---=( حريمنا كفو يعيشون بدون خدم!! )=--- [الأرشيف] - منتديات شبكة الأسهم القطرية

عنيــــد

19-11-2011, 01:21 PM

الحياة اختلفت بشكل كبير ،، نعم حريمنا يعتمدون على الخدم اكثر بكثير من اللازم ،، و لكن صعب جدا نرتاح في حياتنا بدون خدم ..

البيوت كبرت و قبل البيت يكفي اربع عوايل كل عائلة في غرفتين و صالة و الحين فلة فيها سبع غرف و بنت هاوس .. بس التنظيف يبي له خدامة بروحه ..

غير الاطفال بالاول مافيه سيارات الا ما ندر و البلد امن و اليوم ما تقدر تخلي الطفل بدون مراقبة ،،

و الاهم من ذلك هل الرجل يتحمل ان مرته تكون مشغولة عنه هالكثر مع العيال و البيت و الطبخ ؟؟

وقتها ضروري نتزوج اربع عشان كل وحده تتفرغ لنا يوم و تكمل اشغالها باقي الثلاث ايام ،،

ههههه يعني نرجع للمربع الاول لازم نعدد الزوجات

القحطاني505

19-11-2011, 01:28 PM

اعرف ناس قطريين واجد

لا خدم ولا دريولية

وعايشين أحسن عيشة

koketa

19-11-2011, 01:31 PM

احس الخدم ضرورين في البيت

لأن الحياه اختلفت عن الاول

nooora

19-11-2011, 01:34 PM

يعطيك العافيه على العنوان والموضوع
الريال مشكلته ما يعرف مسؤولياته الكامله واذا جاب دريول يعتمد عليه في كل شي
في بيوت ما يستغنون عن الخدم والدريوليه لكن نخليهم يخدمون ولكن في حدود ، وهم ما هم بافراد بالعائلة حتى النساء نكون فري قدامهم
والزوجه النشيطه دائما ترتب وتنظم كل شي وما تحتاج للخدم ولكن بما ان موضوعك عن الدريوليه احيانا نكون في حاجتهم لو عائله كبيره ويمكن عائله صغيره بحاجة ايضا للسائق اذا الزوج يداوم في الشمال والزوجة في الجنوب هني المشكله ولكن مع التنظيم والترتيب يقل حاجتنا لهم اذا تخلص الزوج من الكسل
بعدين الحين في حريم بدل سواقين رياييل مالاول هندي :)

cavok

19-11-2011, 01:40 PM

:nice:الحمدلله لا دريول ولا خادمه وعايشين حياتنا

OREO

19-11-2011, 01:58 PM

المفترسه

19-11-2011, 02:13 PM

الحمدلله احنا بنات عصاميات لا خدامه ولا دريول
من يوم واحنا صغار ندش المطبخ ونساعد الوالده في
شغل البيت وتعلمنا كل شي التربيه لها دور صج مرات
نتعب ونكرف دوام وشغل البيت بس اعتبرها رياضه وصحه ورشاقه
بس ماتدري في ناس ظروفهم تختلف ومضطرين يجيبون خدم

nadeemy

19-11-2011, 02:28 PM

كلنا قطر 1981

19-11-2011, 02:39 PM

COLOR="Blue"]
[/COLOR]السلام عليكم
اخوي بالنسبه حق سوالك انا عندي اجابه و هذي الاجابه من وجهة نظري الشخصيه

كل خيل من خياله
يعني اذا المره شافت انه زوجها كفو و مقدرها و كل شي هي من نفسها بتكون تبي تخدمه بعيونها و ما تحب لا خدامه تساعدها و لا دريول يوصلها و تكون ما تبي شخص ثاني يشاركها فيه فيه بكل الحلات سواء بالخدمه او بالعشره
بس السموحه اذا هو مهمل و هي تشتغل و ما يحسسها انه يقدر كل شي تسويه له و تكون هي شغاله بعد في هذي الحاله ما اظن راح تكون لها خاطر تسوي له شي لانه في الاول و الاخير راح يحسسها بالنقص
ترى الحريم كلهم سوى قطريه او اي جنسيه ثانيه بس في الاول و الاخير كل شي يرجع للزوج نفسه

هذي وجهة نظر شخصيه و منكم نستفيد :victory:

ريتويت

19-11-2011, 02:41 PM

الخدامات مافي منهم فايده وماينظفون عدل

ع.م

19-11-2011, 02:43 PM

مستحيل الوحدة تهتم بشكلها وفي نفس الوقت تسوي كل شغل البيت وتجابل اليهال وفوق هذا تشتغل.. خلوا في قلوبكم شوية رحمة..

بـــــــنت النوخـّــــذه

19-11-2011, 03:05 PM

في بداية الحياه الزوجية بين اثنين ممكن الاستغناء

لان الصراحه بعد مايجيبون عيال وتكبر العائله وتزيد طلبات الزوج والعيال لا بالله مهب كفو نستغنى عن الخدم والدريوليه

وعلى فكرة حتى ايام الرسول كان فيه خادم او خادمة في البيت يعني شسالفه الي مستنكرين الوضع لاهو عيب ولاهو بحرام

الاهم ان مايعتمدون عليهم اعتماد كلي يلغي دور الاب والام

وشكرا" جزيلا"

المفترسه

19-11-2011, 03:12 PM

ان شاء الله تستمر هذي العصاميه بعد الزواج

العصاميه استمرت لين العصر الذهبي لكن في العصور الوسطى من الزواج
تغير الحال مدام الام تشتغل وزاد عدد الابناء وانتقلوا لبيت العمر :p

فيزيائية

19-11-2011, 03:25 PM

والله حالة معاكم ...

