نداء من موظفي بروة [الأرشيف] - منتديات شبكة الأسهم القطرية

الفهد 55

28-11-2011, 02:52 PM

اتمنى التدخل في إنصاف الموظف القطري في بروة حيث لاقى من الإجحاف والاضطهاد ما يكفي . وفوق كل ذلك فإن المكرمة الأميرية لا تزال حلم يراود الموظف القطري في بروة واتمنى ان لا يتحول الحلم الى سراب .

اتمنى ان نكون يد واحدة لعل وعسى ننال ابسط حقوقنا في هذه الشركة .

وشكرا *

hamoor4ever

28-11-2011, 02:57 PM

اللي اعرفه رواتبكم عاليه اصلا

لاتزعل مني رأي خاص فيني

Rashid554

28-11-2011, 02:59 PM

ممكن نعرف كم رواتبكم الحالية اصلاً بالدرجات

الفهد 55

28-11-2011, 03:10 PM

اللي اعرفه رواتبكم عاليه اصلا

لاتزعل مني رأي خاص فيني

اول شي اشكرك على ردك

ثاني شي رواتب عالية مقارنة مع اي جهة علشان تقول عالية وباقولك شي مب الكل راتبه عالي في الشركة

وثالث شي هذه المكرمة الأميرية من حق الموظف القطرية ليش ما تكلمت يوم زادوا جهات معينة مابي اذكر وين وهي اصلا رواتبها تعتبر من اعلى الرواتب في قطر .

هذا رأيي

الفهد 55

28-11-2011, 03:11 PM

ممكن نعرف كم رواتبكم الحالية اصلاً بالدرجات

ماعتقد بيفيدك بشي لانها تعتبر رواتب عادية بالنسبة للدرجات

ضناني الشوق

28-11-2011, 03:27 PM

قلوبنا معاكم يا موظفين بروة، وربي يكتب لكم الخير ويزين حالكم وتفرحون مثل ما فرح باجي الشعب..

AL-MAYSTRO

28-11-2011, 03:47 PM

ان شاء الله بتجيكم الزياده

الديار وجاتهم الحمدلله والدور جايكم

hamoor4ever

28-11-2011, 03:54 PM

ماعتقد بيفيدك بشي لانها تعتبر رواتب عادية بالنسبة للدرجات
نسمع رواتب بالخمسين والستين ، اذا زادوكم اخوي كم بتوصلون احنا يادوب وصلنا 20 وانتو 100 الف عموما الله يزيدكم بس مدري تقصد رواتب عاديه كم ؟؟ لان الراتب العادي يختلف عند فرد وشخص اخر

فلور

28-11-2011, 04:26 PM

اللي اعرفه رواتبكم عاليه اصلا

لاتزعل مني رأي خاص فيني

من قال رواتب بره عاليه بلعكس
طول اليوم شغل لين الساعه 3 ونص
اختي تشتغل في قرية بره راتبها 8000 ريال
على كل الكرف بعد مساكين خايفين مافي استقرار في العمل
الله يكون في عونهم

Carbon911

28-11-2011, 05:34 PM

من قال رواتب بروة عالية.. دولفين وراس غاز والجزيرة وقطر فونديشن كلهم رواتبهم عالية وزادوهم لانها مكرمة اميرية والمفروض تعم على كل قطري..
الفال لبروة واسباير و للمؤسسات الثمان الاجتماعية ..الشفلح ودريمة ودار المسنين والاستشارات العائلية وغيرها اللي لين الحين ماجاهم شي ..

الدوحاتي

28-11-2011, 07:07 PM

اقل رواتب حاليا بروه وبنك بروه
لا تقترون في الكلام اللي تسمعونه احنا موظفين وعارفين الرواتب عدل

الله يسر امورنا ان شاء الله وتجينا الزياده

BonBons

28-11-2011, 07:36 PM

انا موظفه سابقه في بروة
شركه الفساد والواسطات
الرواتب عاليه لناس وناس والترقيات لناس وناس
والقوانين تمشي على ناس وناس
شركه كل يوم لها مدير وقوانين جديده وقرارات تافهه
والكل يعرف التفنيشات اللي صارت والحمدلله اني قدمت استقالتي وحصلت عرض افضل قبل المعمعه اللي صارت
شفتو عمركم موظف اداري يصير مديره اداره في اقل من سنه ؟
شفتو عمركم 3 اشخاص من عائله وحده يدرسون برى على حساب الشركه
وناس تدخل الشركه ماتكمل شهرين يطلع لها دراسه ماستر والغريب ان من يخلصون الماستر يقدمون استقالتهم وعادي يطلعون بدون ولا كلمه وناس صارلها 5 سنين دورة داخليه ماحصلو؟؟

