المساعد الشخصي الرقمي

مشاهدة النسخة كاملة : XxX الجوال وخطره على الخدم XxX


شبح الصمت
20-11-2011, 08:02 AM
كثرت في الآونة الاخيرة مشاكل الخدم ...


هل الهاتف النقال سبب رئيسي في دمار الخادمه !!

من وجهة نظري 200 % دوره اساسي ..

لانه رقم الخدامه راح يتداول بين الوسط المجتمعي لدى فئات الخدم مثلها ..

والخدامه الشينه راح تعطي الدريوليه رقم الخدامه الزينه او يمكن شينه نفسها وهلما جرى مشاكل ومواعد وشردات ..

وراح ينتشر وراح تعرض نفسها للخطر وتعرض الكفيل !!

وقد شهدنا هذا الشيء بأم أعيننا ..

فهل يمكن استئصال الهاتف النقال من يد الخادمه واكتفاها فقط فقط بهاتف البيت لاستخدامه عند الضرورة ..

او اعطائها الهاتف اثناء خروجها مع الاطفال ( لبعض الامهات الآتي لا يجدن متسع من الوقت لابنائهم ) او لانشغالهم . !!!

بس ودي اعرف الخدم يوم يشردون ويتمون فتره وين يروحون !!! :cry2:

صراحه امصخت وحده تذبح وحده تسوي سحر ووحده تسوي بلاوي ونسمع اشياء شعر رؤوسنا شاب عليها ..

:anger2:



خطرhttp://vb.arabseyes.com/uploaded/230534_1217260236.jpg
Best Man
20-11-2011, 08:39 AM
تقدر تقول سبب ثانوي مب رئيسي. :nice:
fhd4
20-11-2011, 08:43 AM
عندي جوال الخدامة ممنوع بأي شكل من الأشكال ...

إذا تبي تكلم أهلها ... ماعندي مانع في أي وقت وعلى حسابي ... لكن تحت اشرافي ...

وطبعا أنا قافل فتح الخط لاندونيسيا والفلبين إلا برقم سري ...
شبح الصمت
20-11-2011, 08:45 AM
تقدر تقول سبب ثانوي مب رئيسي. :nice:


وجه نظر ..
ولكن الجوال اساسي في خرابها صدقني
:(


عندي جوال الخدامة ممنوع بأي شكل من الأشكال ...

إذا تبي تكلم أهلها ... ماعندي مانع في أي وقت وعلى حسابي ... لكن تحت اشرافي ...

وطبعا أنا قافل فتح الخط لاندونيسيا والفلبين إلا برقم سري ...

يعطيك العافيه وزين ما سويت ..
حراير قطر
20-11-2011, 08:48 AM
والله يا شبح مهما نمنعهم يدخلونه بالسر

من وين ومتى الله اعلم وعجزنا واحنا انفتشهم

ما ادري وين يخشونهم :secret:
al-buainain
20-11-2011, 08:49 AM
الاشياء الرئيسية

التلفون

ترك الخدامه مع الاطفال لوحدهم في البيت

طلعتها من البيت لحالها

ترك الخدامه لوحدها للتنظيف غرف المنزل

ترك الخدامه دون مراقبة

ترك الخدامه مع خدم الجيران

والخ والخ والخ





بالعربي لا تخلون الخدم على هواهم . وعليكم بالخدمات المسلمات .
ريتويت
20-11-2011, 08:52 AM
وجه نظر ..
ولكن الجوال اساسي في خرابها صدقني
:(



يعطيك العافيه وزين ما سويت ..

:telephone::telephone::telephone:
شبح الصمت
20-11-2011, 08:54 AM
والله يا شبح مهما نمنعهم يدخلونه بالسر

من وين ومتى الله اعلم وعجزنا واحنا انفتشهم

ما ادري وين يخشونهم :secret:


صادقه
قولي من يعطيهم الجوال من يجيبه لهم !!

بقولج شيء لو شفت خدامتي انا مانع عنها الجوال وجاها جوال .. !!!

صدقني ما اخليها في حالها لين تقولي من عطاها


الاشياء الرئيسية

التلفون

ترك الخدامه مع الاطفال لوحدهم في البيت

طلعتها من البيت لحالها

ترك الخدامه لوحدها للتنظيف غرف المنزل

ترك الخدامه دون مراقبة

ترك الخدامه مع خدم الجيران

والخ والخ والخ





بالعربي لا تخلون الخدم على هواهم . وعليكم بالخدمات المسلمات .



صدقت بكل شيء !!

بس هل تتوقع كل الخدامات الي نجيبهم مسلمات هل هم مسلمات ويؤدون الصلاة والعباده والصوم ..!!

اما هل هو اسم فقط لدخول الدول الخليجية َ!!!
شبح الصمت
20-11-2011, 08:55 AM
:telephone::telephone::telephone:




ايس في !!!

:eek5:
wadha-qa
20-11-2011, 08:56 AM
اشترطوا عليها و هي في بلادها ما فيه جوال تبي تكلم اهلها عندها الارضي و بسس مب عاجبها فيه غيرها
شبح الصمت
20-11-2011, 08:57 AM
اشترطوا عليها و هي في بلادها ما فيه جوال تبي تكلم اهلها عندها الارضي و بسس مب عاجبها فيه غيرها




وليش اشترط عليها اصلا مافي جوال الا للحاجه !!

تبي تكلم اهلها من تلفون البيت !!

اكثر من هالشيء حامض على بوزها ..

مب اني متملكها وإلا شيء لا بس عشان سلامتها وعشان سلامت اهل البيت من المشاكل الي يمكن راح توصلنا من صوبها
بوعلي2
20-11-2011, 09:03 AM
الخدم اباليس مافي فايده معاهم

ومرات تحصل عندها فلوس مادري من وين جايبتها
شبح الصمت
20-11-2011, 09:03 AM
مثال

ترى كثر الخدم مع بعض وقرقرتهم الزايده مع بعض ..

وعدم فهمنا للغتهم مشكلة ..

حلاته كل واحد ينوع في الخدم :sneaky:

واحد يجيب له سريلانكيه والثانية يجيب له فلبينية والثالث يجيب له اثيوبيه ويجمعهم مع بعض

يتوهقون

يعطونك ههههههههههههههههههههه عربي مسكر وتصيدهم ..

:nice:
شبح الصمت
20-11-2011, 09:04 AM
الخدم اباليس مافي فايده معاهم

ومرات تحصل عندها فلوس مادري من وين جايبتها




هذه كلامهم المعهود الخدم ..

ان حصلت عندها فلوس

تسالها من وين يجب فلوس

لا ماما هذه فلوس ياخذ من خدامة ماما مريم
بوعلي2
20-11-2011, 09:06 AM
هذه كلامهم المعهود الخدم ..

ان حصلت عندها فلوس

تسالها من وين يجب فلوس

لا ماما هذه فلوس ياخذ من خدامة ماما مريم

ههههههههههههههه

مايندرى :sneaky:
شبح الصمت
20-11-2011, 09:09 AM
ههههههههههههههه

مايندرى :sneaky:




صدقني لازم ترقع ..

عاد لو منك اخذ منها الفلوس والا اعطيها لين تجيب لي القرار الاكيد ..

بس مشكلتهم الخدم رابطه مع بعض اذا من نفس بني جنسهم ..

تحصلهم مفتاهمين بس حلاته تنبش تعرف الثانية من وين لها هالفلوس !!

ياخي مشاكل تعور الراس ..
الحياة الخالدة
20-11-2011, 09:18 AM
صدقني لازم ترقع ..

عاد لو منك اخذ منها الفلوس والا اعطيها لين تجيب لي القرار الاكيد ..

بس مشكلتهم الخدم رابطه مع بعض اذا من نفس بني جنسهم ..

تحصلهم مفتاهمين بس حلاته تنبش تعرف الثانية من وين لها هالفلوس !!

ياخي مشاكل تعور الراس ..


و من اللعانـــــة اللي فيهم .. ما يعلمون على بعض الا لما يسافرون .. خل تسافر وحدة من الخدامات .. يجونك يقولون هاذي كانت تسوي جذي و تسوي جذي ..
يعني يعلمون على بعض بس بأثر رجعي .. يبلفيت هم العاقلات اللي ما عندهم سوالف

بالنسبة للجوال مع الخدامة .. مشكلة و الله
اللي تبيه بتييبه بتييبـــــــه .. رضينا و الا ما رضينا .. دام عندهم مصادرهم الخاصة .. و مخابئهم السريــــة .. يعني الواحد ما يقدر يخليهم تحت عينه 24 ساعة ..
و البلا كل البلا لما يجتمعون مع بعض ..

