خريجة.عاطله هل يوجد جهى في الدولة بتدعمني ماديا؟

[صوت الضمير]

السلام عليكم

موضوعي ليس شكوى ولااريد مساعدة من احد

اريد حل؟؟؟؟؟

انا قطرية اب عن جد .. ابوي متقاعد وراتبه مع الزياده 8 الاف ..

لقد تخرجت في شهر1 سنه 2010 ..من جامعة قطر كلية الاداب والعلوم الانسانية

تخصص لغه عربيه.. معدلي 2.74

بحثت عن عمل في كل مكان يكون هناك اقسام للنساء..

ومن ذلك اللحين إلى يومنا هذا وانا اراجع وزارة العمل وارجع الوزرات

منهم من رد علي وسوا لي مقابله ..

قالوا لي ماعندك خبره .. وانتي صغيره على العمل عندنا

مع ان عمري 25 ووزارة العمل حددت سن العمل من 18 إلى فوق

ومنهم من اكتفى بالمقولة الشهيرة..لايوجد شاغر..


انا لارغب بالعمل لدى المدارس لان لم التحق بكلية التربيه وماعندي خلفيه عن التدريس

ولاعندي ميول للعمل بالتدريس..

عندي 5 دورات تدريبيه وعندي خبرة تدريبه في وزارة الاوقاف

تعبت نفسيا من البطالة ومن الجلوس في البيت...ابي اعمل؟؟؟ ابي اسوي شي لبلادي؟؟

اربع سنوات ونص دراسة..لم استفد منها شي..

هل اتخلى عن شهادتي الجامعية .. لان اشوف كل الوزراة يبون الشهادة الثانويه
وحنا وجودنا غير مرحب به؟؟..


مادام مالي نصيب بالعمل .

.قلت ادخل التجاره...فكرت لي بمشروع على قدي وبديت العمل وربي وفقني ولله الحمد

(يعني اجيب شغالات واخذ فايده بسيطه عليها) وابيعها ؟؟؟

لكن العائد اللي احصله من التجاره قليل واصرفه على نفسي ..

يعني ماسويت شي؟؟

هل يوجد جهة في الدولة تدعمني ماديا..؟ بحيث اوسع مجال التجاره




اختكم وابنتكم

ابداع

[المعنى]

الله يكون في العون وان شاء الله تحصلين اللي في خاطرج
الله ييسر لج
بس اختي ارجو تصحيح كلمة جهه وليست جهى فقط للتنويه

[صوت الضمير]

شكرا اخوي على الدعوه الطيبه وعلى المرور

لاحظت الخطأ بعد اضافتي للموضوع ولاقدر اصلح العنوان

[R 7 A L]

بالتوفيق اختي

لو خيروك بين وظيفة حكومية في مكان خاص بالنساء او جهه تدعمك في مشروعك شنو تختارين ؟

[صوت الضمير]

اخوي رحال لوبغيت الصدق

بختار الوظيفه لان مع الوظيفه راح ادخر مبلغ يساعدني في مشروعي

وراح اصرف على نفسي واساعد اهلي..

وشكرا على مرورك اخوي

[QtriHero]

بالتوفيق يالشيخه..

[بن غيث]

لازم تشتغلين في اي وظيفة وتوافقين عليها كبداية
وعقب تقدرين تختارين المكان الي خاطرتش فيه
وبالنسب للشغل بالتجارة أكيد ممكن تقدمين مشروع على بنك التنمية
وبرنامج الضمين بيساعدتش
وفي النهايه بتتزوجين وتربين
وبالتوفيق ان شاء الله

[الزجاجي]

بما انك عضو مميز وتبغين الحل بحاول اني اساعدك :)
ولو ان هذا الموضوع انذكر اكثر من مره !

جربتي تمرين على مركز الخدمات المهنيه بجامعة قطر ؟
جربتي العمل التطوعي .. ادري بتقولين لي ما ابغي اشتغل ببلاش لكن معلومه صغيره لج اني انا شخصيا (واعوذ بالله من كلمه انا) حصلت وظيفه بالجهه الي كنت متطوع فيها وربعي من كثر الاعمال التطوعيه لقو شغل بسرعه لان عندهم خبره كبيره
جربيتي تمرين على معرض المهني السابق وقدمتي ؟جربتي التطوع في المعرض القادم او المشاركه فيه؟

اختي التوفيق من رب العالمين وما اقدر اقولك اكثر من هذا الا الدعاء
الله يوفقج وتلقين الوظيفه السنعه الي تلبي طموحج :)

[ام حمادي]

المعرض المهني مكان مختلط 100 % والبنت ماذكرت مكن مخصص للنساء الا وهي ماتبي الاختلاط بالرجال ..ِ

عزيزتي بصرآحة انا ماعندي حل بس روحي لمركز التنمية (ما أذكر اذا صح اسمه ) وشوفي شعندهم اذكر يشوفون قدرات الوحده ويحطونها في مكان يناسبها..ِ

وان شاء الله تلاقين الوظيفة الي في تبينها

[بوعلي2]

الله يفتحها عليج باسرع وقت يااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااارب

ويرزقج من حيث لاتحتسبين

[بوعلى 1]

بتوفيق بس للاسف انتي تبين حل ومافية حل للوظيفة الا بلواسطة فقط او الانتظار