استفسار : وين نسكن بالكويت ؟؟؟؟؟

[الطبيشي]

بالربع عندي سفر للكويت وماادري وين اسكن ؟؟؟ اللي عنده خلفيه لا يبخل علينا

[AL-MAYSTRO]

فندق بودل
مكانه روعه وغرفه وخدمته ممتازه
روعه واحلى للعائلات

بس احجز من الدوحه عشان تضمن تلاقي حجز

وهذ موقعه الرسمي اذا تحب تشوف

http://www.boudl.com.sa/ar/index.php?p=b_ku_1

[الطبيشي]

واحد من الربع سكن البودل وما يمدحه لذلك قررت اتحاشاه وانت ماقصرت *

[Umahmad]

جي دبليو ماريوت
او
ماريوت كورت يارد

[القلم الصريح]

اخر مره رحت الكويت سفرة عمل ، سكنت في الشارتون خمس نجوم بس قديم ومجددينه وفي فندق جديد لاصق فيه اسمه فور بوينت شارتون تابع للشرتون وجديد اربع نجوم

ادخل موقع booking.com بيعطيك عدة خيرات من اكثر شعبيه او النجوم او المناطق

[HAMAD9030]

فندق ومجمع الراية أفضل فندق في الكويت

[مـــحـــمــد]

فيه فندق جديد في شارع المطاعم بسالميه مقابل بودل
مادري شنو اسمه بس الربع اسكنوا فيه ويمدحونه

[خشوف]

موفنبيك البدع روعه اذا عائلة خذ فيلا روعه

[برقان]

واحد من الربع سكن البودل وما يمدحه لذلك قررت اتحاشاه وانت ماقصرت *


السلام عليكم

اول شي تروح وترجع بالسلامه أنشالله

تكفى اخوي لاتروح فندق بودل ترا يلوع الجبد ومايصلح للناس الراقيه او العوائل لا الفندق نفسه ولا حتى الشارع اللي فيه الفندق , كله مصابن وشباب هتليه الواحد يستحي يطلع مع اهله من الفندق والله نفس الشي لفندق روتانا المنشر بالفحاحيل انصحك بشده لاتسكن فيه حتى لو بلاش بعيد عن كل شي ومكان كله وافدين من مصاروه وهنود والخ

وثاني شي هذي فنادق متواضعه انشالله تعجبك اخوي

1- فندق كوستا ديل سول الكويت

انصحك فيه وبشده لمكانه الراقي وجريب من كل مكان واحلى مافيه انه جميع الغرف أطلالته على بحر الخليج العربي,وجريب من أهم الأماكن اللي تبيه انشالله لانه بوسط شارع الخليج بالظبط, تلفونهم 009651830083

رابط الفندق

http://www.kuwait-hotels.org/2011/%d9%81%d9%86%d8%af%d9%82-%d9%83%d9%88%d8%b3%d8%aa%d8%a7-%d8%af%d9%8a%d9%84-%d8%b3%d9%88%d9%84-%d8%a7%d9%84%d9%83%d9%88%d9%8a%d8%aa/




2- فندق ميسوني الكويت

انصحك فيه بعد لانه مقابل اهم المراكز والاماكن اللي تبيهم انشالله واهم شي اطلالته البحريه على الخليج العربي واعتقد انه غالي شوي

تلفونهم 0096525770000

http://www.kuwait-hotels.org/2011/%d9%81%d9%86%d8%af%d9%82-%d9%85%d9%8a%d8%b3%d9%88%d9%86%d9%8a-%d8%a7%d9%84%d9%83%d9%88%d9%8a%d8%aa/



3- فندق كورت يارد ماريوت الكويت

حلو وراقي وكل شي فيه حلو اعلى البرج الفندق كله وتحت مجمعات ومول وجذي سوالف للتسوق ومطاعم وكافيهات

ولكن عيبه انه بوسط الديره يعني دخلتك بزحمه وطلعتك زحمه

الفندقين الاول والثاني اللي عطيتك انا واثق انك بتسكن فيه لانه حدهم سهلين ومايحتاي تعب بالدخله والطلعه ويعتبر على اطراف المدينه على البحر مباشره
انا شخصيا حده عاجبني وبعيد عن صخب المدينه الداخليه وزحمتهم مثل فندق الثالث كورت يارد ( برج الرايه )
تلفونهم 0096522997000

http://www.kuwait-hotels.org/2011/%d9%81%d9%86%d8%af%d9%82-%d9%83%d9%88%d8%b1%d8%aa-%d9%8a%d8%a7%d8%b1%d8%af-%d9%85%d8%a7%d8%b1%d9%8a%d9%88%d8%aa-%d8%a7%d9%84%d9%83%d9%88%d9%8a%d8%aa/


اخوي في فنادق وايد وايد وايد ولكن صدقني عطيتك الاسهل والاحسن بالنسبه لك تبي تتمشى على الراحه, في فنادق ولكن للأسف كلهم بشارع حمد المبارك واللي بداخل العاصمه,يعني زحمه بالدخله والطلعه اغلب وقتك بيروح على الزحمه

http://www.kuwait-hotels.org/category/%d9%81%d9%86%d8%a7%d8%af%d9%82-%d8%a7%d9%84%d9%83%d9%88%d9%8a%d8%aa/

انصحك بالفندق الاول والثاني بشده وواثق انك راح تحبهم وتستمتع فيهم انشالله

وترجع بالسلامه بأذن الله

[برقان]

فيه فندق جديد في شارع المطاعم بسالميه مقابل بودل
مادري شنو اسمه بس الربع اسكنوا فيه ويمدحونه

اخوي ماأنصحك بأي فندق مهما كان اذا كان في شارع المطاعم

او في شارع سالم المبارك ابتعد عنه وانت ترتاح

[العـوا]

فندق كوستا ديل سول
حلو ونظيف

[انا حره]

الماريوت كورت يارد الي بالرايه من افضل الفنادق

وميسووني روووعه جديد ويطل على البحر

[Class - Qtr]

شارع قطر

لازم ندعم شارع قطر الموجودة في السالميه حيث يتوفر عدد لا باس به من الشقق الراقيه

ذات نظام عدد غرفتين و عدد غرفه واحدة ,

اذا كان على الفندق ..

1 - رجنسي ( موقع هادي واجواء هاديه ورمنسيه )

2 - الماريوت ( اذا انت رايح عندك شغل وتبي اتسوق )

[للصبر اخر]

في فندق يجانب مجمع الصالحيه حلوو واييد
نسيت اسمه