المساعد الشخصي الرقمي

مشاهدة النسخة كاملة : هل أصبح شكلي أنا الغريب !!!


غرِيبهـ
23-11-2011, 09:13 AM
بسم الله الرحمن الرحيم

سلام عليكم و رحمة الله و بركاتهـ

كم مرة اتعرض لنفس الموقف يجعلني أتسال هل شكلي انا الغريب !!
اليكم الموقف دائما اذهب بأمي الى مواعيدها بمستشفى حمد
وهي على كرسي متحرك كثير جدا ما يمر علي اشخاص ويثنون علي لاني لم اتركها للخادمة تأتي بها للموعد
ويسلمون على أمي ويقولون انتم امهاتنا يعطيكم العافية

اتحسر على الامهات اللي اراهم مع الخدم وحدهم
كيف ستعرف موعد ادويتها ومايناسب ومالايناسب
كان الله بعونهم

ارائكم
المليونير الفقير
23-11-2011, 09:15 AM
البر بالوالدين اكبر نعمة واجرها فالدنيا والاخره ربي يخليلج الوالده ويخليج لها وربي يكثر من امثالج
غرِيبهـ
23-11-2011, 09:27 AM
^^
امين ياارب تسلم

السؤال هل منظر الخدم هو صار الطبيعي وو جود الشخص نفسه مع مريضه
اصبح الغير عادي و يستحق الثناء عليه ؟
AL.SHMOKH
23-11-2011, 09:52 AM
أنا أشهد مرة شفت وحدة بعيني في العيادات المسائية بمستشفى حمد الخارجية وبالصيدلية المرأة على كرسسي متحرك مراة كبييرة بالسنن أستغرب وين عيالها والخدامة بس وياااها ورحت ورجعت وفترة طوويلة والمرأة لحين قاعدة تنتظر الادوية قسمن بالله حرااااام وتعوور القلب يوم سألتها قالت مع الخدامة ويوم خذت الورقة وبطاقتها أسأل طلع الصيدلاني متأخر ولايدر شالسالفة ومايمشوون بالارقام وعطيتها واشكرتني جد جد لو الوحدذة متزوجة لو الابن متزوج بيتهم وعيالهم مب اهم من الام الام الام ثم الام والله اعلم بظروف الناس مانقدر نحكم بس مثل ماقالت اختي ريحة الورد للأسف صرنا نشوف مب مريضة ولاثنتين العدييييييد هل يعقل كلهم عندهم ظرووف والا الابنااء والبنات خللاص صارت مشاغل الدنيا اهم عندهم وكذلك الشيباب الكبار بالسن صرنا نشوف الشايب مع الدريول شيء يحزززن وشييء يعوور القلب الله يخلي لنا امهاتنا وامهات جميع المسلمين يااااارب ويعطينا الصحة والقوة عشان مايحتاجون لاحد ونقوووم بهمم يارب ومافي أغلى من الام وللاسف المنتشر في الآونة الأخير الابن لما يتزوج تلهيه زوجته عنا مه وهله لييش هل امك اهم والا زووجتك أيها الشاااب أمك طبعا اهم هذي امك اللي جابتك وربتك وكبرتك واتعبت عليك بيوم وليلة تجي تنساها والا تجي تسمع كلام زوجتك عشان اي مشكلة الرجل اللي يوقف مع زوجته ضد امه أنا اعتبره مب رجججججججججال وتأكدي أيتها الزوجة ان كنتي فرحانة بوقوف زوجج معاج ض اهله وامه تأكدي الفرح لن يدووم وزوجج لاتتفاخري به لان غير رججل ودام مافيه خير بامه اللي جابته نمابيكون فيه خير لج
وكمايقولون لاتخافي من رجل يحب (أمه ) فمن يقدر امرأة (خُلق في أحشائها لايؤذي امرأة (أسكنته قلبها)
أم حمد
23-11-2011, 09:56 AM
الله يجزاس خير ويكثر من امثالس

والله يهدي عيال وبنات هالزمن
ام السعف
23-11-2011, 09:59 AM
يا ريحة الورد

مرات كثيرة اشوف العيال هم اللي مع امهاتهم
مرة شفت شاب واقف صوب استراحة الحريم من برع
خلف كرسي امه المتحرك ،، ولما طلعت طلبت من الدكتورة
كرسي له بدل وقفته ،، وقلت لها انه مرافق امه ورقمهم بعييد
قالت يدخل هو مع امه اول شي دام ان امه قعيدة ،،

