تشتكي -زوجوني طفلا يهملني ويلعب البلاي ستيشن ماذا افعل؟؟؟

[العـوا]

تشتكي -زوجوني طفلا يهملني ويلعب البلاي ستيشن ماذا افعل؟؟؟:anger2:

أنها فعلا مأساه:secret: رجل لا اقصد طفلا في صورة رجل يهمل زوجته ليلعب البلاي ستيشن ويتابع الرسوم المتحركه !!هل فعلا وصلنا الى هذة المرحله اتوقع حتى تفكيرة سيكون محدود جداا
ماذ تفعل الزوجه مع هذا الطفل ؟
ماهو الحل مع الجيل القادم ؟

قضية للنقاش ......

[كاروهات]

ما فيها شي
احسن من واحد يطلع من البيت ولا يرد الا اخر الليل

لا عاجبكم ذيه ولا ذيه

[الـقـاسـي]

تصدقين اعرف واحد نفس هالحاله وكنت افكر بوضعه اليوم ,,
متزوج هو
عنده فالغرفه بلاي ستيشن
فالصاله بلاي ستيشن
فالمجلس بلاي ستيشن
عنده هو لحاله فالبيت يمكن ست اجهزه بلاي ستيشن

مدمن على اللعب بشكل مب طبيعي

يايلعب بلاي ستيشن او ويانا في المجلس مادري متى يقعد مع مرته متى يوديها متى يجيبها شكله يعاملها على انها اخته مب مرته ,,

المشكله مايشتغل يعني بنقول مضغوط فالشغل قاعد عطالي بطالي وابوه يصرف عليه هو ومرته ,,

ترى الغلط احياننا يكون من بعض الاباء لاتزوج ولدك خصوصا هالجيل الا بعد عمر معين مب تضلمه وتزوجه وهو توه صغير مب قد المسئوليه او للحين توه يبي يتمشى ويسهر ويروح ويجي ..

ترى اللي عمره 19 و20 الحين مب نفس قبل بعضهم لين يوصل 23 و25 وهو للحين طفل في تفكيره في تصرفاته في افعاله

[البدع]

أنا نفس الشي

اعرف واحد عنده نفس المشكلة

حالة غريبة

[intesar]

مو حالة غريبة
الغريب هو في إصرار أولياء الأمور على تزويج أولادهم في سن مبكرة
برأيي وبهذا الزمان الزواج بعد الخامسة والعشرين هو الأصح لكلا الطرفين..
حتى يكون بالعقل ميزان ويقدرون يوزنون فيها الأمور بصح..

دمتم بود..

[Roo7MooT]

احقاقا للحق انا عمري 26 سنة ومدمن على البلاي ستيشن على الاقل ثلاث ساعات في اليوم

call of duty

للتنوبه تراني اعزب

[jassim_9]

الله يهديج اختي انا اقولك لعبي معاه لين مايتملل من العب

[القحطاني505]

والله من الفضاوة

كان قابل زوجته وشغله أبرك من اللعب

[جفى الجوارح]

يعني الحين العيب بس في الرجال ؟

مشكلت البنات ينظرون ان الرجال قدوة ويبونه يكون كامل لكن هم عادي يسوون كل شيء

انا اقول هالايام الوحده تدور الزوج (بالتفق) خل اتسايسه وتقنعه دامه ياهل على قولتها خل تتصرف وتتعامل معاه بالاسلوب الي يبيه عشان تكون مرتاحه معاه

[AL ZUBARAH]

عادي, من حقه يلعب على راحته و يستانس و لا تبغي يجابل ويه مرته 24 ساعه

[فيزيائية]

بما ان البنت ابتلشت بهالياهل...
مالها انها تنتظرة (يبلغ) و(يعقل)
ومع شوي صبر...واعطاءه شوية مسؤليات...وكثير من الدعاء
لعل وعسى ..

[ريتويت]

ابدا ما احترم الرجل الي عقله صغير..

مع الاسف عدد الرجال ( كرجال ) قليل

[الـقـاسـي]

احقاقا للحق انا عمري 26 سنة ومدمن على البلاي ستيشن على الاقل ثلاث ساعات في اليوم

call of duty

للتنوبه تراني اعزب

عاد هاللعبه اللي ماهظمتها مادري ليش هالادمان انا عندي اخوي يلعبها اقل شي فاليوم 15 ساعه بدون مبالغه ينام ويقوم يلعب ويرد ينام ..

[مريومة]

تكلمتوا عن الطفل الكبير.. وأعليه

وتركتو المجني عليها . . الزوجة. اللي إذا طلبت الطلاق قامت الدنيا عليها

وأبشركم. القرضاوي نصح أو بما معناه يستحب تزويج المجنون

بالله الزوجة سواء قطرية أو من أي جنسية. . شنو ذنبها؟

ياعوينها الحرمة عومة موكولة ومذمومة

والله المستعان
.

[Ussop]

فعلاً الرجل ملام عندنا يتعلق بالألعاب بدرجة كبيرة ، وهذه الظاهرة منتشرة وسوف تزداد لأن كثير من الجيل القادم يحمل هذه الهواية ... وصعب نلغيها من حياة الشخص ... لكن نقدر نقلل منها ...

ودائماً ما أقول ... إن المرأة الذكية بإمكانها أن تسير زوجها حسب ما تريد، لكن المشكلة إن أغلب الحريم فيهم جهل في كيفية التعامل واللعب على الرجل! العناد والعويل وندب الحظ عمره ما راح يجيب نتيجة بقدر مسايسة ومسايرة الزوج!

ومثل ما قال أخوي فوق، صج مب عاجبكم شيء، إذا كان بيتوتي قمتوا تتحندون! وإذا كان من النوع الي كله طالع مع ربعه هم ما راح يعجبكم... موت أحسن لك يالزوج!

[Charisma]

مثال غريب ..
الاهمال والاهتمام - يختلف من شخص لاخر ..

يعني الحين لو شفنا ريال متزوج يلعب بلاي ستيشن ساعه ولا ساعتين بنقول خلاص هامل مرته ؟
اللي يوزن الامور بشكل صح ويعطي كل ذي حقأ حقه .. ماعتقد بينلام لو قعد ساعه او ساعتين قدام البلاي ستيشن..

ملاحظه : انا بعد العب بلاي ستيشن واسجل ادماني مع الاخ فوق " Call of Duty " :p

[Riku3]

المشكلة ان الحريم ما يتقبلون ان للزوج حياة خاصه .. ويبون يكونون محور حياة الرجل 24 ساعه ..

وشفيها لو لعب الزوج شوي ورفه عن نفسه ساعة في اليوم ..

انا عن نفسي كنت العب بالساعات سابقاً بس بعد الزواج صرت العب متى ماحصلت فرصه مره او مرتين بالاسبوع وزوجتي ماعندها مشكلة لان مثل ماهي لها هوايات يمكن هذي هوايتي .. طبعاً مع الوقت وقدوم الابناء وقفت اللعب بنفسي لاني ماصرت احس بالمتعه كما بالسابق في اللعب وصارت في امور كثيرة تشغلني عن مثل هالامور ..

الي يحب شخص يتقبله بكل صفاته ويحاول يتأقلم معاه ومع الوقت بيتغيرون مع بعض.


ملاحظه : انا بعد العب بلاي ستيشن واسجل ادماني مع الاخ فوق " call of duty "
لاااغ .. لاااغ ..

:] .

[Charisma]

لاااغ .. لاااغ ..

:] .

هاي انتوا .. من تخسرون قلتوا لاق ..:nice:

[المفترسه]

خل تسايسه وتحاول تلفت انتباهه بحركات الدلع والانوثه
وتذكره بوقت الصلاه من لفتره لفتره وتدعيله يمكن يخف شوي
عالاقل قدام عينها احسن من اللي ينزلها بيت اهلها ويروح يخونها
الله يصلحه ويهديه

[حمد بن سعد]

ابرك من الحشيش والزنا والخمر ولصياعه

[المفترسه]

احب هاللعبه
Grand Theft Auto IV

[مريومة]

غريبة الردود ..

يوم البنت ما تعرف تطبخ .. جهزتوا لها الخيازرين والعسو

ماقلتوا الرجال يتحملها ويعينها لين اتعلم

اما البنت واجب انها تتحمل والا فيها عذاريب الدنيا وما تعرف السنع

واللي يقول ابرك من الحشيش والزنا

هم البنت اللي ما تعرف تطبخ او امور البيت ابرك من الصياعة في المجمعات

ولا كأن لهن مثل الذي عليهن بالمعروف

لا تكيلون بمكيالين .. ان الله لا يحب الظالمين

والله المستعان

[qatara]

تريدون مارد القمقم

ان جابلكم قلتو بوزه ببوزنا ما يطلع من البيت

ان طلع من البيت قلتو ما يقعد بالبيت

ان جلس بلبيت وتسلى له باي شي قلتو مجابل النت ولا البلاي ستيشن ومهملنا


للاسف اغلبكم

يبغون مارد القمقم يمشونه على كيفهم حتى في بيته

[armani**]

الحل انه تلعب معاه بلاي ستيشن وتهزمه اكثر من مره
و اذا على مشاهد التي في بعد تقعد معاه و تتابع و تعلق

و شوفي رده فعله بتنصدمين

[armani**]

يعني الحين العيب بس في الرجال ؟

مشكلت البنات ينظرون ان الرجال قدوة ويبونه يكون كامل لكن هم عادي يسوون كل شيء

انا اقول هالايام الوحده تدور الزوج (بالتفق) خل اتسايسه وتقنعه دامه ياهل على قولتها خل تتصرف وتتعامل معاه بالاسلوب الي يبيه عشان تكون مرتاحه معاه

اي بنت تتمنى تتزوج و تفتح بيت , بس البنت تدور رجااااااااااااااال مب ذكر , حتى في جواز السفر ينكتب ذكر مب رجاااااااااااااااااااااااااااال و هذا يعتمد عليك , لان الرجال اخلاق و مبدأ و فكر و اسلوب , اما الذكوووور يا كثررررررررررررهم .

[wadha-qa]

يا حيه منشغل بالبلاي ستيشن مب في شي يسود الوجه انصحوها تصبر و تحاول تغير روتينه الممل هذا بطلعات و سفرات و غيره مرده بيمل و يكره البلاي ستيشن مع الوقت ..

[وااااو]

خله يلعب ابرك من لصياعة برا لعبى انتى معه كل شي يحبه سوى مثله بتكسبينه اكثر واذا ماتبينه خليه لى بتزوجه انا :tease::discuss:الله وكبر عليكم يالحريم ماعرفنالكم وش تبون :sneaky:

[cavok]

موب احسن من التسكع في الشوارع والمولات

[ولد البدع]

البلايستيشن مب عيب اغلب مجالس الشباب و الكبار يلعبونه...... وبعدين وااايد مبالغه اشدعوه ..وليش ما تتكلمين عن البنات اللي 24 ساعه على البلاك بيري ...

[ريتويت]

البلايستيشن مب عيب اغلب مجالس الشباب و الكبار يلعبونه...... وبعدين وااايد مبالغه اشدعوه ..وليش ما تتكلمين عن البنات اللي 24 ساعه على البلاك بيري ...

اليوم كنت فاجتماع مهم وموظف( ذكر ) جالس جدامي .. والله يشهد على كلامي مارفع عينه على المحاضر وتم يشتغل على ذي الجهاز طوال الساعه ونص

[Hamada-Sama]

يمكن سوالفج ممله ... اتحشين في العالم وهو مب ناقصه مشاكل وقصص رفيجاتج (( اللي سوت هاي واللي راحت هناك واللي واللي .... ))

إذا تبين تكسبينه غيري معاملتج معاه ... شوفي وشو الشي اللي يحبه غير البلاي ستيشن و حاولي تبرزينه ...

نوعي له الأنشطه ... يعني مره تمشو... ومره روحو السينما ...

خليه يمارس رياضه معينه ... يعني مثلا خليه يروح الجيم وكل أسبوع ولا أسبوعين قولي له إنه جسمه تغير واطلعتله عضلات علشان يشتط ويكمل

خليه يلعب بلاي ستيشن وحددي له الأوقات ... (ترى الواحد يبي يطلع حرته في شي ... خليه يطلع حرته في اللعب أحسن ما يطلعها فيج )

وأخيرا وليس أخراً ... (إن كيدهن عظيم) ... يعني ماشاءالله عليكم يالحريم مايحتاج الواحد يعلمكم اشلون تكسبون الرجل (الزوج) فكرو شوي وابتلقون 100 طريقه

[بوحارب]

الصراحة بعض الشباب حرام فيهم الزواج

ياخذون بنت البنات ويقطونها على جنب ويكمل مراهقته وهو متزوج

ياخي عيل ليش متزوج ومطلع البنت من بيت ابوها وهي معززة مكرمة !!

[qatara]

البلايستيشن مب عيب اغلب مجالس الشباب و الكبار يلعبونه...... وبعدين وااايد مبالغه اشدعوه ..وليش ما تتكلمين عن البنات اللي 24 ساعه على البلاك بيري ...


شيسوون يعني بلبلاك بري

يدزون بردكاست احاديث لبعضهم
ولا
وكل وحده تنصح وتصبر رفيقتها
وتقول لصديقتها طاعتج لوالدينج
ولا لزوجج فيه اجر عظيم

كلها اعمال خير يعني


:spider:

[Locale]

الله يعينها عيشه ماتنطاق مع البزر هذا
تصبر وتوكل امرها لله


بل مب عيشه

[R 7 A L]

سلموا على راعية المشكلة وقولوا لها عندك اكثر من خيار والاختيار عليها فقط هي لانها حياتها


1- انها ترضى بالوضع
2- تكلمة واذا ماسمعها تروح لبيت اهلها
3- تلعب معه
4- تخلي احد من اهله يودية ويعلاجة اذا كانت ترى ان هذا ادمان

[الحياة الخالدة]

الصراحة بعض الشباب حرام فيهم الزواج

ياخذون بنت البنات ويقطونها على جنب ويكمل مراهقته وهو متزوج

ياخي عيل ليش متزوج ومطلع البنت من بيت ابوها وهي معززة مكرمة !!


