احس بظلم واحباط شديد.. !!

[غلا الدوحة]

السلام عليكم ورحمة الله وبركاته

اخوااني انا قطرية و صار لي سنة ونص من تخرجت تخصص ادارة اعمال وللحين ما توظفت على اني ما خليت مكان تقريبا ما قدمت فيه

صح فيه جهات اتصلوا وطلبوا السي في وجهات ثانية عملوا معاي مقابلة بس بعدين يختفوون وماحد يرد علي واذا واصلتهم يا أما يقولون مالج نصيب او خلاص وقفنا التوظيف

صحيح وزارة العمل ما قصروا معااي بس كل الجهات اللي يكلموني عن طريقهم بنووك غير اسلاميه وربوويه بحكم تخصصي

اما الجهات الباقيه فما القى رد او تجاوب منهم مب عارفة شالسبب !!

فترة سنة ونص مب شوويه واحس اذا تمييت على هالحال بيطوول الوقت اكثر وانا للحين ما توظفت

صاادني احباط وضييق والله

يا ليت اخواني اللي يقدر يفيدني او يسااعدني او على الاقل دعووة

ولكم جزيل الشكر

والله يوفقنا ويعينا وياكم

[المليونير الفقير]

بالتوفيق ان شاء الله والي اعرفه ان العاطلين في قطر0% طبعا هذي تصريح من مسؤول كبير

[شبح الصمت]

الله يوفقج يــارب ويرزقج بالوظيفة الي تناسبج

[Best Man]

الله يوفقج يــارب ويرزقج بالوظيفة الي تناسبج

اللهم امين

[راسي براسك]

أختي كثري من الدعاء والصلاة اخر الليل وصدقيني دعوه من قلب الأم تفتح مفاتيح السعاده كلها ,,

الله يوفقج يارب ويرزقج ويرزق جميع المسلمين والمسلمات ..

[حراير قطر]

عليج بالاستغفار

انا تميت 4 سنوات وعقبها اشتغلت

وخالتي 7 سنوات واشتغلت

يعني انتي احسن من غيرج

والله يوفقج ...

[ودي أكون]

مالومج حبيبتي .. بس تأكدي يالغاليه أن رزقج بيد الله ..

لو تكد كد الوحوش .. غير رزقك ماتحوش

أدعي الله وخاصه فالقيام .. واخلصي النيه لله أنج تبين تشتغلين مو لانج تبين اتسدين الفراغ اللي عندج بس او تبين تشترين اللي بخاطرج فيه وبس .. لا ..

اخلصي نيتج انج اتساعدين هلج وكل محتاج يمر عليج بحياتج .. وصدقيني والله العظيم راح اييج رزق من رب العالمين وانتي بمكانج ..


الله يوفقج حبيبتي ..

[بوعلي2]

الله يفتحها بويهج عاجلا وليس اجلا امين

[غلا الدوحة]

بالتوفيق ان شاء الله والي اعرفه ان العاطلين في قطر0% طبعا هذي تصريح من مسؤول كبير

عيل احنا شنطلع موظفين في الاحلام !!

تسلم اخووي ماقصرت

جزاك الله خير

[أم حمد]

الله يفرج عليك وعلى كل المسلمين

وتحصلين على وظيفه قريب يارب

[غلا الدوحة]

الله يوفقج يــارب ويرزقج بالوظيفة الي تناسبج

اامين

وجزاك الله خير

[غلا الدوحة]

اللهم امين

جزاك الله خير

[راسي براسك]

أختي هذا أعلان شفته قبل شوي بالشرق ,,

http://www.dohaup.com/up/2011-11-24/admin305158585.jpg (http://www.dohaup.com/)

[أسير الاسهم]

الله يكتب لج الخيـر ,, ويرزقج من أوسع ابوابه


قدمتي على الشركات الخاصة .. والمؤسسات .؟

قطر للبترول الشركات التابعة لها ؟

اللي اعرفه يبون ؟؟

[الديرة]

يا غلا الدوحة : اسمعي مني ترى موضوع الوظيفة نصيب يعني ممكن اتوظفين في احد الاماكن اللي قدمتي عليها وبعد فترة تشوفين النجوم في عز الظهر يعني يطلعلك مسئول ما يخاف الله ويغربلك ، هذه الامور خليها لرب العالمين فهو المدبر يعني اللي عليك سويه وانتظري ترى تدبير رب العالمين افضل من تدبير العبد ، يعني بكرة بتوظفين في وظيفة وبتحمدين الله على انك ذيك الجهات رفضت توظيفك .

