الفاضي الجاهل انتبهوا من هذي النوعية

[الحياة الخالدة]

بسم الله .. باسمه نبدأ .. و عليه نتوكل

اليوم بكلمكم وحابة أناقشكم بموضوع خطير جداً جداً .. و للأسف منتشر بصورة مش طبيعية .. و أكيد كل واحد أو وحدة يقرأ أو تقرأ الموضوع مر بهذي النوعية من الرجــــال اللي لا يستحون ولا يحشمون حرمة ولا أعراض الناس ..

بعض الرجــــال وخاصة اللي ليس له دور أو نفع بهالحياة .. بتعبير أوضح يكون بطالي أو لعوبي .. وقد يكون متزوج و لكن لتفاهته تجده يغمس نفسه في التفاهات .. و يهمل بيتـــــه والأمور الأهــــــم ...

مثال:

تجده يقعد في مجلس الشباب .. يسرد مغامراته و صولاته و جولاته .. و فلان طلع مع فلانة .. و فلان سافر مع علانة .. و انا عندي رقم هاذي .. و عندي صورة هاذي .. و هاذي سوت و هاذي فعلت .. و هاذي وقفت عند المكان الفلاني و شربت الكرك بطريقة مدري شلون صايرة .. هاذي شايلة شنطة قيمتها كذا و كذا بس رايحة مجمع الجبر و الا سوق فالح .. و هلم جراً

و ربعه و شلته اللي معاه ينقلون الأخبار .. و يضيفون عليها الكثير من البهارات و يكبرون السوالف لحد ما تتحور و تاخذ منحى خطير يمس شرف و عفة الكثيرات البريئات من كل هذه التهــــــم ..


حتى لدرجة قد تصل هذي الأخبار إلى أهالي هؤلاء الفتيات أو صديقاتهن و معارفهن و هم يا غافلين لكم الله ..

هذي النوعية من الرجــــال همها الوحيد فقط تقديم تقرير عن حياة غيرهم و فضحهم و تتبع أخبارهم و الخوض في أعراضهم ..

للأسف ما عندي قصص و أمثلــــــة لهذا الأمر الواقع فعلاً ..

(( أتمنى لكم الاستفادة .. و إعطاء الحلول الصحيحة .. وياليت لو حد مر بهذي النوعية يذكر لنا قصته .. حتى تكون عبرة للقارئيـــن و القارئات ))