شكرا مطاعم جامعة قطر ......

[الخـود]

السلام عليكم ورحمة الله وبركاته ...

من فترة لاحظت ان بعض الوجبات في الجامعة عندنا صارت ارخص ،، وبصراحة هذي خطوة يشكرون عليها جامعة قطر ، ..

الساندويتش اللي كان ب7 ، صار ب5 .. و الجلكسي والسنكرز وغيرهم من الشوكلت صاروا مثل اسعار السوبر ماركتس ،، لان قبل كانوا يبيعونه بسعر اعلى شوي .. والايسكريم بعد مثل سعر السوبرماركتس ... :nice:

وحتى خدمة طباعة الاوراق اللي اغلب الطالبات يحتاجونها نزلوا اسعارهم من ريال لكل 5 اوراق الى ريال لكل 10 اوراق ....

هذي الاشيا اللي انا لاحظتها .. وبصراحة فرقت معاي بما ان هذي امور احنا نستهلكها تقريبا يوميا ..
انا اشكرهم لانهم خففوا علينا الصراحة حتى لو بشي بسيط ، خاصة في الوقت اللي الكل رفع اسعاره ....

شكرا ...

[ريتويت]

الحمدلله رب العالمين

[قهوة الضحى]

شي جميل يشكرون عليه

[CH Engineer]

المفروض من زمان لان الجامعه مب مكان سياحي يرفعون الاسعار دبل
بالعكس المفروض اقل من سعر السوق لدعم الطلاب

يعني الزعتر العادي ب5 ريال
وبرى على ريال وعلى ريالين!!

كافتيريا الجامعه المفروض تكون رخيصه
والمطاعم المشاركه يعطونهم المكان مجانا والاسعار ارخص منها برى الجامعه

وجهة نظر

[الخـود]

اشكركم على المشاركة ..
و( المفروض) ان الاسعار تكون رخيصة لكن المشكلة لو ما كانت رخيصة بعد مضطرين نشتري ( ما في مقاطعة ) ...

الحمدلله على كل حال

[كازانوفا]

الحمدلله رب العالمين الذي بفضله ومنه علينا تتم الصالحات

خطوه حلوه منهم وان شالله دائما للاحسن

[الخـود]

^
شكرا للمشاركة
والفااال لكل المطاعم :)

[OM_OMAR_QATAR]

المفروض من زمان لان الجامعه مب مكان سياحي يرفعون الاسعار دبل
بالعكس المفروض اقل من سعر السوق لدعم الطلاب

يعني الزعتر العادي ب5 ريال
وبرى على ريال وعلى ريالين!!

كافتيريا الجامعه المفروض تكون رخيصه
والمطاعم المشاركه يعطونهم المكان مجانا والاسعار ارخص منها برى الجامعه

وجهة نظر

:nice:

[Best Man]

تستاهلون كل خير

[مخطط قطري]

لمن كنا ندرس برا كانت عندنا Student card اي مكان ندشه ناخذ خصم عليه اقل من السعر المعروض
هذا الكلام قبل اكثر من 15 سنه
واحنا هنيه في قطر تشكرون الجامعه بس عشان رجعت الاسعار مثل اسعار قبل
ويقلون يبون قطر تكون العاصمه التعليميه في الشرق الاوسط
في امور يظنها القائمين على التعليم امور تافهه وهي اساسيه
لمن يندفع مبلغ وقدره مليون ريال يوميا بس عشان جامعه امريكيه تصنيفها رقم 46 على مستوى الجامعات الامريكية فتحت فرع لها هنيه
واسعار الادوات المكتبية والقرطاسيه واسعار المواد الغذائية بهلاسعار للطلبه في الجامعه الوطنيه الاولى والوحيده
اعتقد في خلل يجب ان يصحح

[cavok]

كفو والله

[admin qatar]

تدرون ليش لان هذه شيء في الدوله وتسمى جامعة قطر

ولا راح يزيدون المخالفت ولا هالامور لانها تخص الدوله

اما التجار الثانين

هو اللي لاعبين فينا لعبه

[ام حمادي]

اختي .. أي كافتيريا نزل اسعاره ؟!

أنا اروح مجمع المطاعم نفس الشي للحين غالي عصير البرتقال ب 12 والكرواسون ب 10 ..
واذا مطوولة فالجامعه وابي اتغدا غدا سنع ودسم ما ألاقي اقل من 45 أنا اصلا حسبت مصروف بس الاكل طلعلي في الاسبوع 600 يعني فالشهر 2400 > فاضيه احسب ^,^

يمكن قصدك ع ساندويتش كافتيريا النشاط الي ماتنفع الا بس حزة الريوق وتخلص في وقتها :(

اما التصوير فأنا اشوفها خدمة يشكرون عليها حلت كثير من الازمات خاصة بالنسبة للملازم بدل مانطلع نشتريها من برى وأسعارهم بعد حلوه والي عاجبني اكثر أنهم ساهمو في توضيف بعض الطالبات في خدمة التصوير فانا مااستخسر اي ريال مادام في النهاية بيرجع لطلبة العلم ..

[قطري متواضع]

يشكرووون ويشكرووون لو يصير كل شي مجاان

[الخـود]

اختي .. أي كافتيريا نزل اسعاره ؟!

أنا اروح مجمع المطاعم نفس الشي للحين غالي عصير البرتقال ب 12 والكرواسون ب 10 ..
واذا مطوولة فالجامعه وابي اتغدا غدا سنع ودسم ما ألاقي اقل من 45 أنا اصلا حسبت مصروف بس الاكل طلعلي في الاسبوع 600 يعني فالشهر 2400 > فاضيه احسب ^,^

يمكن قصدك ع ساندويتش كافتيريا النشاط الي ماتنفع الا بس حزة الريوق وتخلص في وقتها :(

اما التصوير فأنا اشوفها خدمة يشكرون عليها حلت كثير من الازمات خاصة بالنسبة للملازم بدل مانطلع نشتريها من برى وأسعارهم بعد حلوه والي عاجبني اكثر أنهم ساهمو في توضيف بعض الطالبات في خدمة التصوير فانا مااستخسر اي ريال مادام في النهاية بيرجع لطلبة العلم ..

هلا اختي ..انا والله ما ادري عن مجمع المطاعم لان بصراحة من زمان ما رحته .. لكن اقصد احدى الكفتريات في احد المباني ومادري اذا في فرق او لا .. معاج حق اختي الاسعار غالية
لكن لاني لاحظت فرق بسيط وشفت انه يأثر والله :) مشكورة

[الخـود]

شكرا لآراءكم ...

[مستثمر قطر]

انا معك يا (( مخطط قطر )) قلبا وقالبا

جامعة وطنية لها ميزانية سنعة في النهاية اترد نفسها (( لــ عيشة واوراق تصوير ))

الله يصلحها .. بس هذا اللي اقدر اقولة