بارك الله فيك :omen2:

[Best Man]

الله يعينها..بس المفروض تكلمه اذا مافي فايده تكلم اهلها ويتفاهمون معاه

مشكله اذا جاك واحد وتزوج وعقب اهمل زوجته وعلى باله بهالطريقه بيطلع ثقيل

تلقاه متعقد من كلمه "خروف" ويبي يثبت حق نفسه وحق ربعه انه ثقيل

[doha000]

جزاها الله خير ما قصرت مع زوجها- حتى في هذي تشتكي عليه

[qatara]

اي والله حتى وهو ما سوا شي تشكت عليه اي راحو الي يصبرون على الحلوه والمره ويكونون ستر وغطا

لا وشوف اردود البنات كلها تحريضيه روحي لبيت هلج وشوي وتزيد المشكله بين البنت وزوجها وطلاق بسبه بلاي ستيشن
والله صار الزواج لعبه بيد بعض الحريم حجج لها اول مالها اخر
يبه تصبري على زوجج وحبي ما يحب واكرهي ما يكره
فهو باب لكي من ابواب الجنه فهو لم يرتكب كبيره
والله يستر عليج وياه
ولا عليج من حجي بعضهم الي يدمرون ولايعمرون

[بوحارب]

اخوي كتارا اكثر حالات طلاق البنات بسبب البنات نفسهم

يعني لما تستشير رفيجتها اللي هي فوزية الدريع ههههه اكيد بتعطيها كلام فاضي واقتراح يودي ورى الشمس

وفي الأخير تاكلها المتزوجة مسكينة وتتبهدل في دنيتها !!

[ذيب ولد ذيب]

اذا هذي مشكلته فقط فهذي مشكله مش كبيره !!

بس انا خاطري اعرف وين لهم وقت يلعبون بلستيشن كل يوم ؟؟؟

عالعموم اذا هذه مشكلته الوحيده فتحمد ربها لان في ازواج عديمي مسؤوليه في ازواج اصحاب علاقات في ازواج في المجلس عن ربعه ومايرجع الا اخر الليل , في ازواج في اجازة الاسبوع في سيلين ومايعرفون عن اهلهم حاجه ,,في ازواج كله سفرات مع الشباب ونادرا مايسافر مع اهله ,,

يعني اذا هذه مشكلته تقدر تكسب (قلبه) وبعدها شوي شوي تقدر تغيره وتدخل نشاطات اخرى في حياته ,,

[حقيقه]

البلاستيشن هالوقت مب نفس قبل
الحين يشبكون الانترنت معاه ويسولفون بالمايك مع اللي يلعبون
صار مثل الشات فيه بنات وشباب يلعبون وسوالف مع بعض

اشوف اخواني المراهقين واسمعهم واهم يسولفون بالمايك

وياويل اللي يقرب منهم ويطلع صوته فالمايك هههههههههههههههههههههه

يعني الوضع صعب الصراحه مع هالمسكينه اللي متزوجه من طفل كبير

[Rashid554]

انا ملاحظ معظم المجالس فيها بلاستيشن الحين
وبعض الغرف فيها بلاستيشن
وبعض الصالات فيها بلاستيشن
وبعض المزارع والعزب فيها بلاستيشن
يعني الموضوع ما اعتقد له دعوه طفل او كبير
البلاستيشن الان فيه العاب +18 لما فيها من جرائم قتل وترهيب ورعب

هي مو مشكله طفل او رجل
هي مشكلة روتين اعتاد عليه الشخص نفسه طول عمره وصعب يغيره عشانه تزوج !

[cartier]

اتقول عن زوجها ياهل

تدرين هاذي شكايه انا لو مكانه رديتها بيت ابوها

[Rider]

للاسف اجيال ماتتحمل المسؤولية

[لاجل QT]

والله احسن لها من اللى يلعب برة البيت

ومو معناتة ان يحب هالشغلات ان طفل ,,بالعكس هذي تعتبر هوايات متعود عليها

الحل ان هي تتعلم لعب البلاي استيشن وتشوف اللى يحب يشوفة زوجها ..خلى مزاجج نفس مزاجة حبى اللى يحبة ..دام الله هداية وقاعد في البيت..

ترا بعد في حريم يجبون هالشغلات بعد

[هبوب الكوس]

[/size]

اليوم كنت فاجتماع مهم وموظف( ذكر ) جالس جدامي .. والله يشهد على كلامي مارفع عينه على المحاضر وتم يشتغل على ذي الجهاز طوال الساعه ونص


يمكن الجتماع مب عاجبه :(

[هبوب الكوس]

والله احسن لها من اللى يلعب برة البيت

ومو معناتة ان يحب هالشغلات ان طفل ,,بالعكس هذي تعتبر هوايات متعود عليها

الحل ان هي تتعلم لعب البلاي استيشن وتشوف اللى يحب يشوفة زوجها ..خلى مزاجج نفس مزاجة حبى اللى يحبة ..دام الله هداية وقاعد في البيت..

ترا بعد في حريم يجبون هالشغلات بعد

ماضني خاصه اذا كانت كوره مافي امل :nice:

[غايه الطواش]

اخوي الصغير توه شاري تلفزيون ب 7000 مادري ب 5000
ليش عشان البلاي ستيشن ...
وولد اخوي خير شر ماقمنا نشوفه بسبه البلاي ستيشن ...

[ريتويت]

يمكن الجتماع مب عاجبه :(

لو لجتماع مب عاجبه يطلع برا

[ريتويت]

بوحارب راجع كلامك المتناقض

[OM_OMAR_QATAR]

كل الامور تحتاج اتزان ...

[بوهلال]

يمكن لاوجه في المرقد ولا وجه في المقعد :nice: يمكن مقصوب:(
:sneaky:

[ع.م]

أحسن من غيره.. خل تحمد ربها وتتعايش مع الوضع.. ولاتركز وايد.


المهم هي تعتمد على نفسها وتعوض النقص اللي في حياتهم باللي تقدر عليه.. المسؤولية الكبرى على عاتقها في هالحالة.. لازم أحد الطرفين يتحمل إصلاح الوضع.. وفس هالحالة هي لأنها الأعقل في القصة المذكورة..

[intesar]

ليش ما تقعد وياه وتشاركه هوايته ومن خلال هالمشاركة وبالصبر تدخل معاه وتتكلم بأمور الحياة والمستقبل وشوي وشوي.. راح يتغير
يبيلها حكمة وصبر
دمتم بود..

[ROSE]

للي يقولون خل تشاركه ماظنتي بيخليها تشاركه لان اللعب بيكون مفتوح

بالمايك مع ربعه ،،

ولكن هذي مب سبب للشكوى الا اذا كان زوجها مدمن لعب وليل ونهار وهو مجابل

الشاشة ،، ويلعب واظن هالشي يكون صعب ،،

سبحان الله النفس البشرية مايعجبها شي ودائمة التشكي

انا اعرف نسوان اليوم يلعبون هالالعاب ،، سواء على شاشات التلفزيون

او شاشات الكمبيوتر :p ( الكلام لك ياللي هناك )

[لابس بشت]

الصراحة بعض الشباب حرام فيهم الزواج

ياخذون بنت البنات ويقطونها على جنب ويكمل مراهقته وهو متزوج

ياخي عيل ليش متزوج ومطلع البنت من بيت ابوها وهي معززة مكرمة !!
:nice::nice::nice::nice:

[امـ حمد]

الله يهديه ويصلحه

[بـــــــنت النوخـّــــذه]

اتبوس يدها عدله ومقلوبه ان هذي اهتمامات زوجها

ابرك من مايكون صايع ومن بلاد لي بلاد للهياته والسيجاره ماتطيح من يده00 او يشوف افلام شسمه وهالسوالف


تحمد ربها حمدا" كثيرا

يمكن السلبية الي صج فيه الاهمال بس اهمال ببراءه الاطفال ههه

غير ولكن ممكن تجذبه بعدة طرق لها دامه بهالعقلية الطفولية

على فكره انا شكبري ومدمنه رسوم متحركه ترى هالرسوم مالها سن وعمر للمشاهده

الله يصلح حالهم ^_^

[العـوا]

ما فيها شي
احسن من واحد يطلع من البيت ولا يرد الا اخر الليل

لا عاجبكم ذيه ولا ذيه
الفكره انه يهمل زوجته بس

[العـوا]

تصدقين اعرف واحد نفس هالحاله وكنت افكر بوضعه اليوم ,,
متزوج هو
عنده فالغرفه بلاي ستيشن
فالصاله بلاي ستيشن
فالمجلس بلاي ستيشن
عنده هو لحاله فالبيت يمكن ست اجهزه بلاي ستيشن

مدمن على اللعب بشكل مب طبيعي

يايلعب بلاي ستيشن او ويانا في المجلس مادري متى يقعد مع مرته متى يوديها متى يجيبها شكله يعاملها على انها اخته مب مرته ,,

المشكله مايشتغل يعني بنقول مضغوط فالشغل قاعد عطالي بطالي وابوه يصرف عليه هو ومرته ,,

ترى الغلط احياننا يكون من بعض الاباء لاتزوج ولدك خصوصا هالجيل الا بعد عمر معين مب تضلمه وتزوجه وهو توه صغير مب قد المسئوليه او للحين توه يبي يتمشى ويسهر ويروح ويجي ..

ترى اللي عمره 19 و20 الحين مب نفس قبل بعضهم لين يوصل 23 و25 وهو للحين طفل في تفكيره في تصرفاته في افعاله


أنا نفس الشي

اعرف واحد عنده نفس المشكلة

حالة غريبة


مو حالة غريبة
الغريب هو في إصرار أولياء الأمور على تزويج أولادهم في سن مبكرة
برأيي وبهذا الزمان الزواج بعد الخامسة والعشرين هو الأصح لكلا الطرفين..
حتى يكون بالعقل ميزان ويقدرون يوزنون فيها الأمور بصح..

دمتم بود..


احقاقا للحق انا عمري 26 سنة ومدمن على البلاي ستيشن على الاقل ثلاث ساعات في اليوم

call of duty

للتنوبه تراني اعزب


الله يهديج اختي انا اقولك لعبي معاه لين مايتملل من العب


والله من الفضاوة

كان قابل زوجته وشغله أبرك من اللعب


يعني الحين العيب بس في الرجال ؟

مشكلت البنات ينظرون ان الرجال قدوة ويبونه يكون كامل لكن هم عادي يسوون كل شيء

انا اقول هالايام الوحده تدور الزوج (بالتفق) خل اتسايسه وتقنعه دامه ياهل على قولتها خل تتصرف وتتعامل معاه بالاسلوب الي يبيه عشان تكون مرتاحه معاه


عادي, من حقه يلعب على راحته و يستانس و لا تبغي يجابل ويه مرته 24 ساعه

اظن مثا هنوعيه يكون مدلعينه من صغرة ولا يتحمل مسؤليه الزواج مجرد راي شخصي

[Locale]

يعني يااما يكون صايع ضايع
ولا تحمد ربها انه يلعب عالبلايستيشن
؟؟؟؟؟؟


صج ردود تضحك مافي يعني واحد مب صايع ومب متولع فالبلاي ستيشن
مادري الرياييل ينكن صاروا يتنصنفون على هالحالتين



الله يصبرها

[Rayane]

أوف...؟ شسالفه....؟

عندنا بلايستيشن في المجلس... ونلعب بالدور على كول اوف ديوتي... ولين خلصنا نلعب ورقه.....
هذا عقب طلعة فيلاجيو والسينما بعد ( لكن مب كل يوم يعني ) مصختها ياخي خخخخخخخخخـ
ولين رديت غرفتي يجي وقت البي بي وعقب الآي فون.... وفي وقت أقعد مع مرتي... وفي وقت الاعب عيالي...

مافيها شئ يعني... وبعدين أصلاً هي مهي بفاضيه طول اليوم... عيالها وغرفتها واشغالها... وعقب تبغي تقعد مع اهل البيت وتسولف....

ولا انتوا ما عندكم كذا في البيت...؟

[يحفظك ربي]

غريبة الردود ..

يوم البنت ما تعرف تطبخ .. جهزتوا لها الخيازرين والعسو

ماقلتوا الرجال يتحملها ويعينها لين اتعلم

اما البنت واجب انها تتحمل والا فيها عذاريب الدنيا وما تعرف السنع

واللي يقول ابرك من الحشيش والزنا

هم البنت اللي ما تعرف تطبخ او امور البيت ابرك من الصياعة في المجمعات

ولا كأن لهن مثل الذي عليهن بالمعروف

لا تكيلون بمكيالين .. ان الله لا يحب الظالمين

والله المستعان

عددددددل كلامج :nice:

صج بعض الردود "معاقة" نوعا ما :secret:

[عازف العود]

هذا طفل وليس رجل

[الجوكر90]

يعني يااما يكون صايع ضايع
ولا تحمد ربها انه يلعب عالبلايستيشن
؟؟؟؟؟؟


صج ردود تضحك مافي يعني واحد مب صايع ومب متولع فالبلاي ستيشن
مادري الرياييل ينكن صاروا يتنصنفون على هالحالتين



الله يصبرها

انا :)
اداوم
اطلع
العب ورقه
العب بلاي ستيشن
اسولف مع الربع
اتعبث فالتلفون
اقعد مع هلي
كل هاي ب10 ساعات
وباقي اليوم راقد :tease:

[alma3ani]

الصراحه مادري انلاقيها من الموضوع ولا من بعض الردود

سؤال بس هل الي يلعب العاب الفيديو يعتبر طفل بنظركم

اول مره اعرف هنظرية

للامانه انا مالعبت بلاي ستيشن من ايام الاعدادي يعني اكثر من 10 سنين بس مع ذالك ما احب اي تقيم على سلوك شخص ما احبه واخليه طفل

خلاص عيل الي يروحون للملاهي بعد اطفال الي يلعبون ورقه بعد اطفال الي يسون اي شي يرفه عن نفسهم بعد بنعتبرهم اطفال ومرضى لا ونبي انعالجهم بعد

واذا زوجها ابتعد عنها فاكيد في مشكله خل اتراجع نفسها وتصرفاتها وبعدها تحكم عليه

مع ا اشو ان مافي حل اذا هي تجراة وقالت عنه ياهل اشلون الغريب

مع الاسف البنات يتمنون الزواج ولا تزوجو وشافو عيب هلكبر شالو شلايلهم وراحو بيت ابوهم وحسبالهم بهلحركةالزوج بجيها يركض ويتبجبج يرجعها والله اعرف وحده سوت هشي من باب اتعرف غلاتها ومن باب تبيه بعد يهتم فيها اكثر مع انه مو مقصر عليها عازها ورازها اطلعت من دون موافقته وراحت بيت اهلها يومين وتبيه يراضيها ويوم قالها مثل ما رتي اتين ما عجبها الكلام وعندة اخر شي اوصلتها ورقتها

البنات حسبالهم ان الحياة الصجية مثل المسلسلات والافلام بتزعل اشوي بيها الزوج يركض يراضيها ويواسيها مايدرون مثلم ا هي عازه روحها ومثل ماطقتها زعل راحت لهلها بعد الريال عاز عمره ومهب قاعد على مزاجها

انا اشوف الحل ان هي اتفاهم وياه بلين اتحاول اتعرف الي بداخله واهم شي تحترم الاشياء الي يحبها مب تحتقرها بس لان هي ما اتحبها

واتمنى بس انخفف التدقيق على تصرفات الناس الا افلان بلمحاضره على البلاك بري الا هاي يلعب بلايستيشن

يعني مادري لين متى الانتقاد هذا وهم مومسوين شي غلط ول اغلطو باجر اشبتسون بتاكلونهم مثلا

الله يهدي الجميع

[لاجل QT]

ماضني خاصه اذا كانت كوره مافي امل :nice:

امبيييية غيل خبرك عتيج..في بعض البنات يحبون الكورة ويتابعونها يمكن بحماس اكثر من الشباب..انا ادارية في مدرسة لو تشوف البنات اشلون يتكلمون عن نادي برشلونة بحماس وتعصب:omg:
تقول وش خلو للشباب:(

عموما انا ادعي الزوجة انها تحتوى مزاج زوجها بالنسبة لهوايتة ..

