من عنده ذوق بهدايا الميلاد ياليت تدخل [الأرشيف]

مشاهدة النسخة كاملة : من عنده ذوق بهدايا الميلاد ياليت تدخل

jojo

25-11-2011, 09:24 AM

السلام عليكم

اخواتي البنات انا ولد بس حبيت استشيركم في شغله

انا يوم ميلاد زوجتي باقيله شهر وحبيت اجهزلها هديه قبل هذاك اليوم

فحبيت استشارتكم في هديه حلوه سواء من الانترنت او بتغليفها او جمع اكثر

من هديه وتغليفها تغليفه حلوه وورود وجذي لان اتعرفون ذوق البنات وشنو يحبون

فياليت اتفيدون اخوكم الصغير خخخخ

فيروزه

26-11-2011, 01:21 AM

كل سنة وهي سالمة

الدانـه

26-11-2011, 09:37 PM

الحين تنزيلات في محلات فرصه
روح اخذ لها من باري قالوري او اي محل ثاني بالتنزيلات
ساعه + عطورات وكريمات او شنطه ماركه
وتغلفها بنفس المحل او الي بالمجمعات الي يكون وياهم ورد طبيعي

وبسسسسسسس =) ان شاء الله عطيتي فايده

sara jsm

27-11-2011, 07:33 AM

انت خذ لها اللي ودك وحاول تنوع في الاشياء,,
وود الاغراض لاي محل ورد وخلهم يغلفونه لك ويحطون لك اكسسوارت وورد منوع :)
وكل سنة وهي طيبه وعسى الله يوفقكم ,,

للصبر اخر

27-11-2011, 07:35 AM

انا مع كلام اختي ساره
والا اقولك
خذ لها باقة كبيرة وخل يحطون لك الاغراض اللي شريتها بالباقة
خذ لها طقم مو شرط الماس او ساعة او حتى عطورات

تحداني

28-11-2011, 12:03 AM

خذ لها " اذا كانت من عشاق العطر .. دهن عود مع عود "
او خذ لها مكياج من السلام تلقى في علب جاهزه من ماركات متنوعه وهم امجهزينها لك "
او خذ لها " حلق او اسويره من ديور او فندي او بولغري او اجنر " يحبون البنات هالاشيا
او خذ لها " جوتي وانت ابكرامه " من محل راقي
او خذ لها بدله " من كارن ملن " لهم فرع في الاند مارك وفي فيلاجيو
او فساتين .. عندهم شغلات حلوه وايد

والتغليف اتركه للمحل نفسه
او ممكن اتغلفه في اي محل تغليفات
كل سنه وهي طيبه وعسى الله ما يحرمكم من بعض

جملكم الله برضاه

بونو

28-11-2011, 02:53 AM

إخواني وأخواتي ..... متى بنحتفل بالكريسمس ؟!!!!!!

الا تعلمون ان الاحتفال بأعياد الميلاد محرم شرعا ... ويدخل في اطار عقيدة الولاء والبراء .....

وللعلم .... الشيخ القرضاوي المعروف بالوسطيه حرمها ....

الله يهدينا وياكم للحق بإذنه .... أنسى ياخوي سالفة أعياد الميلاد واحتفل بأعياد المسلمين .... وشوف البركة ان شاء الله

كازانوفا

28-11-2011, 09:13 AM

بـــــــنت النوخـّــــذه

28-11-2011, 09:46 AM

ليش عادي يعني هم مهب معتبرينه يوم مقدس

الا يوم كتقدير يعني ومهب شرط نفس اليوم بالضبط ممكن يخالفون اليوم

عموما والله ودي افيدك بس للاسف ماعرف ذوق مرتك شنهو لان انت ابخص بذوقهاالله يستر عليكم

تحداني

30-11-2011, 08:01 PM

بنت النوخذه

انتي عطيه اقتراحات وتالي الذوق والاختيار يرجع له
وعليه ساعات الشباب يتغربلون معانا ويبون احد يساعدهم
وتدرين الوحده اذا حد جاب لها شي مو حلو ما تنسى ابد .. بين فتره وفتره تقعد تقول له تذكر ما تذكر .. هو حلو بس مب واو .. هو ذوقي بس ما توقعت هاي ذوقك

ساعديه

جملك الله برضاه

بوحارب

30-11-2011, 09:34 PM

اخوي اذا تبي نصيحة لاتفتكر في مثل هالأمور لأنها ممكن تقربك من زوجتك لكن بتبعدك عن ربك

انا صارلي كم سنة متزوج ولا افتكرت في يوم ميلاد زوجتي مب اهمال طبعا لا بالعكس وهي تقول هالسوالف مالنا حاجه فيها !

خله يوم عادي مثل باقي الأيام والله يجمع بينكم على خير :)