لو طلبوا منك تبلغ اهل المتوفي بوفاة ولدهم كيف تتصرف ..

[راية الفخر]

السلام عليكم ورحمة الله
يمكن موضوعي شوي غريب بس كلنا ممكن نحتاج لاجابته في يوم من الايام لاقدر الله ..

الله يبعد عنا وعنكم الشر لو طلبوا منكم تبلغون ابو ولد متوفي او امه خبر وفاة ابتهم شلون راح تبلغونهم ..كيف الطريقه .. شلون امهد لهم الخبر .. ياربت تفيدوني بهالشي لان احيانا ننحط في هالموقف ومانعرف شلون نبلغهم وبأي طريقه وشلون نتصرف ..لاني انا انحطيت في هالموقف بس ماعرفت شلون ابلغ ام المتوفي فما قدرت .. ماعرفت شلون فخليت غيري يقول لها ..اتمنى تشاركوني بارائكم مع الشكر

[Dawn]

الله لا يحطني في هالموقف ،، بس اتخيل اكيد بيكون تصرفي مثلج ... راح اكلف شخص قلبه قوي انه يقوم بهذي المهمة بدالي ..

[بـــــــنت النوخـّــــذه]

الله يبعد عنكم كل مكروه

التبلغ بالموقف المحزن يفضل ان يتم من رجل لرجل افضل وعلى الرجل تبليغ اهل بيته 00 لان النساء تغلب عليهم العاطفة 0واحيانا يخونهم الاسلوب 0

طبعا فيها مقدمات مهب يدخل عليهم يقول البقا براسكم يخليهم يلحقون الصبي الي توفى من الصدمه

ممكن تهدأة الوضع بان يقولون فلان ولدكم متعور مصاب اشوي وتذكيرهم ان مايبتلى إلا المؤمن وان الصدمة الاولى والصبر فيها الشخص يؤجر عليها 0000الخ

الله يخلي لكم عيالكم واهلكم

[pink pearl]

ما أحب أبلغ الأخبار الحزينة لأي حد
الله لايحط حد في هالموقف

الله المستعان

[qatara]

الله يبعد الشر عن الجميع

سوف اسئل اقرب شخص لديه

النفس امانه من رب العزه

وانتضر اجابته سيجيب طبعا

واقول له اذا اخذ صاحب الامانه امانته هل هذا يغضب طبعا سيجيب بلا

فساجيبه عظم الله اجرك في فلان لان الله قبض امانته

[أبورودي]

سأقول له
الله سبحانه وتعالى استرد اليوم منك وديعه كان استودعك اياها
فقل الحمد لله
واعلمه بالخبر

[المشتاقه الى الجنه]

موقف صعب جدا

[MAZEN37]

مر على الموقف
وتصرفي كان باني قلت حق رفيجي ان ابوك بالمستشفى
وحالته خطره وادعيله
وعقب فتره كان طبعا يفكر وحاط كل الاحتمالات قاله غيري الخبر
وكان اخف وقع عليه والله لا يصيب احد مكروه بس براي التدرج بالامر مطلوب

[شميرام]

الله لا يحطنا في ذي الموقف
بس مره قريت أن الشرق اوسطين(مدل استرن ) اللي كاتب كان عربي دائماً يدرجون الخبر يقلون مب صاحي. في المستشفى في الإنعاش ،،،،، مادري طريقه صح او خطاء ،،بس في سلبيه لانهم يعطي امل في شي ما في امل هو بالاحر تهرب من الجواب عشان دكتور يعطيهم الجواب عقب ،،،
بس صعب ان الخبر يجي الوحد برودكست او يشوفه في موقع وهو مغترب

[سهم مديون]

من الافضل ان تقول فلان ابنكم تعرض لحادث وحالته خطرة في المستشفى كي يتقبلون الخبر لان اخطر شي هو الصدمة الاولى في الحدث وعلى هذا يكون خبر الوفاة مهيأ لنفسية الانسان الله يبعد عنكم الاحزان

[الكبير الله]

هذا اللي يبي يكلفني هو اللي يروح انا ماني برايح !!!

