اكثر الشعوب اجازات في العالم ..منقول

[كازانوفا]

هل تعلم أن اليابانيين أكثر شعوب العالم المتقدم حرماناً من العطلات ،

اذ لا يتعدى متوسط اجازاتهم تسعة أيام في العام

بينما الفرنسيون هما أصحاب النصيب الاكبر من العطلات

بمتوسط يبلغ 34.5 يوم سنوياً.

وتمنح الولايات المتحدة العاملين ثاني أقل عدد من العطلات سنويا

بمتوسط 17 يوماً يأخذ معظم العاملين منها 14 يوماً ،

ويمنح النيوزيلنديون 19.5 يوم سنوياً يستهلكون منها نحو 17

بينما يستخدم الاستراليون 16.5 يوم تقريباً من اجمالي العطلات وعددها 20 يوماً.



مساكين يا اليابانيين

صدق أنكم شعب محروم من الراحه

تهجولون في ذا الدنيا لا راحه ولا نوم ولا فلة حجاج

علشان تقدمون اختراعات تفيد الانسانيه

همن بتموتون واللي ما اسلم منكم بيخلد في النار

وخلوا الانسانيه وسوني ومتسوبيشي وتويوتا تنفعكم



اقول خلوكم مثلنا بس

والله ياالانسانيه ما قامت ولا قعدت عندنا

فالين ام الحياة.. اجازات ونوم وتسدح وتبطح ولله الحمد والمنـّه





شوفونا ايام السنه 365 واجازتنا 355 يوم





الموظفين..شهر أجازه نظاميه و10 ايام اضطراريه

و3 شهور تروح ما بين اجازاة وفاة والديه وعمانه وعماته وخواله وخالاته

وامهاته من الرضاع وابوانه من الرضاعه واصدقاه من الرضاع



الموظف السعودي هو الوحيد في العالم اللي تتوفى له 12 جده و12 جد في السنه..

ومنها شهرين استئذانات من المدير علشان يجدد الرخصه والاستماره

ويضيف ولده في دفتر العائله ويسجل ولده الثاني في المدرسه

ويطلع ولده الثالث من مرورالناصريه ..

و55 يوم يطلع من الدوام يبلغ الشرطه عن شغالته المنحاشته





و3 شهور اجازات مرضيه منها شهر ونص في السنه

اجازات خلع اسنان .. تماسيح مهوب موظفين

وبعدين مدري وش ذا الاسنان اللي يخلعونها وتنبت ..



تصدقون يا جماعه ان بعضهم يكون باقي عليه ويتقاعد سنتين

ويجيب اجازه مرضيه بسبب خلع ضرس عقل

واللي موقع الاجازه طبيب نساء وولاده





والطلاب والطالبات اجازات الصيف 3 شهور

ومعها مكرمه من اهالي الطلاب نص شهر

واجازة حج 20 يوم

معها مكرمه 10 ايام من اهالي الطلاب والطالبات



و10 ايام اجازاة نص سنه

ومعها 15 يوم مكرمه من اهالي الطلاب والطالبات



واجازة ربيع ومعها 15 يوم مكرمه من اهالي الطلاب والطالبات

واجازات امطار واجازات غبار

وغيابات بسبب الانفلونزات

وغيابات للطلاب بسبب هزايم فرقهم..

واللي مسكوه المرور وخلوه يفك انوار الزينون

وعلم ابوه ولعن جدفه ..وتعبت نفسيته



وغيابات للطالبات بسبب نفسياتهم تعبانهم ..



واسباب تعب نفسيات البنات متعدده

اللي قصت شعرها وطلع وع

واللي محد عطاها وجه على البي بي

واللي طلعت لها حبة شباب في خشمها

وقاعده طول الليل تراقب ذا الحبه لين تعبت نفسيتها ..

ميسي مهيب حبة شباب

الزبده أن الطلاب ما يصفى لهم من دراسة ال8 شهور الا 18 يوم



اما المدرسات والموظفات فحدث يا اها بس ولا حرج

اجازات مثل الاجازات الرسميه للطلاب والطالبات

واضيفوا لها اجازات مرضيه اثناء الحمل

واجازات نفاس ممكن توصل ل 3 شهور

عشان كذا ذا المدرسات هم اكثر من يحمل ويولد

بزعمها انها بتكثر امة الاسلام وهي تبي تتبطح وتتسدّح



طبعا اضافه للاجازات المرضيه بانواعها

المدرسه تراجع كل التخصصات الطبيه علشان تجيب منهم اجازه

اسنان وانف واذن وباطنيه وبوليه وجلديه ونساء وولاده

وعظام واصابات ملاعب



وأجازه علشان فيها ضيقه وشاكه ان منظوله

على طاري الضيقه ..

