وين احسن مكان يرشون القار تحت المواتر

[محمد2]

سؤالي لأهل الخبرة من الشباب :
وين احسن مكان لرش القار تحت الموتر. بالنسبة لمواتر الفور ويل ؟
ناس تقول الحماية اللي فالسد . واتصلت فيهم ويقول لي ان هذة طبقة بلاستكية وانا اخابر ان اللي يرشون تحت الموتر (قار اسود وفي منه الخشن والناعم ؟؟ واي نوع احسن الخشن او الناعم )في حد منكم يالشباب اللي لا يهينكم رش موترة عند الحماية(برودكشن) أو اي مكان ثاني

[حسن]

كراج الكرستال يرشلك ماده اسمها ربرايز افضل من القار ولاتذوب مثل القار وهي ايضا ضد العج والراي لك

[محمد2]

كراج الكرستال يرشلك ماده اسمها ربرايز افضل من القار ولاتذوب مثل القار وهي ايضا ضد العج والراي لك

تسلم خوي حسن .
بس هالمادة قار او مثل البلاستيك . يعني اللي عند الكرستال احسن من اللي عند الحماية وما يطير مع مرور ألأيام والغسيل وبكم يسوي لمواتر الفور ويل ؟؟؟؟؟

واتمنى من اخواني اصحاب الخبرة ينوروني في هالشي

[حسن]

هذه ألما ده غير القار ضد العج وبعدين موجوده في السوق تقدر انت ترش الموتر اذا انت فاضي اخبر يرشه الكرستال اعتقد ١٢٠٠ريال للكروزر واكدلك هذه الماده افضل من القار لانها ماتروح وعلي مسوليتي

[تحداني]

شنو يعني القار للسيارات ؟؟
وهاي شنو وظيفته وشنو استخدامه ؟؟


ممكن اعرف


جملكم الله برضاه

[حسن]

القار هو ماده مثل الصبغ بس ثقيل مهب خفيف واعتقد هي مثل القار اللي يخلطونه للشوارع الازفلت البعض يرش شاصي الموتر خصوصا للي يدخل موتره البحر ها عرفتي الحين ولا تبين واسطه هناك

[تحداني]

يدخل موتره البحر " اشدعوه " باخره
اي عرفت .. انا ابي واسطه في مكان ثاني .. وكان هالطلب اختبار لاخواني الاعضاء
لكن مالقيت حد يمد لي يد العون والمساعده .. بس شاطرين يقولون
اعيونه لج اختي
خشمنه لج اختي
ايدينا لج وحزه الحزه كل واحد يسوي نفسه مو شايف


حسافه والله حسافه
خل اشوف هالعيوز شتسوي


جملك الله برضاه

[حسن]

آفا ذا العلم اذا اقدر اساعد اساعد مارد الا اذا الطرف الثاني مامشالي الموضوع هذه شي ثاني الحمد لله الي علي سويته وانتي شوفي والدتنا ست اذا ماسوتلك شي انا حاضر

[محمد2]

هذه ألما ده غير القار ضد العج وبعدين موجوده في السوق تقدر انت ترش الموتر اذا انت فاضي اخبر يرشه الكرستال اعتقد ١٢٠٠ريال للكروزر واكدلك هذه الماده افضل من القار لانها ماتروح وعلي مسوليتي

خوي حسن .
يعني هالمادة احسن من القار (لأن بيني وبينك انا ادور على مادة احسن من القار . واللي عند الحماية اللي فالسد على قولته ان هالمادة اللي يرشها اسفل الموتر مادة بلاستكية ويقول تشبه القار . لكنها مش قار ب3500ريال ويعطيني ضمان سنتين . فما ادري اللي عند الكرستال عليه ضمان . او انت اتشوف ان هالمادة اللي تقول عنها اوكية واشكثر تتم هالمادة عالموتر. عشان كذي انا نزلت الموضوع وحبيت استفسر اذا في مواد ثانية غير القار تنرش اسفل المواتر .
وانت قصدك محل او كراج الكرستال ووين محله بالضبط .