راتب سواق البيت

[a.tegara]

السلام عليكم ورحمة الله وبركاته

اخواني راتب سواق البيت كان 800 وسار100 والحين ايجي براتب :omg:1200

الزياده سارت عشان نزيد في اسعار السلع والخدمات

السواق الي عندي يبيني ازيده عاد قلت خله يروح وباجيب غيره لقيت المكاتب اتجيب براتب 1200 ريال والبعض يحاول يطلب اكثر
والحل :(

[ضوى]

اذا قديم عندج وزين معاج اكسبيه وزيديه 100

[R 7 A L]

كلها الا 200 ريال
مو شي مرتفع

[Amal_QTR]

امسك مجنونك لا يجيك اللي اجن منه

[للصبر اخر]

رحال هـ 200 تسوى اشياء معاااك
الله يكون بالعون
احنا شعب حاطينا ع الصامت
يقبل كل شي ومايتكلم
لو الناس بدت تتكلم وتساند ماوصلنا لين هني

[nor85]

صديقتي اتصلت للمكاتب قالوا لها 1500 ريال مدام اهو يعرف كل شي زيديه وريحي بالج

[حراير قطر]

اذا معاك من زمان زيده يستأهل

كلها 100 ريال واعتبرها صدقه عنك وعن اهلك

ومثل ما قالت امل امسك مجنونك لا يجيك اللي اجن منه ...

[بوخالد911]

هلا

معليه

عطوه الــ 200 ريال

ولا تدفعون للمكتب حوالي 9000 ريال + رسوم مدرسة السواقة + رسوم القمسيون + رسوم الداخلية

[a.tegara]

هلا اختي والله انا الزينه معاه
هو طلب ازياده وما رديت علية لحين قلت له باشوف ومن يومها مستلعن وايد وما لي خاطر ازيده حتى 50 ريال من تصرفاته مع اني ما اقصر فيه والله الشاهد على ما اقول اعاملة نفس الاخو بس ما يبين فيهم

[حراير قطر]

هلا اختي والله انا الزينه معاه
هو طلب ازياده وما رديت علية لحين قلت له باشوف ومن يومها مستلعن وايد وما لي خاطر ازيده حتى 50 ريال من تصرفاته مع اني ما اقصر فيه والله الشاهد على ما اقول اعاملة نفس الاخو بس ما يبين فيهم

مع الزياده بيستعدل

لانه ما رديتي عليه قال بستلعن لين ما اتزيدني او اتسفرني ...

[a.tegara]

صح معاكم حق 100 او 200 بسيطة لكن احسبوها كل ما سارت ازياده زيدي 100 او 200 واحسبوا ها المية والمتين من كل شي زاد في مزانيه البيت وايش فايده الزياده عيل

عندي مدرسة العام تاخذ حق الساعة 150 السنه تقول لي 250 يالله احسبوا

[ام السعف]

رحال هـ 200 تسوى اشياء معاااك
الله يكون بالعون
احنا شعب حاطينا ع الصامت
يقبل كل شي ومايتكلم
لو الناس بدت تتكلم وتساند ماوصلنا لين هني

اعجبني تعبير
احنا شعب حاطينا ع الصامت

[الحال مايساعد]

هذي بوادر هروب سايق!!!

[ام السعف]

صح معاكم حق 100 او 200 بسيطة لكن احسبوها كل ما سارت ازياده زيدي 100 او 200 واحسبوا ها المية والمتين من كل شي زاد في مزانيه البيت وايش فايده الزياده عيل

عندي مدرسة العام تاخذ حق الساعة 150 السنه تقول لي 250 يالله احسبوا

زين اثرتوا هالنقطة :

اسعار المدرسين محددة حسب ما سمعت من ولدي،،

ياليت نتأكد من الأسعار هذي ونستغل القرار للحد من جشع هالمدرسين

[nooora]

نزيد له كل سنه 100 ريال كل شي غلت حتى في بلادهم مع الزياده بيشتغل بقلبه ولا يسرق من فلوس البترول او من اليهال

[العنان]

هلا

معليه

عطوه الــ 200 ريال

ولا تدفعون للمكتب حوالي 9000 ريال + رسوم مدرسة السواقة + رسوم القمسيون + رسوم الداخلية

انا معاك في هالشي ،، دام السواق معاكم من فتره ومرتاحين منه زيدونه ولا تجيبون جديد ويكلفكم ويقعد يتعلم في سيارة البيت ويكسرها ، المشكله انه في الهند هناك قامت الشركات توفر اشغال لهم وبرواتب قريبه من رواتبنا فهم اذا بيفاضلون بين بلادهم وبلادنا لازم يكون في شي يحفزهم حتى يقعدون

