نعم هناك فجوه كبيره بين الرواتب

[مخطط قطري]

لفت نظري موضوع هام جداَ لعضو اعتقد انه قطر 2012 اذا ماخباني الظن يستعرض فيها مقارنه بسيطه بين الفجوه في الراتب بينه وبين احد اصدقائه الاصغر سنا منه
ماعرف ليش انحذف او نقل مع انه مووضوع مهم جدا
وكنا نبي نتناقش فيه من خلال منبر حر ديمقراطي يسوده كثير من التقدير والاحترام وبعيدين كل البعد عن الحسد والحقد واذا اخوي في خير انا في خير ولكن تعالو نشوف الموضوع من زاويه ثانية....(في النهايه ماحد ياخذ غير رزقه)
احنا في البيت 7 اخوان متوزعين على اغلب قطاعات الدولة الحكومي وقطاع البترول والعسكري
وكلنا جامعين سواء جامعات امريكيه او جامعه قطر
انا في قطاع البترول مهندس من 10 سنوات وخذت ترقيتين استثنائتين من عمري الوظيفي وفي هاي بوزشن في عملي وتقدر تقدر راتبي كم
قبل الزياده 60% كان الاساسي عندي فقط يعادل راتب اخوي (نقيب في الحرس الاميري) كاملو الحرس الاميري من اعلى رواتب العسكرين في الدوله
وعندي اخو جامعي ومتزوج وتقريبا خدم 7سنوات في القطاع الحكومي (وزارة )راتبه كامل طبعا قبل الزياده تقريبا نص راتب اخوي الضابط او يزيد عنه بشي بسيط عن النص
الشاهد في الموضوع لمن حصلت الزياده اخوي الضابط تحسن وضعه وايد وراتبه صار اوكي
وانا كذلك لكن اخوي الي في القطاع الحكومي حس بحجم الفجوه الي صارت وولدت عنده رغبه قويه
في تغير عمله وعدم استقراره فيه
اضف الي ذلك انه شغله الحكومي في الوزاره هي جهه خدميه وعندهم ضغط ومراجعين وشغل كبير وحزات يطلعون الساعه 3 و4
واعتقد من حق اي شخص اذا شاف عنده الكفاءه والقدره انه ينتج في مكان ثاني بيعطيه تقدير اكبر
وراتب اعلى انه مايتردد انه يروح له وخصوصا اذا بيحس انه في تطوير كبير راح يحصله
وفي بعض من الكفاءات الحكومية حرام تدفن نفسها في الحكومه ورواتبها النازله حتى بعد الزياده
ممكن فرحتنا بالزياده وخصوصا احنا في القطاع النفطي نستنا هالشي المهم والحين بعد ماهدت الامور انا متاكد انه بتكون هجرات كبيره وواسعه من الحكومه لين القطاعين العسكري والنفطي في قطر وههالشي غير ملامين فيه المفروض الحكومه الموقره تراعي انه اصغر موظف قطري حكومي دوره في خدمه البلد لايقل عن اعلى رتبه عسكريه في قطر
الموضوع يمكن مش مهم بنسبة لفئه معينه من الموظفين بس مهم جدا لفئه اخرى عارفه نفسها:)

[سهم عتيج]

سد الفجوة بين الرواتب من أهم التحديات اللي راح تواجه القائمين على الموارد البشرية في مختلف الجهات في الفترة القادمة والاحتفاظ بالكفاءات الموجودة لديها..

والله أعلم..

[مخطط قطري]

سد الفجوة بين الرواتب من أهم التحديات اللي راح تواجه القائمين على الموارد البشرية في مختلف الجهات في الفترة القادمة والاحتفاظ بالكفاءات الموجودة لديها..

والله أعلم..

صدقت اخوي سهم وبترجع المشكله القديمه اللي حصلت قبل عده سنوات واللي على اثرها تم توحيد سلم الرواتب الحكوميه للقضاء على هجره الموظفين بس حل المشكله سهل جدا
لو تضاف من 20-40% على الاساسي للموظفين الحكومين بيخلق نوع من الاستقرار اكثر
صحيح مازلو بعيد بس بيقربهم اكثر من اخوانهم للي في القطاعات الاخرى
ماعرف ليش دايمن الموظف الحكومي اخر شي يفكرون فيه وعندهم قناعه انه مش منتج!!!!
يعني لو حصل وهالشي من ضرب الخيال بس تخيل معاي هالشي
بكره ينزل قرار اميري بزياده رواتب الموظفين الحكومين 100% على الاساسي فقط الحكومين
ظنك كم عسكري ولا كم مهندس في البترول بينقل للحكومه ؟؟؟؟؟؟؟؟؟؟؟؟؟

[فتى الجود]

السلام عليكم

كلامك صحيح

لكن على ماقالوا :

الطيور طارت با أرزاقها

ولا اظن بيكون تعديل على امر الزيادة

والله يوفق ويبارك لنا في مارزقنا

[مخطط قطري]

امين ان شاءالله واشكرك على مداخلتك اخوي فتى الجود بس المووضوع محتاج اعاده نظر بصراحه
من قبل الجهات العليا الي فوق الحكومة لين متى والجهات الحكوميه هي الاقل في الراتب
هل السبب انه عدد موظفين الحكومه عدد كبير جدا بحيث صعب يساونهم مع نظرائهم في القطاعات الاخرى
يعني مستحيل اي موظف في كيوبي او القطاع العسكري يفكر مجرد تفكير انه ينقل للعمل في القطاع الحكومي
مهما كانت المغريات من حيث الراحه وكم العمل
لانه اغلب الموظفين اهم شي عندهم هو الراتب
ليش مايكون القطاع الحكومي في قطر مثل نظيره الاماراتي من حيث الاحترام وقوه الراتب
تصدق انه في بعضهم صار يستحي يقول انا شغال في وزاره
مهندس حكومي مستانس على 35 ولا 40 الف ياخذها من وزارته ومقتنع بنصيبه وصارله فتره شغال في وظيفته
يجي اخوه توه خريج من سنتين او 3 اصغر منه وفي نفس تخصصه بس اشتغل في شركه راس غاز او قطر غاز راتبه يشقح ال 50 الف
في ظنك اخوه الكبير شبيسوي !
اكيد بيتمنى الخير لاخوه وبيقول الله يزيده بس لو حصله ينقل راح يخلي دوامه الحكومي من غير حسره ويروح المكان الي بيعطيه راتب اعلى
هذا الشي ماراح يبين اليوم ولا بعد اسبوع ولا شهر بس صدقني من فتره 3 لين 6 شهور بتشوف هجره الكفاءات من الحكومه وبشكل كبير

[R 7 A L]

مانقدر نلوم الحكومة والجهات العليا
فهي تود استقطاب اكبر عدد من المواطنين الى القطاع النفطي ولا ننسى حملات التقطير الكبرى سنة 2000
وكذلك المجال العسكري فكل دولة في العالم تهدف الى استقطاب اكبر عدد من المواطنين للعسكرية بجميع افرعها

ولا ننسى قطاع التعليم والصحه فرواتبهم الان مجزيه لاستقطاب اكبر عدد من المواطنين



لا نقول ان اخواننا مواظفين العاملين في وزارات الدولة لايعملون او ليس علية ضغوط عمل وتعب

بس خلنا نكون واقعيين أي قسم في اي وزارة نرى عدد كبير من الموظفين بنفسى المسمى والوظيفة لاتحتاج الى هذا الكم الهائل من الموظفين

قبل مدة دخلت احدى الادارات لاحدى الوزارات الواقعة في المنطقة الصناعية صدمني مارأيت صراحة
عدد كبير جداً من الموظفين في احد المكاتب حتى ان بعض الموظفين لايوجد لدية مكتب ومشارك الاخر في المكتب
( تكدس غير طبيعي للبحث عن الراحة التي كانت متواجدة في هذه الاماكن )

[السيف5]

والله كلامك أخوي صحيح في كل كلمة قلتها ,اعرف شباب يحاولون يغيرون عملهم
الحكومي الى العسكري خصوصا أنه في مجال تخصصهم وكل واحد فينا يدور حق
نفسه الافضل

[(بوطلال)]

على قولتك رواتب الاماراتيين افضل في القطاع الحكومي ممكن تعطينا امثله عن رواتب الاماراتيين في القطاع الحكومي ومقارنتها مع رواتب القطري ؟


واشرايك بخصوص تباين الرواتب لو الدوله خفظت راتب العسكري وموظف المؤسسه وتم معادلته مع راتب الموظف الحكومي ؟

[مخطط قطري]

مانقدر نلوم الحكومة والجهات العليا
فهي تود استقطاب اكبر عدد من المواطنين الى القطاع النفطي ولا ننسى حملات التقطير الكبرى سنة 2000
وكذلك المجال العسكري فكل دولة في العالم تهدف الى استقطاب اكبر عدد من المواطنين للعسكرية بجميع افرعها

ولا ننسى قطاع التعليم والصحه فرواتبهم الان مجزيه لاستقطاب اكبر عدد من المواطنين



لا نقول ان اخواننا مواظفين العاملين في وزارات الدولة لايعملون او ليس علية ضغوط عمل وتعب

بس خلنا نكون واقعيين أي قسم في اي وزارة نرى عدد كبير من الموظفين بنفسى المسمى والوظيفة لاتحتاج الى هذا الكم الهائل من الموظفين

قبل مدة دخلت احدى الادارات لاحدى الوزارات الواقعة في المنطقة الصناعية صدمني مارأيت صراحة
عدد كبير جداً من الموظفين في احد المكاتب حتى ان بعض الموظفين لايوجد لدية مكتب ومشارك الاخر في المكتب
( تكدس غير طبيعي للبحث عن الراحة التي كانت متواجدة في هذه الاماكن )

