هل في مدارس ودوامات غدا

[استغفرالله]

هل سيكون في الدولة اجازة لسوء الاحوال الجوية كما في الدول المجاورة؟

[البحار00]

ما أظن

تحياتي

[ahsees]

من المفروض يكون فيه اجازه

[الأصيلة]

طبعا لا مافيه إجازة...
مدارسنا على طراز مطور ولا يتأثر بالمطر والبرد والرياح...
فـ مافيه داعي للإجازة...

[المليونير الفقير]

اتوقع اجازه لان الشوارع بتكون زحمة ومافيها جرايد............شدخل

[qatari1]

فيضانات عندنا وأنا ما أدري...

[هجمة مرتدة]

سيول وفيضانات بانكوك وصلت لنا . .

أخبر من شهر بالضبط السفارة القطرية في تايلند تحث رعاياها لمغادرة البلاد . .

الحين أتمنى الغرب يحثون رعاياهم في قطر بمغادرة البلاد . .

حجة وحاجة . . !

[OREO]

اخبر يوم كنا انأجز ،، السبب مياه الامطار كانت توصل لنصف الطاولات في الصفوف ،، لكن احين ماشاءالله و تبارك الرحمن تدخل المدرسه و لا كأن جايها مطر ،،

[القحطاني505]

غيبوهم الله يصلحكم

وخصوصًا طلاب الابتدائية

[R 7 A L]

اذكر بداية الثمانينيات اذا فية اجازة في الاخبار الصبح يعلنون في الإذاعه


اعتقد مافية اجازة
لو فية راح يكون خبر رسمي في الاخبار

[kayed]

بكره اجازه ....... تستاهلون

[القحطاني505]

اذكر بداية الثمانينيات اذا فية اجازة في الاخبار الصبح يعلنون في الإذاعه


اعتقد مافية اجازة
لو فية راح يكون خبر رسمي في الاخبار


هذاك أول أما الحين فالعناد ما يخلونه

[alzbara_qa]

اتوقع لهذا من الافضل بقاء الطلاب في البيت لخطوره الطرق

مثل ماهو مكتوب بالمنتدى : مبروك عليكم الحيا - الشوارع وضعها كارثي !!

http://www.qatarshares.com/vb/showthread.php?t=487408
الواحد لو مخفف بالسرعه ما يضمن السواقيين الثانيين يفقدون السيطره على السياره ويضربون فيك

[bu 3li]

سوء الاحوال الجويه !!!

ماشوف سوء الصراحه .. مطر وخير ياينا على طول قلنا سوء احوال جويه ؟؟
الصراحه ربعنا وبعض المقيمين مبالغين .. خصوصاً امس وقت المطر كل واحد يمشي 40 ومشغل الدنجر ؟؟
على شنو هاي كله مادري

اذكر العام نفس هالوقت كنا في بريطانيا .. الشوارع متعطله بسبب الثلج اللي غطا الشوارع والارصفه
حتى العالم يمشون ويدعمون فالارصفه من كثر الثلج مايشوفونها لكن الحياه كانت عاديه عندهم
ويوم وقفت المواصلات استمر العمل والدوام اليومي لكن يوم زاد الثلج عليهم سكروا كل شي
الصراحه شعب شغول ومكافح ومايتعطلون .. الفال لنا بس بدال ماندور الراحه من اول قطرة ماي

[سهم سهم]

عادي غيبو اليهال

[omega]

مافي أجازة

[ضوى]

اييييييه على ايام السبعينات ، نسمع خبر الاجازة من الصبح في الراديو

اييه الله على هذيك الايام

[الـخـالـدي]

سيول وفيضانات بانكوك وصلت لنا . .

أخبر من شهر بالضبط السفارة القطرية في تايلند تحث رعاياها لمغادرة البلاد . .

الحين أتمنى الغرب يحثون رعاياهم في قطر بمغادرة البلاد . .

حجة وحاجة . . !

حلم ابليس فالجنه .. صدقني تشوف الدوحه فاضيه .. هههههههه

[دلة الرسلان]

استودعتهم الله وأرسلتهم لمدارسهم علشان يحسون بتغير الجو كله مخششين في ها البيوت

خلهم يتفاعلون مع تغير الطقس وأن كانت بس مسافة الطريق :)

[@north_star@]

ما شاء الله الجو حلو والامور طيبة بإذن الله وما اعتقد في حاجة للاجازة أصلا ..أهم شي نلبس عيالنا ملابس ثقيلة تحميهم من البرد

[قلب قطر..!]

لا هناك دوام :d

[fhd4]

لا صعبة ...

لأن عندنا أفضل شبكة لتصريف مياه الأمطار في العالم .. والأكثر تطورا من نوعها في المنطقة ...

[روعة الجوري]

المدارس فعلا على الطراز الحديث لكنها تسرب من السطح

ولوكرات الطلاب يصيدها ماي احيانا وتخيس كتبهم

حتى لو الصف فالدور السفلي تلقى الماي طافح من تحت الفينيل والليتات ما تشتغل

مدارس اي كلام

[حراير قطر]

لا صعبة ...

لأن عندنا أفضل شبكة لتصريف مياه الأمطار في العالم .. والأكثر تطورا من نوعها في المنطقة ...

هههههههههاي

اي مبين تعال شوف دوار المرخية وبتعرف افضل تصريف في العالم :sneaky:

[بوشمس]

أعتقد ألحين المدارس ماتدقق على الحضور والانصراف بالعربي خل الاجازة من عندك