التقاعد = الموت " مدفون بالحيا "

[alqasmi]

السلام عليكم ..

في موضوع يدور في بالي من فترة الا وهو التقاعد ووضع المتقاعديين عندنا حبيت اخذ رايكم
طبعا العنوان هو التقاعد = الموت انزين ليش
الاسباب :
من يتتحول على التقاعد طبعا نص الراتب يروح علاواتك اتروح واتم على الاساسي والعلاوة الاجتماعيه انزين ليش اتشيل علاوة بدل السكن يعني المتقاعد مو لازم يسكن ولا خلاص ؟؟

شنهي امتيازات المتقاعد طبعا ولا شي البنوك ماتعطيه قروض مع العلم ان المتقاعد راتبه مضمون طيب ليش ماتعطيه قرض يمكن يبي يفتحله بزنس او شي يعوض فيه اللي راح من راتبه يبي يبني , يبي يعيد تاثيث بيته , يرمم بيته , يشتري سيارة ليش كل هالحرمان ؟؟

في اوروبا وامريكا المتقاعد عندهم يحصل امتيازات وخصومات عشان يعيش حياة كريمة ولو اتشوفونهم من يتقاعدون يفتلون ويدلعون نفسهم ليش هالشي مايصير عندنا ؟ الحمدالله احنا في خير ونعمة ليش ندفنهم بالحيا

[R 7 A L]

كان الله في العون

بس عندي تعليق اخوي
1- المتقاعد يستطيع ان يعمل ( اعرف ناس شغالين في مدارس مستقلة وفي شركات قطرية مساهمة )

2- المتقاعد يستطيع ان ياخذ قرض من البنك ( البنوك الاسلامية يشتري سيارة او اسهم ويبيعها ويحصل على المبلغ )


وشكراً

[alqasmi]

مشكور اخوي على ردك ,,
المتقاعدين العساكر خلوهم يشتغلون في المستقلات قبل اما المتقاعد من وزارة التربيه مابيخلونه يشتغل

اما عن البنوك اخوي انت متاكد ان البنوك الاسلاميه تعطيه لان بصلااحة اللي اعرفه ان البنوك ماتعطي قروض للمتقاعديين

وارجع واشكرك على ردك ومرورك

[الحاقول]

طريقة التحول الى التقاعد عندنا خطأ

انت جالس في مكتبك يقولك المدير خلاص روح ع البيت

شئ يقهر بدون سبب تتحول على البند المركزي ثم التقاعد

من كم يوم اقول حق واحد من الربع عمره 40 سنه

اخبارك بعد التقاعد شان يقول جالس في البيت

انتظر الموت

[alqasmi]

الله يبعد عنه الموت وان شاء الله الله يرزقه بالخير

[الصغيره]

مسكين المتقاعد
وخاصه ان كان تابع مؤسسه تخيلوا حتى مراجعاته وفايله الصحي في المركز التابع لعمله يكنسسل ويحول على الحكومي لانه خلاص تقاعد وين قانون المتقاعدين ترى ذولا الاساس لكل خير

[كازانوفا]

نيالهم الاوروبين عايشن الدنيا بطولها وعرضها وبدون تذمرررر

[قطري2012]

في الدول الغربيه الواحد تبدا حياته صح بعد التقاعد
ياخذ عيوزه معاه ويلف العالم والراتب ما عليه كلام
لا وزيدكم من الشعر بيت يشتري مزرعه ويربي خيول :tease:

[kitmat]

ياريت ناخذ الراتب الاساسي والعلاوة الاجتماعية كاملين انما يقتطع منهم مبلغ كبيرجدا

[R 7 A L]

مشكور اخوي على ردك ,,
المتقاعدين العساكر خلوهم يشتغلون في المستقلات قبل اما المتقاعد من وزارة التربيه مابيخلونه يشتغل

اما عن البنوك اخوي انت متاكد ان البنوك الاسلاميه تعطيه لان بصلااحة اللي اعرفه ان البنوك ماتعطي قروض للمتقاعديين

وارجع واشكرك على ردك ومرورك



انا اعرف انهم ياخذون قروض بس من اي راتب ما ادري هل هو التقاعدي ولا الراتب الجديد

[عضو دائم]

موضوعك جيد ويستاهل النقاش ..

مع الاسف قانون المتقاعد عندنا مجحف الا ابعد الحدود ولاينصف المتقاعد بل العكس اذلال مابعده اذلال .. تخيلو سين من الناس اعرفه ... خدم 24 سنه تحول راتبه الى هيئة التقاعد والمعاشات
لما جاوا الجماعة في الهيئة بمشون راتبة لقوا خدمته 24 وعمرة 42 سنه قالو له القانون بخصم منك حق الــ 18 سنه المتبقيه من الــــ 60 سنه وخصموا من راتبه الاساسي 36 % من الاساسي لان 18*2 = 36% لو تدرون كم بقى من راتبه .. والله حتى مايغطي مصاريف شهر لعائلة تتكون من شخصين .. مع انه يعيل عائلة كبيرة والله يكون في عونه .. وشكــــراً على طرح الموضوع

[alqasmi]

تسلمون يا اخوان على الردود ..

بصراحة هيئة التقاعد ظالمه بقوانينها ياخي اقل شي خلو بدل السكن

واذا كنت في شركة خاصه خذ التبهدل يجمعون راتبك الاساسي خلال 5 سنوات وياخذون المتوسط انزين ليش ماتعطيني اخر راتب اساسي خذته .؟

[Qtr95]

ومن ذلك سحب التامين الصحي من موظف المؤسسه هو وعايلته

[رجل مثالي]

السلام عليكم ممكن الدولة تساعد المتقاعدين في حصولهم على رواتبهم كاملة

بعد التقاعد كهدية له بعد سنوات الخدمة الطويلة وسلامتكم

[alqasmi]

كل شي ممكن لكن نظام التقاعد عندنا بصراحه تعبان ويظلم المتقاعد وايد