ضرورى بغيت علاج لشقيقه

[سالي 123]

بغيت علاج للشقيقه ضروري او دكتور شاطر :weeping::weeping:

[بـومحمد]

عن تجربه شخصيه لمدة سنه الادويه الموجود مسكنات وتودي الى الادمان عليه وذلك بسب الصداع النصفي (( الشقيقه )) مرض مزمن ومزعج
افضل واسرع حل الحجامه
انا سويت احجامه عند الشيخ عقل والحمدلله شفيت منه تمام ولم يرجع لي اللام مره ثانيه
مكان المركز سوق واقف قريب من مطعم بسم الله
يوجد قسم خاص للنساء
اسم المركز ابو طيبه للحجامه

[بصمة قطرية]

مثل ما ذكر اخوي بومحمد ..
الشقيقه مرض مزمن وماله علاج المسكنات تؤدي للإدمان ..
و أنا حالياً وصلت مرحلة ان ما ينفع معاي الا ابرة ..
كل مرة ادخل المستشفى وآخذ ابرة ..
رحت تايلند وخذت ابر في الاعصاب اللي في الرقبة ..
ما فادت بالعكس تعبتني زيادة ..
كل اللي يعانون من الشقيقه نصحوني بالحجامة ..

[بـومحمد]

الحجامه مافيه الم ولا ضرر وبالعكس تنفع الجسم كامل

[محامية قطر]

شكرا على طرح موضوع مرض الصداع النصفي -الشقيقة- اللي يؤرق الكثيرين
أنا سمعت عن علاج جديد هو ابرة البوتكس
ممكن تسوين عنه بحث في قوقل
بالنسبة للحجامة
أنا جربته من قبل مره وحده بس ما نفع معاي - يمكن لأني جربته بس مره ؟؟ وهل يحتاج لأكثر من مره ؟؟
ممكن حد يفيدنا بتجربته لو تكرمتوا ؟؟
تحياتي

[بـومحمد]

على حسب الي يحجم هوالي يعرف من كمية الدم وتخثره يمكن مره اواكثر
بس علاج جذري

[خزامئ]

انا اسوي الحجامه كل فتره وارتاح عليها من شهرين لين 6شهور تريحني اسوي عند زوجه عقل الي في سوق واقف
اما ابر البوتكس تنفع بس مهي تقطعه حسب الحاله من سنه لين 6 شهور
يمدحون عبير الكبيسي دكتوره تجميل في البحرين
وعادتن الي يسوون البرا يكونون دكاتره تجميل

[بـــــــنت النوخـّــــذه]

اي الحجامه انا سويتها بسبه هالصداع المزمن
بس بعد يرد لك الالم بعد فتره اذا تركت الحجامه

مره قريت ان الشقيقه هونقص اكسجين بالمخ وفي برنامج ياباني جابو علاج توضيحي له استغربت منه صراحه مع ان احنا نمارسه يوميا 00وهو انك مثلا مستقلي على السرير على بطنك ومطلع راسك من طرف السرير على تحت وموطيه لمده 20 دقيقه وترفعه او 10 دقائق واتعد وترفعه اتكرر هالحركه كذا مره باليوم 00 وشوف النتيجه بعد فترة

سبحان لما لما تفكرت بالحركه حصلتها نفس السجود عندنا بس يبيله خشوع وتركيز

الله يشفيك

[مخطط قطري]

الحجامه يبيله اكثر من مرة مش وقت الالم بس يعني اختى روحي عند اطباء الشعبين مثلا في سوق واقف وخليهم يعطونك اعشاب احسن من الابره وحبوب وخرابيط

[طاش]

موجود العلاج بإذن الله لخويا عندهم غرف الضغط لعلاج معضم الامراض بإذن الله اي مرض حتى اصعب الامراض التي يعجز الطب عنها واعرف ناس تعالجوا عندهم من خلال عدة جلسات في غرف الضغط وبدرجة انه راح اتشوف عندهم أطفال يدخلون غرف الظغط يتعالجون وروح لهم لعل الله يكتب لك العلاج وعادي يدخلون اي حد من غير واسطة

[التايه]