Right

19-11-2011, 03:45 PM

عجبني عنوان الموضوع " حريمنا كفو يعيشون بدون خدم!! "

دورني !!! :nice:

qatara

19-11-2011, 04:02 PM

السايق ثعبان والخادمه عقرب

وياما لدغات حصلت منهم واهل البيوت غافلون

ولو كل قام بواجباته ودوره الحقيقي
في حق المنزل لما احتجنا لهم الا فيما ندر

Carbon911

19-11-2011, 04:14 PM

هل الرجال القطري كفو يعيش بليا الدريول؟؟؟؟؟؟؟؟؟؟؟؟؟؟ ويجيب ويوصل عياله وهو في الدوام بذات اللي عندة 4 او 5 عيال اللي يخلص 11 واالي يخلص 1 واللي يخلص 3 غير المرأة اذا كانت تشتغل .....

روعة الجوري

19-11-2011, 04:29 PM

عادي ما بيدرسون لا عيالكم ولا بناتكم لان احنا حزتها بنقعد في بوتنا ننظف ونخم ونغسل ونطبخ وووووو

الحمدلله

لكن اشحال البيت بدون دريول؟ ولا صبي؟ من بيوصل حريمكم وبيجيبهم ومن بيغسل سياراتكم وبشتري الروتي والخبز وووو

فالنهاية سؤال ماله داعي

بس بتعرفونه فالاجازة الصيفية لين سافرو الخدامات في اجازة p:

keep calm

19-11-2011, 04:37 PM

هذا الكلام بخصوص الخدم من انسان حكيم رحمه الله قيل في الماضي الا انه ساري المفعول في يومنا هذا
http://www.************/watch?NR=1&v=tGR7gupJ6Yo

mannoo66

19-11-2011, 05:16 PM

ظروف الحياة تغيرت..حجم البيت اختلف قبل دارين وحوش كله رمل والنظافه الله بالخير وعادي سهالات...الحين لازم تحافظ على كل شبر بالبيت لأنك دافع بالبيت دم قلبك من اثاث وديكور..وهالشي ياخذ وقت

كمية الملابس وغسلها..تحتاج عنايه لأنها ثمينه وعددها كبير والعنايه يبي لها وقت

الطبخ..قبل يطبخون طبق واحد والكل ياكل من صحن واحد يعني بالكثير 6 صحون و6 قلاصات يتوسخون..
الحين اكثر من طبق وكللن له وقته بالاكل وذوقه يختلف ..وهالشي يبي له وقت وعنايه

الاطفال...قبل الياهل يلبس اي شي واي وقت ومحد يعارضه ولايدرون عنه اصلا يحوس بالحوش مع الدجاج ولا اذا عندهم العاب مراجيح ولا سياكل...يتعور يتشللللخ عادي

الحين لازم تراعي ملابس اللعب ولازم معاه البودي قارد تلاحظه لايتعور ولا ينجرح ولا ياكل شئ خطر من الحوش.....ليش الام ماتطلع مع عيالها الحوش تللعبهم؟؟؟؟؟ لان الدريول والمزارع موجودين برى بالحوش...

باختصار مانستغني عن الخدم الا اذا عشنا ببيوت شعبيه ولبسنا الجلابيات والملافع واكلنا طبق واحد ومن صحن واحد وطلعنا الدريوليه من البيت

عازف العود

19-11-2011, 05:19 PM

حريم اليوم الله بالخير مايعرفون يطبخون ولا يسون شي كل وحده تقول انا طباخه واعرف اطبخ واخر شي ماعندها ماعند جدتي وحدها تسوي كورن فلكس او خبز وجبن او لبنه وروتي هههههه غرتهم الماركات والفلوس والمفوشر والحفلات والمظاهر ونسو بيوتهم وازواجهم وعيالهم والله زمن يازين حريم اول كاملين والكامل الله

mannoo66

19-11-2011, 05:24 PM

الخدم والله انهم غثى ووجع قلب لكن شنسوي مانستغني عنهم لان الاسر الحين تفككت مو مثل اول..قبل العمه وخوات الزوج يساعدون مرت اخوهم يشيلون عنها العيال تعتمد عليهم وقت ماتكون مشغوله القلوب كانت صافيه حتى لو يختلفون يبقون اهل ...
الحين الخدامه تسد مكان الاهل ..
لأن محد فاضي لأحد

basma222

19-11-2011, 05:39 PM

الحمدلله لا دريول ولا خادمه من 16 سنه وعايشين حياتنا والحمدلله

العقل المدمر

19-11-2011, 05:46 PM

ليش هم الرياييل كفو يعيشون بدون دريوليه وحريم مايسوقون ولا يشتغلون ؟

عنوان استفزازي
والخدم موجودين من ايام الجاهليه لين ايام الرسول لين ايامنا الحين
شهالزوجه اللي بتجابل ريلها وتهتم فنفسها وتحمل وتربي وتسهر حق اليهال وتدرس عيالها واحد واحد وتطبخ حق البيت وتخم وتمسح وتغسل ثياب وتكوي وفوق هاي تشتغل وتساعد ريلها فالصرف حشى لو روبوت اخترب وضربت فيوزاته

الريال وايد عليه يداوم ويوصل ويرد البيت وينتهي دوره ويبي من يدلعه وياكله وينومه وعقب يقوم يروح يجابل ربعه ويتونس وفوق هاي يحط ريل ع ريل ويقعد ينتقد فالحريم ولا يشوف نفسه ويقارن شغله بشغل مرته

