اللي يعرف أي شي عن مؤسسة كهرماء ... يتفضل

[al_jo0ory]

السلام عليكم ورحمة الله وبركاته ...

ان شاء الله قريب بيكون عندي مقابله في كهرماء حق السبونسر ... فحبيت أعرف عن مستقبل هالمكان وشلون الشغل فيه ؟؟ والرواتب سواء الراتب اللي بيكون في فترة الدراسه أو حتى راتب الشغل ؟؟

وهل تنصحوني بالمكان ولا ؟؟

وإذا فيه أي مكان ثاني يقبلون مهندسين يشتغلون في الدوحه ياليت لو تقولون لي

وشكرا :nice:

[سلطان23]

ابعد عن الشر وغني له

كل الشباب الي أعرفهم يبون يطلعون من كهرماء

حتى الزيادة ماتهنوا فيها

ارتطموا بسقف الراتب لكل درجة وظيفية

[al_jo0ory]

^
^^
^^^
:eek5::eek5::eek5:

بل لهدرجه ؟؟؟... أنا الشي الي كنت مساتنسه عليه الصراحه في كهرماء ان أتوقع هم المكان الوحيد اللي يقبلون بنات هندسة كهربائيه يشتغلون في الدوحه

مشكور أخوي على المرور

وأبي اسمع بعد رأي البقيه :nice::nice:

[al_jo0ory]

Uppppp

[qataria]

انتي شاللي يهمج بالضبط من ناحية الشغل؟
وانتي تقارنينها باماكن حكومية ولا خاصة؟

وضحي وبساعدج ان شالله.

[Best Man]

الله يوفقج وان شاءالله يفيدونج الاعضاء

بس اهم شي اذا توظفتي اول راتب لي..عشان اوزعه ع الاعضاء :secret: :nice:

[STAR]

ادا انتي بطالية طبعا اقبلي باي وظيفة حاليا....


وانا اشوف كهرماء زينة للموظفين الجد...

[الحبتور]

ابعد عن الشر وغنيلوا ..

[لابس بشت]

كهرماء تابعه لقانون الموارد البشريه بخصوص الرواتب والدرجات
فتوكلي على الله وبالتوفيق وبخصوص السبونسر اغلب الموظفين الجداد يطرشونهم كليه شمال الاطلنطي وعندي واحد مطرشينه بريطانيا يكمل وبالتوفيق

[al_jo0ory]

أنا أبي اخذ سبونسر عن طريقهم ... بس اللي بغيت اعرفه ان هالمكان هو اووكي ولا لا بما أني رح اشتغل عندهم قريب 4 سنين ؟؟

يعني من حيث الشغل والراتب وكل شي حق مهندسين الكهربا ... ولا برايكم أشوف لي مكان ثاني ؟

[qataria]

رواتب كهرماء تابعة للموارد البشرية يعني الشركات الخاصة بتكون رواتبها احسن.
من ناحية الشغل كهرماء ممتازة من هالناحية يعني بتحصلين الخبرة اللي تبغينها في هالفترة.

[al_jo0ory]

اهاااا

تسلمين حبيبتي عالمرور والمشاركه

وودي بعد اسمع ًاراء البقيه

[أنت]

جوفوي انا ماقولج زينه او لا

نصيحه ابعدي عن كهرماء

لان مافي تطوير

مافي أي أهتمام

منبعد ماضمونا حق الموارد البشريه

طبعا أنا في كهرماء لو القا لي وظيفه تناسبني وللله طلعت اليوم قبل بكره

[al_jo0ory]

^
^^
^^^


:eek5::eek5::eek5::eek5::eek5:

OMG !!:secret:

[بوحارب]

ليش ماجفتي لج سبونسر عن طريق الشركات الخاصة

بتحصلين راتب اكثر ب 5000 اقل شي

وغير المميزات الثانية من بونس وتذاكر وتأمين صحي ووووو

[al_jo0ory]

^
^^
^^^


لأن الشغل 99% بيكون برا الدوحه وفي مصنع للأسسسسسسسف :weeping::weeping:

[بوحارب]

^
^^
^^^


لأن الشغل 99% بيكون برا الدوحه وفي مصنع للأسسسسسسسف :weeping::weeping:

هذي المشكلة

[al_jo0ory]

^

شفت شلون :(

[الـراسي]

طقي وحطي رجلج من كهرماء

شوفي كم واحد قدم استقالته من كهرماء

لا تطور ولا شي محلك سر

واكبر دليل الدعايه اللي يسوننها للجداد اللي بيتوظفون

يقولون بندخلهم الكلية ان كانت كلية الشمال الاطلنطي او المجتمع

لكن وش بعد التخرج هنا الكلام

[al_jo0ory]

^
^^

امااااا ... خلاص يبا شكلي بهووون :eek5::eek5:

[tradesman]

