قصة و سؤال: ما هو اسلوب الردع للابناء الذي تستخدمه؟

[واقعية]

السلام عليكم و رحمة الله

اولا: قصة :

حاول اب في فرنسا ان يؤدب ابنه البالغ من العمر الثالثة بسبب مشاكله السلوكية في الروضة. فكان العقاب الذي حصل عليه الطفل هو :... ان تم وضعه في غسالة الملابس و هو عار و قام الاب المربي بتشغيل الغسالة الكهربائية
و النتيجة وفاة الابن بسبب ضربة ف الرأس.

ثانيا: سؤال :

ما هو اسلوب الردع الذي تستخدمه عندما يسئ الابن السلوك؟

بالنسبة لي: كنت استخدم الضرب معهم و لكن من سنتين تقريبا خلاص صرت استخدم التفاهم معهم ... بس هو مش دايما ينفع

تحياتي للجميع

[.Q a T a R.]

المثل يقول

حمر عينك وفتر زندك

وهذا اسلوبي معاهم وماشي 100%

عيني تكفيهم ( يعني تفتن عليه بس ) بس الضرب لا ولا عمري مديت يدي على واحد منهم

لانهم ماعمرهم سوى شي يستحق الضرب

وسلامتكم

[ابن البيطار]

الحرمان من الشي الي يحبه الابن افضل طريقه للتربيه

[intesar]

بنتي البكرية استخدمت معاها كل الأساليب الصح والغلط.. كانت التجربة خذت حيلي.. لكن العفاريت اللي بعدها.. غير .. أعتقد الضرب الغير مبرح أحيانا مفيد.. الزعل وما أكلمهم هذي أكثر شي يذبحهم من كبيرهم لصغيرهم.. يعني استخدم العقاب والثواب.. بالأخص أن عيال هالزمن ما تقدر عليهم.. وفاهمين أكثر منك ومني..

دمتم بود..

[واقعية]

المثل يقول

حمر عينك وفتر زندك

وهذا اسلوبي معاهم وماشي 100%

عيني تكفيهم ( يعني تفتن عليه بس ) بس الضرب لا ولا عمري مديت يدي على واحد منهم

لانهم ماعمرهم سوى شي يستحق الضرب

وسلامتكم

تحياتي ع المشاركة

يعني هم ما يسون شي يستحق الضرب فعلا ... و لكن المشكلة بالنسبة لي كانت التحكم في اعصابي

بالنسبة للعين الحمرا فاعتقد ان الام ما تخوف عينها الحمرا

[واقعية]

الحرمان من الشي الي يحبه الابن افضل طريقه للتربيه

فعلا صرت استخدم هالطريقة معاهم و الحمدلله احس نتيجتها افضل من الضرب

تحياتي لمروركم

[واقعية]

بنتي البكرية استخدمت معاها كل الأساليب الصح والغلط.. كانت التجربة خذت حيلي.. لكن العفاريت اللي بعدها.. غير .. أعتقد الضرب الغير مبرح أحيانا مفيد.. الزعل وما أكلمهم هذي أكثر شي يذبحهم من كبيرهم لصغيرهم.. يعني استخدم العقاب والثواب.. بالأخص أن عيال هالزمن ما تقدر عليهم.. وفاهمين أكثر منك ومني..

دمتم بود..


اي والله احس انهم فاهمينا عدل

ما جربت الزعل ... مخليته اخر الحلول

تحياتي ع المرور

[تغلبية]

Time out

تأثيره عجييييييب على الاطفال من 3-5 سنوات

والتوجيه بالهمس وبنبرة صوت منخفضة .. تجذب سمعهم وتركيزهم أكثر من التون العالي ..

الثواب والعقاب .. وربط المكافآت والالعاب والهدايا بالانجازات ..

[romoz]

ما هي الطريقة الفضلى لمن يعانون من قلة التركيز و تشتت الانتباه و فرط الحركة ؟

[واقعية]

time out

تأثيره عجييييييب على الاطفال من 3-5 سنوات

والتوجيه بالهمس وبنبرة صوت منخفضة .. تجذب سمعهم وتركيزهم أكثر من التون العالي ..

الثواب والعقاب .. وربط المكافآت والالعاب والهدايا بالانجازات ..