لا يالشيخ من قالك مانقدر نلومهم الا بالعكس
وبعدين انا بصير واقعي اكثر منك انا كذا مره مريت ادارات وايد من ادراات الدوله في مواضيع خاصه لي مشالله عليهم خليه نحل ومحد قاعد على مكتبه من كثر الشغل لاتاخذ الاستثنائات وتخليها قواعد
اقسم لك بالله العلي العظيم اني اعرف عسكري قطري وهالكلام من فتره طويله شال وياه عشرات المجلات اقوله ليش كل هذي في سيارتك يقولي اقرها في الشغل ملل وماعندنا نت
شرايك!!!!
اذا بقس الموضوع على اداره حكوميه ولا سريه عسكريه ولا عمال مصنع واحد وبعمم ترا هذا بهتان عظيم
انا مب مدافع عن الموظفين الحكومين بس الحق ينقال ترا في الزيادات الاخيره انظلمو وايد
صحيح نعيد ونزيد ونكرر الف حمد وشكر لك يارب
بس ياخي انا اخوي موظف حكومي عمي موظف حكومي اصدقائي موظفين حكومين حاس بالي حاسينه من فرق وفجوه الراتب
انا اعرف اكثر من مدير عندنا في كيو بي دوامه الساعه 9 ويطلع الساعه 1 اذا مب قبل
وحزات تمر اسابيع ماشوفه وترقياته ودوراته ياخذها وزياده
ارجع واقولك هذي استثناءات مانعممها
نفس مافي موظفين حكومين غير منتجين وسلبين كذلك في القطاعات الاخرى وهذا مش مبرر
احنا موضوعنا اكبر من هالشي
نبي حوافز اكثر للقطاع الحكومي لانهم يستاهلون ويشكلون اكثر من 70% من القوى العامله في الدولة
والقطاع الصحي والتعليمي ماقصرو فيهم والدور جاي للوزرات والهيئات الحكوميه ان شاءالله

[مخطط قطري]

والله كلامك أخوي صحيح في كل كلمة قلتها ,اعرف شباب يحاولون يغيرون عملهم
الحكومي الى العسكري خصوصا أنه في مجال تخصصهم وكل واحد فينا يدور حق
نفسه الافضل

انا اخوي وكذا واحد من عيال عمي واصدقائي يقلون لي بنقدم عندكم وجادين والله
يعني قبل ماكان هذا كلامهم بس الحين حسو بالفرق الكبير واشكر مداخلتك الطيبه يالغالي

[مخطط قطري]

على قولتك رواتب الاماراتيين افضل في القطاع الحكومي ممكن تعطينا امثله عن رواتب الاماراتيين في القطاع الحكومي ومقارنتها مع رواتب القطري ؟


واشرايك بخصوص تباين الرواتب لو الدوله خفظت راتب العسكري وموظف المؤسسه وتم معادلته مع راتب الموظف الحكومي ؟

على خشمي يالشيخ وماطلبت الا عزك
خذ عندك
مدير بلديه ابوظبي الراتب = 120 الف درهم
مدير بلديه الدوحه الراتب=؟؟؟؟ ريال مابي اكتبها انت اكتبها لانه احراج اني اكتب كم راتبه
_______________________________________________
مدير اداره في اي وزاره حكوميه وخذ عندك مثلا وزاره التجاره الامارتيه
لايقل راتبه عن 80 الف درهم
__________________________________
وعندهم عقدين من العمل واحد يسمونه اتحادي والثاني محلي(تبعا للاماره)
__________________________________
العسكرين راتب العميد مايقل عن 100 الف درهم
__________________________
زميل لي في ادنوك
نفس البوزشن الي انا ماسكه في كيوبي هو ماسكه في ادنوك
راتبي اعلى من راتبه ب11 الف تقريبا
انا ذكرت لك العسكرين وقطاع البترول مع انه في سؤالك ماطلبت هالشي
بس حبيت اوضح لك انه في انصاف للموظف الحكومي هناك ولاحظ انه تقريبا القطاعات رواتبها متساويه
وانا ماطلبت انهم ينزلون راتب العسكري بالعكس الله يزيدهم بس الموظف الحكومي مايقل عن العسكري في وظيفته ويستاهل هو بعد الخير
اتمنى صار واضح مقصدي من الفرق والفجوه الكبيره في رواتب العاملين في الدوله في كافه القطاعات
واذا تبي اكثر بزيدك باجر الصبح برواتب الحكومين الامارتين عساهم في زود
وعندك بعد المنتدى وايد من هل الامارات يدشون ممكن يفيدونك اذا حاب
مب عيب ولا غلط انك ماتعرف كم يستلمون عادي ترى؟

[(بوطلال)]

على خشمي يالشيخ وماطلبت الا عزك
خذ عندك
مدير بلديه ابوظبي الراتب = 120 الف درهم
مدير بلديه الدوحه الراتب=؟؟؟؟ ريال مابي اكتبها انت اكتبها لانه احراج اني اكتب كم راتبه
_______________________________________________
مدير اداره في اي وزاره حكوميه وخذ عندك مثلا وزاره التجاره الامارتيه
لايقل راتبه عن 80 الف درهم
__________________________________
وعندهم عقدين من العمل واحد يسمونه اتحادي والثاني محلي(تبعا للاماره)
__________________________________
العسكرين راتب العميد مايقل عن 100 الف درهم
__________________________
زميل لي في ادنوك
نفس البوزشن الي انا ماسكه في كيوبي هو ماسكه في ادنوك
راتبي اعلى من راتبه ب11 الف تقريبا
انا ذكرت لك العسكرين وقطاع البترول مع انه في سؤالك ماطلبت هالشي
بس حبيت اوضح لك انه في انصاف للموظف الحكومي هناك ولاحظ انه تقريبا القطاعات رواتبها متساويه
وانا ماطلبت انهم ينزلون راتب العسكري بالعكس الله يزيدهم بس الموظف الحكومي مايقل عن العسكري في وظيفته ويستاهل هو بعد الخير
اتمنى صار واضح مقصدي من الفرق والفجوه الكبيره في رواتب العاملين في الدوله في كافه القطاعات
واذا تبي اكثر بزيدك باجر الصبح برواتب الحكومين الامارتين عساهم في زود
وعندك بعد المنتدى وايد من هل الامارات يدشون ممكن يفيدونك اذا حاب
مب عيب ولا غلط انك ماتعرف كم يستلمون عادي ترى؟


ماجاوبنت على سؤالي عطني مقارنه بالارقام .

حطيت راتب مدير بلدية ابوظبي (مادري من وين جبت الرقم) بدون ماتحط راتب مدير بلدية الدوحه محمد السيد !!

حط راتبه ولاتنحرج :)


هذي رواتب موظفي بلدية ابوظبي

رواتب البلدية ( أبوظبي والعين ) كالتالي :




درجة أولى 61,000 ألف
درجة ثانية 49,000 ألف
درجة ثالثة 41,000 ألف
درجة رابعة 31,250 ألف
درجة خامسة 23,000 ألف
درجة سادسة 21,000 ألف



من وين جبت 120 الف !!!

[(بوطلال)]

رواتب راس الخيمه


رواتب رأس الخيمه - دائرة حكوميةمحلية:
نائب مدير عام دائرة حكومية - 19000 درهم - درجه خاصه - مؤهل جامعي
مدير إدارة - -درجه الثانية - مؤهل جامعي
رئيس قسم - بحدود 9000 درهم - درجه رابعه - مؤهل جامعي
موظف عادي - حسب الشهادة :
1. بكالريوس - الدرجه الخامسه - بحدود 7000 درهم
2. دبلوم - الدرجه السادسه - بحدود 6500 درهم
3. انجاز - الدرجه السابعه - بحدود بحدود 6000 درهم أو أقل.
4. ثانوية عامه - الدرجه الثامنه - بحدود 4000 أو 5000 و شوي.

شكراً

[R 7 A L]

لا يالشيخ من قالك مانقدر نلومهم الا بالعكس
وبعدين انا بصير واقعي اكثر منك انا كذا مره مريت ادارات وايد من ادراات الدوله في مواضيع خاصه لي مشالله عليهم خليه نحل ومحد قاعد على مكتبه من كثر الشغل لاتاخذ الاستثنائات وتخليها قواعد
اقسم لك بالله العلي العظيم اني اعرف عسكري قطري وهالكلام من فتره طويله شال وياه عشرات المجلات اقوله ليش كل هذي في سيارتك يقولي اقرها في الشغل ملل وماعندنا نت
شرايك!!!!
اذا بقس الموضوع على اداره حكوميه ولا سريه عسكريه ولا عمال مصنع واحد وبعمم ترا هذا بهتان عظيم
انا مب مدافع عن الموظفين الحكومين بس الحق ينقال ترا في الزيادات الاخيره انظلمو وايد
صحيح نعيد ونزيد ونكرر الف حمد وشكر لك يارب
بس ياخي انا اخوي موظف حكومي عمي موظف حكومي اصدقائي موظفين حكومين حاس بالي حاسينه من فرق وفجوه الراتب
انا اعرف اكثر من مدير عندنا في كيو بي دوامه الساعه 9 ويطلع الساعه 1 اذا مب قبل
وحزات تمر اسابيع ماشوفه وترقياته ودوراته ياخذها وزياده
ارجع واقولك هذي استثناءات مانعممها
نفس مافي موظفين حكومين غير منتجين وسلبين كذلك في القطاعات الاخرى وهذا مش مبرر
احنا موضوعنا اكبر من هالشي
نبي حوافز اكثر للقطاع الحكومي لانهم يستاهلون ويشكلون اكثر من 70% من القوى العامله في الدولة
والقطاع الصحي والتعليمي ماقصرو فيهم والدور جاي للوزرات والهيئات الحكوميه ان شاءالله



اخوي انا مثلك في قطاع البترول
خلنا واقعيين شنو الى رافع رواتبنا
( العلاوات )

معقولة موظف حكومة دوامة قريب من بيته ولافية خطر تساوية بالفنيين والمهندسين الى في البترول والغاز !

