خدمة منكم / بغيت دراسة جدوى لمكتب عقارات

[بـن عدوان]

السلام عليكم

مثل ما كتبت في العنوان

بغيت دراسة جدوى لمشروع مكتب عقارات من الصفر وشنهي الانشطة اللي اقدر امارسها من خلال المكتب

واللي اعرفه انه القانون القطري لازم الشخص الوسيط يكون قطري، هل اقدر اخّول اجنبي عشان يخلص المعاملات

وشكرا لكم

[QAT2020]

موفق ان شاء الله ..

[شموخ دائم]

,

,


مرحبا

اخوي الكريم

الله يوفقك يارب ويرزقك

انا بتكلم من خلال خبره بهذا الموضوع وياريت تركز على المشكله الي تواجه هذا النشاط

انا عملت مكتب للعقارات سنه 2004 وبعد سنتين بعت المكتب بكل مافيه

وسنه 2006 عملت مكتب عقارات ثاني وبعته في 2008 ايضا بكل مافيه

المشكله في ( الشخص )

توفر مكتب مؤثث وسياره وتلفون وسكن للموظف وكمبيوترات

اول ما الشخص هذا يفهم الشغل وتصير له شبكه علاقات

وتعلمه على كل شي وتعرفه على ناس مهمين وتعلمه على السوق وتعلمه على البيع والشراء

ويصير معاه فلوس ويلبس ( بدله ) ويصير انسان محترم

يبتدي ( يسرقك ) يعني يعمل شغل بالتلفون وياخذ فلوس كاش

الشغل في العقارات مافيه بضاعه او فواتير حتى تراقبه


تكتشف بالصدفه انه عمل شغل ب 100 الف او اكثر واخذ الفلوس بجيبه وما يسجلها بالمكتب

اول ما يجي قطر ماعنده فلوس ( يحلق ) شعره واخرتها يسرق بكل سهوله وما يقول

الحمدالله


:)


الي ابي اقوله هذه المكتب يحتاج ( شخص ) امين امين امين

او انت تشتغل فيه بنفسك اذا عندك الاستعداد


,

,


اخوك


شموخ دائم

[ورقــة أمــل]

لا حول ولا قوة الا بالله النصب والاحتيال صار بكل مكان الواحد ما يعرف شيفتح مشروع ويامن على فلوسه من هالحراميه

[التومي]

انا بصراحه عندى مكتب عقارات والحمدالله بديت بدايه حلوه والله وفقنى من سنه لاكن بديت عكس بعض الربع اللى انصحونى انى ابتعد مثلا الشركه انا الحمدالله بنفسى ادير كل شى ولدرجه انى اخذت فلل بمساعدة الربع لاكن اجى يوميا للمواقع واشرف عليها بنفسى لدرجه ان يقولى واحد من الملاك ياخى ليش متعب نفسك خل المهندس والفورمل هم اللي يطلعون على المواقع ضحكت لانه مايدرى انى اتعب صحيح لاكن اكسب خبره ومصداقيه جدام الربع فيه ناس خسروا حلالهم بسبب انهم وثقوا بالمهندس والفورمل وهذا جالسين نشوفهم فى المحاكم او ياخذ نسبه ليش مايكون القطرى هو اللى يتعلم وياخذ خبره انصحك اذا منت ناوى بنفسك تشتغل ابعد نهائى والله يوفق الجميع

[بـومحمد]

كلام اخوي شموخ دائم صحيح 100%
ومكتب العقارات يدخل ذهب عن واقع تجربه شخصيه
الموضوع ضربات ترفعك فوق وتعوض عليك شهور الركود
وتكون علاقات ممتازه معا التجار بس وين الامين الي تثق فيهوحتى لو انت تابع الشغل بنفسك ممكن هو يسوي شغل بالتلفون ويقوولك انه في مكتب ثاني معانه في العموله وهو مكتب رفيقه ومتقاسمين العموله
الله المستعان

[sepasteyn]

مايحتاج اخي الكريم دراسة جدوى لمكتب عقارات - توكل على الله وهو حسبك - ودير بالك على شغلك ولاتخون الله يسلمك حد ولكن حرص تكون حاظر في مكتبك لانه مصدر رزقك ورزق غيرك .
مكتب عدد 2
جهاز حاسب آلي عدد 2
فاكس عدد 1
مكينة تصوير متوسطة عدد 1
قرطاسية متنوعة
مطلوب ايضا
التنظيم الاداري ( الملفات بانواعها )
تنظيم المتابعة ( العرض والطلب )
قابل للتطوير بادراج خدمة التثمين العقاري ( لاحقا )
تحياتي