ووايد حريم يمرون واشوفهم مع امهاتهم يدزون الكراسي
،،

يعني انت مب الوحيدة ،، بس احتمال مواعيد امج الله يحفظها لج
ما تكون الا بحزة امهات يكونون برفقة الخدم ،،
R 7 A L
23-11-2011, 10:01 AM
الله يجزاك خير
ويبارك فيك
مخطط قطري
23-11-2011, 10:03 AM
لاسف واجد نشوف مثل اها الحالات في المستشفيات بعضهم مقطوط في المستشفى ولا حد يدري عنه
غرِيبهـ
23-11-2011, 10:10 AM
أنا أشهد مرة شفت وحدة بعيني في العيادات المسائية بمستشفى حمد الخارجية وبالصيدلية المرأة على كرسسي متحرك مراة كبييرة بالسنن أستغرب وين عيالها والخدامة بس وياااها ورحت ورجعت وفترة طوويلة والمرأة لحين قاعدة تنتظر الادوية قسمن بالله حرااااام وتعوور القلب يوم سألتها قالت مع الخدامة ويوم خذت الورقة وبطاقتها أسأل طلع الصيدلاني متأخر ولايدر شالسالفة ومايمشوون بالارقام وعطيتها واشكرتني جد جد لو الوحدذة متزوجة لو الابن متزوج بيتهم وعيالهم مب اهم من الام الام الام ثم الام والله اعلم بظروف الناس مانقدر نحكم بس مثل ماقالت اختي ريحة الورد للأسف صرنا نشوف مب مريضة ولاثنتين العدييييييد هل يعقل كلهم عندهم ظرووف والا الابنااء والبنات خللاص صارت مشاغل الدنيا اهم عندهم وكذلك الشيباب الكبار بالسن صرنا نشوف الشايب مع الدريول شيء يحزززن وشييء يعوور القلب الله يخلي لنا امهاتنا وامهات جميع المسلمين يااااارب ويعطينا الصحة والقوة عشان مايحتاجون لاحد ونقوووم بهمم يارب ومافي أغلى من الام وللاسف المنتشر في الآونة الأخير الابن لما يتزوج تلهيه زوجته عنا مه وهله لييش هل امك اهم والا زووجتك أيها الشاااب أمك طبعا اهم هذي امك اللي جابتك وربتك وكبرتك واتعبت عليك بيوم وليلة تجي تنساها والا تجي تسمع كلام زوجتك عشان اي مشكلة الرجل اللي يوقف مع زوجته ضد امه أنا اعتبره مب رجججججججججال وتأكدي أيتها الزوجة ان كنتي فرحانة بوقوف زوجج معاج ض اهله وامه تأكدي الفرح لن يدووم وزوجج لاتتفاخري به لان غير رججل ودام مافيه خير بامه اللي جابته نمابيكون فيه خير لج
وكمايقولون لاتخافي من رجل يحب (أمه ) فمن يقدر امرأة (خُلق في أحشائها لايؤذي امرأة (أسكنته قلبها)
فعلا المشاهد كثيرة يعورون القلب
جميلة هي جملتك
من يقدر امرأه خٌلق في أحشائها لا يؤذي امراه اسكنته قلبهاا
العنيده
23-11-2011, 10:11 AM
الله يجزاج خير ان شاء الله والله انج قدوه وخير مثال للجميع ..
بعد وفاة جدتي الله يرحمهااا حسيت بقيمة انج تبغين تكونين معاهم بكل وقت وانهم محتاجينا بس انشغالنا عنهم ..
والله يهدي الجميع والله مهما قضينا معاهم من وقت ترى مقصرين ..
غرِيبهـ
23-11-2011, 10:11 AM
الله يجزاس خير ويكثر من امثالس

والله يهدي عيال وبنات هالزمن


امين يااارب والله يهدي الجميع
غرِيبهـ
23-11-2011, 10:16 AM
يا ريحة الورد

مرات كثيرة اشوف العيال هم اللي مع امهاتهم
مرة شفت شاب واقف صوب استراحة الحريم من برع
خلف كرسي امه المتحرك ،، ولما طلعت طلبت من الدكتورة
كرسي له بدل وقفته ،، وقلت لها انه مرافق امه ورقمهم بعييد
قالت يدخل هو مع امه اول شي دام ان امه قعيدة ،،