غير اللي ماينطون درجتين خلال سنه
وغير اللي يتوظف على درجه سنير وهو لحينه باخر سنه بالجامعه
وغير وغير وغير
الشركه مصخره وانا انصح اللي فيها يدورون لهم اماكن ثانيه لان سمعه الشركه كل مالها وتنزل اكثر
لدرجه ان في اماكن اذا قدمت فيها وقلت انك من بروة يصرفون النظر عن موضوع توظيفك

شركه ماتقدر على الرؤوس الكبيره وتنفش المساكين اللي رواتبهم على 7 و6

ودام غانم بن سعد وابراهيم فخرو طلعو منها ماعاد فيها خير

الله يعينكم ويعوضكم خير

فتى الجود

28-11-2011, 09:11 PM

السلام عليكم

ارفع شكوى الى وزارة العمل

وبلغهم ان "بروة" تابعه لقانون العمل رقم 14 لسنة 2004

ومن حقك ان تتظلم لدية وعلية ان يبحث بشكوتك وان يحضر لك حقك

وهذا الرقم :

الخط المجاني : 8006611

او على البريد الالكتروني : pr@mol.gov.qa

http://www.mol.gov.qa/arabic/contactus/Pages/ContactUs.aspx?Source=/arabic/contactus/pages/thanks.aspx

وهذا رابط للشكوى

ونتمنى ان نرى تفاعل من وزارة العمل لرفع الظلم

وليعلموا انهم محاسبون امام الله

R 7 A L

28-11-2011, 09:32 PM

الإجحاف والاضطهاد
اخوي هالكمتين كبيرتين
ومستحيل احد يرضى بها
وسمو الامير الله يطول بعمره كفل للمقيم قبل المواطن الامن والامان والحرية والحق

ممكن توضح لنا بشكل تفصيلي ماهو الاضطهاد الى تعانون منه
؟؟؟

دمي حمر

28-11-2011, 11:10 PM

حرام عليكم والله شوي وبصيح :(
حسستوني ان احنا اجانب والله الهنود اعلا من رواتبنا ...
خلاص انا قررت كل ماراح افتح موضوع عن بروة بقول جملة وحدة بس ...
حسبي الله ونعم الوكيل فيهم

X5 QaTaR

29-11-2011, 01:20 AM

حسبي الله ونعم الوكيل

المشكله الناس برى يحسبون رواتب بروه عاليه

مايدرون انهم يزيدون الواحد الف على راتبه عشان يجيهم وعقب راتبه يوقف ولايشم ريال زياده ،،،،

شركة متفشي فيها الفساد الاداري بكل ماتحمل الكلمه من معنى ،،، ضيعت شباب قطريين كنا نتامل فيهم خير وبيكونون قيادات ناجحه على مستوى الدوله للاسف صاروا هالشباب يتمنون التحويل عالتقاعد او البند المركزي من كثر الي شافوه فس بروه ....

لا واليوم جاني كلام مسوولينهم يقولون امسحوا بوزمم من الزياده ،،،،

ومن فتره مدير الاتش ار يقول بنصبر لين مايقل عدد القطريين عقب بنعلن الزياده ،،،

هالشركه عمرها مابتتوفق والسبه دعاوي الناس الي فنشوهم وشتتو اسرهم ،،،،

الله يعين موظفينها الصغار ،،،، وحسبي الله على الي كان السبب

زهرة قطر

29-11-2011, 03:28 AM

حسبي الله ونعم الوكيل
الله يعينكم ويفككم من هالشركه الداقة
حتى لوكانت رواتب البعض عاليه لأنهم عطوهم هذي الرواتب أول مابدت الشركة يبلفيت الشركة مافوقها فوق
عاد من اللي يستلم الرواتب العالية المقربين واللي لهم واسطة لكن الموظفين العادديين رواتبهم عادية مقارنة بالمؤسسات والشركات الأخرى
بعدين هاذي مكرمه للجميع بدون استثناء من سمو الأمير ليس لها دخل بحجم الراتب فليش يمنعونها عن موظفين بروة والمؤسسات الأخرى
لوشفنا الرواتب في المؤسسات اللي جاتهم الزيادة لاتقارن برواتب موظفي بروه
شركة فاشلة والمسئولين عنها بدون ذمه وضمير
حسبي الله ونعم الوكيل

