ولدي وجنون المزايين الابل وهوس المنقيات وعشق السباقات

[بنت رجال]

بسم الله الرحمن الرحيم
أعزاء منتدى شبكة الاسهم القطرية
وولدي من سنة ونصف وهو يهيم في عشق الابل والمزاااايين للابل يتابع جميع البرامج الخاصة في الابل وليس لدية قناة مفضلة سوء قناة الصحراء
ويعرف جميع انواع الابل واسماهم وأعمارها ونسلهم ونسبهم ومللاكها وأسعار الابل ومن يشوف الناقة في التلفزيون يقول لي اسمها ومن مالكها
وامنيتة ان تكون له منقية لدرجة انه يرسم الابل على جميع كتبة المدرسية وعلى الجدران ووفي كل مكان هوس غير طبيعي فانا اشجعة اذا اجتهدت بالدراسة باشتري لك ناقة ويبي يوديني النعيرية اشتري له بس الابل غالية
والله ان ولدي يقول يمة شوفي احد اشتغل عندة راعي ابل اضحك علية اقوله انت ولد عرب اشلون تصير راعي يقول بصير طيار حربي لكبرت واذا نزلت الارض ابي اكون في المنقبة
المهم أفيدوني كيف أتعامل مع وولدي
ويبي يقول قصيدة لليوم الوطني قدام الامير بو مشعل طول الله بعمرة
انا في حيرة من امرئ حياتا كلها ابل ما يحب يطلع معاي يبي البر ما يحب يروح اماكن ثانية يعشق البر وبقوة. يقول يمة اذا ما تأملين لي ناقة شوفي احد أبيع له ابل تفكيرا غريب الله وحفظة يدش مواقع كلها ابل منتديات الابل الرسمي منتدى المزااايين
ابي شوركم

واذا في مجال احد من في المنتدى يتفضل ويساهم في مساعدة لسرد قصيدة امام الامير في اليوم الوطني في الاحتفال المعتاد ويكون من ضمن البرنامج
وياليت احد يفيدني كيف أتعامل مع ولدي
وولدي عمرة 12 سنة ومجتهد في دراسات والحمدالله

هل هناك مكان يتبنى مثل هاالابناء

[بوهلال]

ابوه وين!

[القحطاني505]

حدها على البل فخليه ياخذ راحته

عطايا الله كلن يحبها

[الخفي]

(( سيكون هناك حفلات للقبائل وسيقوم الامير حفضه الله بزياره القبائل بالامكان

ان ينسق مع لجنه التنسيق الخاصه بحفل قبيلته او عائلته ويحضى بشرف القاء

قصيده امام سمو الامير حفضه الله

وبالنسبه لهوسه بالابل فهذا افضل له من ان يهيم في العادات السيئه والتي دائما

يحبها اقرانه اما الابل والصحراء ومزاين الابل فهذا شي سيعلمه المراجل وحب

الابل وقد ينشى نشئه حلوه على العادات والتقاليد كما هو معروف في مثل هالبيئات

من غير قصور في بيئته الحاضره ))

[بوهلال]

(( سيكون هناك حفلات للقبائل وسيقوم الامير حفضه الله بزياره القبائل بالامكان

ان ينسق مع لجنه التنسيق الخاصه بحفل قبيلته او عائلته ويحضى بشرف القاء

قصيده امام سمو الامير حفضه الله

وبالنسبه لهوسه بالابل فهذا افضل له من ان يهيم في العادات السيئه والتي دائما

يحبها اقرانه اما الابل والصحراء ومزاين الابل فهذا شي سيعلمه المراجل وحب

الابل وقد ينشى نشئه حلوه على العادات والتقاليد كما هو معروف في مثل هالبيئات

من غير قصور في بيئته الحاضره ))

انا حضري ومشاء الله على عيال البدو وخاص عيال الم!! الوحد من بزرانهم تقول رجال من السنع الجيت ومحصلت ابوه يقوم بالواجب من تقليطك وماتروح الا انت متقهوي. اما عيالنا الله يكون في العون عليهم الوحد كلمتين على بعض مايعرفهم