ووايد حريم يمرون واشوفهم مع امهاتهم يدزون الكراسي
،،

يعني انت مب الوحيدة ،، بس احتمال مواعيد امج الله يحفظها لج
ما تكون الا بحزة امهات يكونون برفقة الخدم ،،

هلا اختي ام السعف

حتى انا اشوفهم ومرات اذا انا مشغوله اخوي يكون معاها

ما اقصده من موضوعي اللي يجون ويثنون
يعني وانا دازه امي الا ريال طبعا غالبيتهم كبار في السن
يقول الله يخليلج اميمتج وجزاج الله خير ماخليتيها على الخدم


وكلي ثقة اني لست وحدي فالكثير اراهم مع ذويهم و لكن الاغلب مع الخدم

ارجو ان ي وضحت الفكرة
كلنا قطر 1981
23-11-2011, 10:20 AM
اختي ريحة الورد
الي سويتيه هذا تكليف علينا من رب العالمين و الي سووواه الناس هذا لانهم يبون يشجعون شي موجود بس مع الاسف ابتدى بالانقراض تدريجيا الامع من رحم ربي و الله يوفقج
غرِيبهـ
23-11-2011, 10:24 AM
الله يجزاك خير
ويبارك فيك

رحم الله واللديك تسلم


لاسف واجد نشوف مثل اها الحالات في المستشفيات بعضهم مقطوط في المستشفى ولا حد يدري عنه

فعلا معك حق الله المستعان
غرِيبهـ
23-11-2011, 10:27 AM
اختي ريحة الورد
الي سويتيه هذا تكليف علينا من رب العالمين و الي سووواه الناس هذا لانهم يبون يشجعون شي موجود بس مع الاسف ابتدى بالانقراض تدريجيا الامع من رحم ربي و الله يوفقج

شكرا لك لانك عرفتي مقصدي

هل الشخص مع ذويه اصبح هو الشي الغريب و المنقرض
الذي يكافئ بالاثناء عليه

لو ان الموضوع مر مره او مرتين علي كنت بقول عادي

ولكنه يتكرر

هل اصبحو الناس يفتقدون هالشي ؟
بوحارب
23-11-2011, 10:30 AM
اذكر مرة كنت مودي الوالدة الطواري الفجر

وبعد ماخلصنا رحت اجيب الموتر واول ماطلعت الا اشوف عيوز الدريول منزلها والخدامة معاها وكان يوم ويكند

والله هالمنظر لين اليوم قدام عيون من سنين

عورت قلبي مسكينه يعني معقولة مافيه حد فاضي من عيالها او بناتها يجون معااها !!!

الله يعين بعض العجايز والشيبان على عيالهم الصراحة مأساه

جزاك الله خير اختي وبارك الله فيك :)
كلنا قطر 1981
23-11-2011, 10:43 AM
شكرا لك لانك عرفتي مقصدي

هل الشخص مع ذويه اصبح هو الشي الغريب و المنقرض
الذي يكافئ بالاثناء عليه

لو ان الموضوع مر مره او مرتين علي كنت بقول عادي

ولكنه يتكرر

هل اصبحو الناس يفتقدون هالشي ؟

اختي ريحة الورد اولا انا رجال مب بنت :app:
مع الاسف مع مشاغل الدنياو التقصير في العبادات خلانا ننشغل عن اهلنا مع الاسف
اختي مب بس هالشي الي ابتدى بالانقراض حتى لو تلاحظي كلمه الحق و الخير بحق الغير صارت صعب تسمعينها اذا كان الكلام بغيبه تحصلين الكل يتكلم الي يعرف و الي ما يعرف بس تعالي و خل حد يمدح بشخص ثاني وبتحصلين كل الاصوات نزلت و هذا الشخص الوحيد الي يتكلم عن الشخص الثاني بالخير

الله المستعان و دااام انه للحين في المجتمع ناس مثلج انشاء الله بيتم المجتمع القطري الاسلامي مجتمع قوي و ما بيتغير منه شي
و قطر دووووم فوق باذن الله :victory:
ريتويت
23-11-2011, 10:46 AM
يزاك الله خير
حمد بن سعد
23-11-2011, 10:54 AM
الله يرحمج يايمه

كانت اتقول الدنيا سلف من سوا سويله .