العملة النادرة

29-11-2011, 08:10 AM

الكلام كله صحيح ومافيه اي نوع من المبالغه (موظفة سابقة في بروة )

بروة show مو أكثر واسمها وشهرتها اكثر من الواقع

والمسؤولين فيها يحاربون القدرات القطرية بشكل واضح وهالكلام شي شفته وعشته مو بس كلام

Meero

29-11-2011, 08:22 AM

اللي اعرفه رواتبكم عاليه اصلا

لاتزعل مني رأي خاص فيني

اسمح لي اخوي بس من قالك ان رواتبنا عاليه
مو الكل ترى البعض الي بالواسطه هم الي رواتبهم عاليه

للعلم ان انا راتبي (( 8400 )) تخيل

الاساسي :4500

شرايك !!

Meero

29-11-2011, 08:23 AM

ان شاء الله بتجيكم الزياده

الديار وجاتهم الحمدلله والدور جايكم

والله ماتوقع

الاخبار والي جاي مايبشر بخير :weeping:

Meero

29-11-2011, 08:27 AM

انا موظفه سابقه في بروة
شركه الفساد والواسطات
الرواتب عاليه لناس وناس والترقيات لناس وناس
والقوانين تمشي على ناس وناس
شركه كل يوم لها مدير وقوانين جديده وقرارات تافهه
والكل يعرف التفنيشات اللي صارت والحمدلله اني قدمت استقالتي وحصلت عرض افضل قبل المعمعه اللي صارت
شفتو عمركم موظف اداري يصير مديره اداره في اقل من سنه ؟
شفتو عمركم 3 اشخاص من عائله وحده يدرسون برى على حساب الشركه
وناس تدخل الشركه ماتكمل شهرين يطلع لها دراسه ماستر والغريب ان من يخلصون الماستر يقدمون استقالتهم وعادي يطلعون بدون ولا كلمه وناس صارلها 5 سنين دورة داخليه ماحصلو؟؟

غير اللي ماينطون درجتين خلال سنه
وغير اللي يتوظف على درجه سنير وهو لحينه باخر سنه بالجامعه
وغير وغير وغير
الشركه مصخره وانا انصح اللي فيها يدورون لهم اماكن ثانيه لان سمعه الشركه كل مالها وتنزل اكثر
لدرجه ان في اماكن اذا قدمت فيها وقلت انك من بروة يصرفون النظر عن موضوع توظيفك

شركه ماتقدر على الرؤوس الكبيره وتنفش المساكين اللي رواتبهم على 7 و6

الله يعينكم ويعوضكم خير

صدقتي في كل كلمه قلتيها وارفع لج القبعه

الفهد 55

29-11-2011, 09:16 AM

مشكوورين للي شاركوا. واعتقد هذا ابسط رد للي يقولون ان موظفين بروة ما يستاهلون الزيادة . الرجاء عدم الحكم على الشي من مجرد سمعت فلان يقول رواتبكم عالية ومادري شنو. لا تحكم الا اذا كنت متأكد من الشي .

اتمنى الزيادة تكون قريبة هذا اذا اصلا فيه زيادة .

سبع الظلما

29-11-2011, 09:21 AM

اخوي الفهد 55 بأذن الله راح تجيكم الزيادة لكــــــــــــن اللي استغرب منة ان بعض الردود مع الاخوة الاعضاء غريبة تدل علي الحسد مثل الاخ اللي يقولك رواتبكم عالية يا اخي هاذي مكرمة للجميع ومن ولي الامر ليش الحسد وهو ما يدري ان رواتبكم عاااادية جداااا يا سبحان الله الواحد يكتب موضوع يبغي الاخوان يساعدونة يطلع العكس الهم الكل جاتهم الزيادة ما عدااا بروة العقارية وبنك بروة وسباير والمؤسسات الثمان
الله يعينهم هذاااا الظلم بعينة

