مـطلوب نـصيحه قـآنونيه آتـجاه شـركه شـحن فـي قـطر ..

[awy4e]

السلام عليكم ورحمه الله وبركاته,,

ياخوان طلعت لي مشكله مع شركه شحن في قطر (شبه معروفه) كنت اتعامل معاهم اني اطلب اغراض من امريكا ويوصلونها بعد 10 او 15 يوم بالكثير ..

واخر مره طلبت لي مجموعه اغراض ووصلت كل الاغراض الا غرض واحد وهو عربه اطفال بـ 500 ريال وشوي وللحين الشيوخ مايدرون وينها!!

من شهر واكثر انا ناطر هالغرض واتصلهم كل يوم بس يقولون بنتصل بمكتبنا في امريكا وعشرين مره يقولون في شحنه جايه هاليومين بنشوف فيها اذا الغرض موجود ومافي شي يضيع!!! مادري شلون مافي شي يضيع وهم مايدرون وينه هههه!!

انا ماودي اعور راسي واروح اشتكي عليهم بس انا محتاج هالعربه عشان اقدر اطلع مع اهلي وانا مرتاح بس هم كرهوني فالطلعه بسبه هالسالفه والمشكله انهم مايعرفون مكانها بس موقعين على استلامها بامريكا واللي فامريكا يقول انا طرشتها الدوحه وللحين محد يدري وينها!!


في شحنه (على قولتهم) جايه هاليومين وبيجيكونها وبعدها قلت خلاص بروح اطالب بفلوسي بس بغيت اعرف منكم يالغاليين هل اقدر اشتكي عليهم او ارفع عليهم قضيه اذا شفت مافي فايده؟؟ وشلون الطريقه ووين المكان اللي اروح له لان الصراحه السالفه طالت وشمخت :anger2:


فـ آنتظار ردودكم الطيبه :)

[Rider]

انا خذني الفضول شنو هالعربة الي من غيرها ماتقدر تطلع مع اهلك وانا اسف بس شدني الموضوع

[وتبقى الدنيا حلوه]

اتوقع تتكلم عن واشنطن موفرز اذا ماخاب ضني لان مره صار لي موقف جي و هو ان الشحنه تأخرت

عموما اخوي اذا كنت ناوي تشتكي اول ترفع قضيه فأنت الخسران بتراكض سنين بالمحاكم و بتدفع اضعاف ثمن العربه

انصحك تروح لهم و تزفهم و تلعن خير خيرهم و تقولهم أن يعوضونك بنفس ثمن العربه و انصحك اذا ماتقدر تروح لهم كل يومين او3 عشان تلوع جبدهم اتصل لهم كل يوم عشان تطفشهم حياتهم

و كلم مسئول لان الموضع العادي مابيسوي شي

عموما بلغهم اذا تاخرت اسبوع زياده ترجعون لي ثمن العربه

وانتهى

[awy4e]

انا خذني الفضول شنو هالعربة الي من غيرها ماتقدر تطلع مع اهلك وانا اسف بس شدني الموضوع


ماله داعي تتأسف الشيخ, الله رزقنا بمولوده قبل شهرين الحمدلله, ومانقدر حتى نروح مجمع نتشرى اغراض البيت او نتمشى مكان لان مب معقوله اشيلها طوول الوقت بيكون تمرين قاسي الصراحه هههههه
وادري بتفكر وبتقول خلها عند الاهل بس انا ساكن فالدوحه واهلي فالخور ماقدر اطق خط نص ساعه رايح وراد عشان اروح اشتري اغراض!!

وانا الصراحه خذت اجازه بعد ماطلبت الجاري (عربه الاطفال) وحاط في بالي اطلع مع اهلي ونتمشى بس والله حدنا كله قاعدين فالسياره او نروح الصبح نتفطر ونرجع يعني ضيعو اجازتي (شهر) عالفاضي .. :(

نـورت يـآخـووي

[awy4e]

اتوقع تتكلم عن واشنطن موفرز اذا ماخاب ضني لان مره صار لي موقف جي و هو ان الشحنه تأخرت

عموما اخوي اذا كنت ناوي تشتكي اول ترفع قضيه فأنت الخسران بتراكض سنين بالمحاكم و بتدفع اضعاف ثمن العربه

انصحك تروح لهم و تزفهم و تلعن خير خيرهم و تقولهم أن يعوضونك بنفس ثمن العربه و انصحك اذا ماتقدر تروح لهم كل يومين او3 عشان تلوع جبدهم اتصل لهم كل يوم عشان تطفشهم حياتهم

و كلم مسئول لان الموضع العادي مابيسوي شي

عموما بلغهم اذا تاخرت اسبوع زياده ترجعون لي ثمن العربه

وانتهى


صـآدق يالغالي وانا قلت لهم اليوم اذا هالشحنه مافيها الغرض راح ترجعون الفلوس قالي لا ان شاء الله خير :anger2:

اخوي بس ماقلت لي رجعو فلوسك ولا الشحنه؟

والله المستعان :)

[jeep-srt8]

