:: اقتراح يحل مشكلة العماله الهاربه ::

[قطر دزاين]

السلام عليكم

الكل يعرف ان اي عماله لديها بطاقه شخصية
لماذا لا يكون فيه بطاقه تسمى بطاقه الكفيل فيها بينات الكفيل والاتصال به
في حاله ان العامل قبض عليه في حاله مخالفه او تفتيش مفاجئ يبرز معا بطاقه الشخصيه بطاقه الكفيل ويتم الاتصال بالكفيل والاستفسار عن العامل هل يعمل لديه او هارب
وفي حاله عدم ابراز بطاقه الكفيل يتام اتخاذ الاجرائت الازمه ويشيكون في البحث والمتابعه


انتوا ايش رايكم

[ام فراس]

لو يغرمون العماله الهاربه
ويدفعونهم سعر التذكره وغرامه ماليه
كان محد منهم فكر في الهرب.
مشكلتنا ندفع لهم التذكره ونسفرهم
معززين مكرمين.. واذا ما بلغت عنهم
عليك غرامه . واذا بلغت عليك تدفه التذكره
فــ الحالتين لازم ندفع.:(

[الحاقول]

يشرد عنك كم سنه وفي الاخير تعال ادفع عنه التذكر

اشلون مادري

[qatara]

كل سفارات دول العالم مسئوله عن رعايها في حال انه قام باي شي في بلد ليست ببلاده

فسفارتهم تدافع عن حقوقهم عند تقصير الكفيل

لماذا لا تكون مسئوله عن ما يسببونه من ضرر وخسائر للكفيل

[فواز1976]

المفروض العامل الهارب يسجن حتى يدبر تذكرة سفره لبلده سواء من جيبه ولا من ربعه ولا من سفارته

[بـومحمد]

مشكلة دفع التذكره مشكلة كبيره ومادري متى المسؤلين بينضرون فيه لانه ظلم على الاقل الشخص الي اشتغل عنده يتحمل مسولية التذكر ومايكتفون بالغرامه

[خزامئ]

لو كانت على التذكره مهوب مشكله اغلا تذكره مارح تتعدا 2000
بس المشكله لو الشخص توه جايبها 9000
من غير المصاريف الاخره وماكملت كم شهر الا وهي شارده
هنا القهر المفروض السفاره تدفع للكفيل جزاء من المبلغ كله او بعضه
يحسبون كم سار لها عند كفيلها ويقسمون المبلغ بشكل مايضلم حد سواء السفار او الكفيل
كذا السفاره بتسوي قوانين في بلادها ويتدب الكل
خدامي من اريتيريا تقول يوم جات بتطلع لشغل من بلادها يوقعوها علي عقد انها لو شردت او سرقت او سوت شي وهي هنا يسجنونها اذا رجعت لبلادها
ياليت كل السفارات كذا

[فتى الجود]

السلام عليكم

انا احس ان الداخلية منطنشة لموضوع الكفيل ومضوع هروب الخدم

ولا لو يبون كانوا حطوا حلول

شوف يوم يبون يوقفون البالون عن الدولة

اعرفوا وحطوا حلول

[قطر 2012]

السلام عليكم

الكل يعرف ان اي عماله لديها بطاقه شخصية
لماذا لا يكون فيه بطاقه تسمى بطاقه الكفيل فيها بينات الكفيل والاتصال به
في حاله ان العامل قبض عليه في حاله مخالفه او تفتيش مفاجئ يبرز معا بطاقه الشخصيه بطاقه الكفيل ويتم الاتصال بالكفيل والاستفسار عن العامل هل يعمل لديه او هارب
وفي حاله عدم ابراز بطاقه الكفيل يتام اتخاذ الاجرائت الازمه ويشيكون في البحث والمتابعه

انتوا ايش رايكم


اقتراح جيد ، لكن ليش بطاقتين الأفضل تنحط بيانات الكفيل في البطاقة الشخصية للعامل.

[الصغيره]

احنا الدوله الوحيده اللي لين هالساعه ماقدرت تحل مشاكل هروب العمال

والصاعقه الكبيره ان به عماله وموظفين بالقطاعات العامه والخاصه تسافر وترد وتنقل كفالتها وتهاجر وترد وتسرح وتممرح وهي على كشف القمسون الطبي الاول وهي بها امراض الدنيا

نتممنا ان اي مسافر مقيييم يسوى له فحص طبي مع كل تجديد الاقامه او دخول البلاد في حالات سفره
الافات كثرت والبلاوي والهروب وحنا ناجل الى الامد البعيد

[حليتان*]

اعتقد يكتبون فالبطاقه الشخصيه اسم الكفيل !!

[kuwari]

في اقتراح جيد انهم يركبون جهاز في وجلهم مثل مساجين امريكا ولا شريحة مالت الطيور