حبي اللى يحبة بل وتنافسي معة في هالهوايات:nice:

[بـن عدوان]

call of duty

بس على الاكس بوكس

[العـوا]

بما ان البنت ابتلشت بهالياهل...
مالها انها تنتظرة (يبلغ) و(يعقل)
ومع شوي صبر...واعطاءه شوية مسؤليات...وكثير من الدعاء
لعل وعسى ..

يمكن بس فيه مشكله يمكن الامور ماتنطاق مع مرور الوقت !!:telephone:

[العـوا]

ابدا ما احترم الرجل الي عقله صغير..

مع الاسف عدد الرجال ( كرجال ) قليل




عاد هاللعبه اللي ماهظمتها مادري ليش هالادمان انا عندي اخوي يلعبها اقل شي فاليوم 15 ساعه بدون مبالغه ينام ويقوم يلعب ويرد ينام ..



تكلمتوا عن الطفل الكبير.. وأعليه

وتركتو المجني عليها . . الزوجة. اللي إذا طلبت الطلاق قامت الدنيا عليها

وأبشركم. القرضاوي نصح أو بما معناه يستحب تزويج المجنون

بالله الزوجة سواء قطرية أو من أي جنسية. . شنو ذنبها؟

ياعوينها الحرمة عومة موكولة ومذمومة

والله المستعان
.


فعلاً الرجل ملام عندنا يتعلق بالألعاب بدرجة كبيرة ، وهذه الظاهرة منتشرة وسوف تزداد لأن كثير من الجيل القادم يحمل هذه الهواية ... وصعب نلغيها من حياة الشخص ... لكن نقدر نقلل منها ...

ودائماً ما أقول ... إن المرأة الذكية بإمكانها أن تسير زوجها حسب ما تريد، لكن المشكلة إن أغلب الحريم فيهم جهل في كيفية التعامل واللعب على الرجل! العناد والعويل وندب الحظ عمره ما راح يجيب نتيجة بقدر مسايسة ومسايرة الزوج!

ومثل ما قال أخوي فوق، صج مب عاجبكم شيء، إذا كان بيتوتي قمتوا تتحندون! وإذا كان من النوع الي كله طالع مع ربعه هم ما راح يعجبكم... موت أحسن لك يالزوج!


مثال غريب ..
الاهمال والاهتمام - يختلف من شخص لاخر ..

يعني الحين لو شفنا ريال متزوج يلعب بلاي ستيشن ساعه ولا ساعتين بنقول خلاص هامل مرته ؟
اللي يوزن الامور بشكل صح ويعطي كل ذي حقأ حقه .. ماعتقد بينلام لو قعد ساعه او ساعتين قدام البلاي ستيشن..

ملاحظه : انا بعد العب بلاي ستيشن واسجل ادماني مع الاخ فوق " call of duty " :p


المشكلة ان الحريم ما يتقبلون ان للزوج حياة خاصه .. ويبون يكونون محور حياة الرجل 24 ساعه ..

وشفيها لو لعب الزوج شوي ورفه عن نفسه ساعة في اليوم ..

انا عن نفسي كنت العب بالساعات سابقاً بس بعد الزواج صرت العب متى ماحصلت فرصه مره او مرتين بالاسبوع وزوجتي ماعندها مشكلة لان مثل ماهي لها هوايات يمكن هذي هوايتي .. طبعاً مع الوقت وقدوم الابناء وقفت اللعب بنفسي لاني ماصرت احس بالمتعه كما بالسابق في اللعب وصارت في امور كثيرة تشغلني عن مثل هالامور ..

الي يحب شخص يتقبله بكل صفاته ويحاول يتأقلم معاه ومع الوقت بيتغيرون مع بعض.


لاااغ .. لاااغ ..

:] .



هاي انتوا .. من تخسرون قلتوا لاق ..:nice:


خل تسايسه وتحاول تلفت انتباهه بحركات الدلع والانوثه
وتذكره بوقت الصلاه من لفتره لفتره وتدعيله يمكن يخف شوي
عالاقل قدام عينها احسن من اللي ينزلها بيت اهلها ويروح يخونها
الله يصلحه ويهديه


ابرك من الحشيش والزنا والخمر ولصياعه

وان اختلف الارى اخواني الا ان المشكله اكبر مما نتصور حياة زوجيه مبنيه على اللامبالاه

[صفقه]

ياخي والله بعض الردود تنرفز ... كل من لعب صار طفل وماعنده مسؤوليه وكل العيوب فيه

انا في الثلاثينات واعتبر البلاي ستيشن وحده من احسن هواياتي واختي في الثلاثينات ونفس الحاله لا وابشركم انا مدرس أدرس بالنهار وألعب مع طلابي المساء ..

ومتزوج وابو عيال ولله الحمد .. هل كل ماذكر في الموضوع من عيوب موجوده في كل واحد بلغ سن الرشد ويلعب بلاي ستيشن ؟؟

والله عجيبه وغريبه .. ناس لأنها ماتلعب او ماتحب هذا الشي فا قاعده تذم في اللي يلعبون .. يالله ياللي تذمون اذكروا هواياتكم خلونا نذمكم احنا بعد شوي .

واحب اقول للي تشتكي من زوجها وتعتقد بأن هذي هي مشكلتها الكبرى ... تعوذي من ابليس وقولي الحمدلله ان هذي هي مشكلته في نظرج لأن عالم الرجال الخارجي واسع ومجالات الفساد فيه كثيره بطريقه ماتقدرون تتخيلونها يالحريم وبالعافيه الواحد يحاول يسيطر على نفسه وماينجرف فيها ... اقول للأخت ... يا اختي .. يلعب بلاي ستيشن ولا يروح يحفص ويستعرض ويسابق ويتعاطى ويشرب ويزني ويسافر بلاد الفسق والمجون ويغازل في الأسواق و غيرها كثير ... الا من رحم ربي من الرجال .

[Rayane]

call of duty

بس على الاكس بوكس

ياخي توقيعك فله والله.... مشكله اذا الوآآحد شآآفه الصبح.

[نورهان88]

طيب خله يلعب ويستانس ولعبي معه لحد مايمل

[فيزيائية]

يمكن بس فيه مشكله يمكن الامور ماتنطاق مع مرور الوقت !!:telephone:

اوكي خلني اقولها بطريقه ثانية
تره السالفة مب في البلايستيشن لا
لان وايد من الرجال مخصص ل (هوايته) حيّز كبير من حياته
بينما أولوياته هاملها ....
بلايستيشن او عنّة أو مقناص أو بحر أو سفر...
فهنا تكون زوجته بين نارين بين زوج (لايتحمل المسئولية) لأنه لازال يعيش على انه (عزوبي) وبين المسئولية اللي تثقلها...
فيه ازواج يتغيرون بس يبيله ....
زوجه فاهمة +صبورة +عندها من السياسة والدهاء اللي يمكّنها من تغيير زوجها ...
(على نار هاااااادية)....
والعكس صحيح بالنسبة للازواج ايضا...:app2::app2:

[مزيون الدوحه]

عندي سؤال
أيش الفرق بين البلايستيشن ولعبة الورقة
هل اللي يلعب البلايستيشن يتم تشبيهه بالطفل
واللي يلعب الورقة يتصف بالرجوله ؟؟
معى ان هاذي لعبه وهاذي لعبه
وما اعتقد مافي حد منكم ابوه ولا عمه ولا جده مالعب ورقه .
على العموم
في رايي المشكله مش في البلايستيشن
المشكله في الرجال نفسه هو اللي مايعرف
يوازن بين هوايته وبين حقوق زوجته .

والله يصلحه ان شاء الله

[GOOKLUCK]

موضوع جميل

تذكرت فيه واحد من الشباب الي يجون المجلس والله يستر عليه

تخيلوا معاي اجي المجلس الساعه 3 او 4 العصر القاه موجود من الظهر في المجلس واطلع متأخر واكتشف في اليوم الثاني انه تم سهران في الميلس الين الفجر مع العلم ان توه معرس ماصار له سنتين وعلى هالحال كل يوم مدمن سوني ..

وما عندي قول الا الله يعين مرته الي صابره عليه ومتحملته زين ما تطلب الطلاق ..

[بويعقوب]

الحل : تنزله الصبح في العاب سناء مع الخدامه وترجع تاخذه في الليل :nice:

[الحال مايساعد]

خلها تلعب وياه ونشوف من بيفوز

:playball::playball:

[مرتبش]

زين انه يلعب بلاي ستيشن..مسكين ماله في الهياتة وبيتوتي الولد
تلعب بلاي ستشن معاه وتطلب بيتزا والحين برد خلها تشرب زنجبيل ( ولازم تخليه يغلبها عن لايزعل بعد)

[دااانة قطر]

ليش مكبرين الساالفه
كل انسان له حق يماارس هواايته اللي يحبها لكن في حدود المعقول بدون ما يهمل نفسه وهله

ذكرتوني باياام مضت لما كنا نلعب سبااق السيااارت انا وابو العياال الله يرحمه:(

[NeverLand]

والله عبالي عندج سالفه .. الحين عشان ريلج يلعب بلاي ستيشن ولا يشوف رسوم متحركه خلاص اعتبرتيه ياهل؟ .. ياليت كل الرياييل يهال جذي عيل!! .. جان احنا بخير ونسبة الطلاق بالبيوت اقل وكل واحد قدر يربي عياله صح .. هالفئه افضل فئه من خلال احتكاكي فيهم وارجل من اي ناس ثانيين .. عالاقل كافين خيرهم شرهم وقاعدين بحالهم ويتسلون بشي بريء ..

والاخوان اللي صفوا معاها .. من تكونون انتو عشان تطلقون احكامكم عليهم بهالسهوله من خلف شاشاتكم وكأنه اللي تقولونه شي بسيط وتصفونهم ((بالذكور)) بس لانهم مارسوا هوايه هم حابينها وكبروا وهم يمارسونها حالهم من حالكم؟!! .. ولا لازم كل الناس تكون مثلكم وتحب اللي انتو تحبونه عشان تعتبرونهم رجال يعني؟؟ .. اسهل من الكلام وقذف الناس وتهزيئهم مافي بالنسبه لكم!! .. وهذا اذا بيدل على شي بيدل على ان فيكم نقص بشخصيتكم اصلاً وانتو الذكور مب هم!!

صح يعني انا عمري ماحبيت البلاي ستيشن لكن عمري ماحكـــمت على رجولة الواحد من خلالها لانه صج صج ماله خص .. نظرة المجتمع حق هالسوالف فيها تخلف بشكل مو طبيعي ولازم تتغير لان اللي يفكر بهالطريقه ويحكم على رجولة انسان من خلال مشاهدته للكارتون او لعبه للبلاي ستيشن بصراحه مادري شيحس فيه .. تحليله للامور تفشل وتبين شكثر هالانسان عقله مثل النمله وسطحي وتفكيره محدود ..

واذا انتي ماتعرفين شلون تجذبين ريلج اكثر من جهاز البلاي ستيشن اللي ماسكه فهذي مشكلتج ولازم تشوفين شنو الغلط اللي فيج قبل لاتحطين اللوم على اي شي قدامج .. قال بلاي ستيشن ورسوم متحركه قال .. الحمدلله والشكر بس

[بـنـت ڪرز]

اي مو انتوا امفكرين بيجيكم زوج متّزن؟ .. يعرف متى يطلع ومتى يرجع وشلون يهتم وشلون يحب؟

يا يجي بدون هوايات وماعنده اهداف فالحياه .. او يجي يمارس هواياته طووول ساعات اليوم ، سواء مقناص/ بلاي ستيشن/ بحر .. اللي هو

واذا كان فالبيت يا في مجلسه ويا ربعه يسهرون عنده مايندرى شيسوون .. او طالع برى مايندرى متى يرجع

مافي حد يعرف يكون متوازن في شي .. وطبعا دايماً يفكرون انهم مب مقصرين في حق بيتهم وزوجاتهم

[شبح الصمت]

صراحه ما عرفنا للحريم

انه جلس فالبيت قالت ياهل ان طلع مع ربعه قالت طلع وخلاني ..


كان تلعب معاه

صج مشكلة رضى الحريم غايه لا تدرك

اتوقع انه في مبالغه

عندنا الربع يجون ويلعبون بلايستيشن في المجلس وناس عقـل واشناب لا هم بيهال والا شيء

عندهم وقت لاهاليهم وعندهم وقت لوناستهم ..

[الحياة الخالدة]

صراحه ما عرفنا للحريم

انه جلس فالبيت قالت ياهل ان طلع مع ربعه قالت طلع وخلاني ..


