مدرس باكستاني في جامعة قطر يطلب الويسكي

[مهره]

مرحباً اخواني
حدث معنا موقف اكاد اكون مصدومة منة في التعليم الاساسي بجامعة قطر هناك مدرس لمادة الكمبيوتر هندي او باكستاني بس اغلب الظن انة باكستاني يقول لطالبات بعد شرحة للدرس انة متعب ويريد شرب الويسكي في ذمتكم هذا يستأهل ان يكون في مكان المعلم ولا أزيدكم من الشعر بيت
يقول للبنات this groub monkey ,,, and this grob donkey هل يعقل هالكلام من مدرس في جامعة محترمة ارجو من المسؤولين متابعة الموضوع
ولكم الحكم اخواني ,,,,

[الخفي]

(( هذا المفروض يصنف في قائمه الحيوانات طالما انه فكره بهذا الشكل والفاضه

بهذا الشكل فلايستحق ان يكون في مكان او في جامعه بخلاف ان يكون مدرس ))

[عليه العوض]

لا يصلح مدرس ومكانه حارس في حديقة الحيوان

[الهاجري 2]

هههههههه شكلي عرفته يدرسني بعد كمبيوتر

[ابوعلي]

هل اشكيتوا عليه عند ادارة الجامعة

[بـارود]

مادام هاذي اخلاقياته , اشلون وصل هالمنصب ؟

:(

[ولد الخال]

قد يكون سكران

ولا يعي ماذا يقول

وله السموحة

[مهره]

لا والله البنات توة اول كورس ويقولون نخاف يلعب بدرجاتنا

[قطر 2012]

:eek5::eek5::eek5::omg::omg::omg::anger2::anger2:: anger2:

[غزلان]

كان سجلتوا كلامه وعرضتوه على ادارة الجامعه اكيد مابيسكتون عنه

مب صاحي :(

[ريتويت]

المفروض بلغتي عنه الشرطه

[aqsa4us]

المفروض من الطالبات يشتكون على المدرس للأدارة

تحياتي

[المفترسه]

كلمة ويسكي قويه الصراحه
بس منكي ودونكي ما ظن قالها مني والدرب يمكن البنات ارفعوا ضغطه
او سووا شي او سببوا ازعاج فالمحاضره واذا ماصار شي عيل ليش خايفين
تشتكون للاداره المنتدى ماراح يفيدكم بشي

[بوحارب]

والله نفس هالمدرسين يرجعونهم بلادهم وخلهم هناك يطلب الوسكي على راحته وبيشوف العصي شلون بتتكسر على ظهره

[مهره]

والله انا يوم شفت البنات خائفين قلت بطرح الموضوع في المنتدي عل وعسي يكون حد من الجامعة فيها يوصلة الخبر وبخصوص انة ماقال هالكلام الا يمكن البنات رفعو ضغطة ياخوي فلنفرض مثلا كان في ازعاج او كلام هو في مكان القدوة وهو معلم أبدا لا يصح لة مثل هالكلام ولكم احترامي لكل من رد وشارك لكن صدقوني الله شاهد علي كل كلمة قلتها وما زدت عليكم بحرف

[سهم قطر]

ليش حنا دوم جبناء
اشتكوا عليه في الجامعه او الشرطة مايحق له يشبهكم بالحيوانات

[حنان k]

وش هالمهزله هذه
اليوم منكي ودونكي وويسكي بكره أيش ؟؟! وفي كلاس بنات بعد الله يستر
فارد عضلاته ومستعرضها عشان أنهم بنات لو كان بكلاس شباب بلع لسانه
هذا وهو معلم ذي ألفاظه يرجع ديرته ويعرف قيمته والله يرزقه بـ لقمة العيش
ويعرف قدره ويعرف النعمة اللي كان فيها ولا حافظ عليها
بعدين قلة منارات العلم وما لقيتوا إلا باكستان وش دعوه
سكوتكم عنه رضى عن اللي صار بالكلاس .. والشكوى عليه درجاتكم بيده
لكن القليل الأدب طول عمره قليل أدب ما ينظف ويصير مؤدب إلا بعد ما ياخذ له علقه من اللي أصغر منه
أنشروا اللي صار بينكم ع الكلاسات اللي يدرسها وأتفقوا تسجيل محاضراته كلها
مصيره بيغلط نفس الغلط ويمكن أكبر منه , بالتسجيل تقدرون تدينونه به عند أدارة الجامعة

