المساعد الشخصي الرقمي

مشاهدة النسخة كاملة : قياسات مدخل البيت ضروري


مضارب دوسري
26-11-2011, 11:04 AM
السلام عليكم

اخواني انا محتار في مدخل البيت (الصاله)
كم القياسات اخليها ؟
انا حاب يكون الباب عريض بعض الشي وطويل احس انه يعطي منظر حلو للبيت ؟

انا مفكر اخلي القياسات العرض مترين ونص
والطول مترين و 30 سم

شرايكم ؟
وياليت نشوف ارائكم بسرعه لان الحين مخليهم مايشتغلون مكان الباب لين نشوف ارائكم
naklan
26-11-2011, 05:08 PM
هلا باخوي مضارب دوسري الله حية :nice:
شوف اخوي علشان تقتنع بتحديد حجم باب المدخل تطلب من الاستشاري
يعمل لك اسكتش بقياسين مختلفين تختارهم مع صورة الواجهة كاملة وبتعرف
الانسب من الشكل العام للفلة وعلى حسب حجم المدخل كم متر بتحدد الافضل
بيبان المداخل غالباً من 1.80 الى 2 متر مناسبة وجيدة والارتفاع اذا
الباب مقوس او نصف دائرة من الاعلى فارتفاع 2.50 حلو
ويعتمد الاختيار النهائي على تناسب الباب مع الشكل
العام للمبنى اتمنى لك كل التوفيق :)
تحياتي للجمــــــــــــــــــــيع
MeMe MoOoON
26-11-2011, 08:14 PM
احنا مسوين ارتفاع الباب 3 ونص والعرض مترين طالع واايد راقي
بس اهم شي عند ارتفاع البيت احنا مسوينه 4 ونص
والله يوفقك اخوي
ANONYMOUS
26-11-2011, 09:35 PM
اهم شي حجم البيت مقارنة مع الباب

بمعنى

لو عندك قصر

عادي تسوي باب خمسه طول و اربعه عرض
مضارب دوسري
26-11-2011, 10:35 PM
الله يجزاكم خير

اخوي نكلان
الله يحييك ويرحم والديك
الاستشاري اللي سوى الخرايط تهاوشت معاه لانه الله يهديه خلص اجراءات الخرايط في 4 شهور مع انها تخلص ف شهرين
وانا الحين ف مرحلة البناء وخلصنا من الفاونديشن ويشتغلون في مرحلة الدور الارضي من اليوم

انا الدور الارضي عندي 4 متر و 30 سم

كلمت الاستشاري المشرف
قالي افضل قياس اذا ابي
يكون العرض 2 و30 سم
والطول 2 و 80 سم
واقتنعت بكلامه

انا خليته يكون بدون نص دايره
لانه عندي صوره للباب بس كنت ابي القياسات المناسبه له


اختي ميمي مووون يعطيج العافيه وارحم الله والديج

اخوي انينموس احنا ويييين والقصووور وييين ههه
يعطيييك العافيه على مرورك وشاكر لك تواجدك