كان تلعب معاه

صج مشكلة رضى الحريم غايه لا تدرك

اتوقع انه في مبالغه

عندنا الربع يجون ويلعبون بلايستيشن في المجلس وناس عقـل واشناب لا هم بيهال والا شيء

عندهم وقت لاهاليهم وعندهم وقت لوناستهم ..


عاد صج يا شبح اللي يقولونه ان البلاي ستيشن ما عاد نفس أول

يعني صار فيه لعب مع البنات و الشباب و سوالف و شات و جذي ؟؟

إذا كان هذا الكلام صحيح .. ما تعتقد إن من حق الحريم يتضايقون من هالموضوع ؟؟ :telephone:

[شبح الصمت]

عاد صج يا شبح اللي يقولونه ان البلاي ستيشن ما عاد نفس أول

يعني صار فيه لعب مع البنات و الشباب و سوالف و شات و جذي ؟؟

إذا كان هذا الكلام صحيح .. ما تعتقد إن من حق الحريم يتضايقون من هالموضوع ؟؟ :telephone:




الشباب شنو يلعبون تدرين شنو الالعابهم

كرة قدم + العاب حرب

وين البنات ووين هالالعاب !!

وشات موجود لانه واير ليس

ما اقولج مافي بس المحترم محترم

[حليتان*]

عاد صج يا شبح اللي يقولونه ان البلاي ستيشن ما عاد نفس أول

يعني صار فيه لعب مع البنات و الشباب و سوالف و شات و جذي ؟؟

إذا كان هذا الكلام صحيح .. ما تعتقد إن من حق الحريم يتضايقون من هالموضوع ؟؟ :telephone:

مافي يبه
صج ساعات يكون في نكات مثل مس او ليدي لكن ما سمعناهم يتكلمون :(

[دااانة قطر]

زين واللي ماعنده بلاي ستيشن
لكن عنده نت في لبيت ودوم مجاابل الشاات وغيره وقاافل على عمره الباب يقول شغل هذي شنو الحل معااه؟؟!

[شبح الصمت]

زين واللي ماعنده بلاي ستيشن
لكن عنده نت في لبيت ودوم مجاابل الشاات وغيره وقاافل على عمره الباب يقول شغل هذي شنو الحل معااه؟؟!



يمكن الرجال ما يبي احد يقطع حبل افكاره

:sneaky:

[الدمعه]

مافيها شي .. احنا كلنا نلعب بلاي ستيشن ومانقص منا شي ..

نلعب كوره وكول ديوتي والعاب ثانيه حرب ..واون لاين بعد وتونا شرينا كول ديوتي الاخير

بس مالعبت فيه الامره .. لان عندي لعبتي ابي اخلصها وعقب العب في غيرها ..

ويوم اشوف ريلي او ولدي يلعبون اخرب عليهم :tease:

عشان يلعبون معاي .. ونشوف افلام الكرتون ..مااثر هالشي على حياتنا والتزاماتنا

تجاه بعض ..


الخلاصه ..

هي ماعرفت له ولاعرفت شلون تدخل عالمه ..

[دااانة قطر]

يمكن الرجال ما يبي احد يقطع حبل افكاره

:sneaky:


خوش حبل افكار
هذا لو عيااله ماصاادوه جاان قلت صج عليه أفكااار :omg:

[شبح الصمت]

خوش حبل افكار
هذا لو عيااله ماصاادوه جاان قلت صج عليه أفكااار :omg:




صادوه وعياله !!

:eek5:

[دااانة قطر]

صادوه وعياله !!

:eek5:

صاادوه يدردش وعلموا امهم وصاار اللي صااار بعد ماستشاارتني الاخت وانا اول ذكرت المسااوىء:secret:

وبعدين الاستخداام الخااطىء في كل شي موجود


ماعلينا
الهواايه لها وقت واهم شي الانساان ماينسى واجبااته ولا يعود هله على غياابه ويصير وجوده كعدم لافاات الفوت

[شبح الصمت]

صاادوه يدردش وعلموا امهم وصاار اللي صااار بعد ماستشاارتني الاخت وانا اول ذكرت المسااوىء:secret:

وبعدين الاستخداام الخااطىء في كل شي موجود


ماعلينا
الهواايه لها وقت واهم شي الانساان ماينسى واجبااته ولا يعود هله على غياابه ويصير وجوده كعدم لافاات الفوت



من استشار ما خاب

اهم شيء هديتي النفوس

الله يجزاج خير

هههههههههههههاي

شكلها امهم حاطة عيالها الجواسيس عليه

يرقبونه مسكين ما يسوى عليه

يلا غلطه يتعلم منها

[الحياة الخالدة]

الشباب شنو يلعبون تدرين شنو الالعابهم

كرة قدم + العاب حرب

وين البنات ووين هالالعاب !!

وشات موجود لانه واير ليس

ما اقولج مافي بس المحترم محترم




مافي يبه
صج ساعات يكون في نكات مثل مس او ليدي لكن ما سمعناهم يتكلمون :(



البلاستيشن هالوقت مب نفس قبل
الحين يشبكون الانترنت معاه ويسولفون بالمايك مع اللي يلعبون
صار مثل الشات فيه بنات وشباب يلعبون وسوالف مع بعض

اشوف اخواني المراهقين واسمعهم واهم يسولفون بالمايك

وياويل اللي يقرب منهم ويطلع صوته فالمايك هههههههههههههههههههههه

يعني الوضع صعب الصراحه مع هالمسكينه اللي متزوجه من طفل كبير


عيل شرايكم بهالكلام ؟؟

[الحياة الخالدة]

يمكن الرجال ما يبي احد يقطع حبل افكاره

:sneaky:


حبل أفكاره اللي معلق فيه بنـــــات أفكاره

ياهالأفكار اللي بتودينا في داهيـــــــة :secret:

[شبح الصمت]

حبل أفكاره اللي معلق فيه بنـــــات أفكاره

ياهالأفكار اللي بتودينا في داهيـــــــة :secret:




انا بعض الظن آثم


وتعالي اهي قالت يسولف مع بنات !!

يا حبكم للعجله في الحكم على الشيء

الركاده زينه

يمدحون المطر

:sneaky:

[ahmed1111]

ياربع ايش ياهل !!!!!!

يعني أجدادنا كانوا يلعبون كيرم وورقه وغيرهاااا....


الحين الدنيا تغيرت قاموا الناس تلعب البليشتشن

بس اذا الموضوع صج زايد عن حده يعني يتم اكثر من 3 ساعات يوميا عليه ممكن كلام ثاني اهني

بس مب ياهل وخرابيييييط

[العـوا]

احب هاللعبه
grand theft auto iv


[color="blue"]غريبة الردود ..

يوم البنت ما تعرف تطبخ .. جهزتوا لها الخيازرين والعسو

ماقلتوا الرجال يتحملها ويعينها لين اتعلم

اما البنت واجب انها تتحمل والا فيها عذاريب الدنيا وما تعرف السنع

واللي يقول ابرك من الحشيش والزنا

هم البنت اللي ما تعرف تطبخ او امور البيت ابرك من الصياعة في المجمعات

ولا كأن لهن مثل الذي عليهن بالمعروف

لا تكيلون بمكيالين .. ان الله لا يحب الظالمين

والله المستعان


[font="arial"]تريدون مارد القمقم

ان جابلكم قلتو بوزه ببوزنا ما يطلع من البيت

ان طلع من البيت قلتو ما يقعد بالبيت

ان جلس بلبيت وتسلى له باي شي قلتو مجابل النت ولا البلاي ستيشن ومهملنا


للاسف اغلبكم

يبغون مارد القمقم يمشونه على كيفهم حتى في بيته


الحل انه تلعب معاه بلاي ستيشن وتهزمه اكثر من مره
و اذا على مشاهد التي في بعد تقعد معاه و تتابع و تعلق

و شوفي رده فعله بتنصدمين


اي بنت تتمنى تتزوج و تفتح بيت , بس البنت تدور رجااااااااااااااال مب ذكر , حتى في جواز السفر ينكتب ذكر مب رجاااااااااااااااااااااااااااال و هذا يعتمد عليك , لان الرجال اخلاق و مبدأ و فكر و اسلوب , اما الذكوووور يا كثررررررررررررهم .


يا حيه منشغل بالبلاي ستيشن مب في شي يسود الوجه انصحوها تصبر و تحاول تغير روتينه الممل هذا بطلعات و سفرات و غيره مرده بيمل و يكره البلاي ستيشن مع الوقت ..


خله يلعب ابرك من لصياعة برا لعبى انتى معه كل شي يحبه سوى مثله بتكسبينه اكثر واذا ماتبينه خليه لى بتزوجه انا :tease::discuss:الله وكبر عليكم يالحريم ماعرفنالكم وش تبون :sneaky:


[b]موب احسن من التسكع في الشوارع والمولات


البلايستيشن مب عيب اغلب مجالس الشباب و الكبار يلعبونه...... وبعدين وااايد مبالغه اشدعوه ..وليش ما تتكلمين عن البنات اللي 24 ساعه على البلاك بيري ...




اليوم كنت فاجتماع مهم وموظف( ذكر ) جالس جدامي .. والله يشهد على كلامي مارفع عينه على المحاضر وتم يشتغل على ذي الجهاز طوال الساعه ونص


اشكر جميع الطروحات وان اختلف

[ألعامري]

حراااام عليج يا قاااسيه:weeping:
مخليته يلعب لحاله ...عادي قزروها تحدي
مشروع رهيب:tease:

[N!GHTWOLF]

اتبوس يدها عدله ومقلوبه ان هذي اهتمامات زوجها

ابرك من مايكون صايع ومن بلاد لي بلاد للهياته والسيجاره ماتطيح من يده00 او يشوف افلام شسمه وهالسوالف


تحمد ربها حمدا" كثيرا

يمكن السلبية الي صج فيه الاهمال بس اهمال ببراءه الاطفال ههه

غير ولكن ممكن تجذبه بعدة طرق لها دامه بهالعقلية الطفولية

على فكره انا شكبري ومدمنه رسوم متحركه ترى هالرسوم مالها سن وعمر للمشاهده

الله يصلح حالهم ^_^




عندي سؤال
أيش الفرق بين البلايستيشن ولعبة الورقة
هل اللي يلعب البلايستيشن يتم تشبيهه بالطفل
واللي يلعب الورقة يتصف بالرجوله ؟؟
معى ان هاذي لعبه وهاذي لعبه
وما اعتقد مافي حد منكم ابوه ولا عمه ولا جده مالعب ورقه .
على العموم
في رايي المشكله مش في البلايستيشن
المشكله في الرجال نفسه هو اللي مايعرف
يوازن بين هوايته وبين حقوق زوجته .

والله يصلحه ان شاء الله





والله عبالي عندج سالفه .. الحين عشان ريلج يلعب بلاي ستيشن ولا يشوف رسوم متحركه خلاص اعتبرتيه ياهل؟ .. ياليت كل الرياييل يهال جذي عيل!! .. جان احنا بخير ونسبة الطلاق بالبيوت اقل وكل واحد قدر يربي عياله صح .. هالفئه افضل فئه من خلال احتكاكي فيهم وارجل من اي ناس ثانيين .. عالاقل كافين خيرهم شرهم وقاعدين بحالهم ويتسلون بشي بريء ..

والاخوان اللي صفوا معاها .. من تكونون انتو عشان تطلقون احكامكم عليهم بهالسهوله من خلف شاشاتكم وكأنه اللي تقولونه شي بسيط وتصفونهم ((بالذكور)) بس لانهم مارسوا هوايه هم حابينها وكبروا وهم يمارسونها حالهم من حالكم؟!! .. ولا لازم كل الناس تكون مثلكم وتحب اللي انتو تحبونه عشان تعتبرونهم رجال يعني؟؟ .. اسهل من الكلام وقذف الناس وتهزيئهم مافي بالنسبه لكم!! .. وهذا اذا بيدل على شي بيدل على ان فيكم نقص بشخصيتكم اصلاً وانتو الذكور مب هم!!

صح يعني انا عمري ماحبيت البلاي ستيشن لكن عمري ماحكـــمت على رجولة الواحد من خلالها لانه صج صج ماله خص .. نظرة المجتمع حق هالسوالف فيها تخلف بشكل مو طبيعي ولازم تتغير لان اللي يفكر بهالطريقه ويحكم على رجولة انسان من خلال مشاهدته للكارتون او لعبه للبلاي ستيشن بصراحه مادري شيحس فيه .. تحليله للامور تفشل وتبين شكثر هالانسان عقله مثل النمله وسطحي وتفكيره محدود ..

واذا انتي ماتعرفين شلون تجذبين ريلج اكثر من جهاز البلاي ستيشن اللي ماسكه فهذي مشكلتج ولازم تشوفين شنو الغلط اللي فيج قبل لاتحطين اللوم على اي شي قدامج .. قال بلاي ستيشن ورسوم متحركه قال .. الحمدلله والشكر بس

السلام عليكم

كنت داش مطنقر بس شفت هالردود العقلانية اللي تبرد القلب هديت شوي

لا فض فوكم



شباب خلكم من كول اوف ديوتي تعالوا باتلفيلد ٣ ههههههههه

[qatara]

ذكرتني بقصه سمعتها من زميل لي
فاقسم ان اب احدا البنات
رفع قضيه طلاق ضد نسيبه بطلب وتصميم من ابنته وامها لان زوج البنت يربي الكلاب اجلكم الله
فال له صاحبنا اصادق انت وليس هناك سبب اخر فاقسم الشيبه بان ليس هناك اي عيب فيه غير هذا العيب
فقال له صاحبنا تطلق بنتك لان زوجها يربي كلاب قال نعم البنت تريد ذالك
فقال اذا البنت دلوعه وتتشرط فانت عقلها وانصحها بدل السعي في طلاقها
فمثلا لو لك ولد بنفس حالته هل ستتبرا منه فرد الشيبه لا بل سانصحه وادعو له بالهدايه
فرد صاحبنا سبحان الله يبقى هي بنتك وذاك نسيبك حسبه ابنك افعل نفس الشي
اليوم يربي كلاب بكره يجونه اعيال وتشغله الدنيا بهموم تربيتهم
فقال له الشيبه صدقت مثل ما شغلنا بتربيتهم

ويقول شكل الشيبه تاثر بكلامي وبدا يفكر وكانه بدا يتراجع عن الشحن الذي اتى به

تخليو يا اخوان رايح يطلق بنته لهذا السبب التافه

الله يصلح حالهم

[sepasteyn]

برائي تلعبي معاه وتخلي ايامك لطيفه بعيد عن التشنجات ، مافيها شي اذا سرتي على سيره مؤقتا ، وقليلا قليلا تآخذيه بلطفك وعقلك الى طريق احسن ، بس اريد اعرف ردك اختي الفاضلة ماهو برايك في من يهملون ازواجهم لمطالعة المسلسلات الغازية لعقولنا الان ؟ ايهم الاحسن بنظرك او الاقل ضرراً على الحياة الزوجية ؟ سؤال للاخوة الاعضاء ايضاً .....

