ولدي يعاني من الامساك

[معطاب]

مثل ماهو مبين في العنوان ابي شوركم احد جرب دكتور في الحاله واستفاد معا أني ماخليت طب الا سويته وصارله سنه يروح الإمساك ويرد له

[ذيب ازغوى]

عشرج الله يسلمكك

[قناص 787]

اخوي دائماً خل في اكله ألياف مثل الخس او السلطه بشكل عام

ويكثر من الماي وان شاالله اموره طيبه لان هذا نقص في الماي

وهذا يشكل صعوبه في الجهاز الهضمي ويكون سبب للجفاف

و الافضل اول مايقوم الصبح يشرب ماي على الريق وايد زين

[معطاب]

ويسلمك بس عمره اربع سنين ماينفع له

[معطاب]

اخوي دائماً خل في اكله ألياف مثل الخس او السلطه بشكل عام

ويكثر من الماي وان شاالله اموره طيبه لان هذا نقص في الماي

وهذا يشكل صعوبه في الجهاز الهضمي ويكون سبب للجفاف

و الافضل اول مايقوم الصبح يشرب ماي على الريق وايد زين

جزاك الله خير على المعلومه

[مضاد]

http://www.al-arabeya.net/images/800px-Kiwi_aka.jpg




اسهل وافضل طريقة , يفضل أكله عن عصره .

[قناص 787]

ويسلمك بس عمره اربع سنين ماينفع له

عليك بالماي يعني كثر له السوائل لان الإمساك سببه قلة الماي في الجسم

[ديجافو]

الله يشافيه ويتعافى والاعضاء ماقصروا عطوك نصايح مفيده
يمكن بعيد الشر يكون عنده خلل في الامعاء

[معطاب]

مشكورين على الردود وجزاكم الله خير

[همس القصيـد]

أخوي ولدي صاده نفس الشي يوم كان عمره 4سنين
وما خليت دكتور ما وديته له وكلهم نصحوني أن أستخدم له نفس

الدواء بكره باذن الله بكتبلك أسمه بس يبيله طولة بال والله يشافيه أن شاء الله

وبخصوص الفواكه عليك بالخوخ يوميا

[khaleeji]

تجربه شخصية

كوب ماء ساخن اخلط فيه قفشة عسل على الريق ولا ياكل بعده لمدة نص ساعه جرب وبتدعي لي

وعندك التين المجفف دوا الامساك

[العميد الركن]

الكمثرى ممتازه وفي ادوية للامساك مصنوعه من الكمثرى

او يمكن ولدج يشرب حليب وايد وعنده زياده بالكلسيوم

شربية كولا عشان تنزل معدل الكالسيوم عنده واموره بتمشي لوكان يستهلك حليب كثير

[امـ حمد]

عليك بالبرتقال وشرب الماء على الريق

وزيت الزيتون بالشفاء ان شاء الله

[المليونير الفقير]

اخوي هناك علاج اسمه الصمغ العربي طبيعي ومطحون عن 10 تفاحات كله الياف وفيه نوع فالصيدليات خاص للاطفال ملعقتين وكل شي تمام بس مايوجد فالدوحه فقط فالسودان اي حد تعرفه اهناك بيطرشه لك وسعره اهناك ب20اريال وعليك الشحن بالشفاء انشاءالله

[أخو من طاع ربه]

الله يشفيه ويعافيه

يشرب ماي مع الريق كوب او وافضل بعد معلقتين عسل طبيعي وشوي ماي
وتحركه ويشربه مع الريق ويبتعد من الكوافي والأكلات المغرطسه
اذا صغير ودخل الحمام افضل يكون عنده شي يلهيه
ولد اخوي صغير راح لدكتور في مستشفى الهلال وطلع فيه ضيق في
الإنزال.


الله يشافيه

[بو حموود]

ما تشوفون شر والله يشافيه ويعافيه ان شاء الله

[مشتاقة لقطر]

تين مجفف يمدحونه

[برشلوني قطر]

اخوي انا عندي ولد وكااان يعااني من نفس المشكله واكثر..لدرجة اني

كنت اوديه المستشفى يعطونه ملين علشان يرتاح...كل مكان وديته

وفالنهايه قالي واحد من الربع ان احد عياله كان عنده نفس الشي

وقالي مع مرور الوقت راح منه ذي الشي بس خفف عنه الحلويات والكوافي..

