قائمه الجهات الحكوميه والخاصه التي وظفت مواطنين

[Best Man]

الرايه تنشر قائمه الجهات الحكوميه والخاصه التي وظفت مواطنين

الداخليه وقطر للبترول الاكثر "تقطيرا" خلال اربع سنوات


السؤال الحين : وين باقي الدوائر الحكوميه والجهات الخاصه من التقطير ؟؟

[alawi23]

البقيه قاعدين يفنشون القطرين هههههههههههه

[تحداني]

البقيه يبحثون عن كفاءات خارقه .. كل ما وجدوا في المتقدم لوظائفهم الكثير من الامتيازات
ضيقوا عليهم بشروط وكفاءات اخرى .. لكن رب العالمين راح يفتحها على الجميع بإذن الله
والارزاق بيد الرحمن


جملكم الله برضاه

[Class]

أتوقع فيه جهتين أكثر توظيفاً من - الداخلية وقطر للبترول -

ألا وهما - الجزيرة والديار القطرية - !!! ← لحد يصدق بس

[للصبر اخر]

البقيه قاعدين يفنشون القطرين هههههههههههه

هم مايفنشون لاتظظلمهم
هم يخنقون القطري عشان يفنش
هع
هع
ننتظر باقي الارقام للتقطيير
وفوق اصعدددددددددددددي

[Best Man]

البقيه قاعدين يفنشون القطرين هههههههههههه





أتوقع فيه جهتين أكثر توظيفاً من - الداخلية وقطر للبترول -

ألا وهما - الجزيرة والديار القطرية - !!! ← لحد يصدق بس





هم مايفنشون لاتظظلمهم
هم يخنقون القطري عشان يفنش
هع
هع
ننتظر باقي الارقام للتقطيير
وفوق اصعدددددددددددددي



فاقدين الامل بالتقطير شكلكم..

بس ماتنلامون

[AL.SHMOKH]

الله المستعان

[أين الحل ؟]

سابقا نقول المسؤولين الغير قطريين هم السبب في عدم التقطير ولكن في الحقيقة والواقع المسؤولين القطرين هم السبب الأول في عدم التقطير وهم أخطر من المسؤولين الغير قطريين وذلك بعد حصول المواطن القطري على منصب كبير يصيبه مثل ما أصاب الأخ العقيد من تجبر والجاه ويبدأ يخمن ابراحته هذا يصلح وذلك لا يصلح وهذا نعرف أبوه وولد عمه وهذا من قبيلة الشيخ مناحي لازم يتعين وهذا ما يعجبني شكله .
دون النظر الى الخبرات والشهادة .
وهنا أنصح المسؤولين القطرين بعدم التهاون وتشريد المواظف القطري حتى لوكان لا يفهم شىء في العمل انت بادر وطور من قدراته وكثف دوراته حتى يتساير مع مجريات العمل ولا تكون هناك حجه فمهما كان هو أبن الوطن ولا يقوم وينهض الوطن الى بسواعده حسب ما قال سيدي سمو الأمير حفظه الله ورعاه .

يعني العملية صارت من جهتين مثل الشامبو اثنين في واحد

[ودي أكون]

البقيه قاعدين يفنشون القطرين هههههههههههه

هههههه لا حول ولا قوة الا بالله

[أم حمد]

البقيه يبحثون عن كفاءات خارقه .. كل ما وجدوا في المتقدم لوظائفهم الكثير من الامتيازات
ضيقوا عليهم بشروط وكفاءات اخرى .. لكن رب العالمين راح يفتحها على الجميع بإذن الله
والارزاق بيد الرحمن


جملكم الله برضاه


اعرف ثنتين كفاءات لين الحين يدورون وظائف !

خبره فوق 9 سنوات + دورات + تميز فالعمل + وحده منهم عندها ماجستير

[أم حمد]

انا مع التقطير وبقوه

خصوصا الوظائف الادارية

ارجوا ان تكون هناك لجنه شغلتها متابعة التقطير في كل المؤسسات والجهات الحكوميه والشبه حكوميه والخاصه

وكل جهه ترسل كشوفات دوريه بموظفينها للجنه + عدد التقطير + الاجراءات المتخذه للتقطير والمده !

[عازف العود]

بصراحه من غير لف ودوران الاجنبي يتحكم في القطري في شغله ويحكه وعنده التقييم ويتحكم باجازه القطري ويقعد له على الوحده والنص والله قهر عمري ماشفت بلد تحط الاجنبي مدير على اهل البلد حمدلله والشكر والله زمن يجيك الاجنبي من بلاده مجرم خريج سجون والله قهر زمن وصخ الشرهه مب على الاجنبي الشرهه على اللي حط الاجنبي وعطاه صلاحيات وهو مب كفو صلاحيه كيما

[Best Man]

اعرف ثنتين كفاءات لين الحين يدورون وظائف !

خبره فوق 9 سنوات + دورات + تميز فالعمل + وحده منهم عندها ماجستير

هذه الطامه الكبرى

[ابو محمد7]

بصراحه من غير لف ودوران الاجنبي يتحكم في القطري في شغله ويحكه وعنده التقييم ويتحكم باجازه القطري ويقعد له على الوحده والنص والله قهر عمري ماشفت بلد تحط الاجنبي مدير على اهل البلد حمدلله والشكر والله زمن يجيك الاجنبي من بلاده مجرم خريج سجون والله قهر زمن وصخ الشرهه مب على الاجنبي الشرهه على اللي حط الاجنبي وعطاه صلاحيات وهو مب كفو صلاحيه كيما

والله ياخوي تبي الصراحة ومن تجربة احيانا الاجنبي يكون عادل وارحم من القطري !!!

انا اشتغلت تحت مسؤول قطري وكان متسبب وينتظر الزلة وتقييمه ظالم

واشتغلت ايضا تحت مسؤول اجنبي كان وايد زين معاي لكن مسؤوله القطري يعني اللي فوقه كان يوقف لي في كل شي اذ الاجنبي يبي يرقيني القطري يرفض ولما الاجنبي يعطيني تقييم يقوم القطري ينزل تقييمي بدون حق وبدون مايعرف اي شي عن شغلي !!!

اللي ابي اقوله الامانة والعدل مالها علاقة بقطري او غير قطر كل مكان فيه الزين والشين انا تضررت من القطريين اكثر من الاجانب وصراحة يحز بالخاطر يوم تشوف ولد بلادك يحاربك اما الاجنبي ماتلومه تقول اجنبي مابينك وبينه شي

والحمدلله على كل حال

[qataria]

برنامج التقطير يعني توظيف القطريين كل حسب تخصصه وشهادته و تزويدهم بالكورسات المطلوبه و تعليمهم واعطاءهم الخبره المطلوبه علشان يمسكون اماكن اعلى .
بس للاسف اغلب المؤسسات فاهمه التقطير على انه توظيف القطري وبس. يعني لا تطوير ولا تشجيع ولا حتى خبره. بس اسم وظفنا قطرين علشان اخر السنه يطلعون في الجرايد وياخذون شهاداات تقدير. والمفروض كل مؤسسة/ وزارة او شركة يعلنون عن عدد القطرين اللي تم توظيفهم والقطرين اللي استقالوا، ولا شالفايده موظفين الف والف يستقيلون.

المفروض في لجنه متخصصه تكون تابعه للديوان، تراقب هالموضوع، عدد القطرين اللي تم توظيفهم بالمقاارنه مع عدد القطرين اللي استقالوا ، و يسون استبيانات للقطرين اذا ماخذين حقوقهم ولا لا و استبيانات للناس اللي استقالت وليش استقالت وتكون هالاستبيانات سرية بين الموظف واللجنه، ويشوفون عدد القطريين اللي ترقوا واللي خذوا مناصب اعلى، يمتحنونهم و يتاكدون من كفاءتهم.