سيكويا 2012 يسوى الإنتظار ؟؟ أو نتوكل على الله وناخذ 2011 ؟

[asulaiti]

إخواني ..

صار لي كم يوم وانا احوم في النت وفي الوكالة والمعارض هنا وفي السعودية والامارات ..

أنا ناوي إن شاء الله اشتري سيكويا للعائلة .. طبعاً مقطوع عند عبدالغني .. وحصلت كم سيارة في السعودية .. في الوكالة وفي المعارض ..

ولقيت في الإمارات نزل 2012 عندهم ..

وكالة عبدالغني قالوا لي أنهم راح ينزلون 2012 في فبراير تقريباً .. يعني الانتظار راح يكون طويل شوي ..

لكن سؤالي .. هل هناك تغيرات في المواصفات بالنسبة لموديل 2012 ؟

أو لا يوجد تغيير ؟؟

وهل تنصحوني اشتري من السعودية أم من الإمارات ؟؟
السعودية السيارة أرخص من الإمارات .. لكن بعض الشباب قالوا لي أن المواصفات السعودية ردئية !!
يعني مسجل عادي جداً .. ورنقات صينية أو جودتها ليست جيدة ... الخ

هل هذا الكلام صحيح ؟؟

مع إني بداية هذه السنة شفت السيكويا لميتد في وكالة عبداللطيف جميل بالخبر ..
ما حسيت انه في فرق بينها وبين المعروض عند عبدالغني .. هذا اللي حسيته ويمكن ما أقدر
ألتقط الفروقات بحكم أنني لم استخدم السيارة من قبل ..

بانتظار آرائكم ..

[كروشيه]

بالتوفيق


الا كم اسعارها في السعودية الـ 2010 و 2011

[asulaiti]

أنا سألت عن 2011 ..

SR5 حوالي 150 ألف ريال
Limited في حدود 180 ألف ريال

أتمنى من الإخوان الإفادة حول الفروقات بين 2012 و 2011 ..

[بوعلي2]

اذا ب ١٥٠ والله شي

مب الكروزر ٦ سلندر وصل مع ال٢٠٠ حسبي الله ونعم الوكيل

[asulaiti]

الـ ١٥٠ ألف هذا الستاندر .. انا ناوي إن شاء الله على كامل الزيادات ..

لكن سؤالي .. هل وارد السعودية مواصفاته أقل ؟؟ أو كمالياتها جودتها أقل ؟؟
لأن سعره أرخص من باقي دول الخليج بكثير ..

[asulaiti]

لا إله إلا الله ..

[SOUD.QA]

والله يالسليطي انا التويوتا اكس من زمان ولا تعاملت معاها مالي خلفيه بالموضوع بس اللهم ناحيه وحده بنصحك فيها إذا فكرت تبيعها راح تفرق معاك بالسعر لانها موديل 2011 و 2012 ما بقى عليه شي يعني قهر اشتري وبعدها بشهرين ينزل موديل السنه اللي بعدها

نصيحتي لك خذ نيسان الوالد شاريها ومرتاح فخامه من داخل وسيعه ومريحه للخطوط




والله يعطيك خير الموتر ويكفيك شره

:)

[asulaiti]

بارك الله فيك اخوي سعود ..

بس النيسان الجديد عندي اخوي .. والسيكويا باخليه للاهل .. وماحب يكون عندي سيارتين نفس الشي في البيت ..
تنوع السيارات أحلى ياخوك ..

بالنسبة لموضوع التويوتا .. انا تقريباً مثلك .. لكن ما اكتمل الاكس عندي .. يعني كخيار في السيارات موجود
لكن على الهامش ..

أنا قبل كنت أفكر بالسوبر أو اليوكن الطويل .. إلين شفت السيكويا في معرض عبدالغني .. وشفت الكراسي الخلفية
شلون تنطوي وتوفر مساحة .. والمساحة بين الكراسي الأمامية واللي وراء ممتازة كأنك راكب درجة أولى في الطيارة ..

يعني مواصفات كثيرة لو بتقارنها مع اليوكن أو السوبر .. في معظم النواحي ترجح كفة السيكويا ..
ولهذا قراري شبه نهائي بالنسبة للسيكويا .. وماعندي فرق اشتري من الدوحة أو خارج الدوحة ..
لو عبدالغني موفر السيارة الآن وبسعر مقارب للباقي الخليج .. راح اشتري من عنده على طول ..
لكن حسب كلامهم يقولون ما راح تنزل السيكويا إلا في شهر فبراير .. يعني انتظر أكثر من شهرين ..

وايد بالنسبة لي .. علشان هالموضوع قررت اشتري فور توفر الفئة اللي ابغيها سواء في السعودية أو الامارات ..

واعتقد أني أقدر افتح ملف ضمان عن عبدالغني مقابل مبلغ مالي .. ولا مافي هذه الخدمة ؟؟

[asulaiti]

لو شريت السيارة من السعودية أو الإمارات .. أقدر افتح ملف ضمان عن عبدالغني مقابل مبلغ مالي ؟

ولا مافي هذه الخدمة ؟؟

[الـراسي]

اليوكن وبس وخل عنك التويوتا

صار سعره اكثر من قيمته وما يستاهل

الامريكي قام ينافس الياباني

وانت بكيفك

[بولينجر]

المواصفات في السعودية اقل واقل جودة....

[ZURICH]

السكويا موتر حلو وسعرة معقول وطبعا هي سيارة عائلية

رحت للوكالة قبل شهر قالوا انتظر شهر الى شهر واحد

لان اللون الي بخاطري اسود فورويل دبل .. بعدها سألت عن السكويا في الرياض

السعر كان اقل بـ 7000 ريال والمواصفات تقريبا مثل مواصفات الدوحة .. النوع العادي

ثلاجة مكيف خلفي وفتحة ومثبت سرعة وحساسات .. كراسي مخمل ( الكراسي الي تتسفط فقط الجلد.. ليمتد )

بعدها قررت اني اخذة من الدوحة افضل لي .. موديل 2012 وضمان من الوكالة

وقيمة الضمان في الدوحة للسيارة الي باخذها من السعودية 5000 ريال .. مافي فرق

اكثر شي عجبني في السكويا لما جربت سواقتها قوتها الرهيبة مكينة وجير ياباني ( لكزس )

وحجمها اكبر من اليوكون بكثير من الداخل .. والفورويل هو المطلوب والافضل

[الزجاجي]

على فكره .. ال ٢٠١٢ نزل في للوكاله عدد بسيط

[asulaiti]

ما قصرتوا على الإفادة إخواني ..

أنا عن نفسي قررت آخذ من السعودية سيكويا ليمتد .. لأن مواصفات الوكيل هناك أفضل بكثير من مواصفات الدوحة ..

في السعودية آخذ سيكويا مع شاشة ملاحة وكاميرا خلفية + مشغل dvd في السقف بسعر أقل من الدوحة ..
حوالي 6000 ريال تقريباً .. بل أنه فعلياً الفرق يصبح أكثر بكثير لو أني طلبت هذه المواصفات من شركة عبدالغني !
أي أن الفرق قد يتجاوز 20.000 ريال !!


وقيمة الضمان في الدوحة للسيارة الي باخذها من السعودية 5000 ريال
لا اعتقد أنني بحاجة للضمان .. إلا إذا كان هذا المبلغ غير مرتبط بعداد كيلو محدد ... يمكن يكون له فائدة ..

[كازانوفا]

لا تستعجل على رزقك مش باقي شي على شهر 2 الايام صاااااااروخ فتح عين وغمض عين شهر 2 جى وعدى عليه الدهررر
لا تستعجل
موفق ان شالله