بر الوالدين اعضم شي في الدنيا وعلى ايامها حياتها الله يرحمها كنت اتصل حق كروه ايطرشولي سيارت الهاند كاب عشان اوديها الموعد في الويل جير وكانو يطالعوني بعد واكثر الي عيونهم علي كبار السن الي معاهم الخدم وسبحان الله اليوم وان جاي الدوام شفة السياره والسياق الي كان يجيني البيت عشان اوديها الموعد وسترجع المخ الذكريات الحلوه . الله يرحمج يالغاليه

مثل ماتبرون والديكم اعيالكم بيبرونكم .

والله يرحم جميع موتى المسلمين يارب العالمين
حسن
23-11-2011, 10:58 AM
هذا واجبك نحو والدينك ومش غريبه وتوجر عليه ان شاء الله
لكن امس انه في العياده الخارجيه شفت واحد من الربع شايل ولده يمكن عمره شهرين والخدامه وراه سلمت عليه واقوله شعندك يقولي جاي اطهر الولد الصراحه قلت في قلبي وين امه الله العالم
بـــــــنت النوخـّــــذه
23-11-2011, 10:59 AM
:nice:
يا ريحة الورد

مرات كثيرة اشوف العيال هم اللي مع امهاتهم
مرة شفت شاب واقف صوب استراحة الحريم من برع
خلف كرسي امه المتحرك ،، ولما طلعت طلبت من الدكتورة
كرسي له بدل وقفته ،، وقلت لها انه مرافق امه ورقمهم بعييد
قالت يدخل هو مع امه اول شي دام ان امه قعيدة ،،

ووايد حريم يمرون واشوفهم مع امهاتهم يدزون الكراسي
،،

يعني انت مب الوحيدة ،، بس احتمال مواعيد امج الله يحفظها لج
ما تكون الا بحزة امهات يكونون برفقة الخدم ،،

:nice:


وانا بعد شفت والكثير منا امثالهم بس ماله داعي نقول يمكن والكثير الدنيا عادها بخير

البر ولله الحمد موجود مهب فقط محصور بدزة كرسي

وصاحبة الموضوع اشدعوه ماغريب الا الشيطان البر موجود ويوصل اكثر من دزة كرسي تطمني انتي مهب حاله غريبه

الله يخلي لج الوالده

بس سؤال:

اشمعنه هم يمشون ويثنون عليهم ليش محد عطانا وي اهههههه خلاص ماحبكم يالناس زعلت منكم
بنت الاجواد
23-11-2011, 11:01 AM
الله يكفينا شر عقوق الوالدين اللي مهما سوينا ماراح نلحق جزاهم

وبارك الله فيج وفي كل من اهتم بوالديه
missperfect
23-11-2011, 11:02 AM
الله يكثر من امثالج ياااارب
Rider
23-11-2011, 11:18 AM
للاسف تحصل البعض ياتي بأمه او أبوه وتحس انه مغصوب انه جايبه
ترى بجي يوم عيالكم يسون فيكم نفس الشي
الحياة الخالدة
23-11-2011, 11:22 AM
لا يا حياتي مب انتـــــــي الغريبة و لا شي

بالعكس منظرهم مع الخدامة أو السايق هو اللي غريب

لكن شنسوي في زمن انقلبت فيه الموازين .. و انعكست الآية .. صار الصح غلط و مُستغرب منه .. و صار الغلط صح و معتادين عليه

كم يسوى لما تودين أمج أو أبوج حق مواعيدهم أو حق أي مشوار ثاني .. و مهما صادفتي من تعب يكون على قلبج مثل العســــــل

كم تسوى نظرة الرضا و الامتنان اللي تشوفينها بعيونهم .. مع انهم تعبوا علينا من صغرنا لحد ما كبرنا أضعاف مضاعفــــــــة