نهايه كلامي مب انتوا يالرياييل تحكمون عالحريم وتعبهم
الحمد لله اسلامنا وربنا رفع قدر الام لمجرد انها ام وصارت الجنه تحت اقدام الامهات والرسول عليه الصلاه والسلام وصى فيها 3 مرات "ثم" الاب مره وحده وهاي كله بس عشانها "ام" حملت وولدت وربت يعني هاي بروحه تعب لو تموتون ماتوصلون له شلون لو معاه واجبات اضافيه مثل الطبخ والا تنظيف البيت والا الشغل

snood

19-11-2011, 08:17 PM

الحمدالله لا دريول ولاخادم ولاوجع راس وعايشين احسن عيشة انا السائق وام العيال تسوى شغل البيت
ومربية للعيال وانا بعد اساعدها في شغل البيت

BoAof

19-11-2011, 08:59 PM

السؤال مثل السيف ذو حدين .. لأنه مصاحب لسؤال(ن) مثله يقول.. وش حال البيت اللي مافيه دريول!!

من اللي يدير البيت؟

الصراحه راحه
يوم تشوف رجال البيت نفس ماكان سابقا اسم على مسمى
وقايم بواجبات بيته واهله
بتشوف زوجته قايمه به ولا بيحتاجون خدم

اما رجال اسم فقط
بيلاقي زوجه اسم فقط

عازف العود

19-11-2011, 09:16 PM

يابنات اقول ماعندكم ماعند جدتي

koketa

19-11-2011, 09:17 PM

الله المستعان

العقل المدمر

19-11-2011, 10:07 PM

يابنات اقول ماعندكم ماعند جدتي

ليكون انت ماعندك ماعند العباقره :omen2:
تستهزئ بجدتك يعني ؟
ترى جدتك فاهمه الدنيا اكثر منك

مصيبه لما احط "امي العوده" مطنزه فمثل تافه ماله معنى :)

Mariam

19-11-2011, 10:37 PM

عازف العود

19-11-2011, 10:41 PM

ليكون انت ماعندك ماعند العباقره :omen2:
تستهزئ بجدتك يعني ؟
ترى جدتك فاهمه الدنيا اكثر منك

مصيبه لما احط "امي العوده" مطنزه فمثل تافه ماله معنى :)

عدال يام العقل المدمر انا اقول ليش مات مخترع شركه ماكنتوش الابل ستيف جوبز يوم شاف اختراعاتج قال اموت احسن لي خفي علينا ياللي صنعتي الذره يام العقل المدمر لاتدمرين العلماء بعقلج بس خفي علينا عطي فرصه لرواد الفضاء انهم يكتشفون شي غير اللي انتي اكتشفتيه ماعندج ماعند خدامتنا ههههههه

sweet qatar

19-11-2011, 10:59 PM

الصراحه راحه
يوم تشوف رجال البيت نفس ماكان سابقا اسم على مسمى
وقايم بواجبات بيته واهله
بتشوف زوجته قايمه به ولا بيحتاجون خدم

اما رجال اسم فقط
بيلاقي زوجه اسم فقط

صح لسانك اخوي.. رد حكيم و موزون..

بس انا مستغربة ليش كل هالحساسية من الخدم..؟؟

انا من وعيت على الدنيا و انا اشوف الخدم والصبيان في البيوت.. يعني شنو الغريب..!!

ان المرة قبل كانت تخلي عيالها مع الخدامة وتاخذ دلتها وتطلع تسير على جيرانها.. والحين صارت تخليهم وتشيل شنطتها البرادا و تروح لكافيه تقابل صديقاتها..

ليش مشاكلكم تقطونها على غيركم.. اذا الرجال فعلا رجال عرف يختار زوجته ويربي عياله ما بيضرهم وجود الخدم..

وفي شي ثاني غريب ليش دايما تربطون الخدم بحريم قطر..!!!!!!!!

شوفوا الاجنبيات في المجمعات معاهم خدمهم.. حتى العربيات اغلب الي عايشين هني عندهم خدم او يجونهم خدم بالساعات..

حتى مدرسة القران الله يذكرها بالخير عندها بدل الخدامة ثنتين..

وردا على العنوان.. اي نعم حريمنا يقدرون يعيشون بدون خدم.. :victory:

مملوحة الفال

19-11-2011, 11:39 PM

يا شين التفلسف على غير سنع ..

سفر الدريول وودي وجيب في العيال وامهم .. ولاتنسى

تجيب حمودي من الروضه ومشاعل من المدرسه وعبدالله من المعهد .. ايه لا تنسى خالد اليوم حرارته مرتفعه نبي نوديه المستشفى .. ومر الجمعيه
جيب روتي وخبز وحليب وحفاضات لعيالك ولا تنسى تجيب طماط وخس
وتمر التموين تمير البيت:tease:

ورقــة أمــل

19-11-2011, 11:55 PM

بصراحة لا

بس المسؤوليات زادت والبيوت مب نفس بيوت اول حجرتين ومطبخ وميلس

لو جذي محد جاب خدامة

elders

20-11-2011, 12:01 AM

مدام الله منعم على الواحد يجيب حد يريحو ...ليش ما يرتاح؟؟

بوخالد911

20-11-2011, 12:02 AM

صعبة بدون خدامة ولا سايق

.خالد

20-11-2011, 12:02 AM

طالما الناس في خير اشوف مافيه مشكله ، من زمان والناس تعتمد على خدم ، اعني من زمان من مئات السنين ، اهم شي التربية تشرف عليها الام ومن عقب الاب اذا كبروا العيال ،
ونسوانا كفو بخدم او من غير خدم