استخيري وتوكلي على الله

من ناحية الراتب فرواتبنا نفس باقي الوزارات اللهم عندنا 15 % علاوة مؤقته

وعندنا بعد 15% علاوة ساعة اضافية

بس انتي بتدرسين على حساب المؤسسة فمافي اي مشكله ما اعجبج ادفعي الي عليج وطلعي :)

اساليهم اذا انتي ما حبيتي تكملين كم بياخذون منج

والقرار الاول والاخير يرجع لج

وبالنسبة للشغل هو في شغل والواحد يتعلم بس يحصل نفسه بعد فتره انه ما قام يستفيد شي

ولازم يغير شغله وخاصه في المجال الي اشتغل فيه

[qataria]

^
^^

امااااا ... خلاص يبا شكلي بهووون :eek5::eek5:

:happy: فكري فيها اربع سنين وبعدين تقدرين تطلعين سواء كهرماء ولا غيره يعني لا تفكرين وايد في الراتب و المميزات لان اهم شي في السنوات الاولى تاخذين خبره في المكان الصح. لا تستعجلين استخيري و دوري و شوفي الخيارات اللي جدامج وقارني بينها و توكلي على الله.

[أسرع متين]

انا قريت وانا سبنسر في كهرما وبرد عليج بس عقب المحاظرة

على فكرة انا مستغرب من ردود بعض الناس من ناحية التطوير والرواتب

ياخي اذا ما تعرفون مب لازم تردون مب كل شي نسمعه يكون صح

وبعدين انتي يا اختي الجوري راح تكونين مهندسة يعني نفسي يعني سينير

المهم بكمل عقب ما اخلص من الجامعه فالليل

[أسرع متين]

اختي العزيزة الجوري

يبه ترى كهرما من ناحية التطوير ما عليها اي كلام عقب سنة من الشغل سفرات ودورات وتعليم يعني راح تاخذين خبرات من كل مكان
واذا كلام اخواني صحيح عيل اشلون الحين الموظفين اللي في كهرما طالبينهم شركات ثانية بمعاشات خيالية
يعني هذا من ناحية الخبرة مضمونة.
من ناحية المعاشات الله يسلمج وانتي تدرسين فالجامعه يعطونج 8000 والحين مع الزيادة 12000 وشي
ترى احنا يعاملونا غير عن باقي الشركات للحين في بعض الشركات والمؤسسات الخاصة يعطونهم 6000
ولين تتخرجين كمهندسة يعطونج 27000 او حولها ولين تتزوجين عاد هذي مادري فيها
المهم هالكلام موثوق منه
وعلى فكرة ترى بقولج اللي فالشركات الثانية اللي اول مايدشون يعطونهم مبالغ خياليه كراتب ترى لا تطوير ولا تدريب
انا عندي ربعي توهم متخرجين يعطونهم حول ال 32000 الف بس تعالي شوفيهم اشلون قاعدين في مكاتبهم ولا تطوير ولا زيادة في المعاش ولا شي يعني تدخلين وهالراتب معج لين تتقاعدين
بعكس كهرما كهرما يميزونج اذا اشتغلتي يعطونج ما يقصرون ولا تنسين انها الشركة الوحيدة الموزعه للطاقة
وانا بصراحة انصحج في كهرما عن باقي الشركات لان باقي الشركات يا طويلة العمر صج يعطونهم مبالغ فوق بس انا اعتبرها بدل تعب يعني كرف ومادري شنو فالاخير مع هالكرف لا تطوير ولاشي "شالفايدة"
اما كهرما تطوير وتمييز وراحة و"تعلييييم"
تبين شي بعد ؟؟

وكان الله غفور رحيم
والسموحة عالاطاله
الله يحفظج

[al_jo0ory]

اختي العزيزة الجوري

يبه ترى كهرما من ناحية التطوير ما عليها اي كلام عقب سنة من الشغل سفرات ودورات وتعليم يعني راح تاخذين خبرات من كل مكان
واذا كلام اخواني صحيح عيل اشلون الحين الموظفين اللي في كهرما طالبينهم شركات ثانية بمعاشات خيالية
يعني هذا من ناحية الخبرة مضمونة.
من ناحية المعاشات الله يسلمج وانتي تدرسين فالجامعه يعطونج 8000 والحين مع الزيادة 12000 وشي
ترى احنا يعاملونا غير عن باقي الشركات للحين في بعض الشركات والمؤسسات الخاصة يعطونهم 6000
ولين تتخرجين كمهندسة يعطونج 27000 او حولها ولين تتزوجين عاد هذي مادري فيها
المهم هالكلام موثوق منه
وعلى فكرة ترى بقولج اللي فالشركات الثانية اللي اول مايدشون يعطونهم مبالغ خياليه كراتب ترى لا تطوير ولا تدريب
انا عندي ربعي توهم متخرجين يعطونهم حول ال 32000 الف بس تعالي شوفيهم اشلون قاعدين في مكاتبهم ولا تطوير ولا زيادة في المعاش ولا شي يعني تدخلين وهالراتب معج لين تتقاعدين
بعكس كهرما كهرما يميزونج اذا اشتغلتي يعطونج ما يقصرون ولا تنسين انها الشركة الوحيدة الموزعه للطاقة
وانا بصراحة انصحج في كهرما عن باقي الشركات لان باقي الشركات يا طويلة العمر صج يعطونهم مبالغ فوق بس انا اعتبرها بدل تعب يعني كرف ومادري شنو فالاخير مع هالكرف لا تطوير ولاشي "شالفايدة"
اما كهرما تطوير وتمييز وراحة و"تعلييييم"
تبين شي بعد ؟؟