قسم لو للرقاة الشررعيين صلاحيات منح اجازات مرضيه

ان ما تلقون مداوم في مدارس البنات الا البواب والفرّاشه و5 طالبات دافورات



نرجع لمحور حديثنا ..

وغياب بعض ايام الاربعاء لانها بتروح لزواج

ولازم تمسك سرا عند الكوافيره من الضحى



واجازه مرضيه بعض ايام السبت لانها كانت عازمتن حمولتها وتعبت

مع ان حمولتها كانوا عندها يوم الاربعاء ..

الحين الشغاله هي اللي تتعب والمدرسه هي اللي تاخذ اجازه!!! :sneaky:

[@north_star@]

يا حظهم هاليابانيين ههههههههههههه وشكرا على النقل

[كازانوفا]

على ايش يا حظهم محرومين الجماعه من الاجازات ..
حياك يا النورثي

[التميمي 3]

هههههههههههههه
حلوه منك

[كازانوفا]

هههههههههههههه
حلوه منك


حيااااااااااك:nice:

[فيصـــل]

يقولج الموظف القطري هو الوحيد اللي ياخذ اجازة قبل الاجازة ولازم يريح بعد الاجازة

الله المستعان

:whistling:

[للصبر اخر]

هههههههههههههههههههه

احنا اجازتنا يذلونا عشان يعطونها
ومن تاخذها يتصلون لك يقولون تعال في شغل
الله المستعاان

[كازانوفا]

يقولج الموظف القطري هو الوحيد اللي ياخذ اجازة قبل الاجازة ولازم يريح بعد الاجازة

الله المستعان

:whistling:

هههههههههههههههههههههههههههههههههههههههههههههههههه ههههههههه
حلوه هاي
شاكره مرورك

[كازانوفا]

هههههههههههههههههههه

احنا اجازتنا يذلونا عشان يعطونها
ومن تاخذها يتصلون لك يقولون تعال في شغل
الله المستعاان



اكيد تشتغل مهندس لانهم اكثر فئه مساكين مش متهنين باجازتهم الا بحاله وحده
لو كنت ماخذ اجازتك وطالع فيها بره البلد راح يتاكدو انو ما في امل انك تجيهم بسرعه

شاكره مرورك :)

[أخت التفاؤل]

نسيتي بعد .. في اجازة عندهم مكرمة من الملك كل سبت خخخخخخخ

أنا اجازتي 3 ايام في الأسبوع
هع ومافي مانع اغيب بعد يوم اذا حسيت اني مقصرة في دراسة الجامعه

[كازانوفا]

نسيتي بعد .. في اجازة عندهم مكرمة من الملك كل سبت خخخخخخخ

أنا اجازتي 3 ايام في الأسبوع
هع ومافي مانع اغيب بعد يوم اذا حسيت اني مقصرة في دراسة الجامعه

هههههه حلوه

[sara jsm]

شوفي اختي ,, لو الشخص يفكر بمدى اهميه احترام شغله,,
ماراح يفكر ياخذ اجازات بايخه مثل الامثله اللي ذكرتيها ,,
تحيه للشعب الياباني العظيم :)

[كازانوفا]

شوفي اختي ,, لو الشخص يفكر بمدى اهميه احترام شغله,,
ماراح يفكر ياخذ اجازات بايخه مثل الامثله اللي ذكرتيها ,,
تحيه للشعب الياباني العظيم :)


هذا انتى قلتيها لووووو بس للاسف انعرف عن العرب بالخمووووووووووول

شاكره مرورك

[عاشق الشهادة]

هههههههههههههههه هذا الي كاتب الموضوع فيه غصه في خشمه :tease:
يوم ذكر اشياء لاتمت بصله بالشعب السعودي :anger2:


شكراً اختي كازانوفا ومساكين اليابانيين 9 ايام اجازة:weeping:

[بوعلي2]

ههههههههههههههه

يعطيج العافيه كازنوفا

[كازانوفا]

هههههههههههههههه هذا الي كاتب الموضوع فيه غصه في خشمه :tease:
يوم ذكر اشياء لاتمت بصله بالشعب السعودي :anger2:


شكراً اختي كازانوفا ومساكين اليابانيين 9 ايام اجازة:weeping:

عشان نعرف ااننا نعيش بنعمه لا يعلم بها الا الله
شعب ليل نهار يشتغل ولا يتذمر اما نحن علىالفاضي والمليان التذمر على لساناا

العفو وشاكره لك مرورك الكريم

[كازانوفا]

ههههههههههههههه

يعطيج العافيه كازنوفا


الله يعافيك تسلم على المرور الطيب :)

[كنترول]

اعتقد هذي الاجازات الرسميه اللي من الدوله يعني بدون الاجازة السنويه للشخص

[كازانوفا]

اعتقد هذي الاجازات الرسميه اللي من الدوله يعني بدون الاجازة السنويه للشخص

بالضبط يا كنترول

شاكره مرورك الكريم