سما الوطن

20-11-2011, 12:16 AM

طبيعه الأنسان أن يتأقلم مع ظروفه

بمعنى لو كانت الظروف لا تسمح بالخادمه او الدريول
ستجد المراه قطريه تقوم بأعباء بيتها كامله ..والرجل أيضا

meme~qatar

20-11-2011, 04:05 AM

العقل المدمر

20-11-2011, 07:02 AM

عدال يام العقل المدمر انا اقول ليش مات مخترع شركه ماكنتوش الابل ستيف جوبز يوم شاف اختراعاتج قال اموت احسن لي خفي علينا ياللي صنعتي الذره يام العقل المدمر لاتدمرين العلماء بعقلج بس خفي علينا عطي فرصه لرواد الفضاء انهم يكتشفون شي غير اللي انتي اكتشفتيه ماعندج ماعند خدامتنا ههههههه

رد على محتوى الكلام مب على الاسم
انا لو بتكلم فاسمك بقول لك اسمك بكبره حرام وانت عاصي و... الخ :)

ربنا لا تؤاخذنا بما فعل السفهاء منا

دلة الرسلان

20-11-2011, 07:44 AM

اشرف خلق الله محمد صلى الله عليه وسلم وتشرف بخدمته سبعة عشر خادم
[خَدَمُ النبيِّ صَلَّى اللَّهُ عَلَيْهِ وَسَلَّمَ ]

ذِكْرُ خَدَمِهِ صَلَّى اللَّهُ عَلَيْهِ وَسَلَّمَ [1]
أَنَسُ بنُ مالكِ بنِ النَّضْرِ الأنصاريُّ.
وهِنْدُ وأسماءُ ابْنَا حارثةَ الأَسْلَمِيَّانِ.
وربيعةُ بنُ كعبٍ الأَسْلَمِيُّ.
وكانَ عبدُ اللَّهِ بنُ مَسْعُودٍ صَاحِبَ نَعْلَيْهِ، كانَ إذا قامَ أَلْبَسَهُ إيَّاهُما، وإذا جَلَسَ جَعَلَهما في ذِرَاعَيْهِ حتَّى يَقومَ.
وكانَ عُقبةُ بنُ عامرٍ الْجُهَنِيُّ صَاحِبَ بَغْلَتِهِ، يَقودُها في الأَسْفَارِ.
وبلالُ بنُ رَبَاحٍ المُؤَذِّنُ [2].
وسعدٌ مَوْلَى أبي بكرٍ الصِّدِّيقِ.
وذُو مِخْمَرٍ ابنِ أَخِي النَّجَاشِي، ويُقالُ: ابْنُ أُخْتِهِ. ويُقالُ: ذُو مِخْبَرٍ بالباءِ.
وبُكَيْرُ بنُ شَدَّاخٍ اللَّيْثِيُّ، ويُقالُ: بَكْرٌ.
وأبو ذَرٍّ الغِفَارِيُّ.
ووَاقِدٌ، وأبو وَاقدٍ، وهِشامٌ، وأبو ضُمَيْرَةَ، وحُنَيْنٌ، وأبو عَسِيبٍ، واسْمُهُ أَحْمَرُ، وأبو عُبَيْدٍ.
وسَفِينَةُ، كانَ عبدًا لأُمِّ سَلَمَةَ زَوْجِ النبيِّ صَلَّى اللَّهُ عَلَيْهِ وَسَلَّمَ، فأَعْتَقَتْهُ وشَرَطَتْ عليهِ أنْ يَخْدِمَ النبيَّ صَلَّى اللَّهُ عَلَيْهِ وَسَلَّمَ حَيَاتَهُ، فقالَ: لوْ لمْ تَشْتَرِطِي عَلَيَّ ما فَارَقْتُ رسولَ اللَّهِ صَلَّى اللَّهُ عَلَيْهِ وَسَلَّمَ.
هؤلاءِ الْمَشْهُورُونَ، وقيلَ: إنَّهُم أَرْبَعُونَ. ومن الإِمَاءِ:
سُلْمَى أمُّ رافعٍ [3].
وبَرَكَةُ أمُّ أَيْمَنَ [4]، وَرِثَها منْ أبيهِ، وهيَ أمُّ أُسَامَةَ بنِ زَيْدٍ.
ومَيمونةُ بنتُ سَعْدٍ، وخَضِرَةُ، ورَضْوَى.

وفي تفسير سورة الكهف للشيخ السعدي وعند الآية الكريمة (( فَلَمَّا جَاوَزَا قَالَ لِفَتَاهُ آتِنَا

غَدَاءَنَا لَقَدْ لَقِينَا مِنْ سَفَرِنَا هَذَا نَصَبًا )) وفي هذه الأية يخاطب موسى عليه السلام خادمة ،

يقول الشيخ السعدي من ضمن الفوائد المستفادة من هذه الأية مشروعية أتخاذ الخادم في

السفر .

الخدم نعمة أذا وضعت في مكانها الصحيح .

الـخـالـدي

20-11-2011, 07:58 AM

كفو ان شاء الله وفيهم الخير و البركه

الدمعه

20-11-2011, 09:06 AM

اي حريمنا كفو بدون خدم اذا رياييلنا صاروا كفوا بدون دريوليه وصبيان..:nice:

يعني بودي الناس اللي نايمه فوق العرش تصحصح شوي وتتكرم وتنزل .. :anger1:

ماشاء الله في ردود تثلج الصدر ..وردود الله يهديهم ويصلحهم مايدرون وين الله قاطهم..