والحمدلله مع الوقت صار بخير الحمدلله واموره طيبه...وللعلم ان ولدي اكله

خفيف كلش وهذا يسبب امساك..

واسأل الله العظيم رب العرش العظيم ان يشفيه

[شهد محمد]

وده عند الدكتور مهند وان شاء الله ماعليه شر

[حسين بن عاقول]

علاجك عندي خذ ليمون اخضر قص نصين وطلع البذر وبعدين حط ليمون مع قشرة في العصارة ومن ثمه يشرب العصير وبعدة بنص ساعة يشرب عصير برتقال علي طول يفك منة الامساك

[@north_star@]

كثري من السوائل وخله ياكل تمر وان شاء الله اموره سهالات وسلامته

[بوغانم995]

الله يشافيه ويعافيه ......هل جربتي العنب و خاصه البناتي الصغير بدون بذر (( أعتقد هندي )) ......وخاصه فيه عنب مصري أخضر ....صغير بدون بذر ....على كل حال العنب مع سابق تجربه ..لعسر الهضم والأمساك ..بس لا تتوقعين يكون المردود في نفس اللحظه ...يبي له شوي طولة بال ........ثانياً عوديه على المضغ أعني مضغ الطعام ...أي لا يبلع الطعم .... و حاولي مراقبته عند الأكل ....على فكره يمكن بلاع أوراق العشرج بدون طباخ .........والله يسلمه من كل شر ...آآآآمين

[fhd4]

مايشوف ولدك إلا العافية باذن الله...

مثل ما قالوا لك الاخوان وما قصروا ...

خله يكثر من الالياف ... مثل الفواكه والخضروات والسلطات ...

هالموقع ممكن يفيدك ...

http://www.feedo.net/nutrition/nutritionforhealthypeople/fibres.htm

[basma222]

4 او 5 من أوراق العشرج يعلكهم ويبلعهم على الريق وبعدها يشرب كوب من الماء

[ضوى]

ولد اختي كان يعاني من هالشي ، وكانت اختي تدلك القولون له بطريقة معينة حوالين السرة وبعدها على طول يروح الحمام الله يكرمكم ، جربتها على بنتها يوم كان يصيدها ونجحت معاها حتى في خروج الغازات ، وحاليا استخدمها مع بنت حماتي وبعد ماشاء الله تفيد معاها جرب تدليك القولون لمدة عشر دقائق بزيت الزيتون وان شاء الله خير

[ام السعف]

تجربه شخصية

كوب ماء ساخن اخلط فيه قفشة عسل على الريق ولا ياكل بعده لمدة نص ساعه جرب وبتدعي لي

وعندك التين المجفف دوا الامساك

اتفق معاه ،،
ولدي الصغير يوم كان عمره شهرين ،، كان يعاني من امساك معذبه ويصيح من بطنه
الحل كان ان كنا نعطيه عسل طبيعي من غير ماي حتى ،،
عقب يوم مشاه بطنه ،، وصرنا نعرف له من يمسك بطنه رحنا للعسل ،،

[أسد الجزيرة]

اسهل علاج بذور الطماط يسهل البطن على طول

[شـرشبيـل]

خلة ياكل كنتاكي سبايسي. ويبعد عن الموز

[لابس بشت]

واحد من الشباب بنته تقريبا 6 سنوات وتعاني من هالمشكله
فيه دكتور قاله عليك بالتين
ونفع معاها عصير المراعي برتقال مع اللب تلقاها فالدكاكين تجي حجم كبير فقط
خل ولدك يجرب وماعليه شر ان شاء الله

[H.87]

التين المجفف عن تجربة
والماي
والتمر على الريج

[معطاب]

اخواني وخواتي اللي ردو علي مشكورين وجزاكم الله خير ماقصرتو

[حمد بن سعد]

غير الحليب ان بنتي عانت من الامساك غيرت الحليب الحمدالله احسن من قبل

[بـــــــنت النوخـّــــذه]

ترى ماي زمزم مفعوله قوي
جرب شربه واموره طيبه معروف هالماي بهالسوالف

وشكرا"

[الامير]

ويسلمك بس عمره اربع سنين ماينفع له

الله يشفيه ان شاءلله نصيحتي لك لا تخلي العسل العسل على ريق هو الحل
انا من 20 سنه وانا استعمله والحمدلله 100% 100%

[عازف العود]