بعدين في ظل التطور التكنلوجي فية أقسام في الوزارات الحكومية بستثناء الداخلية المفروض
تكنسلها من جذورها
الى هي المندوبين او المراسلين اشوف ماعاد لهذه الوظيفة أي لازم في ظل التطور التكنلوجي وفي ظل عدم سرية مايقومون بنقلة
روح شوف كل وزارة وخصوصاً أدارات العلاقات العامة ياكثر الموظفين الى كثرتهم مالها اي داعي

[مواقف النجادة]

اولا الله يرزق الجميع انشاء و في النهاية نسأل الله العفو والعافية وحسن الخاتمة لجميع المسلمين..

لكن ودي اقول شيء بخصوص رواتب قطاع البترول..

الرواتب في قطاع البترول عالية مقارنة ببقية القطاعات في كل مكان ودول الخليج من ضمنها.

ساعات العمل في قطاع البترول اطول من اغلب الاماكن الاخرى و فوق هذا الاحظ ان الكثيرين يتمون في دوامهم لما بعد ساعات العمل (5 او 6 المغرب) لان طبيعة العمل تقتضي ذلك.

اغلب الذين يشتغلون في البترول (وليس كلهم) يداومون في مسيعيد و دخان وراس لفان .. يعني حط على الاقل من ساعتين الى ثلاث يوميا للطريق فوق ساعات الدوام.

من الصعب انك تجد فترات لقراءه الجرايد وشرب الشاي في قطاع البترول .. يعني الدوام فيه حك

اغلب العاملين في المصانع يتعرضون الاستنشاق المواد البترولية السامة من كبريت ورصاص و بترول الخ هذا غير خطر الانفجاراتو الحرائق وحوادث العمل التي تكثر في المصانع بسبب طبيعة العمليات الدائرة.

اعرف كثير من العاملين في البترول تكاد لا توجد عنهم حياة اجتماعية بسبب طبيعة عملهم وطول الدوامات.

فالرجاء من الاخوان مع مقارنة الرواتب ان يقارنوا طبيعة العمل ايضا .. و الله يبارك في الجميع.

[سان سيمون]

انا اخوي وكذا واحد من عيال عمي واصدقائي يقلون لي بنقدم عندكم وجادين والله
يعني قبل ماكان هذا كلامهم بس الحين حسو بالفرق الكبير واشكر مداخلتك الطيبه يالغالي
الله يعطيك العافية على هذا الموضوع انت اتقول الفجوة في بيت الواحد بعد الزيادة فما بالك الي اصلا ما جاته الزيادة شنو وضعة تخيل نحن موظفي المؤسسات الثمانية الي مختصه برعاية الفئات المستضعفة في المجتمع شنو وضعنا فرحونا من فترة لكن احبطونا انه انرفضت زيادة كيف قرار اميري يتم رفضه هذا الي انا مستغربه منه لكن انا اقول من هنا راح أيكون فيه تصحر في هذه المؤسسات اذا ما عدلت اوضاعهم راح تفقد كفاءة القطري لانه والله ما فيه حد قلبه على الشغل و الفئات المستهدفة لهذه المؤسسات الا القطري لكن ما نقول الا الله يعينا على مبتلانا

[Qt.1]

اولا الله يرزق الجميع انشاء و في النهاية نسأل الله العفو والعافية وحسن الخاتمة لجميع المسلمين..

لكن ودي اقول شيء بخصوص رواتب قطاع البترول..

الرواتب في قطاع البترول عالية مقارنة ببقية القطاعات في كل مكان ودول الخليج من ضمنها.

ساعات العمل في قطاع البترول اطول من اغلب الاماكن الاخرى و فوق هذا الاحظ ان الكثيرين يتمون في دوامهم لما بعد ساعات العمل (5 او 6 المغرب) لان طبيعة العمل تقتضي ذلك.

اغلب الذين يشتغلون في البترول (وليس كلهم) يداومون في مسيعيد و دخان وراس لفان .. يعني حط على الاقل من ساعتين الى ثلاث يوميا للطريق فوق ساعات الدوام.

من الصعب انك تجد فترات لقراءه الجرايد وشرب الشاي في قطاع البترول .. يعني الدوام فيه حك

اغلب العاملين في المصانع يتعرضون الاستنشاق المواد البترولية السامة من كبريت ورصاص و بترول الخ هذا غير خطر الانفجاراتو الحرائق وحوادث العمل التي تكثر في المصانع بسبب طبيعة العمليات الدائرة.

اعرف كثير من العاملين في البترول تكاد لا توجد عنهم حياة اجتماعية بسبب طبيعة عملهم وطول الدوامات.

فالرجاء من الاخوان مع مقارنة الرواتب ان يقارنوا طبيعة العمل ايضا .. و الله يبارك في الجميع.

تسلم على الكلام المنطقي وانا كبرته علشان الناس تنتبه حق هالشي ومب كل اشوي انتو رواتبكم وايد وانتو رواتبكم اكثر منا , على الااقل ايعرفون ليش !!

[catqat]

ومازلتوا يا عالم اتطالعون رواتب غيركم؟؟؟؟

ما قلتوا شي جديد من زمان القطاعات الخاصة والبترول رواتبها أرفع،،لازم علشان يحافظون على كفائاتهم القطرية

[ذويبان]

اشكرك اخوي علي طرح هذل الموضوع ؟
النقاش دائماً لايفسد للود قضيه وانا اعتقد ان جميع الموظفين القطريين كلهم اخوتي الكبار تقديراً مني لهم رغم اني اكبر من البعض منهم سنناً.
نرجع الي صلب الموضوع انا لست عسكرياً ولا في القطاع الخاص وجميع ماحصلو عليه من رواتب يستحقونها وعسى فيه مليون عافيه ولكن هناك قواعد اساسيه في تفصيل الراتب مثل العلاوه الاجتماعيه وبدل السكن من المفترض ان تكون موحده لجميع موظفين الدوله الحكومي والخاص. مثالاً علي ذلك في الفرق الموجود حالياً.
علاوه اجتماعيه لدرجه وكيل وزاره 6400 ريال
من رائد فأعلى 17600 ريال
ولك قياس الفرق .
ولازلت احمد الله عزاوجل علي مانحن فيه من نعمه لاحصر لها بفضل من الله ثم بجهود حكومتنا الرشيد التي لاتدخر وسعاً في راحه المواطن.
اشكركم جميعاً على ماتقومون به من جهد في مناقشه الامور التي تهم المجتمع ولنا معكم عوده ان شاء الله

[أم حمد]

وانتوا هذا حالكم

ماتعرفون تقولون الحمدالله

لازم تشوفون غيركم وليه فلان وليه علان !!

انا ضد مناقشة الرواتب وزياتدها او تغيرها

الخير واجد والحين الكل من تجي اجازه سافر حتى لو يومين !!

لين متى بتقعدون تتذمرون !

اللهم طولك يا روح

انا مع حذف مواضيع الرواتب وزيادتها ومقارنتها وبشده

يكفي استهتار كدوو وركززو في خدمة الوطن ورفعته !

ورانا رؤية وورانا كاس العالم ورانا اجيال نبني لهم وانتوا لين الحين تتناقشون فالرواتب !

[المرسى الأخير]

اولا الله يرزق الجميع انشاء و في النهاية نسأل الله العفو والعافية وحسن الخاتمة لجميع المسلمين..

لكن ودي اقول شيء بخصوص رواتب قطاع البترول..

الرواتب في قطاع البترول عالية مقارنة ببقية القطاعات في كل مكان ودول الخليج من ضمنها.

ساعات العمل في قطاع البترول اطول من اغلب الاماكن الاخرى و فوق هذا الاحظ ان الكثيرين يتمون في دوامهم لما بعد ساعات العمل (5 او 6 المغرب) لان طبيعة العمل تقتضي ذلك.

اغلب الذين يشتغلون في البترول (وليس كلهم) يداومون في مسيعيد و دخان وراس لفان .. يعني حط على الاقل من ساعتين الى ثلاث يوميا للطريق فوق ساعات الدوام.

من الصعب انك تجد فترات لقراءه الجرايد وشرب الشاي في قطاع البترول .. يعني الدوام فيه حك

اغلب العاملين في المصانع يتعرضون الاستنشاق المواد البترولية السامة من كبريت ورصاص و بترول الخ هذا غير خطر الانفجاراتو الحرائق وحوادث العمل التي تكثر في المصانع بسبب طبيعة العمليات الدائرة.

اعرف كثير من العاملين في البترول تكاد لا توجد عنهم حياة اجتماعية بسبب طبيعة عملهم وطول الدوامات.

فالرجاء من الاخوان مع مقارنة الرواتب ان يقارنوا طبيعة العمل ايضا .. و الله يبارك في الجميع.


أوافقك اخوي :nice:


تفرغ موظفي قطاع البترول لحياتهم و مسؤولياتهم الاجتماعية و الأسرية قليل مقارنة بموظفي القطاع الحكومي

ساعات العمل و كمية العمل أكثر من القطاع الحكومي

[دااانة قطر]

وانتوا هذا حالكم
ماتعرفون تقولون الحمدالله
لام تشوفون غيركم وليه فلان وليه علان !!
انا ضد مناقشة الرواتب وزياتدها او تغيرها
الخير واجد والحين الكل من تجي اجازه سافر حتى لو يومين !!
لين متى بتقعدون تتذمرون !
اللهم طولك يا روح
انا مع حذف مواضيع الرواتب وزيادتها ومقارنتها وبشده
يكفي استهتار كدوو وركززو في خدمة الوطن ورفعته !
ورانا رؤية وورانا كاس العالم ورانا اجيال نبني لهم وانتوا لين الحين تتناقشون فالرواتب !