الحبتور

20-11-2011, 09:09 AM

هالجيل .. واللي قبله ..

حدث بلا حرج

هدى ورحمه

20-11-2011, 09:35 AM

السؤال مثل السيف ذو حدين .. لأنه مصاحب لسؤال(ن) مثله يقول.. وش حال البيت اللي مافيه دريول!!

من اللي يدير البيت؟

هل انت كفو تعيش من غير امراه ؟ عشان تقول هل الحريم كفو من غير خادمات؟

فكر شوي ورد:(

هدى ورحمه

20-11-2011, 09:39 AM

مافي امراه قطريه ما عندها خادمه

واذا ماعندها خادمه معناتها مب قطريه ههههه:sneaky:

الخادمه فالبيت مثل مفتاح السياره هل تمشي السياره بدون المفتاح طبعا ( نهي ):sneaky:

khalid_qr

20-11-2011, 09:42 AM

:nice:الحمدلله لا دريول ولا خادمه وعايشين حياتنا

الله يهنيك بهالعيشه لكن الى متى بتكون على هالوضع ؟؟؟؟

حراير قطر

20-11-2011, 09:43 AM

انا ما ادري لين متى بنتم على هالحرب اللي بالمنتدى

ليه ما قلت ريايلنا كفو يعيشون بدون دريوليه ؟؟؟

خلك عادل :sneaky:

بيكون ردنا نفس الرياييل انا تعبانه وقاعده انظف او ادرس العيال

ورجلها يبيها المسكينه اتصير له رجل الي عشان اتخلص شغل بيتها

ومشاويرهم من جمعيه ومستشفى اللي عيزان رجلها يخلصهم لها

واخر الليل يبيها ملاك وتنتظره وعليه عليها ما يجي الليل الا منهد حيلها

واهو يطلع ويستأنس وكله تعبان من الشغل

ويكون عيزان يجيب روتي من البقالة اللي جنبهم ...

عازف العود

20-11-2011, 09:43 AM

رد على محتوى الكلام مب على الاسم
انا لو بتكلم فاسمك بقول لك اسمك بكبره حرام وانت عاصي و... الخ :)

ربنا لا تؤاخذنا بما فعل السفهاء منا

قال الشافعي رحمة الله عليه

يخاطبني السفيه بكل قبح وااسف أن أكون له مجيبا

يزيد سفاهة فأزيد حلما كعود زاده الاحراق طيبا

اذا سبني نذل تزايدت رفعة و ما العيب الا ان اكون مساببه

و لو لم تكن نفسي علي عزيزة لمكنتها من كل نذل تحاربه

اذا نطق السفيه فلا تجبه فخير من اجابته السكوت

فان كلمته فرجت عنه و ان خليته كمدا يموت :)

راسي براسك

20-11-2011, 09:46 AM

مستحيل أصدق بيت مافيه خدامه ولا دريول ؟

حتى الأجانب توارثوا هالعاده من عندنا !

سهم سهم

20-11-2011, 09:48 AM

:nice:
السؤال مثل السيف ذو حدين .. لأنه مصاحب لسؤال(ن) مثله يقول.. وش حال البيت اللي مافيه دريول!!

من اللي يدير البيت؟

انا بيتي من غير دريول وعايش الحمد لله حياة سعيده:nice:

بوعلي2

20-11-2011, 10:05 AM

مستحيل أصدق بيت مافيه خدامه ولا دريول ؟

حتى الأجانب توارثوا هالعاده من عندنا !

ماعندنا لاخدامه ولادريول

الظاهر مب قطري انا بعد شوي بادور جوازي باشوف لونه شنو :weeping:

راشد محمد

20-11-2011, 10:17 AM

يعطيك العافيه

missperfect

20-11-2011, 10:38 AM

اذا الرجال قام بواجبه ما نحتاج سايق و اذا المره قامت بشغلها ما نحتاج خادمة ،،

البعض تصيدهم عقر بقر اذا شاف غيره عنده وهو لا ،،

بنظري اشوف التقصير من الزوج و الزوجه و خاصه من الازواج اللي من جيل البلاي استيشن ،،

و اذا نصحتهم و قلتلهم شوفوا واجباتكم و احتياجاتكم ردوا عليك بكلمه ( اشدخل ) صج جيل بلاي استيشن ،،

والله اني مب من جيل البلاي ستيشن ولا اعرفله بعد بس ما يصير بدون خدامه اذا كل رجاجيل البيت طلعوا وحد طق الباب من بيفتح الباب... أنا مثلااا :eek5:

احس بهالزمن لازم خدامه ع الاقل مب شرط دريول بس الخادمه ضروري تكون بالبيت للمقتدر ..

SpσiLèđ

20-11-2011, 11:22 AM

أولاََ/ يعطيك آلعافيه أخوي عـ طرح هـ آلموضوع..
________

بناخذها من بدايتها و مراحل تطورّها وتفشيّها ..
أوّل .. ماكان فيه خادمات ..
المرأه هي اللي تقوم بـ البيت / الاولاد / الزوج ..
وتكون واقفة في البيت على رجل وحده .. ولا كان فيه مشاكل ..

الدنيا تغيرت .. شغل البيت اول .. مب نفس شغل البيت اليوم ..
المرأه مكانتها اليوم في المجتمع مب نفس امس ..
ما اتوقع فيه بيت الآن مافيه " امرأه " تشتغل بوظيفة اياً كانت .. <<ماقول الكل الاغلبيه حاليآ
زادت الضغوطات .. صار فيه تعارضات .. اصبح وجود الخادمة ضرورة ..