[حليتان*]

خلاص يا يبه خلو عنكم هالسوالف موضة المسلسلات التركيه خلصت بارك الله فيكم




مافيها شي .. احنا كلنا نلعب بلاي ستيشن ومانقص منا شي ..

نلعب كوره وكول ديوتي والعاب ثانيه حرب ..واون لاين بعد وتونا شرينا كول ديوتي الاخير

بس مالعبت فيه الامره .. لان عندي لعبتي ابي اخلصها وعقب العب في غيرها ..

ويوم اشوف ريلي او ولدي يلعبون اخرب عليهم :tease:

عشان يلعبون معاي .. ونشوف افلام الكرتون ..مااثر هالشي على حياتنا والتزاماتنا

تجاه بعض ..


الخلاصه ..

هي ماعرفت له ولاعرفت شلون تدخل عالمه ..

:victory:

[الحياة الخالدة]

يا كثر ما ترقعون حق الريال وتدارونه و تعذرونه

إذا كان بيقعد طول يومه على البلاي ستيشن عيل اشله معرس الأخ
لا وتلقونه يحن على مرته عشان تييب عيال أكثر و أكثر .. و هو قاط كل شي بجبدها
و تعالي داريه وجاريه و هدهديـــــه و خذيه على قد عقله .. فاضية هي ما وراها شي .. بتربيه و الا بتربي عياله .. و الا بتجابل البيت
و لين طلبت منه يوديها مشوار و الا يقضي لها حاجة طلعت زيرانــــــه

ما اشوف حد من أهله و الا ربعه قال عنها ياهل .. و اصبر عليها و جاريها و داريها .. و مردها بتعقل
إلا أول كلمــــــة بتيي على لسانهم .. خلها تولي و الحريم وايد .. اشلك بها تعور راسك معاها

و عشان محد يزعل لا بد من كلمة السر
البعض يا جماعة .. البعض

[لابس بشت]

يروح الجلس طال عمرك يلعب برازيليه وبلاي ستيشن ويشاهد الرسوم المتحركه

بس يرجع البيت خله يقابل عياله وام عياله

[الجوكر90]

عاد صج يا شبح اللي يقولونه ان البلاي ستيشن ما عاد نفس أول

يعني صار فيه لعب مع البنات و الشباب و سوالف و شات و جذي ؟؟

إذا كان هذا الكلام صحيح .. ما تعتقد إن من حق الحريم يتضايقون من هالموضوع ؟؟ :telephone:

في شات وبنات وسوالف
بس بعقل
الي يبي الشات راح يحصل فالنت
والي يبي بنات راح يحصل فالمجمعات

انا طول عمري العب سوني ومافكرت العب اون لاين

يعني الي يبي اللعب العادي يلعب
والي يدور الخربطه ماتوقع فالسوني
النت اسهل من السوني بوايد

[قطري !]

الحل بسيط جدا


توفر له


http://t3.gstatic.com/images?q=tbn:ANd9GcQC_IC8g4SwgF9U-yVKOzs3lA_mCkYI--FPBfsEplkrC7969E80Sw

http://t2.gstatic.com/images?q=tbn:ANd9GcRFTIMPEqTbGEbIq9QT_d4LCqQM2ZlUc fYxSLwLz1l90mjhcLmU

[بـنـت ڪرز]

هههههههههههههههههههههههههههههههه قطري

السيريلاك اللي لونه اصفر (مع تمر) شــــي :victory:

// بخصوص ان الناس اخبصوا بين إدمان اللعب وإهمال الزوجه وبين ممارسة الهوايات اللي يحبها

لو مثلا قلنا ان الزوجه طول يومها مدمنه على لعبة الخشيشه ..

طول يومها تنخش ويصيدونها تنخش ويردون يصيدونها وهذا عدالهم ، ماتوقع حد فيكم بيأيّدها وأكيد بتقولون هاذي متى عيل تقعد ويا رجلها وعيالها وتجابل بيتها

الله يصلح العقول يارب -_-

[الحياة الخالدة]

الحل بسيط جدا


توفر له


http://t3.gstatic.com/images?q=tbn:and9gcqc_ic8g4swgf9u-yvkozs3la_mckyi--fpbfseplkrc7969e80sw

http://t2.gstatic.com/images?q=tbn:and9gcrftimpeqtbgebiq9qt_d4lcqqm2zluc fyxslwlz1l90mjhclmu


و يبقـــــــى الرجل طفل كبير

الله يعينهــــا .. بتلحق عليه و الا على عيالها :(

[المسك1969]

أختي الكريمه دام أن الرجل يصلي فروضه في وقتها وقايم بواجبات بيته وزوجه فلا بأس من أن يقضي وقتا أمام ما يحبه ليرفه عن نفسه

ولكن أن زاد عن حده فإليك أحد الحلول التي قدمتها لأخت لنا في الله زوجها من المدمنين على هذا الموقع وكانت تشتكي أنه لا يترك الموقع ولا يتكلم معها ولا يلتفت لما تفعله له...
قلت لأختنا في البداية أن تجلس مع زوجها وتتابع معه مايقرأ فكرهت هذا الأمر فهي لا تحب الكمبيوتر ثم أخبرتها أن تشتري بلاك بري وتجلس مع زوجها هو على الموقع وهي على البلاك بري

وتفاجأ يوما وهي عنده تضحك وتضحك وتضحك ثم سألها ماعندك فلم ترد عليه وأخذت تكتب في البلاك بري... ثم بدأ يوما بعد يوم يتضايق من أنها لم تكن معه وكل اهتمامها بالبلاك بري ولكنها تقول أنه بدأ يتغير وينتبه لها

عموما عزيزتي أنتي عليكِ أن تجلسي معه وتلعبي معه بل تحاولي أن تتفوقي عليه (بس لا تدمنين اللعب عقب) واجعلي اهتمامك ينصب في الفترة الاولى على اللعب واتركي اي أمر آخر حتى تلحظي انتباهه لكِ واستغرابه منكِ... بس إن حب أنج تلعبين وياه عقب :) فماعرف شلون تتصرفين عقب ولكن غالبا لا يريد الرجل لزوجته أن تشاركه مايفعل لأنه بما يفعله يريد جذب انتباهها له ولكن لا يعرف كيف؟ كالطفل الذي يشاكس ويتصرف تصرفات غريبة تغيظ أحيانا حتى يجذب انتباه الأهل له... فما يجد من الأهل غير الضرب أو التطنيش ألا من رحم ربي؟

لذا عليك بمجاراته والصبر عليه فهو لا يرتكب فحشا والحمدلله وأكثري حفظكِ الله من الاستغفار

استغفر الله الذي لا إله إلا هو الحي القيوم وأتوب إليه

جزاكم الله خيرا:nice:

[مخطط قطري]

لاسف بدل النصح لها وبدل لاتخلونها تفكر كيف تجذب زوجها وبدل لا توقفون مع اختكم تتطنزون عليها الله يهديكم انشالله
اختى اول حاجه حاولي تتقربين منه وتسالفين معاه ماقدرتي جبي احد من اهله اخوانه ولا خواته يقعدون وياه وعلى العموم انشالله انك تحصلين طريقه وتنحل المشكلة ولاتهتمين لردود لي لاسف انا ماتوقعتها

[شبح الصمت]

انزين شنو مقترحاتكم يالحريم لنا احنا الرجال !!!

عطونا قولوا لنا شنو الشيء الي يعجب حريمنا عشان نسويه !!

دامنا اطفال

تبون نغسل صحون

http://photos-d.ak.fbcdn.net/hphotos-ak-snc3/hs134.snc3/18179_287789636898_682506898_3869028_907301_n.jpg


نغسل الملابس
http://forums.graaam.com/up/uploaded6/113963_11192567286.jpg

نطبخ
http://forum.mn66.com/imgcache/2/354971women.jpg


نسبح اليهال
http://4photos.net/photo/www_4photos_net_1138020112.jpg


شنو الي يريحكم !!

طبعا بتكلم بالمنطق

في حريم يقولون لازواجهم روحوا وسوو واشتغلوا اهم شيء تجيبون لنا فلوس من تحت الارض

وفي حريم الله يسلمكم الي عندهم فلوس طبعا هذه ما عليها اهم شيء فلوسها عندها والدريول عندها وزوجها ما همها كيفه ( البعض طبعا ) تطلع وترد وعلى راحتها لا تحاسبه ولا شيء واخرتها تقول هاملني وهاملني ..

وفي حريم لي جلس زوجها في المجلس ومع ربعه ازعلت وتضايقتك عيل تبينه يروح مجمعات ويهيت والا تبينه قدام عينك لي صار شيء او محتاجينه فز !!

انزين وين الخطأ الحين ..

شنو الشيء الي تبيه الزوجه من زوجها هل تبي يقوم بأعمال البيت أو تبيه 24 ساعة مجابلها او شلي تبيه


طبعا افضل شيء انك توزع نفسك على هلك وشغلك وربعك

لانه هالاشياء الثالثه مكمله لبعض

اشلون

الاهل اهلك زوجتك وامك وخواتك واخوانك عزوتك

شغلك مصدر رزقك الي تكد فيه على هلك وعلى نفسك

ربعك الاصدقاء سنايدك لازم يكون في تواصل الانسان لو انقطع عنهم انت بتحتاج في يوم لاحد يوقف معاك مب شرط احتاجه لشيء مادي لا شي معنوي يوم فرح احصلهم جمبي يوم عزاء وهذه الامور مكتوبه لنا في الدنيا ..

فالمفروض انه ننسق

ومفروض من المرآة انها تقدر زوجها ولا تضغط عليه وبالمقابل اهو راح يعوضها ولا راح يقصر معاها


وتقبلوا مروري

:deal:

[نور الزين]

كل رجل له هوايه مثل تربيه الصقور و الحيوانات و مشاهده كره القدم و الشعر و غيرها من الهوايات ينشغل بها
كلعب البلي ستشين
وكل امراه لها هوايه مثل الرسم ، ركوب الخيل، المكياج ، تصوير ، تصميم الازياء و غيرها----
ولكن لما يطلب الطرف الاخر الاستغناء عن الهوايه المحببه لطرف الاخر هذا من الغباء و
وارى لعب البلاي استشين افضل من المغازل في الاسواق و يلحق البنات ويصرف عليهم و يمكن ياخد عليش من هولاء البنات
وانت ياحواء اذا انت فاضيه ابحثي عن هوايه احسن و انشغلي بها او كل سنه احملي و جبي ولد و كثير النسل و نشغلي بهم
انا حواء مثلكم بس عندي عقل!!!!

[مهرة]

أنا اشوف يلعب بلايستيشن جدامي ولا يخربط ويلعب من وراي ,, وليش سويتوها مشكلة تراهم قلة بالمجتمع ومب صغار يوم تزوجو الأغلب متزوجين من 24 وفوق ومدمنيين هاللعبة ..

قضية للنقاش وجديدة ليش لا بس يفضل ياراعي الموضوع تحط وتشرح وتسهب بالشرح عن اسباب الخيانة الزوجية المبكرة أعتقد هذي قضية متفشية عندنا بالمجتمع ويفضل مناقشتها وارفاقها بالحلول اللازمة من وجهة نظركم ,, ماشاءالله عليكم ..

ويعطيك العافية ..

[Roo7MooT]

للأسف شفت ردود سطحية من البعض وأكاد أجزم بان لهم نفس الهواية أو أتفه من البلاي ستيشن

مادري الحين البلاي ستيشن انتقص من رجوليتي أو صرت طفل أو أو أو أو تلك الردود الغريبة الي أنوصفنا

صحيح أني مب متزوج بس راح اتنازل عن اشياء وايد مقابل هالشي من سهر وسفر وطلعات و و و و

وبخصوص اللعبة والبلاي ستيشن اغلب بيوت قطر فيها بلاي ستيشن يا 2 يا 3

بعد ظهور call of duty وحتى قاموا ضباط وعساكر يلعبونها ويصير بينهم تحدي وتيم

مادري هذولاء برأي الفلاسفة الي فوق أطفال بعد مادري ,,,

ممكن الزوج اهمل مرته ببقائه ساعات قدام البلاي ستيشن بس أعتقد ما أجرم ذاك الجرم الي مايغتفر

علشان تصعد الموضوع لهالدرجة وتحمد ربها ليل ونهار بان هاي ريلها وهاي أهتمامتها

وأقوول حبتين لعشاق call of duty

دمتم بحفظ الله ورعايته

[انصار جليري]

رغم اني على قولت ولدي نوب وفاشلة باللعب


الا اني من كلامكم بحاول اتعلمها ويمكن اصير لعيبه :)

[بو شاهين]

كل واحد فيه عيب مافي حد كامل في هاي الدنيا سوى سبحانه

وعلى الطرفين الزوج والزوجة كل واحد يتنازل شوي عن الي يحب يمارسة من هواية او عادة .......الى اخره
بس من دون مايقطعونها لان الهواية جزء من شخصية الانسان ايش مايكون نوعها الا اذا كانت ضارة
مب يتزوجون وكل واحد فيهم يبي الثاني على كيفة لازم اتكون التضحيات من الطرفين
ولا ما بتحقق السعادة الزوجية

[قطري !]

هذا واشكاله هم اللي خلونا في القاع والتخلف ...





مضيعة وقت علي الفاضي .... والله مافيها فايدة مرجوه لاهي ولا غيرها من الالعاب




كل انسان له هواية في الدنيا لاكن هوايتي ماتشغلني عن بيتي وعيالي وبلادي ..