الحمدلله على كل حاال
الموضوع وضع للنقااش وماشوف في دااعي للحذف
والموضوع في مكاانه الصحيح
بعد الزياادة صاار في تفااوت كبير أكبر من قبل

[الـقـاسـي]

انا استغربت بالفعل من حذف الموضوع مع اني كنت كاتب رد طويل جدا بس للاسف لما سويت له اظافه انحذف الموضوع ..

عموما بالفعل زادت الفجوة بشكل كبير جدا ..

انا بعطيك مثال انا كنت اعمل في جهه حكومية وفي نفس يوم الزيادات كنت مخلص استقالتي وناقل لجهه خاصه وكانت هالجهة مب من الجهات المشمولة بالزياده ووقتها صارت الفرق بين الراتب في الحكومة بعد الزياده وراتب الجهه الجديده مب ذاك الفرق الكبير يمكن 5 الاف بس

لكن بعد ماجاتنا الزياده صار الاساسي عندي حاليا يعادل راتبي في الجهه الحكومية مع العلاوات والعمل الاظافي بالكامل والحمد لله ..

لكن اللي يبي شي يخلي شي ساعات الدوام اطول بكثير يعني حياتك الاجتماعيه تتغير مب نفس قبل
عن نفسي صار عادي اداوم فالعيد مع انه فالحكومة لو يقول لي وزيرنا داوم فالعيد بقول له اسمح لي ..
امور كثيره تسويها في القطاع الخاص راح ترفضها فالقطاع الحكومي مب بالقوه يعني لكن لانه طبيعه العمل مختلفه تماما

صحيح انه في جهات حكومية معروفه انه مافيها شغل لكن ترى التحفيز فيها قليل رواتبها قليله وجو العمل فيها مايساعد على الابداع والتطوير ..

عن نفسي الضغط في الشغل ماختلف عندي يوم كنت في جهة حكومية والحين نفس الكرف نفس ساعات الدوام تقريبا لكن اللي اختلف عندي البيئة والراتب والامتيازات الاخرى مثل التامين الصحي والمدارس والتذاكر والدورات ..

فالنهايه اللي يبي يتم فالحكومة يتم واللي يبي ينقل للقطاع الخاص عنده المجالات عديده

قطر للبترول , راس غاز , ديار , قطر فاونديشن مع العلم انه تحت مظله قطر فاونديشن يمكن 37 سنتر اذا مب اكثر وكل سنتر كبر احد الجهات الحكومية , دولفين , شل , والكثير من القطاعات الخاصه الموجوده ,,

[أم حمد]

الحمدلله على كل حاال
الموضوع وضع للنقااش وماشوف في دااعي للحذف
والموضوع في مكاانه الصحيح
بعد الزياادة صاار في تفااوت كبير أكبر من قبل


طيب والحل انزل رواتب الموظفين اللي يشتغلون ويكدون 8 او 9 ساعات واللي فالشمس والبحر والجيش واللي شفتات

واساويهم باللي قاعدين في مكتب ويقرا جريده ؟!

خلوا عنكم ثقافة الكسل والحسد

وركزوا فالعمل

[مرتبش]

موضوع رائع ونقاش جميل

اتمنى انهم مايسكرونها على اللي يبي ينقل للمكان الافضل له.. مثل ماحصل من قبل

[بوحارب]

الحمدلله على كل حال

[مخطط قطري]

وانتوا هذا حالكم

ماتعرفون تقولون الحمدالله

لازم تشوفون غيركم وليه فلان وليه علان !!

انا ضد مناقشة الرواتب وزياتدها او تغيرها

الخير واجد والحين الكل من تجي اجازه سافر حتى لو يومين !!

لين متى بتقعدون تتذمرون !

اللهم طولك يا روح

انا مع حذف مواضيع الرواتب وزيادتها ومقارنتها وبشده

يكفي استهتار كدوو وركززو في خدمة الوطن ورفعته !

ورانا رؤية وورانا كاس العالم ورانا اجيال نبني لهم وانتوا لين الحين تتناقشون فالرواتب !

ماحيرني ولا يشغل بالي دايمن الا بعض الاعضاء الي مايقرا الموضوع بتمعن وتركيز
اول شي يا ام حمد احنا حامدين ربنا وشاكرينه الف مره
الشي الثاني ليش زعلانه ومتضايقه من المووضوع وطالبين بحذفه!!!!!!
والتركيز في خدمه الوطن ورفعته لو ماناخذ ريال واحد هذا واجب وفرض علينا حبه و خدمته وحمايته بس احنا نقول مع الاستقرار الوظيفي للموظف الحكومي
وشكلج فاهمه اني موظف حكومي واطالع رواتب العسكرين والشركات الخاصه
وان كنت كذلك وين العيب والخلل اذا اشوف نفسي ماقل عنهم خبره وكفاءه ومهارات اداريه وفنيه وعندي القدره اني انجز وابدع واحقق طموحي واهدافي في خدمه بلدي ورفعته
اني انقل الي هذي القطاعات الي تعطي رواتب 3 او 4 اضعاف راتبي
ماهو في الاخير انا اخدم قطر وين ماكنت
ولعلمج الخاص وخل جميع الاعضاء يشفون ردي هذا
عشان تسوعبين انا من اي موقع اتكلم وتفهيمن مقصدي من طرح هذا الموضوع
الراتب الاساسي حق 3 مهندسين قطريين(حكومين) خبرتهم 10 سنوات ( على الدرجه الرابعه)يعني نفس المده الي انا قضيتها في كيو بي هو نفس راتبي الاساسي تقريبا
والي يقول كيوبي تعب وخط كلامكم صحيح وبالعكس القطاع النفطي يستاهل انا كلامي مش مساله مانستاهل بس خلونا واقعين شوي(مب كل القطاعات*) في قطاعات فيها كرف وشغل وعساهم على القوه وفي قطاعات الدوام نوعا ما خفيف وممتع
انا تركيزي وموضوعي على اخوانا في القطاع الحكومي المفروض لهم زيادات اكثر
ونقلل الفجوه شوي
اتمنى الموضوع صار واضح للجميع وخصوصا لج يام حمد
ابي اعرف وين الحسد ولا وين التذمر في الموضوع ّ!!!!

[مخطط قطري]

ماجاوبنت على سؤالي عطني مقارنه بالارقام .

حطيت راتب مدير بلدية ابوظبي (مادري من وين جبت الرقم) بدون ماتحط راتب مدير بلدية الدوحه محمد السيد !!

حط راتبه ولاتنحرج :)


هذي رواتب موظفي بلدية ابوظبي

رواتب البلدية ( أبوظبي والعين ) كالتالي :




درجة أولى 61,000 ألف
درجة ثانية 49,000 ألف
درجة ثالثة 41,000 ألف
درجة رابعة 31,250 ألف
درجة خامسة 23,000 ألف
درجة سادسة 21,000 ألف



من وين جبت 120 الف !!!

اخوي بوطلال راجع نفسك شوي وتاكد من صحه الاخبار الي تجيبها
لاتدخلي مواقع اماراتيه من 2007 و2008 وتنسخلي رواتب درجاتهم
ومع ذلك برد عليك
انت كاتب درجه اولى الراتب 61 الف في الامارات و في قطر راتب الدرجه الاولى 27200\ يعني هذا يرد على كلامك بنفسك مايحتاي افصل خلاص
وقيس على الباقي ماعندي وقت اسوي لك مقارنه هذي شي انت خطيته بيدك ونسخته
واعتقد تفهم في لغه الارقام
هذا اول شي
ثاني شي تاكد واعلم علم اليقين اني ماكتب رقم عبث
الراتب متاكد منه 100% راتب مدير بلديه ابوظبي نفس ماانا اكلامك الحين وارد عليك
وراتب محمد السيد مدير بلديه الدوحه مع كامل علاواته وسكنه ماراح يوصل نص راتب مدير بلديه ابوظبي:)

[مخطط قطري]

اولا الله يرزق الجميع انشاء و في النهاية نسأل الله العفو والعافية وحسن الخاتمة لجميع المسلمين..

لكن ودي اقول شيء بخصوص رواتب قطاع البترول..

الرواتب في قطاع البترول عالية مقارنة ببقية القطاعات في كل مكان ودول الخليج من ضمنها.

ساعات العمل في قطاع البترول اطول من اغلب الاماكن الاخرى و فوق هذا الاحظ ان الكثيرين يتمون في دوامهم لما بعد ساعات العمل (5 او 6 المغرب) لان طبيعة العمل تقتضي ذلك.

اغلب الذين يشتغلون في البترول (وليس كلهم) يداومون في مسيعيد و دخان وراس لفان .. يعني حط على الاقل من ساعتين الى ثلاث يوميا للطريق فوق ساعات الدوام.

من الصعب انك تجد فترات لقراءه الجرايد وشرب الشاي في قطاع البترول .. يعني الدوام فيه حك

اغلب العاملين في المصانع يتعرضون الاستنشاق المواد البترولية السامة من كبريت ورصاص و بترول الخ هذا غير خطر الانفجاراتو الحرائق وحوادث العمل التي تكثر في المصانع بسبب طبيعة العمليات الدائرة.

اعرف كثير من العاملين في البترول تكاد لا توجد عنهم حياة اجتماعية بسبب طبيعة عملهم وطول الدوامات.

فالرجاء من الاخوان مع مقارنة الرواتب ان يقارنوا طبيعة العمل ايضا .. و الله يبارك في الجميع.