مرقه مع بصل خفيف او ربع كوب عشرج او حليب النوق

[بوحارب]

الله يشفيه يارب

انا عكسك ولدي في اسهال :( لدرجة انه يليك من برع البامبرز ههههههه خيس الغرفة :)

[سونيتا]

من تجربه مع بنتي وكنت نفسك ماخليت علاج ومشروبات ماسويتها لكن العلاج الله يجزاها خير اللي علمتني عليه .......... عصير العنب الأخضر ........ اخذ العنب واعصره بالخلاط مع شويه ماي وطول اليوم عطه يشرب عصير عنب وراح تشوف النتيجه والحمدلله هذي الطريقه فادت بنتي كثير وكل وحده نصحتها بالاعلاج هذا استفادت ..........

[clouds]

انا افضل تودينه عند دكتور باطني تتاكدين ان حركه الامعاء سليمه وان مافيه شي يسبب هالامساك..الافضل الواحد يتطمن وبعدين سالفه الاكل
اذا على الاكل الكيوي مثل ماقالو والسلطات خاصه الخس والخيار خل ياكلهم طول اليوم قصصيهم اصابعوالماي هاي اهم شي..بس الاول سوي له فحوصات

[observer]

my son have the same issue since his born i tried every thing but is not workinng i mean tempoery i had to take him to al hli
hospital then they give him tablet(to clean up his stomeh

my exprnence try
klass date
orange juice
planty of water Mai zamzm recommended
fruit specially peach and watermelon

I hope your son and every one have thisissue is getting better inshal alla

i'm sorry to type in english my keybored doesnt support arabic

thanks to all particpation:nice:

:

[latof]

أنا عندي لك دواء ومجرب خذي الردة وهو النخاله ملعقتين وخلطي مع الروب وأعطيه كل يوم وشوفي النتيجه ان شاء الله وهو مفيد لفقر الدم ومغذي وان شاء يستفيد منها والله مجرب

[OREO]

الله يشفيه يارب

انا عكسك ولدي في اسهال :( لدرجة انه يليك من برع البامبرز ههههههه خيس الغرفة :)

الله يغربل ابليسك .. وين داش عرض هههههههههههههه

[المضعد]

عنده مشكله في الامعاء وعليك انك تعطيه سوائل وتبعده عن الاكلات الي تسبب امسك مثل الموز والبطاطا
والله المستعان .واخذه حق دكتور

[ريم المدينة]

Orange juice

[شموخ]

عليكم بالتين سواء كان مجفف او طازج او المغلف احسن مليون مرة من الادوية وباذن الله راح تشوفون النتيجة واسال مجرب-

[الوليد]

جرب التمر و التفاح وان ما نفع جرب تحاميل جليسيرين للاطفال بس لا تكثر (يعني 2 باليوم) وان ما نفع لازم يشوف دكتور

بالسلامة ان شالله

اخوك الصيدلي

[شمس الضحى]

بنت اختي عمرها سنتين ونصف ربي يحفظها عانت من نفس المشكلة لفترطويلة جربنا الملينات والعسل والتمر وغيرنا الحليب واستشرنا اكثر من طبيب والحمد لله تعافت بفضل من الله واكل العنب يوميا حبث يوضع في علبة وتاكل منه باستمرارحتى ا ثناء الذهاب للزيارت والمجمعات موجودفي الشنطة

[alma3ani]

انا اقول او شي استشير طبيب متخصص وخل يفحص عليه عدل

ويعطيه من الملينات واذاو لدك مايبي عشرج تقدر تعطيه شاي الضيافه الرشاقه

لان الشاي عباره عن اوراق السنا مكي وجذور السنامكي الي هو العشرج عندنا

وعلى الاقل طعمه يختلف وافضل من العشرج وان شاءالله يستفيد

[mooona]

مثل ماهو مبين في العنوان ابي شوركم احد جرب دكتور في الحاله واستفاد معا أني ماخليت طب الا سويته وصارله سنه يروح الإمساك ويرد له

اخي مهما يعطونك ادوية تاثر فترة ويرجع الامساك العلاج الافضل بالفواكة صباحا موز تفاح بالقشور بلا قشور يسبب امساك بذرة الكتان مع الحليب عصير البرتقال العنب ياكل فواكة الصبح والعصر والعيش ياكل رز الاسمر فيه الياف اكثر من الرز الابيض ولازم خضار مع الغداء مب مخلوطة مع شي فاصوليا زهرة جزر والشافي الله