[أسير الاسهم]

قولي ( اللهـم أرزقنـي من حيث لا أحتسب )

[غلا الدوحة]

أختي كثري من الدعاء والصلاة اخر الليل وصدقيني دعوه من قلب الأم تفتح مفاتيح السعاده كلها ,,

الله يوفقج يارب ويرزقج ويرزق جميع المسلمين والمسلمات ..

جزاك الله خير

[غلا الدوحة]

عليج بالاستغفار

انا تميت 4 سنوات وعقبها اشتغلت

وخالتي 7 سنوات واشتغلت

يعني انتي احسن من غيرج

والله يوفقج ...

لا حرااام وااايد :weeping:

تسلمين اختي :weeping:

[غلا الدوحة]

مالومج حبيبتي .. بس تأكدي يالغاليه أن رزقج بيد الله ..

لو تكد كد الوحوش .. غير رزقك ماتحوش

أدعي الله وخاصه فالقيام .. واخلصي النيه لله أنج تبين تشتغلين مو لانج تبين اتسدين الفراغ اللي عندج بس او تبين تشترين اللي بخاطرج فيه وبس .. لا ..

اخلصي نيتج انج اتساعدين هلج وكل محتاج يمر عليج بحياتج .. وصدقيني والله العظيم راح اييج رزق من رب العالمين وانتي بمكانج ..


الله يوفقج حبيبتي ..

ادعي والله واستغفر والله ان شااء الله يستجيب

جزاج الله خير اختي

[غلا الدوحة]

الله يفتحها بويهج عاجلا وليس اجلا امين

امين

جزاك الله خير

[غلا الدوحة]

أختي هذا أعلان شفته قبل شوي بالشرق ,,

http://www.dohaup.com/up/2011-11-24/admin305158585.jpg (http://www.dohaup.com/)

غير اسلامي وربوي :(

[حراير قطر]

لا حرااام وااايد :weeping:

تسلمين اختي :weeping:

الله يسلمج

قال الله تعالى (( وجعلنا الليل سباتا وجعلنا النهار معاشا ))

الله يذكر ام ريلي بالخير كانت دوم تنصحني

على قعدة الصبح واتقولي الرزق يتوزع الصبح

وكل مرة تذكر لي قصة صارت والله رزقهم

ومن يومها وانا اقعد الصبح والحمدلله الله رزقني وتوظفت ...

[غلا الدوحة]

الله يكتب لج الخيـر ,, ويرزقج من أوسع ابوابه


قدمتي على الشركات الخاصة .. والمؤسسات .؟

قطر للبترول الشركات التابعة لها ؟

اللي اعرفه يبون ؟؟

ايه قدمت عن طريق موقعهم ولو اني مب مقتنعه فيهم

جزاك الله خير

[غلا الدوحة]

يا غلا الدوحة : اسمعي مني ترى موضوع الوظيفة نصيب يعني ممكن اتوظفين في احد الاماكن اللي قدمتي عليها وبعد فترة تشوفين النجوم في عز الظهر يعني يطلعلك مسئول ما يخاف الله ويغربلك ، هذه الامور خليها لرب العالمين فهو المدبر يعني اللي عليك سويه وانتظري ترى تدبير رب العالمين افضل من تدبير العبد ، يعني بكرة بتوظفين في وظيفة وبتحمدين الله على انك ذيك الجهات رفضت توظيفك .

بس الوقت طااال

وانا تعبت نفسيا ليمتى يعني

ودي اقووم الصبح واداوم واشتغل واعطي حالي حال خلق الله

جزاك الله خير

[غلا الدوحة]

قولي ( اللهـم أرزقنـي من حيث لا أحتسب )

اللهـم أرزقنـي من حيث لا أحتسب

اللهـم أرزقنـي من حيث لا أحتسب

اللهـم أرزقنـي من حيث لا أحتسب



جزاك الله خير

[بوالبيض]

ادارة اعمال وش محصله ولا سنه ونص ليش زين معني الي اعرفه علي طول يوظفون القطريات
الله يعينج والله موفقه

[غلا الدوحة]

الله يسلمج

قال الله تعالى (( وجعلنا الليل سباتا وجعلنا النهار معاشا ))

الله يذكر ام ريلي بالخير كانت دوم تنصحني

على قعدة الصبح واتقولي الرزق يتوزع الصبح

وكل مرة تذكر لي قصة صارت والله رزقهم

ومن يومها وانا اقعد الصبح والحمدلله الله رزقني وتوظفت ...