قطاع البترول مثل ماقلنا احد الخبراء الاجانب حكومه داخل حكومه وصدق بهالشي
نفس ماتفضلت بخصوص طبيعه العمل وحجم المشاريع الضخمه وناس شغاله في اماكن خطره
وناس على مكاتب وناس شغلها دون المستوى المطلوب
في ظنك الشخصي مافي مواقع حكوميه خطره:)
والله انا في راي الشخصي ومن وجهه نظري البحته اشوف الموظفين الحكومين محتاجين دعم اكبر وخصوصا الي طبيعه عمله كرف وشغل ومنتج وبدل الاشراف المفروض للموظف الحكومي مايقل عن 5000 ريال خصوصا اذا مستلم مشاريع كبيره وهامه
يعني واحد مستلم الاشراف على مشروع قيمته 50 الف وتعطيه 3000 ريال بدل اشراف
وموظف ثاني مستلم الاشراف على مشروع ضخم قيمته تعدى 5 مليار تعطيه بدل اشراف بعد 3000!!!!!!!!
مدير مسؤل على 50 موظف تعطيه 3000 بدل اشراف
ومدير مسؤل على 4 موظفين تعطيه نفس بدل الاشراف!!!!!

[مخطط قطري]

الله يعطيك العافية على هذا الموضوع انت اتقول الفجوة في بيت الواحد بعد الزيادة فما بالك الي اصلا ما جاته الزيادة شنو وضعة تخيل نحن موظفي المؤسسات الثمانية الي مختصه برعاية الفئات المستضعفة في المجتمع شنو وضعنا فرحونا من فترة لكن احبطونا انه انرفضت زيادة كيف قرار اميري يتم رفضه هذا الي انا مستغربه منه لكن انا اقول من هنا راح أيكون فيه تصحر في هذه المؤسسات اذا ما عدلت اوضاعهم راح تفقد كفاءة القطري لانه والله ما فيه حد قلبه على الشغل و الفئات المستهدفة لهذه المؤسسات الا القطري لكن ما نقول الا الله يعينا على مبتلانا

وهذا شي غريب جدا بعد قرار اميري بزياده جميع القطريين ويتم رفضه
الله يعينكم ياخوي وقلوبنا وياكم بالعكس انتو اهم شريحه لازم تنزاد
يعني اذا انت طلعت من شغلك مبررك قوي جداً ومن حقك

[مخطط قطري]

اشكرك اخوي علي طرح هذل الموضوع ؟
النقاش دائماً لايفسد للود قضيه وانا اعتقد ان جميع الموظفين القطريين كلهم اخوتي الكبار تقديراً مني لهم رغم اني اكبر من البعض منهم سنناً.
نرجع الي صلب الموضوع انا لست عسكرياً ولا في القطاع الخاص وجميع ماحصلو عليه من رواتب يستحقونها وعسى فيه مليون عافيه ولكن هناك قواعد اساسيه في تفصيل الراتب مثل العلاوه الاجتماعيه وبدل السكن من المفترض ان تكون موحده لجميع موظفين الدوله الحكومي والخاص. مثالاً علي ذلك في الفرق الموجود حالياً.
علاوه اجتماعيه لدرجه وكيل وزاره 6400 ريال
من رائد فأعلى 17600 ريال
ولك قياس الفرق .
ولازلت احمد الله عزاوجل علي مانحن فيه من نعمه لاحصر لها بفضل من الله ثم بجهود حكومتنا الرشيد التي لاتدخر وسعاً في راحه المواطن.
اشكركم جميعاً على ماتقومون به من جهد في مناقشه الامور التي تهم المجتمع ولنا معكم عوده ان شاء الله
بيض الله وجهك يالشيخ وكلامك اصاب كبد الحقيقه
اي والله شلون وكيل وزاره علاوته الاجتماعيه 6400
والرائد اكثر من 17 الف
انا ماقول عط الوكيل 17 الف بعد واذا عطيته مب خساره
بس على الاقل عطوه 10000 خل الفجوه تكون شي بسيط مايخليه يفكر في تغير عمله
وهجره كفاءات قطريه وتركيزها في قطاع 1 ممايسبب خلل كبير في مسيره التنميه وعراقيل تهدد التطور والنهضه

[مخطط قطري]

أوافقك اخوي :nice:


تفرغ موظفي قطاع البترول لحياتهم و مسؤولياتهم الاجتماعية و الأسرية قليل مقارنة بموظفي القطاع الحكومي

ساعات العمل و كمية العمل أكثر من القطاع الحكومي

لا يالغالي والله اختلف معاك كليا انا في هالنقطه بالذات نظم وقتك وبتحصل عندك وقت فراغ طويل بعد
مالها خص حكومي ولا بترولي ولا غازي اهم شي ترتب وضعك
انا من سنوات طويله في الشركه ومرتب وضعي ومن العصر لين نص الليل لاسرتي وعلاقاتي الاجتماعيه والويك اند اروح وين مابي
الصبح كلن في دوامه لين الظهر وانت وياهم

[مخطط قطري]

الحمدلله على كل حاال
الموضوع وضع للنقااش وماشوف في دااعي للحذف
والموضوع في مكاانه الصحيح
بعد الزياادة صاار في تفااوت كبير أكبر من قبل

اشكر مشاركتج الايجابيه والبناءه في اثراء الموضوع وكلامج صحيح

[مخطط قطري]

انا استغربت بالفعل من حذف الموضوع مع اني كنت كاتب رد طويل جدا بس للاسف لما سويت له اظافه انحذف الموضوع ..

عموما بالفعل زادت الفجوة بشكل كبير جدا ..

انا بعطيك مثال انا كنت اعمل في جهه حكومية وفي نفس يوم الزيادات كنت مخلص استقالتي وناقل لجهه خاصه وكانت هالجهة مب من الجهات المشمولة بالزياده ووقتها صارت الفرق بين الراتب في الحكومة بعد الزياده وراتب الجهه الجديده مب ذاك الفرق الكبير يمكن 5 الاف بس

لكن بعد ماجاتنا الزياده صار الاساسي عندي حاليا يعادل راتبي في الجهه الحكومية مع العلاوات والعمل الاظافي بالكامل والحمد لله ..

لكن اللي يبي شي يخلي شي ساعات الدوام اطول بكثير يعني حياتك الاجتماعيه تتغير مب نفس قبل
عن نفسي صار عادي اداوم فالعيد مع انه فالحكومة لو يقول لي وزيرنا داوم فالعيد بقول له اسمح لي ..
امور كثيره تسويها في القطاع الخاص راح ترفضها فالقطاع الحكومي مب بالقوه يعني لكن لانه طبيعه العمل مختلفه تماما

صحيح انه في جهات حكومية معروفه انه مافيها شغل لكن ترى التحفيز فيها قليل رواتبها قليله وجو العمل فيها مايساعد على الابداع والتطوير ..

عن نفسي الضغط في الشغل ماختلف عندي يوم كنت في جهة حكومية والحين نفس الكرف نفس ساعات الدوام تقريبا لكن اللي اختلف عندي البيئة والراتب والامتيازات الاخرى مثل التامين الصحي والمدارس والتذاكر والدورات ..

فالنهايه اللي يبي يتم فالحكومة يتم واللي يبي ينقل للقطاع الخاص عنده المجالات عديده

قطر للبترول , راس غاز , ديار , قطر فاونديشن مع العلم انه تحت مظله قطر فاونديشن يمكن 37 سنتر اذا مب اكثر وكل سنتر كبر احد الجهات الحكومية , دولفين , شل , والكثير من القطاعات الخاصه الموجوده ,,

اشكرك اخوي القاسي على مشاركتك وعلى نصيحتك الطيبه:)

[قطري2012]

وهذا رئيي في كتابه موضوعي اللي حذفوه
بس الاخوان فهموني غلط

[وحيد-الشوق]

الفجوة كبيرة جدا جدا جدا وانا اشوف في ناس انظلموا واجد

العسكري الضابط راتبه فوق ال40 الف والجامعي في الحكومة راتبه 20 الف ويمكن اقل بعد لحد يقولي الضابط يشتغل ويكرف صدقني الي يقول هالكلام لاتصدقونه ابدا

والي مظلومين صج العساكر الافراد واحد من الربع نائب في الشرطة معاش اخوي الصغير في الجمارك ثانوية عامة موظف جديد فرش راتبه اعلى منه ب2000 ريال !!!!!!

اتمنى المساواة تشمل جميع الموظفين

والحمدلله على كل حال

[عابر سبيل]

ما افهمه...ان صح رأيي
اخوي/ مخطط قطري و قطري 2012..
ان مثل هذه الفجوات في مداخيل المواطنين
الموظفين...
قد تسبب اختلال اكبر في الميزان الاجتماعي!

في البيت الواحد..كما يقول الاخ/ مخطط قطري
و في الشارع الواحد..لو تخيلنا "بلوك" منازل..
اولهم "مدرس" و جاره موظف "عسكري"
و الثالث "موظف حكومي"..و الرابع في قطاع البترول..
و الخامس في قطاع "البنوك"...بس انتوا قلتوا عن كل احد
و ربما اغلبكم ما بعلم عن الموظفين في الشركات الحكومية/شبه الحكومية
العقارية...هنالك كما ينقل..مرتبات بعشرات الالوف و مئات الالوف..
ليس الريال..بل (بالدولار)!!!

فما القول في الفجوة..عندما توضع الارقام على طاولة واحدة!!
*
*
،،
اعتقد..ان الخلل في الاتزان الاجتماعي..
مسألة وقت لا اكثر..
هذا بين القطريين الموظفين و الموظفات..

فماذا..عن القطريين و القطريات
الذين ليس لهم دخل مباشر او مرتبات من الحكومة!!

اين هم من "توزيع الثروة" كما اشار معالي/رئيس الوزراء!!

ان كان هذا الكلام..حول الاختلال في "توزيع" الثروة..
فما بال من لم يشملهم اي شيء من هذه الثروة الوطنية!!

*
*
،،

هي دعوة في محلها..
لكي لا تتكرر (فقاعة) البورصة التي
اخلت بالتركيبة الاجتماعية و ميزانها..

و هذا..لا يعني ان لا يميز تخصص او مهنة عن الاخرى..