و كم تؤلم نظرة الضعف و الخيبة و الانكســـــار في عيون أمهات و آباء تخلى عنهم أبناؤهم و بناتهم لأي سبب كان .. و وكلوا أمرهم و أمر خدمتهم لخادم أو خادم مهما كانت درجة ولاءه لأصحاب البيت

الله يكثر من أمثالج .. و يثبتج .. و يحنن قلوب العيال على والدينهم .. و يرزقنا برهم أحياء و أموات .. و يرحمنا إذا صرنا إلى ما صاروا إليه من ضعف و احتياج
غرِيبهـ
23-11-2011, 11:23 AM
اذكر مرة كنت مودي الوالدة الطواري الفجر

وبعد ماخلصنا رحت اجيب الموتر واول ماطلعت الا اشوف عيوز الدريول منزلها والخدامة معاها وكان يوم ويكند

والله هالمنظر لين اليوم قدام عيون من سنين

عورت قلبي مسكينه يعني معقولة مافيه حد فاضي من عيالها او بناتها يجون معااها !!!

الله يعين بعض العجايز والشيبان على عيالهم الصراحة مأساه

جزاك الله خير اختي وبارك الله فيك :)
رحم الله واللديك شكرا لمرورك بوحارب واثراءك للموضوع


اختي ريحة الورد اولا انا رجال مب بنت :app:
مع الاسف مع مشاغل الدنياو التقصير في العبادات خلانا ننشغل عن اهلنا مع الاسف
اختي مب بس هالشي الي ابتدى بالانقراض حتى لو تلاحظي كلمه الحق و الخير بحق الغير صارت صعب تسمعينها اذا كان الكلام بغيبه تحصلين الكل يتكلم الي يعرف و الي ما يعرف بس تعالي و خل حد يمدح بشخص ثاني وبتحصلين كل الاصوات نزلت و هذا الشخص الوحيد الي يتكلم عن الشخص الثاني بالخير

الله المستعان و دااام انه للحين في المجتمع ناس مثلج انشاء الله بيتم المجتمع القطري الاسلامي مجتمع قوي و ما بيتغير منه شي
و قطر دووووم فوق باذن الله :victory:

اولا عذرا للخطا
وجزاك الله خير على التوضيح


يزاك الله خير
رحم الله واللديك

الله يرحمج يايمه

كانت اتقول الدنيا سلف من سوا سويله .

بر الوالدين اعضم شي في الدنيا وعلى ايامها حياتها الله يرحمها كنت اتصل حق كروه ايطرشولي سيارت الهاند كاب عشان اوديها الموعد في الويل جير وكانو يطالعوني بعد واكثر الي عيونهم علي كبار السن الي معاهم الخدم وسبحان الله اليوم وان جاي الدوام شفة السياره والسياق الي كان يجيني البيت عشان اوديها الموعد وسترجع المخ الذكريات الحلوه . الله يرحمج يالغاليه

مثل ماتبرون والديكم اعيالكم بيبرونكم .

والله يرحم جميع موتى المسلمين يارب العالمين

رحم الله الوالدة و غمد روحها الجنة
الله يرزقنا من يبرناا ياارب
دااانة قطر
23-11-2011, 11:23 AM
أنا أشهد مرة شفت وحدة بعيني في العيادات المسائية بمستشفى حمد الخارجية وبالصيدلية المرأة على كرسسي متحرك مراة كبييرة بالسنن أستغرب وين عيالها والخدامة بس وياااها ورحت ورجعت وفترة طوويلة والمرأة لحين قاعدة تنتظر الادوية قسمن بالله حرااااام وتعوور القلب يوم سألتها قالت مع الخدامة ويوم خذت الورقة وبطاقتها أسأل طلع الصيدلاني متأخر ولايدر شالسالفة ومايمشوون بالارقام وعطيتها واشكرتني جد جد لو الوحدذة متزوجة لو الابن متزوج بيتهم وعيالهم مب اهم من الام الام الام ثم الام والله اعلم بظروف الناس مانقدر نحكم بس مثل ماقالت اختي ريحة الورد للأسف صرنا نشوف مب مريضة ولاثنتين العدييييييد هل يعقل كلهم عندهم ظرووف والا الابنااء والبنات خللاص صارت مشاغل الدنيا اهم عندهم وكذلك الشيباب الكبار بالسن صرنا نشوف الشايب مع الدريول شيء يحزززن وشييء يعوور القلب الله يخلي لنا امهاتنا وامهات جميع المسلمين يااااارب ويعطينا الصحة والقوة عشان مايحتاجون لاحد ونقوووم بهمم يارب ومافي أغلى من الام وللاسف المنتشر في الآونة الأخير الابن لما يتزوج تلهيه زوجته عنا مه وهله لييش هل امك اهم والا زووجتك أيها الشاااب أمك طبعا اهم هذي امك اللي جابتك وربتك وكبرتك واتعبت عليك بيوم وليلة تجي تنساها والا تجي تسمع كلام زوجتك عشان اي مشكلة الرجل اللي يوقف مع زوجته ضد امه أنا اعتبره مب رجججججججججال وتأكدي أيتها الزوجة ان كنتي فرحانة بوقوف زوجج معاج ض اهله وامه تأكدي الفرح لن يدووم وزوجج لاتتفاخري به لان غير رججل ودام مافيه خير بامه اللي جابته نمابيكون فيه خير لج
وكمايقولون لاتخافي من رجل يحب (أمه ) فمن يقدر امرأة (خُلق في أحشائها لايؤذي امرأة (أسكنته قلبها)

موضوع العيااده أهون من انج تجوفينهم مع الخدم في الطوااري وحاالات حرجه
والشغااله اوالسايق يتصلون بالعياال واللي مايرد واللي يقول جااي جااي ولا نشوفهم

وهذا مايختلف عن وضع العيال اللي يروحون مداارسهم مع الدريوليه
يعني لهالدرجه الناس صاارت مشغووله؟؟!
غرِيبهـ
23-11-2011, 11:28 AM
:nice:

:nice:


وانا بعد شفت والكثير منا امثالهم بس ماله داعي نقول يمكن والكثير الدنيا عادها بخير

البر ولله الحمد موجود مهب فقط محصور بدزة كرسي

وصاحبة الموضوع اشدعوه ماغريب الا الشيطان البر موجود ويوصل اكثر من دزة كرسي تطمني انتي مهب حاله غريبه

الله يخلي لج الوالده

بس سؤال:

اشمعنه هم يمشون ويثنون عليهم ليش محد عطانا وي اهههههه خلاص ماحبكم يالناس زعلت منكم

تسلمين جزاك الله خير و الله يخليلك الوالده والوالد



الله يكفينا شر عقوق الوالدين اللي مهما سوينا ماراح نلحق جزاهم

وبارك الله فيج وفي كل من اهتم بوالديه

شكرا جزاك الله خير


للاسف تحصل البعض ياتي بأمه او أبوه وتحس انه مغصوب انه جايبه
ترى بجي يوم عيالكم يسون فيكم نفس الشي

الله يهديهم غصبن عليهم ويسخرهم لواللدينهم


الله يكثر من امثالج ياااارب

امين يااارب ويهدي الجميع
غرِيبهـ
23-11-2011, 11:32 AM
لا يا حياتي مب انتـــــــي الغريبة و لا شي

بالعكس منظرهم مع الخدامة أو السايق هو اللي غريب

لكن شنسوي في زمن انقلبت فيه الموازين .. و انعكست الآية .. صار الصح غلط و مُستغرب منه .. و صار الغلط صح و معتادين عليه

كم يسوى لما تودين أمج أو أبوج حق مواعيدهم أو حق أي مشوار ثاني .. و مهما صادفتي من تعب يكون على قلبج مثل العســــــل

كم تسوى نظرة الرضا و الامتنان اللي تشوفينها بعيونهم .. مع انهم تعبوا علينا من صغرنا لحد ما كبرنا أضعاف مضاعفــــــــة

و كم تؤلم نظرة الضعف و الخيبة و الانكســـــار في عيون أمهات و آباء تخلى عنهم أبناؤهم و بناتهم لأي سبب كان .. و وكلوا أمرهم و أمر خدمتهم لخادم أو خادم مهما كانت درجة ولاءه لأصحاب البيت

الله يكثر من أمثالج .. و يثبتج .. و يحنن قلوب العيال على والدينهم .. و يرزقنا برهم أحياء و أموات .. و يرحمنا إذا صرنا إلى ما صاروا إليه من ضعف و احتياج