بس ساعات نحتاج نكلمهم من برة البيت لحاجة مستعجلة .. و اذا ما عندهم جوال .. و احنا مانعين عليهم يردون على تليفون البيت أو كانوا بعيدين عنه .. نتوهق :anger2:
بوعلي2
20-11-2011, 09:24 AM
شبح و الحياه الخالده صدقتو والله

اذا سافرت وحده تفضح الثانيه


شر لابد منه
ريتويت
20-11-2011, 09:26 AM
ايس في !!!

:eek5:

الي في ان الخدامه لو لقت اهل البيت مامعطينها حريتها بالعربي بتشرد!! بمعنى انها ماتبي كروت تليفون البيت .. تبي جواااااااااال وتاخذ راحتها فيه..
الحياة الخالدة
20-11-2011, 09:30 AM
الي في ان الخدامه لو لقت اهل البيت مامعطينها حريتها بالعربي بتشرد!! بمعنى انها ماتبي كروت تليفون البيت .. تبي جواااااااااال وتاخذ راحتها فيه..


يعني الواحد شيسوي :anger2:

هم بيشردون بيشردون .. سواءً عطناهم حريتهم .. و الا ربطناهم

كلها مسألة وقت :(
الحال مايساعد
20-11-2011, 09:33 AM
كلامك صحيح لكن أشوف إن التفتيش الدوري بالجوال أهم من إنك تمنعه
al-buainain
20-11-2011, 09:39 AM
صدقت بكل شيء !!

بس هل تتوقع كل الخدامات الي نجيبهم مسلمات هل هم مسلمات ويؤدون الصلاة والعباده والصوم ..!!

اما هل هو اسم فقط لدخول الدول الخليجية َ!!!

شف يا الغالي ترى كله يعتمد على هل البيت حتى لو كان الاسلام مجرد اسم فقط لا شافو الخدم هل البيت يصلون والقران في البيت لابد ان ترق اقلوبهم والعكس صحيح

هذا والله اعلم
شبح الصمت
20-11-2011, 09:44 AM
و من اللعانـــــة اللي فيهم .. ما يعلمون على بعض الا لما يسافرون .. خل تسافر وحدة من الخدامات .. يجونك يقولون هاذي كانت تسوي جذي و تسوي جذي ..
يعني يعلمون على بعض بس بأثر رجعي .. يبلفيت هم العاقلات اللي ما عندهم سوالف

بالنسبة للجوال مع الخدامة .. مشكلة و الله
اللي تبيه بتييبه بتييبـــــــه .. رضينا و الا ما رضينا .. دام عندهم مصادرهم الخاصة .. و مخابئهم السريــــة .. يعني الواحد ما يقدر يخليهم تحت عينه 24 ساعة ..
و البلا كل البلا لما يجتمعون مع بعض ..

بس ساعات نحتاج نكلمهم من برة البيت لحاجة مستعجلة .. و اذا ما عندهم جوال .. و احنا مانعين عليهم يردون على تليفون البيت أو كانوا بعيدين عنه .. نتوهق :anger2:

وصلتي خير جبتي الي بقوله ..
يوم تسافر تفضحها
نفس خدامة واحد من الربع يوم سفروها جات الخدامه الثانية تزورهم وتعزيها فيهم :anger2: قالت عنها

زين ماما انتي في سفر هذه يكلم نفر :eek5:
هذه مافي زين ..

صج حقاره لابعد مدى تبي تطلع فيها شريفة بنت اللذين ..
وهي يقولكم انها اهي الي كانت تحرضها ..
وعقب انكشفوا هذه ماخذه من ذيك فلوس وسفروها وقامت تعذرب فيها يوم كلموها قالت ماما هذه نفر مافي زين هذه يسوي جذيه وجذيه .. !!!

يصدقون من والا من !!
:eek5:


شبح و الحياه الخالده صدقتو والله

اذا سافرت وحده تفضح الثانيه


شر لابد منه


شر لا بد منه
بس لازم نحط حدود لهم ..


الي في ان الخدامه لو لقت اهل البيت مامعطينها حريتها بالعربي بتشرد!! بمعنى انها ماتبي كروت تليفون البيت .. تبي جواااااااااال وتاخذ راحتها فيه..

بتشرد بتشرد بس من الي وراء كل هالشردات
ووين يروحون ينخشون وعقب يظهرون .. !!





يعني الواحد شيسوي :anger2:

هم بيشردون بيشردون .. سواءً عطناهم حريتهم .. و الا ربطناهم

كلها مسألة وقت :(

مسالة وقت
لو تشرد ما تسبب لي مضره مب مشكلة اما تشرد ووراها مضره

اهنيه البلاء كله
:anger2:


كلامك صحيح لكن أشوف إن التفتيش الدوري بالجوال أهم من إنك تمنعه




تعجبني التفتيش الدوري

بس لو خاشه التلفون في جسمها َ!!!!!

:omg:
شبح الصمت
20-11-2011, 09:45 AM
شف يا الغالي ترى كله يعتمد على هل البيت حتى لو كان الاسلام مجرد اسم فقط لا شافو الخدم هل البيت يصلون والقران في البيت لابد ان ترق اقلوبهم والعكس صحيح

هذا والله اعلم




صدقت اخوي

بيض الله وجهك
الاسرة الي اهي فيها اشلون

بس بعد لا تنسى ترى يمكن البيت الي اهي فيه بيت طيب واهلها طيبين بس اهي مب شيء ويمكن العكس

ارحم الله والديك
شبح الصمت
20-11-2011, 09:47 AM
ولا تنسون انه الخدمات الفلبينات والاندونيسيات يصيدهم قهر لي راحوا المجمعات وشافوا نفس بني جنسهم مفتلين وشغالين تصيدهم الزيارن ولازم يحز في خاطرهم هالشيء ..

ويتمنون انهم نفسهم ليش هالفلبينه الي شغاله في باريس جاليري احسن مني وانا اطبخ في البيت وراكض وراء هالبزران
:sneaky:
nono80
20-11-2011, 09:54 AM
الجوال عند الخدامه دماااااااااار وهو اول سبب للخراب وانا مستحيل اجيب خدامه وتاخذ جوال هذا اول شرط واذا لقيت عندها الابعاد وتتسفر دامها مالتزمت معاي ماراح اامنها علي بيتي وعيالي يعطيكم العافيه
شبح الصمت
20-11-2011, 09:58 AM
الجوال عند الخدامه دماااااااااار وهو اول سبب للخراب وانا مستحيل اجيب خدامه وتاخذ جوال هذا اول شرط واذا لقيت عندها الابعاد وتتسفر دامها مالتزمت معاي ماراح اامنها علي بيتي وعيالي يعطيكم العافيه




اختي بقولكم قصـه وصارت وحقيقة !!!

بس طاحت في شر اعمالها ..

فلبينية تتغافل اهل البيت وتطلع مع الشباب ..

الفلبينية لديها اكثر من هاتف جوال

الاب لاهي والام لاهيه وهي مع طفل فقط ..

الخدامه بعد الساعة 12 تبتدأ في الطلعات من البيت مع الشباب الي تكلمهم وشرط يكون حلو ! :eek5:

وبعد يوم يسألونها اشلون ماما تقول ماما حلووو وايد بس بابا ما يعطي ويه !!