لكن..عندما يكون
موظف راتبه 12 ألف (= 19 الف بعد الزيادة)
والاخر راتبه 25 ألف (= 40 ألف بعد الزياده)
و الثالث..75 ألف..(= 120 الف بعد الزيادة)
و الاخر...150 الف!!( = 240 ألف بعد الزيادة)




فالخلل..بالفعل
كبير و ربما يكون خطير!!

[مخطط قطري]

وهذا رئيي في كتابه موضوعي اللي حذفوه
بس الاخوان فهموني غلط

هلا اخوي قطري 2012 واشكرك على طرحك للموضوع واعتبر هذا الموضوع موضوعك يالشيخ وانا فهمت عليك بس يليت تدلي برايك في الموضوع مره ثانيه عشان الكل يستفيد

الفجوة كبيرة جدا جدا جدا وانا اشوف في ناس انظلموا واجد

العسكري الضابط راتبه فوق ال40 الف والجامعي في الحكومة راتبه 20 الف ويمكن اقل بعد لحد يقولي الضابط يشتغل ويكرف صدقني الي يقول هالكلام لاتصدقونه ابدا

والي مظلومين صج العساكر الافراد واحد من الربع نائب في الشرطة معاش اخوي الصغير في الجمارك ثانوية عامة موظف جديد فرش راتبه اعلى منه ب2000 ريال !!!!!!

اتمنى المساواة تشمل جميع الموظفين

والحمدلله على كل حال

الحمدالله اخوي وحيد واشكرك على الملاحظه القوية وهذا الي نحذر منه ونقوله الخلل الاجتماعي
والفجوه الكبيره بين افراد الاسره الوحده
راحت السكره ووناستنا بزياده رواتبنا ونسينا اخوانا الي ماشملتهم الزياده او الزياده ماكنت مرضيه للبعض والحين جات الفكره وحبينا نتناقش اكثر ونستفيد
والي يدش عرض ويقول احمدو ربكم وماعنده الا هالكلمه بس- اقوله مشكور وحامدين ربنا وقانعين
عطنا جزاك الله خير بعد هالكلمه شلي عندك

[مخطط قطري]

ما افهمه...ان صح رأيي
اخوي/ مخطط قطري و قطري 2012..
ان مثل هذه الفجوات في مداخيل المواطنين
الموظفين...
قد تسبب اختلال اكبر في الميزان الاجتماعي!

في البيت الواحد..كما يقول الاخ/ مخطط قطري
و في الشارع الواحد..لو تخيلنا "بلوك" منازل..
اولهم "مدرس" و جاره موظف "عسكري"
و الثالث "موظف حكومي"..و الرابع في قطاع البترول..
و الخامس في قطاع "البنوك"...بس انتوا قلتوا عن كل احد
و ربما اغلبكم ما بعلم عن الموظفين في الشركات الحكومية/شبه الحكومية
العقارية...هنالك كما ينقل..مرتبات بعشرات الالوف و مئات الالوف..
ليس الريال..بل (بالدولار)!!!

فما القول في الفجوة..عندما توضع الارقام على طاولة واحدة!!
*
*
،،
اعتقد..ان الخلل في الاتزان الاجتماعي..
مسألة وقت لا اكثر..
هذا بين القطريين الموظفين و الموظفات..

فماذا..عن القطريين و القطريات
الذين ليس لهم دخل مباشر او مرتبات من الحكومة!!

اين هم من "توزيع الثروة" كما اشار معالي/رئيس الوزراء!!

ان كان هذا الكلام..حول الاختلال في "توزيع" الثروة..
فما بال من لم يشملهم اي شيء من هذه الثروة الوطنية!!

*
*
،،

هي دعوة في محلها..
لكي لا تتكرر (فقاعة) البورصة التي
اخلت بالتركيبة الاجتماعية و ميزانها..

و هذا..لا يعني ان لا يميز تخصص او مهنة عن الاخرى..

لكن..عندما يكون
موظف راتبه 12 ألف (= 19 الف بعد الزيادة)
والاخر راتبه 25 ألف (= 40 ألف بعد الزياده)
و الثالث..75 ألف..(= 120 الف بعد الزيادة)
و الاخر...150 الف!!( = 240 ألف بعد الزيادة)




فالخلل..بالفعل
كبير و ربما يكون خطير!!

انشهد انه كبير وخطير وبيض الله وجهك على هالمداخلة الطيبه والي احسها عبرت عن الي داخلي والي ابي اقوله بالضبط
ونتمنى الفزعه لاخوانا الي ماشملتهم الزياده وهم الاولى طبعا وعقب مراعاه اخوانا الي في الجهات الحكوميه وانا ضد سياسه التفرقه ولا هذا يشتغل اكثر ولا هذا طبيعه عمله تستحق اكثر
ولا نقول خلو مساواه بين القطاعات لا
صغرو الفجوه بس
مب مشكله خلو كبار الضباط في العسكريه اعلى شي وعقبهم موظفين القطاع النفطي
وعقب الحكومي ماختلفنا في هالشي
بس لاتخلي الفروقات كبيره وايد نفس الي حاصل في الوقت الحالي

[سهم عتيج]

ونتمنى الفزعه لاخوانا الي ماشملتهم الزياده وهم الاولى طبعا


بصراحة كنت أتمنى تطبيق بعض العلاوات التي تطبق في بعض الدول المجاورة كالكويت مثلا,, بحيث أن هناك مبلغا يصرف لكل مواطن عن كل ولد او بنت حتى يبلغ الأبناء السن القانوني ثم تتوقف هذه العلاوات.. وبالتالي تقل الفجوة وتساعد على زيادة النسل..

شوف اخوي مخطط قطري,, في كثير من مؤسسات ووزارات الدولة لا تقوم ادارة الموارد البشرية بالدور الواجب القيام به,, وانما تقوم بواجب واحد من واجباتها تقريبا وهي شؤون الموظفين من عمل كشوفات الرواتب واصدار شهادات الى من يهمه الأمر.... الخ من الامور التي تهتم براتب الموظف فقط..

اما الشق الأكبر من واجبات الموارد البشرية من تطوير الموظف وعمل وصف وظيفي دقيق لمهامه ودراسة الموظف لعمل الدورات اللازمة لتطويره ودراسة الراتب الذي يستحقه,, فانها غائبة..

[alma3ani]

الصراحه معاكم حق وانا اشوف ان كل واحد بهلقسم من حقه يتناقش بلموضوع الي هو يشوفه مناسب

بنسبة لي راح ابدي برايي وهو غير ان الموظف حكومي في شي قاعدة اتسويه الهيئات الحكومية والوزارات وانا اعتبره تدمير للكفائات

وهي البعثات نعم لا تستغربون مني تخيلو انا مبتعث وقريب اتخرج ان شاءالله وعن طريق وزارة من دون لا اذكر الاسم تخيلو انهم وقعوني على عقد مدة لا تقل عن 10 سنوات الشغل عندهم

واكيد وقعت عليه بحكم اني طالب وخريج ثانوية واطمح اني اتخرج من برا بس بعد ما درسته وعانيت الغربه وفهمت اكتشفت اني غلطت غلطت حياتي

وهي اني قاعد اضيع سنين عمري بلغربه وبعدها بشتغل بمكان حكومي مابقدرني والراتب ما يسوا شهادتي الي بجي فيها ومع ذالك عقد مدته ما اتقل عن 10 سنوات واحيانا 15 سنه يعني يخلص العقد من اهنا وانا اتقاعد من اهنا

فابي اعرف وين الاستفادة الي استفدتها بغربتي اذا مافي تقدير للخريجين الي من الخارج

تخيلو اعرف شخص متخرج انتساب من جامعه عربيه قالو وتكلمو انهم ما بوقعون على الشهادة بس مع ذالك وقعو التعليم على الشهادة وصدقوها وهذا هو مشتغل بقطاع حكومي نفس الي انا بشتغل فيه وبنفس الراتب ويمكن يكون اكثر خصوصا انه بكون مشتغل قبلي لان تخرج قبلي وما احتاج لغة او غيره وانتو اتعرفون الفرق بين مستوا الجامعات بس اتعرفون شنو الفرق بينا الفرق ان هو حر نفسه يقدر يطلع من المكان الي يشتغل فيه بس انا لا بظطر اقعد في هلمكان لين يخلص العقد

بتقولون لي ليش وقعت معاهم بقولكم اذا التعليم العالي حاط لنا عراقيل ليش ما تبونا انوقع معاهم خصوصا ان احنا مافكرنا بوضعنا بعد التخرج وكنا فرحانين بلبعثه

والله بديت اشك ان التعليم العالي يصعب الابتعاث علشان الطلاب يلجائون للوزارات والهيئات الثانية ويوقعون معهم يطيحون بلمصيده الي يسونها لهم وهي يضمنون لهم موظفين خريجين من جامعات مرموقه وقابلين براتب لان هم موقعين على عقد ولو يبون يفكون عقدهم لازم يرجعون كل ريال انصرف عليهم من ابتعثو الين تخرجو فهل هشي منصف بنظركم

انا والله من الحين قاعد افكر بس متى اطلع من الجهة الي ابتعثتني وانا للحين حتى ما داومت ول تخرجت قاعد افكر اقول واسطه افك فيه عقدي او ممكن اقدم على جهة ثانية خاصه وتشتري عقدي او اسوي تسويه مع الجهة الثانية تدفع لهم الشرط الجزائي ويخصمون جزء من راتبي لين يتسدد المبلغ او او او

وهشي الي سوته فينا البعثات الحكومية وهي حتى لو ناس تخلو عنها وراحو لاماكن ثانية ضمنت الخريجين الي راح يرضون براتب وغصبن عنهم

مرات افكر واقول الحمدالله 20 الف حلوة بس لمى افكر بسياره والبيت والزواج وهم اقل الحقوق ال 20 الف ما بتسويلي شي والمشكله انك بعد الغربه الي عشت فيها تبي بس اقل تقدير ما بتحصله وبيكون حالي وحال خريح اي جامعه بسودان انتساب وااااااااحد وانا ذكرت هشي لان هشي صاير فعلا تلقى خريج بريطانية وامريكا مساوينه مع اي خريج من جامعه ثانية لا والثاني يمكن يطلع وقت مايبي ولا همه الشغل بس الكفائات والخريجين من اعرق الجامعات يحسون نفسهم مغصوبين واتروح منهم عزيمة الابداع لان لو حتى ابدعون مافي تقدير وبقولون هذا الشي من مهام عملك ولا بغى يطلع لجهة ثانية اتقدرة دفعوه دم قلبه وعاش بلديون طول عمره فيقول اقعد بمكاني واقول لسنيني الي راحة بلغربه عليها العوض ومنها العوض

واسمحولي لو طلعت اشوي برا الموضوع الاساسي

[كيلو حديد]

وانتوا هذا حالكم

ماتعرفون تقولون الحمدالله

لازم تشوفون غيركم وليه فلان وليه علان !!