ما جربت التايم اوت - خاصة ان ولدي 4 سنوات مجنني و يتعمد يجنني

خالص الشكر للمشاركة

[واقعية]

ما هي الطريقة الفضلى لمن يعانون من قلة التركيز و تشتت الانتباه و فرط الحركة ؟

نفس السؤال ؟؟؟

[ضوى]

الضرب وازعل عليهم وماكلمهم بالساعات يذبحهم هالشي

بس اكثر وسيلة استخدمها الضرب بس هذاك زمان الحين تفاهم وكلام

الله يعيني على تربية العليا شكلها بتطلع الاولي والتالي من عيني

[الزعفراني]

بجانب التنبيه عليهم بالصوت وتعابير الوجه والتطنيش ، أستخدم معاهم أسلوب " التلويح بالضرب " عندي خيزران معلقها في الصالة ولحد الآن الأمور ماشية تمام .

[الـخـالـدي]

ما جربت التايم اوت - خاصة ان ولدي 4 سنوات مجنني و يتعمد يجنني

خالص الشكر للمشاركة

نصيحه سفهيه .. صدقيني بيحس على دمه واذا سوى شي غلط صرخيه عليه عشان يعرف انج اقوى منه .. وقتها بيخاف منج

وان مافاد السوق العماني و الله الله بالخيزران صدقيني بينصلب

[ثابت]

انا افضل اني ما اكلمهم ازعل عليهم ولا اكلمهم يومين و احرمهم من كل الاشياء الي يحبونها يجون يحبون راسي ويعتذرون بعدين اخليهم يعطوني وعد انة ما يتكرر لنة لو تكرر ماراح اكلمهم يوعدوني بس للاسف بعض الاحيان يخلفون الوعد فا استخدم الضرب بالخيزران لنة اخلف بوعدة لي

[بـــــــنت النوخـّــــذه]

انا لاحظت شئ

الاب والام اذا كانوا شخصيتهم قويه اليهال بينضبطون وبيحسبون الف حساب لتصرفاتهم

اذا شخصيتهم قويه ماراح يتعبون مع عيالهم ولا راح يستخدمون الضرب او الصراخ او اي نوع من العقاب 00 (إلا نادرا" )




وشكرا"

[دااانة قطر]

قبل كنت استخدم اسلوب الضرب وجر الأذن
لين بنتي مره قاالت لي ماما تكفين اذني لاتجرينها بصرااحه حزت في خااطري لأن نبرة الصوت ذبحتني

المهم من بديت اتاابع برناامج كيف أصبحت والبراامج التربويه حق الحرمي صرت اتبع اسلوب الحرمااان واشوفه احسن اسلوب
ومره احتريت من شغله وقلت لهم مابيكم روحوا عند ( جدكم ) ويومها جااني هبوط وتعبت فخاافوا علي وقاالوا توبه مابنعااند وبنسمع الكلااام
اشوفهم ركدوا

[كازانوفا]

استخدم معهم اسلوب التهديد الحلو اللى راح احرمهم فيه من الطلوع ومشاهدة التلفزيون او اللعب
سبحان الله يجيب نتيجه بس اوقات اتعمد اني اضرب ضربه تكون مؤلمه لانه بالفعل يجيب نتيجه وما يعيدها بس اوقات يعيد على زياده شويه بس احس نفسي خلااااااص طلعت من طوري فياخد ضربه اقوى من اللى راحت وهلم جره
متعبين لحد كبيررررر:anger2:

[بـومحمد]

العلم في الصغر كالنقش في الحجر
ممكن نطبقه حتى في التربيه عشان ترتاحون اذا كبروا العيال يكون الولد اوالبنت عارف شنو الي له وشنو الي عليه اما اذا كل شغله تقولون ياهل وبكره يكبر ويعقل لالالالالالا
((( من شب على شي شاب عليه)))
الغلط يتعاقب عليه ولازم يفهم ويقتنع انه غلطان مب انت غلطان وتعاقب وبس لازم يفهم شنو التصرف الصحيح ولا نبالغ في العقاب
و النجاح والعمل او التصرف الصحيح لازم يستحق عليه المكافاء ولو بكلمه شكر وثناء وابداء الاعجاب

[intesar]