البلاد من يقوم بها اذا اكثرنا متقاعس ؟؟؟ واكثر وقته لعب بلاي ستايشن




والزوجة تشتكي لأن اكثر وقت زوجها لعب في لعب ... هي ماعترضت علي هوايته بس هو مصخها .



يالله يا كريم ترزقنا ب جيل متعلم واعي ,, وانا اتوقع انشالله ان الاب و الام في هالزمن اكثر تفتح و وعي وتعلم وانشالله يربون اعيالهم علي المبادي والقيم الطيبه وانا والله ملاحظ اكثر العوائل مهتمين بعيالهم وبتعليمهم والمحافظه عليهم من البلاوي اللي صايره من حوالينا ...

[ام السعف]

ياسلااااام ،، احسن شي انه يلعب ،، لو اني مكانها اقدر هالشي
وادخل معاه الخط ونلعب دويتو اوبس اقصد نلعب شراكة في اللعب ،،

في ازواج يتشاركون في تاجير الأفلام ومشاهدتها
وفي ازواج يتشاركون في مسؤولية البيت
وفي ازواج يتشاركون في تنمية قدرات بعضهم البعض ،،

بخصوص السائلة ،، من الأنانية انها تطالب زوجها انه يتخلى عن
الشي اللي يحبه ،، تقدر تتفاهم وياه وتخصص وقت للعب وتلعب معاه بعد،
وتقدر اتم تشتكي من اليوم لين عشر سنين وما اتحرك شي ،،
في الأخير ان كانت تكره اللعب وياه او بتفضله كحل بتنجبر عليه
مالها انها تدعي رب العالمين انه يعجل لهم الخير لاستقرار حياتهم الزوجية ،،

اما بخصوص الرسوم المتحركة .......> مشاهدتها افضل من مشاهدة المسلسلات
الخليجية :(

[العـوا]

ياجماعه يبي يلعب يلعب بس ماتكون اول اهتماماته بعدين اذ الاخ مدمن لعب شذنب بنت الناس

[ام السعف]

ياجماعه يبي يلعب يلعب بس ماتكون اول اهتماماته بعدين اذ الاخ مدمن لعب شذنب بنت الناس

مدمن الى أي حد ؟

[شبح الصمت]

انزين سؤال !!

للي انقدوا على الي يلعب بلايستيشن !!

بكل صراحه شنهي هوايتكم !!

شتسووون وين تروحون

يالربع ترى كل واحد وهوايته اهم شيء لا يخربط والا ياذي خلق الله

يلا كل واحد يقولنا من الي انقدوا على الرجال الي يلعب !!

عن نفسي انا ببدى

طبعا عن نفسي اذا انا ما عندي شغل او شي يشغلني اطلع مع الاهل اودي عيالي ومهب شرط يوميا انا على هالحال لانه ليش فاتح المجلس ومشرعه الواحد يغير جو هلي لهم حق حق علي وهالشيء اكيد بس بعد لنفسي علي حق بس في الاشياء الي ترضي رب العالمين

يلا بديت وينهم يلي تنقدون على هالمسكين الي يلعب !!

هوياتكم بسرررررررررررررعه


:sneaky:

[شبح الصمت]

ياجماعه يبي يلعب يلعب بس ماتكون اول اهتماماته بعدين اذ الاخ مدمن لعب شذنب بنت الناس




ليش بنت الناس اشتكت لكم !!

ياخي اذا مب عاجبها خلاص ياخي تقوله ما تنفع لي بس اذا الرجال طيب وولد عرب وناس وحاشمها ومصلي وخايف ربه صراحه صراحه ما عندها سالفه خير شر

انا اقول تقبض مجنونها وتبعد الشيطان عنها وحركات اليهالوه

[حراير قطر]

على الاقل احسن من اللي ما اتشوفه في البيت

لو منها اقعد العب معاه ...

سمعت سالفه من وحده عن بنت الله يهديها

قامت اتشيش عشان يقعد ريلها معاها في البيت ...

[شبح الصمت]

على الاقل احسن من اللي ما اتشوفه في البيت

لو منها اقعد العب معاه ...

سمعت سالفه من وحده عن بنت الله يهديها

قامت اتشيش عشان يقعد ريلها معاها في البيت ...




قويه عاد

راح الحيا وراحت الرجوله

استغفر الله العظيم

:anger2:

[حراير قطر]

قويه عاد

راح الحيا وراحت الرجوله

استغفر الله العظيم

:anger2:

اي والله بس عشان ما يروح عند ربعه

ويسهر ويخربط معاهم على الاقل هاي بلاي ستيشن :(

والله ابسط معاه واجيب مكسرات واقعد العب معاه واغلبه :nice: ...

[alkatalony]

ساعتين لعب في البلاي ستيشن ما تضر الصراحة وما فيها شيء مهما كان عمر الشخص اللي يلعب لكن انها توصل لاكثر من خمس ساعات في اليوم هني لازم الشخص يقف لحظة مع نفسه ويرتب أولوياته خاصه انه متزوج ولو كان يشتغل حاله حال باقي الرجال ما كان حصل وقت اصلا انه يلعب طول اليوم لكن بما انه بطالي قاعد في البيت لا شغله ولا مشغله وابوه يصرف عليه ما ألومه لو أدمن على اللعب لان اصلا عديم الاحساس بالمسؤولية ولين الحين ما نضج فكريا وعقليا والحل انها تبدا تلعب معاه لين ما تصير هي احسن منه واتفوز عليه يمكن وعل وعسى واحتمال كبير جدا انه يبدا يكره اللعب ويحول على الكيرم

[بـــــــنت النوخـّــــذه]

على الاقل احسن من اللي ما اتشوفه في البيت

لو منها اقعد العب معاه ...

سمعت سالفه من وحده عن بنت الله يهديها

قامت اتشيش عشان يقعد ريلها معاها في البيت ...

أخ ياقلبي وربي حسيت بنغزه قويه وحزن

تطلع من بيت ابوها متربية ماعمرها شمت ريحة الشيشه تدخل بيته اتشيش ويسمح لها وتاخذ نفس وتعطيه :weeping:

لا ياحراير ليش قلتي هالقصه :weeping::weeping::weeping:

[M&F]

الصراحه ما عندي تعليق حق هالموضوع

انا اشوف في اشياء اهم اكثر من انه يلعب بلاي ستيشن

على الاقل تشوفينه

في رياييل ما تشوفينهم في البيت خير شر ، وكنه عايش في فندق بس يدش البيت يبدل ويطلع :sneaky:

الله يهديهم ويهدينا احنا بعد عشان ما ياكلونا الرياييل اللي في المنتدى :tease:

:nice:

[الـخـالـدي]

الله يعينها عليه .. ويصبرها

[M7ammd]

كثيره الردود و البعض اعجبني و البعض لا ..

حل الموضوع بسيط ولا يحتاج الى تعقيدات .. كل انسان قادر على التغير بس في حالة توفر العوامل الي تساعد على التغيير .

اول حل للمشكلة هي نظرة الزوجة فـ بمجرد انها اطلقة عليه كلمة ( طفل ) فهي تنتقد طريقة زوجها في تضييع وقته والمفروض انها تحترم هوايته وما تقلل من شأنها ,, فـ مثل ما لاحظنا ان عدد الناس الي يلعبون هذه اللعبة في تزايد كبير و بمختلف الفئات السنيه و الواجب عليها حاليا انها تغير فكرتها .

ثانيا لازم على الزوجة انها توفر لزوج جميع متطلباته ( في حال رغبت في تغير اهتمامته ) .

ثالثا تحاول تشاركة ولو كمتفرج و تحسسه انها مهتمة معاه ولو لدقايق معدوده و بهالطريقة راح يبدا يسولف معاها وفي البداية اعتقد ان الحديث راح يكون عن موضوع اللعبه نفسها وشطارتها مع الوقت انها تغير فكرته و تحاول تبدل المواضيع و تدخل مواضيع جديدة مهمة ومشوقة اكثر .

وبعد ما تتبع هالخطوات تحاول تصنع له اهتمامات ثانية مثل الخروج معاها لمطعم او السوق بشرط ( انها ما تخرب الطلعة ) وحتى لو اخطاء بكلمة عليها تحاول تمشيها له او تزعل بطريقة حلوه ما تخرب الجو ومع الوقت راح تتغير اهتمامته في حال لقى متعه في التواجد مع زوجته .

في خطوات كثيرة وحلول اكثر بس كل هذا يعتمد على الزوجه نفسها و مدى رغبتها في تغير الزوج

[طلعة الروح]

انا اوافق الاخ محمد... في طرق وايد لحل المشكلة بس يعتمد على الزوجه وذكائها ومدى اهتمامها وحبها لزوجها..

[دانة الدنيا]

خل يلعب وين المشكله:secret:

بس اهم شي مايهمل مرته وعياله :victory:

[روح الاطلس]

مااااااااال أول بلاي ستيشن

الحين ايباد وايبود وايفون وبي بي


الله يرحم أيام المونوبولي كنا مانعرف إلا هي :(

[العـوا]

مااااااااال أول بلاي ستيشن

الحين ايباد وايبود وايفون وبي بي


الله يرحم أيام المونوبولي كنا مانعرف إلا هي :(



جميل ولكن ماهو الحل في نظرك

[بو خليفه 123]

تشتكي -زوجوني طفلا يهملني ويلعب البلاي ستيشن ماذا افعل؟؟؟:anger2:

أنها فعلا مأساه:secret: رجل لا اقصد طفلا في صورة رجل يهمل زوجته ليلعب البلاي ستيشن ويتابع الرسوم المتحركه !!هل فعلا وصلنا الى هذة المرحله اتوقع حتى تفكيرة سيكون محدود جداا
ماذ تفعل الزوجه مع هذا الطفل ؟
ماهو الحل مع الجيل القادم ؟

قضية للنقاش ......



تتعلم اللعبه و تلعب معه


يد ماتقواها صافحها

[بو خليفه 123]

اود اضيف

كثير من الازواج يمارسون لعبة الـ Wii وهي تتطلب حركه جسديه و لياقه عاليه

انصحكم بتجربتها

رياضه .. وقت ممتع مع الاهل .. و ضحك و وناسه

[ام السعف]

مااااااااال أول بلاي ستيشن

الحين ايباد وايبود وايفون وبي بي


الله يرحم أيام المونوبولي كنا مانعرف إلا هي :(

X box

لاعب لعبته

[تحداني]

مااااااااال أول بلاي ستيشن

الحين ايباد وايبود وايفون وبي بي


الله يرحم أيام المونوبولي كنا مانعرف إلا هي :(



لا احنه كنا مطورين اكثر كنا نلعب الاتاري وصخر في لعبه " ماريو " ولو ما وصلنا عند العروسه لايمكن نتوقف
وتخيلي بنت تلعب مع اثنين " شباب " كانوا يسطروني ويقولون لي وخري
وتالي الليل اروح العبها .. بس ما افوز .. وكل ما ابي اقرب من الفوز ياخذون الجهاز من عندي ويضربوني


اخواني كانوا وايد شريرين .. وقتلوا هالحب الكبير للاكترونيات عندي
وصار عندي انهيار عصبي منها بس احب اشوف غيري يلعبها
استانس لما تكون العاب صعبه وفيها مغامرات وابواب
واحلى شي لما يقربون من النهايه اوف قمه الفرحه




x box

لاعب لعبته




تشترين الاكس بوكس القديم نبي انبيعه ؟؟
مو لازم تلعبين فيه .. المهم تشترينه من عندي ذكرى
" ابتلشت فيه "


العرض ساري المفعول لنهايه فصل الشتاء.. فكري


جملكم الله برضاه

[ام السعف]

تشترين الاكس بوكس القديم نبي انبيعه ؟؟
مو لازم تلعبين فيه .. المهم تشترينه من عندي ذكرى
" ابتلشت فيه "


العرض ساري المفعول لنهايه فصل الشتاء.. فكري


جملكم الله برضاه

عندنا اياه بس مب لي حق ولدي الثاني
باشتريه من عنده وباهديج هدية من قلب صفطان
زينيه وحطيه في غرفتج
ذكرى مني لج :p علشان تتذكريني لما تغيب الشمس خلف الأطلال
العرض مفتوح ومب مرتبط بحالة نفسية او جوية ،،

[تحداني]

عندنا اياه بس مب لي حق ولدي الثاني
باشتريه من عنده وباهديج هدية من قلب صفطان
زينيه وحطيه في غرفتج
ذكرى مني لج :p علشان تتذكريني لما تغيب الشمس خلف الأطلال
العرض مفتوح ومب مرتبط بحالة نفسية او جوية ،،




انا بفتك من الي عندي تبلشني في غيره ..
راح تتحول هديه كابوسيه في جنح الليل والظلام
ارجوكي .. تقبلي مني هذا الرفض .. واهديها لواحد من الاخوان والخوات هنا في المنتدى
واعتبريها وصلتني على طبق مجمل بالشموع



جملك الله برضاه

[روح الاطلس]

جميل ولكن ماهو الحل في نظرك

انا لا أراها مشكلة حتى نبحث لها عن حل!!!