يلا قولوا لي شالسالفه !!
أخت التفاؤل
20-11-2011, 10:05 AM
أنا رأيي انه الخدامات مثل الزواج بالضبط كله قسمه ونصييب
ناس يجوفون انه صغار السن أفضل عشان يتحملون اليهال ويكونون نشيطات
ناس يفضلون الكبار والمتزوجات عشان ما ما يكون عندهم سوالف ماصخة
وفي ناس مايفضلون الأم عشان ما تكون بعيده عن عيالها
وناس يفضلون الخادمة الأم عشان عندها خبرة في التعامل مع اليهال
..
لكن صعب جدا يعمم هذا الموضوع على الخادمات .. لأنهم بالفعل قسمه ونصيب
بعضهم ممكن يسوون سحر
بعضهم يسرقون أو يحرقون بعض المرات
بعضهم من كثر ما هي زينه أعاملها كأختي أو أكثر حتى .. مرحة وخبوبة ونشيطه وفي نفس الوقت تقوم بشغلها على أكمل وجه .. وهذا ما يمنع انها ممكن تكون معصبة أو متضايقة أحيانا وهذا شي طبيعي

..
نرد لسالفة الجوال..
طبعا أشوفة مب زين الخدامه يكون عندها جوال
تبي تتصل فأهلها تليفون البيت موجود تتصل متى ما تبي .. غالبا نخليهم يتصلون في الويكند
يعني مافي فايده من امتلاكه .. هي ما تطلع بروحها كلش ولا حتى الوبالة ما تقطها أبدا
أمي تقولها انتي مثل بناتي .. بناتي ما يطلعون الشارع كلش الا وياي أو ويا أبوهم
الزبالة تخليها عن باب الحوش وحد من الصبيان أو الوالد يقطها في الدرام برع
وهذا طبعا مخليها الحمد لله ما تقدر تتعرف على حد أو تشرد .. مع انها اذا تبي تشرد مافي شي بيمنعها الا أمانتها وخوفها من الله
ما تروح الجمعية تييب الأغراض الا اذا وياها حد منا فما تحتاج جوال
..
أذكر يمكن قبل سنة جبنا خدامه وكانت اللي قبلها للحين ما راحت
وهم من جنسيات مختلفة
المهم أمي قبل لا تييبها البيت .. يعني وهي فالمكتب
قالتلها اذا عندج جوال طلعيه بخليه عندي ويوم تروحين بعطيج اياه
قالتلها لا ما عندي
يوم جات البيت قالت حق الخدامه الثانية بعطيج خمسين ريال وجيبيلي كرت رصيد
الخدامه الثانية ماشاء الله واعية .. ثاني يوم يت قالتلي صار كذا كذا أمس
وهذي الخمسين مالتها اللي عطتني .. واعرف انه ما يصير الخدامه يكون وياها جوال
أمي نفس اليوم ردتها المكتب لأنها ما كانت مرتاحة لها أصلا
..
والحمد لله على كل حال << معلقة
الحياة الخالدة
20-11-2011, 10:05 AM
ولا تنسون انه الخدمات الفلبينات والاندونيسيات يصيدهم قهر لي راحوا المجمعات وشافوا نفس بني جنسهم مفتلين وشغالين تصيدهم الزيارن ولازم يحز في خاطرهم هالشيء ..

ويتمنون انهم نفسهم ليش هالفلبينه الي شغاله في باريس جاليري احسن مني وانا اطبخ في البيت وراكض وراء هالبزران
:sneaky:


المقارنة المقارنة المقارنة

و هذا اللي يصير حتى في قعدتهم مع بعض وقت الزيارات .. غير انهم يطلعون أسرار البيوت بينهم و بين بعض .. تلقى كل وحدة تقارن وضعها بوضع الثانية في بيت معازيبهـــــا .. و بس ينفض التجمع .. تشوف التغييرات المفاجئة اللي تطرأ على تصرفاتها من نحاسة و عناد و تحلطم ..

بالإضافة إلى أن في بعض الحريم .. بس يدشون البيوت .. يبتدي التحقيق مع الخدامة .. و انا اعرف وحدة دشت بيت رفيجتي و كلمت خدامتها .. و بعدين اختلت بها و عرضت عليها تروح تشتغل عندها :omg: .. حتى رفيجتي تقول ان هذيك المرة لها سوابق ... بايقة خدامة من عند وحدة ثانية من الجيران :anger2:

و نفس الشي يحصل مع الدريولية .. اللي يشردون .. يكون حد مواعدهم و مزين لهم الشردة ..

هذا جواب على اللي يسأل وين يروحون الخدامات لين شردوا ..

كأنه الموضوع تحــــــول إلى مشاكل الخدم >>>> قلبها متروسة :nice:
شبح الصمت
20-11-2011, 10:17 AM
أنا رأيي انه الخدامات مثل الزواج بالضبط كله قسمه ونصييب
ناس يجوفون انه صغار السن أفضل عشان يتحملون اليهال ويكونون نشيطات
ناس يفضلون الكبار والمتزوجات عشان ما ما يكون عندهم سوالف ماصخة
وفي ناس مايفضلون الأم عشان ما تكون بعيده عن عيالها
وناس يفضلون الخادمة الأم عشان عندها خبرة في التعامل مع اليهال
..
لكن صعب جدا يعمم هذا الموضوع على الخادمات .. لأنهم بالفعل قسمه ونصيب
بعضهم ممكن يسوون سحر
بعضهم يسرقون أو يحرقون بعض المرات
بعضهم من كثر ما هي زينه أعاملها كأختي أو أكثر حتى .. مرحة وخبوبة ونشيطه وفي نفس الوقت تقوم بشغلها على أكمل وجه .. وهذا ما يمنع انها ممكن تكون معصبة أو متضايقة أحيانا وهذا شي طبيعي

..
نرد لسالفة الجوال..
طبعا أشوفة مب زين الخدامه يكون عندها جوال
تبي تتصل فأهلها تليفون البيت موجود تتصل متى ما تبي .. غالبا نخليهم يتصلون في الويكند
يعني مافي فايده من امتلاكه .. هي ما تطلع بروحها كلش ولا حتى الوبالة ما تقطها أبدا
أمي تقولها انتي مثل بناتي .. بناتي ما يطلعون الشارع كلش الا وياي أو ويا أبوهم
الزبالة تخليها عن باب الحوش وحد من الصبيان أو الوالد يقطها في الدرام برع
وهذا طبعا مخليها الحمد لله ما تقدر تتعرف على حد أو تشرد .. مع انها اذا تبي تشرد مافي شي بيمنعها الا أمانتها وخوفها من الله
ما تروح الجمعية تييب الأغراض الا اذا وياها حد منا فما تحتاج جوال
..
أذكر يمكن قبل سنة جبنا خدامه وكانت اللي قبلها للحين ما راحت
وهم من جنسيات مختلفة
المهم أمي قبل لا تييبها البيت .. يعني وهي فالمكتب
قالتلها اذا عندج جوال طلعيه بخليه عندي ويوم تروحين بعطيج اياه
قالتلها لا ما عندي
يوم جات البيت قالت حق الخدامه الثانية بعطيج خمسين ريال وجيبيلي كرت رصيد
الخدامه الثانية ماشاء الله واعية .. ثاني يوم يت قالتلي صار كذا كذا أمس
وهذي الخمسين مالتها اللي عطتني .. واعرف انه ما يصير الخدامه يكون وياها جوال
أمي نفس اليوم ردتها المكتب لأنها ما كانت مرتاحة لها أصلا
..
والحمد لله على كل حال << معلقة


الله يعطيج العافيه
من وجهة نظر الغير متزوجه احسن وتكون في بحر 19 احسن واحسن توها الواحد يعلمها على يده لانه بعض الي يجون متعلمات خلاص فاهمين ومشاكلهم وايد فتخافين منها ..
وفي بعضهم نفس ما تفضلتي من اول نظرة ما ترتاحين لها تحسين وراها مشكلة ..
والي تخش من البداية وتسوي لها سوالف الافضل الواحد يرجعها ويرتاح من عوار الراس ..






المقارنة المقارنة المقارنة

و هذا اللي يصير حتى في قعدتهم مع بعض وقت الزيارات .. غير انهم يطلعون أسرار البيوت بينهم و بين بعض .. تلقى كل وحدة تقارن وضعها بوضع الثانية في بيت معازيبهـــــا .. و بس ينفض التجمع .. تشوف التغييرات المفاجئة اللي تطرأ على تصرفاتها من نحاسة و عناد و تحلطم ..

بالإضافة إلى أن في بعض الحريم .. بس يدشون البيوت .. يبتدي التحقيق مع الخدامة .. و انا اعرف وحدة دشت بيت رفيجتي و كلمت خدامتها .. و بعدين اختلت بها و عرضت عليها تروح تشتغل عندها :omg: .. حتى رفيجتي تقول ان هذيك المرة لها سوابق ... بايقة خدامة من عند وحدة ثانية من الجيران :anger2:

و نفس الشي يحصل مع الدريولية .. اللي يشردون .. يكون حد مواعدهم و مزين لهم الشردة ..

هذا جواب على اللي يسأل وين يروحون الخدامات لين شردوا ..

