يا صباح القشششششطة مطلوب استاذ سيراميك وبورسلان شاطر

[bo0si]

السلام عليكم أخواني واخواتي
بس بغيت رقم معلم شاطر في تركيب البورسلان للحمامات ويستخدم الصمغ والارضيات بعد على شرط شغله نظيف وامين وسريع ويستخدم الليزر في القص .....
:victory:بانتظاركم ولا تفشلوني من زمان ما كتبت في المنتدى

[bo0si]

واذا في امكانية اشوف الشغل

[bo0si]

شدعوه ولا احد رد 26 مشاهد ولا أحد رد

[bo0si]

صج فشلتوني شكلي اخر مره اسال صج وجهي احترق

[PGR]

الله يوفقج الشيخه بس اذا تعرفين واحد انا ابي :)

[المنسى]

بالعكس هاذا دليل ان الاعضاء صادقين لان العامل المطلوب الممتاز صار عمله نادره صعب انك تلقاه والى دخلو الموضوع مثلك يدورون ولاتبيهم يعطونك اى واحد ويخرب شغلك حبيت اوضح لك الموضوع وبالتوفيق

[كبير المتداولين]

انتي لو طلبتي معلم فنان كان عطيناج لاكن سالفه القص بالليزر هاي الي ماتحصلينه في الدوحه

لازم عن طريق شركات كبيره ماتحصلين عامل عادي يمتلك اله قص البلاط بالليزر

ممكن تروحين التيما في طريق سلوى اول شي لقص الرخام بس ماتوقع عندهم ليزر

[خالد32]

قص واتر جت غالي. المتر ٥٠ ريال

[OREO]

السلام عليكم أخواني واخواتي
بس بغيت رقم معلم شاطر في تركيب البورسلان للحمامات ويستخدم الصمغ والارضيات بعد على شرط شغله نظيف وامين وسريع ويستخدم الليزر في القص .....
:victory:بانتظاركم ولا تفشلوني من زمان ما كتبت في المنتدى

سؤال ،،

ممكن نعرف ايش فايدة قص الليزر و في اي موقع راح تستخدم ؟؟

----------

عن نفسي اذا بركب بورسلان او سيراميك ما راح احتاج قص ليزر ،، لان البورسلان المقصوص راح يركب في اطراف و زوايا الغرفه او الصاله و يركب فوقه النعلات و ما راح يبين ان مقصوص سواء بالليزر او غيره ،،، و بالاضافه الى النعلات اذا ركبت من الطبيعي راح اسكر عليه من الزاويه العلويه بالاسمنت من نفس اللون و ما راح يبين اذا مقصوص بالليزر او خلافه ،، فلذا اوفر فلوسي و ما احتاج قص ليزر ،،،

[محمد الجفيري]

بالتوفيق

[bo0si]

بالعكس هاذا دليل ان الاعضاء صادقين لان العامل المطلوب الممتاز صار عمله نادره صعب انك تلقاه والى دخلو الموضوع مثلك يدورون ولاتبيهم يعطونك اى واحد ويخرب شغلك حبيت اوضح لك الموضوع وبالتوفيق


أولا : اشكرك على الرد
ثانيا: انا ما شكتت في مصداقية الاعضاء بالعكس حتى لو رد بسيط كاني يفي بالغرض
ثالثا: انا معاك شغل التركيب جدا صعب خصوصا انك تتعب تشتري بورسلان وسيراميك غالي واخر شي احد يركب قطعة فوق وقطعة تحت كانهم اسنان ياهل
رابعا: اذا احد خرب الشغل اكيد بموت من القهر صمت صمت واخر شي بفطر ع بصل

[bo0si]

انتي لو طلبتي معلم فنان كان عطيناج لاكن سالفه القص بالليزر هاي الي ماتحصلينه في الدوحه

لازم عن طريق شركات كبيره ماتحصلين عامل عادي يمتلك اله قص البلاط بالليزر

ممكن تروحين التيما في طريق سلوى اول شي لقص الرخام بس ماتوقع عندهم ليزر


اشكرك على ردك اي والله ابي معلم فنان ومانبي قص ليزر بس شغل حلو ومرتب واهم شي امين صاروا مثل بيض الصعوووو :tease:

[bo0si]

شكرا كبير المتداولين على الرقم وpgr اذا لقيت واحد شغله تمام والله ما ابخل على المنتدى

[bo0si]

بس عندي سوال ليش دايما يقولون ان السيخ شغلهم تركيب الارضيات وكل مادورت يقولون لي دوري سردار مع اني ما افهم ليش بس حبيت اعرف السبب فهل من مجيب ؟؟؟؟؟؟

[كبير المتداولين]

بس عندي سوال ليش دايما يقولون ان السيخ شغلهم تركيب الارضيات وكل مادورت يقولون لي دوري سردار مع اني ما افهم ليش بس حبيت اعرف السبب فهل من مجيب ؟؟؟؟؟؟


الله يسلمج هذا واجبنا
اذا تبين سيخ موجودين بعد
بس انا جربت شغلهم بصراحه لك عليه مب على المدح الي يمدحونهم هو يمكن لانهم يتأنون في شغلهم لان الشغله يبي لها صبر ورواقه وبعض العمال وخاصه البنغال مايبي يتعب نفسه بس يشتغل وخلاص وماعندهم حس فني بعكس السيخ قبل مايبتدي بالشغل لازم يسوي حساباته يشغل مخه شلون تصير عمليه التركيب اما بعض الجنسيات الاخرى حط وركب والسلام عليكم

والله يوفقك

[bo0si]

وهذا الخوف يا القى ناس تعل القلب كانها تبوس البلاط وتمسحة مليون الف مره ويمكن لها طقوس غريبة في التركيب او عمال هيلق ومصربعين اي شيء يمشي عندهم ..... ياناس ابي اعرف بس الناس تبني وتشطب بسرعة واحنا نموت ونحيا ونتاخر وبعد اخر شي الشغل نص كم وبعدين يعني نجيب ناس من المريخ مثلاااااااااا ههههههههههههه معليش اشتطيت شوي وارجع اقول كل تاخيره فيها خيره صباح التفاؤل

[كبير المتداولين]

وهذا الخوف يا القى ناس تعل القلب كانها تبوس البلاط وتمسحة مليون الف مره ويمكن لها طقوس غريبة في التركيب او عمال هيلق ومصربعين اي شيء يمشي عندهم ..... ياناس ابي اعرف بس الناس تبني وتشطب بسرعة واحنا نموت ونحيا ونتاخر وبعد اخر شي الشغل نص كم وبعدين يعني نجيب ناس من المريخ مثلاااااااااا ههههههههههههه معليش اشتطيت شوي وارجع اقول كل تاخيره فيها خيره صباح التفاؤل

الله كريم هذا حال الدوحه
بس بصراحه التأخيره فيها خيره وخاصه في البناء

[bo0si]

ياااااااارب ياااااااارب توفقنا في بيوت الدنيا وبيوت الاخره
صباح التوفيق

[bo0si]

الجو عجيب بانتظاركم

[PGR]

اي والله جو كورنيش وواحد اورلكس ههههه

[bo0si]

تغيرت اجواء الدوحة الى اجواء باريسية