وكان الله غفور رحيم
والسموحة عالاطاله
الله يحفظج


أسرع متين ... ريحتني الله يريحك

بصراحه أنا سويت المقابله وقالوا لي تقريبا نفس الكلام اللي قلت لي اياه ... بس في سؤال نسيت أسألهم

هم قالوا لي ان الوظيفه ان شاء الله رح اكون عادي في مكتب بس ماعرفت شنو المسمى وطبيعة الشغل شلون تكون ؟؟

وسؤال ثاني ماعليك أمر ... اللي محيرني الصراحه مادام ان هالمؤسسه عندها كل هالامتيازات ليش الناس يذمونها وايد وودهم يطلعون منها ؟؟؟ ... وحتى الطلاب يفضلون انهم يروحون قطاع البترول اكثر من كهرماء ؟؟

يعني حتى الناس اللي قالوا لي طلعي منها ولا تكملين معاهم ... انزين ابي اعرف انتوا بس علشان الرواتب ولا في شي ثاني ممكن يخليني اطلع منها !!؟

في انتظار الاجابه ...ويعطيك العافيه

ومشكوووورين لكل اللي ردوا :nice:

[al_jo0ory]

:happy: فكري فيها اربع سنين وبعدين تقدرين تطلعين سواء كهرماء ولا غيره يعني لا تفكرين وايد في الراتب و المميزات لان اهم شي في السنوات الاولى تاخذين خبره في المكان الصح. لا تستعجلين استخيري و دوري و شوفي الخيارات اللي جدامج وقارني بينها و توكلي على الله.


وهذا اللي انا افكر فيه بصراحه

أهم شي عندي المكان والناس اللي فيه ... صج ان الراتب مهم بس بعد فيه اشيا اهم

[al_jo0ory]

Up

Up

[أسرع متين]

شنو المسمى وطبيعة الشغل شلون تكون ؟؟
انتي بتكونين سينير الدرجة السابعة

لي محيرني الصراحه مادام ان هالمؤسسه عندها كل هالامتيازات ليش الناس يذمونها وايد وودهم يطلعون منها ؟؟؟
شوفي يبه الناس اللي كانو فالمؤسسة قبل الموارد البشرية هم اللي يتكلمون اما انا وانتي ما تكلمنا ولا بنتكلم
المؤسسة قبل كانت تعطي معاشات على هواها عرفتي اشلون؟! يعني عادي تحصلين اثنين في نفس الدرجة بس الثاني في معاشة اعلى من الاول عشان كذا الناس عارضت "اللي كانو ياخذون راتب مب مستحق"
فلما اصدرو الموارد البشرية كل واحد ياخذ حقة محد اعلى من الثاني والحين الناس اللي كانو ياخذون معاش اعلى من مركزهم هم تكلمو...... شوفي انا انصحج ان اعطوج العقد اقرية عدل وتكلمي ان ما اعجبج شي وزيدي اشيا قولي انا ابي مثلا اكمل ماجستير وابي ينكتب هالشي فالعقد ان ما اعجبج الراتب قولي ما عجبني وكذا واشلون الترقيات واشلون التطوير ........ الخ يعني ترى انا وانتي واللي للحين ما دشو المؤسسة بيكون شي عادي عندنا لان احنا جداد

والسموحة اذا قصرت بجوابي

فمان الله

[al_jo0ory]

^
^^

لا الحمد لله الحين يعني بانت الصوره عندي شوي ... خلاص ان شاء الله انا بروح اكمل أوراقي وقلت بعد بداوم يوم عندهم في القسم اللي بيقعدوني فيه بعد الدراسه علشان اعرف شلون بيكون طبيعة المكان

واسمح لي أخوي لو تعبتك معاي ...

[أسرع متين]

حياج الله والله يوفقج
وانا انصحج اذا عندج الخيار انج تختارين الشغل يكون فالبرج اللي صوب الكرنيش لان البنات يتمركزون هناك وبتاخذين راحتج

الله يحفظج