[بنت رجال]

طيب اخوي الخفي

كيف اقدر أتواصل مع هالجهة الرسمية


انا واثقة بإذن الله انه سينال إعجاب الكل وحتى االاعيال اللى بسنة

[المهندس عبدالعزيز]

خله يركز في الدراسة اما الابل والرياضة مهب فايدته

[الخفي]

(( فيه سنويا مقابل البريد تقام فعاليات القريه التراثيه وهي تابعه للجنه المنظمه

لليوم الوطني يقدر يروح هناك مع احد من اهله ويطلب المشاركه بقصيده

وفيه طريقه ثانيه ان يجرب يهدي قصيده لسمو الامير : عن طريق البرود كاست

وبتتنشر وسيطلب المهتمون والمسئولين الولد بالاسم بشرط ان يكون اسمه عنوان

للبرود كاسيت بلدنا صغير والمميزيين قليل اعتقد ان سيصل الى مبتغاه ))

[بنت رجال]

الحمدالله ولدي من المجتهدين بدراسات فديتة
بس هالجنون بالإبل مو طبيعي والله والله انه ساعات يبكي والله ما أجاملكم يقول ابي اطلع ابي أشوف الابل ابي عطايا الله
يرسم الابل على الجدران ويقول هذي لي ومسميها بعد

مسمي وحدة حشارة
وركاد

اسماء ابل عندة في الخيال

*

[بنت رجال]

يا إخواني

انا حامدة ربي وشاكرتة على اهتمام ولدي بالابل. مب مضايقني هالشي

انا اقصد كيف اساعدة في هالشي كيف أدخلة في هالمجال.

وولدي اي نعم بدوي ولد بدو اب عن جد

[الأصيل]

بسم الله الرحمن الرحيم
أعزاء منتدى شبكة الاسهم القطرية
وولدي من سنة ونصف وهو يهيم في عشق الابل والمزاااايين للابل يتابع جميع البرامج الخاصة في الابل وليس لدية قناة مفضلة سوء قناة الصحراء
ويعرف جميع انواع الابل واسماهم وأعمارها ونسلهم ونسبهم ومللاكها وأسعار الابل ومن يشوف الناقة في التلفزيون يقول لي اسمها ومن مالكها
وامنيتة ان تكون له منقية لدرجة انه يرسم الابل على جميع كتبة المدرسية وعلى الجدران ووفي كل مكان هوس غير طبيعي فانا اشجعة اذا اجتهدت بالدراسة باشتري لك ناقة ويبي يوديني النعيرية اشتري له بس الابل غالية
والله ان ولدي يقول يمة شوفي احد اشتغل عندة راعي ابل اضحك علية اقوله انت ولد عرب اشلون تصير راعي يقول بصير طيار حربي لكبرت واذا نزلت الارض ابي اكون في المنقبة
المهم أفيدوني كيف أتعامل مع وولدي
ويبي يقول قصيدة لليوم الوطني قدام الامير بو مشعل طول الله بعمرة
انا في حيرة من امرئ حياتا كلها ابل ما يحب يطلع معاي يبي البر ما يحب يروح اماكن ثانية يعشق البر وبقوة. يقول يمة اذا ما تأملين لي ناقة شوفي احد أبيع له ابل تفكيرا غريب الله وحفظة يدش مواقع كلها ابل منتديات الابل الرسمي منتدى المزااايين
ابي شوركم

واذا في مجال احد من في المنتدى يتفضل ويساهم في مساعدة لسرد قصيدة امام الامير في اليوم الوطني في الاحتفال المعتاد ويكون من ضمن البرنامج
وياليت احد يفيدني كيف أتعامل مع ولدي
وولدي عمرة 12 سنة ومجتهد في دراسات والحمدالله