انا ضد مناقشة الرواتب وزياتدها او تغيرها

الخير واجد والحين الكل من تجي اجازه سافر حتى لو يومين !!

لين متى بتقعدون تتذمرون !

اللهم طولك يا روح

انا مع حذف مواضيع الرواتب وزيادتها ومقارنتها وبشده

يكفي استهتار كدوو وركززو في خدمة الوطن ورفعته !

ورانا رؤية وورانا كاس العالم ورانا اجيال نبني لهم وانتوا لين الحين تتناقشون فالرواتب !

الله يجزاك خير أم احمد ممكن تشرحي لي وبالتفصيل الممل وشهي الرؤيه الي خلتك
تدخلي عرض على الموضوع وكانه ضد الرؤيه وسوف يحطمها .

فرجاءا دامك دخلتي بقوه تشرحي لي هذه الرؤيه وما هي متطلباتها وما هي ركائزها
وسبلها وما هي أهدافها ونتائجها .
الرجاء شرح وافي وليس عنوانها لأنني إن لم أجد ردا وافيا سأعتبر كلامك كله فقط مجرد كلام
لا يحمل أي معنى وإنما هي مشاغبه لإغلاق الموضوع الرائع .

ومنها نتعلم منك يوم نتكلم كلام كبير نكون فاهمينه صح .

وشكرا لصاحب الموضوع .

[.خالد]

لا تخاف اخوي الشباب ما راح يتركون القطاع الحكومي باي حال من الاحوال ..
وين الواحد يحصل راتب مجزي ومن غير تعب ولا دوام وعلى قولتهم مافيه احلى من الراحة ...
التوزيع في زيادة الراتب لا اقول انه عادل ١٠٠٪ لكنه في صالح الدولة والاقتصاد ..

[مخطط قطري]

بصراحة كنت أتمنى تطبيق بعض العلاوات التي تطبق في بعض الدول المجاورة كالكويت مثلا,, بحيث أن هناك مبلغا يصرف لكل مواطن عن كل ولد او بنت حتى يبلغ الأبناء السن القانوني ثم تتوقف هذه العلاوات.. وبالتالي تقل الفجوة وتساعد على زيادة النسل..

شوف اخوي مخطط قطري,, في كثير من مؤسسات ووزارات الدولة لا تقوم ادارة الموارد البشرية بالدور الواجب القيام به,, وانما تقوم بواجب واحد من واجباتها تقريبا وهي شؤون الموظفين من عمل كشوفات الرواتب واصدار شهادات الى من يهمه الأمر.... الخ من الامور التي تهتم براتب الموظف فقط..

اما الشق الأكبر من واجبات الموارد البشرية من تطوير الموظف وعمل وصف وظيفي دقيق لمهامه ودراسة الموظف لعمل الدورات اللازمة لتطويره ودراسة الراتب الذي يستحقه,, فانها غائبة..

هنيه دور المسؤل الاكبر اخوي سهم سواء الوزير او الوكيل لانه اي اداره موارد بشريه في اي مكان في العالم يعتبر القلب فانت لازم تهتم بهذي الاداره
لانه التطوير وشؤن الموظفين والخطط التنسيقيه والتنفذيه تكون عند هلاشخاص
بس مع الاسف اوقات يوضع الشخص الغير مناسب في المكان المناسب
وفي بعض المناصب القياديه المفروض ماتخضع لسياسه المحاباه وحب الخشوم وترضيه فلان وعلان
اذا كل واحد اشتغل بجد واخلاص واجتهاد وراعى ربه وضميره في الشغل وحط هدف سامي وكبير هو خدمه بلاده وحفز موظفينه على بذل مزيد من النشاط والمثابره في الشغل
راح تتحقق قفزات كبيره وتخلق قوى جباره تدفع عجله التنميه والتقدم والازدهار بسرعه وتحقق
جميع الخطط ورؤيه قطر 2030 بدون الاستعانه باي اجنبي او شخص خارج الدوله
بس قبل لانفكر بهالشي لازم واشدد على كلمه لازم
تزيد الحوافز حق اقوى واكبر قطاع عندك وهو القطاع الحكومي
والتاريخ يشهد على مثل هلاشياء لو نرجع له وناخذ العبر والدروس منه

[مخطط قطري]

الصراحه معاكم حق وانا اشوف ان كل واحد بهلقسم من حقه يتناقش بلموضوع الي هو يشوفه مناسب

بنسبة لي راح ابدي برايي وهو غير ان الموظف حكومي في شي قاعدة اتسويه الهيئات الحكومية والوزارات وانا اعتبره تدمير للكفائات

وهي البعثات نعم لا تستغربون مني تخيلو انا مبتعث وقريب اتخرج ان شاءالله وعن طريق وزارة من دون لا اذكر الاسم تخيلو انهم وقعوني على عقد مدة لا تقل عن 10 سنوات الشغل عندهم

واكيد وقعت عليه بحكم اني طالب وخريج ثانوية واطمح اني اتخرج من برا بس بعد ما درسته وعانيت الغربه وفهمت اكتشفت اني غلطت غلطت حياتي

وهي اني قاعد اضيع سنين عمري بلغربه وبعدها بشتغل بمكان حكومي مابقدرني والراتب ما يسوا شهادتي الي بجي فيها ومع ذالك عقد مدته ما اتقل عن 10 سنوات واحيانا 15 سنه يعني يخلص العقد من اهنا وانا اتقاعد من اهنا

فابي اعرف وين الاستفادة الي استفدتها بغربتي اذا مافي تقدير للخريجين الي من الخارج

تخيلو اعرف شخص متخرج انتساب من جامعه عربيه قالو وتكلمو انهم ما بوقعون على الشهادة بس مع ذالك وقعو التعليم على الشهادة وصدقوها وهذا هو مشتغل بقطاع حكومي نفس الي انا بشتغل فيه وبنفس الراتب ويمكن يكون اكثر خصوصا انه بكون مشتغل قبلي لان تخرج قبلي وما احتاج لغة او غيره وانتو اتعرفون الفرق بين مستوا الجامعات بس اتعرفون شنو الفرق بينا الفرق ان هو حر نفسه يقدر يطلع من المكان الي يشتغل فيه بس انا لا بظطر اقعد في هلمكان لين يخلص العقد

بتقولون لي ليش وقعت معاهم بقولكم اذا التعليم العالي حاط لنا عراقيل ليش ما تبونا انوقع معاهم خصوصا ان احنا مافكرنا بوضعنا بعد التخرج وكنا فرحانين بلبعثه

والله بديت اشك ان التعليم العالي يصعب الابتعاث علشان الطلاب يلجائون للوزارات والهيئات الثانية ويوقعون معهم يطيحون بلمصيده الي يسونها لهم وهي يضمنون لهم موظفين خريجين من جامعات مرموقه وقابلين براتب لان هم موقعين على عقد ولو يبون يفكون عقدهم لازم يرجعون كل ريال انصرف عليهم من ابتعثو الين تخرجو فهل هشي منصف بنظركم

انا والله من الحين قاعد افكر بس متى اطلع من الجهة الي ابتعثتني وانا للحين حتى ما داومت ول تخرجت قاعد افكر اقول واسطه افك فيه عقدي او ممكن اقدم على جهة ثانية خاصه وتشتري عقدي او اسوي تسويه مع الجهة الثانية تدفع لهم الشرط الجزائي ويخصمون جزء من راتبي لين يتسدد المبلغ او او او

وهشي الي سوته فينا البعثات الحكومية وهي حتى لو ناس تخلو عنها وراحو لاماكن ثانية ضمنت الخريجين الي راح يرضون براتب وغصبن عنهم

مرات افكر واقول الحمدالله 20 الف حلوة بس لمى افكر بسياره والبيت والزواج وهم اقل الحقوق ال 20 الف ما بتسويلي شي والمشكله انك بعد الغربه الي عشت فيها تبي بس اقل تقدير ما بتحصله وبيكون حالي وحال خريح اي جامعه بسودان انتساب وااااااااحد وانا ذكرت هشي لان هشي صاير فعلا تلقى خريج بريطانية وامريكا مساوينه مع اي خريج من جامعه ثانية لا والثاني يمكن يطلع وقت مايبي ولا همه الشغل بس الكفائات والخريجين من اعرق الجامعات يحسون نفسهم مغصوبين واتروح منهم عزيمة الابداع لان لو حتى ابدعون مافي تقدير وبقولون هذا الشي من مهام عملك ولا بغى يطلع لجهة ثانية اتقدرة دفعوه دم قلبه وعاش بلديون طول عمره فيقول اقعد بمكاني واقول لسنيني الي راحة بلغربه عليها العوض ومنها العوض

