الحرب العالميه الثالثه في قطر

[قلب قطر..!]

السلام عليكم

اليوم انا عندي موضوع لفت انتباهي وشدني

لانه لايحتمل بصراحه ...



سؤال هل احنا في حاله تاهب وحرب فعلا !!!

ليش دائما تاخذون المواضيع والنقاشات بطريقه حرب جنود ضد بعض

(( حزب بنات )) و (( حزب شباب ))

ليش ماتفكرون بطريقه ايجابيه بدل السلبيه


ليش اهانه الاشخاص والتقليل من شأنهم والحط من رأيهم ؟؟؟

ليش تضربها انت

وليش تخلعينه انتي

(( موضوعين يعتبرون نقطه في بحر من مواضيع الحرب ولكنها احدثها ))

ليش مانعيش بسلام

ليش دايما احنا في حاله استنفار في هذا المنتدى ومستعدين للانقضاض والهجوم المباغت

...

خلونا نتناقش بدل شد الاعصاب

اخذ رايها

تاخذ رايك

ونحل المشاكل ونبني مستقبل افضل

بدل مانزيد الامر سؤ

اتمنى نفكر ونحكم العقل قبل لانكتب اي رد

بدل ماتاخذنا الحميه كلن يميل لجنسه

والسموحه طولت عليكم ،،،

لكم جزيل الشكر اذا عجبكم الموضوع

ولكم فائق الاحترام لو ماعجبكم '

والسلام ختام ^_^

[@north_star@]

والله فعلا مثل هالمواضيع ترفع الضغط وتنتهى بالهواش بين الاعضاء ونتمنى نشوف حوارات أرقى وأهدى ليستفيد الجميع .... ويعطيج العافية على الموضوع القيم

[بلوتنيوم]

ليست حرب
بل مشاكسات برئية
واحيانا غير برئية :)

والسلام ختام ^_^

[بـنـت ڪرز]

ههههه بالضبط ! :)

الحين كلهم بيجونك اهني وبيقولون "اي والله ليش مانسوي وليش مانبني وليش نتهاوش"

وهم أول المحاربين

[qatarman8008]

ليست حرب
بل مشاكسات برئية
واحيانا غير برئية :)

والسلام ختام ^_^


هذي هي الحقيقة بكل اختصار...

[بـــــــنت النوخـّــــذه]

وليش المراقبيين وطاقم الطيارة اقصد الإداره يسمحون بهذه المواضيع الاستفزازية

لو هي بتقدم باسلوب عقلاني ومنصف للطرفين حلو اما تحدي عاد يستحملون ^_^

وشكرا"

[دااانة قطر]

الفرااغه وماتسوي

[قلب قطر..!]

والله فعلا مثل هالمواضيع ترفع الضغط وتنتهى بالهواش بين الاعضاء ونتمنى نشوف حوارات أرقى وأهدى ليستفيد الجميع .... ويعطيج العافية على الموضوع القيم

انا بعد اتمنى الارتقاء وحسن اداره الحديث من قبل الاعضاء

يعطيك العافيه


ليست حرب
بل مشاكسات برئية
واحيانا غير برئية :)

والسلام ختام ^_^


البريئه فهمناها

اما الغير بريئه هل تقصد بها التجريح ؟

لاهنت اخوي


ههههه بالضبط ! :)

الحين كلهم بيجونك اهني وبيقولون "اي والله ليش مانسوي وليش مانبني وليش نتهاوش"

وهم أول المحاربين

لا اختي اطمح انهم يتغيرون فعلا ومايكون بس كلام

لاعدمناج يالغلا

[قلب قطر..!]

هذي هي الحقيقة بكل اختصار...

شاكره تواجدك المختصر


وليش المراقبيين وطاقم الطيارة اقصد الإداره يسمحون بهذه المواضيع الاستفزازية

لو هي بتقدم باسلوب عقلاني ومنصف للطرفين حلو اما تحدي عاد يستحملون ^_^

وشكرا"


عدل كلامج يالغلا وماقولج لا في بعض الاعضاء فعلا اسلوبهم استفزازي

بس لازم كلنا نتجه للحوار السليم ومب بالطريقه اللي نشوفها في بعض المواضيع

محد يسمع الثاني كلن يسمع رايه فقط

محد يقول رايج انتي صح ولا راي العضو الثاني صح

لا كلن يتمسك برايه ومايغيره وهالشي غلط طبعا لان ماراح يكون فيه ايجابيه الحديث


الفرااغه وماتسوي

هههههه

احيانا يكون كلامج صحيح

احيانا العمر يلعب دور بعد

يعطيج العافيه

[مابدل العادات]

المشكله الله يسلمك موب في الي يردون على المواضيع

المشكله من الي كاتبهم اصلا والله أعلم وش نيته

مع انه واضح وضوح الشمس النوايا من خلف هذه المواضيع

فاأتمنى من الإداره انها ماتسمح بمثل هاي المواضيع الي تسبب حساسيه مالها داعي ابدا وتعطي انذارات حق اصحاب هذه المواضيع وتطرد الي يدخلون بنكات ثانيه فقط للشوشره وزراعة الفتنه

[intesar]

يحلات المشاكسات في هالمنتدى..

[توشيبا]

اذا كان الموضوع ابتزازي ماذا تتوقع من الردود

نرتقي بالمواضيع الهادفه والمفيده وابشر بالفائده من الردود

[qatara]

اختلاف الراي لايفسد للود قضيه


لعل وعسى كلمه طيبه او نصيحه لشخص يستفيد منها الاخر

[تغلبية]

" الحكمة ضالة المؤمن، أنى وجدها فهو أحق بها "

من أراد الحكمة فسوف يعتصر مصادرها ليكسب رحيقها ..

سواء كان العنوان استفزازي .. والا الموضوع محرض ..... أو غيره من أنواع المواضيع المطروحة



ومن أراد "المعاياه" لذاتها فهي له .. وأكثر سجال المنتديات معاياه عالفاضي علشان كل واحد يفرض رايه وبس !

ومن أراد أن يضيف فكرة وياخذ فكره ويتشارك الافكار ويصبح لدى الجميع بدل الفكرتين مجموعة أفكار .. فهي له أيضاً ..

كل واحد وهدفه من تواجده بالمنتدى

ويعطيك العافية على الموضوع ...

((شكيت لوهلة إن قواعد حربية جديدة جات الدوحة)) :eek5::p

[حليتان*]

المشكله ان هالمواضيع مامنها فايده ولا عايده :tease:

[أسرع متين]

انا عن نفسي احب هالمواااااضيع اللي عن البنات والشباب

عن نفسي دوووووووم وكل يوم اتناقش مع عماتي وخلاتي واختي والوالده

كل يوم لازم امر عليهم كلهم عقب ما اخلص الجامعه اتناقش معاهم وينتهي الموضوع اني انطرد من البيت << بخصوص

ياخي مادري ليش احب انرفز البنات هههههههههههههههههههه

وبعدين ياخي صج ترى الحين البنات "بنات هالايام" ياخي غزوووهم الغرب بتفكيرهم الغربي

على بالهم في مساواة " يا اختي يا عزيزتي مافي مساواة بين الرجل والمرأة " الرجال قوامون على النساء

المشكلة مادري وش في عقول بناتنا احسهم ينقهرون من هالشي " طيب يا بنت الناس" هذا مب كلامنا

" كلام الله " ربي وربكم

ترى انا لو بتكلم فهالموضوع مب مخلص

بس مابي بنت ترد علي بخليها تنرفز هههههه

[بوحارب]

احلى شي المشاكل في المواضيع تطلع فيها اخلاق الطرفين وكلن تبين حقيقة ^^

بعدين لازم اكشن شوي في المنتدى مب كله هدوء ملل :(

[Arab!an]

حسب فهمي تطرح هالمواضيع وتناقش في اطار المشاكسة لا اكثر ..

[ارين]

احلى شي المشاكل في المواضيع تطلع فيها اخلاق الطرفين وكلن تبين حقيقة ^^





صدقت يا بوحارب ..

تذكرت كلمات قرأتها في توقيع لأحد الأعضاء وهي ...

" إننا بحاجة للخلافات أحيانا لمعرفة ما يخفيه الآخرون في قلوبهم "

أحيانا حط تحتها عشر خطوط .. أحيانا وليس دائما