تغيّرت الدنيا .. صارت الشغاله ماتكفي .. بعض الحريم استحلوا الشغاله ..
صارت بدال الوحده ثنتين .. <<صح نعم

العلّة مو في المرأه لحالها .. العلّه فيها و في زوجها ..
علّتها انها سمحت لنفسها تتكل في امور لا يصح فيها الاتكال بتاتاً ..
والرجل علتّه انه مايقدّر الضغوطات اللي تمر فيها ..
ولا يعترف بالمساعدة في كثير من الاحيان .. او في التخفيف في الطلبات

المشكلة مو من المرأه .. المشكلة من الطرفين ..
طرف مايقدر .. ويطلب ويكثر في طلباته .. الى ان وصل الطرف الثاني مرحله مايقدر يكفّي
فإضطر ان يستعين بخادمه .. وذاق الراحة .. وبدأ يتكل .. ومن هنا تبدأ المشكلة ..

ونفس الكلام للسواقين .. اتكالية كثير من الرجال .. وايمانهم
في ظل وجود السواق .. انا مالي دخل فيكم .. واستلم ..
مشاكل مالها اول ولا تالي ..

(الاعتراض مو للحاجة ولكن الاعتراض كيف الحاجة تحولت لـ أساس)

يقول المتنبي :

لقد أسمعت ولو ناديت حياً ... ولكن لا حياة لمن تناادي ..

وشُكرًا .

بو الجوري

20-11-2011, 11:26 AM

أولا الخدم مب عيب ولا حرام :..
لكـن الإعتماد الكلي عليهـم هي المشكلـه :..

ضروف الحياه حالياً صعبـه إن المرأه تقعد بدون خدامـه خاصةً إذا ماكانت فالبيت :..
أقصد يا تكون تدرس أو تشتغل ، أو إذا توها في بداية حياتهـا :..
يعني ماعندها لا عيال ولا شي :..

لكـن اللي عندها عيال لازم خدامـه تساعد عالأقل و تنظف :..

و أعتقد إنهم كـفو يتمون بدون خدامـه لفتره معينه و ضروف قاهره:)

يعني اللي تشتغل مثلا و عندها يهال ، شلون بترتب أمورها و أمور بيتها و الطباخ و كل شي بروحها !
لازم خدامه مساعده :..

و أنا عن نفسي ماعندي دريول حاليا مع إن البنتين فالمدرسـه ،
لكـن مرتبين أمورنا ، و نقضي مشاويرنا بروحنـا :) مب محتاج دريول :..

لكـن مع هالسنتين الجايين بحتاج دريول للتوصيل على الأقل :..

و سلامتكـم :)

بـــــــنت النوخـّــــذه

20-11-2011, 12:32 PM

انزين ليش مايخلون الحريم يسوقون ومنها نفتك من الدريوليه00 المفروض كل مره لازم يكون عندها ليسن :sneaky:

88

اشتبين انتي داخله عرض استريحي بعيد انتي بتموتين ولا بتشوفين الليسن

بوعلي2

20-11-2011, 12:34 PM

افكر اجيب خدامه واعلمها تسوق الهولكس

لان شفت خدامه فلبينيه تسوق هولكس وموديه العيوز الخضار

توشيبا

20-11-2011, 12:34 PM

انزين ليش مايخلون الحريم يسوقون ومنها نفتك من الدريوليه00 المفروض كل مره لازم يكون عندها ليسن :sneaky:

88

اشتبين انتي داخله عرض استريحي بعيد انتي بتموتين ولا بتشوفين الليسن

اذا بعضهم يسقون مسوين لنا زحمه مع سواقتهم الفاشله

تبغين عاد تكملهن اهل الدفاشه :sneaky:

ام السعف

20-11-2011, 12:37 PM

وهل بتلحق المرأة على أمور البيت هالأيام من تنظيف وغسل وترتيب ومتابعة الأطفال
والتفرغ للزوج ان لم تكن خادمة في البيت ؟

مب عارفة ليش مسويين من وجود الخادمة في البيت عيب ما عقبه عيب ،،
الحياة تغيرت ،،

عني من سنتين ما كانت عندي خدامة ،، وكنت اقوم بكل شغل البيت
لكن اوصل مرحلة خلاص مب قادرة اتابع العيال في المدرسة ،،

الترتيب والغسيل وخم الحوش وسقي الزرع وتنظيفه وغسيل الحوش
ومسح الارضية والكوي والطبخ ،، كل هذا كان عبئ كبير علي
وعطلني عن امور كثيرة ،،

واحنا لاشتغلنا شغلنا مب مثل الخدم تنظيف ظاهري
انظف بضمير حي ، فمستحيل نلقى لنا وقت لأمورنا الخاصة
او راحة جسدية تساعدنا على اكمال حياتنا في جوانب ثانية ،،

الاعتماد الكلي على الخادمة هذا مرفوض ، لكن مافيها شي لو
انوجدت خادمة في البيت ،،

بـــــــنت النوخـّــــذه

20-11-2011, 12:39 PM

88

من اهل الدفاشه يا اتش بي

برشلوني قطر

20-11-2011, 12:49 PM

الحمدلله لك يارب...لحد الآن مقاااوم...بدون دريول ولا خادمه..

والحمدلله مرتاح..والله يقدرني اواصل المشواار

بـــــــنت النوخـّــــذه

20-11-2011, 12:49 PM

افكر اجيب خدامه واعلمها تسوق الهولكس

لان شفت خدامه فلبينيه تسوق هولكس وموديه العيوز الخضار

اذا عزمت اختارها طويله عشان تقدر اتمد ريلها واتسوق

ومشكله الفلبينيات يبغيلهم رقابه 24/24 والمفتاح مايكون بيدها

وشكرا"

4ui

20-11-2011, 12:57 PM

جبت لكم الحل

http://www.geek.com/gearlog/images/toyota_robomaid.jpg

qatara

20-11-2011, 04:15 PM

شرعاً : الزوجة غير مطالبة بالخدمة في بيت زوجها ما دامت مخدومة في بيت أبيها !