كأنه الموضوع تحــــــول إلى مشاكل الخدم >>>> قلبها متروسة :nice:




لا عادي نقلب الموضووع اهم شيء نوصل لنقطه ولحل مشكلة للكثير من الاسر في المجتمع ..

احنا نحترمهم وبالمقابل نبيهم يشتغلون حسب مسماهم ..
ونقدرهم ولا نقصر معاهم ..

والي عنده خدامه ويشوفها زينه لا يذكر محاسنها قدام العالم نصيحه لانه في ناس حتى على الخدم تحسد ( اللهم لا حسد )
وطن
20-11-2011, 10:19 AM
يا اخوي سوالف الخدم من قبل لا يطلع الجوال

سواد ويههم وشرداتهم و سوالفهم في التلفون مع رياييل حتى من تلفون البيت كانو يسوونها
واللي تدخل رياييل البيت واللي كانت تطلع معاهم

الله يستر علينا منهم

شر لابد منه
شبح الصمت
20-11-2011, 10:23 AM
يا اخوي سوالف الخدم من قبل لا يطلع الجوال

سواد ويههم وشرداتهم و سوالفهم في التلفون مع رياييل حتى من تلفون البيت كانو يسوونها
واللي تدخل رياييل البيت واللي كانت تطلع معاهم

الله يستر علينا منهم

شر لابد منه



الله يعطيج العافيه اختي

بس لا تنسين الجوال له دور اساسي صدقيني
الـقـاسـي
20-11-2011, 10:35 AM
يعني خدامه اذا قاعده فالبيت طول اليوم شنو حاجتها للجوال والبيت في كل صوب فيه خط ارضي ..

اذا بدق حق اهلها من التلفون الارضي وارخص ..
انا عن نفسي كل وحده اعطيها كرت اتصال فالشهر بـ 50 ريال وتكلم فيه حول الساعتين اذا تبي تاخذ اكثر من حسابها ..

اما سالفه الجوال نهائيا ما أأيده بيد الخدامه الا للضروره القصوى جدا جدا ومايكون على طول وياها
شبح الصمت
20-11-2011, 10:55 AM
يعني خدامه اذا قاعده فالبيت طول اليوم شنو حاجتها للجوال والبيت في كل صوب فيه خط ارضي ..

اذا بدق حق اهلها من التلفون الارضي وارخص ..
انا عن نفسي كل وحده اعطيها كرت اتصال فالشهر بـ 50 ريال وتكلم فيه حول الساعتين اذا تبي تاخذ اكثر من حسابها ..

اما سالفه الجوال نهائيا ما أأيده بيد الخدامه الا للضروره القصوى جدا جدا ومايكون على طول وياها




عليـك نور وشو حاجتها !!

تكلم اهلها حزت الضرورة يتصلون على تلفوت البيت واذا اهي تبي تكلمهم من البيت بعد واريح لي لا عوار راس والا اقعد احاتي تكلم من والا من ..

ترى الخدامه تصير جزء من البيت وخلاص لازم تحاسب لها
حراير قطر
20-11-2011, 11:18 AM
صادقه
قولي من يعطيهم الجوال من يجيبه لهم !!

بقولج شيء لو شفت خدامتي انا مانع عنها الجوال وجاها جوال .. !!!

صدقني ما اخليها في حالها لين تقولي من عطاها


انت اذبح الاسد مره قدامهم وبيمشون جنب الحيط

بس لا تنسى تعطيني خبر اجيب لك اللي عندي :sneaky:

لو اتجيب لك من كل دوله نفس الشيء قلوبهم على بعض

ولين سافروا افضحوهم ما ادري شنو مستفيدين ...
شبح الصمت
20-11-2011, 11:22 AM
انت اذبح الاسد مره قدامهم وبيمشون جنب الحيط

بس لا تنسى تعطيني خبر اجيب لك اللي عندي :sneaky:

لو اتجيب لك من كل دوله نفس الشيء قلوبهم على بعض

ولين سافروا افضحوهم ما ادري شنو مستفيدين ...




هههههههههههههههههههههاي
يا بنت الناس متعودين على هالامور قالت اسد

دامهم من الفلبين واندونيسيا والا سريلانكا

ابشرك متعودين لو تذبحين ديناصور ما يخافون

قالت اسد

مالج الا العين الحمره :anger2: تكورينها واطلعين منها شرار ..

مشكلة احنا كبار نخاف على اليهال يسوون فيهم شيء

:(
حراير قطر
20-11-2011, 11:32 AM
هههههههههههههههههههههاي
يا بنت الناس متعودين على هالامور قالت اسد

دامهم من الفلبين واندونيسيا والا سريلانكا

ابشرك متعودين لو تذبحين ديناصور ما يخافون

قالت اسد

مالج الا العين الحمره :anger2: تكورينها واطلعين منها شرار ..

مشكلة احنا كبار نخاف على اليهال يسوون فيهم شيء

:(

لا اخوي لا عيون حمره ولا خضره

خوفنا على عيالنا وعلى نفسنا من شرهم

وخلنا جذيه يكفيني ما جاءني بسبب الخدامة بدون لا تحمير ولا هم يحزنون

حسبي الله ونعم الوكيل ...
مــــلاك
20-11-2011, 11:48 AM
سوالف تلفونات الخدامات تعبنا منها ... ممنوعه <<< اقصد كانت ممنوعه
اكتشفنا تلفونات بالخش وكل ماشلنا واحد بعد كم اسبوع يطلع غيره ..
قبل اذكر صدنا وحده ومرتين اظن ..وماقدرنا نستحمل سوالفها على طول سفرناها
مع ان شغلها مافي احسن وعقب تحسفنا لان كل الخدامات او اغلبهم مايستغنون
عن التلفون ...

والتلفون مانصيده الا بعد فتره لانهم يخشونه في اجسامهم ومستحيل نقعد نفتشهم كل يوم
واكتشفنا انهم ياخذونها من خدامات ناس من اهلنا .. مثلا خدامات الجيران
او خدامه بيت اخوي او خدامة بيت اختي وهكذا


واغلب خداماتنا من جنسيات مختلفه ويااازينهم يحبون بعض وعلاقتهم
زينه ... يعني الي ذكرته مايصير عندنا للاسف :anger1:
بس لاحظت ان المسيحيه تخاف من المسلمات خاصه الاندونيسيه
ام السعف
20-11-2011, 12:09 PM
تقدر تقول سبب ثانوي مب رئيسي. :nice:

اتفق معاك ،،

منع الجوال منها ما عاد يفيد ،، تلقاهم بدل الواحد عندهم 3 و 4 و 5
من وين لهم ما تدري ،،

لذلك صرنا امام واقع عطهم الجوال وافتك من مشاكلهم اللي ييسوونها بالخش ،،
المرسى الأخير
20-11-2011, 12:12 PM
عساك عالقوة اخوي شبح :)

الخطة الي يتبعونها السواد الاعظم من خدم هالايام من كل الجناسي و الديانات هي كالأتي:

- تقدم طلب في ديرتها عشان تشتغل خدامة، فرصة تخلي عيالها و اهلها و تسافر " تغير جو " فترة
- تجي عندنا اول كم شهر مثال للاخلاق و العفه و الطهارة و البراءة
- بعد ما تطمن ان الامور اوكي و حازت على رضا اهل البيت وبعد ما " درست شخصياتهم و تحركاتهم "، تبدا تكون شبكتها و علاقاتها مع الجنس الاخر ولا تقول شلون و كيف، هذي شطارتهم و عيشتهم فبلدهم
- الراتب الي بتعطيها اياه بشهر، هي بتدخل ضعفه مرة او مرتين بالشهر بسواد وجهها
- هذا في حال ان الوضع في البيت عجبها مافيه رقيب ولا حسيب او ان اهل البيت يخافون تروح عنهم (ترى وايد ناس جذي يخلون الخدامه تسوي الي تبيه حتى لو حرام شرعا مو مشكله اهم شي تسوي شغلها و تخلص عقدها !)
- اما في حالة ان الوضع ما عجبها في البيت الصكه و على طول منقصين عليها تفتيش و مراقبه و بهدله، اما انها تشرد او تسوي بلوه فالبيت و تطق او تألف قصه عشان تسافر


بس بنبه خواتي و اخواني اذا الشغاله ما قامت تفتكر بخصم الراتب ولا بالردع الي يجيها هذا معناته عندها وسائل اخرى خفيه تجيب منها فلوس