[الأصيل]

هذا مكانه في بار تكرمون موهوب جامعه
وبعدين هذا منكر مفروض ما تسكتون عليه واللي خايف على درجاته الله بيعوضه بس يسعى لتغيير المنكر

[استغفرالله]

استغرب ان اللي يعملون بتدريس تاسيسي في جامعة قطر هم دون المستوى

حيث بعضهم لا يملك خبرة تدريس سابقة او خبرتهم دون المستوى

[مهره]

والله فكرة تسجيلة هى الحل لان ادارة الجامعة ماعتقد تاخذ بكلام الطالبات بس يوم بيكون في إثبات بيسكتون خلاص اول محاضرة لة مع البنات يوم الأحد الساعة ٨صباحا فنضبط كل شي وعلي يتوفقون هالمرة شاكرة للجميع وللاخت حنان فكرة التسجيل الله يخليكم لهالمنتدي ولكل من فية

[المهندس عبدالعزيز]

كتاب إلى النيابة العامة بخصوص هذه الاحداث

[الأصيلة]

المدرسين العرب المحترمين ابعدوهم عن الجامعات
وحطوا بدالهم أشباه المدرسين ...
هذا كفو يدخل الحرم الجامعي ويلقب بلقب معلم أو دكتور ...؟؟؟

[حنان k]

ماهو شرط يكون التسجيل بنفس الكلاس
عمموا الموقف ع جميع الكلاسات اللي يدرسها
ونبهوا البنات وشددوا ع تسجيل محاضراته بجميع الكلاسات
الكلاس اللي بيكون فيه خطأ يقدم التسجيل لأدارة الجامعة
أنتوا بعدها كلاسكم يقدر يتقدم بشكوى عليه عند الأدارة صح ماعندكم دليل
بس شكوتين بنفس الوقت تكسر الظهر
وتقدرون بعدها تطالبون الأدارة بأعفائه من وضع أسئلة الأختبار وتصحيح أوراقكم
ولو ما أعفته الأدارة من الصعب يحمل كلاسين مواده
ولا صار عندك تسجيل فيكم تنشرون التسجيل بالمنتديات والبلاك بيري
لو الأدارة غطت ع الموضوع عن طريق البلاك بيوصل للي فوق أدارة الجامعة

[بوخالد911]

بل


الله يعيين


ليش مستعجل

يرووح للفندق ويشررب السم الهاري

[في سبيل الله]

وين انروح نشتكي اذا عميد الكليه اجنبي ومساعد العميد اجنبي وسكرتيرتهم اجنبيه والاداره معظمهم اجانب والدكاتره بعد معظمهم اجانب وبالاخير يسمونها جامعة قطر .. عجبا`

[elders]

المفروض بلغتي عنه الشرطه

لووول

[روح الاطلس]

مسكين يمكن يبي يعدل المزاج!