[a.tegara]

بزيده بس خاطري اخنقه لاني وايد اعطية ما اروح مكان وفية نطره الا واعطيه يروح يتقهوى غير ملابس العيد وكل ماخذت من مطعم الا احسب احسابة هاي بس مصروف له
لا و دايم البترول مخلص

[a.tegara]

زين اثرتوا هالنقطة :

اسعار المدرسين محددة حسب ما سمعت من ولدي،،

ياليت نتأكد من الأسعار هذي ونستغل القرار للحد من جشع هالمدرسين

والله شوفي انا يوم قالت لي انا رفعت اسعاري قلت لها الله وياج ما اقدر ادفع اكثر
انا الي قاهرني التمادي في رفع اسعارهم ترا انا عندي بنت وحده مش عيزانه ادفع لها ومادياً مرتاحة بس قهر ها لاستغلال غيري الي عنده اكثر من ولد وما يعرف ايدرس بالانجلزي ومضطر انا برفض وانتي بترفضين وعشره بيوافقوان عشان كذا ما راح تنحل كل ما سارت زياده اجي وتطلع مثل ماجات بدون فايده والله ياخواني اني اتكلم عشان الناس الي عندها اكثر من ولد والاسعار نار

[ام السعف]

بزيده بس خاطري اخنقه لاني وايد اعطية ما اروح مكان وفية نطره الا واعطيه يروح يتقهوى غير ملابس العيد وكل ماخذت من مطعم الا احسب احسابة هاي بس مصروف له
لا و دايم البترول مخلص

الخدم للأسف الشديد ما يتعاملون الا مع شي اسمه كم راتبي ،،
اغلبهم جذيه ،، من الأفضل انج مثل ما قالوا الأخوان اتزيدينه 200
دام انه اوكي معاكم ولا انج تتوهقين بواحد ثاني ما تدرين عنه ،،

بعدين المفروض كل سنتين السايق او الخادمة الكترونيا
رواتبهم تزيد دام انهم مستمرين معانا في البيت ،، واشوف هذا حقهم ،،

[ام السعف]

والله شوفي انا يوم قالت لي انا رفعت اسعاري قلت لها الله وياج ما اقدر ادفع اكثر
انا الي قاهرني التمادي في رفع اسعارهم ترا انا عندي بنت وحده مش عيزانه ادفع لها ومادياً مرتاحة بس قهر ها لاستغلال غيري الي عنده اكثر من ولد وما يعرف ايدرس بالانجلزي ومضطر انا برفض وانتي بترفضين وعشره بيوافقوان عشان كذا ما راح تنحل كل ما سارت زياده اجي وتطلع مثل ماجات بدون فايده والله ياخواني اني اتكلم عشان الناس الي عندها اكثر من ولد والاسعار نار

عني وافقت على مدرس اساسا كان يدرس عيالي في الصيف
ولما زاد سعره وشرح لي ظروفه اضطريت ازيده ،،

بس مدرس ثاني معانا من يوم عيالي الكبار
حط لي شروط ومب عارفة وشو ،، قلت له مع السلامة وحتى رقمه حذفته ،،

بس البعض مثل ماقلتي يستغلون انهم مدرسين خصوصيين
ويبون يصيرون خصوصين على حسابنا :(

[بنت مريخ]

حتى دريولي راتبه850 ويبي 1000 وهو مسافر اجازه
قتله 900تعال
ربي يرجعه بسلامه

[لـبـيـه]

هلا

معليه

عطوه الــ 200 ريال

ولا تدفعون للمكتب حوالي 9000 ريال + رسوم مدرسة السواقة + رسوم القمسيون + رسوم الداخلية

عدل والله كلامك

ان طاعك الزمن

بعدين يمكن بلهند جاتهم مكرمه بعد وزادو الكل وهو يبي مثلهم يمكن اسعارهم ارتفعت

[a.tegara]

هو جاني على 800 وبعدين انا زته من غير ما يطلب 1000 ريال والحين هو الي طلب الزياده عموما ما قصرتوا ومشكورين على الرد

[حكآية آحسآس]

والله انهم يسستاهلون...؟ وراهم اهل وعيال ومسؤليات,,والحمدلله قادرين عليها...

اررحموهم عشاان يرحمكم لله...