هل هناك مكان يتبنى مثل هاالابناء



بارك الله لك فيه وماشاء الله عليه اذا مجتهد في دراسته فلابأس من تشجيعه على هذه الهوايه
مزاين الابل احسن له من مزاين اشياء ثانيه

[بنت رجال]

انا ابي احد بس يسالة عن الابل وويشوف كلامي
وبساللة

ويقول يمة شوف الابل أسرارها اسرار يمة
معجزة ترا الابل يمة

[naif3]

الله يصلحه يربي انشالله

[واثق بالله]

مافيه الا يروح الريس كل يوم

وشوي شوي يتعرف على اهل العزب

والرعيان اللي هناك على الاقل يشوف

الشي اللي قلبه متعلق به


لو ان له حد من بني عمه والا خواله

عنده عزبه وابل خليه يماشيهم

[رُفق المجنّا]

الله يخليه لش إن شاء الله ويبارك فيه

لا شك أن حبه وتولعه بالإبل يصرفه عن أمور ثانية ولكن لا يكون هذا الحب يصل لـ الحد اللي أنتي ذكرتي , طبعاً الفائدة بتلقينها أكثر عند التربويين وحاولي تحببينه في الشّعر والأدب يمكن يقلّل من تعلقه في الإبل

[<اضرب واشرد>]

السلام عليكم

الله يحفظه لج ويبلغج فيه يا اختي ، وتأكدي اهتمامه وخبرته في الابل بتفيده في المستقبل ، وممكن تكون سبب في غناه وباب من أبواب رزقه.

مثل ماقالوا الاخوان خليه يصاحب ناس من هله اهتمامهم من اهتمامه.

ورجاء عطي الاخت المقهورة هذي وجه ، صار لها فترة تطامر ولاحد عبرها :


ههههههههههههههههههههههه

والله احس انج تنكتين

:)

[محمد عبدالرحمن]

أختي الكريمة،

وفري لابنك كامل الدعم، فهذه هبة من رب العالمين لن يعقلها الكثير حتى يرشد ابنك، و هذا الرد من واقع طفولتي، و الحمد لله رب العالمين.

تحياتي،
محمد عبدالرحمن

[nadeemy]

طيب اسأليه :
عن احسن وقت تسجل في سباق الحقايق ابكار في قطر ؟ اذا كان متابع السباقات

[ع.م]

ياعمري عليه يحليله .. نادر حد يكون عنده شغف هالكثر بشي واحد.. كلن ميسر لما خلق له..

الله يحفظه ويبارك فيه.. ويقويج ويعينج على تربيته يالغالية.. الأم إنسانة عظيمة تشيل الحمل كله على ظهرها وهي راضية.. الله يرفع قدره ويفرحج فيه وياجرج على حرصج..

[الهاجري 2]

هذا أحسن له والله وصدقيني حبه لها وللبر بيعلمه اشياء واجده , لو احد من خواله او عمانه عنده عزبه او حلال خليه يروح معاهم, اما لو لا أشتريله من السوق بكره صغيره ب3000 مدري 3500 وحطيها له في الحوش وشوفي شلون يبكي من الفرحه




سوري عبالي تشتكين من حبه لهم

اتاري البلا منج

شلون تدخلينه هالمجال ؟ هو خبره في البهايم اسأليه

احنا خبرتنا بس في البشر

ماشالله واضح انج خبره في البشر , الفاظ سوقيه وحقد اخر شي تقول خبره في البشر
حاولي ترتقين في الردود وعدم الاساءه

[barod]

الله يخلي لج ولدج ويوفقه في دراسته ونشوفه صاحب افضل منقيه في مزاين ام رقيبه

[الشامخ]

الله يحفظ لك ولدك من كل شر ويوفقه ، ويارب تحققين مرادك

[بومحمد911]

وبعدين معاكم حولتوا الموضوع الى تعليقات مالها داعي

الله يهدينا واياكم

[الأصيل]

فيه ناس الله يهديهم طلعوا عن الموضوع الاخت تطلب مشوره وولدها علمه غانم وشي يشرف نادرا ما تجد اطفال في هالسن متعلقين بالتراث واللي عنده كلمه طيبه يقولها والا يكف لسانه عن اللمز والهمز

[روح الاطلس]

ههههههههه ولدج ابدوي قـــــح

واكيد ما تعلق فيها من اهني والدرب .. لابد البيئة المحيطة حواليه زرعت فيه حبها..