ما هي الطريقة الفضلى لمن يعانون من قلة التركيز و تشتت الانتباه و فرط الحركة ؟

اذا كانت الحالة مرضية لازم استشارة أهل الاختصاص.. لأن لفرط الحركة دواء.. لكن اذا كانت الحالة أن الطفل حيوي وبالعادة الأذكياء من الأطفال يكونون عندهم هالحالة.. لازم توكل له مهام وتنمي له مواهبه.. بالنسبة قلة التركيز لان بنتي تعاني منه.. يبيله تمارين مثل طابور الصباح وأشياْ تساعد على التركيز.. مثلا التركيب أو توكل له مهام يسويه بالترتيب..

دمتم بود..

[intesar]

الغريبة أن فيه ناس لما عيالهم يغلطون يحولون الغلط لنكتة ويقعدون يسولفون ويضحكون جنه حادثة مرت والسلام..

كن صديقا لأولادك.. مع وجود خطوط حمراء ألا وهي الاحترام وطاعة الوالدين..
أهلي دوم يتهموني أن عيالي مالهم شخصية لأنهم يتكلمون بأفكاري وقناعاتي..
اللي مو فاهمينه.. اني دووم أحاورهم وأناقشهم وأعطيهم رأيي في شتى المواضيع.. هم الحين صغار لذا من الطبيعي انهم يتمسكون برأيي.. بس لما ينفصلون ويكبرون راح تكون لهم شخصيتهم المنفصلة مع القناعات اللي زرعته فيهم..
حتآ أبوهم صديق لهم ويلعب معاهم ويتغشمر وياهم.. لكنهم يخافون منه ويعملون له ألف حساب.. هذي هي الخطوط اللي أتكلم عنه..

[واقعية]

الضرب وازعل عليهم وماكلمهم بالساعات يذبحهم هالشي

بس اكثر وسيلة استخدمها الضرب بس هذاك زمان الحين تفاهم وكلام

الله يعيني على تربية العليا شكلها بتطلع الاولي والتالي من عيني

الضرب جربته بس هو يؤثر ع علاقتي بهم ... بعدين بيصير ما في شي يخافون منه ... لان المفروض اقصى شي الضرب

شاكرة مرورج



بجانب التنبيه عليهم بالصوت وتعابير الوجه والتطنيش ، أستخدم معاهم أسلوب " التلويح بالضرب " عندي خيزران معلقها في الصالة ولحد الآن الأمور ماشية تمام .

انا بعد شريت خيزران للتخويف
شاكرة مرورك


نصيحه سفهيه .. صدقيني بيحس على دمه واذا سوى شي غلط صرخيه عليه عشان يعرف انج اقوى منه .. وقتها بيخاف منج

وان مافاد السوق العماني و الله الله بالخيزران صدقيني بينصلب

انا بعد استخدم التجاهل احيانا و الصراخ دايما

شاكرة مرورك



انا افضل اني ما اكلمهم ازعل عليهم ولا اكلمهم يومين و احرمهم من كل الاشياء الي يحبونها يجون يحبون راسي ويعتذرون بعدين اخليهم يعطوني وعد انة ما يتكرر لنة لو تكرر ماراح اكلمهم يوعدوني بس للاسف بعض الاحيان يخلفون الوعد فا استخدم الضرب بالخيزران لنة اخلف بوعدة لي

انا معاهم جذي بس المشكلة المشاكل الصغيرة اللي تجنن الواحد يعني هذي ضرب ذي و ما ادري من ما يبي ينام و من هالكلام
شاكرة مرورك

[واقعية]

انا لاحظت شئ

الاب والام اذا كانوا شخصيتهم قويه اليهال بينضبطون وبيحسبون الف حساب لتصرفاتهم

اذا شخصيتهم قويه ماراح يتعبون مع عيالهم ولا راح يستخدمون الضرب او الصراخ او اي نوع من العقاب 00 (إلا نادرا" )


وشكرا"

ماهو تعريف الشخصية القوية؟ يعني جديين مع عيالهم اغلب الوقت

شاكرة مرورج الكريم



قبل كنت استخدم اسلوب الضرب وجر الأذن
لين بنتي مره قاالت لي ماما تكفين اذني لاتجرينها بصرااحه حزت في خااطري لأن نبرة الصوت ذبحتني