تلقونه بايعها ومب فارقه معاه لو انهوا عقده وايد من هالاشكال

[أبو عبدالعزيز]

هذه جريمة يعاقب عليها القانون.. وكل أحد شاهد ذلك أو تم توجيه السباب إليه يمكنه التقدم بتقديم شكوى أو بلاغ إلى شرطة أمن العاصمة، أو النيابة العامة
أرقام إدارة أمن العاصمة:
- المقر الرئيسي : 44521111
- قسم مدينة خليفة : 44873888
- قسم مسيمير : 44258444

رقم النيابة العامة: 44843333

[حنان k]

وين انروح نشتكي اذا عميد الكليه اجنبي ومساعد العميد اجنبي وسكرتيرتهم اجنبيه والاداره معظمهم اجانب والدكاتره بعد معظمهم اجانب وبالاخير يسمونها جامعة قطر .. عجبا`



؟؟؟؟؟؟؟
!!!!!
من جد ؟؟
جهة حكومية وطاقمها الأداري مستورد من الخارج

إذا عندهم تسجيل وقدموه للأدارة وما قامت باللازم
يقدمون التسجيل للمحكمة ويرفعون عليه وعلى الأدارة قضية
ماهو شرط ياخذون حقهم لهم الله فوقهم ياخذ حقهم منه
لكن الأهم بهدلة الباكستاني وتعيشه برعب بتكون له صفعة محترمه
ويعرف أنه ما تسكتون ع الخطأ ولا ترضون لأحد يهينكم

[ع.م]

يمكن يمزح..

[khaleeji]

والله مب هين خان ,,,, زين انتوا سكتوا لانكم خايفين على درجاتكم

سؤال يطرح نفسه لأي حد يمكنكم ان تسكتوا خوفآ على درجاتكم ؟؟

حطوا في بالكم اذا سكتوا بيتمادى ولازم (اذا قل ادبه)تسكتونه في المره الجاية وتطلعون من الصف كلكم وتتجهون لادارة الجامعه لتقديم شكوى (مكتوبه) ضده وتبلغونهم انه اذا لم يتخذ ضده اجراء قوي بتوصلون الشكوى للنيابة والاعلام

[مهره]

دعواتكم للبنات بتسجيلة واذا احد من الأخوة الشباب ياخذ عندة وعرفة من خلال كلامي يساعدنا في تسجيلة ونشرة او توصيات لإدارة الجامعة يعرفون يجيبون كوادر من برع عشان عندة شهادة ولا أزيدكم خريج جامعة كندية مالت علي هالاشكال لكن الخطأ مب منة من الى حطاة في هذا المنصب

[نجدي قطري]

أقول لكم وآنا أشتغل في جامعة قطر.
وقفوه عند حدّه. ترى دكتور ثاني من جنسية عربيّة تمادى مع وحدة من الطالبات والسبب إنّا نسكت عن حقنا.

[عازف العود]

وصلي الموضوع للادارة وانتي مع مجموعه من البنات خليهم يشهدون معاج ضده عشان هذا الحيوان يعرف مستواه ويعرف يدرس من ويعرف انه جامعه قطر واجهه البلد التعليميه وهذي الاشكال ماينسكت عنها

[R 7 A L]

المفروض متسخدمين التكنلوجيا من كيمرة او جوال
ومصورين كل شي
وتشتكون
مو عند ادارة الجامعه
هنااااااااك في النيابه العامة

[.خالد]

ما اعتقد هالكلام صحيح معظم هالشكاوي كيدية ، لو هالكلام صحيح اعتقد انتوا مجموعة كبيرة وتقدرون تروحون تشتكون حق مدير الجامعة والحين الله مكثر الموبايلات تقدرون تسجلون صوته ...

بس شكله هالمدرس محد يقدر على مادته قاموا يتبلون عليه .