و هم بعد اذا كانت تحب تتعدل و تكشخ معناته تهمة الاغواء ثابته عليها :secret:

و للمعلومة ترى الجوال(ات) الي عندهم اكثر شيء للاستخدام المحلي و الاقليمي مو حق يكلمون اهلهم فمافيه فايده تقطع فتح خط بلادينهم اخوي

عاملوهم بالي يأمر فيه دينا و على حسب عقد العمل و بس لا تدلعونهم زيادة والله ما يبين فعينهم

و قفلوا عليهم البيبان و الدرايش بالليل و لا تخلونهم من غير شغل فترات طويلة عشان تتقون بلاويهم


الله يحفظنا من هالشر الي لابد منه
مــــلاك
20-11-2011, 12:15 PM
انزين شرايكم بالخدامات والفيس بوك ..خاصه الفلبينيات ؟؟؟

<<< تعقدت من هالسالفه
ام السعف
20-11-2011, 12:20 PM
انزين شرايكم بالخدامات والفيس بوك ..خاصه الفلبينيات ؟؟؟

<<< تعقدت من هالسالفه
الفيس بوك ما ندري عنه ،بس اللي اعرفه انهم يستخدمون النت
للتواصل مع اهاليهم ومن جواويلهم بعد ،،

عني بينت للخدامة ان الكرت اللي عندها ممكن تستغله في النت
وخاصة انها ما تعرف باسوورد شبكة النت في البيت ،،

في الأخير لبغوا يسوون شي بيسوونه ،، الاهم ندعي ربنا
يحفظنا ويحفظهم من سوء الأعمال ،، اما غير ذلك ما نقدر نقول
نمنع عنهم وبنستفيد ،، لأن لما نكتشف بلاويهم ما ينفع معاهم سحب
جواويل او قطع النت عنهم :(
شبح الصمت
20-11-2011, 12:26 PM
لا اخوي لا عيون حمره ولا خضره

خوفنا على عيالنا وعلى نفسنا من شرهم

وخلنا جذيه يكفيني ما جاءني بسبب الخدامة بدون لا تحمير ولا هم يحزنون

حسبي الله ونعم الوكيل ...


الله يعينج اختي شكلج صج منضره منهم

حسبي الله ونعم الوكيل


سوالف تلفونات الخدامات تعبنا منها ... ممنوعه <<< اقصد كانت ممنوعه
اكتشفنا تلفونات بالخش وكل ماشلنا واحد بعد كم اسبوع يطلع غيره ..
قبل اذكر صدنا وحده ومرتين اظن ..وماقدرنا نستحمل سوالفها على طول سفرناها
مع ان شغلها مافي احسن وعقب تحسفنا لان كل الخدامات او اغلبهم مايستغنون
عن التلفون ...

والتلفون مانصيده الا بعد فتره لانهم يخشونه في اجسامهم ومستحيل نقعد نفتشهم كل يوم
واكتشفنا انهم ياخذونها من خدامات ناس من اهلنا .. مثلا خدامات الجيران
او خدامه بيت اخوي او خدامة بيت اختي وهكذا


واغلب خداماتنا من جنسيات مختلفه ويااازينهم يحبون بعض وعلاقتهم
زينه ... يعني الي ذكرته مايصير عندنا للاسف :anger1:
بس لاحظت ان المسيحيه تخاف من المسلمات خاصه الاندونيسيه


لا حول ولا قوة الا بالله
:(


اتفق معاك ،،

منع الجوال منها ما عاد يفيد ،، تلقاهم بدل الواحد عندهم 3 و 4 و 5
من وين لهم ما تدري ،،

لذلك صرنا امام واقع عطهم الجوال وافتك من مشاكلهم اللي ييسوونها بالخش ،،

بعطيها بس في شينين يضرون الزينات منهم صدقني



عساك عالقوة اخوي شبح :)

الخطة الي يتبعونها السواد الاعظم من خدم هالايام من كل الجناسي و الديانات هي كالأتي:

- تقدم طلب في ديرتها عشان تشتغل خدامة، فرصة تخلي عيالها و اهلها و تسافر " تغير جو " فترة
- تجي عندنا اول كم شهر مثال للاخلاق و العفه و الطهارة و البراءة
- بعد ما تطمن ان الامور اوكي و حازت على رضا اهل البيت وبعد ما " درست شخصياتهم و تحركاتهم "، تبدا تكون شبكتها و علاقاتها مع الجنس الاخر ولا تقول شلون و كيف، هذي شطارتهم و عيشتهم فبلدهم
- الراتب الي بتعطيها اياه بشهر، هي بتدخل ضعفه مرة او مرتين بالشهر بسواد وجهها
- هذا في حال ان الوضع في البيت عجبها مافيه رقيب ولا حسيب او ان اهل البيت يخافون تروح عنهم (ترى وايد ناس جذي يخلون الخدامه تسوي الي تبيه حتى لو حرام شرعا مو مشكله اهم شي تسوي شغلها و تخلص عقدها !)
- اما في حالة ان الوضع ما عجبها في البيت الصكه و على طول منقصين عليها تفتيش و مراقبه و بهدله، اما انها تشرد او تسوي بلوه فالبيت و تطق او تألف قصه عشان تسافر


بس بنبه خواتي و اخواني اذا الشغاله ما قامت تفتكر بخصم الراتب ولا بالردع الي يجيها هذا معناته عندها وسائل اخرى خفيه تجيب منها فلوس

و هم بعد اذا كانت تحب تتعدل و تكشخ معناته تهمة الاغواء ثابته عليها :secret:

و للمعلومة ترى الجوال(ات) الي عندهم اكثر شيء للاستخدام المحلي و الاقليمي مو حق يكلمون اهلهم فمافيه فايده تقطع فتح خط بلادينهم اخوي

عاملوهم بالي يأمر فيه دينا و على حسب عقد العمل و بس لا تدلعونهم زيادة والله ما يبين فعينهم

و قفلوا عليهم البيبان و الدرايش بالليل و لا تخلونهم من غير شغل فترات طويلة عشان تتقون بلاويهم


الله يحفظنا من هالشر الي لابد منه


اللهم امين

الحمد لله المعامله موجوده بس اهم نفوسهم مريضه ..
المشكلة والامر والادهى انهم يعرفون عنها وساكتين ..
انزين يضمنون ما تسوي لهم بلاوي في الاكل او من الحر تسوي شيء في الاكل !!

وخايفين عليها تروح

قلعتها اجيب غيرها مليون ..




انزين شرايكم بالخدامات والفيس بوك ..خاصه الفلبينيات ؟؟؟

<<< تعقدت من هالسالفه


فيس بوك ويالسه في المطبخ .. !!!

هههههههههههاي

صراحه شر البلية ما يضحك

اشدعوه هذه الي باقي اعطيها نت مالت عليها تشتغل وتاخذ راتبها واحترمها واطلعها وجيبها اما نت واخليها تجلس عليه ..

حامض على بوزها اصلا
:anger2:
حليتان*
20-11-2011, 12:27 PM
الحل ان الخدم والدرويليه ما يعطونهم ارقام الا بموافقة الكفيل
ام السعف
20-11-2011, 12:31 PM
الحل ان الخدم والدرويليه ما يعطونهم ارقام الا بموافقة الكفيل

باسم درويلنا طلعنا 6 ارقام في كيوتل بس ،،

وتوزعت الأرقم هذي على الخدم ،، غير الرقم اللي هو يستخدمه :omen2:

وما تبون الكروت تتوزع على الخدامات لو سحبنا منهم جواويلهم :(
حليتان*
20-11-2011, 12:38 PM
باسم درويلنا طلعنا 6 ارقام في كيوتل بس ،،

وتوزعت الأرقم هذي على الخدم ،، غير الرقم اللي هو يستخدمه :omen2:

وما تبون الكروت تتوزع على الخدامات لو سحبنا منهم جواويلهم :(

6 ارقاام

عيل الرجال من النخبه هههههههه
ام السعف
20-11-2011, 12:42 PM
6 ارقاام

عيل الرجال من النخبه هههههههه

يعني ممكن يستفيد ؟ :sneaky:
4ui
20-11-2011, 01:04 PM
الخدم يجوون ومعاهم جوالاتهم
والمشكله بالخشش يطلعون و2 و3
مالهم حل !!!
شبح الصمت
20-11-2011, 01:06 PM
الحل ان الخدم والدرويليه ما يعطونهم ارقام الا بموافقة الكفيل

مين والناس نايمين

شخبارك من قوى روؤسهم حتى بعض الحريم يدورون الهنود دواره عشان يطلعون كروت باسمايهم

:anger2:


باسم درويلنا طلعنا 6 ارقام في كيوتل بس ،،

وتوزعت الأرقم هذي على الخدم ،، غير الرقم اللي هو يستخدمه :omen2:

وما تبون الكروت تتوزع على الخدامات لو سحبنا منهم جواويلهم :(


اشدعوه 6
هههههههههاي على قولت اماف
شكله حطوه في النخبه



الخدم يجوون ومعاهم جوالاتهم
والمشكله بالخشش يطلعون و2 و3
مالهم حل !!!