المهم من بديت اتاابع برناامج كيف أصبحت والبراامج التربويه حق الحرمي صرت اتبع اسلوب الحرمااان واشوفه احسن اسلوب
ومره احتريت من شغله وقلت لهم مابيكم روحوا عند ( جدكم ) ويومها جااني هبوط وتعبت فخاافوا علي وقاالوا توبه مابنعااند وبنسمع الكلااام
اشوفهم ركدوا


انا بعد كنت اضربهم بس احس ان هالشي افقدهم ثقتهم و تقديرهم لنفسهم
شاكرة مرورج الكريم


استخدم معهم اسلوب التهديد الحلو اللى راح احرمهم فيه من الطلوع ومشاهدة التلفزيون او اللعب
سبحان الله يجيب نتيجه بس اوقات اتعمد اني اضرب ضربه تكون مؤلمه لانه بالفعل يجيب نتيجه وما يعيدها بس اوقات يعيد على زياده شويه بس احس نفسي خلااااااص طلعت من طوري فياخد ضربه اقوى من اللى راحت وهلم جره
متعبين لحد كبيررررر:anger2:

المشكلة اني لما اجرب معاهم الحرمان يكسرون خاطري
شاكرة مرورك الكريم



العلم في الصغر كالنقش في الحجر
ممكن نطبقه حتى في التربيه عشان ترتاحون اذا كبروا العيال يكون الولد اوالبنت عارف شنو الي له وشنو الي عليه اما اذا كل شغله تقولون ياهل وبكره يكبر ويعقل لالالالالالا
((( من شب على شي شاب عليه)))
الغلط يتعاقب عليه ولازم يفهم ويقتنع انه غلطان مب انت غلطان وتعاقب وبس لازم يفهم شنو التصرف الصحيح ولا نبالغ في العقاب
و النجاح والعمل او التصرف الصحيح لازم يستحق عليه المكافاء ولو بكلمه شكر وثناء وابداء الاعجاب

عين الصح
شاكرة مرورك الكريم


اذا كانت الحالة مرضية لازم استشارة أهل الاختصاص.. لأن لفرط الحركة دواء.. لكن اذا كانت الحالة أن الطفل حيوي وبالعادة الأذكياء من الأطفال يكونون عندهم هالحالة.. لازم توكل له مهام وتنمي له مواهبه.. بالنسبة قلة التركيز لان بنتي تعاني منه.. يبيله تمارين مثل طابور الصباح وأشياْ تساعد على التركيز.. مثلا التركيب أو توكل له مهام يسويه بالترتيب..

دمتم بود..

شاكرة اضافتج

[بوحارب]

الولاعه :sneaky:

[واقعية]

الغريبة أن فيه ناس لما عيالهم يغلطون يحولون الغلط لنكتة ويقعدون يسولفون ويضحكون جنه حادثة مرت والسلام..

كن صديقا لأولادك.. مع وجود خطوط حمراء ألا وهي الاحترام وطاعة الوالدين..
أهلي دوم يتهموني أن عيالي مالهم شخصية لأنهم يتكلمون بأفكاري وقناعاتي..
اللي مو فاهمينه.. اني دووم أحاورهم وأناقشهم وأعطيهم رأيي في شتى المواضيع.. هم الحين صغار لذا من الطبيعي انهم يتمسكون برأيي.. بس لما ينفصلون ويكبرون راح تكون لهم شخصيتهم المنفصلة مع القناعات اللي زرعته فيهم..
حتآ أبوهم صديق لهم ويلعب معاهم ويتغشمر وياهم.. لكنهم يخافون منه ويعملون له ألف حساب.. هذي هي الخطوط اللي أتكلم عنه..

و الله احاول اني افهمهم ليش هذا غلط و ليش هذا صح بس بصراحة هذا شي متعب و يبي له هدوء اعصاب

[بوجبر]

الردع والعقاب من سن10سنوات وطالع...اقل من هذا العمر تنبية وتعليم....

[البربهاري]

اولا : الضرب ماراح يجيب نتيجة خصوصا مع الاطفال دون السابعة من عمرهم لانهم لايميزون بين الصح والغلط .
ثانيا : الرسول عليه الصلاة والسلام ما امرنا بضرب الاولاد الا لموضوع مهم كالصلاة وتاديبهم عليها لما فوق العاشرة من العمر اما من هم دونها امرنا بحثهم وترغيبهم فيها فقط .
ثالثا : لمن لديه اطفال بسن المدارس من السادسة فما فوق ارى ان افضل عقاب لهم ((ولا بد ان العقاب والجزاء يجيب نتيجة وفائدة للولد لا ان يسبب له ضرر بدني ))
انك تشوف اخس مادة ما يدانيها الولد وتقوله
قوم انسخ الدرس 10 ولا 20 مرة ولا تراني بوريك شغلك (( طبعا تقولها وانت موريه العين الحمراء )) صدقوني تلاقي عقبها الولد هاجد 0(( مجربة ))

[البربهاري]

الولاعه :sneaky:

لا وانت الصادق الكرسي الكهربائي !!
:anger2:

[ام السعف]

التهديد والوعيد والضرب والعقاب بالحرمان
والتعزيز عند سمع الكلام

[ام السعف]

الغريبة أن فيه ناس لما عيالهم يغلطون يحولون الغلط لنكتة ويقعدون يسولفون ويضحكون جنه حادثة مرت والسلام..

كن صديقا لأولادك.. مع وجود خطوط حمراء ألا وهي الاحترام وطاعة الوالدين..
أهلي دوم يتهموني أن عيالي مالهم شخصية لأنهم يتكلمون بأفكاري وقناعاتي..
اللي مو فاهمينه.. اني دووم أحاورهم وأناقشهم وأعطيهم رأيي في شتى المواضيع.. هم الحين صغار لذا من الطبيعي انهم يتمسكون برأيي.. بس لما ينفصلون ويكبرون راح تكون لهم شخصيتهم المنفصلة مع القناعات اللي زرعته فيهم..
حتآ أبوهم صديق لهم ويلعب معاهم ويتغشمر وياهم.. لكنهم يخافون منه ويعملون له ألف حساب.. هذي هي الخطوط اللي أتكلم عنه..

اتفق معاج،، ولو الولد غلط يعصبون على اللي تسبب في ان الولد
هذا غلط ،، وكل اللي ينقال للولد عيب ماما
واذا عاد الغلط يقولون مب منه من اللي علمه :(

[وطن]

صج اني للحين ما تزوجت

بس الحمدلله مريت بتجربة التربية

الضرب ما اضرب

بس هي فتنه بالعين
وان ما اصطلبوا
أزمجر هاهاهاهاهاهاها

وفي تهديد بالضرب
بس ما ينضربون لانهم يسوون اللي ابي الحمدلله

وعندي بعد طريقة اني ازعل وما اكلمهم
مساكين ما يطولون يجون يعتذرون

يكسرون خاطري :(
بس ما ابين لهم

[الوان]

السلام عليكم

هذا الموضوع يحتاج تفصيل .. كما يقول العلماء الافاضل

و هو من احب المواضيع الى نفسي

لأن عانيت مع بناتي كل وحده لها شخصية مختلفة

و مشاكلهم كل وحده غير و جربت معهم اساليب كثيره

و ما نفع بعد تجارب و خبره و قراءة كثير من الكتب و الاستماع الى محاضرات

الا التالي

*

المهم

اولا التحقير و الضرب و السب و الشتم و التهديد و الصراخ كل هذه الاساليب تجعل الطفل

ذو شخصية مهزوزة

ثانيا

كن صادقا و واقعيا في تنفيذ وعودك سواء كان مكافأة او كان عقاب

مثلا .. وعدت الطفل بأن تعطيه قطعة حلوى فأعطه اياها اذا انجز ما طلبته منه

اما اذا كان مخطئا .. و هددته بدون تنفيذ العقاب و تكرر ذلك .. فإن ذلك لن يجدي أبدا

مثلا اخبرت الطفل بأنه اذا لم يكتب الواجب لن يلعب خارجا

عليك فعلا ان تفي بوعدك ان لم يكتب الواجب

و إلا لن تكون هنالك مصداقية في كلامك في نظر الطفل

و ملاحظة للاباء و الامهات الذين تعودوا على الحلف

والله كذا و كذا

والله لاضربك

والله ...