[قطر 2012]

المدرسين العرب المحترمين ابعدوهم عن الجامعات
وحطوا بدالهم أشباه المدرسين ...
هذا كفو يدخل الحرم الجامعي ويلقب بلقب معلم أو دكتور ...؟؟؟

:secret::eek5::weeping::omg::anger2:

ولا تنسون أعضاء هيئة التدريس القطري، تكاثروا عليهم حقهم في 10% التي اقرها مجلس الأمناء و صرفوها فقط لغير القطريين و هذا واحد منهم ، الرجاء قراءة المقال http://www.qatarshares.com/vb/showthread.php?t=483635

[القحطاني505]

هذي خاتمة اللي يجيب الاجانب

[Best Man]

والله انا يوم شفت البنات خائفين قلت بطرح الموضوع في المنتدي عل وعسي يكون حد من الجامعة فيها يوصلة الخبر وبخصوص انة ماقال هالكلام الا يمكن البنات رفعو ضغطة ياخوي فلنفرض مثلا كان في ازعاج او كلام هو في مكان القدوة وهو معلم أبدا لا يصح لة مثل هالكلام ولكم احترامي لكل من رد وشارك لكن صدقوني الله شاهد علي كل كلمة قلتها وما زدت عليكم بحرف

صدقيني اذا مانفعتو انفسكم محد بينفعكم ..لازم تتحركون وتشتكون عليه لا تخلونه يتمادى معاكم

المفروض من اول ماقال تشتكون عليه على طول..هالكلام ماينسكت عليه

وماظن اداره الجامعه بتسوي لكم شي..في واحد من الاخوان حط ارقام حق النيابه

اشتكو عليه..وبلغونا شيصير وياكم

[ahmed_alshiba]

واثق الخطوه يمشي ملكاً

كلا م الدكتور فيه سب وقذف...واستخفاف بعادات وتقاليد البلاد واهلها
اذا كان فعلا صدر منه مثل هالكلام
واذا كان غير صحيح فتذكروا قوله تعالى
{يَا أَيُّهَا الَّذِينَ آمَنُوا اجْتَنِبُوا كَثِيراً مِّنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَب بَّعْضُكُم بَعْضاً أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتاً فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ }

وحيث ان البلاد من فضل ربي دولة نظام وقانون
يمكن الشكوى عليه اداريا في الجامعه وجنائي لدى اي مركز شرطه
ومكانته ليست اعلى من القضاه ومع هذا من حق اي شخص الشكوى عليهم

واما الخوف على الدرجات والعلامات فهو عذر لا يمكن يتحجج فيه الطالب المتمكن

ودمتم

[ارين]

لا حول ولا قوة إلا بالله

هل هذا الأستاذ مثال للأخلاق وقدوة طيبة للطلبة .. وكفء لاستيقاء العلم منه .. ؟ وكم واحد من أمثاله في جامعتنا .

من المسؤول عن اختيار هؤلاء النطيحة والمتردية ؟

هل وصلنا لهدرجة من الانحطاط باختيار أولئك في جامعة قطر؟

أم أصبح طالب الخمر وشاربه شي عادي وغير مستنكر ما دامت الدولة تسمح ببيع الخمور في البارات وعلى الطائرات القطرية ؟
وبشكل مجاني أحيانا كما قرأنا من أيام في المنتدى ..

وإني لأتسائل هل سيتخذ إجراء ضده ومحاسبته أم سيغض الطرف عن تصرفه اللامسؤول في الحرم الجامعي

الله يذكرهم بالخير أساتذتنا .. كانوا مثال للدين والأخلاق والذوق
والله يجزاهم خير

[أساور حلم]

إذا انتوا خايفين تشتكون في غيركم وايد يقدرون يوصلونها للأدارة العليا في الجامعة ف ياليت إذا عندكم بينات عنه تطرحونها , وبسنا خــوف إحنا في تقدم والمواجهة والمطالبة بالحق أساس هالتقدم هذا موضوع رأي عام يمس دينا وكرامتنا قبل لا يمس درجاتكم .

[امـ حمد]

كلام الأخت غزلان صحيح

كان سجلتوا كلامه وعرضتوه على ادارة الجامعه اكيد مابيسكتون عنه

[الصغيره]

اللهم لك الحمد طبعا حتى تشتكون لازم دليل ومحد راح يصدق فصوروه احسن او اطلبوا وضع كميرات مراقبه لتصويره

ايه الجامعه والله ايام زمان مش الحين

[مريومة]

ما اعتقد هالكلام صحيح معظم هالشكاوي كيدية ، لو هالكلام صحيح اعتقد انتوا مجموعة كبيرة وتقدرون تروحون تشتكون حق مدير الجامعة والحين الله مكثر الموبايلات تقدرون تسجلون صوته ...

