+++ 280 سيارة لوزارة الداخلية +++

[jajassim]

ب 500ر452ر40 ريال :)


http://www.moi.gov.qa/site/arabic/resources/images/2011/11/24_23132.jpg


جرى صباح يوم الأربعاء 23 / 11 / 2011 بمبنى الملحق الإداري لوزارة الداخلية بالدفنة التوقيع على عقد شراء 280 سيارة لوزارة الداخلية ، وقد وقع عن الوزارة العميد مهندس / عبد العزيز الأنصاري مدير إدارة الإمداد والتجهيز بحضور العقيد/ سعود راشد آل شافي رئيس قسم المشتريات ووقع عن شركة عبد الله عبد الغني وإخوانه السيد / كي . أس . رافي كومار مدير مبيعات الجملة بفرع تويوتا، وقد بلغت قيمة العقد أربعين مليون وأربعمائة واثنين وخمسين ألف و500 ريال قطري .

وقد أوضح العميد الانصارى أن الصفقة تأتى في إطار حرص وزارة الداخلية على إحلال وتجديد السيارات التابعة لها بما يتماشى مع المتطلبات والاحتياجات في ظل المهام والواجبات العديدة التي تؤديها الوزارة.

المصدر (http://www.moi.gov.qa/site/arabic/news/2011/11/24/24514.html)

[khaldoon]

ما شاء الله....تبارك الله

الف الف مبروك

خلاص لازم اقدم على شغل بالداخلية يمكن احصل سيارة

[ام ناصر1]

مبروك ..ايش بيصير بالسيارات القديمة ستعرض للبيع ام لا

[اللورد]

يعني متوسط سعر السياره الواحده 144375ريال .

وش رايكم نسوي جروب وناخذ نفس العرض:victory:

[رمح الشمال]

280 سياره من شركة وحده لييييييييييييييييييييييييييييييييييييييييييييييييي يييش

[R 7 A L]

الف مبروكـ

[المـهـفـة والـســفـرة]

:nice:
يستاهلون حماة الوطن وعيونه الساهرة ،،

[مخطط قطري]

عساها بس 2012

[فتى الجود]

السلام عليكم

الله يعطيهم خيرها وياكافيهم شرها

ويتستاهلون ذيبة الوطن

وعساكم على القوة

[الـقـاسـي]

سياراتهم اغلبها جديده الداخليه ,,
وبعدين وين عبدالغني يقول ماعنده سيارات

وش هالوكاله اللي ماتبيع الا للحكومة الداخليه وقطر للبترول وغيرها

المفروض الحكومة تاخذ من المصنع مب من عند عبدالغني

[الارض]

40 مليون ريال بيطلعها الخرجي من عيوننا ب 280 دوريه


:vampire:

[حليتان*]

سياراتهم اغلبها جديده الداخليه ,,
وبعدين وين عبدالغني يقول ماعنده سيارات

وش هالوكاله اللي ماتبيع الا للحكومة الداخليه وقطر للبترول وغيرها

المفروض الحكومة تاخذ من المصنع مب من عند عبدالغني

صادق لو ياخذونها من المصنع بتطلع عليهم بنص المبلغ بالراااحه

بس هذي قسمة الله

[SOUD.QA]

بالمبارك الله يعطيهم خيرها ويكفيهم شرها

بس اللي شدني ال500 ريال شدعوه ماكو خصم المفروض يشلونها يعني 280 سياره شاريين مستخسرين تخصمون هال500

:tease::tease::tease:

[المزن الرياني]

هال 40 مليون حصيله يومين بالكثير من دخل الداخليه بجميع اداراتها

[للصبر اخر]

جايتكم الرادارات تعوض الاربعين ملييون
يستاهلون حماة الوطن

[سهم عتيج]

جايتكم الرادارات تعوض الاربعين ملييون
يستاهلون حماة الوطن

ايرادات الوزارات تذهب مباشرة الى ايرادات بند الدولة ,, ومشتريات الوزارات تؤخذ من مخصصاتها في الموازنة.. وبالتالي وزارة الداخلية مش شركة تجارية قائمة على الربح والخسارة.. وانما هي مؤسسة خدمية تقوم على خدمة المواطن والمقيم على حد سواء مع الأخذ في الاعتبار تحقيق مصلحة الوطن..