لعب البلاي ستيشن بحد ذاته ممتع وجميل ومن حق اي شخص سواء كان زوج او غيره انه يمارس هوايته ويرفه عن نفسه لكن بتوازن لا افراط ولا تفريط ...ممكن يخصص له وقت معين في الويكند مثلا اربع او خمس ساعات تكون وقت خاص له يسوي اللي يبيه

مش من حق الزوجة تمنعه بشكل نهائي مهما كان كل انسان يحب ان يختلي بأوقات خاصة فيه يطلع كل الجنون اللي عنده :)

[روح الاطلس]

X box
لاعب لعبته


هذي ماعرفها جديدة علي انا من الزمن الطباشيري :weeping:

[روح الاطلس]

[QUOTE=تحداني الزمن;7823066]

لا احنه كنا مطورين اكثر كنا نلعب الاتاري وصخر في لعبه " ماريو " ولو ما وصلنا عند العروسه لايمكن نتوقف
وتخيلي بنت تلعب مع اثنين " شباب " كانوا يسطروني ويقولون لي وخري
وتالي الليل اروح العبها .. بس ما افوز .. وكل ما ابي اقرب من الفوز ياخذون الجهاز من عندي ويضربوني


اخواني كانوا وايد شريرين .. وقتلوا هالحب الكبير للاكترونيات عندي
وصار عندي انهيار عصبي منها بس احب اشوف غيري يلعبها
استانس لما تكون العاب صعبه وفيها مغامرات وابواب
واحلى شي لما يقربون من النهايه اوف قمه الفرحه



مااااريوووو كانت لعبتي المفضلة بس كله اخوي ياخذ ماريو وانا اخذ اخوه اللي لابس اخضر :( دايما السيطرة من الاخ الاكبر .. اذكر ماوصلت عند العروسة الا مرة وحده بعد محاولات دامت سنوات:omg:

والله العابنا قبل احسن من الحين

مدري على شنو متولعين في البلاي ستيشن نفس صاحب المشكلة وادمانه

[Bin Hood]

مسامحة بادش عرض شوي

انا ودي اللعب playstation بس ما عندي وقت بحكم شغلي :eek5:

ساعات اللعب مع اخواني بس كله يغلبوني :weeping: اتملل وامشي

بس بعد ما راوح شغلي اليديد باحاول ان ارجع مجدي القديم :nice:

باك حق الموضوع

اذا الزوج يلعب بشكل معقول ساعة في اليوم او في الاجارة حتى لو ساعتين اشوفها عادي

اما اذا الحبيب بالساعات playstation وعقبها تلفزيون كارتون هذا ياهل

اوكي سؤال اخر

اذا كان الزوج يحب المباريات

انا في اليوم عادي اشوف اكثر من مباراة يعني 4 ساعات تقريبا ( اذا عندي وقت )

عادي ؟ والا بعد فيها كلام ؟

[تحداني]

روح الاطلس وبن هووود

هو الفشل حليف المبتدئين .. وتخيل تلعب مع اشخاص متمرسين
بيعتبرون لعبك مضيعه للوقت وتافهه .. وانت عارف كل مرحله نجاح يعتبرها انتصار
وتلقون الطرف الثاني نافخ نفسه وماسك القير والجهاز ابثقه يحسسك ان انت ابد ما اتعرف هالشي

فعادي لازم تتأقلمون مع هالمنافسين .. الي وصلوا له يعطيهم الحق ابهالاحساس الجميل
نجي ليش يلعبون بلي ستيشن .. " او ن يلعبه بالتحديد "

الشباب يحبون - المباريات .. الراليات ومسابقات السيارات .. الاكشن والقتل هاذي لعبتهم
البنات يلعبون الالعاب الي فيها مخ :) يعني لغز .. او كنز .. او مغامره .. او مهاره فيها خدع فنيه ..


هي تقنيه جميله جدا ومافي احد يختلف عليها
كشكل .. كفكره .. كإبتكار .. كجوده .. فما نقدر نقلل من قمه البلي ستيشن
ما الوم من يتولع فيها لان القلب والخاطر ينجبر فيه

صلب الموضوع وايد مالي علاقه فيه
بس حبيت اعرض جهازي للبيع ومافي حد يبي يشتريه للاسف :(



حملكم الله برضاه

[HADi]

حتى انا العب بلاي ستيشن :)

[بدون]

الله يهدي الجميع
الموضوع المطروح يعرض مشكلة تعرضت لها اخت تشتكي الاهمال
للاسف معظم الردود تتهمها بأنها بالغت بالشكوى بدلا من ابداء النصيحة
نحن لم نعرف حدود المشكلة و لكن صاحب الموضوع بين بأنها تعاني من الاهمال

موضوع الاهمال كبير و شائك و قد يؤدي على المدى الطويل إلى انحراف الزوجة التي تبحث في زوجها عن الحبيب و الزوج و الأخ و العضيد و ليس ظل رجل.

أرجوأن تنظروا إلى الموضوع من جميع زواياه قبل الحكم على الزوجة التي تبحث عن حق من حقوقها ، و بدون أن تعتبروا كلمة طفل موجهة إليكم لأنكم تشتركون مع الزوج في نفس الهواية.

المقصد من الطرح هو تبيان بأن المبالغة في الاستغراق في الهوايات يشغل الإنسان عن دوره في الحياة و قد لا ينتبه إلا بعد فوات الأوان

الله يهديه و يصلحه و يهدي جميع المسلمين

[الشوق عطري]

وليش ما تكون العله في الزوجه

يعني بذمتكم الريال لو انه شاف ذيك المميزات والاسلوب الحلو من الزوجه وقسم بالله يكسر البلستيشن ويجابلها اربع وعشرين ساعه

[ام السعف]

هذي ماعرفها جديدة علي انا من الزمن الطباشيري :weeping:

بل عيل احنا من زمن الكتابة على الحجر

شوفي على وارتفع صوت الاكس بوكس بعد السنسور
حلوة السنسور هذي ،،،

انت مب بحاجة للمضارب او اي مماسك علشان تلعبين اللعبة

يعني توني من اسبوع انهد حيلي في مسابقة العاب القوى
حركات وتموهات جسمج تحاكي اللعبة ،،

لعبنا دويتو " اقصد لعبت مع ولدي الصغير "
تقدم علي في الجري والقفز على الحواجز ،، لكني تفوقت عليه
في رمي الجلة و السهم ، لأني ما اعرف اساسيات اللعبة واشلون
لازم اركض ,,,,,,,,,,,> اللي بيلعبها مايبي يسجل في مركز تخسيس او جم ،،

والبلاي ستيشن اعتقد نزلوا القطعة اللي تخلي الجسم يحاكي اللعبة ،،

[العـوا]

وليش ما تكون العله في الزوجه

يعني بذمتكم الريال لو انه شاف ذيك المميزات والاسلوب الحلو من الزوجه وقسم بالله يكسر البلستيشن ويجابلها اربع وعشرين ساعه

العله في الرجل لانه هو المهمل لو اهتم اكيد بتهتم فيه بس نحن معشر الرجال مظلومين

[تحداني]

لا توجد " عله "وزلا حتى " مله " هذا حب ومن الحب ما قتل



جملكم الله برضاه

[شموخ وبس]

خل تسايسه وتحاول تلفت انتباهه بحركات الدلع والانوثه
وتذكره بوقت الصلاه من لفتره لفتره وتدعيله يمكن يخف شوي
عالاقل قدام عينها احسن من اللي ينزلها بيت اهلها ويروح يخونها
الله يصلحه ويهديه

اتهقين هالبغل شبع من هالحركات تطلعله في البلاي استيشن احسن :sneaky:

يمكن خبل ترا في ناس يكونون متاخرين فكريا ياويلي الله لايبلى حد صاحي و:secret:
اجل مينون اشلون :weeping:

[شموخ وبس]

تريدون مارد القمقم

ان جابلكم قلتو بوزه ببوزنا ما يطلع من البيت

ان طلع من البيت قلتو ما يقعد بالبيت

ان جلس بلبيت وتسلى له باي شي قلتو مجابل النت ولا البلاي ستيشن ومهملنا


للاسف اغلبكم

يبغون مارد القمقم يمشونه على كيفهم حتى في بيته



خل يلععب معليه بس هم لنا حقوق بالنسبه لي اللي امجابل الجزيره والا البلاي ستيشن نفس اللي برا وحنا شنو مالنا رب :omen2:

[العـوا]

بوحارب راجع كلامك المتناقض


كل الامور تحتاج اتزان ...


يمكن لاوجه في المرقد ولا وجه في المقعد :nice: يمكن مقصوب:(
:sneaky:


أحسن من غيره.. خل تحمد ربها وتتعايش مع الوضع.. ولاتركز وايد.


المهم هي تعتمد على نفسها وتعوض النقص اللي في حياتهم باللي تقدر عليه.. المسؤولية الكبرى على عاتقها في هالحالة.. لازم أحد الطرفين يتحمل إصلاح الوضع.. وفس هالحالة هي لأنها الأعقل في القصة المذكورة..


ليش ما تقعد وياه وتشاركه هوايته ومن خلال هالمشاركة وبالصبر تدخل معاه وتتكلم بأمور الحياة والمستقبل وشوي وشوي.. راح يتغير
يبيلها حكمة وصبر
دمتم بود..


للي يقولون خل تشاركه ماظنتي بيخليها تشاركه لان اللعب بيكون مفتوح

بالمايك مع ربعه ،،

ولكن هذي مب سبب للشكوى الا اذا كان زوجها مدمن لعب وليل ونهار وهو مجابل

الشاشة ،، ويلعب واظن هالشي يكون صعب ،،

سبحان الله النفس البشرية مايعجبها شي ودائمة التشكي

انا اعرف نسوان اليوم يلعبون هالالعاب ،، سواء على شاشات التلفزيون

او شاشات الكمبيوتر :p ( الكلام لك ياللي هناك )


:nice::nice::nice::nice:


الله يهديه ويصلحه


اتبوس يدها عدله ومقلوبه ان هذي اهتمامات زوجها

ابرك من مايكون صايع ومن بلاد لي بلاد للهياته والسيجاره ماتطيح من يده00 او يشوف افلام شسمه وهالسوالف


تحمد ربها حمدا" كثيرا

يمكن السلبية الي صج فيه الاهمال بس اهمال ببراءه الاطفال ههه

غير ولكن ممكن تجذبه بعدة طرق لها دامه بهالعقلية الطفولية

على فكره انا شكبري ومدمنه رسوم متحركه ترى هالرسوم مالها سن وعمر للمشاهده

الله يصلح حالهم ^_^



الفكره انه يهمل زوجته بس

الاختلاف في الراي لايفسد للود قضيه

[meandme]

الحمدلله أنا ما ألعب ألعاب الفيديو ولا أحضر مباريات كلش....ولا حتى ورق...أكثر شي ممكن أسويه راس شيشة ساعة في اليوم ....كل الشباب يستغربون مني مادري ليش!!! مع إني أحس نفسي على صواب

[قطري !]

الحمدلله أنا ما ألعب ألعاب الفيديو ولا أحضر مباريات كلش....ولا حتى ورق...أكثر شي ممكن أسويه راس شيشة ساعة في اليوم ....كل الشباب يستغربون مني مادري ليش!!! مع إني أحس نفسي على صواب



رأس شيشه !!!!!!!!!!!!!


وانا واحد بعد من اللي يستغربون منك


هل لك هدف في الحياة أو هل رسمت لك طموح ...؟؟؟؟؟


ماذا قدمت لبيتك ولوطنك ... اذا فعلا انت انسان طموح وتعمل ولك هدف انا اكون معاك لو اخذت لك راس شيشه علي اني اكره شي اسمه دخان ..


واذا طرطنقي .. الله يشافيك يارب

[العـوا]

يعني يااما يكون صايع ضايع
ولا تحمد ربها انه يلعب عالبلايستيشن
؟؟؟؟؟؟


صج ردود تضحك مافي يعني واحد مب صايع ومب متولع فالبلاي ستيشن
مادري الرياييل ينكن صاروا يتنصنفون على هالحالتين



الله يصبرها


أوف...؟ شسالفه....؟

عندنا بلايستيشن في المجلس... ونلعب بالدور على كول اوف ديوتي... ولين خلصنا نلعب ورقه.....
هذا عقب طلعة فيلاجيو والسينما بعد ( لكن مب كل يوم يعني ) مصختها ياخي خخخخخخخخخـ
ولين رديت غرفتي يجي وقت البي بي وعقب الآي فون.... وفي وقت أقعد مع مرتي... وفي وقت الاعب عيالي...

مافيها شئ يعني... وبعدين أصلاً هي مهي بفاضيه طول اليوم... عيالها وغرفتها واشغالها... وعقب تبغي تقعد مع اهل البيت وتسولف....

ولا انتوا ما عندكم كذا في البيت...؟


هذا طفل وليس رجل




انا :)
اداوم
اطلع
العب ورقه
العب بلاي ستيشن
اسولف مع الربع
اتعبث فالتلفون
اقعد مع هلي
كل هاي ب10 ساعات
وباقي اليوم راقد :tease:


الصراحه مادري انلاقيها من الموضوع ولا من بعض الردود

سؤال بس هل الي يلعب العاب الفيديو يعتبر طفل بنظركم

اول مره اعرف هنظرية

للامانه انا مالعبت بلاي ستيشن من ايام الاعدادي يعني اكثر من 10 سنين بس مع ذالك ما احب اي تقيم على سلوك شخص ما احبه واخليه طفل

خلاص عيل الي يروحون للملاهي بعد اطفال الي يلعبون ورقه بعد اطفال الي يسون اي شي يرفه عن نفسهم بعد بنعتبرهم اطفال ومرضى لا ونبي انعالجهم بعد

واذا زوجها ابتعد عنها فاكيد في مشكله خل اتراجع نفسها وتصرفاتها وبعدها تحكم عليه

مع ا اشو ان مافي حل اذا هي تجراة وقالت عنه ياهل اشلون الغريب

مع الاسف البنات يتمنون الزواج ولا تزوجو وشافو عيب هلكبر شالو شلايلهم وراحو بيت ابوهم وحسبالهم بهلحركةالزوج بجيها يركض ويتبجبج يرجعها والله اعرف وحده سوت هشي من باب اتعرف غلاتها ومن باب تبيه بعد يهتم فيها اكثر مع انه مو مقصر عليها عازها ورازها اطلعت من دون موافقته وراحت بيت اهلها يومين وتبيه يراضيها ويوم قالها مثل ما رتي اتين ما عجبها الكلام وعندة اخر شي اوصلتها ورقتها

البنات حسبالهم ان الحياة الصجية مثل المسلسلات والافلام بتزعل اشوي بيها الزوج يركض يراضيها ويواسيها مايدرون مثلم ا هي عازه روحها ومثل ماطقتها زعل راحت لهلها بعد الريال عاز عمره ومهب قاعد على مزاجها

انا اشوف الحل ان هي اتفاهم وياه بلين اتحاول اتعرف الي بداخله واهم شي تحترم الاشياء الي يحبها مب تحتقرها بس لان هي ما اتحبها

واتمنى بس انخفف التدقيق على تصرفات الناس الا افلان بلمحاضره على البلاك بري الا هاي يلعب بلايستيشن

يعني مادري لين متى الانتقاد هذا وهم مومسوين شي غلط ول اغلطو باجر اشبتسون بتاكلونهم مثلا

الله يهدي الجميع




امبيييية غيل خبرك عتيج..في بعض البنات يحبون الكورة ويتابعونها يمكن بحماس اكثر من الشباب..انا ادارية في مدرسة لو تشوف البنات اشلون يتكلمون عن نادي برشلونة بحماس وتعصب:omg:
تقول وش خلو للشباب:(

عموما انا ادعي الزوجة انها تحتوى مزاج زوجها بالنسبة لهوايتة ..