بس شكله هالمدرس محد يقدر على مادته قاموا يتبلون عليه .

معليه يا الاخو

سالفة يتبلون عليه .. هذه تحتاج واحد خامر في الجامعة وقريب بينطرد .. اما طالبات اول سنة ما اظن

اما ان هالمادة محد يقدر عليها اسمح لي ..مادة كمبيوتر في التأسيسي .. حتى فني كمبيوتر يقدر يدرسها

الجامعة انترست كل الجنسيات ماعدا القطرية .. خاصة البكستانية واللبنانية


والله المستعان

[بوحارب]

معليه يا الاخو

سالفة يتبلون عليه .. هذه تحتاج واحد خامر في الجامعة وقريب بينطرد .. اما طالبات اول سنة ما اظن

اما ان هالمادة محد يقدر عليها اسمح لي ..مادة كمبيوتر في التأسيسي .. حتى فني كمبيوتر يقدر يدرسها

الجامعة انترست كل الجنسيات ماعدا القطرية .. خاصة البكستانية واللبنانية


والله المستعان

في المدارس المستقلة باكستانيات وفي الجامعة باكستانيين

شالسالفة :anger2:

[حنان k]

في المدارس المستقلة باكستانيات وفي الجامعة باكستانيين

شالسالفة :anger2:



أنا اللي فالق مخي نص منذ قرائتي للخبر
أنه مدرسينكم باكستانيين
كيف التقييم باللغة العربية ؟

[حسن]

دام هو يشرح بالانجليزي يمكن يقصد حرف W لانه تلفض ويسكي ولا واتر:victory:

[بـ فيصل ـو]

بالنسبة لي .. هالكلام ما يعتبر غريب ولا عجيب .. ومستغرب تعليقاتكم ..
قصدي اذا كان هالمدرس أوروبي محدن تجرأ يقول هالكلام.. وهذا الباكستاني الحقير سمع بأن قطر فيها خير وإن الخمور مفتوحه لها الأبواب فقال كلمته بدون كلافه.. يعني ردود فعل طبيعيه .. ليه الاستغراب!!؟

[بـ فيصل ـو]

كلام الأخت غزلان صحيح

كان سجلتوا كلامه وعرضتوه على ادارة الجامعه اكيد مابيسكتون عنه

لأ مب صحيح .. لأن اللي بسوي جذي بتروح فيها .. يعني اللوم دوم يجي على الطلاب .. وبيقولون خليك بدراستك .. او تنقص درجات البنت .. او يتحاملون عليها الدكاتره بباقي المقررات .. أو.. او..الخ الأساليب كثيره لردع الطلبه بجامعتنا الموقره للأسف الشديد..

وانا أقترح التسجيل .. ولكن وضع التسجيل بالمنتدى عشان يكون الطالب في أمان من شر الجامعه والدكاتره .. وخلي الجامعه تحقق مع هالدكتور اللعين.. هذا ان كانت ناويه تحقق معاه

[رجل مثالي]

اذا الكلام صحيح يشتكون عليه لانه في حرم جامعي وله احترام

[مهره]

انا ياخوي خالد حلفت بالله العزيز أني مازيدت حرف واحد والبنات صادقين بنات سنة اولي وشنو الصعوبة في المادة مثل كلام إخوانا في المنتدي اسهل منة مافي بس صدقني هذا المدرس لة وقت وبيطيح ان شاء الله

[intesar]

:anger2:

[SOONALL]

والله كان عندا مدرس يسب بس كلنا نحبه ..اذا كان المدرس عندكم تحبونه انصحوه وعلموه انى هذا غلط اما اذا كان يرفع الضغط مالكم الا تشتكون عليه او حد يدوسه
ههههههههههههههههه

[دلة الرسلان]

البينة على من ادعى .