و معظم الاباء و الامهات لا يوفون بالحلفة!

عشان تتخلص من اسلوب التحلف .. و ي نفس الوقت تكسب طفلك

اذا عصبت عليه

قول له

والله اني احبك

بس ما ارضى تفعل كذا و كذا

*

انواع العقاب اللي ممكن تطبيقها للطفل بدون ايذاءه و تكون ذات فاعليه

احرمه من شي يحبه لمده معينه

اعزله و قول له هذا وقت الراحه و التفكير

علمه الاعتذار

يعني اذا سب حد او اعتدى على حد لازم يعتذر

حاوره و حاول تفهم ليش قعل هذا الشي

خل الواجبات و المهام اليوميه وناسه

بنتي الصغيره ما ترضى تلبس

صار الحين وقت اللبس سباق بيني و بينها

انا اعد لين 10 او 20

ولازم هي تلبس قبل ما اخلص العد

و اللي يفوز له جائزه

و طبعا اخليها تفوز !

و طبعا دوم ادعي لهم بهالدعاء:

(( اللهم كما حسنت خُلُقهم فحسن اخلاقهم و سلوكهم و اجعل افئدة من الناس تهوي اليهم و ارزقهم العلم النافع و الصحبة الصالحة ))

هذا الدعاء ادعيه كل يوم الصبح لهم

والله المستعان

[الوان]

العلم في الصغر كالنقش في الحجر
ممكن نطبقه حتى في التربيه عشان ترتاحون اذا كبروا العيال يكون الولد اوالبنت عارف شنو الي له وشنو الي عليه اما اذا كل شغله تقولون ياهل وبكره يكبر ويعقل لالالالالالا
((( من شب على شي شاب عليه)))
الغلط يتعاقب عليه ولازم يفهم ويقتنع انه غلطان مب انت غلطان وتعاقب وبس لازم يفهم شنو التصرف الصحيح ولا نبالغ في العقاب
و النجاح والعمل او التصرف الصحيح لازم يستحق عليه المكافاء ولو بكلمه شكر وثناء وابداء الاعجاب

عجبني هالرد

فعلا العقاب بروحه ما ينفع

الحوار مهم لازم الطفل يفهم ليش و وين الغلط

و يفهم انك تعاقبه على السلوك و انك تحبه

و يفهم ايش هو السلوك الصحيح

هذا يكون نوع من الانضباط الداخلي اللي يستمر مع الطفل الى الابد

الحوار مهم جدا في كل الاوقات

خاصة قبل النوم اترس مخه بالافكار الايجابية اللي تبي تحطها في عقله

[الوان]

بالنسبة لفرط الحركة

اقطع عن الطفل الاكل اللي يحتوي على كل من

السكريات

الالوان الصناعية

المواد الحافظة

الطعام المقلي مثل الشبس و النجتس

لأنها اسباب رئيسية للمشاكل لدى الاطفال

[الوان]

الغريبة أن فيه ناس لما عيالهم يغلطون يحولون الغلط لنكتة ويقعدون يسولفون ويضحكون جنه حادثة مرت والسلام..

كن صديقا لأولادك.. مع وجود خطوط حمراء ألا وهي الاحترام وطاعة الوالدين..
أهلي دوم يتهموني أن عيالي مالهم شخصية لأنهم يتكلمون بأفكاري وقناعاتي..
اللي مو فاهمينه.. اني دووم أحاورهم وأناقشهم وأعطيهم رأيي في شتى المواضيع.. هم الحين صغار لذا من الطبيعي انهم يتمسكون برأيي.. بس لما ينفصلون ويكبرون راح تكون لهم شخصيتهم المنفصلة مع القناعات اللي زرعته فيهم..
حتآ أبوهم صديق لهم ويلعب معاهم ويتغشمر وياهم.. لكنهم يخافون منه ويعملون له ألف حساب.. هذي هي الخطوط اللي أتكلم عنه..

الله يبارك في لج فيهم عجبتيني

[مشاكل]

لاتنسون الدعاء لهم بالهداية في كل وقت وفي كل حين

[الوان]

الردع والعقاب من سن10سنوات وطالع...اقل من هذا العمر تنبية وتعليم....