اذا انتي ماتبينه يتعلق فيها غيري بيئته ! تقدرين؟؟؟ ان قدرتي بتغيرين ولعه وحبه الزايد وعشقه وهيامه للابل ان ماقدرتي تغيرين توجهه فما لج الا الصبر

وبعدين ماشوفها هوايه سيئة .. في ناس متولعه بالطيور وناس متولعة بالنمور وناس متولعة بالابل عادي :)

وهو الحين بداية مراهقه .. وهالسن يبدأ فيه الانجذاب والتولع لبعض الاهتمامات ومع الكبر بيتغير

بس قفلي عنه قناة الصحراء

[الحياة الخالدة]

شكرًا على الردود الذرية الطيبة اللى تدل على رفعة واخلاقيات صاحبها اما الردود الركيكة ماهي الا قلوب مريضة الله يكون في عونها قلوب وانفس لاتحب الخير لها ولا للغير


عافنا الله وإياكم

والله يحفظ ولدي واعيالكم يارب من كل شر ويبارك فيهم لانهم هم قطر المستقبل
الرجاء إغلاق الموضوع *


أختي الله يخلي لج ولدج .. و يبارك فيه .. و يحفظه من كل شر

و الله يعينج على بعض الردود صراحــــــة

عموماً أعتقد إذا تبين الإدارة تسكر الموضوع تكتبين طلب في موضوع جديد في قسم الاقتراحات و الشكاوي .. و هم ما راح يقصرون معاج

و بالتوفيق أختي :)

[qatara]

اختي حاولي تخلين قلبه يتعلق بالمساجد ينفعج وينفع نفسه دنيا واخره ابرك له من كل شي


(( إن الإبل خلقت من الشياطين و إن وراء كل بعير شيطانا )) .

( حسن ) انظر حديث رقم : 1579 في صحيح الجامع للشيخ الألباني رحمه الله

والله يوفقه لمافيه خير الدنيا والاخره

[روح الاطلس]

لا تسكرين الموضوع ليه يتسكر!! واللي رد وقال تبين تقابلين سمو الامير ( كلن يرى الناس بعين طبعه) اشدخل واشدخل بقوووه بعد

لو الاخ قلبه نظيف ومصفي النيه كان ركز شوي بالكلام

الاخت تقول تبي ولدها يعرض قصيدته امام سمو الامير وين المشكله؟


اختي طنشي الردود اللي مالها داعي ويا جبل مايهزك ريح

ان سكرتي الموضوع بيفرحون

[الريبال]

الله يخليه لك ويرزقك برّه إن شاء الله

أسمحي لي أرد في موضوعك على نقطة استغلها بعض من سكن الحقد اللا مبرر قلوبهم نسأل الله العافية لهم ولنا ولجميع المسلمين.

جزئية البهايم ....

الله تعالى يقول في محكم التنزيل: (( أفلا ينظرون إلى الأبل كيف خلقت)) ... الابل أليست بهائم ؟؟!!

رسولنا الكريم يقول فيما معناه: (( لإن يهدي الله بك رجلاً .. لهو خيراً لك من حمر النعم)) .. حمر النعم وهي الأبل .. أليست بهائم ؟؟!!
أغلب الأنبياء (أجل الخلق وأعلاهم درجة عند الله) أغلبهم إن لم يكن كلهم رعوا الغنم .. وهي بهائم على قولة هؤلاء الاشخاص

الله يهدي أمة محمد