بس مع ذلك كثير منّا يستغنون عن الخادمات في فترة من فترات عمرهم، خاصة لما أكون في بيت لحالي و ما معي إلا زوجي و طفل واحد أو طفلين ! لأن أبي آخذ راحتي في بيتي ! و أخدم في بيتي و زوجي يساعدني في أعمال البيت لأنه كفو و حاسّ بزوجته و تعبها خارج و داخل البيت...

لكن السؤال المحرج : راح أقعد في البيت و أفنّش الخدامة، و تعطيني راتبي كامل 30000 و مسامحتك في الباقي :d

جبتيها واضحه وصدقتي فيها هذا مستوى عقليات بعض النساء بمجتمعنا وواقعنا الحالي
اصبحو ماديين حتى على حساب اسرهم

يعني عشان 30000
تقدرين تستغنين عن الخادمه وتقدرين تهتمين في البيت

ماهو ما دمرنا الا لما صارت عند بعضكم فلوس وسياره وعمل خاص خلاص صارت اهم عليكم من بيوتكم

ومشاء الله عليج يا انتي متسامحه راح تسامحينه في الباقي ماذا يبقى له ؟اذا بيدفع 30000

يروح يشحت عشان بعضكم يجلسون ببيوتهم

لا ويقولك الزوجه المتعلمه العامله تساعد زوجها الاالملاحظ العكس تماما هههه

اختي احب اسلج سوال وقت العمل 8 ساعات يوميا اليست من حق البيت والزوج ؟

هل تعليمين لو جئنا حقا ومنقطا انج تدفعين للمشاركه بلبيت مقابل هل 8 ساعات الي تاخذينهم من وقتهم

حتى ولو باحضار خادمهم على حسابكي انتي

Best Man

20-11-2011, 04:24 PM

الحمدلله لك يارب...لحد الآن مقاااوم...بدون دريول ولا خادمه..

والحمدلله مرتاح..والله يقدرني اواصل المشواار

الي الامام لا رجووووع

حراير قطر

21-11-2011, 08:51 AM

الا صاحب الموضوع وينه :secret:

بـــــــنت النوخـّــــذه

21-11-2011, 09:06 AM

الا صاحب الموضوع وينه :secret:

آمري ياعيوني بغيتي شي :) << اشدعوه فوزية الدريع

حراير قطر

21-11-2011, 09:11 AM

آمري ياعيوني بغيتي شي :) << اشدعوه فوزية الدريع

ما يامر عليج لا عدو ولا ظالم

ابي صاحب الموضوع يرد علينا

والا بنصكر موضوعه :nice:

واللي مب قد هالمواضيع لا ينزلها ...

بوعلي2

21-11-2011, 09:13 AM

دشو الحريم بالموضوع راحت عليك ياصاحب الموضوع هههههه

*بوحمد

21-11-2011, 09:17 AM

ما يامر عليج لا عدو ولا ظالم

ابي صاحب الموضوع يرد علينا

والا بنصكر موضوعه :nice:

واللي مب قد هالمواضيع لا ينزلها ...

وش تبين في صاحب الموضوع

اتخوفين بالبحث عن صاحب الموضوع

http://www.aleqt.com/a/404994_109896.jpg

بـــــــنت النوخـّــــذه

21-11-2011, 09:19 AM

ما يامر عليج لا عدو ولا ظالم

ابي صاحب الموضوع يرد علينا

والا بنصكر موضوعه :nice:

واللي مب قد هالمواضيع لا ينزلها ... [/CENTER][/QUOTE]

بيرجع ياعيوني بيرجع0كل غايب مصيره يرجع الا اذا جيه اجله مابيرجع << خلاص فاولت على الريال من الصبح00

مملوحة الفال

21-11-2011, 09:19 AM

الا صاحب الموضوع وينه :secret:

يمكن راح يجدد اقامة الدريول :tease:

حراير قطر

21-11-2011, 09:34 AM

وش تبين في صاحب الموضوع

اتخوفين بالبحث عن صاحب الموضوع

http://www.aleqt.com/a/404994_109896.jpg

مو صاحب الموضوع منزل سؤال مثل السيف ذو حدين

لازم يرد علينا وانعرف من اللي مب قدها :sneaky:

عازف العود

21-11-2011, 09:35 AM

دشو الحريم بالموضوع راحت عليك ياصاحب الموضوع هههههه

ههههههههه صدقت يابوعلي الحريم من يدخلون في موضوع الموضوع يخترب ويبدون يطولونها وهي قصيره ويتفلسفون وايد ويقعدون لك على كلمه يدققون البنات اذا دشو في موضوع يخلونه مسلسل مكسيكي يسون من الحبه قبه الله يعينا كلنا

حراير قطر

21-11-2011, 09:37 AM

بيرجع ياعيوني بيرجع0كل غايب مصيره يرجع الا اذا جيه اجله مابيرجع << خلاص فاولت على الريال من الصبح00

اتهقين بيرجع عقب هـ 8 صفحات هجوم :telephone:

حراير قطر

21-11-2011, 09:42 AM

ههههههههه صدقت يابوعلي الحريم من يدخلون في موضوع الموضوع يخترب ويبدون يطولونها وهي قصيره ويتفلسفون وايد ويقعدون لك على كلمه يدققون البنات اذا دشو في موضوع يخلونه مسلسل مكسيكي يسون من الحبه قبه الله يعينا كلنا

وانت اشدراك :sneaky:

اكيد ما عقب شسمه دخلت بنك جديد :nice:

اسلوبك معروف مهما غيرت من نكك بنصيدك بنصيدك :sneaky:

بـــــــنت النوخـّــــذه

21-11-2011, 09:42 AM

اتهقين بيرجع عقب هـ 8 صفحات هجوم :telephone:

تفائلو بالخير تجدوه

اههههههههههه

بوعلي2

21-11-2011, 09:43 AM

saturday '' saturday ياجماعه الخير هدو يمكن الرجال راح مكتب الخدم موعد وصول الخادمه او السايق

حراير قطر

21-11-2011, 09:44 AM

يمكن راح يجدد اقامة الدريول :tease:

صج لو ادري طرشت خدامتي معاه

يسوي لها اقامة ...

pinky-qtr

21-11-2011, 09:59 AM

مافي امراه قطريه ما عندها خادمه

واذا ماعندها خادمه معناتها مب قطريه ههههه:sneaky:

الخادمه فالبيت مثل مفتاح السياره هل تمشي السياره بدون المفتاح طبعا ( نهي ):sneaky:

بل :eek5:

pinky-qtr

21-11-2011, 10:03 AM

ماعندنا لاخدامه ولادريول

الظاهر مب قطري انا بعد شوي بادور جوازي باشوف لونه شنو :weeping:

انا نفسك الظاهر الهويه مشكوك في أمرها ..

انا يمكن ما عندي جواز ..ماعندي لا درويل ولا خدامه

basma222

21-11-2011, 10:07 AM

مافي امراه قطريه ما عندها خادمه

واذا ماعندها خادمه معناتها مب قطريه ههههه:sneaky:

الخادمه فالبيت مثل مفتاح السياره هل تمشي السياره بدون المفتاح طبعا ( نهي ):sneaky:

انا قطرية وما عندي لا خادمه ولا سائق من 16 سنه

وكنت موظفه بس الحين متقاعدة

مملوحة الفال

21-11-2011, 10:08 AM

مافي امراه قطريه ما عندها خادمه

واذا ماعندها خادمه معناتها مب قطريه ههههه:sneaky:

الخادمه فالبيت مثل مفتاح السياره هل تمشي السياره بدون المفتاح طبعا ( نهي ):sneaky:

فيه حبيبتي وقطريين اصل بعد :sneaky:

حراير قطر

21-11-2011, 10:09 AM

انا نفسك الظاهر الهويه مشكوك في أمرها ..

انا يمكن ما عندي جواز ..ماعندي لا درويل ولا خدامه

اقتباس
المشاركة الأصلية كتبت بواسطة هدى ورحمه

مافي امراه قطريه ما عندها خادمه

واذا ماعندها خادمه معناتها مب قطريه ههههه

الخادمه فالبيت مثل مفتاح السياره هل تمشي السياره بدون المفتاح طبعا ( نهي )

انا قطرية وما عندي لا خادمه ولا سائق من 16 سنه

وكنت موظفه بس الحين متقاعدة

لا انتوا مب قطريات على كلام الاخت

الله يكون بعونها ...

حراير قطر

21-11-2011, 10:11 AM

فيه حبيبتي وقطريين اصل بعد :sneaky:

لا هم يمكن فصل مب اصل :secret:

عازف العود

21-11-2011, 10:16 AM

تعجبني يراعي الموضوع اشهد انك قهرت البنات بهالموضوع روح والقلب داعيلك عطهم السين ههههه

بـــــــنت النوخـّــــذه

21-11-2011, 10:18 AM

من القائل: لا تقل أصلى وفصلي يافتى إنما أصل الفتي ما قد حصل

مع شرح الابيات

عازف العود

21-11-2011, 10:19 AM

وانت اشدراك :sneaky:

اكيد ما عقب شسمه دخلت بنك جديد :nice:

اسلوبك معروف مهما غيرت من نكك بنصيدك بنصيدك :sneaky:

اقولج ياحراير مادري مفرش سراير نكج يذكرني بمفروشات قطر للديكور بعدين لاتطلعين عن صلب الموضوع الرجال صاحب الموضوع عجبني جدا بهذا الموضوع ومن الواضح انه ضربكم على الوتر الحساس وخلاكم يابنات تلفون وتدورون في حلقه مفرغه :tease:هههه

حراير قطر

21-11-2011, 10:20 AM

تعجبني يراعي الموضوع اشهد انك قهرت البنات بهالموضوع روح والقلب داعيلك عطهم السين ههههه

لا قهر ولا هم يحزنون

حتى من بني جنسه مب معاه في هالشيء

واكيد راح ينسحب من السالفه كلها

مثل الشعره من العجين

واذا انت قاهرينك البنت هاي شيء ثاني :tease:

حراير قطر

21-11-2011, 10:21 AM

اقولج ياحراير مادري مفرش سراير نكج يذكرني بمفروشات قطر للديكور بعدين لاتطلعين عن صلب الموضوع الرجال صاحب الموضوع عجبني جدا بهذا الموضوع ومن الواضح انه ضربكم على الوتر الحساس وخلاكم يابنات تلفون وتدورون في حلقه مفرغه :tease:هههه

شكلك ناوي على البند الثالث :tease:

طبعا كاسر خاطري راح اخليك وبسكت عنك :sneaky:

بس الاسود وايد مناسب لك :tease: