ارجو من الجميع المشاركه

[كلنا قطر 1981]

بسم الله الرحمن الرحيم



سوالي حق الشباب الي متزوجين عسى ربي يوفقهم و يسترهم في الدنيا و الاخره


اخوي المتزوج صاحب العلاقات الخارج نطاق عش الزوجيه ليش ما تعامل زوجتك على انها صديقتك (رفيجتك) اشوف في بعض من الشباب يتعامل مع رفيجته على عكس تاااام ما يعامل فيه اهل بيته مثل تلاقيه ويا رفيجته يضحك و يفرفش و يتغشمر و يقول الكلام المعسول و يكون لها الصديق و الاخ و الحبيب و كل شي يسمع لها ياخذها و يفتر وياها كل مكان و يكون (كريـــــم) و رجال تتمناه كل بنت :victory:
و سبحان الله من يروح حق زوجته حلاله اذا قالتلخه نطلع نروح نتمشى يرد عليها تعبان و وين نروح مافي مكان نروحه خلنا في البيت ابرك :secret: و لو طلبت شي قالها انا من وين اجيب فلوس انتي تدرين الوضع شلووون و الخ.......:anger1:
تكون متضايقه تشتكي له يرد عليها انتي دووووم تتشكين ؟؟؟؟؟




اخواني ليش ما تاخذ ام عيال حتى لوفي اخر الليل و تطلع تفتر وياها حتى لو تشربها كرك المهم تكسر روتين الحياه وياها و كووون صايع لو شوي مع ام عيالك (طبعا انا اتكلم عن ايام الاجازات) و تكووون لها دوووم الحبيب لانه يا غالي اذا انت ما قدمت لها كل الاشياء الي تقدمها حق رفيجتك من بيقدم لها هالاشياء ؟؟؟؟؟ (لا تنسى انها بعد هي مراه و تحتاج نفس الي تحتاجه رفيجتك من حب و حنان و علاقه رومنسيه) ليش ما تفكر تهديها بين فتره و فتره شعر او اي شي هي تحبه مب شرط هديه ماديه ( علشان لاحد يقولي من وين اجيب فلوس ؟:sneaky: )
ليش ما تحاولون دوووم تكسرون الروتين و ياهم ترى في الاخير هي زوجتك و هي الي بتصوون سرك و بتوقف وياك وقت الحاجه




السموحه على الاطاله و اسمحولي اذا كان في شي غلط من وجهة نظري في الاول و الاخير انا بشر و ممكن اغلط :o

الله يرزق الجميع راحة البال و ربي يجمعنا على عبادته :)

[بوعلى 1]

ليش الحريم فيهم نقص يعني لازم اطلعها برع البيت علشان الرومانسية المزعومة !!!!

[دااانة قطر]

اخوي المتزوج صاحب العلاقات الخارج نطاق عش الزوجيه ليش ما تعامل زوجتك على انها صديقتك (رفيجتك) اشوف في بعض من الشباب يتعامل مع رفيجته على عكس تاااام ما يعامل فيه اهل بيته مثل تلاقيه ويا رفيجته يضحك و يفرفش و يتغشمر و يقول الكلام المعسول و يكون لها الصديق و الاخ و الحبيب و كل شي يسمع لها ياخذها و يفتر وياها كل مكان و يكون (كريـــــم) و رجال تتمناه كل بنت
و سبحان الله من يروح حق زوجته حلاله اذا قالتلخه نطلع نروح نتمشى يرد عليها تعبان و وين نروح مافي مكان نروحه خلنا في البيت ابرك و لو طلبت شي قالها انا من وين اجيب فلوس انتي تدرين الوضع شلووون و الخ.......
تكون متضايقه تشتكي له يرد عليها انتي دووووم تتشكين ؟؟؟؟؟



شكله متأثر بأبطاال هوليود وبوليود يبي يصير بطل ويبي يعيش قصة حب ورومنسيه .. عاادي بيصرف في الحراام لكن حق زوجته وعيااله ماعنده

الله المستعاان
موضوع جريء ويحتااج نقااش
رااح اكون متاابعه لكم

[مستجدة]

اتحصله خايف اطلع الاهل ويشوف وحده من صديقاته وتفضحه

بصراحه فيه ظاهرة في موضوعك اختي تستحق النقاش اكثر من الشئ اللي طلبتي راينا فيه
المشكله في ظاهرة الرفيجه والصاحبه والصديقه ولا وتطلع معاه عادي !!!!

هالنوعيه مايعرفون انه هالدنيا سلف ودين ...؟!!!!


مانقول الا ربي لاتبلانا

[حمد بن سعد]

الاصابع ماهي بسوى

شكرا على طرح الموضوع

[بوحارب]

الظاهر المتزوجات اللي حوالينج يعيشون في حاله مؤسفه

يالله مب مشكلة بعد مب كل الريايل كيوت:unsure::D

[الأصيلة]

واقع حقيقي 100%
الضحك والسوالف والغشمرة والكلام المعسول عند البعض ( وما أكثرهم )
لـ غير الزوجة...
تشوفه في البيت غير وفي مجال العمل المختلط غير...
وفيه نماذج كثيرة شفتها وأعرفها عدل
النكد من نصيب الزوجه وعلى كل صغيرة وكبيرة يسوي سالفة...
لكن يحب يرفه عن نفسه ويسوي له شوية علاقات مع فلانه وعلانه...
يموت في المدح ويبغي كل وحده تشوفه تمدحه
لكن مدح زوجته له مايملي عينه ولا يرضي غروره...
ويذمها رايح جاي...
وطبعا هذه الحالات مازادت عن المعدل إلا بعد الإختلاط...
لكن من قبل كانت محدودة...

[مريومة]

واقع حقيقي 100%
الضحك والسوالف والغشمرة والكلام المعسول عند البعض ( وما أكثرهم )
لـ غير الزوجة...
تشوفه في البيت غير وفي مجال العمل المختلط غير...
وفيه نماذج كثيرة شفتها وأعرفها عدل
النكد من نصيب الزوجه وعلى كل صغيرة وكبيرة يسوي سالفة...
لكن يحب يرفه عن نفسه ويسوي له شوية علاقات مع فلانه وعلانه...
يموت في المدح ويبغي كل وحده تشوفه تمدحه
لكن مدح زوجته له مايملي عينه ولا يرضي غروره...
ويذمها رايح جاي...
وطبعا هذه الحالات مازادت عن المعدل إلا بعد الإختلاط...
لكن من قبل كانت محدودة...

:nice: :nice: :nice:

[كلنا قطر 1981]

ليش الحريم فيهم نقص يعني لازم اطلعها برع البيت علشان الرومانسية المزعومة !!!!

اخوي بوعلي ربي يقويك دوووم انشاء الله

اخوي كل ما صار شي من الحريم قلنا ناقصات عقل و دين :anger1:

اذا انت برايك انه ما دوور على الرومنسيه المزعومه الا اذا كانت ناقصه ياخوي طلعها علشان خاطرها و كمل لها النقص ;)

يا بوعلي انت لو خذتلك عصفور و اكلته و شربته و ان صار فيه شي وديته عند البيطري و حاطه في قفص من ذهب صدقني اول ما تبطل له باب القفص بيطير

اخوي اذا انت متزوج جربها و يا ام العيال و صدقني ما بتندم يالغالي

و اذا عزوبي ربي يعطيك المرا الصالحه الي تستر عليك بوجودك و غيابك :victory: و تسلم على المرورر و الراي يا الغالي :)

[الحياة الخالدة]

جزاك اللــــــه خير أخوي

و بما أن السؤال للشبـــــاب .. ننتظـــــــر آراءهم القيمــــــة

و نكتفي بالمتابعـــــة :)

[كلنا قطر 1981]

الاصابع ماهي بسوى

شكرا على طرح الموضوع

اخوووي حمد تسلم على المرور و اكيد الاصابع اليد مب سوى :)

و علشان هالشي انا تكلمت عن الشباب الي لهم علاقات خارج عش الزوجيه

و ما ننكر انه في رجال و النعم فيهم و كلامي يا غالي مجرد اسلط الضوء على اشياء اشوفها من وجهة نظري انها غلط علشان نوصل باذن الله حق مجتمع اسلامي قوي و مترابط


و ممكن اكون انا الغلط يا الغالي و اتمنى من الكل انه يصححني لانه في الاخير انا بشر و الغلط عندي وارد :victory:

[قناص 787]

اصابعك مهب سوا

[كلنا قطر 1981]

الظاهر المتزوجات اللي حوالينج يعيشون في حاله مؤسفه

يالله مب مشكلة بعد مب كل الريايل كيوت:unsure::D

اخوي الغالي بوحارب

ترى انا رجال مب بنت :D يعني مافي مره جات و قعدتت تشتكي لي

بس يا بوحارب احنا شباب و نشووف الي قاعد يصير بينا و واقسم بالله ياغالي ما تكلمت بشي من وحي الخيال انا و انت و معظم الشباب ندري بهالشي و ندري انه يصير في الواقع و انا ماحددت انه كل الشباب ولا لي الحق اني اقول كل الشباب فيهم هالطبع بس انا اتكلم عن بعض الشباب و الي هم اقليه في المجتمع الي يسوون هالحركات

في الاخير كل الي اتمناه انه نوصل حق مجتمع مثالي و ربي يوفقك يا بوحارب و تكوون انت بعد قدوتنا دااامك كيووووت :D :victory:

[كلنا قطر 1981]

جزاك اللــــــه خير أخوي

و بما أن السؤال للشبـــــاب .. ننتظـــــــر آراءهم القيمــــــة

و نكتفي بالمتابعـــــة :)

اختي الحياه الخالده يهمني رايج و راي الكل في الموضوع اذا عندج شي زووود تبيكن تكتبينه او انج تشوفين شي في الحريم غلط يسووونه ضد ازواجهم بعد اكتبيه و لا تنسي اختي الكمال لله و هذا الموضوع ما كتبته حق الشباب و بس الموضوع حق الكل و تسلمين على المرور :)

[bu 3li]

اخوي الفئه اللي ذكرتها من الشباب مرت علي ( الله يهديهم ويهدينا وياهم ) وكنت اسمعهم شيقولون

الفكره هي ..

زوجتك : طول الوقت في ويهك وكل شي بتسويه معاها اول ايام الزواج سواء طلعات فالليل ولا كلام حلو ولا سفر ,,, الخ

رفيجتك : تكلمها مره فاليوم وتشتاق لين سكرت منها ( الظروف ماتخليه يشرد من مرته ويتكلم على راحته ) واذا بيشوفها من وين لي وين فـ مايعرف شيسوي ولا شيقول فـ يكون فارس الاحلام بالنسبه لها


للأسف هالشي صاير واللي يحزن اكثر ان البنت اللي متعرف عليها تدري انه متزوج وامورها طيبه ولا تقول انا باخرب بيته ولا باهدم حياته لا عادي واهم شي انها هي مستانسه ..
وبعضهم يخشون عالبنات ويسوون روحهم مطلقين ولا حريمهم متوفيين ( يكسر خاطرها ) ومن اهني تبدا المشاكل ..

الصراحه الموضوع كبير ومتفرع والكلام فيه بياخذ ايام مب يوم ولا مشاركه وحده
لكن فالاخير يقولون (( ماتعرف قديري الا لما تجرب غيري )) وهالشي هو اللي حاصل
فالاخير اللي رضت انها تدخل بين اثنين ماردها تخلي هالشخص لانها تدري انه مرتبط وبتلقى لها حد ثاني ولا هي نفسها بيجيها نصيبها وبتروح له

وهالشخص اللي عاش قصص حب وغرام وهمل هله .. بيعرف انه غلطان وانه كان من الاولى انه يعطي هالحب والحنان والاهتمام حق اللي صانته وقامت فيه ( مع العلم انه بعضهم يحسون ويعرفون لكن يسكتون ) والله ياجرهم خير على صبرهم وتحملهم ..

[كــرت احمــر]

كلمــة حــــق


التلطف مع الزوجات واجب على كل رجل ، وحق مشروع لكل زوجة :
و الرفق بهن , دليل على اكتمال . . الرجوله

قآل صلى الله عليه وسلم : '' مآ اكرمهن الا كريم ,
و م اهانهن الا لئيم .

# فسِحقآ لمجتمعّ يظٍنٌ بمِن يرفقَ ببنآتَ حِواء خروف‬ يعني بالمصطلح العامي ( سكان مرته ) .

[كايد الوكره]

للاسف هذا هو الواقع 100 %

.
.

[Locale]

واااقع مؤسف جدا
والله اني لما اطلع للفنادق أمســك رااســـي من اللي اشوفه

[فيزيائية]

مو كل الرجال مثل ماصورتهم
بس وراء كل رجل (شارد) امرأة
الاسلوب الرفيع وتثقيف الذات والذرابة
امور يفتقدها الكثير بالعلاقة الزوجية

[@north_star@]

على فكرة التظاهر بالرومنسية والحب والكرم والاخلاق و.و.و ........الخ هي مجرد عادة عند الاغلبية حتى عند الرجل الخاطب فهو بأحسن حال مع خطيبته واكرم من حاتم الطائي بكرمه واكثر رومنسية من روميو ولكن بمجرد أن تزوج أصبح الوضع مختلف بتلاشي تلك المشاعر ...

وكذلك الحال كما ذكرت اخي الكريم فالكلام ينطبق على ذوي العلاقات الغير مشروعة خارج نطاق عش الزوجية وتحياتي لك وللجميع والله يستر على جميع امة محمد صلى الله عليه وسلم ....

[عيون Qatar]

متابعة بصمـــــــــــــــــت

[Locale]

فيزيائيه
حولي بنات ينحطوون عالجرح من صديقاتي
بنات راعيات بيت وواجب بنات رجال محد يقدر يشكك في اخلاقهم
تطلقوا بسبت ان رياييلهم مايقدرون يتركون حبايبهم قالوها بالفم المليااان
هذيلا ينلامون بعد !!!!

