عاجل بخصوص لوحات السيارات تسديد المخالفات+انتهاء الاستمارة

[عنزي قطر]

--------------------------------------------------------------------------------



http://www.enazi.org//uploads/images/enazi.netab23f3d567.jpg





الثلاثاء بدء تركيب الوحات الجديدة للسيارات



قررت ادارة المرور اعتباراً من الثلاثاء القادم البدء في تغير لوحات السيارات القطرية وصرف لوحات جديدة تتميز باعلى المواصفات العالميه



وأكد مصدر مسؤل بإدارة المرور أن صرف اللوحات الجديدة اعتباراً من الثلاثاء القادم سوف يسري على السيارات الجديدة وكذلك والسيارات التي انتهت استمارتها
وأشار المصدر الى ضرورة تسديد المخالفات المقررةعلى السيارات التي انتهت استمارتها والتي سوف تقوم بتركيب اللوحات الجديدة


وأشار المصدر ان إدارة المرور سوف تقوم بصرف اللوحات الجديدة بالنسبة للاليات والسيارات الثقيلة في قسم مرور الصناعية شارع 24


على ان تسري عمليات تبديل اللوحات الجديدة خلال عام

وتركيب مجاااااااااااااااااااااااناً


للمزيد الاتصال 44890666 ادارة مرور مدينة خليفة


المصدر

مرور الخليج التطوعي http://www.almror.net/vb/showthread.php?p=8718

[بوجاسم 75]

الله كريم أن شاءالله

[حسن]

اهم شي انها ذات مواصفات عالميه بس كم تكلفه هل الوحه ومن يتحمل تكلفتها

[وطن]

شنو مواصفات اللوحة ؟

ما فهمت

[بو الجوري]

سؤال ، سمعت إنه بس اللوحات القصيره اللي متوفره حالياً

هل صحيح ! و إلا القصيره و الطويله بيكونون متوفرين يوم الثلاثاء :..

[عنزي قطر]

الله كريم أن شاءالله

شكرا على المرور اخوي

[شبح الصمت]

مافي صورة للوحه الجديده يالعنزي

[عنزي قطر]

اهم شي انها ذات مواصفات عالميه بس كم تكلفه هل الوحه ومن يتحمل تكلفتها


مجاااناً اخوي :nice:

[بوهلال]

هذي صورة الوحات الجديده
هاذي القصيره
http://im14.gulfup.com/2011-11-27/1322381620311.jpg (http://www.gulfup.com/show/X1wz7t8a2tiw8l)

وهاذي شكل الطويله
http://im14.gulfup.com/2011-11-27/1322381620162.jpg (http://www.gulfup.com/show/X1wz7v33lwetqg)

[bu 3li]

القصيره غير عن الطويله ؟؟؟ شي جديد الصراحه !!!

اشمعنى القصيره فيها شعار دولة قطر والطويله مافيها ؟؟!!

نتمنى حد يأكد لنا اذا هي اللوحه الجديده ولا لأ

[تحداني]

شنو مواصفات اللوحة ؟

ما فهمت


وفي سؤال ثاني بعد من بيركب اللوحه " المربعه " واللوحه " المستطيله "
وليه اللوحتين مختلفتين عن بعض في الشكل والاخراج ؟؟

كان المفروض ياخذون راي الشعب القطري لو بالتصويت :(
ما حبيتهم كلش

جملك الله برضاه

[عنزي قطر]

هذي صورة الوحات الجديده
هاذي القصيره
http://im14.gulfup.com/2011-11-27/1322381620311.jpg (http://www.gulfup.com/show/x1wz7t8a2tiw8l)

وهاذي شكل الطويله
http://im14.gulfup.com/2011-11-27/1322381620162.jpg (http://www.gulfup.com/show/x1wz7v33lwetqg)




اخوي الصورة غير صحيحة :) الوحات القصيرة والطويلة يوجد بها علم قطر وعلى اليمين شعار ادارة المرور فقط

سوف نقوم بتنزيلها ان شاءالله :)

[حليتان*]

اهم شي البياكم لوحات سود

عنزي والي يبي يحتفظ بلوحته القديمه ؟

[تحداني]

اهم شي البياكم لوحات سود

عنزي والي يبي يحتفظ بلوحته القديمه ؟



مافي شي ذابحكم غير هالجمس .. لا اطيق هذه السياره
وهي سبب التجاوزات من على اليمين ومن على اليسار .. وخربت لنا الانترلوكات .. والارصفه والطرقات .. وسببت ازعاج للجنس الناعم في الشوارع


متى تنقرض هالسياره .. مع الهمر بعد


جملك الله برضاه

[شبح الصمت]

مافي شي ذابحكم غير هالجمس .. لا اطيق هذه السياره
وهي سبب التجاوزات من على اليمين ومن على اليسار .. وخربت لنا الانترلوكات .. والارصفه والطرقات .. وسببت ازعاج للجنس الناعم في الشوارع


متى تنقرض هالسياره .. مع الهمر بعد


جملك الله برضاه



جموس وانتر لوك !!!

اخبر الجيات الي ضرب ارصفه

انتي بس توسطي السيد وما عليج لا تحاتين المواتر الثانية

:victory:

[شبح الصمت]

اخوي عنزي تبي الصراحه ومن دون زعل

ايى على الارقام بالعربي كانت احلى

وهذه رآيي شخصي لا راح يودي والا يجيب

[حسن]

مجاااناً اخوي :nice:

مشكور اخوي عنزي يس عندي سؤوال موتري اللوحه الاماميه طويله والوحه الخلفيه صغيره
يركبون لي نفس الشئ ولا لا

[حليتان*]

مافي شي ذابحكم غير هالجمس .. لا اطيق هذه السياره
وهي سبب التجاوزات من على اليمين ومن على اليسار .. وخربت لنا الانترلوكات .. والارصفه والطرقات .. وسببت ازعاج للجنس الناعم في الشوارع


متى تنقرض هالسياره .. مع الهمر بعد


جملك الله برضاه

:sneaky:




مشكور اخوي عنزي يس عندي سؤوال موتري اللوحه الاماميه طويله والوحه الخلفيه صغيره
يركبون لي نفس الشئ ولا لا

:eek5:

[تحداني]

جموس وانتر لوك !!!

اخبر الجيات الي ضرب ارصفه

انتي بس توسطي السيد وما عليج لا تحاتين المواتر الثانية

:victory:



ايييييه يااخوي عيل يمكن يسون هالحركات بس قدام البنات :(
اتوسط يهرنون لي .. اتيسر يهرنون لي .. اتيمن يهرنون لي
لازم اطير او اشوف حل يرضي الوالد





:sneaky:




... خير ..



:eek5:

[المليونير الفقير]

وبخصوص الشريحه الصغيره الي عاليسار شالهدف منها هل صحيح انها تحدد المواقع والتحركات

[بوهلال]

هاذي صور الجديده
http://im17.gulfup.com/2011-11-27/1322385397381.jpg (http://www.gulfup.com/show/Xhd6xco0t877)

http://im17.gulfup.com/2011-11-27/1322385397922.jpg (http://www.gulfup.com/show/X1g3k5tgg9td)

[الـراسي]

بجدد الاستمارة على شان اللوحه

[حسن]

وبخصوص الشريحه الصغيره الي عاليسار شالهدف منها هل صحيح انها تحدد المواقع والتحركات

يالمليونير يقول المثل لاتبوق ولاتخاف خلهم يحطون مليون شريحه بعد:victory:

[عنزي قطر]

هذي صور الجديده
http://im17.gulfup.com/2011-11-27/1322385397381.jpg (http://www.gulfup.com/show/xhd6xco0t877)

http://im17.gulfup.com/2011-11-27/1322385397922.jpg (http://www.gulfup.com/show/x1g3k5tgg9td)





اخوي الوحات غير صحيحه :( يالغااااااااااااالي

[عنزي قطر]

بجدد الاستمارة على شان اللوحه


الغالي يجب ان تكون الاستمارة منتهية او سيارة جديدة :)

[بوهلال]

اخوي الوحات غير صحيحه :( يالغااااااااااااالي

ههههه لعوزتنا ياولد العم نزل الصوره العندك

[تحداني]

يالمليونير يقول المثل لاتبوق ولاتخاف خلهم يحطون مليون شريحه بعد:victory:



صح لا اتبوق ولا اتخاف .. بس ما تكون عندهم كل تفاصيل مشاويري
متى رحت هالمطعم .. وبعدها رحت السوق .. وبعدها زرت جدتي
هاذي حريه شخصيه هم لهم علاقه بالسرعه والمخالفات والافلوس بس بس


جملك الله برضاه

[بو الجوري]

سؤال ، سمعت إنه بس اللوحات القصيره اللي متوفره حالياً

هل صحيح ! و إلا القصيره و الطويله بيكونون متوفرين يوم الثلاثاء :..

أخوي عنزي ، مارديت على إستفساري :( !!!

[عنزي قطر]

أخوي عنزي ، مارديت على إستفساري :( !!!

رديت عليك اخوي:eek5: جميع الوحات متوفرة قصيرة وطويله

يجب انت تكون السيارة جديدة او الاستمارة منتهية وتسديد المخالفات :)

[عنزي قطر]

ههههه لعوزتنا ياولد العم نزل الصوره العندك

:nice:

اخوي سوف يتم تنزيل الصور يوم الثلاثاء الساعه 6 صباح ان شاءالله

[بو الجوري]

رديت عليك اخوي:eek5: جميع الوحات متوفرة قصيرة وطويله

يجب انت تكون السيارة جديدة او الاستمارة منتهية وتسديد المخالفات :)

:sneaky:
مارديت ، أتبلى عليك مثلا :.. :)


أخوي سؤال موتري عليه بالون و ماعليه فحص فني ،
لورحت أجدد الإستماره ، هل بيقول شي وقت تركيب اللوحات !

[المفترسه]

يعني لازم اسدد المخالفات هالموضوع مسبب لي ارق
بسالكم اذا سددت المخالفات الي علي تروح النقاط عني:(

[المبرمج صلاح]

يعني لازم اسدد المخالفات هالموضوع مسبب لي ارق
بسالكم اذا سددت المخالفات الي علي تروح النقاط عني:(

لحد علمي وخبرتي بالمرور

يجب انتهاء الاستمارة حتى يمكن تجديدها وعند تجديد الاستمارة يجب دفع جميع مخالفات السيارة ولا يمكن دفع مخالفة عليها نقاط قبل رفع النقاط عن المخالفة


يتم رفع نقاط عن السيارة الى رخصة سائق مو شرط صاحب السيارة اي سائق
او عن طريق واسطة بالمرور او ان الضابط المسؤول يعفو عنك ويرفع عنك النقاط

بالتوفيق ان شاء الله

[بو الجوري]

يعني لازم اسدد المخالفات هالموضوع مسبب لي ارق
بسالكم اذا سددت المخالفات الي علي تروح النقاط عني:(

عند تجديد الإستماره ، لازم تدفعين المخالفات

لكـن اللي أعرفـه يصير تأجلين المخالفات للسنـه اللي عقبها ،
و بخصوص النقاط بعد تقدرين تشيلينـها ( تكلمين الضابط )

[الحـ قطر ــب]

يعني لازم اسدد المخالفات هالموضوع مسبب لي ارق
بسالكم اذا سددت المخالفات الي علي تروح النقاط عني:(



عيل شخليتي للشباب :omg:

[Arab!an]

هذا معناته تجديد الاستمارة في فروع المرور .. مثل المعمورة والريان والمطار والستي سنتر والمدينة التعليمية وغيرها .. راح يتجمع و يكون كله في قسم اللوحات بمدينة خليفة

والله يعين على الزحمة لمدة طويلة

حسب علمي اللوحات مقاربة جدا للشكل المنشور اعلاه (اللهم شعار الدولة المدور اللي بالنص ماراح يكون موجود)

