استفسار :وين تنصحوني اسكن في دبي مع الاهل وشكرا

[فريج النجادة]

وين تنصحوني اسكن في دبي مع الاهل وشكرا

[شيخ القبيلة]

اسكن في فندق تاج بالاس دبي ..... فندق راقي ونضيف ومافي خمور ولا خرابيط
وهذا رابط الفندق www.tajhotels.com

تحياتي وبالسلامة ان شاء الله

[البحار00]

توني راد من دبي

وسكنت تاج بالاس طبعا كل سفراتي لدبي اسكن فيه وكل شي حولك وقريب تروح له مشي

فندق راقي وحلو ونظيف

اذا أنتو عايله خذ شقه لان عندهم شقق وغرف وكل شقه فيها غرفتين وصاله ومطبخ

وغرفه صغيرة للخدم بحمامها الله يعزكم

واذا أنتو ٢ خذ غرفه

[قناص قطر]

السلام عليكم

فندق بولمان مول الإمارات دبي

ممتاز حق واحد مع اهله

يوجد مدخل من الفندق الى المجمع

عدة مطاعم

كارفور

سينمات

اممممممممممم

بالتوفيق

[أحمـد]

كم اسعار تاج بالاس ؟

[hamad mf]

في الشنقريلا فندق هادي ويناسب للعايله

[QTR-SOUL]

شيسل تاور في شارع الشيخ زايد بينه وبين دبي مول دقايق

[nyzk]

فندق ذا ادرس داون تاون

[إلا..إذا]

دا ادرس دبي مول لانه متصل في مجمع دبي مول

[خــطــافــ]

دبي زحمة هالايام ... الفنادق كلها لمت اب ... بصراحة معاناه علشان تلقى حجز

انصحك تروح بعد اسبوع

فلورا كريك الشقق الفندقية ممتاز للعائلة وتحجز عن طريق بوكنج بتحصل خدمة الواي فاي مع الحجز مجاناً

واذا تحب الفنادق .. عندك فندق انتركوتيننتال فيستفال ستي او ذا بالاس داون تاون عند دبي مول

[فيصـــل]

عليك بالبستان رزدنس اللي فالقصيص مكان محترم وحلو ونظيف

وخاصه ان فيه محلات تحت ومطاعم

[أبو البنات]

أخوي أنصحك قبل لا تسأل عن السكن لازم تحدد التالي:

الأماكن إللي تبغي تزورها (عشان تشوف مكان قريب منها وتطلع من زحمة دبي)
نوع السكن: فندق ، شقق
هل بتأجر سيارة أو لا (هاي يحدد مكان السكن)
عدد الأفراد (يحدد حجم وتوع السكن خاصة إذا معاكم خادمة
حدود السعر
الخدمات المطلوبة مثلا انترنت أو بوفيه إفطار مجاني أو موقف للسيارة

أخوي رأيي إنك أول شي تحدد الاحتياجات وعقب تبحث عن السكن

بالتوفيق وتروح وترجع بالسلامة

[عازف العود]

الله يوفقك اخوي تروح وترجع بالسلامه ذا ادرس ممتاز بس انتبه في 2 احجز على اللي متصل بالمجمع

[yusf]

نصيحة عليك بشقق الماريوت قرب دوار الساعة نظيفة وموقعها ممتاز ومنطقة هادئة

[بـومحمد]

تاج بلاس فندق وشقق عائليه 5 نجوم

[كلاسيك قطر]

يالغالي اذا تبي تسكن في الامارات انصحك تسكن في الشارقه

[ريتويت]

افضل فندق جلسنا فيه مع الاهل في دبي هو فندق ذي مونارك دبي جنب فيرمونت دبي شارع الشيخ زايد
اليوم الواحد بسعر 888 درهم مع الريوق

[اشراقة الشمس]

دبي كلها فنادق حسب المستوى يلي تبغاه تقدر تحصل لكن في كل الاحوال احجز عن طريق النت اوفر

[WFM]

مدري احس منطقة البرشا احسن للعوائل .

[كايد الوكره]

اليوم رجعت من دبي
سكنت في سوفتيل جميرا بيتش

يصعب ويعجز المدح فيه , رهيييييييب جداُ في الممشى جي بي آر

[alkatalony]

احسن فندق عائلي هو انتركونتننتال فسفيتال ستي رووعه وهادي ومجمع الفسفيتال اصلا حلو وهادي وعائلي برشا برشا أنا رحت مع الاهل جلست 5 أيام وماطلعت من الفندق والمجمع هذا الا مرتين وفي هالمرتين رحت دبي مول ومول الامارات بس

[بـنـت ڪرز]

فندق رافلز اللي في وافي مول

أنصحك فالسويت الدبلوماسي .. خطيـــر =)

[ماجد البدر]

شقق نظيفة وعائلية بمتياز
بين الشارقة و دبي وهو في دبي

http://www.lotus-hospitality.com/
في الايام العاديه سعر الشقة 600 او بحسب كم غرفة تبي في منطقة بوهيل عند المستشفى الكندي بالقرب من فندق رمادا على ما اعتقد

Lotus Hospitality
P.O. Box - 172747
Burj Nahar, Deira, Dubai, U.A.E.
Tel.: +971 4 2735555
Fax: +971 4 2739600
Email: info@lotus-hospitality.com

[alma3ani]

الموضوع على حسب ميزانيتك اخوي

بنسبة لي احلى الفنادق اهناك هي اولا ذا ادرس داون تاون و فندق رفلز وفندق القصر ومينا السلام الصراحه هلفنادق بنسبة لي من احلى احلى احلى الفنادق بدبي وسمعت عن ارماني بس ماجربته

[ولد البدع]

شقق انتركونتننتال فيستيفال عجيييييييب وعائلي من الدرجه الأولى ولازق في مجمع كبيييييير وفيه كل شي واهدأ من دبي مول بواااايد

[ولد البدع]

احسن فندق عائلي هو انتركونتننتال فسفيتال ستي رووعه وهادي ومجمع الفسفيتال اصلا حلو وهادي وعائلي برشا برشا أنا رحت مع الاهل جلست 5 أيام وماطلعت من الفندق والمجمع هذا الا مرتين وفي هالمرتين رحت دبي مول ومول الامارات بس

كلامك صحيييح

[حمد911]

أتلانتس رهيب لو ميزانيتك تسمح اخذة وعندك جميرا زعبيل بعد حلو

بس للعلم اسعار الاقامة مرتفعة فيهم بس على شي يسوى ويستاهل.