سوها فينا وراح علينا الغرض والفلوس كان جهاز وسعره 1400 ريال

[ابوالكلام]

السلام عليكم أنا اشوف اخوي انك تروح لهم وتكلم المسؤول هناك وتشرحه له الوضع أحسن لك اما انك تفكر في محاكم انت خسران وبتدفع فلوس اكثر من سعر العربانة والله أني مقدر وضعك صار لي نفس الشي من قبل والله يعينك عندنا الحق ضائع لازم صراخ

[awy4e]

سوها فينا وراح علينا الغرض والفلوس كان جهاز وسعره 1400 ريال


لا حول ولا قوه الا بالله!! شدعوه اخوي 1400 وساكت عنهم والله لو انا منك اشرشحهم ولا انا والله عادي كنت بروح اشتري جاري ثاني بس مايصير نسكت عنهم على ريالين ولا 500 ولا 1400!! و الله يعوضك خير يالغالي.

[awy4e]

السلام عليكم أنا اشوف اخوي انك تروح لهم وتكلم المسؤول هناك وتشرحه له الوضع أحسن لك اما انك تفكر في محاكم انت خسران وبتدفع فلوس اكثر من سعر العربانة والله أني مقدر وضعك صار لي نفس الشي من قبل والله يعينك عندنا الحق ضائع لازم صراخ

وعليكم السلام ورحمه الله وبركاته

انا قلت مافي الا جي اخوي وماكنت ادري هالسالفه صاير معاهم اكثر من مره دايما يقولي مافي شي يضيع عندنا قلت يمكن تتاخر شوي بس اللحين تأكدت انها ضايعه! وصدقت مالنا الا الصراخ والضغط

انا كنت فاتح حساب في ارامكس قبل ماطلب الاغراض بس بالغلط اخترت عنوانهم النحس بدل ارامكس :(

قضاء وقدر والحمدلله على كل حال وانا على يقين انها خيره من رب العالمين لاني طالب اغراض وايد عن طريقهم وفوقهم كمبيوتر سعره قريب ال 6000 ريال ووصلو بدون مشاكل بس الحمدلله واثق ان هالسالفه ماصارت الا خيره لي ولاهلي وبنتي.

[ابوالكلام]

وعليكم السلام ورحمه الله وبركاته

انا قلت مافي الا جي اخوي وماكنت ادري هالسالفه صاير معاهم اكثر من مره دايما يقولي مافي شي يضيع عندنا قلت يمكن تتاخر شوي بس اللحين تأكدت انها ضايعه! وصدقت مالنا الا الصراخ والضغط

انا كنت فاتح حساب في ارامكس قبل ماطلب الاغراض بس بالغلط اخترت عنوانهم النحس بدل ارامكس :(

قضاء وقدر والحمدلله على كل حال وانا على يقين انها خيره من رب العالمين لاني طالب اغراض وايد عن طريقهم وفوقهم كمبيوتر سعره قريب ال 6000 ريال ووصلو بدون مشاكل بس الحمدلله واثق ان هالسالفه ماصارت الا خيره لي ولاهلي وبنتي.

خلك على ارامكس أحسن لك عن تجربة

[جـاد]

راجع عقد الشحن اذا في عليهم اي غرامات للتاخير او الفقدان . بعدين من حقك ترفع عليهم دعوى تطلب التعويض عن قيمة العربانة والتعويض عن اي ضرر يلحق بك, والناقل ملزم بتوصيل الغرض سليم وفي الوقت المحدد والتاخير والفقدان هو مسئول عنه وعليك الاسراع في الدعوى

[وتبقى الدنيا حلوه]

صرت اتصل لهم كل يوم و ازعجهم لين جابوها لي خخخخخخخخ

تخصص ازعاج

اخوي كان خذتها من قطر ابرك لك

[awy4e]

راجع عقد الشحن اذا في عليهم اي غرامات للتاخير او الفقدان . بعدين من حقك ترفع عليهم دعوى تطلب التعويض عن قيمة العربانة والتعويض عن اي ضرر يلحق بك, والناقل ملزم بتوصيل الغرض سليم وفي الوقت المحدد والتاخير والفقدان هو مسئول عنه وعليك الاسراع في الدعوى

مشكور عالنصيحه عزيزي بس انا من فتره طويله فاتح معاهم البريد وماذكر اذا وقعت على عقد او اي شي من هذا القبيل والكلام اللي قلته صحيح وعالعين والراس واذا ماستلمت العربه على الاسبوع الجاي ان شاء الله راح اطلع العربه او سعرها من عينهم بالقوه او اذا مافاد اتوكل على الله وارفع عليهم قضيه.

نورت الموضوع اخوي الغالي..

[awy4e]

صرت اتصل لهم كل يوم و ازعجهم لين جابوها لي خخخخخخخخ

تخصص ازعاج

اخوي كان خذتها من قطر ابرك لك


الحمدلله يعني في امل احصلها لان الصراحه عاجبتني ومالقيت نفسها فالدوحه ونفس السعر.. اللي ابيها تكون على جدام يعني البنت تكون مقابلتني اريح لي احط عيني عليها.