بيكون في شريحة مربعه لامعه (الشريحة مجرد لزقه عادية وليست شريحة الكترونية ) على يمين اللوحة .. وشعار الدولة راح يكون شفاف على كامل اللوحة (الخصوصية) ماراح تشوفه الا لما تقلب اللوحة يمين يسار على ضوء الشمس :p

اما علم قطر (المثلثات) راح يكون موجود على اللوحة مثل الصورة في احد الردود

في تجديد الاستمارة راح تكون اللوحات مجانية فقط

اما بقية المعاملات مثل نقل الملكية بتكون اللوحات برسومها الاعتيادية 100 ريال لكل لوحة

[المفترسه]

شكرا على التوضيح اخوي محترف وبو الجوري ما قصرتوا

[naklan]

المقصود من الشريحة الالكترونية تجدونة في هذا الرابط

http://www.safeshare.tv/w/nxQXhamptW

[][ الوحيد ][]

واللي يبي يحتفظ باللوحه القديمه ؟

[الجوكر90]

زين الثلاثا بغير اللوحه
الاستماره منتهيه من شهر
وبالتوفيق

[تحداني]

اعتقد ان الموضوع يمس شريحه كبيره
فراح نشوف تغطيه اعلاميه وصحفيه مكثفه في الايام القادمه
خلونا ما نستعجل


جملكم الله برضاه

[عنزي قطر]

شكرا للجميع على المرور

[همر]

مادري وش سر التعتيم الاعلامي الرهييييييييييييب على شكل اللوحه.. غطيتوا على وكالة النيسان يوم كانوا يخششون النيسان الجديد لحد يشوفه !!

زين شركات السيارات يسوون تدشين وحفل رسمي وهالسوالف، انتوا بتسوون تدشين بعد حق اللوحات الجديده ؟!!

ولا شكلها مب شي وماتبون حد يتكلم ويخرب لكم المشروع لين ماتركبون لوحات نص سيارات لبلاد وعلى مايتحلطمون الناس تكون طارت الطيور بارزاقها وصارت اللوحات الجديده امر واقع لا مفر منه؟!!

[الأرجنتيني]

أتوقع اللوحات غير عن اللوحات اللي عرضوها الأخوان

ان كانت مثلها فهذي مصيبة ونأمل من ادارة المرور انها قامت باختيار تصميم أحلى
وأستغرب من الادارة الموقرة لماذا لم تعلن عن التصميم النهائي للوحات !

وأما غير هالكلام خلني على الارقام الحالية افضل بمليون مرة

[technical]

الله اعلم ان اللوحات لها استخدامات غير الي يعرفها الناس . الكوره عند وزاره الداخايه . اتمنى ان
يكونوا واضحين في شرحهم.

[عنزي قطر]

شكرًا على المرور. والتعليقات

[gxr o.z]

ياليت اخوي العنزي تروينا صوره للوحات

[الجوكر90]

مادري وش سر التعتيم الاعلامي الرهييييييييييييب على شكل اللوحه.. غطيتوا على وكالة النيسان يوم كانوا يخششون النيسان الجديد لحد يشوفه !!

زين شركات السيارات يسوون تدشين وحفل رسمي وهالسوالف، انتوا بتسوون تدشين بعد حق اللوحات الجديده ؟!!

ولا شكلها مب شي وماتبون حد يتكلم ويخرب لكم المشروع لين ماتركبون لوحات نص سيارات لبلاد وعلى مايتحلطمون الناس تكون طارت الطيور بارزاقها وصارت اللوحات الجديده امر واقع لا مفر منه؟!!



بالعكس واحد من الشباب قالي ان اللوحه عجيبه
يعني راح تكون ع مستوى
بس الرقم 4 كلش مب حلو فاللوحه
وعلم قطر يبين مع انعكاس الشمس ع اللوحه
هاي الي فهمته

بكره اذا غيرت اللوحه بقولكم رايي

[فااارس قطر]

انا واثق من القائمين على هذا الموضوع ان اللوحة راح تكون على مستوى

واكيد راح تكون بشكل رائع ومميزة جدا ...