واذا عزم بته باليمين صهاد الضالمين واخلص

[Best Man]

مر على الموقف
وتصرفي كان باني قلت حق رفيجي ان ابوك بالمستشفى
وحالته خطره وادعيله
وعقب فتره كان طبعا يفكر وحاط كل الاحتمالات قاله غيري الخبر
وكان اخف وقع عليه والله لا يصيب احد مكروه بس براي التدرج بالامر مطلوب


من الافضل ان تقول فلان ابنكم تعرض لحادث وحالته خطرة في المستشفى كي يتقبلون الخبر لان اخطر شي هو الصدمة الاولى في الحدث وعلى هذا يكون خبر الوفاة مهيأ لنفسية الانسان الله يبعد عنكم الاحزان


اتفق معاكم في كل شي قلتوه :nice:

[نورالهدى]

موقف فعلا عشته من سنين طويله
خبر وفاة أخوي الوحيد واللي خبرني
وحالتي أبغي أخبر أمي ومب عارفه اشلون
وكان أبوي يدري وما كان يبي يخبرني
وكل منا خايف يخبر الثاني
بس أمي الله يرحمها
لما شافت أخوي بالمشرحه ما صاحت بس حصلت دموعها نزلت بهدوء
وقالت الحمدلله ياولدي
الله أعطاني اياك والله خذك مني

هذه المواقف عشتها من 15 سنه وكأنها البارحه

التمهيد ضروري جدا في هذه الحالة

لأنها لم ولن تنسى

أسأل الله أن لا يريكم مكروه في عزيز لديكم

[الخزرجي قطر]

في مثل هذه الحاله من رجل الى رجل
ويكون بالتدريج مثلا في المستشفى
حالته صعبه وهكذا الله يبعد عنا وعنكم كل مكروه وشر

[الحياة الخالدة]

موضوع يفطر القلــــــب :(

الله لا يراويكم مكروه في غالي عليكم :(

[مشتاقة لقطر]

لاحول ولا قوة الا بالله

احنا بالغالب يكون انهم يخبرون انه فلان سوى حادث وشوي تعبان

والله يساعده وبعدين يقول سلم الروح

[امـ حمد]

الله يبعد عنا وعنكم الشر

[العنيده]

صعب الموضوع واجد أنا جدتي لما توفت الله يرحمها ماعرفت شلون ابلغ هلي
يبغي له قوة وسيطره على الأعصاب والمهم التدريج لان هالاخبار صدمتها مميته

الله يبعدنا يارب عن هالمواقف ان شاء الله ويحفظ الجميع يارب

[ziad1971]

الله يرحمنا ويرحم موتانا وموتى المسلمين جميعا

صارت معي
رحت ابلغ خالتي انو اخوها توفي واجانا البلاغ الساعة 2 بالليل خبر الوفاة
شلون راح ابلغ والساعة متأخرة؟؟؟؟؟

دقيت الباب والابتسامة لا تفارق وجهي عشان ما تقلق ليش جاي في هذا الوقت
فاصابها الخوف وقلتها لا تخافي خالي يبينا جميعا لانه تعبان ويبي يشوفنا

ولما وصلنا عند خالي الله يرحمه تركتها وهربت، خليت النساء تستقبلها وتخبرها

والسلام عليكم

بصراحة موقف كان صعب.

اللهم لا اسألك رد القضاء ولكن اسألك اللطف فيه

[رمادي]

اصوره صورة فوتو او فديو .. واذهب لاهله واقول لهم لو مو مصدقيني شوفوا بعينكم :secret:

امزح فقط بس خلصت المواضيع :omg:

[الحياة الخالدة]

اصوره صورة فوتو او فديو .. واذهب لاهله واقول لهم لو مو مصدقيني شوفوا بعينكم :secret:

امزح فقط بس خلصت المواضيع :omg:


ما هقيتها منك ياخوي رمادي .. و أنت من أنت .. مرهف الحس و الشعور

مو هاذي المواضيع اللي ينمزح فيها

و مو سالفة ان المواضيع خلصت .. بقدر ما هي مواقف ينحـــــط فيها الإنســـــان .. و ينجبر إنه يتصرف .. و مو الكل عنده القدرة و التلقائية في التصرف بحكمــــــة ..

و مثل ما قال البعض أن طريقة تبليغ الخبر المحـــــزن ممكن تكون لها عواقب أشد من الخبر نفســـــــه

خل الناس تتعلم يا رمادي

[ضوى]

الله لا يحط احد بهالموقف صج صعب

[قلب قطر..!]

لاحول ولا قوه الا بالله

الجووو براا حلوووو والموضوع ضيق علي

يارب لاتحطني ولاتحط عزيز في هذا الموقف بقدرتك :(

[للصبر اخر]

مثل ماقالو الاخوان نمهد الموضوع
والله لا يحطنا بالهمواقف

[R 7 A L]

الله لا يحطنا في ذي الموقف
بس مره قريت أن الشرق اوسطين(مدل استرن ) اللي كاتب كان عربي دائماً يدرجون الخبر يقلون مب صاحي. في المستشفى في الإنعاش ،،،،، مادري طريقه صح او خطاء ،،بس في سلبيه لانهم يعطي امل في شي ما في امل هو بالاحر تهرب من الجواب عشان دكتور يعطيهم الجواب عقب ،،،
بس صعب ان الخبر يجي الوحد برودكست او يشوفه في موقع وهو مغترب



