بالنسبه للقرميد الايطالي!!

[PGR]

السلام عليكم ,,, حبيت اسأل بالنسبه للقرميد الايطالي ,, انا لقيت محل يبيعه اب 60 ريال ومحل يبيعه اب 90 ريال الاثنين ايطاليين بس شركات مختلفه ,, كيف اقدر اعرف الافضل وهل يتشابهون ولا في شركات معروفه ؟؟

مشكورين مقدما

[@north_star@]

انت تقصد القرميد اللي لونه عادي يعني الفخاري اللي بدون لمعه؟

[PGR]

انت تقصد القرميد اللي لونه عادي يعني الفخاري اللي بدون لمعه؟

انا اتكلم عن اللي فيه كم لون مع بعض

[OREO]

انا اتكلم عن اللي فيه كم لون مع بعض

خذ نصيحه من اخوك ،،

من فتره بسيطه( من اربعة شهور ) خذت قرميد اسباني حروة الـ٩٠ ريال للمتر و كلفني كامل حوالي ٦٥ الف و من غير التركيب لان عندي الكميه كبيره ،، بعد التركيب لاحظت ان القرميد ما يتساوى مع بعض و القرميد يتكسر من ضرب المطرقه يوم تبي تثبته بالمسمار ،،

حالياً افكر اشل القرميد كامل و اطلب من جديد لان الفجات اللي بين القرميد كثيره و مهب ثابته ،، فلذا خذ القرميد اللي مصبوب صب كوبي بيست اللي كأن مقصوص باليزر ( مجرد وصف لان ما يقصونه بالليزر ) ،،،

و ارشح لك محل التيماء و عندهم اسباني على ٩٠ ريال و اخوي مركب من عندهم من ستة شهور و الفرق اللي بيني وبينه هو ماخذ اسباني بو ٩٠ ريال و صبه نظيفه و انا ماخذ بو٩٠ ريال كأن صابينه في مصنع الطابوق :weeping: و ما كنت ادري ايش السالفه لكن احين تعلمت و لا تغلط هذه الغلطه اخوي ،،، هذه نصيحه لوجه الله لا تقط فلوسك هدر ،،،

نسيت اذكرلك ليش السعر يفرق .. السعر يفرق عشان كذا شي ،،

١- مصدر القرميد ،،

٢- بولمعه او لا ،،

٣- خامة القرميد نفسه و تقدر تشيك عليه و تشوف اذا الطين اللي مسوين منه نظيف او لا ،، لان بعض انواع القرميد تشوف الطين مهب منسجم و هذا يسبب لك مشكله لان وقت التركيب مع اي ضربة مطرقه او تسكيرة البرغي و تثبيته ع الخشب راح ينكسر القرميد و يتفتت اجزاء منه ،، فلذا حاسب اخوي من النقطه هذه ،، طبعا اذا تبي تفرق بينهم ،، النوع الرخيص اذا مسكته و كسرت جزء منه راح تشوف كأن طبقات و هش ،، اما النوع الجيد راح تبين الكسره مثل القزاز ،،،

٤- سماكة القرميد ،، السماكه تلعب دور و خاصه وقت التركيب و النقل ،، لان اذا طلبت و خاصه اللي بالحجز و يجيبونلك من برا ،، اذا شفت القرميد خفيف و ضعيف لا تاخذه لان لين يوصلك ما تشوف الا نص القرميد مكسور و الخ ،، و طبعا صاحب المحل يعوضك تقديري بكميه ثانيه و ما تسوى عليك ،، و يوم التركيب لازم يكسرلك العامل و خاصه و هو ينقلك القرميد فوق المبنى و الخ ،، فحاسب و خذلك النوع السميك و قوي

[PGR]

مشكور اخوي وماتقصر بالنسبه لنصايحك باخذها في الحسبان جزاك الله خير

[@north_star@]

اللي فيه كم لون مع بعض مثل الكلاسيكي واللي يبين قديم بس عند التركيب شكله حلو وعلى العموم اذا بغيت نفس هالنوعيات موجوده عند الدرويش طريق سلوى والاسعار اعتقد من 120 ريال للمتر وفوق بس على الاغلب بيكون على الطلب لانه في اكثر من موديل ....والشغلة مب بالوزن لانه القرميد المظبوط بيكون اصلا مصنوع من الفخار وماخذ وقته بالافران والنوعيات الي ذكرها اخونا اوريو الي تتكسر بسرعة وتتنتف لقطع صغيرة هذا بيكون مخلوط نفس الطين وهو النوع الهندي وتحمل تاخذ منه .....

واهم شي غير النوعية هو الي يركب اذا ما كان شغله مظبوط بيخترب منظر القرميد حتى لو كان من احسن النوعيات وبالتوفيق ان شاء الله

[درع الوطن]

أنا حصلت إيطالي على 40 ريال .. فخاري ...
لايكون مضروب

من بعد أذن صاحب الموضوع ....
وين أحصل حد يركب لي قرميد ؟... ويكون شغلة مضبوط ...

والله يعطيكم العافيه جميعاً

[PGR]

يعطيكم العافيه ، مشكورين وبالتوفيق للجميع