[الفرحه]

أختي اذا زين زيديه لانج اذا جبتي واحد ثاني بسوي لج نفس الفيلم .

[a.tegara]

والله ياختي راحمينهم اهم الي مش راحمينا اهم يعتقدون عندنا بير بترول في كل بيت قطري

[a.tegara]

بازيده بس ايخلص السنه الثانية لاني انا زته اصلا من 800 ريال 1000

[عهد]

انا انصح البنات يسوقون سياره وتريح بالها من السايق وبلاويه وحتى لو جينا نحسبها اقتصاديا اوفر لان معاش السايق حطه في قسط للسياره وبالنهايه تصير السياره كاش وملكك وتقدر تبيعها

هذي وجهة نطري

[a.tegara]

بحكم العادات والتقاليد ممنوع ومحد يوديج ولا يسال اذا رحتي بالموزين او تكسي

بس انا ما انصح البنات يسوقوان الا في حالة الامهات المضطرين لاسباب خاصة

[Amal_QTR]

شوفي انا من جهه افهم وجهة نظره
احنا فالشغل لو ما تجينا الزياده السنويه محد يشتهي يشتغل
والحين مثلا انا ما جاتني ال 60% شنو ودي اخنقهم .. يعني تصرفاته و نحاسته مفهومه لانه بني ادم
انا سواقي ما صار له سنه عندي و زيدته مرتين .. لانه يشوف الجداد اللي جايين و راتبهم ما يقل عن 1200
و فالاخير احنا اللي بنتبهدل لين راحوا ..

[عهد]

مادام الوحده ملتزمه مايهمها احد

[حراير قطر]

في فرق يا امل بين المتعلم بالخليج

وعنده ليسن خليجي غير باللي ما يعرف وين يمين وين يسار

طبعا اللي عندهم خبره 1200 حلو لهم اما اللي ما عنده 700 ...

[بوحارب]

على هالزحمه اللي في الشوارع لو انا دريول بطلب 5000 :(

[ANONYMOUS]

طالما يغسل السيارات الصبح كل يوم

وينظف الحوش ويخمه

ويسقي الزرع

ويكوي ملابس الرجال في البيت

ويخلص المعاملات في الدوائر الحكوميه

يستأهل زيدوه

بس من كلمة البترول خلص شكله يبوق والله اعلم


عانكم الله

[ANONYMOUS]

هلا

معليه

عطوه الــ 200 ريال

ولا تدفعون للمكتب حوالي 9000 ريال + رسوم مدرسة السواقة + رسوم القمسيون + رسوم الداخلية

بوخالد شدعوه 9000

فلبينيه فل اوبشن

واحد من الشباب يقول لي ب 1700

[مناحي السادس عشر]

امسك مجنونك لا يجيك اللي اجن منه



عجبني هالتعليق

[حسن]

اعجبني تعبير
احنا شعب حاطينا ع الصامت

النميمه مهب زينه ياام السعف فالسكوت من ذهب يقولون :victory:

[a.tegara]

طالما يغسل السيارات الصبح كل يوم

وينظف الحوش ويخمه

ويسقي الزرع

ويكوي ملابس الرجال في البيت

ويخلص المعاملات في الدوائر الحكوميه

يستأهل زيدوه

بس من كلمة البترول خلص شكله يبوق والله اعلم


عانكم الله



ولا شي غير انه يمسك سكان السياره

[a.tegara]

على هالزحمه اللي في الشوارع لو انا دريول بطلب 5000 :(


اخوي انا مستعده انقل كفالته عليك اذا بتعطية 5000

[A l i]

مايبين في عينهم شي الدريوليه
ماكلين شاربين نايمين
وشغلهم خفيييييييييييف
ولو تزيدهم مايبين ف عينهم

[عيون Qatar]

الحمدالله ماعندنا دريول

[حياة]

كم صار له عندج؟
وهل كان عنده خبره؟
انا بجيب لي سايق عنده خبره في الخليج وطالب 1200
شوفي انا بقول لج زيديه واقطعي عنه كل الاشياء اللي تكرمينه فيها خليه ع الراتب والعيديه وبس واسيئلي اختج اللي مجربه الدريوليه
والبترول لازم فاتوره كل مايعبي بترول
وكل ماتطرشينه اي مكان قولي له يجيب لج فاتوره

[a.tegara]

