مطعم بابّاي

[alrasee]

السلام عليكم

مطعم بابّاي اللي في مشيرب رفع اسعاره قبل صحن المشاوي كان 18 الحين 21

الله يعين الجميع على ها الغلا

تحياتي

[ذيب ازغوى]

ياخوي من دون كلام ضمه للمقاطعه

[OM_OMAR_QATAR]

شدعوة ماتسوى عليهم

[كازانوفا]

من يومه غالي وكمان مسوي نفسه اكله عاااد ما عليه زود

[شموخ دائم]

,


,



مرحبا

هذا المطعم مادري ليش ما افكر اكل فيه
مو مرتاح للناس الي تشتغل فيه
:)

,

,


اخوك


شموخ دائم

[البدع]

بحكم اني ازور هذا المطعم بشكل مستمر اخر الايام قول رايي بدون (مجاملة)

المطعم رخيص ... ارخص من كنتاكي

طعمه مش احلى من كنتاكي بس مميز شوي

عليه زحمة

اغلب الي يجونه كبار سن

شخصيا ما استغربت من رفع اسعاره

لاني تفاجئت من رخص اسعاره قبل شهرين

المشكلة ليست في باباي

المشكلة في :

1. صاحب العقار الي رافع الايجار

2. ارتفاع اسعار الغذاء محليا

3. زيادة الرواتب لان الريال جالس يطيح مع الدولار

[العابــرQAT]

من الثمانينات واحنا ناخذ من هالمطعم اكلة لذيذ من دجاج او حمص او تبولة

لا تقولون لي مطاعم ثانية

[بوحارب]

حتى اسعار السندويشات ارتفع من 7 الى 8 ريال

ومع هذا تم تصغير حجم السندويج وهذا اللي محيرني

يعني ماكفتهم الزيادة حسبي الله عليهم !!!!!!!!

[qtr7]

كم مره تسممو منه ربعي واخر واحد انا يا ريت البلديه يشيكون على نظاااافته انا حطييت x علية

[ريتويت]

وين المطعم؟؟؟

[qtr7]

شارع موازي لشارع الكهربه عند الديوان القديم

[حمد بن سعد]

كل شي ال بباي هههههههههههههههه

واحد من الربع مدمن عنده وكل خميس لازم العشى عنده الثوم ماله حل هههههههههههه

[فارس قطر]

سابقا الطهاة كانو لبنانيين ننصح بة وخاصة الثوم والبطاطس المشرشر ودجاج المغلي

اما الان البركة في النيباليين هجرناة بسبب النظافة التي اصبحت معدومة في الطعام والعاملين.

[cavok]

بعد الأسعار المطاعم اللي في الدوحة تعتبر ارخص بكثير من عندنا في
الدنمارك

[خوي الدرب]

انا من زبائن هذا المطعم منذ زمن طويل
ولكن بعد وفاة سيمون أحس لم يعد له طعم فقد كان سيمون ذلك الارمني معلم من معالم شارع المشيرب منذ سنين
وبالتالي لم اعد اعلم عنه شيء هل زادت اسعاره او نزلت او تغيرت نكهته

[البدع]

انا زرت باباي امس

سعر البروستيد مثل قبل ماتغير .... 15 ريال

[OREO]

سابقا الطهاة كانو لبنانيين ننصح بة وخاصة الثوم والبطاطس المشرشر ودجاج المغلي

اما الان البركة في النيباليين هجرناة بسبب النظافة التي اصبحت معدومة في الطعام والعاملين.

المطعم هذا عمره ما اشتغل فيه لبناني ،،

صاحب المطعم اسمه سيمون ( ارميني ) و توفى من سنتين تقريبا و حاليا ولده و زوجته هم اللي يديرون المطعم ،،

الطهاة جنسياتهم هنديه و اغلبهم شغالين من سنين طويله و اعرفهم كوني من رواد المطعم من سنة ١٩٨١ ،،

[Northqatar]

راحت عليه

مقاطعه

[Xx QATARI xX]

صحن دياي مقلي وشوربة ،، ياسلاااام ،، والقحي مات
بس عبدالله موجود ولا بعد الحقه

المطعم له زباينه لو يرفع اسعاره دبل مب مشكله ههههه

[alkatalony]

تعجبني وايد سندويتشاته سواء اللحم ولا الدجاج ولا الكبده شغل ترتوب ولذيذ

[نبيلوو]

استغلال , اذا يكن هنالك رادع فما المشكلة في رفع الاسعر؟؟؟

[لكزس فورويل]

على وشو يزيد الاسعار انا تسممت منه

[المعضادي]

السلام عليكم

مطعم بابّاي اللي في مشيرب رفع اسعاره قبل صحن المشاوي كان 18 الحين 21

الله يعين الجميع على ها الغلا

تحياتي

يا اخي ايش انت من انسان ؟؟!!! الــــ 3 ريال فرق بتأخر قسط البنك ولا بتأخر دفعات المقاول

:rolleyes2:

سعره غالي عليك لا تروح له مرة ثانية !!!!!

روح مطعم سكر باشا اللي في كتارا المشويات ارخص هناك بس بــ 75 او بـــ 125 ريال

اعتقد :omg:

واذا كلش ضاقت عليك لا تاكل منه شرشحت في المطعم على 3 ريال زيادة ؟؟؟؟؟

والله ماعندك سالفة مطعمه وكيفه يا أخي

وين المراقب عن هالموضوع ، انا انصح ان اي موضوع يشير لمطعم ولا محل في قطر

رفع اسعاره بمبلغ 3 ر يال تحذفه ،اما 4 ريال فما فوق انصح بتثبيته علشان نحس بالزيادة

والله العظيم يا اهل قطر انكم تفشلون مب لاقين شيء تنتقدونه .

[ريتويت]

يا اخي ايش انت من انسان ؟؟!!! الــــ 3 ريال فرق بتأخر قسط البنك ولا بتأخر دفعات المقاول

:rolleyes2:

سعره غالي عليك لا تروح له مرة ثانية !!!!!

روح مطعم سكر باشا اللي في كتارا المشويات ارخص هناك بس بــ 75 او بـــ 125 ريال

اعتقد :omg:

واذا كلش ضاقت عليك لا تاكل منه شرشحت في المطعم على 3 ريال زيادة ؟؟؟؟؟

والله ماعندك سالفة مطعمه وكيفه يا أخي

وين المراقب عن هالموضوع ، انا انصح ان اي موضوع يشير لمطعم ولا محل في قطر

رفع اسعاره بمبلغ 3 ر يال تحذفه ،اما 4 ريال فما فوق انصح بتثبيته علشان نحس بالزيادة

والله العظيم يا اهل قطر انكم تفشلون مب لاقين شيء تنتقدونه .

الاخ الكريم السالفه مب سالفه 3 ريال وبس ولا سالفه بخل .. كل شوي بيزيدون الاسعار علينا .. اليوم 3 وباكر 3 وبعده 3 لين ماتوصل نفس مطاعم كتارا على قولتك... الشيوخ حنا شعب مانفشل ولكن نحاسب ومانحب الاستغلال

تحياتي