عجبني هالرد

[الوان]

اولا : الضرب ماراح يجيب نتيجة خصوصا مع الاطفال دون السابعة من عمرهم لانهم لايميزون بين الصح والغلط .
ثانيا : الرسول عليه الصلاة والسلام ما امرنا بضرب الاولاد الا لموضوع مهم كالصلاة وتاديبهم عليها لما فوق العاشرة من العمر اما من هم دونها امرنا بحثهم وترغيبهم فيها فقط .
ثالثا : لمن لديه اطفال بسن المدارس من السادسة فما فوق ارى ان افضل عقاب لهم ((ولا بد ان العقاب والجزاء يجيب نتيجة وفائدة للولد لا ان يسبب له ضرر بدني ))
انك تشوف اخس مادة ما يدانيها الولد وتقوله
قوم انسخ الدرس 10 ولا 20 مرة ولا تراني بوريك شغلك (( طبعا تقولها وانت موريه العين الحمراء )) صدقوني تلاقي عقبها الولد هاجد 0(( مجربة ))

كلامك عين العقل و احلى شي القصاص عقاب لهم + تمرين لهم على الكتابة

[الوان]

عند العقاب .. انت وشو هدفك

1- هل الهدف انك تبني شخصيته ؟

2- او انك تتخلص من ازعاجه ؟

لأن اساليب العقاب في رقم واحد تختلف عن اساليب رقم 2

و واضح من الردود هدف كل شخص

[التيما]

التنبيه مرة وحدة وما اكررها .. ولو ما تنفذ المطلوب ينحرم من شي يحبه .. وطبعا مكافأت في النجاح ولو ماحافظوا على الألعاب ينحرمون من العاب ثانية ويضطرون يجمعون من مصروفهم عشان يشترون لنفسهم ألعاب ..
في حالة الخطأ وهم لانهم صغار مو ذاك الأخطاء فقط التنبيه بحزم مع نظره عين جادة يفهمونها ويعتذرون وينتهي الموضوع ..

[ابوعلي]

الولاعه :sneaky:

لا تذكرني اخوي بوحارب بالولاعة

كنت قبل اتبع اسلوب الضرب والنارمع بنتي لأنها البجر وندمت على التصرف

والحين اسلوب النظرة الحمرة :waiting:واقصد العين الحمرة مع كم صرخه والامور طيبة

[بوحارب]

لا وانت الصادق الكرسي الكهربائي !!
:anger2:
لا حرام :secret:

ترى ماقصد الحرق بس تهديد من بعيد الا اذا عصبت اخلي الولاعه تمر على صبعه بحركة سريعه :secret:


لا تذكرني اخوي بوحارب بالولاعة

كنت قبل اتبع اسلوب الضرب والنارمع بنتي لأنها البجر وندمت على التصرف

والحين اسلوب النظرة الحمرة :waiting:واقصد العين الحمرة مع كم صرخه والامور طيبة

هههههههههه الله يخليها لك
وانا نفس الشي عندي البكر مسوية لي ازعاج :sneaky:

[بـــاروود]

العقال المرعز زين ياشباب :nice:

[qatara]

مايصلح مع التاليين

لا بما صلح به الاوليين

الدين والخوف من الله وحرمة الغلط

ضربنا وادبنا ولم نكره والدينا

بلا اسلوب غربي بسنا خرابيط يموتون الام والاب
ما يدرون عنهم الابناء
وقد يذكرون الوالدين ببطاقة تهنئه في مناسبه ما

[ام السعف]

مايصلح مع التاليين

لا بما صلح به الاوليين

الدين والخوف من الله وحرمة الغلط

ضربنا وادبنا ولم نكره والدينا

بلا اسلوب غربي بسنا خرابيط يموتون الام والاب
ما يدرون عنهم الابناء
وقد يذكرون الوالدين ببطاقة تهنئه في مناسبه ما

هل بتطول بالك وبتستحمل سؤالي لو قلت اشتقصد بالضبط ؟
:(

[qatara]

هل بتطول بالك وبتستحمل سؤالي لو قلت اشتقصد بالضبط ؟
:(

اختي ام السعف
كلامي هو شرح
وبعتقادي انه واضح
فكيف اشرح الشرح ؟