وبالتالي مدير المرور وغيره يجب أن لا نحمله أكثر من طاقته,, وانما هو يؤدي عمله من وجهة نظره دون النظر في كيفية احتساب الربح والخسارة بالنسبة له,, فهو يعتبر أن تقليل الحوادث وزيادة الوعي هو مقياس الربح والخسارة بالنسبة له وان كنا نختلف معاه في طريقة ادارته لذلك من خلال زيادة مبالغ المخالفات المرورية او زيادة الرادارات,, فهو يعتقد أن فرض الغرامة المالية وزيادة الرادارات هو السبيل الأمثل للحد من الحوادث والاختناقات المرورية دون النظر الى أن العملية ربحية او غير ذلك.. بينما قد يأتـي آخر ويشوف ان زيادة الوعي عن طريق تكثيف الحملات التوعوية وزيادة مستوى وعي السائق في كيفية التعامل مع مختلف الظروف هو السبيل الأنجع للحد من الحوادث والاختناقات المرورية..

والله أعلم..

[ahmed jasim]

إستنتاج:
كل وزير يستطيع أن يبالغ فى تقدير ميزانية وزارته وحصول الموافقة عليها مادام أنه أوجد مصدر دخل للدولة يغطى مصاريفه.

[نديم القلم]

كل الوزارات تجدد أسطولها من السيارات الحديثة دون أن تنشر الخبر في الصحف بأعتبار أن الأمر من قبيل تجديد وسائل النقل بأستثناء مانلاحظه من وزارة الداخلية التي يروغ لها نشر مثل هذه الأخبار وبالصــــــــور الفوتغرافية ، هل الخبر يستدعي أن يُفرد له مساحة في الجرائد كمــا هو منشور في جرائد أول أمس أم أنه مجرد حب الظهور ؟

[فيصل 89]

15803 < بضبط :)

والله انا اشوف اسييارة وااااايد اكثر من الازم اصلن مواترهم القديمه مكفيه وموافيه والاخويه بعد النياسين اليديده اشوف مالها دااعي

مواتر الداخليه كلها يديده

[eqahtani]

زين انهم شرو تيوتا ماكو موتر يصبر مكده الشرطة والدوريات غيره

[بوعلي2]

تتوقعون بيجي يوم وتشتري الداخليه مرسدس 500

شي شي

[كبير المتداولين]

بس هاي الي هامكم شغلو الحاسبه اكيد السيارات كلها لاندكروزر

40 مليون على 280 سياره

تطلع كل سياره 144 الف ريال تقريبا

يعني اكيد السيارات gx بهالمبلغ

واذا تشتريها بالحبه يكون سعرها 190 الف ياعيني عليك ياعبدالغني

[مرتبش]

غريبة
مع اني ما اشوف المرور في الشوارع..الا احيانا على بعض الدوارات صباحا فقط.. وين يروحون باقي اليوم ..حتى في الليل خاطري اشوفهم يتمشون في الشوارع احس بوجودهم ونعرف انهم موجودين

[BIG-VEGA]

يستاهل عبدالغني .. من اطيب واحن التجار على المواطن :secret:

[قطراوي للأبد]

يالربع قالوا الداخليـــة !! ماقالوا المرور !!!


يعني السيارات لجميع الإدارات .. كل اداره ولها متطلباتها .. وعلى أي اساس حكمتوا ان كل السيارات لاند كروزر ؟؟ وان فرق فالسعر ومادري وشو

الصراحه يعني مادري شصار فينا .. نطالع ونتكلم بدون مانعرف

حتى أنا يعني الحين لما اكتب لكم هالكلام !!! مادري بالضبط شاللي خذوه .. بس مايصير نتكلم عالفاضي ..

يعني كل ادارة تحتاج سيارات .. سواء من المرور والدوريات .. او الإدارات الثانيه .. مندوبين .. أو سيارات لمهمات الضباط .. ممكن تكون كامري ! ممكن كورولا .. ممكن جي أو جي اكس ..

واللي يقول ان النياسين مالهم داعي .. اعتقد انك تقصد نياسين لخويا .. اللي هي اصلا مخصصه للموكب ..

طبعا الكل يدري ان حزات الموكب يوصل لفان وغيره !!! والوقت محدود .. فـ تحصل الموكب بكبره طاير .. تهقون الجي بيصف عند المرسدس ؟ .. ولا ليش الموكب عندهم بي ام .. ونياسين !! ..

ترى مافي شي بدون سبب .. يعني الفلوس ماراح تنقط عالفاضي .. وحتى لو السيارات القديمة تقوم بالواجب ..

في اراء ثانيه ماتقول هالكلام .. تقول ان احنا بلد متطور .. ولازم نواكب التطور ونحدّث اللي عندنا .. كـ شكل + أداء

يعني لاتنظرون لها من منظور واحد .. خلونا نرتقي فـ تفكيرنا ونشوف الأشياء الأهم .. من ان عبدالغني دخل 40 مليون ولا فلان دخل 30 مليون .. الله يرزقهم ويرزقنا مثل مارزقهم الرزق الحلال ..


المهم ان نقول .. الحمدلله البلاد تتطور .. ونشوف تغييرات للأفضل ان شاء الله