[شبح الصمت]

يحليلكم وساكتين بعد وخافين على دراجاتكم !!!


:anger2:
:anger2:
:anger2:

[Engineer]

لا والله البنات توة اول كورس ويقولون نخاف يلعب بدرجاتنا

هذا اللي مضيعنا كله نخاف و نستحي و مانقدر
اذا هذي اقوالكم فاشربوا ولا تقولون بس يا بحر

الله المستعان

[حفيدعمر]

اشرهة على من

[شبح الصمت]

اختي دامكم اكثر من وحده ما يحتاج تسجلون عليه ولا شيء ..

خلاص تشتكون عليه ..

اشدعوه لين الحين هالشكل يدرسكم !!!

ما تخافون على نفسكم يوم يجيكم سكران ويختلي بوحده !!

خلونا نتكلم بصدق ..

الحين الي صار تروحون لين الادارة وتبلغون عليه وتشهدون ودامكم اكثر من طالبه خلاص باذن الله شهادتكم مقبولة ..

ولو تخافون على الدرجات قلعتها ..


بس نفس هالاشكال مكانها الله يعزكم ( الزباله ) تكرمون

[ROSE 26]

اشتكو عليه عند الاداره
اذا القروب گــ ̯͡ـلْه راح او تجمعون توقيع الطالبات مع اساميهم عَلى الورقه وتعطونه الاداره بيقبلونه..


اعرف دكتور انطرد مـِْט الجامعه اشتكو عليه وانطرد
اهم شي گــ ̯͡ـلْ الطالبات يتفقون

[ام السعف]

هذا اللي مضيعنا كله نخاف و نستحي و مانقدر
اذا هذي اقوالكم فاشربوا ولا تقولون بس يا بحر

الله المستعان

:weeping:

[الحال مايساعد]

والله مالومه ...

[بـــــــنت النوخـّــــذه]

يعني مافي وحده فيهم كفو اتسجل المحاضرة كامله بتسجيل صوتي ؟؟؟؟؟؟؟

مشكلتنا لي سمعنا هالاجانب يستضرفون نضحك وراهم هاهاها مانوقفهم بحزتها او نناقشهم بالكلام

[أم حمد]

اجتمعوا كلكم واشتكوا شكوه جماعيه

او اتفقوا كلكم ان تعتصمون ولا تحضرون له محاضره لين يتبدل

عشانا وشفنا :anger2:

[شبح الصمت]

يعني مافي وحده فيهم كفو اتسجل المحاضرة كامله بتسجيل صوتي ؟؟؟؟؟؟؟

مشكلتنا لي سمعنا هالاجانب يستضرفون نضحك وراهم هاهاها مانوقفهم بحزتها او نناقشهم بالكلام



اجتمعوا كلكم واشتكوا شكوه جماعيه

او اتفقوا كلكم ان تعتصمون ولا تحضرون له محاضره لين يتبدل

عشانا وشفنا :anger2:



لا مساكين خايفين على دراجاتهم

حرام بيسقطهم

[kuwari]

روحوا اقرب مركز شرطة وقدموا بلاغ اهانة وسب وشوفوا الحكومة وش بتسوي فية ولا تنطرون الادارة اتنفذ الامر معاة وبالاخير تطلعون انتوا الغلط

[سيكل]

يمكن من متطلبات الاعتراف الاكاديمي إن يكون ( الويسكي ) في الجامعة :omg::secret:وإذا هذا اسلوبة أعتقد إنه متخصص في ( علم الحيوان ) :eek5:وأعتقد بأن هذا القسم أغلق من زمان :tease:وسلمولي على المترو والريل !!!