:weeping:
صحيت قبل مدة وانا هني في امريكا
وقعدت اشيك على البرودكاستات الى عندي ولا اكثريتها خبر وفاة ولما شفت الاسم انصدمت ماقدرت اتصرف من الصدمة تخيل توك قايم وللحين في الفراش وتقراء خبر وفاة شخص تعرفه ويعز عليك
موقف الله لايعيده لا على صديق او حبيب والله يرحم من توفى ويغفر له

[تحداني]

صعبه وايد .. ممكن تقدر تبلغ اي شخص .. بس الوالد والوالده واخوانه قمه الصعوبه
الله يرحمه اخوي " عبدالله " خبر وفاته نقله الوالد للوالده
بدموع لايمكن وصفها ما قدر ابد يمهد



انا ما راح اعرف اتصرف ابهالمواقف ابدا
والله لا يحطني فيها


جملكم الله برضاه

[مخطط قطري]

الامر بسيط جدا تذهب لاخ اولا الاب بنقسك وتجلس تسامر عنه الشخص لي حاب تقوله عنه وفي لحضه الاندماج تقول له اممم بسالك سؤال الله سبحانة وتعالى اختار احد ابناك وجاتة المنيه ايش رايح يكون موقفك
طبعا راح يتكلم انه قضاء الله وقددره وان لله وان ليه راجعون مع الكلام تقول الخبر رايح يرضى بقضاء الله يعني انك تخلي الاب يتكلم عن ابنه بدون لايدري انه مات وفي وسط الموضوع مجرد سؤال عابر
وعقب خله يمكل ومداخله اخرى قوله ان الله سبحانه وتعالى اختاره

[الدرررة]

انا انحطيت في هذا الموقف ومثل ماقالو الاخوة والاخوات مهدت لهم بانة تعب وانقلوة المستشفى وبعدين ان حالتة تدهورت ودخل العناية لما حسيت انها في حالة استوعبت الخبر قلت لها انة توفى
مب مثلي يوم توفى ابوي قالوا لي خبط لزق وقعدت كذا يوم مش مستوعبة

[رمادي]

ما هقيتها منك ياخوي رمادي .. و أنت من أنت .. مرهف الحس و الشعور

مو هاذي المواضيع اللي ينمزح فيها

و مو سالفة ان المواضيع خلصت .. بقدر ما هي مواقف ينحـــــط فيها الإنســـــان .. و ينجبر إنه يتصرف .. و مو الكل عنده القدرة و التلقائية في التصرف بحكمــــــة ..

و مثل ما قال البعض أن طريقة تبليغ الخبر المحـــــزن ممكن تكون لها عواقب أشد من الخبر نفســـــــه

خل الناس تتعلم يا رمادي



آآخر مرة :shy::shy:

[نورالهدى]

صعبه وايد .. ممكن تقدر تبلغ اي شخص .. بس الوالد والوالده واخوانه قمه الصعوبه
الله يرحمه اخوي " عبدالله " خبر وفاته نقله الوالد للوالده
بدموع لايمكن وصفها ما قدر ابد يمهد



انا ما راح اعرف اتصرف ابهالمواقف ابدا
والله لا يحطني فيها


جملكم الله برضاه

:weeping:

الله يرحم أخوتش عبدالله ويرحم أخوي خليفه

[تحداني]

:weeping:

الله يرحم أخوتش عبدالله ويرحم أخوي خليفه



آآمين يارب .. ويجعل قبورهم روضه من رياض الجنه
ويسكنهم فسيح جناته .. ويعوضهم رب العالمين بدارا خيرا من الدنيا وما فيها


جملك الله برضاه

[بوحارب]

الله المستعان

[القحطاني505]

لا أفضل بأن أقوم بهذا الموقف نهائيًا

[أنثى]

للاسف في ناس فعلا ما تعرف تتصرف في هالمواقف والمشكلة تتدخل بنفسها بدون محد يطلب منها
أذكر لما توفى أبوي الله يرحمه ويدخله الجنة كنت نايمة وصحيت فجأه من النوم على صوت الجوال يرن واللي اتصلت الله يهديها ما عطتني فرصة استوعب على طول تعالي بسرعه بيت أهلج ترى أبوج (مات) والله يرحمه كان وايد تعبان وكنا متوقعين هالشي بس بهالطريقة يمكن لليوم الثاني قدرت اتكلم واستوعب اللي قاعد يصير
ومرة سمعت عن وفاة شخص فجأة في التلفزيون كان استاذنا في الجامعة(الله يرحمه ويدخله الجنة)ماقدرت أصيح الا بعد كم ساعة من الصدمة

[بـــاروود]

الله يرحم جميع موتى المسلمين

هذا حال دنيا تاخذ ماتعطي