صدق الله العظيم

تصدقين اختي انا دايما اقعد الصبح وماقدر انااام

الله يرزقني ان شااء الله مثل ما رزقج

تسلمين فديتج

[غلا الدوحة]

ادارة اعمال وش محصله ولا سنه ونص ليش زين معني الي اعرفه علي طول يوظفون القطريات
الله يعينج والله موفقه

ما ادري ليش :(

الله يعينا وياك

جزاك الله خير

[للصبر اخر]

انا اعرف وحده من اوئل الخريجين بدفعتها وماحصلت شغل
وقدمت في 30 مكان
ومحد رد عليها
الله يكون بالعون

[غلا الدوحة]

انا اعرف وحده من اوئل الخريجين بدفعتها وماحصلت شغل
وقدمت في 30 مكان
ومحد رد عليها
الله يكون بالعون

الله يعيين ان شاء الله

[مرتبش]

في موضوع كبير عن جهات العمل والتوظيف لاحد الاخوان (اسمه السعدي ) حاولت ابحث عنه ماحصلته( انتظار الستين ثانية دوخني ياليت ادارة المنتدى تشوف لها حل مع طريقة البحث).

لعله يكون مفيد لك ولباقي الاخوان والاخوات الباحثين عن وظائف

[غلا الدوحة]

في موضوع كبير عن جهات العمل والتوظيف لاحد الاخوان (اسمه السعدي ) حاولت ابحث عنه ماحصلته( انتظار الستين ثانية دوخني ياليت ادارة المنتدى تشوف لها حل مع طريقة البحث).

لعله يكون مفيد لك ولباقي الاخوان والاخوات الباحثين عن وظائف

ايه اعرفه الموضووع

صح جدا مفيد وانا بعد دورت عليه وما لقيته

جزاك الله خير اخوي

[طالب]

ممكن تفيدج هذا الموضوع اذا تبين تقدمين على اماكن ثانية

http://www.qatarshares.com/vb/showthread.php?t=405960

واكثري من الاستغفار والدعاء

والله يوفقج

[pinky-qtr]

اختي بدون واسطه انسي تتوظفين الا اذا صارت لج معجزه بطريقه ما ..

عندج شهاده او ما عندج شهاده هاي كلها حجج يحطونها عشان يعرقلون موضوع التوظيف ..

دوري لج واسطه وأكثري من الصدقه والله يرزقج الوظيفه الزينه

[غلا الدوحة]

ممكن تفيدج هذا الموضوع اذا تبين تقدمين على اماكن ثانية

http://www.qatarshares.com/vb/showthread.php?t=405960

واكثري من الاستغفار والدعاء

والله يوفقج

الايميلات عندي وموجووده في اي موقع

جزاك الله كل خير اخوي طالب

[وكر الذيب]

بعض المدارس المستقلة محتاجين مدرسات لمادة الادارة للمرحلة الثانوية انتي قدمي وان شاء الله راح يكلمونج على طول لانهم محتاجين انا اخبر مدرسة الايمان الثانوية محتاجين وراتب المدرسة جديدة تبدء من 24000

[عازف العود]

للعلم اكثر من 10 الالف قطريه وقطري يبحثون عن وظائف

واحب اختصر لج الموضوع اختي الكريمه وبكل صراحه عندج واسطه تشتغلين حتى من غير شهاده ماعندج واسطه لو عندج ماجستير بتظطرين تصبرين لين الله يرزقج والله يوفقج وتلقين شغل

[ام ناصر1]

التوظيف جزء منه حظ وجزء منه نصيب هالايام ....الله يوفقج وكثري من الدعاء بجوف الليل
ولاتاخذين وظيفة إلا بعد الاستخارة ...قدمتي بقطر فاونديشن أظنهم ياخذون التخصصات الإدارية

[ملاك]

الله يوفقج يا رب ويعطيج على قد نيتج

[المفترسه]

انا تخرجت شهر 7-2008 وتوظفت شهر 11-2008 بدون واسطه

الله يوفقج ويرزقج على قد نيتج قدمي في المطار وفي قطاع البترول والغاز

[pinky-qtr]