كم صار له عندج؟
وهل كان عنده خبره؟
انا بجيب لي سايق عنده خبره في الخليج وطالب 1200
شوفي انا بقول لج زيديه واقطعي عنه كل الاشياء اللي تكرمينه فيها خليه ع الراتب والعيديه وبس واسيئلي اختج اللي مجربه الدريوليه
والبترول لازم فاتوره كل مايعبي بترول
وكل ماتطرشينه اي مكان قولي له يجيب لج فاتوره


انا بزيده بس بقطع عنه كل الاكراميات عنه له سارله 3 اسنين بس والله الشاهد اني ما اقصر فية يوم سافر جبت له ولعياله ويوم توفي ابوه عطيته 1000 ريال من غير الراتب يرسله حق امه هذا غير خواتي الي عطوه

المشكلة يوم رجع انا زدته ومن نفسي وحتى الحين بزيده مو مشكله 200 ريال بس الي قاهرني انه يتعمد يتاخر اذا ياخذني من الدوام مع انه نفس الظروف ما تغير بالوضع شي
وللعلم لو يدفع اريال واقسم انه ريال يذكرني فية مع اني ابخششه دايماً في الشهر اذا كل طلعة فيها نطره والله ماينطر بدون ما اعطيه اقل شي خمس ريالات يشرب فية كرك

[nadeemy]

بحكم العادات والتقاليد ممنوع ومحد يوديج ولا يسال اذا رحتي بالموزين او تكسي

بس انا ما انصح البنات يسوقوان الا في حالة الامهات المضطرين لاسباب خاصة

انا متابع بصمت ولفتت انتباهي هذا التعليق
يعني كيف العادات ما تسمح للمراه تسوق سياره ؟ وفي نفس الوقت ما احد يسال مع من تروح ؟ لموزين او تاكسي
كيف التقاليد ما تسمح للمراه بالسواقه , لكن ما فيه مانع تركب مع رجل غريب وهي بزينتها وعطرها كل يوم
( مالكم كيف تحكمون )

[QaTaRViP]

انا اقول بدال 8000 اللي بتدفعينهاا ع واحد جديد ولين يتعلم يسوق وشوفي كم بتخسرين ع المدرسه وغيره ويبيله فتره لين يدل فالدوحه سالفه طويله انا اقول عطيه وريحي بالج

[بوحارب]

اخوي انا مستعده انقل كفالته عليك اذا بتعطية 5000

بس كم بتاخذين منه عموله :sneaky:

شكلج بتبتدين التجارة في البشر تراها محرمة دوليا هههههههههههههه :secret:

[قطري2012]

عندنا وعندكم خير...........السايق مها تعطونه بخاشيش واكراميات ما يتذكرها
بس يتذكر الراتب بس انا وقفت البخاشيش عنه وزت معاشه استانس الغبي
هو لو حسبها صح كان راتبه 1000 وانا اعطيه اكراميات اكثر من 200 في الشهر
بس هو طلب زياده واصر وناحس الين عطيته 1200 في الشهر ووقفت عنه ((خل الباقي علشانك ))
والبترول كله مخلص لانه ما يشيك السياره فول بس يجيب فاتوره انه مشيك فول
ويوم اشيك انا السياره تقعد فتره طويله بس عرفت له قمت اشيك السياره في الاسبوع مرتين
حتى لو كان فيها بترول بس ساعات اذا راح مشوار يستعجل ويجيب فاتوره انه مشيك والله جنني
ولا عندي دليل عليه كل مره فاتوره من محطه غير مادري متفق مع المحطات كلها خلوها علي ربكم

[koketa]

الحين السواق من الهند لو بجيبه مش عن طريق مكتب لازم اجراءات في السفاره ؟

[فتى الجود]

السلام عليكم

عطا يا رجال

عشان مايشرد وعقب بتتمنى يرجع لك بــ 2000

[الصغيره]

الصراحه يستحقون راتب 1200 كل الخدم الحياه صعبه

بالامارات مايشتغلون اقل من 2500

هنا كثرت شرداتهم بسبب هال 600 وياليت مرتاحين الا مهلكين والنوم ماينامونه

حرام والله

[4ui]

ياخذون 1500 والخادمات وصلو 1000
شكلهم سمعو بالزيادة ههههههههه

[روح الاطلس]

عطيه لا يشرد واذا ماتبينه فيه ناس يدورون دريوليه لو ب٥الالاف بياخذونه

[ANONYMOUS]

ولا شي غير انه يمسك سكان السياره

دريوليه جيل جديد متمردين

[لجين قطر]

انا اقول زيديه احسن لج

[ورقــة أمــل]