[سيكل]

هل اشكيتوا عليه عند ادارة الجامعة

الجامعة بتقول ( يمكن انه ويسكي بدووووون كحول ؟ يعني حلال ؟ أو ان الدكتور مسسسسسسسسسسسسسسسسكين عنده حصاه بالكلى ولازم يشرب علشان تنزل الحصاه ؟ههههههههههههههههههههههههههههههههههه آه يا جامعة

[اسعاف]

الشرهه على الي شغله

واستأمنه على بنات المسلمين

حسبي الله ونعم الوكيل

[مهره]

اخوي شبح الصمت مب فاهمة شقصدك من الرد
هل اللوم علي البنات هذا منتدي وهذا ردودكم فية فكيف بإدارة الجامعة
ألاحظ اغلب ردود اخواني الاعضاء كانت تشعرني بمعني الحق في هالايام لكن ردك والله اعلم ماقدر أحط الظن فية خائفين علي درجاتهم مساكين ؟؟؟؟!!!!!
ارجو التوضيح

[meeemz]

اتوقع مب لازم تسجيل كلكم شهدو ضده مجموعه ، ومب لازم اداره الجامعه احسن الشرطه

[هبوب الكوس]

مب منهم من الادارة والمسؤولين

[khaleeji]

يامهره التحنطم ما ينفع الحين سوي الي قلت لك في المشاركه السابقة

وفالك طيب,,,ولا تسكتون لا يسمعكم كلام اكبر في المرات الجايه

[CH Engineer]

اتوقع مب لازم تسجيل كلكم شهدو ضده مجموعه ، ومب لازم اداره الجامعه احسن الشرطه

صادق ماله داعي التسجيل
اكتبي شكوى بكره الصبح وحطي اسطر فاضية بعدد الطالبات وكل طالبه تكتب اسمها وتوقيعها وسلميها لادارة الجامعة
واكتبي تحت ملاحظة ان الشكوى بتروح لمركز الشرطة اذا ما شفنا الاجراءات المناسبة

واذا بتشتكون فالمركز افضل واحسن

[جان دارك]

السلام عليكم
أنا الحين رايحة. الجامعة عند هذا الدكتور وهو هندي عايش في كندا ومتخرج من كندا وهو الصراحة محترم ما جفت منه شي مب عدل من بداية الكورس والاسبوع اللي طاف جاب هذا الطاري بس على السريع بضحكة. وكل الموجودين ضحكوا بس ما جابها بالطريقة اللي مذكورة وهو مسلم يقول لنا انه يقرى قران الشي الوحيد اللي يعرفه بالعربي ما اتوقع انه بالصورة المذكورة

وسلامتكم*

[al-obaidly]

المشكله مهب من البكستاني اوغيره من الجنسيات المشكله من الي فاتح الباب حق له حق الغشمره والضحك والاخير يقولون يبي ويسكي اكيد بيقول هل الكلام لان الباب مفتوح لا ومشرع حده بعد حق السوالف والمسخره يعني بالعربي ليش تعطون هل الاشكال وجه من البدايه؟؟؟؟؟؟؟؟؟؟؟؟؟؟؟؟؟؟؟

[جان دارك]

المشكله مهب من البكستاني اوغيره من الجنسيات المشكله من الي فاتح الباب حق له حق الغشمره والضحك والاخير يقولون يبي ويسكي اكيد بيقول هل الكلام لان الباب مفتوح لا ومشرع حده بعد حق السوالف والمسخره يعني بالعربي ليش تعطون هل الاشكال وجه من البدايه؟؟؟؟؟؟؟؟؟؟؟؟؟؟؟؟؟؟؟

السلام عليكم

أنا أشوف أنكم كبرتوا موضوع ماله لزمه اصلا ومش بالطريقة المكتوبة وهو مش فاضي يجلس طول الوقت يتغشمر معانا هو طول الوقت يدرسنا احيانا يقول لنا الغاز بالانجليزي والا طرفة كل ما في الموضوع 0