[بوسعود180]

ملعقة زيت زيتون صغيره كل يوم وان شاء الله بيرتاح

[بصمة قطرية]

السلام عليكم
اخوي انا عانيت مع ولدي فترة طويلة من نفس المشكلة ..
رحت مستشفيات خاصة و مستشفى حمد ..
الدكتور الباطني قال لي يفضل عمل تلفزيون للأمعاء
عشان يتأكد ان الامعاء سليمة ..
طلع معاه اعوجاج بسيط في الامعاء ..
بالاضافة انه ما ياكل الياف الا نادراً ..
يعني كان العلاج اول شي انه لازم ياكل الياف ..
و يكثر من شرب الماي ..
بالإضافة للعلاج الدوائي عبارة عن دوا اسمه ( دوفلاك )
ملين ..
ما زلت لين اليوم استخدمه معاه ..
عموماً الدكتور قال لي الاعوجاج مب شرط يكون سبب رئيسي للامساك
السبب الرئيسي انه ما ياكل ألياف و هالشي اللي يسبب الأمساك ..

كم مرة دخل المستشفى ..
ووصل مرحلة ( الحقن الشرجية ) الله يعزكم ..
مجرد ما يخربط في الأكل و يكثر من الشبس و الكافي يتعب على طول ..
اهم شي السلطات و الماي والعصاير الطبيعية ..
وابتعد عن الفاست فود ..

ما عليه شر ان شاء الله ~

[الدمعه]

مايشوف شر .. اول شي سو له فحوصات تاكد ان الامعاء عنده طبيعيه ..

من تجاربي مع عيالي الله يحفظهم .. من عمر شهرين تقريبا .. ابتدي معاهم بالتمر

او العسل اوالعنب او الخوخ .. وكله مخفف بماي ..

بس انا نفع معاهم العنب الاحمر اللي حبته كبيره اعصره بدون بذر ولاقشر ,,

اهم شي ان اللي استخدمه مايكون ثقيل عالمعده .. مثل الحمضيات ..

وبنتي قبل سنه تقريبا صادها نفس الشي .. وسويت لها تلفزيون كان واقف في نص الامعاء ..

لا الاكل والشرب نفع معاها ولا الحقن نفعت معاها .. وتمت اسبوع على هالحاله بطنها ابدا

مايمشي .. حتى خفت قلت بنتي بلعت شي وانا مادري .. وفعلا كانت ماكله المعجون

(الصلصال)...عجبتها ريحته وكلته ..:eek5:

فبفضل الله سبحانه .. مسدته لها بزيت زيتون وشربتها اياه عالريق وقبل النوم . ..

يومين والحمدلله ارتاحت ..ورقدت يمكن يومين من التعب .. تقوم اشربها سوائل وترقد..


وطبعا ممنوع منعا باتا اي عصير صناعي او شبس او حلاوه او كافي او مشروبات

غازيه او اي اكل فيه الوان صناعيه ..

كتبت لي الدكتوره شراب ملين اشربها اياه في حال صادها هالامساك قبل النوم

والصبح عالريق ..

عموما

كل شي لازم قبل النوم وعلى الريق ثاني يوم..

ومااعرف دكتوره معينه اقدر اقول هذي هي الحل ..

[koketa]

انا ولدي 4 سنوات وعنده امساك مزمن

السبب : الاكل غير الصحي وخصوصا الفاست فوود وغيره

العلاج : شرب الحليب الدافيء بالستمرار - اكل الخضار والفواكهه وخاصه الكيوي والتين المجفف

الزبادي أو الروب يوميا ويفضل اضافه ملعقه رده او نخاله

الادويه : لاكتيلوز شراب ( تحت اي اسم تجاري ) 20 مل مره واحده يوميا

او مغلف فيبوجل (الياف طبيعيه) مره يوميا

[مضارب دوسري]

اخوي روح للدكتور مامون
انا ولدي نفس الشي وعمره شهرين
رحت له وماقصر
وهو دكتور ماشاء الله عليه

مكان عيادته وانت جاي من صوب اللاند تنزل لدوار جسر الشمال وتاخذ الدوار يمين
اول لفه يمين خلها عنك
ثاني لفه بتكون خدمات لف لها
بتلقى عيادته
وسعر الكشف على ولدك 200
والله يوفقك