موجود العلاج بإذن الله لخويا عندهم غرف الضغط لعلاج معضم الامراض بإذن الله اي مرض حتى اصعب الامراض التي يعجز الطب عنها واعرف ناس تعالجوا عندهم من خلال عدة جلسات في غرف الضغط وبدرجة انه راح اتشوف عندهم أطفال يدخلون غرف الظغط يتعالجون وروح لهم لعل الله يكتب لك العلاج وعادي يدخلون اي حد من غير واسطة

ممكن توضح اكثر اخو طاش

مثل ايش يعالجون ؟

ماذا تقصد بغرفة الضغط؟

وكيف اتعالج عندهم يعني كيف الطريقة؟

وتسلم

[محامية قطر]

لخويـــــــــــــــــــــــــــــا ؟؟؟]

[ام الشهداء]

سلام عليكم بصراحه عن نفسي جرررررررربت كلللل شي من حجامه وابر صينيه وكل انواع المهدئات وابر البوتكس والاعشاب ما نفع معاي شي والحمدلله على كل حال
هو متي ما ربي اراد لي الشفاء سبحانه بيتم الشفاء بس ما يمنع انك تسوي الحجامه لانها فعلا تخفف من الصداع وتنظف الدم والدوره الدمويه وتخفف من النوبات يعتمد على نوع الصداع اللي عندك انا عندي الصداع العنقودي والشقيقه جرب الحجامه مع الرقيه لانه كثير من الاحيان الصداع سببها غير عضوي واستنشاق خل مغلي مع الماي تقريبا سبعين مره يخفف الصداع هذا عن تجربتي وشرب الزنجبيل يشيل اللوعه لو تجيك نوبات الترجيع مع الصداع على طول خذ نص ليمونه وحط عليها شويه ملح يا تمصها او تعصرها على شويه ماي وتشربها وتمضغلك قطعه زنجبيل ها الاشياء في متناول يدك احسن من الادويه ان ما نفعت ساعتها تاخذ
حبوب الزوميق ربع ساعه يختفي الالم مع حبتين بندول والله يشافيك يارب وكل مرضي المسلمين

[بصمة قطرية]

سلام عليكم بصراحه عن نفسي جرررررررربت كلللل شي من حجامه وابر صينيه وكل انواع المهدئات وابر البوتكس والاعشاب ما نفع معاي شي والحمدلله على كل حال
هو متي ما ربي اراد لي الشفاء سبحانه بيتم الشفاء بس ما يمنع انك تسوي الحجامه لانها فعلا تخفف من الصداع وتنظف الدم والدوره الدمويه وتخفف من النوبات يعتمد على نوع الصداع اللي عندك انا عندي الصداع العنقودي والشقيقه جرب الحجامه مع الرقيه لانه كثير من الاحيان الصداع سببها غير عضوي واستنشاق خل مغلي مع الماي تقريبا سبعين مره يخفف الصداع هذا عن تجربتي وشرب الزنجبيل يشيل اللوعه لو تجيك نوبات الترجيع مع الصداع على طول خذ نص ليمونه وحط عليها شويه ملح يا تمصها او تعصرها على شويه ماي وتشربها وتمضغلك قطعه زنجبيل ها الاشياء في متناول يدك احسن من الادويه ان ما نفعت ساعتها تاخذ
حبوب الزوميق ربع ساعه يختفي الالم مع حبتين بندول والله يشافيك يارب وكل مرضي المسلمين

اللي يتعبني اكثر شي مع الشقيقة هو الترجيع .. :(
والالم اللي يصاحبه تشنج في الرقبة ..
راح يفيد الزنجبيل او الليمون ..؟
وصلت مرحلة ادمان للأبر ..
لازم ادخل المستشفى وآخذ ابره ..
مرات آخذ مورفين طبعاً وايد قوية ..:(
ان شاء الله ناوية أجرب الحجامة ..
بس لازم قبلها اسوي اشعه مقطعية للمخ ..
الحمد لله على كل حال ~
الله يشفينا و يشفى مرضى المسلمين ..

[الميزان 1969]

أنا عن نفسي ادمنت حبوب الفولتارين والفولتفاست
بس اذا كان الالم شدييد لازم اروح اخذ الابرة اللي هي اصلا فولتارين

[فيزيائية]

الحجامة وعن تجربة
اختي بصمة...
انا نفس حالتج ووصلت الى الاغماء حتى من شدتها
بس الحمد لله ارتحت مع الحجامة ...
والله يشفيكم اجمعين