجزاء الله خير كل من رد على الموضوع بدعوة حلوة
مشكورين
وفي انتظار باقي الردود

[عــيــون قطر]

ماقدر افيدج بس الشباب ماراح يقصرون ان شاء الله

وبالتوفيق ان شاء الله وتردلج فلوسج

[fhd4]

الحل بسيط الله يسلمك ولا تحاتي

ادخل هذا الموقع

https://appleid.apple.com/cgi-bin/WebObjects/MyAppleId.woa/55/wa/directToSignIn?wosid=kgHJRRtKabeJmACPjbQ3Sg&localang=en_US

وحط الايميل اللي سجلت فيه مع الباسوورد … حتى لو الايميل غلط

بعدين اختار … Name ID and email address

وتقدر تغير الايميل من هناك بكل سهولة

[Dana’1]

ماقدر افيدج بس الشباب ماراح يقصرون ان شاء الله

وبالتوفيق ان شاء الله وتردلج فلوسج
جزاك الله خير وبالتوفيق لك وللجميع يارب آمين

الحل بسيط الله يسلمك ولا تحاتي


ادخل هذا الموقع

https://appleid.apple.com/cgi-bin/We...localang=en_US

وحط الايميل اللي سجلت فيه مع الباسوورد … حتى لو الايميل غلط

بعدين اختار … Name ID and email address

وتقدر تغير الايميل من هناك بكل سهولة

جزاك الله خير وسعيك لحل المشكلة تشكر علية

لكن يوم دخل الموقع ما لقيت النيم وو
لكن دخلت هذا Manage your account بعدة دخلت المستخدم والرقم السري وضبط
جيت اغير على حساب موجود طبعا ما صار لان اكيد هو موجودة وانتهى
لكن قلت خل ادخل ايميل بنت عمي هي تحتاجة
ودخلتة وتم
بس يوم شيكت هي على ايميلها ما وصلها شي من أبل
فعدت الخطوات قلت يمكن غلطت بس يوم عدت ما صار لان يقول هذا مستخدم حاليا معناة انة قبل ايميل بنت عمي بس ما ارسل اي شي لها
عقب قلت خلني أدخل على ايميل بنت عمي بالاي تونز نفسة فقال في خطأ بأسم المستخدم او الرقم السري
ضغط على اني نسيت الرقم السري فنتقل للخطوة الي بعدها
سألني اذا يرسل اعادة ضبط الرقم السري بالايميل او اعادة بطلب السؤال السري
طبعا اخترت ارسال رسالة على نفس الايميل وفعلا وصل بريد منهم على ايميل بنت عمي وفتحتة وسويت ايميل جديد
وتم بنجاح
بعدها رحت فتحتة من الأي تونز وفتح لكن على طوووول طلع من الاستور الامريكي الي هو المفروض اني مسجلة علية من الأول يوم غلط بالايميل الاول
وسجل على الاستور السعودي ..واسم بنت عمي وعايلتها أنا كذا @@
ومو بس كذا حتى رقم جوالها والمدينة الي هي فيها وطبعا المملكة العربية السعودية!! كلمتني وقلت لها كذا مسكينة تروعت وقالت شلون كذا قلت ما ادري انتي يوم برمجتية عند المحل تقول اي يعرف لان ضبط لي أشيا عن طريقة على ما اعتقد بس ما يعرف أسمي أبدا أبدا والشريحة مو بأسمي أساسا كيف صار كذا
هي مسكينة خافت على استغربت قلت لها انتي مسجلة بإيميلك هالبيانات قالت ابدا استأذنتها ادخل على البروفايل ومعلومات الاكاونت حقها خصوصا اني اكلمها وان فاتحة الايميل حقها بس على الصندوق الوارد
شيكت فعلا مافي اي معلومات عنها غير انها بالسعودية فقط
فشلون صار كذا؟؟ من جد أنا مستغربة شي غيرب بصراحة ويخرع أنا غيرت المعلومات كلها وضبطت اوك
الا البلد كل ما جيت اختار امريكا يقول لازم ادخل رقم بطاقة ادخل كرت الايتونز الي استخدمتة وراح علي يقول خطأ فما فية إلى انها تشتري كرت وتكمل العملية وتكون بالاستور الامريكي الي هو الوحيد يقبل الاي تونز ويمكن الكندي
انا شرحت لك بالتفصيل الممل عشان تتضح الصورة لك
أنا حــابة اعرف وبالتفاصيل اذا عندك خلفية عن الموضوع طبعا انك تعلمني شلون صار كذا من وين جابو الاسم واسم القبيلة؟
وفية بعد عمر وعثمان هذا بالعنوان وهذي الاسماء ما نعرف احد قريب بهذا الاسم ولا الحي السكني الخاص فيهم بهذا الاسم
شسالفة اتمنى من الي عندة خبرة ينورنا
والسلام ختام