مالهم حل مالهم حل بس وين الرقابة اشلون اطلع اشلون ما تكون تحت عيونكم !!!
:omen2:
حليتان*
20-11-2011, 01:14 PM
يعني ممكن يستفيد ؟ :sneaky:

بل تلقين نقاط نجووم قد شعر راسه


هيييييه اذا انا ما عندي رقم باسمي ):
Rider
20-11-2011, 01:22 PM
لازم نقر ونعترف ان الخدم ناس حالهم حالنا يعني حنا ناس وهم جاين من كوكب اخر ترى الخدم مب جاين يشتغلون عندنا لج سواد عيونا جاين يدورن رزقهم مشكلة حنا حلال لنا امور ونحرمها على الخدم مب معقولة نقيد حرية الانسانه لا تتكلمني في جوال مادام مادتسوي شي غلط كيفها خلها تسوالف مع اهلها اخر الليل ولا مع صديقتها من خادمات وكلنا يعرف ان الخدم لهم مشاكل لكل شنو الحل شدو حيلكم يالحريم وكل وحده تقعد في بيتها وتربي عيالها وتهتم في بيتها والاب شد حيلك وخل عنك الاعذار ود وجيب اهلك وعيالك بلا دريول
هل تقدرون ؟
حليتان*
20-11-2011, 01:37 PM
لازم نقر ونعترف ان الخدم ناس حالهم حالنا يعني حنا ناس وهم جاين من كوكب اخر ترى الخدم مب جاين يشتغلون عندنا لج سواد عيونا جاين يدورن رزقهم مشكلة حنا حلال لنا امور ونحرمها على الخدم مب معقولة نقيد حرية الانسانه لا تتكلمني في جوال مادام مادتسوي شي غلط كيفها خلها تسوالف مع اهلها اخر الليل ولا مع صديقتها من خادمات وكلنا يعرف ان الخدم لهم مشاكل لكل شنو الحل شدو حيلكم يالحريم وكل وحده تقعد في بيتها وتربي عيالها وتهتم في بيتها والاب شد حيلك وخل عنك الاعذار ود وجيب اهلك وعيالك بلا دريول
هل تقدرون ؟

اذا بتلكم هلها زين والله

لكن ياخووي وصلت السالفه عند بعض الشغالات انهم يدخلون ريايل البيت او يطلعون معاهم
شبح الصمت
20-11-2011, 01:39 PM
اذا بتلكم هلها زين والله

لكن ياخووي وصلت السالفه عند بعض الشغالات انهم يدخلون ريايل البيت او يطلعون معاهم




صادق يا أماف

لو ما عندها تلفون كانت تقدر تسوي كل ذي !!!

:anger2:
شبح الصمت
20-11-2011, 01:43 PM
لازم نقر ونعترف ان الخدم ناس حالهم حالنا يعني حنا ناس وهم جاين من كوكب اخر ترى الخدم مب جاين يشتغلون عندنا لج سواد عيونا جاين يدورن رزقهم مشكلة حنا حلال لنا امور ونحرمها على الخدم مب معقولة نقيد حرية الانسانه لا تتكلمني في جوال مادام مادتسوي شي غلط كيفها خلها تسوالف مع اهلها اخر الليل ولا مع صديقتها من خادمات وكلنا يعرف ان الخدم لهم مشاكل لكل شنو الحل شدو حيلكم يالحريم وكل وحده تقعد في بيتها وتربي عيالها وتهتم في بيتها والاب شد حيلك وخل عنك الاعذار ود وجيب اهلك وعيالك بلا دريول
هل تقدرون ؟


من قال حالهم من حالنا

بس هل اهم احترمونا !!!
Rider
20-11-2011, 01:48 PM
من قال حالهم من حالنا

بس هل اهم احترمونا !!!

وهل ياخوي بعض الناس حترموا الخدم يعملونهم كالعبيد شوف الاثيوبية الي في الكويت سوت في البنت وقراء في الجريدة سبب ارتكابها الجريمة
Rider
20-11-2011, 01:51 PM
اذا بتلكم هلها زين والله

لكن ياخووي وصلت السالفه عند بعض الشغالات انهم يدخلون ريايل البيت او يطلعون معاهم

نعم اخوي انا معاك لكن والله من غير الجوال يسون بلاوي جات على الجوال شنو فايده اذا ماعندها جوال لكن تركب مع الدريول بروحها وتطلع تقط الله يعزك الزباله بروحها وتطلع حق راعي الغاز بروحها ترى الجوال مب سبب
شبح الصمت
20-11-2011, 01:51 PM
وهل ياخوي بعض الناس حترموا الخدم يعملونهم كالعبيد شوف الاثيوبية الي في الكويت سوت في البنت وقراء في الجريدة سبب ارتكابها الجريمة




شنو الي يشفع لها
مشكلتها مع الام او الاب اشدخل العيال
حتى لو اهم ذلوني
شلي يخليني انا انتقم من الاطفال !!!
شنو هالقلب الميت
مشكله بينهم وبيني يحلونها معاي انا اشدخل عيالي !!!

:anger2:
الحياة الخالدة
20-11-2011, 01:57 PM
وهل ياخوي بعض الناس حترموا الخدم يعملونهم كالعبيد شوف الاثيوبية الي في الكويت سوت في البنت وقراء في الجريدة سبب ارتكابها الجريمة


محد ينكر إن حالهم من حالنا .. و كلنا بني آدم
و لا احنا مع المعاملة القاسية اللي يعامل بها بعض الناس الخدم

لكن هناك من الخدم حتى لو كان أهل البيت معاهم من أحسن ما يكون .. يبقى الشر متأصل فيهم .. و يسوون الفعايل ..
حليتان*
20-11-2011, 01:59 PM
نعم اخوي انا معاك لكن والله من غير الجوال يسون بلاوي جات على الجوال شنو فايده اذا ماعندها جوال لكن تركب مع الدريول بروحها وتطلع تقط الله يعزك الزباله بروحها وتطلع حق راعي الغاز بروحها ترى الجوال مب سبب

والله ياخوي كانت عندنا شغاله ما تطلع من البيت بروحها ابد
ومعطينها جوال

والله انها تعرفت على واحد يشتغل فمجمع تجاري فالخور وبعييييد عن البيت والمشكله ان هالمجمع ماله علاقه فالبيت كلش لا نشتري من عنده ولا ندري عنه
فالاخير طلعت ماخذه الرقم من شغالة فبيت وحدة من الاهل

نقولها يا فلانه شلون تكلمين رجال غريب تقول صلت رحم

فالذمه اندونيسيه وفلبيني اي صلة رحم ذي
الحياة الخالدة
20-11-2011, 02:02 PM
والله ياخوي كانت عندنا شغاله ما تطلع من البيت بروحها ابد
ومعطينها جوال

والله انها تعرفت على واحد يشتغل فمجمع تجاري فالخور وبعييييد عن البيت والمشكله ان هالمجمع ماله علاقه فالبيت كلش لا نشتري من عنده ولا ندري عنه
فالاخير طلعت ماخذه الرقم من شغالة فبيت وحدة من الاهل

نقولها يا فلانه شلون تكلمين رجال غريب تقول صلت رحم

فالذمه اندونيسيه وفلبيني اي صلة رحم ذي


غير اللي تييك تقول لك هذا أخوي .. و هذا أخوي .. يا ما أكثر إخوانهم ..
Rider
20-11-2011, 02:03 PM
والله ياخوي كانت عندنا شغاله ما تطلع من البيت بروحها ابد
ومعطينها جوال

والله انها تعرفت على واحد يشتغل فمجمع تجاري فالخور وبعييييد عن البيت والمشكله ان هالمجمع ماله علاقه فالبيت كلش لا نشتري من عنده ولا ندري عنه
فالاخير طلعت ماخذه الرقم من شغالة فبيت وحدة من الاهل

نقولها يا فلانه شلون تكلمين رجال غريب تقول صلت رحم

فالذمه اندونيسيه وفلبيني اي صلة رحم ذي

هههههه حلوه صلة رحم علشان كذا انا اقول الجوال مب سبب اخوي صاحب الموضوع ركز على الجوال ماركز على الخدم بشكل عام
Rider
20-11-2011, 02:05 PM
محد ينكر إن حالهم من حالنا .. و كلنا بني آدم
و لا احنا مع المعاملة القاسية اللي يعامل بها بعض الناس الخدم

لكن هناك من الخدم حتى لو كان أهل البيت معاهم من أحسن ما يكون .. يبقى الشر متأصل فيهم .. و يسوون الفعايل ..

