تخبــط الاعلي للتعليم تأجيل زيادة رواتب المدرسين القطرييين

[العابــرQAT]

انا زهقت من قرارات ادارة الموارد كل يوم والثاني قرار غريب غير مدروس

قرارات اعتباطية واخراتها

تأجيل زيادة الرواتب المدرسين ليش لانة الاداريين اصحاب العيون الزرقا مب عاجيهم الرواتب

فقالوا وقفوها علي المدرسين لين ماانشوف حل المدرسين شدخلهم بالموضوع توقفون عنهم الزيادة
ذليتوا المدرسين ياادارة التخبطات مرة روح جدد عقد زواجك ومرة مر وزارة الدفاع والحرس الاميري اثبت انة مرتك ما تشتغل وعقب الغوا هالقرارات


ياسعادة الوزير شوف لنا حل مع ادارة الموارد ليششششش التأجيل المدرس مالة اهميةةة

[بوعلي2]

بعد اجلوا الزياده مره ثانيه ؟

بصراحه قويه حركتهم

لالالالا عاد هالمره مايجوز ومايصير ولايعقل وماراح يطوفونها

شنو اجل واجل ليمتى يعني ؟

ليكون كنسلوا الزياده للمدرسين والمدرسات وخذوها الي بالمجلس الاعلى من صوبهم؟

خبر يضايق بصراحه :(

[القطرية1]

تأجيل زيادة الرواتب المدرسين ليش لانة الاداريين اصحاب العيون الزرقا مب عاجيهم الرواتب


ياسعادة الوزير شوف لنا حل مع ادارة الموارد ليششششش التأجيل المدرس مالة اهميةةة
.. انا كنت بالوزارة اليوم..الكعبي وبراهيم الكواري كانوا في اجتماع ..
متى طلع هذا القرار
ما سمعنه عنا

ايش رايكم بوزير يدير تخبطات المجلس الاعلى للتعليم ..

لا حول ولا قوة الا بالله

[al3grab]

توقعو كل شي منهم صارو هم ماينلم

[اسعاف]

المفروض تؤجل الزيادة لحين تعديل الائحة التي هضمت حق الإداريين

على ان تكون الزيادة للكل بأثر رجعي لشهر فبراير

ليش يا ( أجانب) يا من وضعتوا اللائحة للمستقلات هدرتم خبرة الإداريين وسنوات عملهم المضنية وترقيهم من مدرسين الى وكلاء الى مدراء
وبعد 30 سنة او اقل

يكون راتب المدرس الساسي اعلى من المدير والنائب الأداري ؟؟؟

وبعدين ليش التفريق في الراتب بين المرشد والمحضر للمختبر وكلاهما يعملان للطلبة

وليش تحرمون المشرف الأجتماعي من ال 35 في المئة رغم ان شغله مشاكل الطلبة

اتريدون بهذه التفريق (تسريح ) المتبقية الباقية من قدامى القطريين التربويين للذهاب لوظائف حكومية بدلا من العذاب اليومي مع مشاكل الطلبة ؟؟

[الغلا81]

خلهم يصرفون الزياده وعقب اذا يعدلون اوضاع الإداريين ويصرفونها لهم بأثر رجعي

[( أكاديمية )]

للأسف التسكين ماخدم نااس واايد.. ولخبط الأمور وتمميز مابين كادر أداري وأكاديمي !!


الظاهر كما قال أخ أسعاف الهدف (تسريح ) المتبقية الباقية من قدامى القطريين التربويين ! :(

[قطرية حنونه]

اللي اعرفه ان قانون التسكين طلع من مكتب سمو ولي العهد وباشراف استشاريين من المجلس الاعلى ومكتب سموه

يعني هو المسؤول عن االلائحه

واذا غلط احد يصلح لي هالمعلومه

[al3grab]

والله ماقمنا نعرف الصح من الغلط نروح المدارس مسبهين

[العابــرQAT]

المفروض تؤجل الزيادة لحين تعديل الائحة التي هضمت حق الإداريين

على ان تكون الزيادة للكل بأثر رجعي لشهر فبراير

ليش يا ( أجانب) يا من وضعتوا اللائحة للمستقلات هدرتم خبرة الإداريين وسنوات عملهم المضنية وترقيهم من مدرسين الى وكلاء الى مدراء
وبعد 30 سنة او اقل



بأثر رجعي لشهر فبراير شكلك فاضي زين اللي ماحطوك مسؤول بالمجلس

انتوا يالاداريين ليست ترقية لكم بل هذا هروووب من التدريس

[تربوي]

متابع بهدوء

[الغلا81]

متابع بهدوء

يعني التأجيل صحيح؟

[ام مضاوي]

السلام عليكم والرحمة

بالنسبة للادارين ..والمعصبين ..اعتقد لو قالولكم امسكوا جدول ودرسوا بترفضون ..وعرف كذا ادارية حولت من مدرسة الى ادارية وقالت مانبي الزيادة اهم شي راحة البال .. وفي نفس الوقت هناك ادريات حولوا مدرسات مشان الزيادة ..ترى الباب مفتوح للادارين انهم يحولون مدرسات لان هناك فايض بالادارين ونقص بالمدرسات .. وهذي من اسباب زيادة الرواتب ..ولانهضم حق المدرسة .. ولحد يقول يبذلون نفس الجهد ..
بس بالنسبة للنائبة الادارية بالفعل انهضم حقها ، اتشل كل شي عن المديره ويكون راتبها اقل من راتب المدرسات اللي اديرهم .
بس المشكلة في المدرسات ليمن تستلم معاش فايف ستار واسلوب تدريسها من ازفت مايكون لا اهتمام ولا تحمل مسؤولية ..للاسف هالنوعية يكون حرام عليها الراتب والزياده صراحه .

واللي اعرفه ان التسكين راح يتم هالشهر ..وعلى شهر 12 راح اتكون الامور مستتبه وواضحة بشكل اكبر

[العابــرQAT]

اشد علي يد كل من ترك التدريس لانة لقوا الذل والاستهانة بالمدرس

وقرارات عشوائية من المجلس

تأجيل رواتب المدرسين القطريين زين الاداريين بعضهم حولوا مدرسين ليش موقفين الرواتب

شماعة يتحجج فيها المجلس بالاداريين انسوا في زيادة كذبة وصدقناها

الله يعز الحكومة لما توعد توفي

[بوعلي2]

لاحول ولاقوة الا بالله