وقطر عودتنا دائما بالتميز عن باقي دول الخليج ، والدليل ان اللوحة السابقه كانت الاجمل في دول مجلس التعاون ...

ننتظر صباح يوم الثلاثاء ... بس اهم شي ان الارقام تكون بخط عريض وواضح ...

[jeep-srt8]

باقي من الزمن ساعتين

[عنزي قطر]

باقي من الزمن ساعتين

:victory: صباح الخير يالغااااالي

[asasasss]

الساعه 6 يا عنزي وين اللوحه

[gxr o.z]

نترقب صور اللوحه

[Qatari 1980]

يصبحكم بالخير

وأنا متابع معاكم ...

ننتظر صورة اللوحة الجديده

[عنزي قطر]

ان شاءالله 5 دقائق الصور نازله :)

[Qatari 1980]

ان شاءالله 5 دقائق الصور نازله :)

لاهنت يا العنزي

بانتظار صورة اللوحة الجديدة

[asasasss]

نبي صورلوحات النقل الخاص اذا متوفر

و ماقصرت يالعنزي على هالمجهود الطيب

[TEAMspirit]

بانتظار الصور لايكون الساعه 6 بتوقيت جرينتش

[عنزي قطر]

خصوصي

http://store2.up-00.com/Nov11/svh38845.jpg



خصوصي
http://store2.up-00.com/Nov11/5OO38845.jpg



نقل خااص
http://store2.up-00.com/Nov11/p9F38845.jpg





منقول من موقع مرور الخليج التطوعي


http://www.almror.net/vb/showthread.php?p=8732

[TEAMspirit]

الله روعه تسلم على رفع الصور

[asasasss]

تقريبا نفس الي اعرضوهم في الجريده بس يالله مش بطال

[بوحارب]

اللي رقمه خماسي رباعي ثلاثي راحت عليه

[asasasss]

اللوحه المربعه احلى من اللوحه الطويله في التصميم

[TEAMspirit]

اللي رقمه خماسي رباعي ثلاثي راحت عليه

ليش لايكون متوقع ان الصفر راح يكون موجود ؟ هذي مجرد سمبل

اما يخلون الصفر شدعوه فتح خط
:omen2:

[عنزي قطر]

الف شكر للجميع على المرور المميز

اخواني التركيب فقط للسيارات الجديدة + انتهاء الملكية التجديد + دفع المخالفات
والتركيب خلال عام

[بو الجوري]

يعطيك العافيه أخوي عنزي :..

سؤال :

تصنيع اللوحـات ، من كـم لين كـم دوامهـم !

يعني 3 العصر مثلا موجوديـن ؟

[عنزي قطر]

يعطيك العافيه أخوي عنزي :..

سؤال :

تصنيع اللوحـات ، من كـم لين كـم دوامهـم !

يعني 3 العصر مثلا موجوديـن ؟

أبشر اخوي سوف يتم الرد دقائق

[عنزي قطر]

الدوام من الساعه 6 صباحأ حتى 12 ليلاً



مع العلم اخوي التركيب فقط للسيارات الجديدة او عند انتهاء الاستمارة مع دفع المخالفات

وجاري العمل لمدة عام من اليوم

[المشتاقه الى الجنه]

جزاك الله خير أنا سيارتي انتهى ترخيصها

[بو الجوري]

الدوام من الساعه 6 صباحأ حتى 12 ليلاً



مع العلم اخوي التركيب فقط للسيارات الجديدة او عند انتهاء الاستمارة مع دفع المخالفات

وجاري العمل لمدة عام من اليوم

يعطيك العافيه وتسلـم عالرد :.. :)

[المشتاقه الى الجنه]

كم فترة السماح بدون دفع غرامات على انتهاء ترخيص السياره
شهرين ام ثلاثة أشهر

[HotBlood]

طيب التركيب وين يكون ؟
أقدر أركب اللوحه الجديدة في الخور؟

[وطن]

خصوصي

http://store2.up-00.com/Nov11/svh38845.jpg



خصوصي
http://store2.up-00.com/Nov11/5OO38845.jpg



نقل خااص
http://store2.up-00.com/Nov11/p9F38845.jpg





منقول من موقع مرور الخليج التطوعي


http://www.almror.net/vb/showthread.php?p=8732

ما عجبوني الصراحة

يعني العلم مقلوب
علمنا العنابي الجهة الأكبر
ماله معنى حاطينه في جهة صغيره
يعني معكوس
و الخط اللي مكتوب به قطر بالانجليزي مو حلو بعد
في خطوط وايد حلوة وبسيطه

وفي ناس سياراتهم ملونه
مو كل الناس يركب معاهم عنابي على سيارتهم

يعني اللي سيارته كحليه ولا صفرا ولا خضرا ولا اي لون ثاني
اللوحة بتقط من حلات سيارته

يعني مع لون سيارتي الحمدلله بيركب
بس غيري شنو وضعهم مساكين !!!

لو بدل شعار المرور حاطين الشعار اللي فيه العلم
بيكون وايد احلى وارقى

http://image.shutterstock.com/display_pic_with_logo/133483/133483,1272355442,2/stock-vector-qatar-flag-on-metal-shiny-shield-vector-illustration-collection-of-flags-on-shield-against-white-51855172.jpg


هذي وجهة نظري
:omen2:

[عنزي قطر]

لي عوده والرد على استفسارات الجميع مع التقدير والاحترام

[عنزي قطر]

http://www.moi.gov.qa/site/arabic/images/advertisments/advTFCCars.jpg


البدء في تغيير اللوحات الجديدة للمركبات

29/11/2011




http://www.moi.gov.qa/site/arabic/resources/images/2011/11/29_23160.jpg

بـدأت إدارة المـرور اعتبـاراً مـن اليوم الثلاثـاء 29/11/2011م صرف اللوحات الجديدة للمركبات التي سيتم ترخيصها لأول مرة أو عند طلب تجديـد رخصة السـير للسيـارات القديمة ، وذلك بعـد استكمال إجـراءات الفحـص الفنـي الـدوري للسيـارات الخاضعة له، مـع تسديـد جميع المخالفـات المسجـلة قبل استكمال تبديل اللوحـات .

وسيتم صرف اللوحات الجديدة بمرور مدينة خليفة وبعض الأقسام الخارجية في حين سيتم تبديل لوحات الآليات والمعدات الثقيلة في قسم مرور الصناعية.


المصدر موقع الداخلية

http://www.moi.gov.qa/site/arabic/news/2011/11/29/24529.html

[الجوكر90]

ما عجبوني الصراحة

يعني العلم مقلوب
علمنا العنابي الجهة الأكبر
ماله معنى حاطينه في جهة صغيره
يعني معكوس
و الخط اللي مكتوب به قطر بالانجليزي مو حلو بعد
في خطوط وايد حلوة وبسيطه

وفي ناس سياراتهم ملونه
مو كل الناس يركب معاهم عنابي على سيارتهم

يعني اللي سيارته كحليه ولا صفرا ولا خضرا ولا اي لون ثاني
اللوحة بتقط من حلات سيارته

يعني مع لون سيارتي الحمدلله بيركب
بس غيري شنو وضعهم مساكين !!!

لو بدل شعار المرور حاطين الشعار اللي فيه العلم
بيكون وايد احلى وارقى



هذي وجهة نظري
:omen2:

انا اختلف معاج
يعني اشوف ان اللوحه مقبوله بس مب عجيبه
انا الوصف الي وصفولي قلت روعه بس يوم شفتها قلت مقبوله
يعني الناس راح تتقبل الشكل بسرعه
والارقام معاج ان وايد الخط كبير
والصفر جنه دوار مب رقم
امس شاري رقم نهايته صفر كرهت الرقم
بس الله يستر الاسعار لا تروح فوق نبي نشتري شي ع الاقل

[توشيبا]

السلام عليكم ورحمة الله وبركاته

تبديل اللوحات فقط في مرور مدينه خليفه ولا فيه اماكن ثانيه !

لي ان الصراحه كلمت مجاني معاد تهمنا دام فيها دفع مخالفات بس اللي يهمنا الزحمه

يليت يكون فيه اماكن عديده لتركيب اللوحات حتى مايصير ازدحام

دمت بود

[doha1]

هل في نية لتمييز هالارقام

15---
18---
19---

[حليتان*]

طيب التركيب وين يكون ؟
أقدر أركب اللوحه الجديدة في الخور؟

وينك يا عنزي فالخور تركبون اللوحات وله لازم مدينة خليفه

شهر 12 تنتهي الاستماره :weeping:

وابي احتفظ فاللوحه شلون !!

وماشفنا لوحات الشرطه :sneaky:

[وطن]

انا اختلف معاج
يعني اشوف ان اللوحه مقبوله بس مب عجيبه
انا الوصف الي وصفولي قلت روعه بس يوم شفتها قلت مقبوله
يعني الناس راح تتقبل الشكل بسرعه
والارقام معاج ان وايد الخط كبير
والصفر جنه دوار مب رقم
امس شاري رقم نهايته صفر كرهت الرقم
بس الله يستر الاسعار لا تروح فوق نبي نشتري شي ع الاقل

هاهاهاهاها
اما دوار

شالوهم من الشوارع
رزوهم باللوح :secret:




وينك يا عنزي فالخور تركبون اللوحات وله لازم مدينة خليفه

شهر 12 تنتهي الاستماره :weeping:

وابي احتفظ فاللوحه شلون !!

وماشفنا لوحات الشرطه :sneaky:

انا بعد ابي اللوحة مالتي
احلى من هذي
:(

[halcrow]

الحمد لله تم تركيب اللوحه

والخطوات كالاتي

فحص السياره في الفحص الفني ( الصناعيه ) وعقبها اطير الى مرور مدينه خليفه

تامن السياره وبعدها تدفع مخالفتك اذا عندك

واخيرا تتوجه الى اصدار ملكيه السياره في المبنى الثاني و يجيك مسج بعد تصنيع اللوحه
قول تقريبا بعد نص ساعه

المسج يقول :
يرجى مراجعه مرور خليفه لتركيب اللوحات الجديده للمركبه رقم xxx خلا ل 3 ايام وفي حاله عدم المراجعه ستتلف اللوحات واعاده تصنيعها برسوم:anger2:

واخيرا تتوجه الى مكان التصنيع الي في المرور ( تحت الطبيله ) وتضرب لثمه ونت وحظك في الزحمه

[شاعر المليون]

هاهاهاهاها
اما دوار

شالوهم من الشوارع
رزوهم باللوح :secret:



انا بعد ابي اللوحة مالتي
احلى من هذي
:(



مب الزامي تركيب اللوحات الجديدة حاليا

فحصت السيارة+ تامين+ جددت الاستمارة جاني مسج لتركيب اللوحات اذا ماجيتهم بعد 3 ايام تتلف اللوحة خل يتلفونها كلها 100 ريال مش عجزان عنها بعدها شليت عليه ولا جلست في الزحمة :nice:

اتوقع بعد 3 سنين الزامي تركيب الارقام الجديدة .

[حليتان*]

مب الزامي تركيب اللوحات الجديدة حاليا

فحصت السيارة+ تامين+ جددت الاستمارة جاني مسج لتركيب اللوحات اذا ماجيتهم بعد 3 ايام تتلف اللوحة خل يتلفونها كلها 100 ريال مش عجزان عنها بعدها شليت عليه ولا جلست في الزحمة :nice:

اتوقع بعد 3 سنين الزامي تركيب الارقام الجديدة .

:victory:

[وطن]

مب الزامي تركيب اللوحات الجديدة حاليا

فحصت السيارة+ تامين+ جددت الاستمارة جاني مسج لتركيب اللوحات اذا ماجيتهم بعد 3 ايام تتلف اللوحة خل يتلفونها كلها 100 ريال مش عجزان عنها بعدها شليت عليه ولا جلست في الزحمة :nice:

اتوقع بعد 3 سنين الزامي تركيب الارقام الجديدة .

مو حلوين :(

زين يمكن بعد شهر يغيرون الموديل
على حظي
:nice:

[Arab!an]

اللي يسأل عن اماكن تغيير اللوحات ..

تغيير اللوحات الخصوصي والنقل الخفيف في مدينة خليفة (اللوحات)

النقل الخاص (السيارات الثقيلة) في الصناعية

تغيير اللوحات الجديدة فقط متاح عند تجديد الاستمارة ..

يعني اللي بيروح بس علشان يغير اللوحة وياخذ جديدة ماراح يعطونه .. حتى لو قدم بدل فاقد بيعطونه اللوحات القديمة

اللي بيروح علشان يسوي استبدال رقم مميز مثلا برقم عادي او العكس ماراح يغيرون له والمعاملات هذي موقفة حاليا

فقط عند تجديد الاستمارة يمكن يحصل على اللوحات الشكل الجديد

المعاملات الثانية اللي فيها لوحات, موقوفة حاليا باستثناء بدل فاقد

يعني حتى معاملة (لوحة بدل تالف) موقوفه حاليا

فقط مسموح بمعاملة بدل فاقد (يعطونك لوحة الشكل القديم) ومسموح ايضا باستبدال اللوحات في معاملة (نقل الملكية بدون تنازل من الرقم المميز) ايضا يعطونك لوحات الشكل القديم

[عنزي قطر]

الف شكر للجميع على المرور

لي عودة

[قلم محايد]

عندي سؤال

اذا الاستمارة منتهية صار لها سنة كم المخالفة ؟

و الشي الثاني هل يعطوني براءة ذمة من المرور اذا كانت الاستمارة منتهية علما بانه لا توجد اي مخالفات على السيارة فقط الاستمارة منتهية و انا خارج قطر باحدى دول الخليج و افكر بتغيير اللوحات القطرية الى لوحات البلد الذي انا فيه ؛ فلا ادري هل لكي احصل على براءة الذمة يجب ان اقوم بتجديد الاستمارة او لا يجب ذلك ؟ و السؤال الاهم من اين يكون اخذ براءة الذمة يعني هل من جميع فروع المرور ام من الفرع الرئيسي فقط؟

و شاكر لكم

[meandme]

أتوقع هل حركة عشان عقب سنة أي واحد لوحته قديمه يكشفونه انه ما جدد الاستماره لانه في ناس من سنين ما جددوها وسياراتهم ماتترخص أصلا يبيلها ورشه :telephone:






اللي يسأل عن اماكن تغيير اللوحات ..

تغيير اللوحات الخصوصي والنقل الخفيف في مدينة خليفة (اللوحات)

النقل الخاص (السيارات الثقيلة) في الصناعية

تغيير اللوحات الجديدة فقط متاح عند تجديد الاستمارة ..

يعني اللي بيروح بس علشان يغير اللوحة وياخذ جديدة ماراح يعطونه .. حتى لو قدم بدل فاقد بيعطونه اللوحات القديمة

اللي بيروح علشان يسوي استبدال رقم مميز مثلا برقم عادي او العكس ماراح يغيرون له والمعاملات هذي موقفة حاليا

فقط عند تجديد الاستمارة يمكن يحصل على اللوحات الشكل الجديد

المعاملات الثانية اللي فيها لوحات, موقوفة حاليا باستثناء بدل فاقد

يعني حتى معاملة (لوحة بدل تالف) موقوفه حاليا

فقط مسموح بمعاملة بدل فاقد (يعطونك لوحة الشكل القديم) ومسموح ايضا باستبدال اللوحات في معاملة (نقل الملكية بدون تنازل من الرقم المميز) ايضا يعطونك لوحات الشكل القديم