نعم اختي بعض الخدم وانا طبعا ماادفع عنهم لكن اخوي صاحب الموضوع ركز على الجوال فقط وانا اكرر واقول الجوال مب سبب
حراير قطر
21-11-2011, 09:02 AM
الله يعينج اختي شكلج صج منضره منهم

حسبي الله ونعم الوكيل


اي والله اني انضريت منهم

هاي وانا اعاملهم احسن معامله والا اضغط عليهم

شكلها جايه تبي تلعب واتحصل فلوس وسوت اللي سوته

عشان نصرف النظر عنها وحاسبوا منهم قد ما تقدرون

والله يبعد عنكم كل شر ...
شبح الصمت
21-11-2011, 09:05 AM
والله ياخوي كانت عندنا شغاله ما تطلع من البيت بروحها ابد
ومعطينها جوال

والله انها تعرفت على واحد يشتغل فمجمع تجاري فالخور وبعييييد عن البيت والمشكله ان هالمجمع ماله علاقه فالبيت كلش لا نشتري من عنده ولا ندري عنه
فالاخير طلعت ماخذه الرقم من شغالة فبيت وحدة من الاهل

نقولها يا فلانه شلون تكلمين رجال غريب تقول صلت رحم

فالذمه اندونيسيه وفلبيني اي صلة رحم ذي

شفت اشلون هذه الي قلته وعيده
تجي خدامة البيت تخلص من ذاك وتعطي الرقم لخدمتكم ويتوزع رقم ( روميو ) لين يوصل اكبر عدد من الخدمات ..
ويكون بطل القصه روميو الخور والا الوكره والا الدوحه
حسبي الله ونعم الوكيل




اي والله اني انضريت منهم

هاي وانا اعاملهم احسن معامله والا اضغط عليهم

شكلها جايه تبي تلعب واتحصل فلوس وسوت اللي سوته

عشان نصرف النظر عنها وحاسبوا منهم قد ما تقدرون

والله يبعد عنكم كل شر ...



اللهم آمين

الله يعينج أختي ويحفظكم ويحفظنا ويحفظ اهل قطر من شر هالفئات ..

بس الرفق بهم ضروري بس بعضهم لا رفق معاهم ولا شيء متعودين على الاجرام في دمهم .
البادية
21-11-2011, 11:11 AM
اعتقد انه افضل عدم إعطاء الخادمه جوال ليش؟
حتى لا تحاول الاتصال بأشخاص وتكون علا قة
بوحارب
21-11-2011, 11:12 AM
انا واعد خدامتي اذا كملت سنة بعطيها جوال واذا كملت سنتين بزيد راتبها واذا كملت ثلاث بتزوجها <<< هههههه تخيل

لا لا الثالثة غشمرة بس اللي قبل صحيح :(
البادية
21-11-2011, 11:20 AM
نصيحة لكل ام وكل انسان لديه إحساس بخصوص الخدم المعاملة الحسنة شي ضروري

اذا ما صلحت لك الخادمة لا تعتقد ان القوة والتهديد بيمشي معاهم ترى بتحط الحرة في اولادك
ثم تندم حيث لا ينفع الندم
فهم بشر لديهم احساس اذا ما اعجبتك الافضل تسفراها . والدليل الخادمة التي جزت رأس كفيلتها في الكويت

يا ناس ما تفهمون ما تتعضون من غيركم لا حول ولا قوة إلا بالله.........ز
شبح الصمت
21-11-2011, 11:21 AM
اعتقد انه افضل عدم إعطاء الخادمه جوال ليش؟
حتى لا تحاول الاتصال بأشخاص وتكون علا قة

:nice:


انا واعد خدامتي اذا كملت سنة بعطيها جوال واذا كملت سنتين بزيد راتبها واذا كملت ثلاث بتزوجها <<< هههههه تخيل

لا لا الثالثة غشمرة بس اللي قبل صحيح :(



يارجال اخاف الثالثة اطلع لها بنتلي جي تي

ههههههههههههههههاي توصل اليهال

انا اقول عطها تلفون بابا فين

:tease:
رذاذ
21-11-2011, 11:28 AM
الخدامة يوم سفرنها وتبي ترجع بلادها
لقينا عندها اربع جواويل و 2500 ريال زيادة !!
ويوم سألنها قالت انها شرتهم من خدامه ثانية وفي المطار بلاغنا عن الموضوع بس طلعت صادقة ولا تلفون مسروق .

وعن الفلوس قالت فلوس العيدية من ذي ومن ذي ومن كل من دخل البيت .

ان بعض الظن اثم ..

والخدم اكثرهم الى يشردون بسبب تحرش وسوء معاملتهم من اهل البيت سواء الاب الابن الزوجة .
بوحارب
21-11-2011, 11:31 AM
:nice:





يارجال اخاف الثالثة اطلع لها بنتلي جي تي

ههههههههههههههههاي توصل اليهال

انا اقول عطها تلفون بابا فين

:tease:

خخخخخخخخخخخخخخخخخخ
رذاذ
21-11-2011, 11:44 AM
خخخخخخخخخخخخخخخخخخ

عرفني ع خدامتكم ^_^ :telephone::nice:

اعرفك ما ترضا عليها
شبح الصمت
21-11-2011, 11:56 AM
نصيحة لكل ام وكل انسان لديه إحساس بخصوص الخدم المعاملة الحسنة شي ضروري

اذا ما صلحت لك الخادمة لا تعتقد ان القوة والتهديد بيمشي معاهم ترى بتحط الحرة في اولادك
ثم تندم حيث لا ينفع الندم
فهم بشر لديهم احساس اذا ما اعجبتك الافضل تسفراها . والدليل الخادمة التي جزت رأس كفيلتها في الكويت

يا ناس ما تفهمون ما تتعضون من غيركم لا حول ولا قوة إلا بالله.........ز


صادق اخوي
بس عاملها بالحسنى تعاملك بالحسنى بس بعضهم ما يتعاملون بالحسنى لازم الشده مب تضربها وتمد يدك لا ازقرها على قولت اهل الامارات هاوشها قولها هذه غلط هذه مب صح بس بعد مع الحزم في الامور وعدم التسرع كانك بتضربها بتمد يد عليها ..

قولها هالشيء غلط شفتها ما اصلحت لك المكتب ينطرها




الخدامة يوم سفرنها وتبي ترجع بلادها
لقينا عندها اربع جواويل و 2500 ريال زيادة !!
ويوم سألنها قالت انها شرتهم من خدامه ثانية وفي المطار بلاغنا عن الموضوع بس طلعت صادقة ولا تلفون مسروق .

وعن الفلوس قالت فلوس العيدية من ذي ومن ذي ومن كل من دخل البيت .

ان بعض الظن اثم ..

والخدم اكثرهم الى يشردون بسبب تحرش وسوء معاملتهم من اهل البيت سواء الاب الابن الزوجة .




صدقت انه بعض الظن آثم

بس تدري من كثر ما نستحي انهم يسوون لنا بلاوي بعضهم

يعني مره جيت اسفر خدامتي المهم يوم جيت استحوا الاهل يفتشونهم فالبيت شوف لين وين الاحترام انشهد انه هلي كانوا حاطينها فوق رؤوسهم وسبب تسفيرها تافه بس اهي اطمعت وقامت تناطح ..

المهم دخلت على ضابط في المطار قلت له ولا عليك امر عندي خدامه بسفرها والاهل استحوا يفتشونها فالبيت ..