يحفظك ربي

29-11-2011, 09:26 AM

الله يكون بعونكم وان شاء الله تكووون لكم زياده قرريبة يارب تفرح قلوبكم

للصبر اخر

29-11-2011, 10:22 AM

ان شاء الله الزياده يايتكم

وتستاهلوووووووووووون كل خير يا اهل قطر

BonBons

29-11-2011, 10:44 AM

فساد اداري واخلاقي وكل انواع الفساد
لو يصكرون الشركه يكون افضل
تناقض بكل ماتحمله الكلمه من معنى يفنشون ناس عندهم عيال وبيوت وناس قاعده بالبيت رواتبهم فوق 50 ويستلمونها وهم يضحكون بحجه ان مالهم مناصب مناسبه لانهم كانت لهم مناصب في احد الشركات التابعه لبروة وتم اغلاقها
طبعا غير التجاوزات والاختلاسات والهدايا اللي من تحت الطاوله
وكله في صوب والمدير الفاشل في صوب يجي يداوم شهرين يسوس بلاويه ويفنش ويظلم ويختفي شهور بحجه الدراسه اللي طبعا على حساب الشركه
اول مره اشوف مدير حق كل شي يحب يدخل نفسه بكل شي وهو مب عارف كوعه من بوعه
مجمع حوله مجموعه من الحقراء والنذلاء يحركهم على كيفه مثل الشطرنج ويخليهم يساعدونه في بلاويه وعمايله مع الموظفين واخر شي يضربهم على راسهم
وهالانسان ماله امان ابدا ابدا تشوفون يوم الموظف معاه وعقب اسبوع مفنشه وهالشي انا شفته بعيوني والله شاهد علي

بس ربي ماينسى حد ومايرضى بالظلم ومثل ما ظلم ناس ربي باليه في عياله
اللهم لا شماته , اللهم عافنا بما ابتلاهم به

انصح موظفين وموظفات بروة سرعه الاستقاله من هالشركه والبحث على عمل اخر
وان شاء الله اذا جاتكم الزياده " اذا" بعد الحنه والرنه والشكاوي على طول شيلو عليه وحطو ريلكم
الحل الوحيد هو انكم تكونون على قلب واحد وتشتكون كلكم وتسون عريضه بتوقيع كل الموظفين وانشروها بجريده الشرق وخلو الجريده تناقش هالقضيه
طبعا هذا اذا ماتدخل حد من فوق ووقف النقاش

حسبي الله ونعم الوكيل

مخطط قطري

29-11-2011, 10:51 AM

عندي واحد من الربع في بروة يقولي ان كل فنرة اجتماع وانه في اجتماع في 1/12 وانشالله يارب خير ويزوددون لكم الرواتب

الدوحاتي

30-11-2011, 02:12 PM

حسبي الله ونعم الوكيل

Meero

01-12-2011, 09:04 AM

حسبي الله ونعم الوكيل

الشوق عطري

01-12-2011, 09:10 AM

الله يرزقكم ان شاء الله

فلور

01-12-2011, 10:30 AM

عندي واحد من الربع في بروة يقولي ان كل فنرة اجتماع وانه في اجتماع في 1/12 وانشالله يارب خير ويزوددون لكم الرواتب
كلامك صحيح في اجتماع بصير
بس الي سمعته اجتماع في لسته تفنيشات
الله يستر
حسبي الله ونعم الوكيل عليهم مخلين الموظفين على اعصابهم

الفهد 55

01-12-2011, 01:08 PM

حسبي الله ونعم الوكيل

كازانوفا

01-12-2011, 01:47 PM

كلامك صحيح في اجتماع بصير
بس الي سمعته اجتماع في لسته تفنيشات
الله يستر
حسبي الله ونعم الوكيل عليهم مخلين الموظفين على اعصابهم

:eek5: :eek5: :eek5: :eek5: :eek5:
ما صارلهم كم شهر مفنشين كميه كبيره من الموظفين ؟؟؟

حسبنا الله ونعم الوكيل

بوحارب

01-12-2011, 01:54 PM

الله يعينكم

مضارب دوسري

01-12-2011, 02:07 PM

السلام عليكم

ان شاء الله يا رب يجيكم الدور باذن الله

استغرب بعض الاعضاء اللي من كم شهر كانوا يشتكون من قلة الحيله ومن ضيق الحياه ومن نكد العيش وكسبوا تعاطف الجميع

وبعد ماجات الزياده صاروا اكثر الناس حسدا ولا يريدون احد تجيه الزياده

هالاسلوب والله العظيم عيب عيييييب عيييييييييييييب

الله يرزقكم الزياده يا اهل بروه واسباير
والحمدلله الجزيره رغم تاخرها زادت الموظفين وانتوا القادمين ان شاء الله