انا تخرجت شهر 7-2008 وتوظفت شهر 11-2008 بدون واسطه

الله يوفقج ويرزقج على قد نيتج

يمكن Sponsorship

[qataria]

انا تميت حول السنة بدون شغل هذا وانا عندي خبرة وتميت اطرش السيفي لكل الاماكن ما خليت حد الا البنوك الربوية ، وكل شوي اطرش حسيتهم تمللوا مني من كثر ماطرش السيفي ، وفي هالفترة كنت اخلص ماجستير، والكل كان يقولي بنكلمج فلان وعلان وانا اقول لا ، واسطتي ربي اذا الله بيعطيج شي ما حد يقدر يمنعه منج واذا الله مش كاتبلج حتى اكبر واسطة ما تقدر تساعدج، فليش اروح للمخلوق وعندي الخالق. والحمدالله قبل ماخلص امتحاناتي النهائية تموا يتصلون فيني من كل مكان والاشغال هلت علي من كل مكان، كل المطلوب مني اني اختار من بينهم. سبحان الله، لو اني اشتغلت من قبل ماكانوا احسبوا لي الماستر، وكانوا لعوزوني عليه.
ادعي الله و طرشي السيفي كل مكان و باستمرار و توكلي على الله واستفيدي من وقتج اخذي كورسات اذا تقدرين او اقري كتب، بس لا تضيعين وقتج وانتي تنطرين. لان الله ما اخر رزقج الا لخيره لج.

[غلا الدوحة]

اختي بدون واسطه انسي تتوظفين الا اذا صارت لج معجزه بطريقه ما ..

عندج شهاده او ما عندج شهاده هاي كلها حجج يحطونها عشان يعرقلون موضوع التوظيف ..

دوري لج واسطه وأكثري من الصدقه والله يرزقج الوظيفه الزينه

الله يعيين ان شااء الله ويسهل

تسلمين اختي

[غلا الدوحة]

بعض المدارس المستقلة محتاجين مدرسات لمادة الادارة للمرحلة الثانوية انتي قدمي وان شاء الله راح يكلمونج على طول لانهم محتاجين انا اخبر مدرسة الايمان الثانوية محتاجين وراتب المدرسة جديدة تبدء من 24000

اوول مره اسمع بمادة ادارة رااح اسئل ان شاء الله

بس انا سئلت عن وظاايف في الهيئة الادارية في المدارس ما فيه

تسلمين اختي

[غلا الدوحة]

تسلموون اخواني وخواتي على مروركم ودعواتكم ونصايحكم الطيبه

والله يوفقنا ويعيناا ويااكم

[ابوالكلام]

السلام عليكم أختي قدمي عن طريق النت عن طريق شركات التوظيف أحسن لك من الطريقة التقليدية وبالتوفيق

[بوفاطمه]

جعل ربي يوفقج اختي.
عليج بالاستغفار ،وقيام الليل.
اطلبي من الله وانتي ساجدة.
وتفألي خير يالغاليه.
قدمتي في الامانة العامة لمجلس الوزراء،ومعهد التنمية الادارية.
قدمي الاوراق عندهم اختي ،ورب العالمين راح يوفقج.

[المبرمج صلاح]

اكثري من الاستغفار وقيام الليل واجعلي الوالدة تدعيلك
وان شاء الله يوفقك

[الـقـاسـي]

بالتوفيق ان شالله اختي ,,
مادري ليش صارت الوظايف صعبه جدا هالايام ..

انا اخبر قدمت من كم سنه في جهة حكومية وتموا كل يوم يدقون لي تعال داوم وتعال سو مقابله ,, الظاهر الحين الوضع تغير ..

[غلا الدوحة]

قدمت عن طريق النت اكثر من مره وقدمت في الاماانة العامة بس معهد التنمية لا بس ان شاء الله راح اقدم


جزاكم الله خير اخواني ...

[ريتويت]

الصبر ثم الصبر ثم الصبر... اصبري اختي وصدقيني بتلاقين الخير.. مب فايجاد العمل وبس ترا فحياتج كلها

[غلا الدوحة]

جزاااكم الله كل خير على دعواتكم ونصائحكم الطيبة

وشكرا لكل اللي يبي يسااعدني ...

[AL-MAYSTRO]

كل تأخيره فيها خيره ان شاء الله

والصبر مفتاح الفرج والرزق عند رب العالمين

وموفقه ان شاء الله اختي