قالي ابشر ما طلبت شيء وينادي وحده من المفتشات جزاها الله الف خير وقسم بالله نبشت وراها تنبش ..

تصدق حصلت صورة اخوي !!! :anger2:

قالت لها ليش حاطتها قالت لا حصلتها طايحه وشليتها شوف لين وين انا ومرتي في ذهوي منصدمين تدري وتفتح تحصل شغابات بس مهب اصليه بس بعد للأهل !!! اندونيسيا وماخذه هالسوالف الله العالم شنو مقصدها ..

وتصدق دخلتها غرفة خلتها تفصخ كامل ( محشومين ) وفتشتها الله يجزاهم الف خير ..

وتخيل امي مطلعه لها كرت شتقول لامي يوم جيت امي تبي تاخذ الكرت ارفضت وبشده حتى التلفون قالت مالكم علاقه فيه ..
وعقب ما سفرناها كانت تجي خدامه رفيجتها مع المعزبه مالتها الا تقول لامي زين ماما زين سفر هذه مافي زين .. هذه يكلم شباب !!! :eek5: :eek5:

ومن بين ملابسها شفنا عندها ملابس نوم مالت سهرات

الشيخة تحسب وين بنوديها عرس مثلا جايبتهم معاها !! :eek5:

والا بنزوجها لـ ( روميو ) راعي الدكان :tease:

:eek5:

:omg:

يعني نصيحه لاحدن يستحي من انه يفتش الخدامه وهي مسافره وان انحرج الله يحفظ وزارة الداخلية ما راح يقصرون لو رحتوا لهم

وطبعا انتو راح تطلعون من الحرج قولوا لها هذه اجراء امني مالنا خص فيه
حراير قطر
21-11-2011, 12:06 PM
بل نفسنا اللي عند اهلي

يوم سافرت لقوا في شنطتها صورة ابوي

بس هاي هنديه كلهم نيتهم شينه الا من رحم ربي

والله احسن معامله لهم وغير الاكل وغير وغير

واحسن من غيرهم ليدرجه ان الكل حاسدهم انهم عندي من الخدم الاهل

بس انضريت وكرهت الاندونيسيات وايد من عقبها حسبي الله ونعم الوكيل ...
شبح الصمت
21-11-2011, 12:23 PM
بل نفسنا اللي عند اهلي

يوم سافرت لقوا في شنطتها صورة ابوي

بس هاي هنديه كلهم نيتهم شينه الا من رحم ربي

والله احسن معامله لهم وغير الاكل وغير وغير

واحسن من غيرهم ليدرجه ان الكل حاسدهم انهم عندي من الخدم الاهل

بس انضريت وكرهت الاندونيسيات وايد من عقبها حسبي الله ونعم الوكيل ...




الله يعينكم اختي

ونصيحه ولحدن ياخذها محمل زعل

الي عنده خدامه وزينه

نصيحه ان احد سالكم عنها من الحريم قولوا لها مب شيء

ترى وصل الحسد حتى على اليد العامله

:secret:

:sneaky:
فارس الميدان
21-11-2011, 12:32 PM
السبب الرئيسي وجود خدامة غريبة بالبيت ، ووجود دريول غريب بالبيت
الشعب يريد العيش بدون خدم
شبح الصمت
21-11-2011, 02:13 PM
السبب الرئيسي وجود خدامة غريبة بالبيت ، ووجود دريول غريب بالبيت
الشعب يريد العيش بدون خدم


ياخي ودنا نعيش بس المره بتقولك هالمقوله

ارد من الدوام تعبانه ( ما تلومها )
بدرس العيال
بطبخ لك
بروح معاك السوق
اش بتلحق والبيت يبيلها يتنظف صراحه والثياب يبيلها غسيل
اليد العامله نعمه من رب العالمين علينا يعاونونا
بس ما نبيهم يكونون نقمـه ويسبوون لنا آلام

ياخي الي قطعت راس مكفولتها لهدرجه وصل فيها الحال لهدرجه عشان بس انهرتها ..

روحي اشتكي عليها اطلبييها في المحكمة ..

توصل للقتل والعياذ بالله تزهق رووح

الله يعينا
فارس الميدان
22-11-2011, 11:28 AM
ياخي ودنا نعيش بس المره بتقولك هالمقوله

ارد من الدوام تعبانه ( ما تلومها )
بدرس العيال
بطبخ لك
بروح معاك السوق
اش بتلحق والبيت يبيلها يتنظف صراحه والثياب يبيلها غسيل


أنا أقصد أن أبائنا كانوا عايشين من أحسن ما يكون بدون غرباء في البيت ، والمرءة للأسف الشديد في هالزمن تركت كل شي على الخادمة حتى تربية الأولاد،باختصار شديد الواحد حسب ظروفه ولكن ينبغي لنا معرفة السلبيات والأيجابيات من وجود الخدم ونقدر الظروف بقدرها .
حراير قطر
22-11-2011, 11:38 AM
أنا أقصد أن أبائنا كانوا عايشين من أحسن ما يكون بدون غرباء في البيت ، والمرءة للأسف الشديد في هالزمن تركت كل شي على الخادمة حتى تربية الأولاد،باختصار شديد الواحد حسب ظروفه ولكن ينبغي لنا معرفة السلبيات والأيجابيات من وجود الخدم ونقدر الظروف بقدرها .

الله يرحم ايامهم يا اخوي

قبل البيت واحد ويسمونه البيت الكبير

وكل شغل على وحده وقلوبهم على بعض ام الحين لا

كل واحد نفسي حتى الام لو مريضه وطلبت من ريلها

ان يأخذ عياله من المدرسه يرفض والحجه دوام

ما يقدر يستأذن ساعه ويأخذهم فما بالك الاخوان والاخوات

او احد من الجماعة .. امور غريبه اللي اتصير في بلادنا

ولازم نضطر انجيب دريول وخدامه يعاونونا بهالامور

سوالف وايد نسمعها وما انقول الا الله المستعان ...
شبح الصمت
22-11-2011, 12:44 PM
أنا أقصد أن أبائنا كانوا عايشين من أحسن ما يكون بدون غرباء في البيت ، والمرءة للأسف الشديد في هالزمن تركت كل شي على الخادمة حتى تربية الأولاد،باختصار شديد الواحد حسب ظروفه ولكن ينبغي لنا معرفة السلبيات والأيجابيات من وجود الخدم ونقدر الظروف بقدرها .

اخوي بختصار خدم قبل احسن من الحين بوايد

اخبر الخدم الهنديات يوم كانوا يجيبونهم قبل اقل شيء اتم عندهم 15 سنه وبعضهم اكثر لين تحسها خلاص عضو من اعضاء فالبيت






الله يرحم ايامهم يا اخوي

قبل البيت واحد ويسمونه البيت الكبير

وكل شغل على وحده وقلوبهم على بعض ام الحين لا

كل واحد نفسي حتى الام لو مريضه وطلبت من ريلها

ان يأخذ عياله من المدرسه يرفض والحجه دوام

ما يقدر يستأذن ساعه ويأخذهم فما بالك الاخوان والاخوات

او احد من الجماعة .. امور غريبه اللي اتصير في بلادنا

ولازم نضطر انجيب دريول وخدامه يعاونونا بهالامور

سوالف وايد نسمعها وما انقول الا الله المستعان ...




اهو لازم اختي بس نتوخى الحذر منهم

لانه والله مشاكل الحين دريول وخدامه فالبيت لازم يجري بينهم كلام لازم يصير شيء ..

الواحد قام يخاف

والله خدامتنا ان طق الجرس ما تطلع الا وامي فوق راسها

:sneaky:
بوعلي2
22-11-2011, 12:47 PM
اخوي بختصار خدم قبل احسن من الحين بوايد

اخبر الخدم الهنديات يوم كانوا يجيبونهم قبل اقل شيء اتم عندهم 15 سنه وبعضهم اكثر لين تحسها خلاص عضو من اعضاء فالبيت







اهو لازم اختي بس نتوخى الحذر منهم

لانه والله مشاكل الحين دريول وخدامه فالبيت لازم يجري بينهم كلام لازم يصير شيء ..

الواحد قام يخاف

والله خدامتنا ان طق الجرس ما تطلع الا وامي فوق راسها

:sneaky:



:sneaky:
شبح الصمت
22-11-2011, 12:53 PM
:sneaky:



ايس في

:eek5: