اعلان عن تغيير لوحات السيارات [الأرشيف] - منتديات شبكة الأسهم القطرية

مشاهدة النسخة كاملة : اعلان عن تغيير لوحات السيارات

milan

23-11-2011, 01:05 PM

اعلان من وزارة الداخليه بتغيير لوحات السيارات

تعلن إدارة المـرور بأنه تقرر تغيير لوحات السيارات القطرية وصرف لوحات جديدة تتوفر فيها أحدث المواصفات العالمية وفق ما يلي:

يتم صرف اللوحات الجديدة للسيارة المرخصة حديثا عند طلب الحصول على رخصة السير.
يتم صرف اللوحات الجديدة للسيارات القديمة عند طلب تجديد رخصة السير.
وبذلك يتم الإنتهاء من إستبدال اللوحات خلال عام من تاريخه.

http://www.moi.gov.qa/site/arabic/news/2011/11/23/24513.html

GULFSUN

23-11-2011, 01:07 PM

شكرا على الخبر :)

حمد بن سعد

23-11-2011, 01:08 PM

من منتى يعني ان استمارت سياتري بتنتهي اخر 11 قولي خلني اصبر عشان مره وحده اركب النمره اليديده

وجه السعد 2

23-11-2011, 01:09 PM

و طبعا تركيب اللوحات الجديدة كلها في مرور مدينة خليفة .. يعني الله يعيننا على الزحمة و الفوضى

درع الوطن

23-11-2011, 01:10 PM

اعلان من وزارة الداخليه بتغيير لوحات السيارات

تعلن إدارة المـرور بأنه تقرر تغيير لوحات السيارات القطرية وصرف لوحات جديدة تتوفر فيها أحدث المواصفات العالمية وفق ما يلي:

يتم صرف اللوحات الجديدة للسيارة المرخصة حديثا عند طلب الحصول على رخصة السير.
يتم صرف اللوحات الجديدة للسيارات القديمة عند طلب تجديد رخصة السير.
وبذلك يتم الإنتهاء من إستبدال اللوحات خلال عام من تاريخه.

وشنهي هالمواصفات ياترى؟ ... :con2:

بوحارب

23-11-2011, 01:12 PM

حلو الكلام

حمد بن سعد

23-11-2011, 01:14 PM

توني متصلهم قالو مافي شي للحين ماجا امر من الوزير ...

A l i

23-11-2011, 01:18 PM

من متى نسمع عن هالسالفه ولا شفنا شي

كبير المتداولين

23-11-2011, 01:45 PM

اشوى اني توي مجدد سيارتي

فتكيت من اللوحه الجديده اقل شي سنه

barod

23-11-2011, 01:53 PM

المواصفات العالميه يمكن الشريحه الي سمعنا انهم بيركبونها

أسير الاسهم

23-11-2011, 01:58 PM

حمدلله المواتر توني مجددها .. فك عمرك بس

مستثمر 999

23-11-2011, 02:17 PM

شكرا على الخبر

بو الجوري

23-11-2011, 02:23 PM

تسلـم أخوي :..

يعني فهمت من التعميم إنه لـو أجدد إستمارة موتري اليوم بيركبون اللوحه الجديده !

الحال مايساعد

23-11-2011, 02:32 PM

إنزين نبي نشوف الشكل الجديد!!! حد عنده صورة؟

fhd4

23-11-2011, 02:33 PM

تسلـم أخوي :..

يعني فهمت من التعميم إنه لـو أجدد إستمارة موتري اليوم بيركبون اللوحه الجديده !

هذا اللي فهمته بعد ... يعني المفروض نشوف اللوحة الجديدة في الشوارع هاليومين ...

ابن عجلان

23-11-2011, 06:24 PM

نزلوا المرور اليوم انه تم تغير شكل لوحات السيارات
ياريت حد يفيدنا بالموضوع الشكل اذا موجود

AHLAM222

23-11-2011, 07:02 PM

http://www8.0zz0.com/2011/10/03/08/844188842.jpg

انان مو متأكده بس سويت بحث وطلعت لي هالصورة يا ترى هذي اهي صحيح ؟

تحداني

23-11-2011, 07:04 PM

لو المرور عندنا يلقون نظره سريعه على اللوحات " الاماراتيه "
عندهم اشكال وايد حلوه وحجم الخط عندهم وايد مميز ..

يمكن اخونا جاجاسم يفيدنا
فأين انت اخي الفاضل عن هذا الخبر ؟؟

جملكم الله برضاه

السندان

23-11-2011, 09:24 PM

موضوع اللوحات = بيض الصعـو

حليتان*

23-11-2011, 09:33 PM

فحــــــــــــــــــــت

نيساني

23-11-2011, 09:34 PM

ياخبر اليوم بفلوس بكره ببلاش

وجاري الانتظار ......

وشكراً

asasasss

23-11-2011, 11:13 PM

لافاده الموضوع يرجى من أي مشارك يحط لنا صوره حقيقيه للوحه الجديده مركبه على سياره

فتى الجود

23-11-2011, 11:17 PM

السلام عليكم

تسلم يالذيب

على الخبر

نجم سهيل

24-11-2011, 01:26 AM

السلام عليكم

ان شالله يغيرون أرقام البياكم الخضرة

على قولة الربع فالامارات جنها ارقام تكاسي بوظبي

القحطاني505

24-11-2011, 03:29 AM

حلو خلنا نبدل

سيارتي لها شهرين مطوفة

كيف شكل اللوحات الجديدة ؟

رجل الجزيرة

24-11-2011, 05:36 AM

http://al-sharq.com/articles/images/thumb/9711327_p.jpg

اسعاف

24-11-2011, 05:55 AM

المفروض يتم تغيير الأرقام مجانا

كفى استنزافا لموارد المواطنين

بعض ارقام سياراتنا نبدلها عند كل فحص وعلى حسابنا

رغم ان اللوحة والوانها غير متقنة ولا مطابقة للمواصفات العالمية

مما سبب خسارة لدى كل سواق المركبات

خاصة ممكن يكثر السفر برا

اشرايكم ؟؟

Qatari 1980

24-11-2011, 07:09 AM

http://www.al-sharq.com/articles/images/preview/9711327_p.jpg

القحطاني505

24-11-2011, 07:45 AM

http://www.al-sharq.com/articles/images/preview/9711327_p.jpg

إذا هذي اللوحات الجديدة فعزّ الله أنها ماهي بزينة

يا زين شوفة الأرقام العربية في اللوحة

صندح

24-11-2011, 09:17 AM

الله يوفق التجار خخخخخخ
اللي يصرف اللوحات في المرور يقول ٥ اجهزه موجوده لصرف اللوحات الجديده بس ما جانا اي تعميم لصرفها

صندح

كازانوفا

24-11-2011, 09:48 AM

الرايــق

24-11-2011, 10:18 AM

التغيير من متى بالضبط ؟

كيلو حديد

24-11-2011, 10:24 AM

إذا هذي اللوحات الجديدة فعزّ الله أنها ماهي بزينة

يا زين شوفة الأرقام العربية في اللوحة

وهالأرقام الي قدامك بالصوره أرقام عربيه ،
الأرقام الي تقول عنها عربيه ارقام هنديه .

والواجب نرجع للأرقام العربيه والي حطوها علماء المسلمين القدماء الافذاذ .

ماسة قطر

24-11-2011, 10:29 AM

إذا هذي اللوحات الجديدة فعزّ الله أنها ماهي بزينة

يا زين شوفة الأرقام العربية في اللوحة

مرحبا أخوي القحطاني

على حسب علمي ان هاذي هي الأرقام العربية والأرقام المستخدمة حاليا هي الأرقام الهندية

تحياتي

Best Man

24-11-2011, 10:29 AM

:telephone:

أخت التفاؤل

24-11-2011, 10:35 AM

شفت نفس اللوحه اللي يكون العنابي على جنب مب فوق
قبل كم يوم في الشارع .. وقلت بدو بحطون الأرقام ؟؟
وتميت ادور على اي سيارات ثانية فيها اللوحه بس ما حصلت

حراير قطر

24-11-2011, 10:36 AM

موجود مقترح اللوحات الجديدة في جريدة الراية صفحة 12

http://www.raya.com/mritems/streams/2011/11/24/2_606119_1_212.pdf

حراير قطر

24-11-2011, 10:37 AM

PGR

24-11-2011, 11:16 AM

من زمان اصلا ذكروا المرور انه الاستبدال راح يكون مجاني بدون اي فلس تدفعه ,,, بس الغريبه انه ليلحين الصوره الرسميه للوح ماحطوها ليش مادري ؟؟

كبير المتداولين

24-11-2011, 01:47 PM

حسب تصريحهم بالمجان لاصدار اللوحات الجديده لتسيير مركبه جديده يعني السياره الي اول مره اتسجل
والثانيه لتجديد رخصه السير يعني الي بيجدد ملكيه السياره

بوفاطمه

24-11-2011, 02:05 PM

بيض الله وجه وزارة الداخلية،وادارة المرور.
كل تأخيره فيها خيره يالغالي.

ماجد البدر

24-11-2011, 02:09 PM

ان شاء الله شكلها حلو و اتمنى تكون الارقام كلها الي يسمونها الحين ارقام الانجليزية لانها هي الارقام العربية الاصليه و الي نستخدمها تراها هنديه
وتكون و اضحة وياريت يكون في اللوحة شعار واضح يميزها انها لوحة قطريه مثل شعار قطر او علم قطر

ياريت تكون مثل هذي

http://www13.0zz0.com/2010/09/13/07/863310133.jpg

http://www10.0zz0.com/2010/09/13/07/546533045.jpg

al-buainain

24-11-2011, 02:24 PM

وكان العميد محمد سعد الخرجي مدير
إدارة المرور قد أكد في حوار سابق أجرته
معه [ أن الإدارة انتهت من جميع
الإجراءات الخاصة بإصدار اللوحات الجديدة
مضيفا أن الاستبدال سوف يكون مجانيا.المصدر : http://www.raya.com/mritems/streams/2011/11/24/2_606119_1_212.pdf

جريدة الراية الصفحة رقم 12

فــلان

24-11-2011, 02:27 PM

وشنهي هالمواصفات ياترى؟ ... :con2:

يمكن كاربون فايبر و سوارڤسكي

أخت التفاؤل

24-11-2011, 02:32 PM

حبيت اللوحة السووده .. بس للأسف مب لنا =(

بـارود

24-11-2011, 06:05 PM

بـارود

24-11-2011, 07:29 PM

http://www7.0zz0.com/2011/11/24/16/365410149.png (http://www.0zz0.com)

منقول من - الفيس بوك -
بس ياترى هل هي اللوحة الجديدة نفسها ؟ لان الصور كثيرة عن شكل اللوحة الجديدة !

bu 3li

24-11-2011, 07:37 PM

والله اللوحه لكم عليها اشوي ..

لوحة الامارات والكويت تقريباً صارت بنفس النظام وحلوه وبسيطه
يقدرون يضيفون عليها طريقة العلم وتصير حلوه ..
او حتى مثل لوحة البحرين

بس شسالفة الشريحه ذي اللي الكل يتكلم عنها !!!؟؟؟

asulaiti

24-11-2011, 08:12 PM

تصميم اللوحة غير جيد ..

كأني مزينها عند محلات الزينة !!

يعني بدل الأسهم وشعار الدولة كان خلوها شريط عنابي بمساحة ربع ارتفاع اللوحة وعليها اسم قطر بالعربي وبالإنجليزي .. وبس .. بتكون رسمية أكثر ..

الحين اللي بيشوف سيارات هالقطر يظنها كلها سيارات حكومية بسبب الشعار الوسطي !!

فااارس قطر

24-11-2011, 09:41 PM

مستحيل تكون هاذي هي لوحه السيارات الجديدة ...

والدليل ...

آعلنت وزاره الدآخليه عن بدء العمل باللآئحة التنفيذيه لقآنون المروو آعتبآرا من الآمس ، موضحه ان اللائحة التنفيذيه تتضمن
شرحآ وتوضيح للآحكام المروريه وفقآ لقآنون المرور رقم 19 لسنه 2007 ..

وقآل العميد محمد سعد الخرجي مدير إداره المرور في مؤتمر صحفي (( ان الزيآده التي طرآت على التآمين هي في المستوى المتوسط لو قآرنها بقيمه
التآمين في دول مجلس التعآون ))
وبخصوص اللوحآت الجديده للسيآرات آوضح مدير إداره المرور ان المرحله القآدمه سوف تشهد استبدآل كآفة لوحآت المركبآت التي تنتهي صلآحيه ترخيصهآ ولفت إلى ان اداره المرور
قد شرعت بالفعل في اعداد
هذه اللوحآت بطرآزها الجديد الذي رآعينا فيه ان تكون لوحآت السيآرات الخصوصي
قآعدتها بيضآء والارقآم سودآء بينما يوجد من جهة اليسآر منها اللون العنآبي
لون علم دولة قطر كمآ أن الارقآم سوف كمآ ان الارقآم سوف تتم كتآبتها
باللغه الانجليزيه ..

جريدة الشرق .. ؛

ارجو من جريدة الشرق تحري الدقه قبل وضع اي صورة .. والغريب في الامر ان جريدة الشرق نفسها منزله مقاله مدير المرور والذي ذكر ان العلم سيكون من جهة اليسار ....

اللوحه اتوقع هي نفسها اللي منزلتها الاخت احلام 222

صباح الخير ياجريدة الشرق ...

milan

25-11-2011, 01:27 PM

يوم الاحد القادم ستبدأ ادارة المرور بتركيب اللوحات الجديده

شكراً لكل من شارك في الموضوع

SASAS

25-11-2011, 03:43 PM

http://www.al-sharq.com/articles/images/preview/9711327_p.jpg

للأسف العلم فيه خطأ كبير
المفروض 9 أسهم
والموجود عاللوحة 12 سهم .......

أتمنى أنهم يتلاحقون عليه قبل ما المشكلة تتفاقم ..........

يحفظك ربي

26-11-2011, 12:55 AM

بخصوص بعض الردود عن الارقام العربية والهندية والمادري شنو
شفيكم كلتوا الريال .. ترى ماقال شي عدل كلامه الارقام انجليزية "هذا المتداول عليه"
واللي الكل والاغلبيه يسمونها جذي
وارقام اللوحات الحالية نسميها ارقام عربية
ياخي صج ناس فاضيه

عمووووما نتمنى ان مايكون هذا هو شكل اللوحات الجديدة
لان تصميمها نوعا ما كأنه لوحة فنية مزينة بدانتيل علم قطر
ان شاء الله يغيرونه
يازين اللوحة الحالية بالارقام "العربية" واذا مضايقهم ان مش مكتوب قطر بالانجليزي
وعلى قولتهم سببت لهم مشاكل عالمية
خل يضيفون كلمة قطر بالانجلش وانتهى الموضوع

وشكرا

مخطط قطري

26-11-2011, 01:04 AM

للأسف العلم فيه خطأ كبير
المفروض 9 أسهم
والموجود عاللوحة 12 سهم .......

أتمنى أنهم يتلاحقون عليه قبل ما المشكلة تتفاقم ..........
مش بس الاسهم حتى درجه اللون مش مطابق للمواصفات القطريه للعلم القطري
وحتى شعار الدوله بعد في اخطاء فادحه
وين اللجنه الي سوت هالعلم المفروض تحاسب
الا اذا الصوره شي والواقع شي ثاني يوم الاحد قريب وبنشوف

كازانوفا

26-11-2011, 08:26 AM

اعطونا الزبده التبديل مجاني والا بفلوس عشان نعرف نروح نتسلف ؟؟؟؟؟؟؟؟؟