اولادنا والكسل

[قطري2012]

نلاحظ على هذا الجيل الكسل والاتكاليه ما كان موجود في الاجيال السابقه لدرجه حمل الخادمه او السائق شنطهم من والى المدرسه
لاحظت هذا الامر وانا اوصل اولادي من المدرسه
وهذه الظاهره انتشرت كثيرا في ايامنا الحاضره
الله يرحم ايامنا ما كنا نعرف الدلع :anger2:

[بو شاهين]

كل جيل يقول للجيل الي عقبه انتوا عايشين حياة الدلع

يعني مثلا انا كنت اروح المدرسة مشي مع ان المدرسة كانت حول الكيلوين من بيتنا مع ذلك كان يقولي ابوي انا كنت امشي اكثر منك
كان يروح مشي هو مع خواته للمدرسة وكانت مدرسة البنات في عكس اتجاه مدرسته فكان يروح معاهم يوصلهم تالي يرد لمدرسته وفي الرجعه نفس الشي يمرهم ويرجعهم البيت يعني هو كان يمشي الضعف والبنات يروحون المدرسة مشي

فالقصد من الكلام الدنيا جذي دوم الواحد يحس انه تعب اكثر من الجيل الي بعده

[المسك1969]

ترى ربي يحفظك الناس وكيفهم مع عيالهم ومانقدر نغيرهم بس المصيبة لما عيالنا يطالعون عيال الغير ويبون الشغاله تشيل لهم الشنط والشبصات حق البنات وووو الخ


جزاكم الله خيرا:nice:

[حمد بن سعد]

البيت مثل السفينه والقبطان واحد اذا القبطان اهتم وصلت السفينه الى بر الامان اما اذا القبطان كله بزي الله المستعان

[OM_OMAR_QATAR]

اولادنا لازم يتربون على المسؤولية من قبل ابويهم
والمدارس لازم ترحمهم من ثقل الكتب !

بدور نمو يا ناس يعني ببساطة تأثر على عموده الفقري

[الحال مايساعد]

أشوف ثقافة الكسل تنشأ منذ الصغر حتى الكبر ، اليوم بعد أغلب الشباب ماينزلون "البقالة" ولا "المعصرة" يوم يطلبون شي!!!

[راشد محمد]

جزاك الله خيرا

[حراير قطر]

والله يا اخوي ما انلومهم الشنطه ثقيله وايد

وانا عني نفسي لو بيدي خليت الخدامه اتشلهم لهم

ما يمشون على الجدول وكل فترة وفترة غيروا من مزاجهم

ولا يعطونا خبر وبالاخير كل الكتب بالشنطة :) ...

[بـــــــنت النوخـّــــذه]

نلاحظ على هذا الجيل الكسل والاتكاليه ما كان موجود في الاجيال السابقه لدرجه حمل الخادمه او السائق شنطهم من والى المدرسه
لاحظت هذا الامر وانا اوصل اولادي من المدرسه
وهذه الظاهره انتشرت كثيرا في ايامنا الحاضره
الله يرحم ايامنا ما كنا نعرف الدلع :anger2:

من ربادة اهلهم اذا اتكلوا على الخدم

مالهم خص اليهال

لكن اذا الشنطة ثقيله والولد معصقل وعليه لازم يشلون عنه الاثقال (كمساعده)

00

[Rider]

تتوقع من السبب في ذالك

[ذيب ولد ذيب]

السبب الاهل ,,

تعرفون ليش كل بيت يحاج شغالتين واكثر ؟؟

لان الكل متكل عالشغاله ,,

الشغاله تجيب لك كوب ماي , الشغاله تشيل الاغراض وتحط وتلبس العيال ووووالخ ,, اخبر يوم اني بزر كنت احياناً اطلب من الشغاله كوب ماي تقوم الوالده الله يحفظها تقول لي رح انت جيب لنفسك ,,والشيبه الله يحفظه يوم نروح الجمعيه مايخلي الهندي يدف الجاري واحنا طالعين مع انه ثقيل ,, كان يخليني انا ادفه حتى لو صعب علي ,, صحيح كنت اتضايق واقول ليش مايبي يدفع للهندي ريالين , لكن الحين عرفت معنى الشي هذا وانا اللحين وانا اب ما اخلي الهندي يدف الجاري صرت ادفه بنفسي ,, واذا رجعت البيت ما اخلي الشغاله تشيل كل الاغراض اشيل الاشياء الثقيله والشيبه كان اذا اخترب ليت يصلحه بنفسه ويخليني اساعده والبنات المفروض يرتبون غرفهم بنفسهم ويتعلمون الترتيب مش يحذفون الاغراض وتجي الشغاله ترتب وراهم ,,

[كلنا قطر 1981]

السبب الاهل ,,

تعرفون ليش كل بيت يحاج شغالتين واكثر ؟؟

لان الكل متكل عالشغاله ,,

الشغاله تجيب لك كوب ماي , الشغاله تشيل الاغراض وتحط وتلبس العيال ووووالخ ,, اخبر يوم اني بزر كنت احياناً اطلب من الشغاله كوب ماي تقوم الوالده الله يحفظها تقول لي رح انت جيب لنفسك ,,والشيبه الله يحفظه يوم نروح الجمعيه مايخلي الهندي يدف الجاري واحنا طالعين مع انه ثقيل ,, كان يخليني انا ادفه حتى لو صعب علي ,, صحيح كنت اتضايق واقول ليش مايبي يدفع للهندي ريالين , لكن الحين عرفت معنى الشي هذا وانا اللحين وانا اب ما اخلي الهندي يدف الجاري صرت ادفه بنفسي ,, واذا رجعت البيت ما اخلي الشغاله تشيل كل الاغراض اشيل الاشياء الثقيله والشيبه كان اذا اخترب ليت يصلحه بنفسه ويخليني اساعده والبنات المفروض يرتبون غرفهم بنفسهم ويتعلمون الترتيب مش يحذفون الاغراض وتجي الشغاله ترتب وراهم ,,

كلام سليم و لا ننسى دوور الاب لين راح دكان و عياله معاه قام و طق هرن حق الهندي جيب كذا و كذا .......
و بالطريقه ذي نعلم اعيالنا على الاتكاليه و الكسل


و التوفيق للجميع :victory:

[قطري2012]

مشكورين اخواني على تفاعلكم
احنا نبي نعلم اعيالنا على الاعتماد على النفس الى متى الخدم يسوون لهم كل شي
بكره بيخلص البترول وبنرجع مثل اول المره تقوم الصبح تحلب وتسوي الخبز
والرجل يذبح ويصلخ بنفسه
وحديث الرسول صلى الله عليه وسلم عن مشاهد يوم القيامه .......تقوم الساعه على شخص يحلب ناقته فلايستطيع ان يشربه ورجل يلوط الحوض حتى تشرب الغنم .....الى اخر الحديث
يعني بنرد الى عادات اهلنا الاوليين

[بوحارب]

هههههههههههههههه اي والله قمة الدلع الله المستعان

ياخي اشدعوة خل ولدك يشيل الشنطة على الأقل لين الباب هذا بكرة بيشيل بيت كامل فوق راسه وش بيسوي @@

حسافه محد دلعنا لا في الكبر ولا في الصغر :(