[ابن عجلان]

اعجبني موضوعك اخوي والردود فيها مايدل على ان البعض مب عاجبه بس انا من وجه نظري عاجبني الطرح وتلاقي العكس بعد اخوي يعني الزوجات دلع رفيجها والزوج مكشره بوجه الله يهدى الجميع لطريق الصحيح

[بوحارب]

اخوووي حمد تسلم على المرور و اكيد الاصابع اليد مب سوى :)

و علشان هالشي انا تكلمت عن الشباب الي لهم علاقات خارج عش الزوجيه

و ما ننكر انه في رجال و النعم فيهم و كلامي يا غالي مجرد اسلط الضوء على اشياء اشوفها من وجهة نظري انها غلط علشان نوصل باذن الله حق مجتمع اسلامي قوي و مترابط


و ممكن اكون انا الغلط يا الغالي و اتمنى من الكل انه يصححني لانه في الاخير انا بشر و الغلط عندي وارد :victory:

اخوي في ازواج مقصرين وفي زوجات مقصرات

النقص موجود من الصوبين والواحد لازم يتقى الله في الثاني /:)

وانا ماختلف معاك بالنسبة للموضوع لأني هالأيام اشاهد قصة عجيبة غريبة واحد توه متزوج ومع مرته في شهر العسل ويواعد ارفيجتة انه يعوضها هالغيبة اللي هو فيها الحين لما يرد البلاد :)

تخيل وش من حقاره في هالأنسان

الله لايبلانا بس

والسموحة يابوالشباب احسبك بنوته :(:tease::secret:

[الأصيلة]

احنا قاعدين نتكلم عن هذه العلاقات وكأنها أمر عادي
فقط فيها جرح للمرأة وخيانة ...
وهي في الحقيقة من أكبر الكبائر لأنها تجر إلى الزنا...
فـ الرجل متزوج ومحصن ومع ذلك ينظر لـ إمرأة أخرى
وهذه هو الحرام بعينه..
فلماذا استهتر الشباب بحرمات الناس..
ويفترض أن الشاب أصبح رشيدا بعدما وثق فيه الناس
وزوجوه ابنتهم وأمنوه عليها...
فكيف يتصرف بتصرفات الصبيان المراهقين..
والبلاء الأعظم الرجل الأربعيني أو الخمسيني والذي استصغر نفسه
وأصبح يعطي نفسه الحق بمصاحبة الشابات والإكتفاء
بالمكالمات والإستماع إلى كلمات الغزل ...
كل ذلك كانت نتائجه فتيات مستهترات بالشرف والسمعة والطهارة
فما يفعله أبائهم وإخوانهم مع بنات الناس
يسلط الله عليهن من يفعل معهن ذلك وينزع منهم الحياء...
فـ كما تدين تدان...والجزاء من جنس العمل...
نســأل الله العــافيــة

[Locale]

اخوي في ازواج مقصرين وفي زوجات مقصرات

النقص موجود من الصوبين والواحد لازم يتقى الله في الثاني /:)

وانا ماختلف معاك بالنسبة للموضوع لأني هالأيام اشاهد قصة عجيبة غريبة واحد توه متزوج ومع مرته في شهر العسل ويواعد ارفيجتة انه يعوضها هالغيبة اللي هو فيها الحين لما يرد البلاد :)

تخيل وش من حقاره في هالأنسان

الله لايبلانا بس

والسموحة يابوالشباب احسبك بنوته :(:tease::secret:

هذا
احقر
انسان
على
وجه
الارض
وعسى
ربي
ياخذه
اخذ
عزيز
مقتدر
هذا
انا
اسميه
حيوان
اعزكم الله

[ام فراس]

احنا قاعدين نتكلم عن هذه العلاقات وكأنها أمر عادي
فقط فيها جرح للمرأة وخيانة ...
وهي في الحقيقة من أكبر الكبائر لأنها تجر إلى الزنا...
فـ الرجل متزوج ومحصن ومع ذلك ينظر لـ إمرأة أخرى
وهذه هو الحرام بعينه..
فلماذا استهتر الشباب بحرمات الناس..
ويفترض أن الشاب أصبح رشيدا بعدما وثق فيه الناس
وزوجوه ابنتهم وأمنوه عليها...
فكيف يتصرف بتصرفات الصبيان المراهقين..
والبلاء الأعظم الرجل الأربعيني أو الخمسيني والذي استصغر نفسه
وأصبح يعطي نفسه الحق بمصاحبة الشابات والإكتفاء
بالمكالمات والإستماع إلى كلمات الغزل ...
كل ذلك كانت نتائجه فتيات مستهترات بالشرف والسمعة والطهارة
فما يفعله أبائهم وإخوانهم مع بنات الناس
يسلط الله عليهن من يفعل معهن ذلك وينزع منهم الحياء...
فـ كما تدين تدان...والجزاء من جنس العمل...
نســأل الله العــافيــة


:thumbup:

احسنت يا الاصيله..

[R 7 A L]

اخوي في ازواج مقصرين وفي زوجات مقصرات

النقص موجود من الصوبين والواحد لازم يتقى الله في الثاني /:)

وانا ماختلف معاك بالنسبة للموضوع لأني هالأيام اشاهد قصة عجيبة غريبة واحد توه متزوج ومع مرته في شهر العسل ويواعد ارفيجتة انه يعوضها هالغيبة اللي هو فيها الحين لما يرد البلاد :)

تخيل وش من حقاره في هالأنسان

الله لايبلانا بس

والسموحة يابوالشباب احسبك بنوته :(:tease::secret:



هذا المفروض اذا رجع من السفر مو يكرمونه ويوجبونه
هذا المفروض يقومونه من مجالس الرجال
لانه نذل

[السحابة]

يارب يحفظ زوجي

[^^^EAGLE^^^]

الحياة ما تبدلت لكن الزوجات اتبدلت عقولهن والالتزامات يلي فرضها الشرع والدين ما عادت تنفع معاهم
والريال يبي إمرأة بكل مافي الكلمة من معنى ، يعني يبي انثى في البيت ، ما يبي رجال يشاركه حياته ،
تصارخ بوجها لسبب من الاسباب ترفع صوتها عليك وتصارخ وما تسكت ، عندها التزامات اكثر من
التزامات رجال البيت ، تبي تقضي وقتها في السوق وسيارتها عندها ومو بسائلة على زوجها ،
العيال طول اليوم مع الخدامة ، تأكلهم وتشربهم وتعلمهم وتوديهم المدرسة ،
الريال يبي يرجع البيت يلاقي زوجته تنتظره ووجها يضحك والاكل من ايديها جاهز
واتحداكم اليوم تعطوني زوجة همها الاول والاخير زوجها وبيتها ، وبتحصل زوجها خاتم بإصبعها
المجتمع ما تغير لكن احنا البشر يلي الدنيا غيرت انفسنا
وتحياتي لكاتب الموضوع

[الأصيلة]

الحياة ما تبدلت لكن الزوجات اتبدلت عقولهن والالتزامات يلي فرضها الشرع والدين ما عادت تنفع معاهم
والريال يبي إمرأة بكل مافي الكلمة من معنى ، يعني يبي انثى في البيت ، ما يبي رجال يشاركه حياته ،
تصارخ بوجها لسبب من الاسباب ترفع صوتها عليك وتصارخ وما تسكت ، عندها التزامات اكثر من
التزامات رجال البيت ، تبي تقضي وقتها في السوق وسيارتها عندها ومو بسائلة على زوجها ،
العيال طول اليوم مع الخدامة ، تأكلهم وتشربهم وتعلمهم وتوديهم المدرسة ،
الريال يبي يرجع البيت يلاقي زوجته تنتظره ووجها يضحك والاكل من ايديها جاهز
واتحداكم اليوم تعطوني زوجة همها الاول والاخير زوجها وبيتها ، وبتحصل زوجها خاتم بإصبعها
المجتمع ما تغير لكن احنا البشر يلي الدنيا غيرت انفسنا
وتحياتي لكاتب الموضوع

لا يا أخوي لا اتحدانا في وجود هذا النوع من الزوجات
بالعكس فيه وكثيرات..
وبعد فيه النوعية اللي ذكرتها ...
وهذا يعود لـسوء الإختيار ..لأن كثيرا من الشباب يشترطون
في البنت الهدوء والتربية الطيبة من بيت طيب تقدر
الحياة الزوجية مثل أمها...وتحترم الزوج...
والبعض مايفكر في هذا الشيء المهم جميلة وموظفة...
وطاعة الزوجة وتقديرها لزوجها يعود لـ حقيقة علاقة الزوج بربه ...
احفظ الله يحفظك...
قالها احد الشيوخ لـ رجل يشتكي سوء أخلاق زوجته ..
فقال له : كيف حالك مع الله..
فذكر أنه متهاون بالصلاة والعبادة ولديه من المعاصي الكثير..
فقال له : إذهب وأصلح حالك مع الله ..لـ يصلح الله حالك مع زوجتك...

[ام السعف]

الظاهر المتزوجات اللي حوالينج يعيشون في حاله مؤسفه

يالله مب مشكلة بعد مب كل الريايل كيوت:unsure::d

اشدعوة قطو :(

[مهرة]

كلمــة حــــق


التلطف مع الزوجات واجب على كل رجل ، وحق مشروع لكل زوجة :
و الرفق بهن , دليل على اكتمال . . الرجوله

قآل صلى الله عليه وسلم : '' مآ اكرمهن الا كريم ,
و م اهانهن الا لئيم .

# فسِحقآ لمجتمعّ يظٍنٌ بمِن يرفقَ ببنآتَ حِواء خروف‬ يعني بالمصطلح العامي ( سكان مرته ) .


استوقفتني مشاركتك لأن فيها الكثير من الحقيقة المرة والي أتعايش معاها وصايره حوالينا ان الي يهتم بهله ويدلعهم مع انهم صارلهم متزوجين سنين يقولون أهلنا سكانه مرته الا دجاجة الا مسويتله طبوب وأشياء سخيفة ومع ذلك مو معبرهم وهو شخص واحد فقط وماهمه كلامهم ومانقص من رجولته شي ..

يعطيك العافية اخوي والله يصبر خواتنا الي فعلا مايستاهلون الي يصير لهم ورجاجيلهم مايستهاهلوون هالحريم..

[مهرة]

الحياة ما تبدلت لكن الزوجات اتبدلت عقولهن والالتزامات يلي فرضها الشرع والدين ما عادت تنفع معاهم
والريال يبي إمرأة بكل مافي الكلمة من معنى ، يعني يبي انثى في البيت ، ما يبي رجال يشاركه حياته ،
تصارخ بوجها لسبب من الاسباب ترفع صوتها عليك وتصارخ وما تسكت ، عندها التزامات اكثر من
التزامات رجال البيت ، تبي تقضي وقتها في السوق وسيارتها عندها ومو بسائلة على زوجها ،
العيال طول اليوم مع الخدامة ، تأكلهم وتشربهم وتعلمهم وتوديهم المدرسة ،
الريال يبي يرجع البيت يلاقي زوجته تنتظره ووجها يضحك والاكل من ايديها جاهز
واتحداكم اليوم تعطوني زوجة همها الاول والاخير زوجها وبيتها ، وبتحصل زوجها خاتم بإصبعها
المجتمع ما تغير لكن احنا البشر يلي الدنيا غيرت انفسنا
وتحياتي لكاتب الموضوع


خاف ربك اتقي الله ,, انت أول شي تزوج ولين جربت العيشة الهنية مع الزوجة القطرية (مو اي وحدة) بعدين تكلم وصارخ باعلى صوتك..!!

ردووود تدل على شخصيات عليلة ..

[دااانة قطر]

احنا قاعدين نتكلم عن هذه العلاقات وكأنها أمر عادي
فقط فيها جرح للمرأة وخيانة ...
وهي في الحقيقة من أكبر الكبائر لأنها تجر إلى الزنا...
فـ الرجل متزوج ومحصن ومع ذلك ينظر لـ إمرأة أخرى
وهذه هو الحرام بعينه..
فلماذا استهتر الشباب بحرمات الناس..
ويفترض أن الشاب أصبح رشيدا بعدما وثق فيه الناس
وزوجوه ابنتهم وأمنوه عليها...
فكيف يتصرف بتصرفات الصبيان المراهقين..
والبلاء الأعظم الرجل الأربعيني أو الخمسيني والذي استصغر نفسه
وأصبح يعطي نفسه الحق بمصاحبة الشابات والإكتفاء
بالمكالمات والإستماع إلى كلمات الغزل ...
كل ذلك كانت نتائجه فتيات مستهترات بالشرف والسمعة والطهارة
فما يفعله أبائهم وإخوانهم مع بنات الناس
يسلط الله عليهن من يفعل معهن ذلك وينزع منهم الحياء...
فـ كما تدين تدان...والجزاء من جنس العمل...
نســأل الله العــافيــة


صدقتي والله يالطيبه
مدري ليش بعض الازوااج يتفرعن في البيت
وبرا البيت ...............:eek5:

[ضوى]

يحليله ريلي رومانسيته انه يحط الهدايا في صفرية الخبز :) يكسر الروتين من قلب

[ضوى]

خاف ربك اتقي الله ,, انت أول شي تزوج ولين جربت العيشة الهنية مع الزوجة القطرية (مو اي وحدة) بعدين تكلم وصارخ باعلى صوتك..!!

ردووود تدل على شخصيات عليلة ..

:victory::victory::victory::victory:

[كلنا قطر 1981]

اخوي الفئه اللي ذكرتها من الشباب مرت علي ( الله يهديهم ويهدينا وياهم ) وكنت اسمعهم شيقولون

الفكره هي ..

زوجتك : طول الوقت في ويهك وكل شي بتسويه معاها اول ايام الزواج سواء طلعات فالليل ولا كلام حلو ولا سفر ,,, الخ

رفيجتك : تكلمها مره فاليوم وتشتاق لين سكرت منها ( الظروف ماتخليه يشرد من مرته ويتكلم على راحته ) واذا بيشوفها من وين لي وين فـ مايعرف شيسوي ولا شيقول فـ يكون فارس الاحلام بالنسبه لها


للأسف هالشي صاير واللي يحزن اكثر ان البنت اللي متعرف عليها تدري انه متزوج وامورها طيبه ولا تقول انا باخرب بيته ولا باهدم حياته لا عادي واهم شي انها هي مستانسه ..
وبعضهم يخشون عالبنات ويسوون روحهم مطلقين ولا حريمهم متوفيين ( يكسر خاطرها ) ومن اهني تبدا المشاكل ..

الصراحه الموضوع كبير ومتفرع والكلام فيه بياخذ ايام مب يوم ولا مشاركه وحده
لكن فالاخير يقولون (( ماتعرف قديري الا لما تجرب غيري )) وهالشي هو اللي حاصل
فالاخير اللي رضت انها تدخل بين اثنين ماردها تخلي هالشخص لانها تدري انه مرتبط وبتلقى لها حد ثاني ولا هي نفسها بيجيها نصيبها وبتروح له

وهالشخص اللي عاش قصص حب وغرام وهمل هله .. بيعرف انه غلطان وانه كان من الاولى انه يعطي هالحب والحنان والاهتمام حق اللي صانته وقامت فيه ( مع العلم انه بعضهم يحسون ويعرفون لكن يسكتون ) والله ياجرهم خير على صبرهم وتحملهم ..

اخوي الغالي بوعلي اولا تسلم على الاضافه الطيبه منك الي ما تطلع الا من شخص طيب مثلك و شرواك :victory:

اخوي على الاسباب الي بتسمعها من الشباب الي يسووون هالاشياء ترى بقولك مافي انسان يخطي و ما يعطي حق نفسه العذر لانه الحرامي بيقولك انا بقت (سرقت)لانه والله الحال صعبه و ما حصلت طريق قدامي غير السرقه و يعطي لانفسه الطمئنينه و يقولك الله عالم بالحال و الله غفور رحيم

و بالنسبه انه في بداية الخطوبه و شهر العسل انه سووا كل شي حق زوجته بقولك هالشي يشكر عليه بس هل اذا خلص شهر العسل تصير الزوجه عباره عن قطعة اثاث في نستخدمها وقت الحاجه ؟؟؟؟
يا غالي انا وقت الي تكلمت مقصدي انه في الاول و الاخير كسر الروتين و انه ابي الشباب تنتبه على حريمهم و يحطووون دوم في بالهم انها لها حق عليه بكل شي نفس ماله الحق عليها و اذا هو ما طلعها و كسر الروتين وياها ينتظر من يغير جوها ؟؟؟؟؟؟؟؟؟؟؟؟؟؟؟؟؟؟

انا ما اقول يالغالي انه كل يووم طلعات و كشته و كل يوم رومنسيه بحت لانه الزواج نفس الطبخه ما تنوكل لو كانت مالحه ولا يكون لها طعم لو ما كان فيها ملح بس لازم يكون في اعتدال في الامور و الحياه الزوجيه و المقصد انه اذا بيبتدي يبي يغير جو مب مشكله لو بس لو يبي يشارك حد في تغير جوه اتوقع الزوجه هي اولى الناس بهالتغير


و بالنسبه حق البنت الي تتعرف و تصادق رجال متزوج و هي تدري انه متزوج هذي ما نقدر نقول عنها او نسميها انسانه لانه الانسان الله ميزه بالعقل دووون عن كل المخلوقات يعني اذا هو ما صان حلاله و ام عياله الي في البيت و تركها علشان يضيع وقت وياها هل تتوقع هي انه ممكن يدوووم لها ؟؟؟؟ لو كان لها عقل يفترض انها تفكر بهالسؤال :)

اخوي بوعلي احنا ندري انه الي يسوي هالحركات من الشباب الا و يجي يوم و يدري انه غلطان بس انا و انت و غيرنا من الشباب الي فيهم خير دورنا نوعيهم و ننبهم على قد ما الله عطانا من استطاعه

السموحه على الاطاله و تسلم على المرور يا غالي :victory:

[كلنا قطر 1981]

مو كل الرجال مثل ماصورتهم
بس وراء كل رجل (شارد) امرأة
الاسلوب الرفيع وتثقيف الذات والذرابة
امور يفتقدها الكثير بالعلاقة الزوجية

اختي فزيائيه تسلمين على المداخله
و انا بموضوعي اختي ما تكلمت عن كل الشباب انا ذكرت بس الي عندهم علاقات خارج عش الزوجيه

و تسلمين على المرور يا غاليه :)

[كلنا قطر 1981]

على فكرة التظاهر بالرومنسية والحب والكرم والاخلاق و.و.و ........الخ هي مجرد عادة عند الاغلبية حتى عند الرجل الخاطب فهو بأحسن حال مع خطيبته واكرم من حاتم الطائي بكرمه واكثر رومنسية من روميو ولكن بمجرد أن تزوج أصبح الوضع مختلف بتلاشي تلك المشاعر ...

وكذلك الحال كما ذكرت اخي الكريم فالكلام ينطبق على ذوي العلاقات الغير مشروعة خارج نطاق عش الزوجية وتحياتي لك وللجميع والله يستر على جميع امة محمد صلى الله عليه وسلم ....

تسلم اخوي نجم الشمال على المداخله الطيبه و انا اتفق معاك بالكلام انه هذي عاده عند الاغلبيه من الشباب وقت الخطوبه .....الخ
بس احنا ليش ما نحاول انه نخلي هذي العاده تكوون واقع في ايام الخطوبه و الايام الي عقبها و العمر كله ؟؟؟؟؟
انا الي ابيه انه هذي المشاعر ما تتلاشى بعد الزواج علاقت الرجل بزوجته و ربي بينعكس على نفسية الاطفال

و ما اظن لا انا و لا انت و لا حد ما يحب انه اعياله او اعيال اخوانه او اي طفل ما يكوون مستقر في نفسيته و حياته من بداية مراحل نموه
اخوي السلبيات في البيت تنعكس كلها على الطفل و الايجابيات بعد يعني لو تشووف البيت الي فيها الاهتمام و الاحترام و الدين و الحب بتحصل انه اعيالهم كفووو و يعرفون السنع و يكونون اسره مترابطه بكل ما تعنيه الكلمه :victory:
و هذا الي نبي كلنا نوصله انه يكون مجتمعنا مجتمع مترابط و متحاب و يكون مجتمع مثالي:)

تحياتي لك اخوي و ربي يوفقك دوووم في الدنيا و الاخره :)

[الـخـالـدي]

دايمن كل ممنوع مرغوب .. و الزوجه مضمونه فالبيت عشان كذا يلجئ حق الممنوع ..

[كلنا قطر 1981]

:victory::victory::victory:
اخوي في ازواج مقصرين وفي زوجات مقصرات

النقص موجود من الصوبين والواحد لازم يتقى الله في الثاني /:)

وانا ماختلف معاك بالنسبة للموضوع لأني هالأيام اشاهد قصة عجيبة غريبة واحد توه متزوج ومع مرته في شهر العسل ويواعد ارفيجتة انه يعوضها هالغيبة اللي هو فيها الحين لما يرد البلاد :)

تخيل وش من حقاره في هالأنسان

الله لايبلانا بس

والسموحة يابوالشباب احسبك بنوته :(:tease::secret:


بوحارب يالغالي تسلم على الرد
اخوي انا ما احط كل اللوم على الرجل الكل فينا اخوي مقصر بس انا لاني رجال احتكاكي مع الشباب اكثر من اني احتك في الحريم علشان جذي اجيب امثاله عن الشباب :D

و عن المثالي قلت عنه هذا حرام اخوي تقول عنه انسان:anger2:
بس على العموم بيحصل كل هذا في صفحة اعماله في يوم الحساب و خليه يعوضها غيابه عدل ;) ولا هنت على المرور و مسموح على انك حسبتني بنوته :D :victory:

[طلعة الروح]

السبب من وجهة نظري انه الريال فطرياً ماتملى عينه امرأة وحدة
بس اذا تبي السبب الاجتماعي اللي يقوله الريال عادة يكون (انا ما أحب زوجتي) او ( انجبرت على هالزيجة) إلخ..

[كلنا قطر 1981]

اعجبني موضوعك اخوي والردود فيها مايدل على ان البعض مب عاجبه بس انا من وجه نظري عاجبني الطرح وتلاقي العكس بعد اخوي يعني الزوجات دلع رفيجها والزوج مكشره بوجه الله يهدى الجميع لطريق الصحيح

كلامك صحيح 100%100
بس تقدر تقول شنو الي خلى هالزوجه تشوف لها رفيج علشان دلعه ؟؟؟؟
تتوقع انه زوجها مب مقصر وياها و خلها تشووف لها رفيج تدلعه و يدلعها ؟؟؟
اخوي لو تشووف في ردودي دوووم احط سؤال حق هالزوج لو انت ما دلعت و ما رحت و جيت و كسرت الروتين ويا زوجتك تنتظر من الي بيدلعها؟؟؟؟
هذا مقصدي يا بن عجلان ما نبي الامور توصل لهدرجه الزوج مع رفيجته البطل المغوار فارس الاحلام مهند عصره و هي تكون سندريلا زمانها مع الرفيج او العشيق او اي تسميه تحب تسميها له :)

كلامن و طرحنا للمشاكل في المنتدى او الكلام علشان ما نوصل حق هالمواصيل كل زوج و زوجه عايشين حياتهم و في الاخير الضحيه اعيالهم :(
ربي يستر عليك و علينا دنيا و اخره و تسلم على الملاحظه الطيبه منك :victory:

[كلنا قطر 1981]

كلمــة حــــق


التلطف مع الزوجات واجب على كل رجل ، وحق مشروع لكل زوجة :
و الرفق بهن , دليل على اكتمال . . الرجوله

قآل صلى الله عليه وسلم : '' مآ اكرمهن الا كريم ,
و م اهانهن الا لئيم .

# فسِحقآ لمجتمعّ يظٍنٌ بمِن يرفقَ ببنآتَ حِواء خروف‬ يعني بالمصطلح العامي ( سكان مرته ) .

لين اتزوج انشاء الله اكووون سكاني مرتي احسن من اني اكووون مغضوب عليه عند ربي :)

و تسلم و ما قصرت على الملاحظه و المرور يا غالي :victory:

[كلنا قطر 1981]

هذا المفروض اذا رجع من السفر مو يكرمونه ويوجبونه
هذا المفروض يقومونه من مجالس الرجال
لانه نذل

كـــــــــــفو عليك رحال :victory:

[كلنا قطر 1981]

دايمن كل ممنوع مرغوب .. و الزوجه مضمونه فالبيت عشان كذا يلجئ حق الممنوع ..

من يقول انه اذا الرجال بيكون لاعاب بتكون الزوجه مضمونه في البيت ؟؟؟؟؟؟؟
و لا ننسى قول الرسول الله محمد (صلى الله عليه و سلم) كما تدين تدان :secret:

لاهنت اخوي الخالدي على المرور