وعليكم السلام و رحمة الله وبركاته

حياك الله الحياة الخالدة و تسلمين على هالرد الطيب

انقلاب الموازين هو السبب

وماكان مواعيد العيادة الا مثال

لان صادفني مرتين في احدى الهايبر ماركت

الحياة الخالدة يمكن الشياب يحبون يسولفون :weeping:
الحياة الخالدة
23-11-2011, 11:42 AM
وعليكم السلام و رحمة الله وبركاته

حياك الله الحياة الخالدة و تسلمين على هالرد الطيب

انقلاب الموازين هو السبب

وماكان مواعيد العيادة الا مثال

لان صادفني مرتين في احدى الهايبر ماركت

الحياة الخالدة يمكن الشياب يحبون يسولفون :weeping:


يا حلوهم و يا حلو سوالفهـــــــم

و لين بغوا يسولفون و في قلبهم شي .. محد حواليهم يفهم عليهم أو يهتم يسمعهم أصلاً .. إذا ما كان عندهم إلا الخدم :(

و الله ان ودي كل مرة أقعد اسولف مع الوالد يكون معاي جهاز تسجيل .. بس عشان ما أفقد شي من سوالفه ( الله يطول بعمره بالعمل الصالح ) .. و صج يكونون مستانسين لين لقوا حد يسمعهم و ياخذ و يعطي معاهم في الحجي

الله لا يحرمنا منهم
غرِيبهـ
23-11-2011, 12:31 PM
موضوع العيااده أهون من انج تجوفينهم مع الخدم في الطوااري وحاالات حرجه
والشغااله اوالسايق يتصلون بالعياال واللي مايرد واللي يقول جااي جااي ولا نشوفهم

وهذا مايختلف عن وضع العيال اللي يروحون مداارسهم مع الدريوليه
يعني لهالدرجه الناس صاارت مشغووله؟؟!
اولا شاكرة مداخلتك للموضوع .
مره في قسم الحالات العاجلة كنت وكان الصبح جات حالة مستعجلة شايب ومعاه ولده اول ماستقر الشايب على السريرقاله الولد انا بروح واذا خلصت اتصل كانه متعود على دخوله بس حتى ولو كيف يتركه قبل حد يجي يتابع حالته خاصة مستشفى حمد ان ماحصلو حد مع المريض نسوه
كسر خاطري
غرِيبهـ
23-11-2011, 12:35 PM
يا حلوهم و يا حلو سوالفهـــــــم

و لين بغوا يسولفون و في قلبهم شي .. محد حواليهم يفهم عليهم أو يهتم يسمعهم أصلاً .. إذا ما كان عندهم إلا الخدم :(

و الله ان ودي كل مرة أقعد اسولف مع الوالد يكون معاي جهاز تسجيل .. بس عشان ما أفقد شي من سوالفه ( الله يطول بعمره بالعمل الصالح ) .. و صج يكونون مستانسين لين لقوا حد يسمعهم و ياخذ و يعطي معاهم في الحجي

الله لا يحرمنا منهم
اااااآمين يااارب
الله يخليلك الوالد ويطول بعمرة ويرزقك بره ياارب

كلامهم حلو وسوالفهم كله عن اول
انا بنات خواتي صديقاتهم يستغربون كيف يقعدون مع جدتهم ويستفسرون عن شنهو تسولفون معاها
آلنـجــلآ
23-11-2011, 12:51 PM
حبيبتي مامي : (
بن مفتاح
23-11-2011, 10:28 PM
ارائنا .............

اختي اللي ما فيه خير لوالدينه ما فيه خير لحد .. هذيلا الوالدين اللي وصا عليهم الله من سابع سموات (( وقضى ربك الا تعبدوا الا اياه وبالوالدين احسانا )) من بعد عبادته الله وصانا بهم .. الله يرحم من مات من والدينا وعسى ان يكونوا ماتوا وهم راضيين عنا .. والله يقدرنا على بر من بقي منهم .. ولا يحرمنا واياكم دعاؤهم ورضاهم واجرهم ..


الله يحفظكِ اختي لهم .. ويحفظهم لكِ .. ولا يحرمكِ برهم ..
4ui
24-11-2011, 08:40 AM
الله يطول بعمر امي ولا يحوجها لاحد ,,, اميـــــــن

وجزاكي الله خير