وحرام الواحد يكبر سالفة اساسه كلمه على الطاير

[شبح الصمت]

السلام عليكم

أنا أشوف أنكم كبرتوا موضوع ماله لزمه اصلا ومش بالطريقة المكتوبة وهو مش فاضي يجلس طول الوقت يتغشمر معانا هو طول الوقت يدرسنا احيانا يقول لنا الغاز بالانجليزي والا طرفة كل ما في الموضوع 0

وحرام الواحد يكبر سالفة اساسه كلمه على الطاير




وعليكم السلام ورحمة الله وبركاته ،،،

أختي الله يجزاك خير على التوضيـح ..

واستغفر الله العظيم من كل ذنب عظيم ..

لا تلومينا اختي اذا فار دمنا وطلعنا كلام بس احنا يوم ناخذ الكلام وينكتب في المنتدى نحسبه انه من انسان صادق في كل كلمه وإلا راح يتبلى .. ( ومحشومين الكل ) ولا قصدت احد معين

وهي يوم اذكرت لنا الحادثه اذكرت مساوي الدكتور وما حطيت لها حسناته وما قالت لنا أنه مسلم وما قالت لنا امور كثيرة خلتنا ضايعين وبعدها ولاحدن رد علينا من اهل الجامعة ..

وجزاك الله الف خير تفضلتي وشرحتي لنا وقلتي انه مدرس محترم ومسلم ويقرأ قرآن وان قال الكلمة على غشمره ويمكن كان عنده مقصد منها ..
فهل يا ترى احنا غلطانين اذا خذتنا الحميه والغيره على شوفاتنا واهلنا من مدرس يقولهم وسكي وهالسوالف الي احنا مب متعودين عليها ..
:anger2:

[khalid Qtr]

اذا كان هالكلام صحيح .. جعل بطنه محادير المغص

حرام يبقى في الجامعة

[meeemz]

السلام عليكم
أنا الحين رايحة. الجامعة عند هذا الدكتور وهو هندي عايش في كندا ومتخرج من كندا وهو الصراحة محترم ما جفت منه شي مب عدل من بداية الكورس والاسبوع اللي طاف جاب هذا الطاري بس على السريع بضحكة. وكل الموجودين ضحكوا بس ما جابها بالطريقة اللي مذكورة وهو مسلم يقول لنا انه يقرى قران الشي الوحيد اللي يعرفه بالعربي ما اتوقع انه بالصورة المذكورة

وسلامتكم*

لا حول الله والله ماتوقعت انه مسلم مادري اللي فهمته انه حاقد على البنات ويستهزأ خاصه يوم قالت منكي ودونكي ، بس لما كتبتي المشاركه بديت افكر اقول وااايد اشتيطينا :weeping:

[الـخـالـدي]

السلام عليكم
أنا الحين رايحة. الجامعة عند هذا الدكتور وهو هندي عايش في كندا ومتخرج من كندا وهو الصراحة محترم ما جفت منه شي مب عدل من بداية الكورس والاسبوع اللي طاف جاب هذا الطاري بس على السريع بضحكة. وكل الموجودين ضحكوا بس ما جابها بالطريقة اللي مذكورة وهو مسلم يقول لنا انه يقرى قران الشي الوحيد اللي يعرفه بالعربي ما اتوقع انه بالصورة المذكورة

وسلامتكم*

عليكم السلام و الرحمه

عفوا اختي يعني اذا كان مسلم ويقرا قران عادي يتلفظ بهالالفاظ ويضحك فيها ؟

يعني نقول عنه مسكين يضحك وبدون قصد

اختي هذول خواتنا وبناتنا ولا نرضى منه ولا من حد يتطاول عليهم بهالكلام و هالالفاظ

اتمنى من ادارة الجامعه اتخاذ كل الاجرائات معاه و مع امثاله

الا بناتنا محد يتطاول عليهم