حبي اللى يحبة بل وتنافسي معة في هالهوايات:nice:


call of duty

بس على الاكس بوكس

الاكس بوكس ولا غيره المشكله مشكله اهمال اخوي

[بنت امي]

على الاقل بليستيشون افضل من المغازل في المجمعات

[تاج المراجل]

هذه ابرك لها تاخذ البلاستيشن وتكسرها على راسه وتطرده وتقول يالله انقــلع بيتكم ، ، ، تزوجت رجال
ولا تزوجت طفل انا ،

[meandme]

هههههههههههههه شفيك أخوي مضايق من الشيشه ولا شنو....انت فهمت غلط...انا أقصد أكثر وقت ممكن أضيعه في اليوم ساعه فقط على راس شيشه يعني هذا حدي...أما مثل مايسوون الشباب 3 ساعات مبارايات و3 ساعات بلاي ستايشن أنا ماعندي هل كلام بالعكس أدور الشي المفيد

يعطيك العافية على هل طموح بنظملك دوره تدريبه تعطي الناس محاضرات






رأس شيشه !!!!!!!!!!!!!


وانا واحد بعد من اللي يستغربون منك


هل لك هدف في الحياة أو هل رسمت لك طموح ...؟؟؟؟؟


ماذا قدمت لبيتك ولوطنك ... اذا فعلا انت انسان طموح وتعمل ولك هدف انا اكون معاك لو اخذت لك راس شيشه علي اني اكره شي اسمه دخان ..


واذا طرطنقي .. الله يشافيك يارب

[العـوا]

هذه ابرك لها تاخذ البلاستيشن وتكسرها على راسه وتطرده وتقول يالله انقــلع بيتكم ، ، ، تزوجت رجال
ولا تزوجت طفل انا ،

يمكن يكون حل بس موقت

[جمال اليافعي]

بأذن الله موضوعها محلول وماتدري ان الله يقدر يغير حال زوجها من يوم وليله لأنسان محترم .. هو الباين مش شايف مرته قدامة بس بيجيه اليوم الي بيحصلها هي الوحيده الي واقفه معاه بعدين بيتغير , كل الي اقدر اقوله لها عن طريق هالمنبر انها تتحلى بالصبر وتحاول معاه قدر الامكان ..

[العـوا]

بأذن الله موضوعها محلول وماتدري ان الله يقدر يغير حال زوجها من يوم وليله لأنسان محترم .. هو الباين مش شايف مرته قدامة بس بيجيه اليوم الي بيحصلها هي الوحيده الي واقفه معاه بعدين بيتغير , كل الي اقدر اقوله لها عن طريق هالمنبر انها تتحلى بالصبر وتحاول معاه قدر الامكان ..

اظن هذا حل مؤقت اخوي ولا كيييف

[العـوا]

عندنا اياه بس مب لي حق ولدي الثاني
باشتريه من عنده وباهديج هدية من قلب صفطان
زينيه وحطيه في غرفتج
ذكرى مني لج :p علشان تتذكريني لما تغيب الشمس خلف الأطلال
العرض مفتوح ومب مرتبط بحالة نفسية او جوية ،،




انا بفتك من الي عندي تبلشني في غيره ..
راح تتحول هديه كابوسيه في جنح الليل والظلام
ارجوكي .. تقبلي مني هذا الرفض .. واهديها لواحد من الاخوان والخوات هنا في المنتدى
واعتبريها وصلتني على طبق مجمل بالشموع



جملك الله برضاه




انا لا أراها مشكلة حتى نبحث لها عن حل!!!

لعب البلاي ستيشن بحد ذاته ممتع وجميل ومن حق اي شخص سواء كان زوج او غيره انه يمارس هوايته ويرفه عن نفسه لكن بتوازن لا افراط ولا تفريط ...ممكن يخصص له وقت معين في الويكند مثلا اربع او خمس ساعات تكون وقت خاص له يسوي اللي يبيه

مش من حق الزوجة تمنعه بشكل نهائي مهما كان كل انسان يحب ان يختلي بأوقات خاصة فيه يطلع كل الجنون اللي عنده :)





هذي ماعرفها جديدة علي انا من الزمن الطباشيري :weeping:


[QUOTE=تحداني الزمن;7823066]

لا احنه كنا مطورين اكثر كنا نلعب الاتاري وصخر في لعبه " ماريو " ولو ما وصلنا عند العروسه لايمكن نتوقف
وتخيلي بنت تلعب مع اثنين " شباب " كانوا يسطروني ويقولون لي وخري
وتالي الليل اروح العبها .. بس ما افوز .. وكل ما ابي اقرب من الفوز ياخذون الجهاز من عندي ويضربوني


اخواني كانوا وايد شريرين .. وقتلوا هالحب الكبير للاكترونيات عندي
وصار عندي انهيار عصبي منها بس احب اشوف غيري يلعبها
استانس لما تكون العاب صعبه وفيها مغامرات وابواب
واحلى شي لما يقربون من النهايه اوف قمه الفرحه



مااااريوووو كانت لعبتي المفضلة بس كله اخوي ياخذ ماريو وانا اخذ اخوه اللي لابس اخضر :( دايما السيطرة من الاخ الاكبر .. اذكر ماوصلت عند العروسة الا مرة وحده بعد محاولات دامت سنوات:omg:

والله العابنا قبل احسن من الحين

مدري على شنو متولعين في البلاي ستيشن نفس صاحب المشكلة وادمانه


مسامحة بادش عرض شوي

انا ودي اللعب playstation بس ما عندي وقت بحكم شغلي :eek5:

ساعات اللعب مع اخواني بس كله يغلبوني :weeping: اتملل وامشي

بس بعد ما راوح شغلي اليديد باحاول ان ارجع مجدي القديم :nice:

باك حق الموضوع

اذا الزوج يلعب بشكل معقول ساعة في اليوم او في الاجارة حتى لو ساعتين اشوفها عادي

اما اذا الحبيب بالساعات playstation وعقبها تلفزيون كارتون هذا ياهل

اوكي سؤال اخر

اذا كان الزوج يحب المباريات

انا في اليوم عادي اشوف اكثر من مباراة يعني 4 ساعات تقريبا ( اذا عندي وقت )

عادي ؟ والا بعد فيها كلام ؟



روح الاطلس وبن هووود

هو الفشل حليف المبتدئين .. وتخيل تلعب مع اشخاص متمرسين
بيعتبرون لعبك مضيعه للوقت وتافهه .. وانت عارف كل مرحله نجاح يعتبرها انتصار
وتلقون الطرف الثاني نافخ نفسه وماسك القير والجهاز ابثقه يحسسك ان انت ابد ما اتعرف هالشي

فعادي لازم تتأقلمون مع هالمنافسين .. الي وصلوا له يعطيهم الحق ابهالاحساس الجميل
نجي ليش يلعبون بلي ستيشن .. " او ن يلعبه بالتحديد "

الشباب يحبون - المباريات .. الراليات ومسابقات السيارات .. الاكشن والقتل هاذي لعبتهم
البنات يلعبون الالعاب الي فيها مخ :) يعني لغز .. او كنز .. او مغامره .. او مهاره فيها خدع فنيه ..


هي تقنيه جميله جدا ومافي احد يختلف عليها
كشكل .. كفكره .. كإبتكار .. كجوده .. فما نقدر نقلل من قمه البلي ستيشن
ما الوم من يتولع فيها لان القلب والخاطر ينجبر فيه

صلب الموضوع وايد مالي علاقه فيه
بس حبيت اعرض جهازي للبيع ومافي حد يبي يشتريه للاسف :(



حملكم الله برضاه


حتى انا العب بلاي ستيشن :)


الله يهدي الجميع
الموضوع المطروح يعرض مشكلة تعرضت لها اخت تشتكي الاهمال
للاسف معظم الردود تتهمها بأنها بالغت بالشكوى بدلا من ابداء النصيحة
نحن لم نعرف حدود المشكلة و لكن صاحب الموضوع بين بأنها تعاني من الاهمال

موضوع الاهمال كبير و شائك و قد يؤدي على المدى الطويل إلى انحراف الزوجة التي تبحث في زوجها عن الحبيب و الزوج و الأخ و العضيد و ليس ظل رجل.

أرجوأن تنظروا إلى الموضوع من جميع زواياه قبل الحكم على الزوجة التي تبحث عن حق من حقوقها ، و بدون أن تعتبروا كلمة طفل موجهة إليكم لأنكم تشتركون مع الزوج في نفس الهواية.

المقصد من الطرح هو تبيان بأن المبالغة في الاستغراق في الهوايات يشغل الإنسان عن دوره في الحياة و قد لا ينتبه إلا بعد فوات الأوان

الله يهديه و يصلحه و يهدي جميع المسلمين



وليش ما تكون العله في الزوجه

يعني بذمتكم الريال لو انه شاف ذيك المميزات والاسلوب الحلو من الزوجه وقسم بالله يكسر البلستيشن ويجابلها اربع وعشرين ساعه

[حيهور]

الله يهدي الكل
عبالهم الزواج لعبة ووناسة

مايدرون ان بناء أسرة

وتربية وتعاون

وهم :)

[شبح الصمت]

اي دور وصل في psp

:telephone:

[شبح الصمت]

الله يهدي الكل
عبالهم الزواج لعبة ووناسة

مايدرون ان بناء أسرة

وتربية وتعاون

وهم :)




انزين واذا الاسرة ما تكونت

تمت زوج وزوجة فقط !!

شالحل

ويبون يعيشون ايام طفولتهم

مب الحين الواحد عمره 23 او 24 وياخذ له وحده عمرها 19 وهي تقول ابيه يعلمني وهو يقول ابي استانس في شبابي ما استانست .. !!

انزين شالحل

[chillis]

مافيها شي اذا لعب لاي ستيشن بس اول شي يقوم بواجباته وتالي يلعب احسن من الهياته بالمولات

[العـوا]

الله يهدي الكل
عبالهم الزواج لعبة ووناسة

مايدرون ان بناء أسرة

وتربية وتعاون

وهم :)
يعني وصفها صحيح وصفته بالطفل !!!

[العـوا]

اي دور وصل في psp

:telephone:

؟؟؟؟؟؟ بي اس بي

[العـوا]

الله يعينها عليه .. ويصبرها


كثيره الردود و البعض اعجبني و البعض لا ..

حل الموضوع بسيط ولا يحتاج الى تعقيدات .. كل انسان قادر على التغير بس في حالة توفر العوامل الي تساعد على التغيير .

اول حل للمشكلة هي نظرة الزوجة فـ بمجرد انها اطلقة عليه كلمة ( طفل ) فهي تنتقد طريقة زوجها في تضييع وقته والمفروض انها تحترم هوايته وما تقلل من شأنها ,, فـ مثل ما لاحظنا ان عدد الناس الي يلعبون هذه اللعبة في تزايد كبير و بمختلف الفئات السنيه و الواجب عليها حاليا انها تغير فكرتها .

ثانيا لازم على الزوجة انها توفر لزوج جميع متطلباته ( في حال رغبت في تغير اهتمامته ) .

ثالثا تحاول تشاركة ولو كمتفرج و تحسسه انها مهتمة معاه ولو لدقايق معدوده و بهالطريقة راح يبدا يسولف معاها وفي البداية اعتقد ان الحديث راح يكون عن موضوع اللعبه نفسها وشطارتها مع الوقت انها تغير فكرته و تحاول تبدل المواضيع و تدخل مواضيع جديدة مهمة ومشوقة اكثر .

وبعد ما تتبع هالخطوات تحاول تصنع له اهتمامات ثانية مثل الخروج معاها لمطعم او السوق بشرط ( انها ما تخرب الطلعة ) وحتى لو اخطاء بكلمة عليها تحاول تمشيها له او تزعل بطريقة حلوه ما تخرب الجو ومع الوقت راح تتغير اهتمامته في حال لقى متعه في التواجد مع زوجته .

في خطوات كثيرة وحلول اكثر بس كل هذا يعتمد على الزوجه نفسها و مدى رغبتها في تغير الزوج


انا اوافق الاخ محمد... في طرق وايد لحل المشكلة بس يعتمد على الزوجه وذكائها ومدى اهتمامها وحبها لزوجها..


خل يلعب وين المشكله:secret:

بس اهم شي مايهمل مرته وعياله :victory:


مااااااااال أول بلاي ستيشن

الحين ايباد وايبود وايفون وبي بي


الله يرحم أيام المونوبولي كنا مانعرف إلا هي :(


تتعلم اللعبه و تلعب معه


يد ماتقواها صافحها


اود اضيف

كثير من الازواج يمارسون لعبة الـ wii وهي تتطلب حركه جسديه و لياقه عاليه

انصحكم بتجربتها

رياضه .. وقت ممتع مع الاهل .. و ضحك و وناسه


x box

لاعب لعبته




لا احنه كنا مطورين اكثر كنا نلعب الاتاري وصخر في لعبه " ماريو " ولو ما وصلنا عند العروسه لايمكن نتوقف
وتخيلي بنت تلعب مع اثنين " شباب " كانوا يسطروني ويقولون لي وخري
وتالي الليل اروح العبها .. بس ما افوز .. وكل ما ابي اقرب من الفوز ياخذون الجهاز من عندي ويضربوني


اخواني كانوا وايد شريرين .. وقتلوا هالحب الكبير للاكترونيات عندي
وصار عندي انهيار عصبي منها بس احب اشوف غيري يلعبها
استانس لما تكون العاب صعبه وفيها مغامرات وابواب
واحلى شي لما يقربون من النهايه اوف قمه الفرحه







تشترين الاكس بوكس القديم نبي انبيعه ؟؟
مو لازم تلعبين فيه .. المهم تشترينه من عندي ذكرى
" ابتلشت فيه "


العرض ساري المفعول لنهايه فصل الشتاء.. فكري


جملكم الله برضاه
جميله هذه الافكار والحلول ولكن لازلت المشكله قائمه