واسمحولي لو طلعت اشوي برا الموضوع الاساسي

بالعكس اخوي الغالي انت في صميم الموضوع وهذا الي احنا نحذر منه ونحاتيه ونظرتنا لهالشي مستقبلية من بيرضى يدش الحين القطاع الحكومي بهلرواتب المدنيه اذا قارنها باقي القطاعات بيصير تكدس في العسكريه والشركات البترولية والحكومه محد فيها
وذيك الساعه بينتهبون وبيزدون رواتب الحكومين وبيسون اغراءات يديده تجذب الموظفين من يديد وكانك تعيد الموضوع وتزيده بس عقب خراب مالطا لانه اغلبهم مب فاضي يغير شغله خصوصا اذا مرتاح(وهنيه الحكومه اخطت خطا فادح بزياده بس 60% حق الحكومين المفروض هم 100%)
واسمحلي انت وكل الي يشفون موضوعي اني اطمنك واريح بالك بعد انت شد حيلك وخلص
وسالفه عقد 10 سنوات و5 سنوات وهالخربطه ماعليك منها
قدام المنتدى اقولك مستحيل يطبق هالشي على حد هو يبي يطلع مايبهم
انا في شغل عندي ناس جاينا من جهات حكوميه ونفس وضعك بالضبط وقالولهم المده الي دفعنا لكم اياها في دراسه لازم تقضونها في سنوات خدمه
من تخرجو اشتغلو كم شهر ونقلو عندنا
والي صاغ كتبهم قانونين مصريين واردنين لانه قانونا فيه كثير من الثغرات
لاتشغل بالك انت خلص وحاول يكون تقيمك عالي وانت عقب اشر وين تبي

[مخطط قطري]

الله يجزاك خير أم احمد ممكن تشرحي لي وبالتفصيل الممل وشهي الرؤيه الي خلتك
تدخلي عرض على الموضوع وكانه ضد الرؤيه وسوف يحطمها .

فرجاءا دامك دخلتي بقوه تشرحي لي هذه الرؤيه وما هي متطلباتها وما هي ركائزها
وسبلها وما هي أهدافها ونتائجها .
الرجاء شرح وافي وليس عنوانها لأنني إن لم أجد ردا وافيا سأعتبر كلامك كله فقط مجرد كلام
لا يحمل أي معنى وإنما هي مشاغبه لإغلاق الموضوع الرائع .

ومنها نتعلم منك يوم نتكلم كلام كبير نكون فاهمينه صح .

وشكرا لصاحب الموضوع .

العفو يالشيخ وبصراحه كلامك انت الي كبير وانا احس ماراح تجاوب لانه الرؤيه
اول هدف فيها هو تنميه العنصر البشري وهو صلب موضوعنا:)

[مخطط قطري]

لا تخاف اخوي الشباب ما راح يتركون القطاع الحكومي باي حال من الاحوال ..
وين الواحد يحصل راتب مجزي ومن غير تعب ولا دوام وعلى قولتهم مافيه احلى من الراحة ...
التوزيع في زيادة الراتب لا اقول انه عادل ١٠٠٪ لكنه في صالح الدولة والاقتصاد ..

اشرحلي شلون في صالح الاقتصاد
اذا تكرمت يالشيخ

[قطرية حنونه]

لو كل واحد قال الحمد لله لكنا احسن ناس

[Diamond]

اولا الله يرزق الجميع انشاء و في النهاية نسأل الله العفو والعافية وحسن الخاتمة لجميع المسلمين..

لكن ودي اقول شيء بخصوص رواتب قطاع البترول..

الرواتب في قطاع البترول عالية مقارنة ببقية القطاعات في كل مكان ودول الخليج من ضمنها.

ساعات العمل في قطاع البترول اطول من اغلب الاماكن الاخرى و فوق هذا الاحظ ان الكثيرين يتمون في دوامهم لما بعد ساعات العمل (5 او 6 المغرب) لان طبيعة العمل تقتضي ذلك.
اغلب الذين يشتغلون في البترول (وليس كلهم) يداومون في مسيعيد و دخان وراس لفان .. يعني حط على الاقل من ساعتين الى ثلاث يوميا للطريق فوق ساعات الدوام.
من الصعب انك تجد فترات لقراءه الجرايد وشرب الشاي في قطاع البترول .. يعني الدوام فيه حك
اغلب العاملين في المصانع يتعرضون الاستنشاق المواد البترولية السامة من كبريت ورصاص و بترول الخ هذا غير خطر الانفجاراتو الحرائق وحوادث العمل التي تكثر في المصانع بسبب طبيعة العمليات الدائرة.

اعرف كثير من العاملين في البترول تكاد لا توجد عنهم حياة اجتماعية بسبب طبيعة عملهم وطول الدوامات.

فالرجاء من الاخوان مع مقارنة الرواتب ان يقارنوا طبيعة العمل ايضا .. و الله يبارك في الجميع.

اشكرك اخوي قلت اللي ابي اقوله ...وللعلم اللي يداومون في البترول بس في الابراج راتبه ضعيف وما يفرق عن الحكومي وايد الا شي بسيط ...اما اللي فالمصانع تفرق معاهم بحكم الاسباب اللي ذكرها اخوي فوق ولين الحين الشباب يحاولون يحولون من مهني الى اداري مع انه يدري انه بيطيح من راتبه اكثر من 6000 ريال لان العمل في المصنع وايد تعب...
اخوي الاكبر مني يشتغل في الشرطه وقبل لا انا اتوظف في البترول وحاليا راتبي اكثر من راتبه ب 8000 ريال بس لين اليوم يقولي لو استلم نفس راتبك وزود ما راح اداوم نفسك لاحياه مع الناس ولا اجازه مع الناس والعيد دوام والويكند دوام ومافي استقرار ...يعني الموضوع بيد الشخص نفسه ترى البترول ينطرون القطري يقدم واللي يشوف في نفسه الكفاءه ع الدوام والشفات والكرف يشمر ويقدم ويكرف ويتهنى بالراتب والبونس بس يحط في باله ان العيد والويكند واليوم الوطني والربع والميلس هالسوالف لازم ينساها شوي او بالاصح راح تخف

[قطري2012]

فديت روحك مخطط قطري ومشكور على ذوقك الراقي
انا طرحت الموضوع حتى لا تكون هناك حزازيات في البيت الواحد يعني احنا كقطريين نعتبر في بيت واحد لو فرضنا ان الاب قام بتقسيم فلوسه على اولاده بيعطيهم مثل مثل صحيح ان في حد من اولاده يشتغل اكثر من الاخر بس بتكون الزياده له معقوله وليس 3 اضعاف
واحد يستلم 30 الف والثاني 90 الف بيكون هناك حسد بينهم وكره
قطر للبترول نصيب الاسد يليهم العساكر يليهم الحكوميين
صدقوني الشغل هنا وهناك واحد كل شغل له همومه ومشاكله وطبيعته ولابد ان تكون هناك فروق بس مش 3 اضعاف:
ادري بيردون بعض الاعضاء وبيقولون انت حاسدهم اللهم لا حسد اللهم لا حسد :omen2:

[roma27]

والله والواحد يقول الحمد لله على النعمه وااهم شي نعمه الامن والامان بس انتو شوفوا الدول القريبه منا وبعدين نقول الحمد لله انا قطرين

[مخطط قطري]

فديت روحك مخطط قطري ومشكور على ذوقك الراقي
انا طرحت الموضوع حتى لا تكون هناك حزازيات في البيت الواحد يعني احنا كقطريين نعتبر في بيت واحد لو فرضنا ان الاب قام بتقسيم فلوسه على اولاده بيعطيهم مثل مثل صحيح ان في حد من اولاده يشتغل اكثر من الاخر بس بتكون الزياده له معقوله وليس 3 اضعاف
واحد يستلم 30 الف والثاني 90 الف بيكون هناك حسد بينهم وكره
قطر للبترول نصيب الاسد يليهم العساكر يليهم الحكوميين
صدقوني الشغل هنا وهناك واحد كل شغل له همومه ومشاكله وطبيعته ولابد ان تكون هناك فروق بس مش 3 اضعاف:
ادري بيردون بعض الاعضاء وبيقولون انت حاسدهم اللهم لا حسد اللهم لا حسد :omen2:

يفداك الاش يالشيخ كلامك صحيح وماعليك من الاعضاء الي كل شوي الله يهداهم كتبو لنا احمدو ربكم وشفيكم حاسدين ومادري ايش.............. اكيد حامدين ربنا وهذا واجب علينا والله لايجيب حسد
بس الفجوه كبرت والشق صاير كبير وبعدين انت ماتقارن عقيد بملازم ولا مهندس بفني ولامدير بموظف لالالالالا
انت تقارن عقيد بمدير ومدير بمهندس وكل واحد عقليته كبيره وعنده من المعرفه والعلم الشي الكثير
بس حظه العاثر اوقعه في قطاع مايعطي امتيازات وحوافز مرضية
هذا الي قصدناه وهذا الي نقوله
ونفس ماضربت مثل واحد 90 الف والثاني 30 الف
يمكن بو 90 الف خبرته ودراسته وسنه اقل من بو 30 الف وهنيه مربط الفرس
عشان كذا الفجوه هذا لازم تقلص ولا تسكر مره وحده:)

[مخطط قطري]

والله والواحد يقول الحمد لله على النعمه وااهم شي نعمه الامن والامان بس انتو شوفوا الدول القريبه منا وبعدين نقول الحمد لله انا قطرين

الف حمد وشكر لك يارب العالمين والله يديم علينا نعمه الامن والامان تحت قياده سمو الامير الله يحفظة اللي ماقصر في الشعب ولا بيقصر وان كنا كشعب طماعين ونبي بعد من كرم سموه
شي واحد بس
البرلمان وعسانا نشوفه جريب ونعدل بعض مواد الدستور القطري ونستجوب وزراء ونمارس حقنا الديمقراطي في بلادنا