اختي يودي مينونج ابرك انا صار لي سنة كاملة ادور دريول عدل ومب لاقيه وبدال ما تدفعين تكاليف باهظة واخر شي يجيج واحد مايعرف يسوق ولا يشرد يسوي لج سالفه زيديه وريحي بالج

[srs]

بعطيك الوصفه
زيديه وجيبي غيرة وبعدين شوتيه واذا تعرفين ح عنده عزبه شغلي الجديد هناك شهر او شهرين

[alma3ani]

اكيد زيدوهم الحين التجار زادو اسعار محلاتهم وهلمساكين ضيقتو عينكمعليهم

والله لو اتروحين اقلها مطعم بياخذ منج ميتين واكثر لا وبتعطين اكرامية للقرسون

بس لدريول الي من الصبح قاعد مايخلي دوامات ولا مدارس ولا رجع غسل السيارات والحوش ولا وكوي ملابس العيال ولا جا الظهر جاب الي بلمدارس والي بدوامات ومع هزحمه والنطره حتى راحه مايرتاحون

انا والله يكسرون خاطري الدريوليه والخدم مهما كان ارحو من في الارض يرحمكم من في السماء والاقربون اولى بلمعروف احنا انتبرع يمين وشمال وهم في وسط بيتنا لا اطلبو زياده فكرنا ولا ترددنا ولا حتى رفضنا ليش والله حرام يعني الحين قطر غلت والهند لا لا تنسون ترا صح ابلادهم ارخص من عندنا بس ترا هم عايشين بقطر وهم بشر مب شرط كل الراتب يروح للهند يعني لو بغى حد منهم اغراض من الجمعية منظفات شي هاي كله يعتبر غالي عليه والله يطير ربع راتبه بس على شغلات مثل شامبو ومعجون وغيره اذا انتو تشترون لهم غيركم مايشتري لهشي حران حسو فيهم اشوي غربه وحرمان من الاهل وفوق هذا كله شغله اتقصر العمر

والمعزبين كلهم يقولون احنا ما انقصر في شي والله واقولها بصراحه لو هو ارتاح عندكم ماشرد منكم

لهشي اكرمية اختي مهما كان ولا تقعدين اتقولين انا عطيت وسويت وشريت

المفروظ يدج اليسار ماتدري عن الي تعطينه بيدج اليمين وانتي في كل رد انا اشتريله واعطية واسويله ترا مهما كان هو بشر والي اتسوينه مو فضله بلعكس انتي سويتيه بطيب خاطر فلا اتمننين عليه حتى لو كان من خلال منتدى

وانا ضحكني رد واحد يقول الدريولي على طول يسؤلون كم المعاش

يعني مادري ليش انت تبيه يطقها صحبه قبل وياك ولا شسالفه ولو فرضنا هشي وما تكلم وجا نهاية الشهر وقالك الراتب اول رد حتى لو الراتب مناسب لا غالي ليش ماقلت من البداية

لهشي بلعكس خل الناس اتكون على بينه اول شي وثاني شي تذكرو ترا مايشتغل هشغله الا المحتد فلا اتقولون لي شغل خفيف ولا ثقيل لان احنا بمكاتبنا ومافي شغل انتشكه ونتعب فشلون الي يلويو بشواع ولازم يكونون منتبهين على طول

واكيد بتضايق اذا شاف غيره زاد وهو ما انزاد

انتي بس اخذي لفه على البوابه وشوفي شكاوي الناس الي مازادوهم ولا قلت لهم انتو اساسا ما اشملتكم الزياده يعني اصحاب الشركات موملزومين كلوك بثيابك وسك قاطع رزق وحسود

لهشي الي مانرضاه لانفسنا لا نرضاه لغيرنا

انا هذي وجهة نظري وانا مو ساذج بس اتعاطف وايد مع هلفئة لاني بس اتخيل اني انا بمكانه احس روحي بنتحر والعياذ بالله فشلون هم ما اقول الا الحمدالله والشكر لك يارب

[QTR-SOUL]

انا مع اختي المعاني بس في الزياده المعقوله مش الاوفر
اللحين بنات المدارس يطرشون الدريول ستاربكس يجيب لهم كوفي وخرابيط حول 200اواكثر شبهه يومي يطرشونه ومايحطون حساب للخدامات والدريول انهم يشوفون شلون نلعب بالفلوس واذا جا وطلب زياده كلوه ويحسون انه مش مستحق انا احس المفروض ينزاد ولازم مايشوفون شقد نصرف عشان لايطمعون