الدوحاتي

01-12-2011, 05:17 PM

حد عنده اي خبر عن الاجتماع
متى

gt_511

02-12-2011, 10:44 AM

اسمحوا لي ليش تسالون عن الرواتب سوال بصراحه ممل راتبه مليون اظن ان في قرار من سمو امير البلاد الشيخ حمد بزياده الرواتب السؤال اللي المفروض هو من هم حتى لا يطبقوا اوامر الامير

واذا انتوا حاطين عينكم على رواتب المساكين حطوت عينكم على رواتب الاجانب وبتشوفون القهر

ام غرام

03-12-2011, 02:40 AM

الله يفرج عليكم اجمعين ....

ويعم الخير على الكل ....للقطريين

وللمقيمين العرب ....مش الاجانب ...........عشان نبعد عنا عين الحسد ...!!!!!

والله يكرمنا بكرمه يارب

وبكرم شيخنا المفدى صاحب القلب الرحيم ابونا ...الشيخ حمد بن خليفة ال ثاني حفظه الله ورعاه

الفهد 55

05-12-2011, 09:55 AM

حسبنا الله ونعم الوكيل

اعتقد خلاص ننسى السالفة احسن

الفهد 55

07-12-2011, 11:36 PM

بتخلص السنة ولا في خبر !!!!!!!!

غريبة يا شركة بروة

اعتقد صورة بروة اصبحت مهزوزة لدى الجميع

من انحدار الى اكثر بإذن الله يا بروة

حسبنا الله ونعم الوكيل في كل شخص وقف ضد مصلحة المواطن القطري

الدوحاتي

08-12-2011, 08:03 AM

حسبنا الله ونعم الوكيل
في كل شخص وقف ضد مصلحة المواطن القطري

الدوحاتي

08-12-2011, 08:36 AM

(حسبنا الله،سيؤتينا الله من فضله ، إنا إلى الله راغبون)

BonBons

08-12-2011, 09:38 AM

اي اجتمع واي خرابيط
اخر اجتماع صار يتناقشون فيه اللسته اللي راحت كبند مركزي
وابشركم كل اللي باللسته اصلا كباريه وقاعدين بالبيت ويمشي لهم الراتب وفوقه بوسه
وغير اللي يشتغل بمكان ثاني وتتفاجأ بوجود اسمه ضمن اللسته

غير الناس اللي ماتداوم بالمواقع وحاطينهم مدراء على الفاضي وكله يقولون اجازة واجازة عنبو مايخلص الرصيد ؟؟
واذا موظف غاب يوم واحد وعنده عذر قوي وعنده رصيد طاحو فيه وصكوة بانذار بحجه ليش ماخبرتنا او قلت لنا قبل ؟؟
قلت لكم مصخرررررررررررره

Carbon911

08-12-2011, 09:47 AM

3 جهات في الدولة ماجاتهم الزيادة ( سباير / بروة / المؤسسات الثمان الشفلح و دريمة والاستشارات العائلية وغيرها ) الله كريم

الليل

09-12-2011, 10:50 PM

الله يكتب لكم الخير يا موظفي بروة , و على مجلس الإدارة و الرئيس التنفيذي التجاوب مع موجة الخير التي شملت الموظفين القطريين في كل الجهات الأخرى , و إذا كان الذي يؤخرهم هو نيتهم في تحويل بعض الموظفين القطريين الى البند المركزي , فهذا أعتبره التفاف على الواجب اللي يحتم عليهم توفير الرخاء للقطريين , بصرف النظر عن قيمة هذا الواجب , لأنه يمكنهم زيادة الرواتب و بعدها يتم تحويلهم للبند المركزي , ولا اعتقد أن الدولة ستمانع أن تدعم الشركة في مسألة الزيادة , و لا اعتقد المساهمين كذلك , فبعض الموظفين مساهمين في الشركة , كما أن عائلات قطريه كثيرة مساهمة في الشركة وهذه العائلات لها أبناء و بنات يعملون في الشركة ولا يمانعون من أن أبناءهم تزيد رواتبهم . في الأخير راح يبين اللي واقف ورا الموضوع و مانع الزيادة ولازم يفكر هذا الشخص في دعاوي الناس عليه .

FCRoma

16-01-2012, 11:51 PM

بروة «بدت تاكل عيالها»!!

http://www.alarab.qa/details.php?issueId=1362&artid=168207

طلعة الروح

17-01-2012, 09:27 AM