سؤال مهم

[wadha-qa]

السلام عليكم


عندي استفسار مهم


القطري اذا هو عسكري بيتزوج اماراتيه لازم ياخذ موافقه ؟؟ لان ما عندنا خلفيه عن هالامور


و السؤال الثاني يروح يسوي فحص الزواج في الامارات ولا ممكن ياخذ النتيجة من قطر و البنت تسوي فحوصاتها في الامارات ؟؟؟

[Bu Rashid]

الف الف مبروووووووك مقدما
بس سووووري ما اعرف الاجابه :)

[خليفـة]

الزواج من مواطنات دول مجلس التعاون لا يحتاج لموافقة
وبالنسبة للفحص الطبي لا بد منه هنيه او هناك

بالتوفيق ان شاء الله

:)

خليفــة

[نورالهدى]

الف مبروك مقدما

[أبو عبدالعزيز]

نصت المادة(1) من القانون رقم (21) لسنة 1989م بشأن تنظيم الزواج من الأجانب.. على أنه:
يحظر على كل قطري أو قطرية من إحدى الفئات المبينة فيما بعد، الزواج ممن ينتمي إلى جنسية أجنبية فيما عدا مواطني دول مجلس التعاون لدول الخليج العربية:
1- الوزراء ووكلاء الوزارات ورؤساء مجالس إدارة المؤسسات والهيئات العامة ونوابهم.
2- موظفو السلكين الدبلوماسي القنصلي.
3- ضباط وضباط صف وأفراد القوات المسلحة والشرطة والأجهزة الأمنية الأخرى ، وذلك فيما عدا الحالات التي تكون فيها الزوجة من الفئات المنصوص عليها في البند (ب) من المادة (3) من هذا القانون ، وبشرط موافقة وزير الدفاع أو الداخلية أو رئيس الجهاز الأمني المختص ، بحسب الأحوال
4- طلاب البعثات الدراسية الذين يدرسون في الخارج سواء كانوا موفدين من قبل الدولة أو كانواً يدرسون على نفقتهم الخاصة.
ويجوز لمجلس الوزراء أن يضيف، بقرار منه إلى الفئات المشار إليها بعض المناصب العامة والوظائف الأخرى تبعاً لمقتضيات الصالح العام.
وفي جميع الأحوال يجوز، بقرار من الأمير وكلما تطلبت المصلحة العامة ذلك، استثناء بعض القطريين أو القطريات المتزوجين بأجنبيات أو بأجانب من الحظر المنصوص عليه في هذه المادة.

[روح الاطلس]

مايحتاج موافقة

والفحص يسويه في الامارات هو والبنت لان كتابة العقد اول شي بيكون في الامارات بعدين يوثقه في قطر

[wadha-qa]

جزاكم الله خيــر ع التوضيح ما قصرتوا :nice:

[@ بوفيصل@]

انا عسكري وماخذ امراتيه

الموافقه ضرووووريه لكتابه عقد الزواج لكن تاخذونها من سفاره قطر في الامارات

والفحص يسوونه الاثنين في الامارات

الله يوفق الجميع

[wadha-qa]

احترنا يعني القانون واضح انا اللي فهمته ما يحتاج و بوفيصيل يقول لازم موافقه ممكن حد يدلنا وين نسال عشان نتاكد

[صــوت قطــر]

احترنا يعني القانون واضح انا اللي فهمته ما يحتاج و بوفيصيل يقول لازم موافقه ممكن حد يدلنا وين نسال عشان نتاكد


الأفضل يسأل مكان دوامه وايش المطلوب منه .. لأن بعض الجهات لها لوائح داخليه ..

وبالتوفيق ان شاء الله

[@ بوفيصل@]

احترنا يعني القانون واضح انا اللي فهمته ما يحتاج و بوفيصيل يقول لازم موافقه ممكن حد يدلنا وين نسال عشان نتاكد

اختي الموافقه شكليه يطلبونها في المحكمه في الامارات

ويصدرها السفير ويوقع عليها في نفس اليوم

انا ملجت في بيت اهل زوجتي والملاج قبل مايبدا طلب الموافقه

[@ بوفيصل@]

الأفضل يسأل مكان دوامه وايش المطلوب منه .. لأن بعض الجهات لها لوائح داخليه ..

وبالتوفيق ان شاء الله

اذا يبون يسألون حد يسألون في محاكم الامارات افضل

[كازانوفا]

موفق ان شالله والف مبروك

[مخطط قطري]

تحتاج موافقه من جهتك العسكريه ياذيب وعادي تسوي فحصط همي واهلك اهناك هذاي مافيها مشاكل

[@ بوفيصل@]

تحتاج موافقه من جهتك العسكريه ياذيب وعادي تسوي فحصط همي واهلك اهناك هذاي مافيها مشاكل

اذا بياخذ من دول الخليج مايحتاج موافق من العمل حتى لو جهه عسكريه

[wadha-qa]

يعطيكم العافيه صحيح كلامك اخوي الجهه العسكريه قالت ما في اي مانع اذا البنت خليجيه

و الفحص هنا بس لازم يتم تصديقه في وزاره الصحه و الخارجيه